20-11-2020 (శుక్రవారం)
కవిమిత్రులారా,
ఈరోజు పూరింపవలసిన సమస్య ఇది...
“శంకరుండు వలదు శాంతి వలయు”
(లేదా…)
“శంకరుఁ డేల మాకిపుడు శాంతియె కావలె నెవ్విధిన్ గనన్”
"శ్రీ రాముని దయ చేతను..." సరదా పూరణ:జంకుచు చేరగా నిచట జంబము వీడుచు కైపదమ్ములన్వంకర పూరణమ్ము లిడి వాసిగ నాతని బ్లాగునందునన్పంకజ నేత్రుడాదటను బాగుగ తట్టుచు కంది వంశపున్ శంకరుఁ డేల మాకిపుడు శాంతియె కావలె నెవ్విధిన్ గనన్...
శంకరుఁ డేల = శంకరుడు ఏల(గా)
* బాగుగ మెచ్చుచు కందివంశపుం
మీ సరదా పూరణ బాగున్నది. అభినందనలు.
🙏
అమ్మ లేని అయ్య ఆ అయ్య లేని అమ్మయు జిలేబి గలదె మహిని? రెండుగా కనపడునదొకటెకద ? కుదురునకొశంకరుండు వలదు శాంతి వలయు?జిలేబి
మీ పూరణ బాగున్నది. అభినందనలు.మూడవ పాదంలో ప్రాసయతి తప్పింది. సవరించండి.
అమ్మ లేని అయ్య ఆ అయ్య లేని అమ్మయు జిలేబి గలదె మహిని? రెండుగా కనపడునది యొకటెగా? కుదురునకొశంకరుండు వలదు శాంతి వలయు?సరియేనాండి ?జిలేబి
ఇలలో నొకటైనది లేవులె! శంకరుఁ డేల మాకిపుడు శాంతియె కావలె నెవ్విధిన్ గనన్ కోమలాంగి కుదరనిది! ద్వైత మద్వైతమిదే!జిలేబి
మీ కందోత్పల పూరణ బాగున్నది. అభినందనలు.
ఆటవిడుపు సరదా పూరణ: (జిలేబి గారికి అంకితం)జంకి కరోన రోగమున జంబము వీడుచు మాస్కులేయగన్ వంకర పోవగా బ్రతుకు బంగరు భూమిని హైద్రబాదునన్బింకము కూలగా హృదిని వీరుడు శూరుడు కల్వకుంటడౌ శంకరుఁ డేల మాకిపుడు శాంతియె కావలె నెవ్విధిన్ గనన్...
మీ ఆటవిడుపు పూరణ బాగున్నది. అభినందనలు.
కంఠమందువిషముకామందుఁజూడగాబాధలన్నిపలుకుభాషలోననెత్తినీళ్లకుండనెఱజాణభార్యగాశంకరుండువలదుశాంతివలయు
మీ పూరణ బాగున్నది. అభినందనలు.
శంకలతీర్చిదిద్దిమనుజాళికిమంచినిపంచియిచ్చినిశ్శంకనుపద్యరాజములఛందమునందముశయ్యపాకమున్పొంకముగాప్రశంసలనపూర్వతితీక్షసమీక్షదక్షుడౌ*“శంకరుఁ డేల మాకిపుడు శాంతియె కావలె నెవ్విధిన్ గనన్”*వంకలబెట్టకుండనలువంకలదోషములెంచకేభళాకంకణమిచ్చిపుచ్చుకొనుకాతరులేకుకవుల్నుతించరే
కులమతమ్ము లనుచు కుటిలత్వమును జూపు మానవత్వ మనెడు మాట మరచి దమన కాండ జరుపు ద్రాబయైనట్టి నా శంకరుండు వలదు శాంతి వలయు.
మీ పూరణ బాగున్నది. అభినందనలు."...యైనట్టి యా..."
క్రొవ్విడి వెంకట రాజారావు: కష్టపెట్టు చుండు దుష్ట కరోనయే నిద్రపోవనీక నిల్పు వడిని గుళిక లీయలేక కళవళించు కుహనా శంకరుండు వలదు శాంతి వలయు.
కపట బుద్ధి గల్గి కాఠిన్య హృదయుడై చెడ్డ పనులు సతము చేయు వాడు పరుల హింస పెట్టు వంచక దుష్ట వ శంకరుండు వలదు శాంతి వలయు
ఈ కామెంట్‌ను రచయిత తీసివేశారు.
