19, ఆగస్టు 2020, బుధవారం

సమస్య - 3462

కవిమిత్రులారా,
ఈరోజు పూరింపవలసిన సమస్య ఇది...
"అసువులం బాసె నర్జునుం డందఱేడ్వ"

(లేదా...)
"అసువులఁ బాసె నర్జునుఁ డనంత విషాదము నొంద నందఱున్"

115 కామెంట్‌లు:


  1. "శ్రీ రాముని దయ చేతను..."

    నడిరేయి సరదా పూరణ:

    విసుగు విరామమున్ గనక వీధుల వెంటను గొంతుచించుచున్
    కసిగొని మోడినిన్ తెగడి గర్జన చేయుచు గాంధి వంశపున్
    రసికుడు నోడగన్ గనుచు రచ్చను జేయుచు హస్తినమ్మునం
    దసువులఁ బాసె నర్జునుఁ డనంత విషాదము నొంద నందఱున్

    రిప్లయితొలగించండి

  2. ఆటవిడుపు సరదా పూరణ:
    (జిలేబి గారికి అంకితం)

    ముసిముసి నవ్వులీనుచును ముచ్చట మీరగ ముత్తుకూరునన్
    రుసుమును పొంది ముందుగను రొప్పుచు రోజుచు యుద్ధభూమినిన్
    తసదియ వీధి నట్టువను త్రాగి గుడుంబను జాస్తిజాస్తిగా
    నసువులఁ బాసె నర్జునుఁ డనంత విషాదము నొంద నందఱున్

    రిప్లయితొలగించండి
    రిప్లయిలు
    1. అర్జునకు మోడికి ముత్తుకూరుకు‌‌‌ సంభంధము నా బుర్రకు‌‌‌‌ చిక్కలేదు చిక్కు ముడి విప్ప దీయారా‌‌ అర్యా

      తొలగించండి

    2. పీ యెస్కె గారు

      మధ్యలో మోడి ఎక్కడినుంచి వచ్చేరు ? :)

      తొలగించండి
    3. మీ ఆటవిడుపు పూరణ బాగున్నది. అభినందనలు.

      తొలగించండి
    4. ఈ కామెంట్‌ను రచయిత తీసివేశారు.

      తొలగించండి
    5. ఈ కామెంట్‌ను రచయిత తీసివేశారు.

      తొలగించండి
  3. పాదమునకు‌‌ బాణముతాక వ్రజధరుండు


    నసువు లంబాసె, నర్జునుం డంద రేడ్వ

    వలదనుచు నూరడించి యా వనిత లెల్ల

    రను రయముగ ద్వారక నగరమును విడచి

    రమ్మని పలికి తోడ్కొని‌ రాజ మంది

    రమ్ము వీడ, సంద్రము లో‌ పురమ్ము మునిగె

    రిప్లయితొలగించండి
  4. క్రొవ్విడి వెంకట రాజారావు:

    బాలకుడభిమన్యుండట బవర మందు
    అసువులంబాసె; నర్జునుండందఱేడ్వ
    తాకనలి సైంధవుని జంప భీకరమగు
    శపథమెంచి నిపత్యకు సాగె నడరి.



    రిప్లయితొలగించండి
  5. కసిగొని పద్మమొగ్గరము ఖండన
    సేయగ నేర్పుమీరగన్
    ముసురుచు కౌరవాధములు ముద్దుల బాలుని సంహరించగా
    నసువుల బాసె నర్జును డనంత విషాదమునొంద, నందఱున్
    వసుధను చావుపుట్టుక లవారితమంచును నూరడించరే !

    రిప్లయితొలగించండి
    రిప్లయిలు
    1. సినిమా అర్జునుడు NTR

      విసుగు విరామమెంచకను వేషములెన్నియొ వేసి గొప్పగన్
      పసగల కృష్ణకర్ణ కురు వంశపురాజుల పాత్రధారుడై
      వసిగొని యంత్యకాలమున భామను పార్వతి బెండ్లియాడగా
      నసువులబాసె నర్జును డనంత విషాదమునొంద నందఱున్

      తొలగించండి
    2. మీ రెండు పూరణలు బాగున్నవి. అభినందనలు.
      'పద్మ మొగ్గరము' దుష్టసమాసం.

