విభీషణుడు తన భార్య సరమతో ఇలా అంటున్నాడు... "శ్రీ రాముడు రంగని విగ్రహాన్ని పట్టాభిషేక వేళ బహూకరించినాడు. తెస్తూవుంటే అది కావేరీ తీరంలోనే నిలిచిపోయింది. (అదే శ్రీ రంగం.) స్వామి ఇక్కడే వుండి లంక వైపు చూస్తూ వుంటా నని ఏడాది కో రోజు దర్శనం చేసుకొ మ్మని ఆదేశించాడు. ఆరోజే ముక్కోటి ఏకాదశి. (శ్రీ రంగంలో వైభవంగా జరుగుతుంది.) ప్రతి సంవత్సరం మనం వెళుతాం గదా! నీవేమో (ముందు జాగ్రత్తగా) ఎప్పుడూ పాడ్యమినాడే జ్ఞాపకం చేస్తూవుంటావు. ముక్కోటి ఏకాదశి పర్వదినం జరుపుకోదగిందే మరి!" ~~~~~~~~~~~~~~~~~~~~~~~
*శ్రీ రంగము*
ముద మారంగను రంగ విగ్రహము రా ముం డిచ్చినన్ నిల్చె న య్యది కావేరి తటాననే.. దరిసెనం బౌ నేటి కొక్కండు.. చే సెదవే జ్ఞాపక మెప్పుడున్ మహితమౌ శ్రీ రంగ మేగంగ నో ముదితా!పాడ్యమినాఁడె..చేయఁగఁ దగున్ ముక్కోటి యేకాదశిన్
✍️~డా.వెలుదండ సత్యనారాయణ పరమార్థ కవి 6.01.20 -----------------------------------------------------------
రిప్లయితొలగించండినడిరేయి సరదా పూరణ:
+
ఆటవిడుపు పూరణ:
(జిలేబి గారికి అంకితం)
చదువుల్ చెప్పెడు శంకరార్యవరులే జంబమ్ముగా నీయగన్
మదినిన్ తొల్చు సమస్యనున్ కటకటా మాన్యమ్మునౌ తీరునన్
పదిరోజుల్ గడువంగ సంబరమునన్ పాడ్యమ్ము పోవంగనో
ముదితా! పాడ్యమినాఁడె చేయఁగఁ దగున్ ముక్కోటి యేకాదశిన్
మీ పూరణ బాగున్నది. అభినందనలు.
తొలగించండి"సంబరము జూపన్ వచ్చు, నేడో కనన్ ముదితా! పాడ్యమి; నాడె..." అంటే అన్వయం కుదురుతుందేమో?
🙏
తొలగించండి
రిప్లయితొలగించండిగోవిందా గోవిందా
మదియే మూలము ప్రార్థనల్ సలుప ప్రామాణీకమా పోలి గా
ధ!దశాకర్షము నూలుకొల్పగను ప్రాధాన్యమ్ముగా ముక్తికై
ముదితా! పాడ్యమినాఁడె చేయఁగఁ దగున్; ముక్కోటి యేకాదశిన్
ముదమారంగను వేంకటేశ్వరుని ప్రాముఖ్యమ్ముగా కొల్వుమా!
జిలేబి
తొలగించండిఈ కథ ఓల్డ్ కథేనా లేక మాడర్న్ పోలియా ?
https://www.google.com/amp/s/telugu.samayam.com/religion/festivals/history-and-significance-of-poli-padyami-or-poli-swargam-the-last-day-of-karthikam/amp_articleshow/72237966.cms
మీ పూరణ బాగున్నది. అభినందనలు.
తొలగించండి'ప్రామాణికము' అనడం సాధువు అనుకుంటాను.
నదిలో మున్గిన మాఘ పౌర్ణమిన నానాపాపముల్ నాశమౌ
రిప్లయితొలగించండిఎదలో సంశయమేమి లేక వినరావే నూత్న యేడాది హే
ముదితా! పాడ్యమినాఁడె చేయఁగఁ దగున్; ముక్కోటి యేకాదశిన్
పద గోవిందుని దర్శనంబునకు సంపాదించ బుణ్యంబులన్
మీ పూరణ బాగున్నది. అభినందనలు.
