30, ఏప్రిల్ 2019, మంగళవారం

సమస్య - 3002 (లోఁతుఁ దెలియ...)

కవిమిత్రులారా,
ఈరోజు పూరింపవలసిన సమస్య ఇది...
"లోఁతుఁ దెలియలేరు లోకు లెపుడు"
(లేదా...)
"లోఁతు నెఱుంగ సాధ్యమొకొ లోకులకున్ బలుగాకి మూఁకకున్"

115 కామెంట్‌లు:

  1. వాదు లేయ గలరు బాధించ పరులను
    మంచి చెడుల మాట యెంచ కుండ
    కాకి గోల జేసి కలతలు రేపంగ
    లోఁతుఁ దెలియ లేరు లోకు లెపుడు

    రిప్లయితొలగించండి
    రిప్లయిలు
    1. అక్కయ్యా,
      మీ పూరణ బాగున్నది. అభినందనలు.
      'వాదులాడగలరు..." అనండి.

      తొలగించండి
    2. వాదు లాడ గలరు బాధించ పరులను
      మంచి చెడుల మాట యెంచ కుండ
      కాకి గోల జేసి కలతలు రేపంగ
      లోఁ తుఁ దెలియ లేరు లోకు లెపుడు

      తొలగించండి
  2. ప్రాతః కాలపు సరదా పూరణ:

    తాతల కాలమందునను తప్పులు గానక నాంగ్లపాలనున్
    జీతము భత్యమున్ గొనుచు జీవితమంతయు కాళ్ళుబట్టుచున్
    మూతులు నాకి నాయకుల పూజలు జేయగ దేశభక్తినిన్
    లోఁతు నెఱుంగ సాధ్యమొకొ లోకులకున్ బలుగాకి మూఁకకున్

    రిప్లయితొలగించండి
  3. మైలవరపు వారి పూరణ

    పాతకకృత్యసంచితమొ భాసురపుణ్యసమార్జితమ్మొ ప్ర...
    ఖ్యాతిని పొంద మానవునిగా జనియించితివీవు , కొల్చి ని...
    ర్భీతిని యత్నమున్ సలిపి విష్ణుని జేరు , భవాబ్ధి దాటగా
    లోఁతు నెఱుంగ సాధ్యమొకొ లోకులకున్ బలుగాకి మూఁకకున్ !!

    మైలవరపు మురళీకృష్ణ వెంకటగిరి

    రిప్లయితొలగించండి
  4. సవరణతో,
    శ్రీ శంకరకవిగారికి ధన్యవాదములు.

    కాళవిషప్రభావగతి కర్కశజంతువు నిట్లు బోనులో
    తాళము వేయగా వలెను, దవ్వుల బోవ బిగించి తల్పులన్
    తాళము వేయగా వలెను, తద్గతబుధ్ధి ప్రమోదకారిగాన్
    తాళము వేయగా వలెను ధర్మము నిల్పగ బుద్ధి జీవికిన్.

    కంజర్ల రామాచార్య
    వనస్థలిపురం.

    రిప్లయితొలగించండి
  5. జ్ఞాన తృష్ణఁ గలిగి మానవుండిలలోన
    నెంత చదువ నేమి కొంత మిగులు
    నవధులంచు లేని యంబుధి జ్ఞానమ్ము
    లోఁతుఁ దెలియలేరు లోకు లెపుడు.

    రిప్లయితొలగించండి
    రిప్లయిలు
    1. విరించి గారూ,
      అద్భుతమైన పూరణ. అభినందనలు.

      తొలగించండి
    2. తాతలు నాచరించునవి తండ్రుల మేలొనరించు మాటలన్,
      గోతులుఁ దీసి చాటుగను కోవిదు డంచు కరమ్ము మెచ్చగన్,
      శ్రౌతపురాణశాస్త్రగతసత్యవచస్సుల మర్మమేమిటో,
      లోఁతు నెఱుంగ సాధ్యమొకొ లోకులకున్ బలుగాకి మూఁకకున్.

      కంజర్ల రామాచార్య
      వనస్థలిపురము.

      తొలగించండి
    3. రామాచార్య గారూ,
      మీ పూరణ ప్రశస్తంగా ఉన్నది. అభినందనలు.