      తొలగించండి
    3. ధన్యవాదములాచార్యా! తమ్మి మొగ్గరముగా మార్చెదను! 🙏🙏🙏

      తొలగించండి
  6. సందర్భము :

    అశ్వమేధ యాగంలో భాగంగా మణిపురము వచ్చినపుడు
    ఉలూచి బభృవాహనుని వద్దకు వచ్చి యుద్ధము చేసి తండ్రిని సంతోషపెట్టమని చెప్పగ , నతడు ప్రయోగించిన బాణము అర్జుని ప్రాణం తీసింది. అప్పుడు ఉలూచి బభృవాహనునికి సంజీవనిమణిని
    ఇచ్చి అర్జునుని గుండె పై నుంచ తిరిగి బ్రతికాడు.

    తే॥గీ॥

    ప్రేయసి యులూచి యిచ్చిన ప్రేర ణమున
    తనయుడు విడిచిన శరము తాకినంత
    నసువులం బాసె నర్జునుం డందఱేడ్వ ,
    ఉవిద యిచ్చిన మణివల్ల నుసురు నిలిచె

    ఉవిద = భార్య

    రిప్లయితొలగించండి
    రిప్లయిలు
    1. పూరణకు మంచి ఐతిహ్యాన్ని ఎన్నుకున్నారు. ప్రశస్తమైన పూరణ. అభినందనలు.

      తొలగించండి
    2. ఈ కామెంట్‌ను రచయిత తీసివేశారు.

      తొలగించండి
  7. ( ధర్మజుని యజ్ఞాశ్వరక్షకుడైన అర్జునుడు తనకు చిత్రాంగదకు పుత్రుడైన బభ్రువాహ
    ను నెదిరించి నిర్జీవుడైన సందర్భం )
    " నిసుగగువాడు వీడెట ? మ
    నీషుడ నేనెట ? పాండువంశ్యుడన్ ;
    వసుధను బభ్రువాహనుడు
    బారక నిల్చునె ? " యంచు గర్వియై
    విసవిస బల్కి ధీరసుతు
    భీకరశౌర్యశరాగ్నికీలచే
    నసువుల బాసె నర్జును ; డ
    నంతవిషాదము నొంద నందరున్ .
    ( నిసుగు - పసివాడు ; మనీషుడు - బుద్ధిశాలి )

    రిప్లయితొలగించండి
  8. క్రొవ్విడి వెంకట రాజారావు:

    మిసిమిని గూడి యుద్ధమున మెల్పుగ నా యభిమన్యుడుండగన్
    కసిగొని మోసపద్ధతిని కౌరవులాతని మట్టుబెట్టగన్
    అసువులబాసె; నర్జునుడనంత విషాదము నొందనందఱన్
    కసరుచు సైంధవాధముని కర్కశబెట్టి వధించె పూనికన్.

    రిప్లయితొలగించండి


  9. చిత్ర జగతి సోకులు :) టీవీవాళ్ల న్యూసు కవరేజి :) మన ఇండియన్ ఎక్స్ప్రెస్ బాలకృష్ణ గారే సరియో కాదో చెప్పాలె :)


    అసువులం బాసె నర్జునుం డందఱేడ్వ
    చిత్ర సీమ దుఃఖమునొందె చింతిలగ జి
    లేబు లెల్లరు కాల్వలై లెస్స కంటి
    నీరు పారె వరద పొంగి నింగి కెగసె!



