7-11-2020 (శనివారం)
కవిమిత్రులారా,
ఈరోజు పూరింపవలసిన సమస్య ఇది...
“రక్షకుండు గొనెను ప్రాణములను”
(లేదా…)
“రక్షకుఁడంచుఁ జేరఁగనె ప్రాణము దీసె దయావిదూరుఁడై”
"శ్రీ రాముని దయ చేతను..." సరదా పూరణ:దీక్షను పొందుచున్ మురిసి దేవళ మందున చర్చిలోననున్వీక్షణ జేసి వోటరుల విందును జేసి మసీదులందునన్భక్షణ జేయుచున్ తనరి వందల లక్షలు ముఖ్యమంత్రియై రక్షకుఁడంచుఁ జేరఁగనె ప్రాణము దీసె దయావిదూరుఁడై....
మీ పూరణ బాగున్నది. అభినందనలు.
🙏
క్రొవ్విడి వెంకట రాజారావు: రావణు నని నడచి రామచంద్రుడు జగ ద్రక్షకుండు గొనెను ప్రాణములను నిలిపె లోకమెల్ల నెఱిని ప్రశాంతిని జనులలరెడి రీతి ఘనముగాను.
ఆటవిడుపు సరదా పూరణ: (జిలేబి గారికి అంకితం)Virus-killer:శిక్షను నోర్వజాలకయె శీఘ్రముగానొక పండితుండు తాకుక్షిని నింపలేక కడు కోపము రాగనె ముక్కు, నాల్కపైమోక్షము నిచ్చి వైరసుకు;...ముచ్చట మీరగ నాంగ్ల వైద్యుడే రక్షకుఁడంచుఁ జేరఁగనె;...ప్రాణము దీసె దయావిదూరుఁడై...
నరకు డతడు ధరణి నరరూప రాక్షసుం డతడు జనుల జంపు సతులచెరచు పలువ, భటుని గాంచి పారిపోదలచగా రక్షకుండు గొనెను ప్రాణములను
గజము ప్రార్ధించ పరుగిడె కాచ దుష్టశిక్ష కుండగు హరి, శిష్ట రక్ష కుండుగొనెను ప్రాణములను చక్రమును రయముగమడుగు లోనున్న మకరిపై విడిచి నపుడు
ఆటవెలది సమస్యకు మీ తేటగీతి పూరణ బాగున్నది. అభినందనలు."విడిచి యపుడు" అని ఉండాలనుకుంటాను.
గానమధురిమ లవి వీనులవిందయ్యిసంతసించి నాడెసంద్రమంతతనదు సభన వెలుగ తరలించ బాలునురక్షకుండు గొనెను ప్రాణములను!!
మీ పూరణ బాగున్నది. అభినందనలు."సభను" అనండి.
ఈ కామెంట్‌ను రచయిత తీసివేశారు.
రాక్షసుడై చరించి ధవళాక్షుల మానము దోచె, తీవ్రవాదిగా శిక్షణపొంది దేశమున చిచ్చును బెట్టుచు జాతిసంపదన్ భక్షణజేయు కట్టిడి, సిపాయియె స్నేహితుడంచు వాడె నా రక్షకుఁడంచుఁ జేరఁగనె ప్రాణము దీసె దయావిదూరుఁడై
మీ పూరణ బాగున్నది. అభినందనలు.మొదటి పాదంలో గణభంగం. సవరించండి.
దుష్ట రాక్షసుండు దురితు రావణు గూల్చిజగతి బ్రోచె రామ చంద్ర విభుడుధర్మ నిరతి జూపి తాపసులను గాచి"రక్షకుండు గొనెను ప్రాణములను"
ధన్యవాదములు
అందరికీ నమస్సులు🙏ఉ.మాశిక్షణ నొందగన్ భటులు శ్రేయము చూడగ నిందిరమ్మకున్దీక్షగ పాలనన్ నెరపు ధీమతి ప్రాణము దీయనెంచగన్వక్షము నందు కాల్చగనె వ్యాఘ్రము నేలను కూలెనక్కటా!*రక్షకుఁడంచుఁ జేరఁగనె ప్రాణము దీసె దయావిదూరుఁడై**వాణిశ్రీ నైనాల, విజయవాడ*
కంసు డనుప వచ్చి కపట వేషముతోడకృష్ణుఁ జేత కూల కౄరముగనుధర్మ రక్షణమ్ము తలపుచు నా లోకరక్షకుండు గొనెను ప్రాణములను
మీ పూరణ బాగున్నది. అభినందనలు.'క్రూరముగను' అనడం సాధువు. అప్పుడు యతి తప్పుతుంది. "తలచుచు" అని ఉండాలి.
నరకు బారి నుండి నరులను రక్షింప పంత మూని హరియు బ వర మందు సత్య తోడు రాగ సాహసము న జగ ద్ర క్ష కుండు గొనెను ప్రాణములను
కంరాజీవాక్షిదె రాజ్యము,వాజిని యాగాశ్వమంచు వారిజ నేత్రుల్,కాజేయంగ ప్రమీలాగాజులు గల్లనఁగ నరుఁడు గాండివ మెత్తెన్రాజీవాక్షి-ఇక్కడ ప్రమీలనరుడు- అర్జునుడు
మీ పూరణ బాగున్నది. అభినందనలు.'ప్రమీలా గాజులు' అన్నది దుష్టసమాసం. "కాజేయ ప్రమీల కరమున గాజులు..." అనండి.
