10, మే 2019, శుక్రవారం

సమస్య - 3014 (మకరమ్మును...)

కవిమిత్రులారా,
ఈరోజు పూరింపవలసిన సమస్య ఇది...
"మకరమ్మును ముద్దులాడె మగువ కడుఁ దమిన్"
(లేదా...)
"మకరముఁ బట్టి ముద్దులిడె మానిని మిక్కిలి ప్రీతిఁ జూపుచున్"

57 కామెంట్‌లు:


  1. ప్రాతః కాలపు సరదా పూరణ:

    వికటపు కైత జెప్పుచును వీనుల విందుగ హాస్యమాడుచున్
    శకటము వోలు మారుతిని చక్కగ త్రిప్పుచు హైద్రబాదునన్
    నకులుని వోలు సుందరుని నాకొర కిచ్చిన వాడటంచు మా
    మ కరముఁ బట్టి ముద్దులిడె మానిని మిక్కిలి ప్రీతిఁ జూపుచున్

    రిప్లయితొలగించండి
  2. గు రు మూ ర్తి ఆ చా రి
    ,,,,,,,,,,,,,,,,,,,,,,,,, ,,,,,,,,,,,,,,,

    గు రు భ్యో న మః నిన్నటి పూరణ స్వీకరించ మనవి


    సతిని ప్రేమానురాగములతో సుఖింపజేయవలెను , కాని

    శాడిజముతో సంగమించుట దౌష్ట్యమగు నని చెప్పుట



    దూరము నుంచగావలె ఋతుస్రవ మందున | బద్మలోచనన్

    దారకు నర్చనమ్ముల - వ్రతమ్ముల భక్తినొనర్చు వేళ ‌ | శా

    రీరక రుగ్మతన్ బడలు లేమఁ గదల్చగరాదు | చేడియం

    జేరకుమా దినమ్మున , నిశీధిని మాత్రమె కూడుమా | మహో

    దార సరాగ బంధనమె తన్వికి తన్విని గూర్చు | గాని , దు

    ష్ప్రేరక లైంగికోన్మద నిపీడితురాలిని జేయవద్దురా !

    దార సధర్మచారిణి గదా ! దయవీడుచు , హింసవెట్టుచున్

    దారను సంగమించుటయె దౌష్ట్యమగున్ గృహమేధి కెప్పుడున్


    [ తారకు = సమీపించకు ]


    ~~~~~~~~~~~~~~~~~~~~~~~~~~~~~~~~

    రిప్లయితొలగించండి
    రిప్లయిలు
    1. గురుమూర్తి గారూ,
      ఏయే వేళల్లో భార్యకు దూరంగా ఉండాలో వివరిస్తూ అద్భుతంగా పూరణ చేసారు. అభినందనలు.

      తొలగించండి
  3. మైలవరపు వారి పూరణ

    సుకరములౌను మీరెదురుచూచెడి కార్యములెన్నొ , నేడు మీ...
    రొక శుభవార్త విందురు , మహోన్నత కీర్తి లభించు , మీకున...
    ప్రకటిత విత్తలాభమని రాశిఫలమ్ముల జూచి , యందులో
    మకరముఁ బట్టి ముద్దులిడె మానిని మిక్కిలి ప్రీతిఁ జూపుచున్ !

    మైలవరపు మురళీకృష్ణ వెంకటగిరి

    రిప్లయితొలగించండి
    రిప్లయిలు
    1. మకర రాశి ప్రస్తావనతో మైలవరపు వారి పూరణ ప్రశస్తంగా ఉన్నది. అభినందనలు.

      తొలగించండి
  4. అకలంకమైన ప్రేమము
    నికరముగానిడి వరింప నిర్మలపు మదిన్
    సకలము నీవే యని మా
    మ కరమ్మును ముద్దులాడె మగువ కడుఁ దమిన్

    రిప్లయితొలగించండి
    రిప్లయిలు
    1. అన్నపరెడ్డి వారూ,
      మామ కరమును ముద్దాడిన మీ పూరణ బాగున్నది. అభినందనలు.