తొలగించండి'పౌర్ణమిని' అనండి. 'నూత్న యేడాది' దుష్టసమాసం. "నూతనాబ్దమ్ము"అనండి.
రిప్లయితొలగించండిపదిలమ్ముగ వేంకటపతి
హృదిని జిలేబీయమై సహృదయత చేరన్
మదియే ముఖ్యము పూజకు
ముదితా! యేకాదశియు సముచితము ప్రథమన్
జిలేబి
__/\__
తొలగించండిఅందరికీ వందనములు !
రిప్లయితొలగించండిఅందరి పూరణలూ అలరించు చున్నవి !
అలరించ నున్నవి !
A-1)
ఒక క్షుద్రుడు తన భార్యతో :
__________________________
చదువన్ సాగెను క్షుద్ర మంత్రముల ని - శ్శంకన్ యథాజాతుడే
కుదిరెన్ జూడగ కొన్ని విద్యలవి, సం - క్షోభమ్ము హెచ్చవ్వగా
మది తా నెంచుచు గొప్ప వాడినని యు- న్మాదంబునన్ బల్కెనే
ముదితా! పాడ్యమినాఁడె చేయఁగఁ దగున్ ముక్కోటి యేకాదశిన్
__________________________
వసంత కిశోర్ (కవులూరు రమేష్)
మీ పూరణ బాగున్నది. అభినందనలు.
తొలగించండిA-2)
రిప్లయితొలగించండిఒక భర్త భార్యతో :
__________________________
అదిగో వచ్చెను నూత్న వత్సరము, నా - హ్లాదంబు గా పండుగన్
ముదితా, పాడ్యమినాఁడె చేయఁగఁ దగున్ ;- ముక్కోటి యేకాదశిన్
మదిలో బెంచుచు పుణ్య భావనల స - న్మార్గంబు నన్ జేయుమా
నదిలో మున్గుచు పుణ్య గాహనమునే - నైర్మల్యమే బొందగన్
విధిగా జేయుము దైవతాయతనమున్ - వేదాధిపున్ దర్శనమ్ !
__________________________
వసంత కిశోర్ (కవులూరు రమేష్)
మీ పూరణ బాగున్నది. అభినందనలు.
తొలగించండి'దర్శనమ్' అని హలంతంగా ప్రయోగించారు.
అది పాశ్చాత్యధరిత్రి యక్కడి కొకం డత్యాశ నర్థంబులన్
రిప్లయితొలగించండిమది పొంగంగను గూర్చనేగి యచటన్ మాతృస్థిరాధర్మముల్
వదిలెన్ మూర్ఖుడు వానిపత్ని యడుగన్ వాడాడె నజ్ఞానియై
"ముదితా! పాడ్యమినాఁడె చేయఁగఁ దగున్ ముక్కోటి యేకాదశిన్"
మీ పూరణ ప్రశస్తంగా ఉన్నది. అభినందనలు.
తొలగించండి'స్థిరధర్మముల్' అనడం సాధువు అనుకుంటాను.
స
తొలగించండిఆర్యా
నమస్కారములు.
"స్థిరా" అనునది "భూమికి" పర్యాయపదము వాడానండి. ఆకారాన్తముకదా.
__/\_
తొలగించండిమైలవరపు వారి పూరణ
రిప్లయితొలగించండిముదితా! పాడ్యమినాఁడె చేయఁగఁ దగున్ ముక్కోటి యేకాదశిన్!
మదిలో విష్ణుని గొల్వగావలె ధనుర్మాసంబునన్ భక్తితో.,
పదిలమ్మౌ ఘనమంత్రరాజము తిరుప్పావై పఠింపంగ., స...
మ్ముదమౌ రీతి గణించుమా దశదినంబుల్ నేటికిన్., నేడిదే
ముదితా! పాడ్యమి.,! నాఁడె చేయఁగఁ దగున్ ముక్కోటి యేకాదశిన్!
మైలవరపు మురళీకృష్ణ వెంకటగిరి
మైలవరపు వారి పూరణ అద్భుతంగా ఉన్నది. అభినందనలు.