నామవాచకము దష్ట సమాసమనుకోలేదు.🙏🏻🙏🏻
రక్షరక్ష యనుచు రక్షింప వేడగాతక్షణమ్ము మకరి దంష్ట్రనుండిపక్షివాహన మెక్కి పరువెత్తి వచ్చి తారక్షకుండు గొనెను ప్రాణములను తక్షణ కోపమంది తన తండ్రికి జేసిన బన్నమెంచుచున్శిక్షగ శాపమీయగను శీఘ్రము జావగ బాముకాటుచే తక్షక కాటునున్ దొలగ త్రాతగ విష్ణువు నాశ్రయించుచున్రక్షకుడంచు చేరగనె, ప్రాణముదీసె దయావిదూరుడై,మోక్షము నీయగాను బహుపుణ్యపుగాథల శ్రోత్రలాభమున్
మీ రెండు పూరణలు బాగున్నవి. అభినందనలు. మొదటి పూరణలో 'తత్క్షణమ్ము' అన్నది సాధువు. మూడవ పాదంలో గణభంగం. "పక్షివాహనమున" అనండి. రెండవ పూరణలో 'తత్క్షణకోప'మని ఉండాలి. అప్పుడు ప్రాస తప్పుతుంది. 'తక్షక కాటు' దుష్టసమాసం. "తక్షకు కాటు" అనండి.
ధన్యవాదములు గురుదేవా! సవరిస్తాను! 🙏🙏🙏
సవరణలతో 🙏🙏🙏వీక్షణజేసి సర్పమును వేసటనొందుచుదండ్రికంఠమున్ శిక్షగ శాపమీయగను శీఘ్రము జావగ బాముకాటుచే తక్షకు కాటునున్ దొలగ త్రాతగ విష్ణువు నాశ్రయించుచున్రక్షకుడంచు చేరగనె, ప్రాణముదీసె దయావిదూరుడై,మోక్షము నీయగాను బహుపుణ్యపుగాథల శ్రోత్రలాభమున్ రక్షరక్ష యనుచు రక్షింప వేడగాతత్క్షణమ్ము మకరి దంష్ట్రనుండిపక్షిరథము నెక్కి పరువెత్తి వచ్చి తారక్షకుండు గొనెను ప్రాణములను
రాజధాని మార్చి , రాష్ట్ర జనావళిరక్షకుండు గొనెను ప్రాణములనుపృథివినిడిన రైతుపెద్దల వంచించి ,ప్రజలబాధ నెంచ వలనుకాదు
ఏక్షణమందునేమగునొ నీవిధి ఎవ్వరు జెప్పలేరుగారక్షణగోరిరాగ మరి రాక్షసుడయ్యెనదేలనో మరిన్తక్షణ లంచముందినగ తామసమందున మున్గనా తడేరక్షకుఁడంచుఁ జేరఁగనె ప్రాణము దీసె దయావిదూరుఁడై!!
మీ పూరణ బాగున్నది. అభినందనలు.'మరిన్' అన్న ప్రయోగం సాధువు కాదు. 'తత్క్షణ'మన్నది సాధువు. దానివల్ల ప్రాస తప్పుతుంది.
( తనను అమ్మోరికి బలి యిస్తున్న యజమానిని చూచిన మేకపోతు )ఈ క్షణమంతదాక కృప నెంతయొ చూపుచు మేపుచుండెనే !శిక్షల నీయకే మిగుల చెంతకు జేర్చుచు బుజ్జగించెనే !వక్షమునందు మోమునిడి వత్సలతన్ గురిపించెనే ! కటా !రక్షకుడంచు జేరగనె ప్రాణము దీసె దయావిదూరుడై !!
మీ పూరణ ప్రశస్తంగా ఉన్నది. అభినందనలు.
ఉ: లక్షణ మైన జోడి యని లక్షల కట్నము బోసి యెంచగన్రాక్షసుడై మెలంగుచును రాచుచు రంపము నందు బెట్టుచున్ లక్షము నెచ్చు కానుకలు లాగుట హేతువు పత్ని తోడుతన్రక్షకుడంచు జేరగనె ప్రాణము దీసె దయా విదూరుడైవై. చంద్రశేఖర్
మీ పూరణ బాగున్నది. అభినందనలు.'లక్షము'?
ఆంధ్రభారతి నిఘంటువు పరిభాష ; ధన్యవాదములు
రక్షకభటుడన్న రాజుల సేవకేప్రజలమేలుమరచి బాధగూర్చచిన్నతప్పునైన ఎంచి పెద్దగజేసిరక్షకుండు గొనెను ప్రాణములను
శిక్షణ పూర్తి జేసుకొని సేమముగా దన నింట జేర్చగారక్షకుఁడంచుఁ జేరఁగనె ప్రాణము దీసె దయావిదూరుఁడైరక్షక వేష ధారి యగు రాక్షసుడా దురితాత్ముడక్కటా రక్షణ లేదయో ధర వెలందులకున్ గడు గడ్డు కాలమే
మనుజుడ! యేసును నమ్ముము!మనుగడకు వలయు మనికియు మహితహితముగాకనికరము రక్ష కుండు గొనెను, ప్రాణమ్ములను వాడు నేర్పుగ గాచెన్!ఆమెన్జిలేబి
తనదు ప్రాణ మొడ్డి తలగాచు తన యంగరక్షకుండు గొనెను ప్రాణములనుఇందిరమ్మ చరిత యించుకైనను గొల్పునింగితమును నీకు తంగిరాల౹౹
ఆటవెలదిద్వార పాలకునిగఁ బసుపు బొమ్మను జేసిప్రాణమిడుచు గిరిజ తానమాడనడ్డగించె ననుచు నాదిదేవుడు జగద్రక్షకుండుఁ గొనెను ప్రాణములను
ఉత్పలమాలలక్షణమౌ హరిద్రము విలక్షణరీతి సుతుండునయ్యె నాపేక్షగఁ దాన మాడ పరివేష్టితుఁ జేయగ గౌరి ముంగిటన్శిక్షితుఁడై హరున్ నిలుపఁ జిర్రున వీడెటు నాదు యింటికిన్రక్షకుడంచుఁ? జేరఁగనె ప్రాణముఁ దీసె దయావిదూరుడై
మీ రెండు పూరణలు ప్రశస్తంగా ఉన్నవి. అభినందనలు.
👏👏💐💐
గురుదేవులకు మరియు శ్రీమతి సీతాదేవి గారికి ధన్యవాదములు.
నాదు యింటికిన్ : యడాగమము చూడండి. పరివేష్టితుఁ జేయగ గౌరి ముంగిట: పరివేష్టితు సరియైన పదము కాదండి.