      తొలగించండి
  6. అన్ని తెలిసి నట్టి యాఢ్యు డ నేనని
    పలు క లేరు జగతి ప్రా జ్నులి ల ను
    సాధ్య మగు నె జ్ఞాన సాగ ర మ్మున దిగి
    లోతు తెలియ లేరు లోకులెపు డు

    రిప్లయితొలగించండి


  7. నా పూరణ. ఉ.మా
    ** *** *** ****

    ఖ్యాతిని గాంచగన్ శశముదౌ కడు వాడిమి కొమ్ము గడించవచ్చు; ని

    ర్భీతిగ నీదవచ్చు మరి పేరును బొందగ సాగరంబు లే

    రీతి ప్రయత్నమున్ సలుప లేమల సౌమ్యపు
    మానసంపు లో

    లోతు నెఱుంగ సాధ్యమొకొ లోకులకున్ బలుగాకి మూఁకకున్

    🌿 ఆకుల శాంతి భూషణ్ 🌿
    🌷 వనపర్తి 🌷

    రిప్లయితొలగించండి
  8. కబురులెన్నొ చెప్పి, కష్టకాలమందు,
    వెంటరారు నిన్ను అంటబోరు,
    ఊసుపోక యిత్తురుచితంపు సలహాలు
    లోఁతుఁ దెలియలేరు లోకులెపుడు..

    రిప్లయితొలగించండి
    రిప్లయిలు
    1. రామ్ గారూ,
      మీ పూరణ బాగున్నది. అభినందనలు.
      మొదటి పాదం చివర గణదోషం. "కష్టకాలమునందు" అనండి.

      తొలగించండి
  9. జ్ఞాన ముద్ర వైచి సంతుష్టుడై యున్న
    మూలనున్నవాని మూగవాని
    చూచి యతని *లోని* చూపును గనరారు
    లోతు దెలీలేరు లోకులెపుడు.

    రిప్లయితొలగించండి
  10. ఆ: ఎవరి బాధవారె యెదిరింప వలెగాని
    పరులు తీర్చలేరు ధరణి పైన
    సంసృతి యొక పెద్ద సాగర మెపుడైన
    లోఁతుఁ దెలియలేరు లోకు లెపుడు

    రిప్లయితొలగించండి
  11. ( ఆజాద్ హింద్ ఫౌజు స్థాపించి ,జైహింద్ నినాదం మన
    కందించిన నేతాజీని కొందరు నాయకులే గుర్తించలేదు )
    నేతల కెందరెందరికొ
    నేతయెయౌను సుభాసుచంద్రుడే ;
    యాతని కార్యదీక్షయును
    నా జయహిందు నినాదదీప్తియున్
    గేతనమంత జేసినవి ;
    కేవలమానవుగా దలంతురే ?
    లోతు నెరుంగ సాధ్యమొకొ
    లోకులకున్ బలుగాకి మూకకున్ ?

    రిప్లయితొలగించండి
  12. గాడిదైనఁ బెట్టు గార్దభభాండమ్ము
    వేపచెట్టుకేమొ వెలగ గాచు
    మాయలోన మునిగి మహిని సంసారపున్
    "లోఁతుఁ దెలియలేరు లోకు లెపుడు"

    గమనిక: నిజానికి భాండము అంటే గుడ్డు అనే అర్థం కనిపించలేదు. అయినా అసహజమైనదే కదా అని మరలా అలాగే ఉంచేశా...
    😁🙏🏻

    రిప్లయితొలగించండి
  13. పుట్టినట్టి ప్రాణి గిట్టుట నిజమని
    దెలిసికూడ దాను మెలగుచుండు
    దార సుతులు ధనము దనవెంట రావను
    లోతు దెలియలేరు లోకులెపుడు

    రిప్లయితొలగించండి
    రిప్లయిలు
    1. విద్యలెన్నొ నేర్చి విఙ్ఞాన ఖనియైన
      పరమ భక్తవరుడు ప్రాఙ్ఞుడైన
      దాటలేడు భువిని దారుణ మాయను
      లోతు దెలియలేరు లోకులెపుడు

      తొలగించండి
    2. సీతాదేవి గారూ,
      మీ రెండు పూరణలు బాగున్నవి. అభినందనలు.

      తొలగించండి
    3. ధన్యవాదములు గురుదేవా,నమస్సులు!