      తొలగించండి
  5. ప్రకటితవాంఛ లట్లెసగ భర్త తపించుచు సంగమించగన్
    సకియనుజేరి రమ్యసరసాంచితవాక్యవిలాసహేలలన్
    సకలమనోహరాంగముల చారుతరమ్ము స్పృశించ వాని ప్రే
    మకరముఁ బట్టి ముద్దులిడె మానిని మిక్కిలి ప్రీతిఁ జూపుచున్.

    రిప్లయితొలగించండి
  6. రకరకముల సకిలింపుల
    తికమకలే గొల్పునట్టి తియ్యని మాటల్
    ప్రకటించు బావ గని, ప్రే
    మ,కరమ్మును ముద్దులాడెను మగువ తమిన్.

    రిప్లయితొలగించండి
  7. బికిరమునెత్త బికారియు
    మకరమ్మును వీధులందు మరి ద్రిప్పంగాన్
    సుకరములను దెచ్చునట్టి
    మకరమ్మును ముద్దులాడె మగువ కడు దమిన్.
    సుకరములు = దానములు
    (బికారి అనే పదము స్త్రీ లింగం - గా వాడవచ్చు అనుకుంటున్నాను)

    రిప్లయితొలగించండి


  8. తకిటతధిమి! నిలిచెన్ తా
    ను కన్నులే కాచునట్టు, నోచిన మావన్
    ప్రకటింప పెనిమిటిగ మా
    మ కరమ్మును ముద్దులాడె మగువ కడుఁ దమిన్!

    జిలేబి

    రిప్లయితొలగించండి
  9. వికలతనొంద నక్కసుత, విజ్ఞతతోడ వరించ నిచ్చతో
    సుకృతమటంచు నెంచి కడు సుందరుడౌ తన మేనమామయే
    సకలము నీవెయంచు వడి జారగ కన్నుల నశ్రుధార మా
    మ కరముఁ బట్టి ముద్దులిడె మానిని మిక్కిలి ప్రీతిఁ జూపుచున్

    రిప్లయితొలగించండి


  10. ప్రకటిత మైన సత్యమయె ! బాపురె మోజుపడంగ పెండ్లియా
    డ,కపట మేమిలేకయు దడాల్మని ముంగట నిల్చె మీదు మా
    మకరముఁ బట్టి ముద్దులిడె మానిని మిక్కిలి ప్రీతిఁ జూపుచున్
    సకలము సవ్యమాయెనుగ సాక్షిగ నగ్నియె చేర్చ నిర్వురిన్


    జిలేబి

    రిప్లయితొలగించండి
    రిప్లయిలు
    1. జిలేబి గారూ,
      మీ పూరణ బాగున్నది. అభినందనలు.
      'పెండ్లియాడన్ + కపటము = పెండ్లియాడఁ గపటము'... అవుతుంది.

      తొలగించండి
  11. అలమేలుమంగమ్మ శృంగారచేష్ట

    అకలంకమైన ప్రేమను
    బ్రకటింపగ నెంచితాను ప్రాణేశునిపై
    వకుళాంగన ప్రియపుత్రుని
    మకరమ్మును ముద్దులాడె మగువదమిన్

    మకరకుండలమును

    రిప్లయితొలగించండి
  12. (నరకాసురసంహారం కావించి విజయశ్రీవిరాజితులై వచ్చిన
    సత్యాకృష్ణులకు స్వాగతమిస్తున్న రుక్మిణి సాత్రాజితితో )
    " వికలము జేసి రాక్షసుల ;
    వీరము కన్నుల నిండుచుండ గా
    ర్ముకము ధరించి వచ్చితివి ;
    ముత్యపురాశివి ; మమ్ము నందరన్
    వికసితపద్మనేత్రలుగ
    వింతగ మార్చితి " వంచు , సత్యభా
    మకరము బట్టి ముద్దులిడె
    మానిని మిక్కిలి ప్రీతి జూపుచున్ .