క్రొవ్విడి వెంకట రాజారావు: లక్షణమైన దానినని రండులు మోసము జేయబోవగన్ వీక్షణ జేసినట్టి దొర వీకను వారి నడంచి దెచ్చి తా నున్ క్షణ మాగకున్ తమిని నొబ్బిడిజేసి వదించెనే కటా!రక్షకుడంచు జేరగనె ప్రాణము దీసె దయా విదూరుడై.
మీ పూరణ బాగున్నది. అభినందనలు.మూడవ పాదంలో ప్రాస తప్పింది. సవరించండి.
గురువుగారికి నమస్సులు. ప్రాసతప్పలేదుగదా!
కందోత్పలబెదురుచు హరిణియె కావలికద రక్షకుఁడంచుఁ జేరఁగనె ప్రాణము దీసె దయావిదూరుఁడై మారె దేశమున ధర్మమెల్ల రెవటలు నలిగెన్!జిలేబి
శిక్ష లేదు నేడు కక్షలు తీర్చగ యిచ్చి పుచ్చు కొనుట లెక్కువాయె యడుగ బోవువాడె యపరాధి యనుచును 'రక్షకుండు గొనెను ప్రాణములను”
మీ పూరణ బాగున్నది. అభినందనలు."తీర్చగ నిచ్చి... లెక్కువాయె నడుగబోవు..." అనండి.
భిక్షువొకండుదక్షుడనివేడెనుభిక్షనుస్థూలలక్షునిన్గుక్షినినింపుమోక్షమిడుక్షుత్తుపిసాసశమించునంచుసంరక్షకుడంచునెంచిజనప్రార్థకుగారలబంపెయోధయే*“రక్షకుఁడంచుఁ జేరఁగనె ప్రాణము దీసె దయావిదూరుఁడై”*
దక్షకుడంచునోటరులుదారతవేసినమాటదప్పిదాభక్షకుడైజనాళికిసభాంగణమందునపన్నుపోటుతోశిక్షవిధించివేతనపుజీవులనారడిబెట్టబల్కరే*“రక్షకుఁడంచుఁ జేరఁగనె ప్రాణము దీసె దయావిదూరుఁడై”*
ఆ క్షణమందు వెంటపడు నా దురితాత్ముని బారి నుండి సంరక్షణఁ గోరిఁ జేరగ విలాసమధుప్రమదుండునై కటా!కుక్షికుతంత్రమ ట్గగుట క్రూరుడు చేలను మేయు కంచెయైరక్షకుఁడంచుఁ జేరఁగనె ప్రాణము దీసె దయావిదూరుఁడై.కంజర్ల రామాచార్య.
మీ పూరణ ప్రశస్తంగా ఉన్నది. అభినందనలు
కె.వి.యస్. లక్ష్మి: శరవణభవయన్న సతతము గాచెడి రక్షకుండు గొనెను ప్రాణములను దివిజ విజయమె తన దీక్షగ బూనుచు తారకు ననినందు జీరె సామి.
మీ పూరణ బాగున్నది అభినందనలు
దక్షతతో ప్రధాని కడు దర్పము పాలన చేయుచుండగారాక్షస శత్రు సంతతులు రౌరవమున్ కలిగింప, వంచగాకక్ష ఘటిల్ల చిత్తమున కావరి యైన భటుండె యింటిలోరక్షకుఁడంచుఁ జేరఁగనె ప్రాణము దీసె దయావిదూరుఁడై
శంకరాభరణంసమస్య -3537 7-11-2020 (శనివారం)సమస్య**** ***రక్షకుఁడంచుఁ జేరఁగనె ప్రాణము దీసె దయావిదూరుఁడైనా పూరణ. ఉ.మా*** *** ***( ఎన్నో ఆశలతో కూతురు వివాహము చేసి అత్తారింటికి పంపితె పాదాల పారాణి ఆరకముందె వాడు బిడ్డను హతమొనర్చగ ఓ తండ్రి ఇలా బాధపడుచున్నాడు...)లక్షణుఁడంచు దక్షత గలండని కూతురు బాగుఁ గోరుచున్లక్షల కట్నముల్ మరియు లాంచనముల్ గడు ధార వోయుచున్దక్షణమే వివాహము ముదమ్ముగఁజేయుచు సూనఁ బంపఁ దాన్రక్షకుఁడంచుఁ జేరఁగనె ప్రాణము దీసె దయావిదూరుఁడై -- ఆకుల శాంతి భూషణ్ వనపర్తి
నరకుజంపబూనినారాయణుడు,సతిసత్యభామతోడసమరమందుచంపెసుగమరీతిచక్రధారి,జగద్రక్షకుండుగొనెనుప్రాణములను
విశ్వమందురక్షవిష్ణుడుండెమనకుకర్మదాటియెవఁడుకానరాఁడుజీవిచేతలన్నిచెప్పునేభవితనురక్షకుండుగోనెనుప్రాణములను
అక్షయనామకంబలరుయౌవనకాంతయనొక్కవేకువన్ రక్షణగోరిజేరగనురక్షణసేవకనాలయంబునున్ రక్షణసేవకుండొకడురాక్షసరీతినిబాడుచేయగారక్షకుడంచుజేరగనెప్రాణముదీసెదయావిదూరుడై
మీ పూరణ బాగున్నది. అభినందనలు.కొన్ని టైపాట్లున్నవి
కుక్షిని నింపనెంచియొక కొంగజపంబొన రించియంతలోనేక్షణ మోనికం గొలను నేర్పడఁ జూడగ తోయహీనమౌరక్షణఁజేతుమి మ్మనుచు రమ్మనఁ జేపలు వెంటఁబోయినన్రక్షకుడంచుఁ జేరగనె ప్రాణముఁదీసె దయావిహీనుడై
వాలిఁ గాంచి యంత మాల లేని కపిని విల్లు నెక్కుపెట్టి వేగ వేసి రాఘవుండు దా నమోఘ శిఖిని ధర్మ రక్షకుండు గొనెను ప్రాణములను యీ క్షితి మాన వాకృతిని హీన మనస్కులు దుష్ట చిత్తులున్ భక్షణ మెంచి సంతతము వారక మత్స్య విహంగ జన్యులన్ దక్షతఁ బట్టి తిందు రని తా మది నేరకయే శశమ్మహో రక్షకుఁ డంచుఁ జేరఁగనె ప్రాణము దీసె దయావిదూరుఁడై
మీ రెండు పూరణలు ప్రశస్తంగా ఉన్నవి. అభినందనలు. రెండవ పద్యాన్ని యడాగమంతో ప్రారంభించారు.