      తొలగించండి
  14. ఆటవెలది
    వలపు లొలుక బోసి యొయ్యారమును జూపి
    పరపురుషుల మోహ భ్రాంతి గొల్పి
    పైకమంత లాగు వారాంగనల మది
    లోతుదెలియ లేరు లోకు లెపుడు
    ఆకుల శివరాజలింగం వనపర్తి.

    రిప్లయితొలగించండి
  15. అంతరిక్ష మేగి యంతు చూడ గలరు
    కడలి దాట గలరు పడవ లోన
    చేదు నిజమిది మఱి చిత్రమైన మనసు
    లోఁతుఁ దెలియలేరు లోకు లెపుడు

    రిప్లయితొలగించండి
  16. ఆటవెలది
    వలపు లొలుక బోసి వయ్యారమును జూపి
    పరపురుషుల మోహ భ్రాంతి గొల్పి
    పైకమంత లాగు వారాంగనల మది
    లోతుదెలియ లేరు లోకు లెపుడు
    ఆకుల శివరాజలింగం వనపర్తి.

    రిప్లయితొలగించండి
  17. శంకరాభరణం
    30/04/2019 మంగళవారం
    సమస్య

    లోతు నెఱుంగ సాధ్యమొకొ లోకులకున్ బలుగాకి మూఁకకున్

    నా పూరణ. ఉ.మా
    ** *** *** ****

    ఖ్యాతిని బొందుచున్ శశము దయ్యెడు కొమ్ము గడించవచ్చు; ని

    ర్భీతిగ నీదవచ్చు మరి పేరును బొందగ సాగరంబు లే

    రీతి ప్రయత్నమున్ సలుప లేమల సౌమ్యపు
    మానసంపు లో

    లోతు నెఱుంగ సాధ్యమొకొ లోకులకున్ బలుగాకి మూఁకకున్

    🌿 ఆకుల శాంతి భూషణ్ 🌿
    🌷 వనపర్తి 🌷

    రిప్లయితొలగించండి




  18. ఓ ప్రభు! పరలోకమున గల నా తండ్రి!
    కలని నిజము చేయ గలవు నీవు
    నిజము కల్ల యగును నీ తెలివిడిలేక
    లోఁతుఁ దెలియలేరు లోకు లెపుడు!


    Amen

    జిలేబి

    రిప్లయితొలగించండి
    రిప్లయిలు
    1. జిలేబి గారూ,
      మీ పూరణ బాగున్నది. అభినందనలు.
      మొదటి పాదంలో యతి తప్పింది. సవరించండి.

      తొలగించండి
  19. నేత్రి తీరమందు నిలువకుండగ లోన
    దిగిన గాని లోతు తెలియ నటుల
    కార్యమేదయినను కడగుకుండనె దాని
    లోఁతుఁ దెలియలేరు లోకు లెపుడు

    రిప్లయితొలగించండి
  20. ఆటవెలది:
    విశ్వ మందు నున్న విషయమేదైనను
    తెలివి గలిగి యున్న తెలుప వచ్చు
    కోరుకున్న మనిషి గుప్పెడంత మనుసు
    "లోఁతుఁ దెలియలేరు లోకు లెపుడు"

    గొర్రె రాజేందర్
    సిద్ధిపేట

    రిప్లయితొలగించండి
  21. పద్యవిద్యకిలను పట్టముంగట్టగా
    శంకరార్యు తపన సాటి లేదు
    శాస్త్రమెఱుగలేక శంకరాభరణపు
    "లోఁతుఁ దెలియలేరు లోకు లెపుడు"

    మాయలోఁతు నెఱుగు మర్మమదియు లోఁతు
    నాతి మనసు లోఁతు నీతి లోఁతు
    విశ్వమంత నిండు విభునియాంతర్యపు
    "లోఁతుఁ దెలియలేరు లోకు లెపుడు"

    రిప్లయితొలగించండి
    రిప్లయిలు
    1. విట్టుబాబు గారూ,
      మీ రెండు పూరణలు బాగున్నవి. అభినందనలు.

      తొలగించండి
    2. విట్టుబాబుగారూ,మీ రెండవ పూరణ చక్కగానున్నది! అభినందనలు!