క్రొవ్విడి వెంకట రాజారావు: జంకును గూర్చుచున్ జనుల స్వస్థత జాఱ్చిన కరోనయే అంకిలి పెట్టుచున్ సతము నాతుర జేయుచు నిద్ర నెట్టుచున్వంకరజేయు నీవడిని వైద్యమె చేయగరాని కింజుడౌ శంకరుఁ డేల?మాకిపుడు శాంతియె కావలె నెవ్విధిన్ గనన్.
మీ పూరణ బాగున్నది. అభినందనలు."...జార్చిన యీ కరోనయే..."
సంకటమాయె జీవనము చాపగకోరలు క్రొత్తరోగమే శంకలె నిండగామదిని సైపరు మిత్రుల బంధు పొందులన్ఇంకగ ప్రేమలే భువిని హింసయె నిండగ జాలిజూపడాశంకరు డేల? మాకిపుడు శాంతియె గావలె నెవ్విధిన్ గనన్
నిన్నటి మాశ్రీ గారి పుస్తకావిష్కరణ సందర్భంగా వారి శ్రీమతి నాగలక్ష్మిగారి మనోగతం 😊🙏అంకిత భావమున్నిచట నౌనన నార్యులు జాగులేకయేవంకర కైపదమ్ములను వాసిగనిచ్చెడుశంకరార్యులేపంకజలోచనన్ గొనుచు పన్నుగ చేరగమిత్రబృందమున్శంకరుడేల మాకిపుడు శాంతియె గావలె నెవ్విధిన్ గనన్ శాంతి = శంకరార్యుల శ్రీమతి
సమస్య నిత్చుటలో గురువుగారి మనోగతం యిదే అనుకుంటాను! 😊😊🙏🙏🙏
నిచ్చుట
మీ రెండు పూరణలు బాగున్నవి. అభినందనలు. ఇస్తున్నపుడు తోచలేదు. ఇచ్చిన తర్వాత అలాగే అనిపించింది. నిజానికి ఇది ఆకాశవాణి విజయవాడ వారు ఎప్పుడో ఇచ్చిన సమస్య "శంకరుండు వద్దు మాకు శాంతి కావలెన్ సదా" అన్నదానికి రూపాంతరం.
ధన్యవాదములు గురువర్యా! నమోనమః! 🙏🙏😊
*హిమవంతుడు తన కూతురు పార్వతితో పలుకు మాటలు*....... ........ ........ ........ ....... ..... వంకర బుద్ధితో తలను భామను దాల్చిన వాడు జూటమున్ వంక ధరించెవాడు, ఫణివంతమె యాభరణమ్ము నిత్యమున్ శంకువు కంఠమందు కరిచర్మము గట్టెడు కామహారియౌ శంకరుఁ డేల మాకిపుడు శాంతియె కావలె నెవ్విధిన్ గనన్
1.రాయభారమున శ్రీకృష్ణ పరమాత్మ ధృతరాష్ట్రునితో... ఆటవెలదితమ్ముని సుతులడుఁగఁ దమదైన భాగమ్ముధర్మమెంచుటన్న దగును మామ!రణము కోరు వాడు ప్రాజ్ఞుడె? వంశ నాశంకరుండు! వలదు శాంతి వలయు!!2. ప్రెసిడెంట్ ను ఎన్నుకోవడంలో అమెరికా ప్రజల అంతరంగం.... ఉత్పలమాలజంకది లేక కూతుఁగని జారుడు మాటలు సంప్రదాయమే? పంకము లోనఁ గాలిడెది పందియె కాదను వారలెవ్వరే! వంకర మాటలన్ జనుల వంచన జేసెడు 'ట్రంపు' జాతి నాశంకరుఁ డేల? మాకిపుడు శాంతియె కావలె నెవ్విధిన్ గనన్!
రెండవ పాదములో'పంకములోన బొర్లెడిది' అని చదువుకొన ప్రార్థన
మీ రెండు పూరణలు ప్రశస్తంగా ఉన్నవి. అభినందనలు.