    జిలేబి

    రిప్లయితొలగించండి
    రిప్లయిలు
    1. మీ పూరణ బాగున్నది. అభినందనలు.
      నీరు పల్లమెఱుగు... జిలేబి గారి కన్నీరు నింగి కెగిసింది.
      పాపం! నా గురించి రెండుసార్లు ఇండియన్ ఎక్స్ ప్రెస్ లో వ్రాసిన బాలకృష్ణ గారిని ఇబ్బంది పెట్టడం ఎందుకు?

      తొలగించండి

    2. అలా‌ గోకకుంటే నారదీయ ఎట్లా అవుతామండీ కందివారు ? చాన్నాళ్లు బాలకృష్ణ గారు కనిపించలే కొంత వార్ని లాగుదామని‌ :)



      జిలేబి

      తొలగించండి
    3. ఈ కామెంట్‌ను రచయిత తీసివేశారు.

      తొలగించండి
  10. అసదృశ మేటివీరులట నాతత పౌరుషవంతులాతరిన్
    కసిగొని కానలన్ జనిరి కాంతను గూడి యవారితంబనన్
    ముసరగ దాహమందరికి మూర్ఖుగ వాదిలి యక్షుచేతిలో
    నసువుల బాసె నర్జును డనంత విషాదము నొంద నందఱున్

    రిప్లయితొలగించండి
    రిప్లయిలు
    1. వసుధను నర్మదాతటిని వాసిగ భాసిలె చక్రవర్తిగన్
      మసలెను దివ్యతేజుడయి మాన్యత నొందగ మేటివీరుగన్
      పసరము గోరితెచ్చుకొనె పంతము భార్గవు తోడ మూర్ఖుడై
      యసువుల బాసె నర్జును డనంత విషాదము నొంద నందఱున్

      తొలగించండి
    2. మీ రెండు పూరణలు ప్రశస్తంగా ఉన్నవి. అభినందనలు.
      'మూర్ఖత వాదిలి' అంటే బాగుంటుందేమో?

      తొలగించండి


  11. ప్రముఖుడు! మహా నటుండు గ
    నుమ! అసు వులఁ బాసె నర్జు నుఁ డనంత విషా
    దము నొంద నందఱున్ చే
    రి మునిగి రా దుఃఖసాగరిని జనులకటా !


    జిలేబి

    రిప్లయితొలగించండి
  12. అర్జునుండన కార్తవీర్యార్జునుండు
    పరశురాముడు గమకించి పరశుతోడ
    తలను చేతులునరుకగ తక్షణంబు
    అసువులం బాసె నర్జునుం డందఱేడ్వ

    రిప్లయితొలగించండి
  13. కలడు ప్రఖ్యాత ధనికు డొకండు నగరి
    యతడును కరోనకు గురియై యంత చేరె
    గొప్పగను రమే షాస్పత్రి గౌరవముగ
    అసువులం బాసె నర్జునుం డందఱేడ్వ

    రిప్లయితొలగించండి

  14. ఆ నటుడి మరణం‌ వెనుక ఎవరి హస్తముంది ?


    రసికత జొప్పు నాట్యముల రాధన మందు జిలేబులెల్లరిన్
    ముసిముసి నవ్వులన్ భళి ప్రమోదము నొందగ చేసె నాతడే!
    మిసిమిసి లాడు యవ్వనపు మేటిన‌టుండు గృహమ్ములోనరే
    యసువులఁ బాసె నర్జునుఁ డనంత విషాదము నొంద నందఱున్!



    జిలేబి

    రిప్లయితొలగించండి
    రిప్లయిలు
    1. మీ పూరణ బాగున్నది. అభినందనలు.
      మీరు ప్రస్తావించింది సుశాంత్ మరణం గురించే కదా?