    రిప్లయితొలగించండి
  13. సమస్య :-
    "మకరమ్మును ముద్దులాడె మగువ కడుఁ దమిన్"

    *కందం**

    సకలపు పనులన్నింటిని
    చకచక చక్కన పరిచెడు సహచర పతిపై
    నికరముగా జూపెను ప్రే
    మ కరమ్మును ముద్దులాడె మగువ కడుఁ దమిన్
    ......................✍చక్రి
    నికరము : శ్రేష్ఠం

    రిప్లయితొలగించండి
    రిప్లయిలు
    1. చక్రపాణి గారూ,
      మీ పూరణ బాగున్నది. అభినందనలు.
      'సకలము, అన్నింటిని' అనడం పునర్తుక్తి. "సకలములగు కార్యమ్ముల" అనండి.

      తొలగించండి
  14. ఒక పరి నాటక మందున
    చకచక వేషము ను దాల్చి చతుర త జూపన్
    పకపక నవ్వుచు దా భా
    మ కర మ్మును ముద్దు లాడె మగువ కడు ద మిన్

    రిప్లయితొలగించండి
  15. పకపక లాడకు పతిదే
    మకరమ్మను రాశి, పత్ని మక్కువ తోడన్
    చకచక ముద్దిడఁ, జెప్పితి
    "మకరమ్మును ముద్దులాడె మగువ కడుఁ దమిన్"

    రిప్లయితొలగించండి
  16. సీత కన్నా కలువ అందమయినది గాదనుట యుద్దేశ్యము.

    మకరాలయమున మహిసుత
    రకమగు జూపుల కలువను రాముని యడగన్
    యిక బోలవు నిన్నన రా
    మకరమ్మును ముద్దులాడె మగువ కడుఁ దమిన్

    రకము-అందము,ప్రేమ

    రిప్లయితొలగించండి
  17. వికలత నొందిన కోపన
    వికసిత వదనారవింద విభ్రమ తేజో
    సుకుమారినాయె గన న
    శ్మకరమ్మును ముద్దులాడె మగువ కడుఁ దమిన్

    రిప్లయితొలగించండి
  18. నా ప్రయత్నం :

    కందం
    ఒకటేమిటి వేయున్నను
    నకిలీ నగనైన జూడ నారికి ముదమౌ
    ప్రకటస్ఫుటమౌ నగ న
    శ్మకరమ్మును ముద్దులాడె మగువ కడుఁ దమిన్

    చంపకమాల
    సకలము పోయి పుత్రులును సాకక నిర్దయ జూపినంతటన్
    వికలిత మానసంబునను వృద్ధుల జీవిత మెంచి జాలితో
    నికరముగా ప్రభుత్వ భృతి నేరుగ జేతికి నీయ మంత్రి లే
    మ కరముఁ బట్టి ముద్దులిడె మానిని మిక్కిలి ప్రీతిఁ జూపుచున్

    రిప్లయితొలగించండి
  19. ఈ కామెంట్‌ను రచయిత తీసివేశారు.

    రిప్లయితొలగించండి
    రిప్లయిలు
    1. ఒక క్షణమైనను వీడక
      సకలము తానై నిలిచెడి సఖునికి దానే
      నికటముగా జేరుచు ప్రే
      మ కరమ్మును ముద్దులాడె మగువ కడుఁ దమిన్

      తొలగించండి
  20. కందము
    మకరములు కడలి యందున
    నొకదానితొ యొకటిజేరి యొయ్యారములన్
    బ్రకటించు తరి నొక మకరి
    మకరమ్మును ముద్దులాడె మగువ కడు దమిన్
    ఆకల శివరాజ లింగం వనపర్తి

    రిప్లయితొలగించండి
  21. తకరారు వీడనా చా
    మ కరమ్మును ముద్దులాడె , మగువ కడుఁ దమిన్
    సుకృతముగ నెంచి మగనికి
    సుకమునొసగి తన పెరిమను చూపుచు నిలిచెన్

    రిప్లయితొలగించండి
  22. డా.పిట్టా సత్యనారాయణ
    వికలము బాపగ బెండ్లిని
    ఒకడెవనికొ గట్ట బెట్ట నుచితంబే?యే
    రకమున నమరని వరుడౌ
    మకరమ్మును ముద్దులాడె మగువ కడు దమిన్!