🙏ధన్యోస్మి గురుదేవా🙏
రక్కసులనుగాచి చక్కగ వరములనిచ్చి వారి మేలు నిట్టెగోరువాడు దేవుడైన వన్నెగూడదు తిక్కశంకరుండు వలదు శాంతి వలయు
ప్రళయకాలరుద్రు బాధించ గోరినకోవిడనెడిపురుగు కొలువుజేసెకాలమహిమజూప కనుదెరిచిన వేళశంకరుండు వలదు శాంతి వలయు
మీ రెండు పూరణలు బాగున్నవి. అభినందనలు.
సమస్య :-“శంకరుండు వలదు శాంతి వలయు”*ఆ.వె**కాల్పులు వినబడెడు కాశ్మీర దేశపుపుణ్య తీర్థములకు పోక వలదుజలదరింపు వలదు శంకరుండు వలదు శాంతి వలయు ప్రజకు కాంతి మెరవ .................✍️చక్రి
సమస్య :-“శంకరుండు వలదు శాంతి వలయు”*ఆ.వె**మంచి చెడులు దెలుపు మతములన్నవి గానిగొడవలు పడి తుదకు కోట్టు కుంద్రురాజకీయపుచ్చురా యిది దేశ నాశంకరుండు వలదు శాంతి వలయు .................✍️చక్రి
సమస్య :శంకరు డేల మా కిపుడు శాంతియె కావలె నెవ్విధి గనన్ ( ప్రస్తుత ప్రపంచప్రజల ప్రగాఢకాంక్ష )ఉత్పలమాల ....................వంకలు లేని ప్రేమమృదు వర్షము గుర్యుచు జూపులందునన్ ;శంకలు లేని చర్యలను సత్యము దొణ్కిసలాడజేయుచున్ ;గొంకులు మాని మానవులు గూడి చరించెడి వేళ ; మైత్రినా శంకరు డేల మా కిపుడు ?శాంతియె కావలె నెవ్విధిన్ గనన్ .
మీ పూరణ ప్రశస్తంగా ఉన్నది. అభినందనలు.
శంకలు దీర్చ నోర్మిగల శంకరభూషణవర్గస్రష్ట యాతంకనిరస్తసంకలితదత్తసమస్యల నిచ్చు చుండ నాశంకరమయ్యె మందమతి, సత్కవితోక్తిలసత్సమూహమున్శంకరుఁ డేల.... మాకిపుడు శాంతియె కావలె నెవ్విధిన్ గనన్.ఏల= పాలించుచుండగ( సమీక్షించుచుండగ)కంజర్ల రామాచార్య.వనస్థలిపురం.
మీ పూరణ మనోహరంగా ఉన్నది. అభినందనలు.
యుద్ధకాంక్షపెరిగి యోధుఁడ నేననివిర్రవీగిరాజు వెఱపుజేయతలచిరపుడుజనులు తమకట్టి ధృతివినాశంకరుండు వలదు శాంతి వలయు
రంకెల వేయుచున్ దిరిగు రక్కసి మూకల యాగడాలకున్గొంకుచు బొంకుచున్ గలియ గూడుచు నెన్నిక లందునిట్టులన్బింకము వీడి రాజ్యమును పిక్కు కుటుంబము కల్వకుంట్ల యాశంకరుఁ డేల మాకిపుడు శాంతియె కావలె నెవ్విధిన్ గనన్.
జంకును గొంకులేకనిల సర్వవిధంబుల దాడిఁజేయుచున్రంకెలువేయుచున్ దనరు రాక్షసిరోగము మాన్పలేమిచేపంకమునందులోతుగను పాతుకు పోయిన జీవనమ్ముతోశంకరుడేలమాకిపుడు శాంతియెకావలె నెవ్విధిన్గనన్ ఆదిభట్ల సత్యనారాయణ
శంక లేదు మాకు సరియగు పూరణజేయ, కవివరుండు చెంత గలడెకందిశంక రున్న కారణమ్మున మాకుశంకరుండు వలదు శాంతి వలయు!!
ప్రాన కుదర కున్న పద్యమని యలిగెశంకరాభరణపు సంస్కృతుడగుశంకరుండు ; వలదు శాంతి వలయు ననివేడె నతని పాఠి వేదనపడి
శంకరుండువలదు శాంతివలయునటపిచ్చివానిపలుకు లిచ్చగించరాదు,శంకరుండె రత్నసువునకుదై వమని,యరయుమమ్మ పార్వతమ్మ!