      తొలగించండి
    3. గురువుగారూ
      సీతాదేవిగారూ

      ధన్యవాదాలు
      🙏🏻🙏🏻💐💐

      తొలగించండి
  22. కాదన లేక లోకులను కానల కంపెను రామ మూర్తియే
    సీతను గాని యా సుగుణ శీల నొకింతయు శంక లేకనే;
    యాతని ధర్మ రక్షణ దయా గుణమున్ హృదయాంతరంగమున్
    లోఁతు నెఱుంగ సాధ్యమొకొ లోకులకున్ బలుగాకి మూఁకకున్ _/\_

    రిప్లయితొలగించండి
    రిప్లయిలు
    1. సూర్య గారూ,
      మీ పూరణ ప్రశస్తంగా ఉన్నది. అభినందనలు.
      "హృదయాంతరంగపున్ లోతు..." అంటే బాగుంటుందేమో?

      తొలగించండి
  23. ఆ తిమిరంబుకావల మహాప్రభయున్నదనుంచు వారలన్
    నూతన శోధనాపరులు నూరక యుండక తీవ్ర రీతులన్
    ఊతములభ్యమౌనని సిరుల్ బహు పోయ కణంబునందునా
    లోఁతు నెఱుంగ సాధ్యమొకొ లోకులకున్ బలుగాకి మూఁకకున్

    రిప్లయితొలగించండి
    రిప్లయిలు
    1. బాలకృష్ణ గారూ,
      మీ పూరణ ప్రశస్తంగా ఉన్నది. అభినందనలు.
      మూడవ పాదంలో యతి తప్పింది. సవరించండి.

      తొలగించండి
  24. మనిషి మనిషి తీరు మారు చుండు మహిని
    బాహ్య వర్తనమ్ము బాగుగాను
    నరయ గలరు గాని నంతరంగములోని
    లోతు తెలియలేరు లోకులెపుడు

    రిప్లయితొలగించండి
  25. నిండుమనసుతోడనెలవంకధారిని
    బూజజేసిననిలపురహరుమది
    లోతుదెలియలేరులోకులెపుడుసుమ్ము
    భవునకిడుదునతులువందలాది

    రిప్లయితొలగించండి
  26. చూతమటంచుఁ దా మొదటఁ జూరఁ గొనన్, దదవార్యదాసుగా
    బ్రాతిగఁ జేయు నా మదిరపాత్ర, మునుంగు గృహమ్ము సొమ్ము లం
    దాతతకీర్తసంపదలు నాలి సుతాదుల డుంగు ముట్టగన్
    లోఁతు నెఱుంగ సాధ్యమొకొ, లోకులకున్ బలుగాకి మూఁకకున్.

    కంజర్ల రామాచార్య
    వనస్థలిపురము.

    రిప్లయితొలగించండి
  27. లోగడ నేను రచించిన మాధవశతకపద్యానికి, నేటి సమస్యకు అనుగుణముగా పూరణ.

    రిప్లయితొలగించండి
  28. సన్యసించి జ్ఞాన సముపార్జనంజేసి
    వడియగట్టి తుదకు బ్రతుకు సార
    మంత నెరిగె గాని యాడుదాని మనసు
    లోఁతుఁ దెలియలేరు లోకు లెపుడు ౹౹

    రిప్లయితొలగించండి
    రిప్లయిలు
    1. సుందర రఘురామ్ గారూ,
      మీ పూరణ ప్రశస్తంగా ఉన్నది. అభినందనలు.
      'సముపార్జనము జేసి' అనండి.

      తొలగించండి
  29. ఇంద్రు నేలఁ గాంచె నిందుముఖి యహల్య
    లేమ యేలఁ దడసె రేణుకయును
    గర మరసిన నేమి కలకంఠి హృదయంపు
    లోఁతుఁ దెలియ లేరు లోకు లెపుడు


    రాతిని దేవుఁ డుండుటయు రవ్వ యటంచును గేలి సేయుచుం
    జూతు మనంగ విష్ణువును జొప్పడ నెల్లెడ లందు నవ్వుచున్
    గోతినిఁ ద్రవ్వఁ ద్రవ్వ ననుకూలముగా మఱి నేల తల్లి దౌ
    లోఁతు నెఱుంగ సాధ్య మొకొ లోకులకుం బలు గాకి మూఁకకున్

    రిప్లయితొలగించండి
    రిప్లయిలు
    1. కామేశ్వర రావు గారూ,
      మీ రెండు పూరణలు ప్రశస్తంగా ఉన్నవి. అభినందనలు.

      తొలగించండి
    2. పూజ్యులు శంకరయ్య గారికి నమఃపూర్వక ధన్యవాదములు.