      తొలగించండి
  15. యతులన్ బ్రాసగణమ్మలన్ మధురశబ్ధార్థమ్ములం గూర్ఛి, వ్యా
    కృతి,ఛందస్సుల నాదరించి, నియమాకీర్ణప్రదీప్తిన్ చమ
    త్కృతు లొప్పారగ రమ్యభావవిలసద్వ్యంగ్యోక్తిమల్లేఖనా
    రతి, పూజన్ ఘటియించి, వ్రాయఁగఁ దగున్ రమ్యంపుఁ గావ్యమ్ములన్

    కంజర్ల రామాచార్య
    వనస్థలిపురము

    రిప్లయితొలగించండి
  16. మైలవరపు వారి పూరణ

    మసలుచునుండిరింట పదిమంది కుమారులు పూర్వమందు., నే...
    డు సరిగనొక్కడయ్యెను కుటుంబనియంత్రణచేత., వానికిన్
    పసితనమందె సోకెనట పాపము నిన్న కరోన., యింతలో
    నసువులఁ బాసె నర్జునుఁడనంత విషాదము నొంద నందఱున్!!

    అర్జునుడు... ఏకైకసంతానమైన పుత్రుడు

    మైలవరపు మురళీకృష్ణ వెంకటగిరి

    రిప్లయితొలగించండి
  17. పసరముగోరియర్జునుడపారమదంబునసార్వభౌముడన్
    బసిడియురత్నముల్ ప్రభులపంచననుండుటశ్రేయమంచునా
    పసరముగొంచుపోనలిగిభార్గవరాముకుఠారఘాతచే
    "నసువులఁ బాసె నర్జునుఁ డనంత విషాదము నొంద నందఱున్

    రిప్లయితొలగించండి
  18. కసిగొనికౌరవాధములుకాలునికైవడిచిచ్చురేపునా
    బసగలవీరశూరునిసుభద్రకుమారునిముట్టడించగా
    *నసువులఁ బాసె, నర్జునుఁ డనంత విషాదము నొంద నందఱున్*
    విసురుగసైంధవాధిపునిబేర్కొనదోషిగమట్టుబెట్టెలే

    రిప్లయితొలగించండి
  19. క్రొవ్విడి వెంకట రాజారావు:

    పోరు సల్పెడి యభిమన్యు పోడిమగని
    కపట మెంచి కౌరవులెల్ల కదన మందు
    దుర్నయమ్ముగ నాతని తునిమి నంత
    అసువులం బాసె నర్జునుం డందఱేడ్వ.

    రిప్లయితొలగించండి
  20. తమ్మి మొగ్గర మందున ధైర్యముగను
    పోరు నభిమన్యు డు రిపుల మోస మునకు
    నసువు లం బాసె నర్జునుం డ o ద రే డ్వ
    తాను దుఃఖితుండయ్యె నా తరుణమందు

    రిప్లయితొలగించండి
  21. రాజసూయాశ్వము మణిపురమ్ముఁ జొచ్చ
    బబ్రువాహనుడద్దాని బాదరింప
    కొడుకు తండ్రియు పోరాడ కూన చేత
    అసువులం బాసె నర్జునుం డందఱేడ్వ
    గంగ శాపమె దీనికి కారణంబు.

    రిప్లయితొలగించండి
  22. క్రొవ్విడి వెంకట రాజారావు:

    మిసిమిని గూడి యుద్ధమున మెల్పుగ నా యభిమన్యుడుండగన్
    కసిగొని మోసపద్ధతిని కౌరవులాతని మట్టుబెట్టగన్
    అసువులబాసె; నర్జునుడనంత విషాదము నొందనందఱన్
    కసరుచు సైంధవాధముని కయ్యమునందు వధించె పూనికన్. .

    రిప్లయితొలగించండి
  23. రుసరుస లాడి రేగెను నరోత్తముడైన సుభద్రసూతియున్-
    గుసగుస లాడి కౌరవులు కుట్ర వహించి చెలంగ నాతడున్
    అసువుల బాసె నర్జనుడనంత విషాదము నొంద;నందరున్
    విసుగున ధర్మ మేదనుచు విస్మయమున్ భయమున్ దలిర్పగా.