పూజ్యులు శంకరయ్య గారికి నమః పూర్వక ధన్యవాదములు. సరిదిద్దానండి.
కక్షలేలమనకు కార్పణ్యములవేలకలిసిమెలిసియున్న కలదు సుఖమనంచుమాయమాటలాడి కాపటికపురక్షకుండు గొనెను ప్రాణములను
మీ పూరణ బాగున్నది. అభినందనలు."సుఖమటంచు" అనండి.
దక్షుని కూతురైన 'సతి' తండ్రి కదాయని పుట్టినింటికిన్ లక్షణబద్దయై చనగ రమ్మనలేకయు యజ్ఞవేదికన్త్య్రక్షుని తూలనాడె కడు నందరి ముందర ప్రేమహీనుడైరక్షకుఁడంచుఁ జేరఁగనె ప్రాణము దీసె దయావిదూరుఁడై.
సెక్షను లెన్నియున్న, వనజేక్షుల కెప్పుడు పాటులేగదా!రక్షణ నిచ్చెడిన్ భటులు రాక్షసులా యన మానభంగముల్!వీక్షణ జేయగా తెలిసె వేలుగ పత్రిక వార్తలందునన్రక్షకుఁడంచుఁ జేరఁగనె ప్రాణము దీసె దయావిదూరుఁడై.
బాహుబలి - కట్టప్పదక్షుడు సర్వసేనలకు దారినిజూపెడువాడు కట్టపఅక్షయ మైనబానిసగ నచ్చపు నమ్మిక సేవజేసి దా,కక్షను రాణిగోరగ, పెనుఘర్షణ నొందుచు రాకుమారునిన్రక్షకుడంచు చేరగనె ప్రాణము దీసె దయావిదూరుడై
మూడవ పాదమున కక్షను రాణిగోరగను ఘర్షణ నొందుచు గా చదువ ప్రార్ధన!
మొదటిపాదము చివరదారిని జూపెడు కట్టపాఖ్యుడే గా చదువ ప్రార్ధన !
సవరణలతో మీ పూరణ బాగున్నది. అభినందనలు.
ధన్యవాదములు గురువర్యా! ఈరోజు అన్నీ సవరణలే అయ్యాయి! 😒😒 🙏🙏🙏
మైలవరపు వారి పూరణ గతంలో విశాఖపట్నంలోని నర్సింగ్ కాలేజీ సంఘటన ఆధారముగా..శిక్షణనిచ్చుకేంద్రమని చెప్పగ పల్వురు చేరియుంటి., సం...రక్షణ నాది భారమని మాయల మాటల నన్ను ముంచగాశిక్షకు పాత్రుడీతడని చేసితి గోలను., గక్షగట్టె., సం..రక్షకుడంచు జేరగనె ప్రాణము దీసె దయావిహీనుడై!! మైలవరపు మురళీకృష్ణ వెంకటగిరి
మైలవరపు వారి పూరణ ప్రశస్తంగా ఉన్నది.
శిష్ట జనుల కాచి జీవుల రక్షించురక్షకుండు, గొనెను ప్రాణములనుదుర్మతులను తాను దురమునశిక్షించచక్రధారి యగుచు జవము గానుమరొకపూరణలక్షలు పోసి గొంటినికలక్షల నార్జన చేయుటొక్కటేయీక్షణమందుచేయమది యెంచుచు నేగెదురా శతోనటన్రక్షణ చిక్కెనంచు ననురాగము తోడను చేయి పట్టుచున్*రక్షకుఁడంచుఁ జేరఁగనె ప్రాణము దీసె దయావిదూరుఁడై.*
రిప్లయితొలగించండి"శ్రీ రాముని దయ చేతను..."
సరదా పూరణ:
దీక్షను పొందుచున్ మురిసి దేవళ మందున చర్చిలోననున్
వీక్షణ జేసి వోటరుల విందును జేసి మసీదులందునన్
భక్షణ జేయుచున్ తనరి వందల లక్షలు ముఖ్యమంత్రియై
రక్షకుఁడంచుఁ జేరఁగనె ప్రాణము దీసె దయావిదూరుఁడై....
మీ పూరణ బాగున్నది. అభినందనలు.
తొలగించండి🙏
తొలగించండిక్రొవ్విడి వెంకట రాజారావు:
రిప్లయితొలగించండిరావణు నని నడచి రామచంద్రుడు జగ
ద్రక్షకుండు గొనెను ప్రాణములను
నిలిపె లోకమెల్ల నెఱిని ప్రశాంతిని
జనులలరెడి రీతి ఘనముగాను.
మీ పూరణ బాగున్నది. అభినందనలు.
తొలగించండి
రిప్లయితొలగించండిఆటవిడుపు సరదా పూరణ:
(జిలేబి గారికి అంకితం)
Virus-killer:
శిక్షను నోర్వజాలకయె శీఘ్రముగానొక పండితుండు తా
కుక్షిని నింపలేక కడు కోపము రాగనె ముక్కు, నాల్కపై
మోక్షము నిచ్చి వైరసుకు;...ముచ్చట మీరగ నాంగ్ల వైద్యుడే
రక్షకుఁడంచుఁ జేరఁగనె;...ప్రాణము దీసె దయావిదూరుఁడై...
మీ పూరణ బాగున్నది. అభినందనలు.
తొలగించండి🙏
తొలగించండినరకు డతడు ధరణి నరరూప రాక్షసుం
రిప్లయితొలగించండిడతడు జనుల జంపు సతులచెరచు
పలువ, భటుని గాంచి పారిపోదలచగా
రక్షకుండు గొనెను ప్రాణములను
మీ పూరణ బాగున్నది. అభినందనలు.