శంకలువీడిమీరలునుశంభునిగోల్వగనీటమున్గినన్రంకెనువేయుచున్పురుగురచ్చకునీడ్చునుజీవితంబునేసుంకముకట్టలేమునికసుందరుజూడగమానుకోందమాశంకరుడేలమాకిపుడుశాంతినిగావలెనెవ్విధిన్గనన్
సంకులమాయె నెన్నికలు శాంతియు శంకరు డగ్ర నేతలైయంకములాడుచుండ జనులందరు సూటిగ బల్కిరిట్టులన్శంకరు పాలనంబున నశాంతి యభద్రత పెచ్చు మీరెగాశంకరుఁ డేల మాకిపుడు శాంతియె కావలె నెవ్విధిన్ గనన్
ఉ: శంకరు వోలె లోకమున సంపుచు ప్రాణుల నుగ్ర రీతినిన్సంకట మందు జేర్చి కడు సంపద లెల్లను గుల్లసేయగన్చంకిలి వీడ జాలు నిక చాలు కరోన ప్రయాస దీర్చ నాశంకరుడేల మాకిపుడు శాంతియె కావలె నెవ్విధిన్ గనన్వై. చంద్రశేఖర్
శంకరుడేల మాకిపుడు శాంతియెకావలె నెవ్విధిన్ గనన్వంకరమాటలెందులకు భవ్యుడులేకనుశాంతియుండునే?శంకరునామమున్ లలిత! సన్మతితోడను నాలపించుచోశంకలులేనిసంపదలు,సౌఖ్యములిచ్చును దప్పకుండగన్
దేవరకొండ భగవాన్ గురువు గారికి నమస్కారం ప్రయత్నం మాత్రమే మే జంకు గొంకు వీడి జనులంత గూడియుచిందు లేయు చుండే మత్తు చేతపరుల బాధ గనరు పబ్బుల గోలలోశంకరుడు వలదు శాంతి వలయు
చక్కదిద్దు సతము శాంతియె పగల నడంచి సకల రాజ్య సంచయముల నేల మనకు వీరుఁ డీ భండన కళా వశంకరుండు వలదు శాంతి వలయు అంకము కోర మిత్తరి యనర్థము లిచ్చుఁ గరమ్ము పూని తాఁబొంక మెడంద మిక్కిలి త్రిమూర్తుల మేటి భృగూత్తమర్షియే యంకము సేరి కన్గొనె మహాత్ముఁడు నోర్పరి విష్ణు వుండఁగా శంకరుఁ డేల మాకిపుడు శాంతియె కావలె నెవ్విధిం గనన్
శంకలనేకముల్ మదిని శాంతినిదోచి సతంబు చింతనాపంకమునందుదించిమముపాయక వంతలు వెట్టుచుండె నాశంక రవంతలేక మదిసంతసమొందు విధంబు జూడడాశంకరుఁ డేల మాకిపుడు? శాంతియె కావలె నెవ్విధిన్ గనన్
బొంకుచు నుండు మాకితడు పుత్రునిగా జనియించి కొంపలోసంకట పెట్టుచున్ బ్రతుకు సద్గుణముల్ గల వారి నెప్పుడున్వంకర బుద్ధితోడను వివాదములన్ తలదూర్చు వంశ నాశంకరుఁ డేల? మాకిపుడు శాంతియె కావలె నెవ్విధిన్ గనన్
రిప్లయితొలగించండి"శ్రీ రాముని దయ చేతను..."
సరదా పూరణ:
జంకుచు చేరగా నిచట జంబము వీడుచు కైపదమ్ములన్
వంకర పూరణమ్ము లిడి వాసిగ నాతని బ్లాగునందునన్
పంకజ నేత్రుడాదటను బాగుగ తట్టుచు కంది వంశపున్
శంకరుఁ డేల మాకిపుడు శాంతియె కావలె నెవ్విధిన్ గనన్...
తొలగించండిశంకరుఁ డేల = శంకరుడు ఏల(గా)
తొలగించండి* బాగుగ మెచ్చుచు కందివంశపుం
మీ సరదా పూరణ బాగున్నది. అభినందనలు.
తొలగించండి🙏
తొలగించండి
రిప్లయితొలగించండిఅమ్మ లేని అయ్య ఆ అయ్య లేని అ
మ్మయు జిలేబి గలదె మహిని? రెండు
గా కనపడునదొకటెకద ? కుదురునకొ
శంకరుండు వలదు శాంతి వలయు?
జిలేబి
మీ పూరణ బాగున్నది. అభినందనలు.