తొలగించండిమదిలో విష్ణువు రూపము న్ నిలిపియు న్ మందార పూమాల తో
రిప్లయితొలగించండివిదితం బౌ హరి ధ్యానము న్ సలుపు చున్ విస్తా ర మౌ పూజల న్
ముదితా పాడ్యమి నాడె చేయగ దగున్ : ముక్కోటి యేకాదశి న్
సుదతు ల్ కోవెల కేగి భక్తి యుతు లై సొంపారఁ బూజిం ప రే
మీ పూరణ బాగున్నది. అభినందనలు.
తొలగించండిపదవే పాడ్యమి వచ్చెనంట మన పాపాల్పొవ చేయవలెన్
రిప్లయితొలగించండిముదమారంగను తానముల్ నదిని మోదంబందగా పోదమే
కదలన్ కోరవు పాపమే వినుము కాదన్నన్ యిదే మంచిదే
ముదితా ! పాడ్యమినాడె చేయగ దగున్ ముక్కోటి ఏకాదశిన్
మీ పూరణ బాగున్నది. అభినందనలు.
తొలగించండి'పాపాల్పోవ చేయన్వలెన్' టైపాటు. రెండవ, మూడవ పాదాలలో యతి తప్పింది. సవరించండి.
రిప్లయితొలగించండిఅదిరెన్ పోవె జిలేబి నీతెలివి ! బాహాటమ్ముగా చెప్పకే
ముదితా! పాడ్యమినాఁడె చేయఁగఁ దగున్ ముక్కోటి యేకాదశిన్
సదనంబందున నవ్విపోదురు సుమా చక్కంగ విద్వాంసులే
మది! పొద్దాయెను వీడుమానిదుర గొమ్మా లెమ్మ బింబాధరా!
జిలేబి
మీ పూరణ బాగున్నది. అభినందనలు.
తొలగించండిఏదో పాశురం విన్నట్లుగా ఉంది
ఈ కామెంట్‌ను రచయిత తీసివేశారు.
రిప్లయితొలగించండిక్షమించండి. నిన్నటి సమస్యకు పూరణ
రిప్లయితొలగించండిగఅక్కజంబుగాను నర్చకాళికి జూడ
నాదివారమె సెలవందదేల"?
యరసిజూడ దెలిసె నాదిత్య దేవుని
ఆలయంబు, భక్తులధికమనుచు
మీ పూరణ బాగున్నది అభినందనలు
తొలగించండిపదిరోజుల్ హరినామవాచకము జెప్పన్ నిష్ఠ జేరున్ మదిన్
రిప్లయితొలగించండిపదునున్ బెట్టుటమేలగున్ మదికి సంపాదించ చిత్శక్తినిన్
సదుపాయంబగుతద్దినంబునుపవాసంబాచరింపంగనో
ముదితా, పాడ్యమినాడె! జేతగదగున్ ముక్కోటియేకాదశిన్!
🙏🏻🙏🏻🙏🏻🙏🏻
ఓ అమ్మాయీ పదిరోజులు నిష్ఠ గా హరినామము జెప్పుట సాధన జేయుము. ముక్కోటి యేకాదశి జేయుట అవశ్యము అని నా పూరణ.
మీ పూరణ బాగున్నది. అభినందనలు.
తొలగించండి'చిచ్ఛక్తి' అనండి
మ:
రిప్లయితొలగించండిపదులా కావవి నొక్క రోజునటయే భక్తిన్ మదింనింపగా
విధిగా పొందుట జెప్పిరై కృపను తావేనోళ్ల పూజింపగన్
యిదియే మార్గము లోకమందు భవ భూయిష్టంబు సంప్రాప్తికై
ముదితా పాడ్యమి నాడె చేయగ దగున్ ముక్కోటి యేకాదశిన్
భవ=శుభము
వై. చంద్రశేఖర్
మీ పూరణ బాగున్నది అభినందనలు
తొలగించండికావవి యొక్కరోజనుటయే... జెప్పిరే... పూజింపగా నిదియే... అనండి
సదయుండౌ పరమాత్ముఁగొల్చుటకు నీసంకల్పమేముఖ్యమిం
రిప్లయితొలగించండికదియే రోజనునట్టి సంశయముగల్గంగా మదిన్ చెల్లునా
ముదితా! పాడ్యమినాఁడె చేయఁగఁ దగున్, ముక్కోటి యేకాదశిన్,
మదిలోనిండగుభక్తితోడ మరియే మాసంబునందేనియున్.