తొలగించండిగజము ప్రార్ధించ పరుగిడె కాచ
రిప్లయితొలగించండిదుష్ట
శిక్ష కుండగు హరి, శిష్ట రక్ష కుండు
గొనెను ప్రాణములను చక్రమును రయముగ
మడుగు లోనున్న మకరిపై విడిచి నపుడు
ఆటవెలది సమస్యకు మీ తేటగీతి పూరణ బాగున్నది. అభినందనలు.
తొలగించండి"విడిచి యపుడు" అని ఉండాలనుకుంటాను.
గానమధురిమ లవి వీనులవిందయ్యి
రిప్లయితొలగించండిసంతసించి నాడెసంద్రమంత
తనదు సభన వెలుగ తరలించ బాలును
రక్షకుండు గొనెను ప్రాణములను!!
మీ పూరణ బాగున్నది. అభినందనలు.
తొలగించండి"సభను" అనండి.
ఈ కామెంట్‌ను రచయిత తీసివేశారు.
రిప్లయితొలగించండిరాక్షసుడై చరించి ధవళాక్షుల మానము దోచె, తీవ్రవాదిగా
రిప్లయితొలగించండిశిక్షణపొంది దేశమున చిచ్చును బెట్టుచు జాతిసంపదన్
భక్షణజేయు కట్టిడి, సిపాయియె స్నేహితుడంచు వాడె నా
రక్షకుఁడంచుఁ జేరఁగనె ప్రాణము దీసె దయావిదూరుఁడై
మీ పూరణ బాగున్నది. అభినందనలు.
తొలగించండిమొదటి పాదంలో గణభంగం. సవరించండి.
దుష్ట రాక్షసుండు దురితు రావణు గూల్చి
రిప్లయితొలగించండిజగతి బ్రోచె రామ చంద్ర విభుడు
ధర్మ నిరతి జూపి తాపసులను గాచి
"రక్షకుండు గొనెను ప్రాణములను"
మీ పూరణ బాగున్నది. అభినందనలు.
తొలగించండిధన్యవాదములు
తొలగించండిఅందరికీ నమస్సులు🙏
రిప్లయితొలగించండిఉ.మా
శిక్షణ నొందగన్ భటులు శ్రేయము చూడగ నిందిరమ్మకున్
దీక్షగ పాలనన్ నెరపు ధీమతి ప్రాణము దీయనెంచగన్
వక్షము నందు కాల్చగనె వ్యాఘ్రము నేలను కూలెనక్కటా!
*రక్షకుఁడంచుఁ జేరఁగనె ప్రాణము దీసె దయావిదూరుఁడై*
*వాణిశ్రీ నైనాల, విజయవాడ*
మీ పూరణ బాగున్నది. అభినందనలు.
తొలగించండికంసు డనుప వచ్చి కపట వేషముతోడ
రిప్లయితొలగించండికృష్ణుఁ జేత కూల కౄరముగను
ధర్మ రక్షణమ్ము తలపుచు నా లోక
రక్షకుండు గొనెను ప్రాణములను
మీ పూరణ బాగున్నది. అభినందనలు.
తొలగించండి'క్రూరముగను' అనడం సాధువు. అప్పుడు యతి తప్పుతుంది. "తలచుచు" అని ఉండాలి.
నరకు బారి నుండి నరులను రక్షింప
రిప్లయితొలగించండిపంత మూని హరియు బ వర మందు
సత్య తోడు రాగ సాహసము న జగ
ద్ర క్ష కుండు గొనెను ప్రాణములను
మీ పూరణ బాగున్నది. అభినందనలు.
తొలగించండి
రిప్లయితొలగించండికం
రాజీవాక్షిదె రాజ్యము,
వాజిని యాగాశ్వమంచు వారిజ నేత్రుల్,
కాజేయంగ ప్రమీలా
గాజులు గల్లనఁగ నరుఁడు గాండివ మెత్తెన్
రాజీవాక్షి-ఇక్కడ ప్రమీల
నరుడు- అర్జునుడు
మీ పూరణ బాగున్నది. అభినందనలు.
తొలగించండి'ప్రమీలా గాజులు' అన్నది దుష్టసమాసం. "కాజేయ ప్రమీల కరమున గాజులు..." అనండి.
నామవాచకము దష్ట సమాసమనుకోలేదు.
తొలగించండి🙏🏻🙏🏻
రక్షరక్ష యనుచు రక్షింప వేడగా
రిప్లయితొలగించండితక్షణమ్ము మకరి దంష్ట్రనుండి
పక్షివాహన మెక్కి పరువెత్తి వచ్చి తా
రక్షకుండు గొనెను ప్రాణములను
తక్షణ కోపమంది తన తండ్రికి జేసిన బన్నమెంచుచున్
శిక్షగ శాపమీయగను శీఘ్రము జావగ బాముకాటుచే
తక్షక కాటునున్ దొలగ త్రాతగ విష్ణువు
నాశ్రయించుచున్
రక్షకుడంచు చేరగనె, ప్రాణముదీసె దయావిదూరుడై,
మోక్షము నీయగాను బహుపుణ్యపు
గాథల శ్రోత్రలాభమున్
మీ రెండు పూరణలు బాగున్నవి. అభినందనలు.
తొలగించండిమొదటి పూరణలో 'తత్క్షణమ్ము' అన్నది సాధువు. మూడవ పాదంలో గణభంగం. "పక్షివాహనమున" అనండి.
రెండవ పూరణలో 'తత్క్షణకోప'మని ఉండాలి. అప్పుడు ప్రాస తప్పుతుంది. 'తక్షక కాటు' దుష్టసమాసం. "తక్షకు కాటు" అనండి.