    రిప్లయితొలగించండి
  23. డా.పిట్టా సత్యనారాయణ
    సకలము సంప్రదాయమునె సై యనగా వధువేమి చేయు, పెన్
    వికలము ప్రేమికుల్ గలియ వేరగుటే ఫలితమ్మటందురే?!
    పకపక నవ్వు రాక్షసు నుపాధిని రూకలనెంచి బెళ్ళినిన్,
    మకరము బట్టి ముద్దులిడె మానిని మిక్కిలి ప్రీతి జూపుచున్

    రిప్లయితొలగించండి
  24. ఒకయింత యేని యుంచక
    కికురింత మదిని నిజ సతికి కుబేరుఁడు కా
    నుక నీయ జన్మదినమున
    మకరమ్మును ముద్దులాడె మగువ కడుఁ దమిన్


    సకలము గాంచి తీర్థముల సంతస మంది కరమ్ము నంత మం
    జుకరముగా ముగించి యిక సూన యుతమ్ముగఁ బ్రాణ నాథుతో
    సుకరము కాఁగ యాత్ర తముఁ జూడ నిజాత్మజ రాఁగ సత్యభా
    మ కరముఁ బట్టి ముద్దు లిడె మానిని మిక్కిలి ప్రీతిఁ జూపుచున్

    రిప్లయితొలగించండి
  25. ఆటవిడుపు సరదా పూరణ:
    (జిలేబి గారికి అంకితం)

    తికమక పెట్టు నీతులిడి తిండియు కానని పల్లెటూరులో
    వికటపు నెన్నికల్ వడిగ విందుల జేయగ వచ్చిచేరగా
    పకపక నవ్వి కైకొనుచు పండుగ జేతును నేడటంచు నా
    మకరముఁ బట్టి ముద్దులిడె మానిని మిక్కిలి ప్రీతిఁ జూపుచున్

    మకరము = నిధి

    రిప్లయితొలగించండి
  26. సకులునిబోలు సుందరుండు నాగరికుండును నార్యపుత్రుడే
    ప్రకటనజూసి మెచ్చగాను పాణినిగైకొన దామరాక్షి,నా
    సుకృతమటంచు పొంగుచున్ విశుద్ధపు మానసవృత్తి వాని వా
    మ కరముబట్టి ముద్దులిడెమానిని మిక్కిలి ప్రీతిజూపుచున్

    రిప్లయితొలగించండి
  27. అకళంకమైన యాశగ
    ప్రకటించిన శోభనాన పడకనుజేరన్?
    "వికశిత వదన పతినికా
    మ-కరమ్మును ముద్దులాడె మగువకడుదమిన్!

    రిప్లయితొలగించండి
  28. ఒక జంతురక్షశాలను
    యొక ప్రదర్శననుఁ జేయుచో యచ్చటి ప్రే
    క్షకులానందించు నటుల
    మకరమ్మును ముద్దులాడె మగువ కడుఁ దమిన్"

    జంతు ప్రదర్శన మరియు రక్షణశాలలో ప్రేక్షకుల కోసం ఇస్తున్న ప్రదర్శనలో ఒక మహిళా డిమాన్ స్ట్రేటరు సరీసృప విభాగంలో ఉన్న మొసలిని ముద్దు పెట్టుకున్నది.