      తొలగించండి

  30. చిత్తశుద్ధి లేని శివపూజలు సలిపి
    భక్తి భావ మసలు బడయ లేక
    పుణ్య మడుగు వారు పుణ్యాత్ము మార్గపు
    లోఁతుఁ దెలియలేరు లోకు లెపుడు

    రిప్లయితొలగించండి
  31. జ్ఞాన సాగరంపు గాఢ తెరుంగగ
    భయము నంది నంత పరుగు లెత్తి
    గుట్ట మీద చేరి కూరుచుండగ నెంచ
    లోతు తెలియ లేరు లోకులెపుడు!

    రిప్లయితొలగించండి
  32. ఆటవిడుపు సరదా పూరణ:
    (జిలేబి గారికి అంకితం)

    కోతలు కోసితే విరివి గొప్పక కాశిని మోడివర్యునున్
    భీతును జేతునంతునని;...వీడుచు పారితె డింపులమ్మ! నా
    చేతుల నెత్తి దండమిడి జేజెలు కొట్టెద నీ మనమ్మునన్
    లోఁతు నెఱుంగ సాధ్యమొకొ లోకులకున్ బలుగాకి మూఁకకున్

    రిప్లయితొలగించండి
    రిప్లయిలు
    1. ప్రభాకర శాస్త్రి గారూ,
      మీ ఆటవిడుపు పూరణ బాగున్నది. అభినందనలు.

      తొలగించండి
  33. చేత ము లుల్ల సిల్లు ఘన శేముషి యైన ను పల్క డెయ్యే డన్
    ధీతము లందు గొప్ప యని తేకువ గా మహి లోన నేల నన్
    ఆ తత విద్య లన్ గ రచి యాఢ్య త నొంది యు జ్ఞాన సంద్రపున్
    లోతు నెఱుంగసాధ్య మొకొ లోకుల కున్ బలు గాకి మూక కున్

    రిప్లయితొలగించండి
  34. శ్రోతలుగా మునుల్ వినిన సూక్తులు ఋక్కుల వేదవాఙ్మయం
    ప్రాతదిగాక నెప్పటికి ప్రాఙ్ఞుల నాల్కల నాట్యమాడగా
    మ్రోతలుగా దలంచి దమ మోముల ద్రిప్పగ ధర్మసారపుం
    లోతు నెరుంగ సాధ్యమొకొ లోౌకులకున్ బలుగాకులకున్

    రిప్లయితొలగించండి
  35. మనసులోననొకటి మాటలోవేరొండు
    మోసకారిమర్మ భాషణమ్ము
    నోరునవ్వు చుండ నొసలుతచ్చనసేయు
    లోతుదెలియలేరు లోకులెపుడు

    రిప్లయితొలగించండి
    రిప్లయిలు
    1. ఫణీంద్ర గారూ,
      మీ పూరణ బాగున్నది. అభినందనలు.
      'స-ష ప్రాస' వంటి విశేష ప్రాసల జోలికి వెళ్ళకుంటే మంచిది.

      తొలగించండి
  36. మాతయెశారదాంబనుచుమాతనుగొల్చిననాకృపామతిన్
    లోతునెఱుంగసాధ్యమొకొలోకులకున్బలుకాకి మూకకున్
    నీతసరంబుతోడుతను నీరజనాభునిగొల్వుచోనిడున్
    చేతమునొందగాముదముచేటలనిండుగగాంచనంబులన్

    రిప్లయితొలగించండి
    రిప్లయిలు
    1. సుబ్బారావు గారూ,
      మీ పూరణ బాగున్నది. అభినందనలు.
      'అంబ + అనుచు' అన్నపుడు సంధి లేదు."శారదాంబ యని..." అనండి.

      తొలగించండి
  37. సీతమ్మను కానలలో దింపిరమ్మని పురమాయించిన శ్రీరాముని తో లక్ష్మణుడు...

    ఉత్పలమాల
    మాతను తప్పుబట్ట నొక మార్జుడు కానల కంప జూసెదో?
    భ్రాత! గుణాభిరామ! కన పావని యగ్నిపునీత కాదొకో?
    కూతలుఁ గూసినంతటనె గూళుల నెంచఁగ నేల? ధర్మపున్
    లోఁతు నెఱుంగ సాధ్యమొకొ లోకులకున్ బలుగాకి మూఁకకున్

    రిప్లయితొలగించండి
  38. అందమైనభార్య నాంతర్య మెరుగుట
    పిల్లచేష్టలందు కల్లలణిగి
    యుండునట్లు కాంతయూహలందు
    లోతు దెలియులేరు! లోకులెపుడు!