ధన్యవాదములు గురుదేవా! సవరిస్తాను! 🙏🙏🙏
తొలగించండిసవరణలతో 🙏🙏🙏
తొలగించండివీక్షణజేసి సర్పమును వేసటనొందుచు
దండ్రికంఠమున్
శిక్షగ శాపమీయగను శీఘ్రము జావగ బాముకాటుచే
తక్షకు కాటునున్ దొలగ త్రాతగ విష్ణువు నాశ్రయించుచున్
రక్షకుడంచు చేరగనె, ప్రాణముదీసె దయావిదూరుడై,
మోక్షము నీయగాను బహుపుణ్యపు
గాథల శ్రోత్రలాభమున్
రక్షరక్ష యనుచు రక్షింప వేడగా
తత్క్షణమ్ము మకరి దంష్ట్రనుండి
పక్షిరథము నెక్కి పరువెత్తి వచ్చి తా
రక్షకుండు గొనెను ప్రాణములను
రాజధాని మార్చి , రాష్ట్ర జనావళి
రిప్లయితొలగించండిరక్షకుండు గొనెను ప్రాణములను
పృథివినిడిన రైతుపెద్దల వంచించి ,
ప్రజలబాధ నెంచ వలనుకాదు
మీ పూరణ బాగున్నది. అభినందనలు.
తొలగించండిఏక్షణమందునేమగునొ నీవిధి ఎవ్వరు జెప్పలేరుగా
రిప్లయితొలగించండిరక్షణగోరిరాగ మరి రాక్షసుడయ్యెనదేలనో మరిన్
తక్షణ లంచముందినగ తామసమందున మున్గనా తడే
రక్షకుఁడంచుఁ జేరఁగనె ప్రాణము దీసె దయావిదూరుఁడై!!
మీ పూరణ బాగున్నది. అభినందనలు.
తొలగించండి'మరిన్' అన్న ప్రయోగం సాధువు కాదు. 'తత్క్షణ'మన్నది సాధువు. దానివల్ల ప్రాస తప్పుతుంది.
( తనను అమ్మోరికి బలి యిస్తున్న యజమానిని చూచిన మేకపోతు )
రిప్లయితొలగించండిఈ క్షణమంతదాక కృప
నెంతయొ చూపుచు మేపుచుండెనే !
శిక్షల నీయకే మిగుల
చెంతకు జేర్చుచు బుజ్జగించెనే !
వక్షమునందు మోమునిడి
వత్సలతన్ గురిపించెనే ! కటా !
రక్షకుడంచు జేరగనె
ప్రాణము దీసె దయావిదూరుడై !!
మీ పూరణ ప్రశస్తంగా ఉన్నది. అభినందనలు.
తొలగించండిఉ:
రిప్లయితొలగించండిలక్షణ మైన జోడి యని లక్షల కట్నము బోసి యెంచగన్
రాక్షసుడై మెలంగుచును రాచుచు రంపము నందు బెట్టుచున్
లక్షము నెచ్చు కానుకలు లాగుట హేతువు పత్ని తోడుతన్
రక్షకుడంచు జేరగనె ప్రాణము దీసె దయా విదూరుడై
వై. చంద్రశేఖర్
మీ పూరణ బాగున్నది. అభినందనలు.
తొలగించండి'లక్షము'?
ఆంధ్రభారతి నిఘంటువు పరిభాష ; ధన్యవాదములు
తొలగించండిరక్షకభటుడన్న రాజుల సేవకే
రిప్లయితొలగించండిప్రజలమేలుమరచి బాధగూర్చ
చిన్నతప్పునైన ఎంచి పెద్దగజేసి
రక్షకుండు గొనెను ప్రాణములను
మీ పూరణ బాగున్నది. అభినందనలు.
తొలగించండిశిక్షణ పూర్తి జేసుకొని సేమముగా దన నింట జేర్చగా
రిప్లయితొలగించండిరక్షకుఁడంచుఁ జేరఁగనె ప్రాణము దీసె దయావిదూరుఁడై
రక్షక వేష ధారి యగు రాక్షసుడా దురితాత్ముడక్కటా
రక్షణ లేదయో ధర వెలందులకున్ గడు గడ్డు కాలమే
మీ పూరణ బాగున్నది. అభినందనలు.
తొలగించండి
రిప్లయితొలగించండిమనుజుడ! యేసును నమ్ముము!
మనుగడకు వలయు మనికియు మహితహితముగా
కనికరము రక్ష కుండు గొ
నెను, ప్రాణమ్ములను వాడు నేర్పుగ గాచెన్!
ఆమెన్
జిలేబి
మీ పూరణ బాగున్నది. అభినందనలు.
తొలగించండితనదు ప్రాణ మొడ్డి తలగాచు తన యంగ
రిప్లయితొలగించండిరక్షకుండు గొనెను ప్రాణములను
ఇందిరమ్మ చరిత యించుకైనను గొల్పు
నింగితమును నీకు తంగిరాల౹౹
మీ పూరణ బాగున్నది. అభినందనలు.
తొలగించండిఆటవెలది
రిప్లయితొలగించండిద్వార పాలకునిగఁ బసుపు బొమ్మను జేసి
ప్రాణమిడుచు గిరిజ తానమాడ
నడ్డగించె ననుచు నాదిదేవుడు జగ
ద్రక్షకుండుఁ గొనెను ప్రాణములను
ఉత్పలమాల
తొలగించండిలక్షణమౌ హరిద్రము విలక్షణరీతి సుతుండునయ్యె నా
పేక్షగఁ దాన మాడ పరివేష్టితుఁ జేయగ గౌరి ముంగిటన్
శిక్షితుఁడై హరున్ నిలుపఁ జిర్రున వీడెటు నాదు యింటికిన్
రక్షకుడంచుఁ? జేరఁగనె ప్రాణముఁ దీసె దయావిదూరుడై
మీ రెండు పూరణలు ప్రశస్తంగా ఉన్నవి. అభినందనలు.
తొలగించండి👏👏💐💐
తొలగించండిగురుదేవులకు మరియు శ్రీమతి సీతాదేవి గారికి ధన్యవాదములు.
తొలగించండినాదు యింటికిన్ : యడాగమము చూడండి.
తొలగించండిపరివేష్టితుఁ జేయగ గౌరి ముంగిట: పరివేష్టితు సరియైన పదము కాదండి.