    రిప్లయితొలగించండి
  24. వసిగొని తమ్మిమొగ్గరము వ్రయ్యలు వాఱగ జేసి చెచ్చెరన్
    పసగల వీరుడై చలగ పార్థుని పుత్రుడు శత్రు సేనపై
    కసిమసినొంద కౌరవులు కర్ణుడుపాధి ధనుస్సుఁ ద్రుంపగా
    నసువులఁ బాసె నర్జునుఁ డనంత విషాదము నొంద నందఱున్

    రిప్లయితొలగించండి
  25. పసి వయసైనఁ దాల్మి గలవా డభిమన్యుడు మొగ్గరమ్మునన్
    కసి నెదిరించి శత్రువుల గాలమునందున జిక్కి యక్కటా
    అసువులఁ బాసె; నర్జునుఁ డనంత విషాదము నొంద; నందఱున్
    దెసలను దాకు నీ సుతుని ధీర యశమ్మని యూరడించిరే

    రిప్లయితొలగించండి
  26. వలదన వినకతాచని పార్థ సుతుడు
    నసువులంబాసె అర్జును డందరేడ్వ
    సైంధవుని సంహరించెంద సంజ లోప
    టంచు ప్రతిన చేసి వధించె నాహవమున

    రిప్లయితొలగించండి
  27. ఈ కామెంట్‌ను రచయిత తీసివేశారు.

    రిప్లయితొలగించండి
  28. రామరావణయుద్ధానరావణుండు
    నసువులింబాసె,నర్జునుండందఱేడ్వ
    నసువులంబాసెచివరకునాలిపిదప
    పుట్టుమనుజుడుతప్పకగిట్టుసుమ్ము

    రిప్లయితొలగించండి
  29. ఈ కామెంట్‌ను రచయిత తీసివేశారు.

    రిప్లయితొలగించండి
  30. అస్త్రసన్యాస మొనరించి యాపగేయు
    డంపశయ్యను జేరిన యనఘు డైన
    భీష్ము డుత్తరాయణముకై వేచి యుండి
    యసువులం బాసె, నర్జునుం డందఱేడ్వ

    రిప్లయితొలగించండి
  31. .............శంకరాభరణం.........
    19/08/2020..బుధవారం

    సమస్య
    *** ****

    అసువులఁ బాసె నర్జునుఁ డనంత విషాదము నొంద నందఱున్"

    నా పూరణ. చం.మా.
    **** *****

    ఇషువును బభ్రు వాహనుడె యింద్రుని పుత్రుడు సవ్యసాచిపై

    వెస బడవేయ నా క్షణము పీలువు ధాటి భరించలేక ..,యా

    వసువుల శాప వహ్ని ఘన పార్థుని మిక్కిలి జుట్టుముట్టగా

    నసువులఁ బాసె నర్జునుఁ డనంత విషాదము నొంద నందఱున్"


    -- 🌱 ఆకుల శాంతి భూషణ్ 🌱
    🌷 వనపర్తి🌷

    రిప్లయితొలగించండి
  32. రిప్లయిలు
    1. కార్తవీర్యార్జున వృత్తాంతం ఆధారంగా..

      కసవుల బట్టిజన్నములు కాంక్షయులేక మహర్షిజేయుగా
      పసగలరేడువచ్చి పితప్రాణము తీసిన వార్త తెల్వ తా
      పసిసుతు"పర్సుపాణి" తనపైగల బాధ్యత తీర్చ చంపె, తా
      నసువులఁ బాసె నర్జునుఁ డనంత విషాదము నొంద; నందఱున్

      అర్జనుడు = కార్తవీర్యార్జనుడు
      ---- శ్రీరామ్ 10వ తరగతి

      తొలగించండి
    2. మీ పూరణ బాగున్నది. అభినందనలు.
      'పితృ ప్రాణము' అనండి. 'పర్సుపాణి'?