    రిప్లయితొలగించండి
    రిప్లయిలు
    1. ఈశ్వరప్ప గారూ,
      మీ పూరణ బాగున్నది. అభినందనలు.
      మూడవ పాదం చివర గణదోషం. సవరించండి.

      తొలగించండి
  39. ఇంతి మనసు దెలియ నీశ్వరు జాలఁడు
    కొంత జెప్ప ఘనత కొరత గాదె
    అంతరంగ మరయ, యందని యూహయె
    లోఁతుఁ దెలియలేరు లోకు లెపుడు

    రిప్లయితొలగించండి
    రిప్లయిలు
    1. వరలక్ష్మి గారూ,క్
      మీ పూరణ బాగున్నది. అభినందనలు.
      '... నీశుడు జాలఁడు' అనండి.

      తొలగించండి
  40. ఆటవెలది
    తండ్రిమాట వినక తట్టాల పాలైన
    హరిని మఱువ కుండె నక్కొమరుఁడు
    ముక్తి కొరకు మునుగు భక్తి మహాంబుధి
    లోఁతుఁ దెలియలేరు లోకు లెపుడు

    రిప్లయితొలగించండి
  41. ప్రజల మర్మమెరిగి ప్రణతులిడెదరులే
    బ్రతుకు సారమెరిగి భవ్యముగను
    ఎన్ని కలలలోనయెరిగిమసలుకొన్న
    లోఁతుఁ దెలియలేరు లోకు లెపుడు!!

    రిప్లయితొలగించండి
  42. ఆతత భావజాలమున నద్భుత మైన ప్రధానియై ధృతిన్
    భీతిలు ద్రవ్యరాశి గని వే పలు సంస్కరణల్ ఘటించి తా
    జాతికొసంగె పాలనము సౌమ్య నృసింహుడు వాని యాత్మకున్
    లోఁతు నెఱుంగ సాధ్యమొకొ, లోకులకున్ బలుగాకి మూఁకకున్

    రిప్లయితొలగించండి
  43. చేతులు మోడ్చి మ్రొక్కితిని శ్రీహరి రమ్మిక వేగ ధాత్రికిన్
    బాతక సంచితమ్ములను ధ్వంసము జేయుచు బ్రోవుమా యనన్
    నాతృత తోడ నీదరికి యాతడు వచ్చునె? భక్తి సంద్రమౌ
    లోతునెఱుంగ సాధ్యమెకొ లోకులకున్ బలు గాకి మూకకున్.

    రిప్లయితొలగించండి
    రిప్లయిలు
    1. విరించి గారూ,
      మీ పూరణ బాగున్నది. అభినందనలు.
      'దరికి నాతడు...' అనండి.

      తొలగించండి
  44. డా.పిట్టా సత్యనారాయణ
    చేయు తప్పు కిచట చెందనగును శిక్ష
    నాటి జన్మఫల మనాది యుక్తి
    కర్మ ఫలితమెల్ల గనగ నీ పుడమియే
    లోతు దెలియలేరు లోకు లెపుడు

    రిప్లయితొలగించండి
  45. డా.పిట్టా సత్యనారాయణ
    మోతలకొద్ది పత్రి నిడి "మోమును జూపు శివా!"యటన్న నీ
    చేతలజూచు శంభునికి చెల్లును వర్తన లోని శీలమే
    కోతల గోయగా దగదు గొప్పల కోసమె పూజ?,భక్తికౌ
    లోతు నెరుంగ సాధ్యమొకొ లోకులకున్ పలుగాకి మూకకున్

    రిప్లయితొలగించండి
  46. :ఆడదాని చిత్త మవని నగాధము
    వంటిదనుచు నుంద్రు వాసి గాను
    నంతరంగ మెప్పు డరయం గ లేకనే
    లోతు తెలియలేరు లోకులె పుడు

    వలపు చూపి నంత వాస్తవ మనియెంచి
    నున్నదెల్ల యొసగి నుర్వి యందు
    పాపరు లయి రయ్య వారకాంతల మది
    లోతు తెలియలేరు లోకులె పుడు

    రిప్లయితొలగించండి