క్రొవ్విడి వెంకట రాజారావు:
రిప్లయితొలగించండిలక్షణమైన దానినని రండులు మోసము జేయబోవగన్
వీక్షణ జేసినట్టి దొర వీకను వారి నడంచి దెచ్చి తా
నున్ క్షణ మాగకున్ తమిని నొబ్బిడిజేసి వదించెనే కటా!
రక్షకుడంచు జేరగనె ప్రాణము దీసె దయా విదూరుడై.
మీ పూరణ బాగున్నది. అభినందనలు.
తొలగించండిమూడవ పాదంలో ప్రాస తప్పింది. సవరించండి.
గురువుగారికి నమస్సులు. ప్రాసతప్పలేదుగదా!
తొలగించండి
రిప్లయితొలగించండికందోత్పల
బెదురుచు హరిణియె కావలి
కద రక్షకుఁడంచుఁ జేరఁగనె ప్రాణము దీ
సె దయావిదూరుఁడై మా
రె దేశమున ధర్మమెల్ల రెవటలు నలిగెన్!
జిలేబి
మీ పూరణ బాగున్నది. అభినందనలు.
తొలగించండిశిక్ష లేదు నేడు కక్షలు తీర్చగ
రిప్లయితొలగించండియిచ్చి పుచ్చు కొనుట లెక్కువాయె
యడుగ బోవువాడె యపరాధి యనుచును
'రక్షకుండు గొనెను ప్రాణములను”
మీ పూరణ బాగున్నది. అభినందనలు.
తొలగించండి"తీర్చగ నిచ్చి... లెక్కువాయె నడుగబోవు..." అనండి.
భిక్షువొకండుదక్షుడనివేడెనుభిక్షనుస్థూలలక్షునిన్
రిప్లయితొలగించండిగుక్షినినింపుమోక్షమిడుక్షుత్తుపిసాసశమించునంచుసం
రక్షకుడంచునెంచిజనప్రార్థకుగారలబంపెయోధయే
*“రక్షకుఁడంచుఁ జేరఁగనె ప్రాణము దీసె దయావిదూరుఁడై”*
మీ పూరణ బాగున్నది. అభినందనలు.
తొలగించండిదక్షకుడంచునోటరులుదారతవేసినమాటదప్పిదా
రిప్లయితొలగించండిభక్షకుడైజనాళికిసభాంగణమందునపన్నుపోటుతో
శిక్షవిధించివేతనపుజీవులనారడిబెట్టబల్కరే
*“రక్షకుఁడంచుఁ జేరఁగనె ప్రాణము దీసె దయావిదూరుఁడై”*
మీ పూరణ బాగున్నది. అభినందనలు.
తొలగించండిఆ క్షణమందు వెంటపడు నా దురితాత్ముని బారి నుండి సం
రిప్లయితొలగించండిరక్షణఁ గోరిఁ జేరగ విలాసమధుప్రమదుండునై కటా!
కుక్షికుతంత్రమ ట్గగుట క్రూరుడు చేలను మేయు కంచెయై
రక్షకుఁడంచుఁ జేరఁగనె ప్రాణము దీసె దయావిదూరుఁడై.
కంజర్ల రామాచార్య.
మీ పూరణ ప్రశస్తంగా ఉన్నది. అభినందనలు
తొలగించండికె.వి.యస్. లక్ష్మి:
రిప్లయితొలగించండిశరవణభవయన్న సతతము గాచెడి
రక్షకుండు గొనెను ప్రాణములను
దివిజ విజయమె తన దీక్షగ బూనుచు
తారకు ననినందు జీరె సామి.
మీ పూరణ బాగున్నది అభినందనలు
తొలగించండిదక్షతతో ప్రధాని కడు దర్పము పాలన చేయుచుండగా
రిప్లయితొలగించండిరాక్షస శత్రు సంతతులు రౌరవమున్ కలిగింప, వంచగా
కక్ష ఘటిల్ల చిత్తమున కావరి యైన భటుండె యింటిలో
రక్షకుఁడంచుఁ జేరఁగనె ప్రాణము దీసె దయావిదూరుఁడై
మీ పూరణ బాగున్నది అభినందనలు
తొలగించండి
రిప్లయితొలగించండిశంకరాభరణం
సమస్య -3537 7-11-2020 (శనివారం)
సమస్య
**** ***
రక్షకుఁడంచుఁ జేరఁగనె ప్రాణము దీసె దయావిదూరుఁడై
నా పూరణ. ఉ.మా
*** *** ***
( ఎన్నో ఆశలతో కూతురు వివాహము చేసి అత్తారింటికి పంపితె పాదాల పారాణి ఆరకముందె వాడు బిడ్డను హతమొనర్చగ ఓ తండ్రి ఇలా బాధపడుచున్నాడు...)
లక్షణుఁడంచు దక్షత గలండని కూతురు బాగుఁ గోరుచున్
లక్షల కట్నముల్ మరియు లాంచనముల్ గడు ధార వోయుచున్
దక్షణమే వివాహము ముదమ్ముగఁజేయుచు సూనఁ బంపఁ దాన్
రక్షకుఁడంచుఁ జేరఁగనె ప్రాణము దీసె దయావిదూరుఁడై
-- ఆకుల శాంతి భూషణ్
వనపర్తి
మీ పూరణ బాగున్నది అభినందనలు
తొలగించండినరకుజంపబూనినారాయణుడు,సతి
రిప్లయితొలగించండిసత్యభామతోడసమరమందు
చంపెసుగమరీతిచక్రధారి,జగ
ద్రక్షకుండుగొనెనుప్రాణములను
మీ పూరణ బాగున్నది. అభినందనలు.
తొలగించండివిశ్వమందురక్షవిష్ణుడుండెమనకు
రిప్లయితొలగించండికర్మదాటియెవఁడుకానరాఁడు
జీవిచేతలన్నిచెప్పునేభవితను
రక్షకుండుగోనెనుప్రాణములను
మీ పూరణ బాగున్నది. అభినందనలు.