తొలగించండిమూడవ పాదంలో ప్రాసయతి తప్పింది. సవరించండి.
తొలగించండిఅమ్మ లేని అయ్య ఆ అయ్య లేని అ
మ్మయు జిలేబి గలదె మహిని? రెండు
గా కనపడునది యొకటెగా? కుదురునకొ
శంకరుండు వలదు శాంతి వలయు?
సరియేనాండి ?
జిలేబి
రిప్లయితొలగించండిఇలలో నొకటైనది లే
వులె! శంకరుఁ డేల మాకిపుడు శాంతియె కా
వలె నెవ్విధిన్ గనన్ కో
మలాంగి కుదరనిది! ద్వైత మద్వైతమిదే!
జిలేబి
మీ కందోత్పల పూరణ బాగున్నది. అభినందనలు.
తొలగించండి
రిప్లయితొలగించండిఆటవిడుపు సరదా పూరణ:
(జిలేబి గారికి అంకితం)
జంకి కరోన రోగమున జంబము వీడుచు మాస్కులేయగన్
వంకర పోవగా బ్రతుకు బంగరు భూమిని హైద్రబాదునన్
బింకము కూలగా హృదిని వీరుడు శూరుడు కల్వకుంటడౌ
శంకరుఁ డేల మాకిపుడు శాంతియె కావలె నెవ్విధిన్ గనన్...
తొలగించండిశంకరుఁ డేల = శంకరుడు ఏల(గా)
మీ ఆటవిడుపు పూరణ బాగున్నది. అభినందనలు.
తొలగించండి🙏
తొలగించండికంఠమందువిషముకామందుఁజూడగా
రిప్లయితొలగించండిబాధలన్నిపలుకుభాషలోన
నెత్తినీళ్లకుండనెఱజాణభార్యగా
శంకరుండువలదుశాంతివలయు
మీ పూరణ బాగున్నది. అభినందనలు.
తొలగించండిశంకలతీర్చిదిద్దిమనుజాళికిమంచినిపంచియిచ్చిని
రిప్లయితొలగించండిశ్శంకనుపద్యరాజములఛందమునందముశయ్యపాకమున్
పొంకముగాప్రశంసలనపూర్వతితీక్షసమీక్షదక్షుడౌ
*“శంకరుఁ డేల మాకిపుడు శాంతియె కావలె నెవ్విధిన్ గనన్”*
వంకలబెట్టకుండనలువంకలదోషములెంచకేభళా
కంకణమిచ్చిపుచ్చుకొనుకాతరులేకుకవుల్నుతించరే
మీ పూరణ బాగున్నది. అభినందనలు.
తొలగించండికులమతమ్ము లనుచు కుటిలత్వమును జూపు
రిప్లయితొలగించండిమానవత్వ మనెడు మాట మరచి
దమన కాండ జరుపు ద్రాబయైనట్టి నా
శంకరుండు వలదు శాంతి వలయు.
మీ పూరణ బాగున్నది. అభినందనలు.
తొలగించండి"...యైనట్టి యా..."
క్రొవ్విడి వెంకట రాజారావు:
రిప్లయితొలగించండికష్టపెట్టు చుండు దుష్ట కరోనయే
నిద్రపోవనీక నిల్పు వడిని
గుళిక లీయలేక కళవళించు కుహనా
శంకరుండు వలదు శాంతి వలయు.
మీ పూరణ బాగున్నది. అభినందనలు.
తొలగించండికపట బుద్ధి గల్గి కాఠిన్య హృదయుడై
రిప్లయితొలగించండిచెడ్డ పనులు సతము చేయు వాడు
పరుల హింస పెట్టు వంచక దుష్ట వ
శంకరుండు వలదు శాంతి వలయు
మీ పూరణ బాగున్నది. అభినందనలు.
తొలగించండిఈ కామెంట్‌ను రచయిత తీసివేశారు.
రిప్లయితొలగించండిక్రొవ్విడి వెంకట రాజారావు:
రిప్లయితొలగించండిజంకును గూర్చుచున్ జనుల స్వస్థత జాఱ్చిన కరోనయే
అంకిలి పెట్టుచున్ సతము నాతుర జేయుచు నిద్ర నెట్టుచున్
వంకరజేయు నీవడిని వైద్యమె చేయగరాని కింజుడౌ
శంకరుఁ డేల?మాకిపుడు శాంతియె కావలె నెవ్విధిన్ గనన్.