      తొలగించండి
    3. గురువుగారికి నమస్కారం 🙏
      పరశురాముడు = పర్సుపాణి ---ఆంధ్రభారతి ఉవాచ

      తొలగించండి
    4. క్షమించాలి టైపు పొరపాటు "పర్శు పాణి" సరియినది.

      తొలగించండి
  33. రాయబారపు సీనందు రక్తి మీర
    అర్జునుండుగ నటించు నమిత ప్రతిభ
    ప్రజల మన్నన లొందిన ప్రజ్ఞ శాలి
    "అసువులం బాసె నర్జునుం డందఱేడ్వ"

    రిప్లయితొలగించండి
    రిప్లయిలు
    1. మీ పూరణ బాగున్నది. అభినందనలు.
      నటియించు... అనండి. లేకుంటే గణభంగం.

      తొలగించండి
  34. శశివదను డభిమన్యుడు శస్త్రవిద్య
    యందు కుశలుడు సైంధవుడడ్డు పడగ
    తమ్మిమొగ్గర మందున తల్లడిల్లి
    యసువులం బాసె, నర్జును డందరేడ్వ

    అర్జునుడు + అందరు యేడ్వగ

    రిప్లయితొలగించండి
  35. కె.వి.యస్. లక్ష్మి:

    శూరుడై పోరు నభిమన్యు వీర వరుని
    మోసమున కౌరవులు తమ్మి మొగ్గరమున
    చేరి నొక్కటై యాతని చెండి నంత
    అసువులంబాసె అర్జునుండందఱేడ్వ.

    రిప్లయితొలగించండి
  36. పసితనమైన వీడని సుభద్రతనూజుడు రుద్రరూపుడై
    పసగల శత్రుమూకలను భండన మందున కూల్చనెంచుచున్
    గసిగను తమ్మిమొగ్గరముఁ గాలిడి యొంటరి పోరునందు తా
    నసువులఁ బాసె, నర్జునుఁ డనంత విషాదము నొంద నందఱున్.

    రిప్లయితొలగించండి
  37. మసినిగజేసిశత్రువులమాన్యతనొందుచునెల్లవారిచేన్
    నసువులబాసెనర్ర్జునుడనంతవిషాదమునొందనందఱున్
    వసుధనుజచ్చిపుట్టుటలవార్యముగానజింతజెందకన్
    నసువులుబోవకుండగనెనాత్మనుశంకరువేడుకోదగున్

    రిప్లయితొలగించండి
  38. కొడుకు కృతవీర్యునకు నేలెఁ బుడమి నెల్ల
    వేయి చేతులు భాసిల్ల నాయతముగఁ
    గార్తవీర్యార్జును నని భార్గవుఁడు సంప
    నసువులం బాసె నర్జునుం డంద ఱేడ్వ


    కసిమసఁగంగఁ గౌరవ నికాయ మధర్మ విధాన మెంచి భా
    ను సమ మహార థోత్తము ఘనుం గడతేర్చిరి యంద ఱొక్కటై
    వసుమతిఁ గూలి పోరుచు సుభద్ర కుమార వరాభిమన్యుఁడే
    యసువులఁ బాసె నర్జునుఁ డనంత విషాదము నొంద నందఱున్

    [కసిమసఁగంగ = చంపంగ]

    రిప్లయితొలగించండి
  39. కురు క్షేత్ర మధ్యమమున అర్జునుని స్థితి:

    చం:

    పసిగని రెండు పక్షములు పాండవ మధ్యముడెర్క నష్టమై
    విసవిస తేరు దప్పుకొని వేదన నొందుచు కృష్ణు వేడగన్
    వసమది గాక యుండె నని వైరము వద్దనె యస్త్ర శూన్యుడై
    అసువుల బాసె నర్జును డ, నంత విషాదము నొంద నందరున్

    వై. చంద్రశేఖర్

    రిప్లయితొలగించండి
    రిప్లయిలు
    1. పూరణ సమర్థనీయంగా ఉన్నట్టు లేదు. కురుక్షేత్రంలో అర్జునుడు అసువుల బాయడం ?