తొలగించండిఅక్షయనామకంబలరుయౌవనకాంతయనొక్కవేకువన్
రిప్లయితొలగించండిరక్షణగోరిజేరగనురక్షణసేవకనాలయంబునున్
రక్షణసేవకుండొకడురాక్షసరీతినిబాడుచేయగా
రక్షకుడంచుజేరగనెప్రాణముదీసెదయావిదూరుడై
మీ పూరణ బాగున్నది. అభినందనలు.
తొలగించండికొన్ని టైపాట్లున్నవి
కుక్షిని నింపనెంచియొక కొంగజపంబొన రించియంతలో
రిప్లయితొలగించండినేక్షణ మోనికం గొలను నేర్పడఁ జూడగ తోయహీనమౌ
రక్షణఁజేతుమి మ్మనుచు రమ్మనఁ జేపలు వెంటఁబోయినన్
రక్షకుడంచుఁ జేరగనె ప్రాణముఁదీసె దయావిహీనుడై
మీ పూరణ బాగున్నది. అభినందనలు.
తొలగించండివాలిఁ గాంచి యంత మాల లేని కపిని
రిప్లయితొలగించండివిల్లు నెక్కుపెట్టి వేగ వేసి
రాఘవుండు దా నమోఘ శిఖిని ధర్మ
రక్షకుండు గొనెను ప్రాణములను
యీ క్షితి మాన వాకృతిని హీన మనస్కులు దుష్ట చిత్తులున్
భక్షణ మెంచి సంతతము వారక మత్స్య విహంగ జన్యులన్
దక్షతఁ బట్టి తిందు రని తా మది నేరకయే శశమ్మహో
రక్షకుఁ డంచుఁ జేరఁగనె ప్రాణము దీసె దయావిదూరుఁడై
మీ రెండు పూరణలు ప్రశస్తంగా ఉన్నవి. అభినందనలు.
తొలగించండిరెండవ పద్యాన్ని యడాగమంతో ప్రారంభించారు.
పూజ్యులు శంకరయ్య గారికి నమః పూర్వక ధన్యవాదములు.
తొలగించండిసరిదిద్దానండి.
కక్షలేలమనకు కార్పణ్యములవేల
రిప్లయితొలగించండికలిసిమెలిసియున్న కలదు సుఖమ
నంచుమాయమాటలాడి కాపటికపు
రక్షకుండు గొనెను ప్రాణములను
మీ పూరణ బాగున్నది. అభినందనలు.
తొలగించండి"సుఖమటంచు" అనండి.
రిప్లయితొలగించండిదక్షుని కూతురైన 'సతి' తండ్రి కదాయని పుట్టినింటికిన్
లక్షణబద్దయై చనగ రమ్మనలేకయు యజ్ఞవేదికన్
త్య్రక్షుని తూలనాడె కడు నందరి ముందర ప్రేమహీనుడై
రక్షకుఁడంచుఁ జేరఁగనె ప్రాణము దీసె దయావిదూరుఁడై.
మీ పూరణ బాగున్నది. అభినందనలు.
తొలగించండిసెక్షను లెన్నియున్న, వనజేక్షుల కెప్పుడు పాటులేగదా!
రిప్లయితొలగించండిరక్షణ నిచ్చెడిన్ భటులు రాక్షసులా యన మానభంగముల్!
వీక్షణ జేయగా తెలిసె వేలుగ పత్రిక వార్తలందునన్
రక్షకుఁడంచుఁ జేరఁగనె ప్రాణము దీసె దయావిదూరుఁడై.
మీ పూరణ బాగున్నది. అభినందనలు.
తొలగించండిబాహుబలి - కట్టప్ప
రిప్లయితొలగించండిదక్షుడు సర్వసేనలకు దారినిజూపెడు
వాడు కట్టప
అక్షయ మైనబానిసగ నచ్చపు నమ్మిక సేవజేసి దా,
కక్షను రాణిగోరగ, పెనుఘర్షణ నొందుచు రాకుమారునిన్
రక్షకుడంచు చేరగనె ప్రాణము దీసె దయావిదూరుడై
మూడవ పాదమున
తొలగించండికక్షను రాణిగోరగను ఘర్షణ నొందుచు గా చదువ ప్రార్ధన!
మొదటిపాదము చివర
తొలగించండిదారిని జూపెడు కట్టపాఖ్యుడే గా చదువ ప్రార్ధన !
సవరణలతో మీ పూరణ బాగున్నది. అభినందనలు.
తొలగించండిధన్యవాదములు గురువర్యా! ఈరోజు అన్నీ సవరణలే అయ్యాయి! 😒😒 🙏🙏🙏
తొలగించండిమైలవరపు వారి పూరణ
రిప్లయితొలగించండిగతంలో విశాఖపట్నంలోని నర్సింగ్ కాలేజీ సంఘటన ఆధారముగా..
శిక్షణనిచ్చుకేంద్రమని చెప్పగ పల్వురు చేరియుంటి., సం...
రక్షణ నాది భారమని మాయల మాటల నన్ను ముంచగా
శిక్షకు పాత్రుడీతడని చేసితి గోలను., గక్షగట్టె., సం..
రక్షకుడంచు జేరగనె ప్రాణము దీసె దయావిహీనుడై!!
మైలవరపు మురళీకృష్ణ వెంకటగిరి
మైలవరపు వారి పూరణ ప్రశస్తంగా ఉన్నది.
తొలగించండి
రిప్లయితొలగించండిశిష్ట జనుల కాచి జీవుల రక్షించు
రక్షకుండు, గొనెను ప్రాణములను
దుర్మతులను తాను దురమునశిక్షించ
చక్రధారి యగుచు జవము గాను
మరొకపూరణ
లక్షలు పోసి గొంటినికలక్షల నార్జన చేయుటొక్కటే
యీక్షణమందుచేయమది యెంచుచు నేగెదురా శతోనటన్
రక్షణ చిక్కెనంచు ననురాగము తోడను చేయి పట్టుచున్
*రక్షకుఁడంచుఁ జేరఁగనె ప్రాణము దీసె దయావిదూరుఁడై.*