మీ పూరణ బాగున్నది. అభినందనలు.
తొలగించండి"...జార్చిన యీ కరోనయే..."
సంకటమాయె జీవనము చాపగ
రిప్లయితొలగించండికోరలు క్రొత్తరోగమే
శంకలె నిండగామదిని సైపరు మిత్రుల బంధు పొందులన్
ఇంకగ ప్రేమలే భువిని హింసయె నిండగ జాలిజూపడా
శంకరు డేల? మాకిపుడు శాంతియె గావలె నెవ్విధిన్ గనన్
నిన్నటి మాశ్రీ గారి పుస్తకావిష్కరణ సందర్భంగా వారి శ్రీమతి నాగలక్ష్మిగారి మనోగతం 😊🙏
తొలగించండిఅంకిత భావమున్నిచట నౌనన నార్యులు జాగులేకయే
వంకర కైపదమ్ములను వాసిగనిచ్చెడు
శంకరార్యులే
పంకజలోచనన్ గొనుచు పన్నుగ చేరగ
మిత్రబృందమున్
శంకరుడేల మాకిపుడు శాంతియె గావలె నెవ్విధిన్ గనన్
శాంతి = శంకరార్యుల శ్రీమతి
సమస్య నిత్చుటలో గురువుగారి మనోగతం యిదే అనుకుంటాను! 😊😊🙏🙏🙏
తొలగించండినిచ్చుట
తొలగించండిమీ రెండు పూరణలు బాగున్నవి. అభినందనలు.
తొలగించండిఇస్తున్నపుడు తోచలేదు. ఇచ్చిన తర్వాత అలాగే అనిపించింది. నిజానికి ఇది ఆకాశవాణి విజయవాడ వారు ఎప్పుడో ఇచ్చిన సమస్య "శంకరుండు వద్దు మాకు శాంతి కావలెన్ సదా" అన్నదానికి రూపాంతరం.
ధన్యవాదములు గురువర్యా! నమోనమః! 🙏🙏😊
తొలగించండి*హిమవంతుడు తన కూతురు పార్వతితో పలుకు మాటలు*
రిప్లయితొలగించండి....... ........ ........ ........ ....... .....
వంకర బుద్ధితో తలను భామను దాల్చిన వాడు జూటమున్
వంక ధరించెవాడు, ఫణివంతమె యాభరణమ్ము నిత్యమున్
శంకువు కంఠమందు కరిచర్మము గట్టెడు కామహారియౌ
శంకరుఁ డేల మాకిపుడు శాంతియె కావలె నెవ్విధిన్ గనన్
మీ పూరణ బాగున్నది. అభినందనలు.
తొలగించండి1.రాయభారమున శ్రీకృష్ణ పరమాత్మ ధృతరాష్ట్రునితో...
రిప్లయితొలగించండిఆటవెలది
తమ్ముని సుతులడుఁగఁ దమదైన భాగమ్ము
ధర్మమెంచుటన్న దగును మామ!
రణము కోరు వాడు ప్రాజ్ఞుడె? వంశ నా
శంకరుండు! వలదు శాంతి వలయు!!
2. ప్రెసిడెంట్ ను ఎన్నుకోవడంలో అమెరికా ప్రజల అంతరంగం....
ఉత్పలమాల
జంకది లేక కూతుఁగని జారుడు మాటలు సంప్రదాయమే?
పంకము లోనఁ గాలిడెది పందియె కాదను వారలెవ్వరే!
వంకర మాటలన్ జనుల వంచన జేసెడు 'ట్రంపు' జాతి నా
శంకరుఁ డేల? మాకిపుడు శాంతియె కావలె నెవ్విధిన్ గనన్!
రెండవ పాదములో
తొలగించండి'పంకములోన బొర్లెడిది' అని చదువుకొన ప్రార్థన
మీ రెండు పూరణలు ప్రశస్తంగా ఉన్నవి. అభినందనలు.
తొలగించండి🙏ధన్యోస్మి గురుదేవా🙏
తొలగించండిరక్కసులనుగాచి చక్కగ వరముల
రిప్లయితొలగించండినిచ్చి వారి మేలు నిట్టెగోరు
వాడు దేవుడైన వన్నెగూడదు తిక్క
శంకరుండు వలదు శాంతి వలయు
ప్రళయకాలరుద్రు బాధించ గోరిన
తొలగించండికోవిడనెడిపురుగు కొలువుజేసె
కాలమహిమజూప కనుదెరిచిన వేళ
శంకరుండు వలదు శాంతి వలయు
మీ రెండు పూరణలు బాగున్నవి. అభినందనలు.