మీ పూరణ బాగున్నది అభినందనలు
తొలగించండిఇది యేమాసము పక్షమేది యనుచున్నీరీతి శంకించుటే
రిప్లయితొలగించండియదియే మాత్రము నచ్చబోదుకదనే యంభోజ పత్రేక్షణా
మదియే మాధవ మందిరమ్మయిన నేమాసమ్ముతో నీకేమిటే
ముదితా! పాడ్యమినాఁడె చేయఁగఁ దగున్ ముక్కోటి యేకాదశిన్
మీ పూరణ బాగున్నది. అభినందనలు
తొలగించండివిదితం బియ్యది దేశ దేశముల సంప్రీతిం బ్రజామోద మై
రిప్లయితొలగించండినది సర్వోత్తమమై చెలంగు భువి మాన్యంబై సుశాస్త్రంబులన్
గదితం బింపుగ నేత దుత్సవ బృహత్కార్యంపు టారంభమున్
ముదితా! పాడ్యమినాఁడె చేయఁగఁ దగున్, ముక్కోటి యేకాదశిన్
[ముక్కోటి యేకాదశిన్ = ముక్కోటి యేకాదశియందు]
మీ పూరణ మనోహరంగా ప్రశస్తంగా ఉన్నది. అభినందనలు.
తొలగించండిపూజ్యులు శంకరయ్య గారికి నమః పూర్వక ధన్యవాదములు.
తొలగించండిక్రొవ్విడి వేంకట రాజారావు:
రిప్లయితొలగించండిపదురౌనట్టి యుదంచితమ్ములగు శోభల్ వ్యాప్తి గావించి య
భ్యుదయంబిచ్చెడి కృత్యముల్నుడువు నీవున్ తర్కమేలేక నో
ముదితా! పాడ్యమినాడె; చేయగదగున్ ముక్కోటి యేకాదశిన్
ముదమున్ గూర్చెడి నోములన్ హరికి నిమ్మున్ గూడుచున్ భూరిగా!
మీ పూరణ బాగున్నది. అభినందనలు
తొలగించండి..............🌻శంకరాభరణం🌻...............
రిప్లయితొలగించండి..................🤷🏻♂సమస్య 🤷♀....................
"ముదితా! పాడ్యమినాఁడె చేయఁగఁ దగున్
ముక్కోటి యేకాదశిన్"
సందర్భము:
సప్త ప్రాకార మధ్యే సరసిజ ముకుళో
ద్భాసమానే విమానే..
కావేరీ మధ్య దేశే మృదుతర ఫణిరాట్
భోగ పర్యఙ్క భాగే
నిద్రాముద్రాభిరామం కటి నికట శిరః
పార్శ్వ విన్యస్త హస్తం
పద్మా ధాత్రీ కరాభ్యాం పరిచిత చరణం
రఙ్గరాజం భజేఽహమ్
విభీషణుడు తన భార్య సరమతో ఇలా అంటున్నాడు...
"శ్రీ రాముడు రంగని విగ్రహాన్ని పట్టాభిషేక వేళ బహూకరించినాడు. తెస్తూవుంటే అది కావేరీ తీరంలోనే నిలిచిపోయింది. (అదే శ్రీ రంగం.) స్వామి ఇక్కడే వుండి లంక వైపు చూస్తూ వుంటా నని ఏడాది కో రోజు దర్శనం చేసుకొ మ్మని ఆదేశించాడు. ఆరోజే ముక్కోటి ఏకాదశి. (శ్రీ రంగంలో వైభవంగా జరుగుతుంది.)
ప్రతి సంవత్సరం మనం వెళుతాం గదా! నీవేమో (ముందు జాగ్రత్తగా) ఎప్పుడూ పాడ్యమినాడే జ్ఞాపకం చేస్తూవుంటావు. ముక్కోటి ఏకాదశి పర్వదినం జరుపుకోదగిందే మరి!"