      తొలగించండి
    2. ఈ కామెంట్‌ను రచయిత తీసివేశారు.

      తొలగించండి
    3. అర్జునుడు అసువులు బాయుట ను "అతిశయోక్తి" గా భావించి అలా పూరణ గావించాను. కురుక్షేత్ర మధ్యమాన విహ్వలుడై నిలువడము అర్జునునికి అసువులు బాయడం తో సమానమని నా భావన. ఏమైనప్పటికీ మీ సమీక్ష శిరోధార్యము.

      తొలగించండి
  40. రాజసమ్ముగ పోరాడి రణమునందు
    బాలుడభిమన్యు వీరుడై పమ్ముకొనగ
    కుట్రజేయుచు కౌరవుల్ గూడిజంప
    అసువులం బాసె, నర్జునుండందరేడ్వ!!!

    రిప్లయితొలగించండి
  41. తేటగీతి
    గోవు వృషభమ్ములా హరిఁ గోరినంత
    పాప భారమ్ము తొలగించి గోపకుడున
    కృష్ణమూర్తిగ ధర్మమ్ము గెలువఁ జేసి
    యసువులం బాసె, నర్జునుండందఱేడ్వ

    చంపకమాల
    వసుమతి ధర్మదేవతలు పంకజనాభుని గోరినంతటన్
    సిసలగు ధర్మమున్ నిలిపు శేముషిఁ బాపుచు పాపభారమున్
    బసులకుఁ బాలకుండనఁగ ఫల్గుణుఁ బ్రోచిన కృష్ణమూర్తియే
    యసువులఁ బాసె; యర్జునుఁడనంత విషాదము నొంద నందఱున్!

    రిప్లయితొలగించండి
    రిప్లయిలు
    1. మీ రెండు పూరణలు బాగున్నవి. అభినందనలు.
      కొన్ని టైపాట్లున్నవి.

      తొలగించండి
    2. గురుదేవులకు ధన్యవాదములు. నిలుపు టైపాటు వల్ల నిలిపు అయింది. సవరించుకుంటాను సర్

      తొలగించండి
  42. మిసమిసలాడుయవ్వనుడు మీసములైనను రాని బాలుడా
    స్పశముననొంటియై జనగ వారిజ వ్యూహమునందు చిక్కితా
    నసువులఁ బాసె, నర్జునుఁ డనంత విషాదము నొంద, నందఱున్
    పసియభిమన్యు శౌర్యమును భావనజేసిరి పెక్కు రీతులన్

    రిప్లయితొలగించండి
    రిప్లయిలు
    1. మీ పూరణ బాగున్నది. అభినందనలు.
      'వారిజ వ్యూహము' అన్నపుడు 'జ' గురువై గణభంగం. సవరించండి.

      తొలగించండి
  43. (పద్మవ్యూహం.అభిమన్యుడు)
    తే.గీ.
    వ్యూహ మందున జిక్కిన యోధుడతడె
    చీల్చి చెండాడె కౌరవ సేనలణఁచ
    మరలి రాలేక నభిమన్యు మహిని గూలి
    యసువులం బాసె, నర్జునుం డంద రేడ్వ!

    రిప్లయితొలగించండి
    రిప్లయిలు
    1. మీ పూరణ బాగున్నది. అభినందనలు.
      "మరలి రాలేక యభిమన్యు డొరిగి ధరిణి..." అంటే బాగుంటుందని నా సూచన.

      తొలగించండి

  44. పిన్నక నాగేశ్వరరావు.

    తమ్మి మొగ్గరమందున తాను జొచ్చి
    పోరు సల్పగ నభిమన్యు పౌరుషముగ
    కుట్ర చేసిన కౌరవుల్ కూల్చగ నత
    డసువులం బాసె; నర్జునుం డంద ఱేడ్వ
    దొడగిరి యతిశయంబగు దుఃఖమొదవ.

    రిప్లయితొలగించండి