తొలగించండిసమస్య :-
రిప్లయితొలగించండి“శంకరుండు వలదు శాంతి వలయు”
*ఆ.వె**
కాల్పులు వినబడెడు కాశ్మీర దేశపు
పుణ్య తీర్థములకు పోక వలదు
జలదరింపు వలదు శంకరుండు వలదు
శాంతి వలయు ప్రజకు కాంతి మెరవ
.................✍️చక్రి
సమస్య :-
తొలగించండి“శంకరుండు వలదు శాంతి వలయు”
*ఆ.వె**
మంచి చెడులు దెలుపు మతములన్నవి గాని
గొడవలు పడి తుదకు కోట్టు కుంద్రు
రాజకీయపుచ్చురా యిది దేశ నా
శంకరుండు వలదు శాంతి వలయు
.................✍️చక్రి
మీ రెండు పూరణలు బాగున్నవి. అభినందనలు.
తొలగించండిసమస్య :
రిప్లయితొలగించండిశంకరు డేల మా కిపుడు
శాంతియె కావలె నెవ్విధి గనన్
( ప్రస్తుత ప్రపంచప్రజల ప్రగాఢకాంక్ష )
ఉత్పలమాల
....................
వంకలు లేని ప్రేమమృదు
వర్షము గుర్యుచు జూపులందునన్ ;
శంకలు లేని చర్యలను
సత్యము దొణ్కిసలాడజేయుచున్ ;
గొంకులు మాని మానవులు
గూడి చరించెడి వేళ ; మైత్రినా
శంకరు డేల మా కిపుడు ?
శాంతియె కావలె నెవ్విధిన్ గనన్ .
మీ పూరణ ప్రశస్తంగా ఉన్నది. అభినందనలు.
తొలగించండిఈ కామెంట్‌ను రచయిత తీసివేశారు.
రిప్లయితొలగించండిశంకలు దీర్చ నోర్మిగల శంకరభూషణవర్గస్రష్ట యా
రిప్లయితొలగించండితంకనిరస్తసంకలితదత్తసమస్యల నిచ్చు చుండ నా
శంకరమయ్యె మందమతి, సత్కవితోక్తిలసత్సమూహమున్
శంకరుఁ డేల.... మాకిపుడు శాంతియె కావలె నెవ్విధిన్ గనన్.
ఏల= పాలించుచుండగ( సమీక్షించుచుండగ)
కంజర్ల రామాచార్య.
వనస్థలిపురం.
మీ పూరణ మనోహరంగా ఉన్నది. అభినందనలు.
తొలగించండియుద్ధకాంక్షపెరిగి యోధుఁడ నేనని
రిప్లయితొలగించండివిర్రవీగిరాజు వెఱపుజేయ
తలచిరపుడుజనులు తమకట్టి ధృతివినా
శంకరుండు వలదు శాంతి వలయు
రంకెల వేయుచున్ దిరిగు రక్కసి మూకల యాగడాలకున్
రిప్లయితొలగించండిగొంకుచు బొంకుచున్ గలియ గూడుచు నెన్నిక లందునిట్టులన్
బింకము వీడి రాజ్యమును పిక్కు కుటుంబము కల్వకుంట్ల యా
శంకరుఁ డేల మాకిపుడు శాంతియె కావలె నెవ్విధిన్ గనన్.
ఈ కామెంట్‌ను రచయిత తీసివేశారు.
రిప్లయితొలగించండిజంకును గొంకులేకనిల సర్వవిధంబుల దాడిఁజేయుచున్
రిప్లయితొలగించండిరంకెలువేయుచున్ దనరు రాక్షసిరోగము మాన్పలేమిచే
పంకమునందులోతుగను పాతుకు పోయిన జీవనమ్ముతో
శంకరుడేలమాకిపుడు శాంతియెకావలె నెవ్విధిన్గనన్
ఆదిభట్ల సత్యనారాయణ
శంక లేదు మాకు సరియగు పూరణ
రిప్లయితొలగించండిజేయ, కవివరుండు చెంత గలడె
కందిశంక రున్న కారణమ్మున మాకు
శంకరుండు వలదు శాంతి వలయు!!