~~~~~~~~~~~~~~~~~~~~~~~
*శ్రీ రంగము*
ముద మారంగను రంగ విగ్రహము రా
ముం డిచ్చినన్ నిల్చె న
య్యది కావేరి తటాననే.. దరిసెనం
బౌ నేటి కొక్కండు.. చే
సెదవే జ్ఞాపక మెప్పుడున్ మహితమౌ
శ్రీ రంగ మేగంగ నో
ముదితా!పాడ్యమినాఁడె..చేయఁగఁ దగున్
ముక్కోటి యేకాదశిన్
✍️~డా.వెలుదండ సత్యనారాయణ
పరమార్థ కవి
6.01.20
-----------------------------------------------------------
మీ పూరణ ప్రశస్తంగా ఉన్నది అభినందనలు
తొలగించండిఈ కామెంట్‌ను రచయిత తీసివేశారు.
రిప్లయితొలగించండివిదియాదిం గొని లెక్క
తొలగించండితో నెఱుగవే విఖ్యాతపర్వమ్మునున్
పదిసంఖ్యాకదినమ్ము లున్నవిగదే పస్తేల నేడిట్లు?శ్రీ
ప్రదమౌ భక్తిఁ బఠింపు చాలును దిరుప్పావైని, ఈ రోజు నో
ముదితా! పాడ్యమి, నాఁడె చేయఁగఁ దగున్ ముక్కోటి యేకాదశిన్.
కంజర్ల రామాచార్య
వనస్థలిపురము
ఈ కామెంట్‌ను రచయిత తీసివేశారు.
రిప్లయితొలగించండిమొదలౌ పౌష్యము విష్ణు భక్తులకు సమ్మోదమ్ముగా దల్పగన్
రిప్లయితొలగించండిముదితా! పాడ్యమినాఁడె; చేయఁగఁ దగున్ ముక్కోటి యేకాదశిన్
మదినా శ్రీ హరి ధ్యానమున్ విడక సన్మార్గమ్మునే గోరుచున్
విధిగా పూజలు జేయుటన్ నిడునదే వేవేల పుణ్యంబులన్
ఈ కామెంట్‌ను రచయిత తీసివేశారు.
రిప్లయితొలగించండిమత్తేభవిక్రీడితము
రిప్లయితొలగించండిసుదినంబియ్యది పుష్యమాసమున నీ సూర్యోదయారంభవై
చదువన్ భాగవతమ్ము పూటకొకటౌ స్కంధమ్ము
నుంకించుచున్
ముదితా! పాడ్యమి నాఁడె, చేయఁగఁ దగున్ ముక్కోటి యేకాదశిన్
తుదియౌ ద్వాదశి నాడు శౌరికిడ సంతోషాన నైవేద్యమున్
గురుదేవులకు మరియు కవిమిత్రులకందరకూ ముక్కోటి యేకాదశి పర్వదిన శుభాకాంక్షలు
రిప్లయితొలగించండిముదితా!పాడ్యమినాడెచేయదగున్ ముక్కోటియేకాదశిన్
రిప్లయితొలగించండిబదలాయింపులుసేయగాదగునెయమ్మాయేమియిట్లంటిరే
విదితంబేగదమీకునున్ దనరవేవేలంబ్రజానీకముల్
ముదమారంగనుసేవజేతురిలనావైకుంఠవాసున్ రతిన్
చదువన్ మాత్రము వచ్చువాడొకడు పంచాంగమ్మదేనాటిదో
రిప్లయితొలగించండిచెదలున్ బట్టిన దానినెంచె చదువన్ చిత్రమ్ముగానున్నటుల్
తుదకున్ దెల్పెను నింగితమ్ము కరువై తొట్రన్నదే శూన్యమై
"ముదితా!పాడ్యమినాఁడె చేయఁగఁ దగున్ ముక్కోటి యేకాదశిన్!"
మొదలౌ పక్షము చాంద్రమానమున నీపుష్యంపు మాసంబునన్
రిప్లయితొలగించండిముదితా!పాడ్యమినాడె;చేయగదగున్ ముక్కోటి యేకాదశిన్
మదిలో నిండగు భక్తితోడ హరి నామానంద పారాయణన్
అదియే మోక్షమునిచ్చెడిన్ దెరవు యాహ్లాదంబు జేకూర్చుచున్