    రిప్లయితొలగించండి
  29. వికసిత ముఖ పద్మావతి
    సకలము దెలిసిన నెరుకల సాని మనువికన్
    సుకర మనఁ బొంగుచుఁ లలా
    మ, కరమ్మును ముద్దులాడె మగువ కడుఁ దమిన్

    రిప్లయితొలగించండి
    రిప్లయిలు
    1. సకల గుణాభిరామ!సువిశాల కకుత్స్త కులాబ్ధి సోమ!హే
      వికట మహానిశాట పరవీర భయంకర భీమ!నీవె నా
      వికసిత కావ్య పుష్పవన వీరునివంచును మొల్ల రామ నా
      మ కరముఁ బట్టి ముద్దులిడె మానిని మిక్కిలి ప్రీతిఁ జూపుచున్

      తొలగించండి
  30. కం. రకరకములైనబాధల
    చికుముడు లబడుచు గజిబిజి జీవితమీడ్వన్
    రెకరెకలాడుచు మరి, కా
    మక, రమ్మును ముద్దులాడె మగువ కడుఁ దమిన్.

    (ఎన్నోబాధలనడుమ ఓ అభాగిని కామక = తప్పక రమ్మును (RUM)ను సేవించింది అన్న అర్ధం లో )

    రిప్లయితొలగించండి
  31. రకరక మైన భావములు రంగులు పెక్కుగ గల్గు బొమ్మలన్
    ముకుళిత మైన మోముగల పొల్తుక కివ్వగ సంబరమ్మునన్
    పకపక నవ్వుచున్ మురిసి బంగరుకాంతులతో ప్రకాశించు బొ
    మ్మ కరముఁ బట్టి ముద్దులిడె మానిని మిక్కిలి ప్రీతిఁ జూపుచున్.

    రిప్లయితొలగించండి
  32. సఖి మైదాకు ధరించిన
    సుకుమార కరములను గని చోద్యమటంచున్
    బ్రకటించుచు ప్రేమగ భా
    మ కరమ్ము ను ముద్దులాడె మగువ కడుఁ దమిన్.

    రిప్లయితొలగించండి
  33. సుకుమారి యని పిలువబడు
    నొక కన్నియ మేనమామె యొక ముద్దడుగన్
    ముకుళించుకు పోవుచు, మా
    మ కరమ్మును ముద్దులాడె మగువ కడుఁ దమిన్"

    రిప్లయితొలగించండి
  34. మిత్రులందఱకు నమస్సులు!

    [బృందావనమంతా వసంత శోభను సంతరించుకొనఁగా, వికసించిన పూ బాలలు గాలికి ఊగుతూ సువాసనలను వెదజల్లుతుండగా, చూసిన రాధిక, మాధవునియందు అనురాగము పెంపొందగా, పరుగెత్తుకొని పోయి, జగన్నాథుడూ ప్రత్యగాత్మా యైన ఆ శ్రీకృష్ణుని కరమును అందుకొని, ప్రేమతో ముద్దుగొన్న సందర్భము]

    ప్రకట వసంతకాల సుమ బాలలు నవ్వుచు నాట్యమాడఁ దాఁ
    జకచక పర్వులెత్తి కడుఁ జక్కని సుందరవన్యశోభలన్
    వికచ మనోబ్జయై కనుచుఁ బ్రేమ యెసంగఁగఁ జేరి ప్రత్యగా
    త్మ కరముఁ బట్టి ముద్దులిడె మానిని మిక్కిలి ప్రీతిఁ జూపుచున్!

    రిప్లయితొలగించండి
  35. సుకవీంద్రులెందరోయిట
    ఒకరాయిద్దర చకచక పూరణజేయన్
    మకరందము పంచు విధము
    మకరమ్మును ముద్దులాడె మగువ కడుఁ దమిన్!!

    రిప్లయితొలగించండి
  36. చకచక గోరింటాకును
    టకటక నరచేత గడిగి "టటడా"మ్మనుచున్
    సకలమ్మెరుపని తన వా
    మకరమ్మును ముద్దులాడె మగువ కడుఁ దమిన్.

    రిప్లయితొలగించండి