ప్రాన కుదర కున్న పద్యమని యలిగె
రిప్లయితొలగించండిశంకరాభరణపు సంస్కృతుడగు
శంకరుండు ; వలదు శాంతి వలయు నని
వేడె నతని పాఠి వేదనపడి
శంకరుండువలదు శాంతివలయునట
రిప్లయితొలగించండిపిచ్చివానిపలుకు లిచ్చగించ
రాదు,శంకరుండె రత్నసువునకుదై
వమని,యరయుమమ్మ పార్వతమ్మ!
శంకలువీడిమీరలునుశంభునిగోల్వగనీటమున్గినన్
రిప్లయితొలగించండిరంకెనువేయుచున్పురుగురచ్చకునీడ్చునుజీవితంబునే
సుంకముకట్టలేమునికసుందరుజూడగమానుకోందమా
శంకరుడేలమాకిపుడుశాంతినిగావలెనెవ్విధిన్గనన్
సంకులమాయె నెన్నికలు శాంతియు శంకరు డగ్ర నేతలై
రిప్లయితొలగించండియంకములాడుచుండ జనులందరు సూటిగ బల్కిరిట్టులన్
శంకరు పాలనంబున నశాంతి యభద్రత పెచ్చు మీరెగా
శంకరుఁ డేల మాకిపుడు శాంతియె కావలె నెవ్విధిన్ గనన్
ఉ:
రిప్లయితొలగించండిశంకరు వోలె లోకమున సంపుచు ప్రాణుల నుగ్ర రీతినిన్
సంకట మందు జేర్చి కడు సంపద లెల్లను గుల్లసేయగన్
చంకిలి వీడ జాలు నిక చాలు కరోన ప్రయాస దీర్చ నా
శంకరుడేల మాకిపుడు శాంతియె కావలె నెవ్విధిన్ గనన్
వై. చంద్రశేఖర్
ఈ కామెంట్‌ను రచయిత తీసివేశారు.
రిప్లయితొలగించండిశంకరుడేల మాకిపుడు శాంతియెకావలె నెవ్విధిన్ గనన్
రిప్లయితొలగించండివంకరమాటలెందులకు భవ్యుడులేకనుశాంతియుండునే?
శంకరునామమున్ లలిత! సన్మతితోడను నాలపించుచో
శంకలులేనిసంపదలు,సౌఖ్యములిచ్చును దప్పకుండగన్
రిప్లయితొలగించండిదేవరకొండ భగవాన్ గురువు గారికి నమస్కారం ప్రయత్నం మాత్రమే మే
జంకు గొంకు వీడి జనులంత గూడియు
చిందు లేయు చుండే మత్తు చేత
పరుల బాధ గనరు పబ్బుల గోలలో
శంకరుడు వలదు శాంతి వలయు
చక్కదిద్దు సతము శాంతియె పగల న
రిప్లయితొలగించండిడంచి సకల రాజ్య సంచయముల
నేల మనకు వీరుఁ డీ భండన కళా వ
శంకరుండు వలదు శాంతి వలయు
అంకము కోర మిత్తరి యనర్థము లిచ్చుఁ గరమ్ము పూని తాఁ
బొంక మెడంద మిక్కిలి త్రిమూర్తుల మేటి భృగూత్తమర్షియే
యంకము సేరి కన్గొనె మహాత్ముఁడు నోర్పరి విష్ణు వుండఁగా
శంకరుఁ డేల మాకిపుడు శాంతియె కావలె నెవ్విధిం గనన్
శంకలనేకముల్ మదిని శాంతినిదోచి సతంబు చింతనా
రిప్లయితొలగించండిపంకమునందుదించిమముపాయక వంతలు వెట్టుచుండె నా
శంక రవంతలేక మదిసంతసమొందు విధంబు జూడడా
శంకరుఁ డేల మాకిపుడు? శాంతియె కావలె నెవ్విధిన్ గనన్
బొంకుచు నుండు మాకితడు పుత్రునిగా జనియించి కొంపలో
రిప్లయితొలగించండిసంకట పెట్టుచున్ బ్రతుకు సద్గుణముల్ గల వారి నెప్పుడున్
వంకర బుద్ధితోడను వివాదములన్ తలదూర్చు వంశ నా
శంకరుఁ డేల? మాకిపుడు శాంతియె కావలె నెవ్విధిన్ గనన్