కవిమిత్రులారా,
ఈరోజు పూరింపవలసిన సమస్య ఇది...
"జీవా కాంక్షలు పరమునుఁ జేకూర్చునులే"
(లేదా...)
"జీవా కాంక్షలు ముక్తికారకములై జేజేల మెప్పొందెడిన్"
ఈ సమస్యను పంపిన తోపుచర్ల రంగారావు గారికి ధన్యవాదాలు.
(లేదా...)
"జీవా కాంక్షలు ముక్తికారకములై జేజేల మెప్పొందెడిన్"
ఈ సమస్యను పంపిన తోపుచర్ల రంగారావు గారికి ధన్యవాదాలు.
భావాద్భుత సంసేవన
రిప్లయితొలగించండిమావిర్భావంబు చెంద నవిరళ గతులన్
శ్రీవాణి మృదుపద రా
జీవాకాంక్షలు పరమును జేకూర్చునులే.
మీ పూరణ ప్రశస్తంగా ఉన్నది. అభినందనలు.
తొలగించండి'శ్రీవాణీ...' టైపాటు.
ధన్యవాదములు
తొలగించండికోవెల కేగుచు నిత్యము
రిప్లయితొలగించండిదేవుని దర్శించు కొనుచు దీనుల నిలలో
సేవించు కోరికలె రా
జీవా! కాంక్షలు పరమును జేకూర్చును
మీ పూరణ బాగున్నది. అభినందనలు.
తొలగించండిమైలవరపు వారి పూరణ
రిప్లయితొలగించండివేవేలన్ మరి కోరనేల ? హితుడా ! విశ్వాంతరాలస్థితున్
దైవంబంచు వచించిరా మునులు నిర్ద్వంద్వమ్ముగా ! నిత్యమున్
సేవన్ జేసి తరింపుమా ! తొలగు నీ చింతల్ , తదీయాంఘ్రిరా...
జీవాకాంక్షలు ముక్తికారకములై జేజేల మెప్పొందెడిన్ !
మైలవరపు మురళీకృష్ణ వెంకటగిరి
మైలవరపు వారి పూరణ అద్భుతంగా ఉన్నది. అభినందనలు.
తొలగించండినావన్ ద్రోసెడి వాడతండె , మునుగన్ రక్షింప దిక్కాతడే !
తొలగించండిదైవంబాతడె ! శక్తి యాతడె మహాధర్మమ్మునా నాతడే !
శ్రీవైకుంఠనివాసియే తిరుమలన్ శ్రీవారు ! తత్పాదరా...
జీవాకాంక్షలు ముక్తికారకములై జేజేల మెప్పొందెడిన్"
మైలవరపు మురళీకృష్ణ వెంకటగిరి
తొలగించండితత్ పాద రాజీవ కాంక్షలు !
వావ్
జిలేబి
ప్రాతః కాలపు సరదా పూరణ:
రిప్లయితొలగించండిచావుల్ తప్పవు రాజనీతిననెడిన్ సత్యమ్ము కోల్పోవుచున్
లావొక్కింతయు లేక పోరుటకిటన్ రక్షింపమన్ కోరుచున్
కావుమ్ మమ్మని గోల బెట్టి చనెడిన్ కాంగ్రేసు హీరోలవౌ
జీవా కాంక్షలు ముక్తికారకములై జేజేల మెప్పొందెడిన్
మీ పూరణ బాగున్నది. అభినందనలు.
తొలగించండి'రక్షింపగా కోరుచున్ । కావంగన్ గడు గోల...' అనండి.
🙏
తొలగించండిలావుగ యార్జన జేసియు
రిప్లయితొలగించండిచావును తప్పించలేరు జనులెవ్వరు-యా
దేవుని దయ దెల్పెడు గుణ
జీవాకాంక్షలు పరమును జేకూర్చునులే!
మీ పూరణ బాగున్నది. అభినందనలు.
తొలగించండి'లావుగ నార్జన... జను లెవ్వరు నా...' అనండి.
దేవా భక్తిని కొలువగ
రిప్లయితొలగించండిభావా వేశమ్ము నిచ్చి పరమ ప్రీతిన్
నీవే రక్షణ జేసిన
జీవా కాంక్షలు పరమునుఁ జేకూర్చునులే
అక్కయ్యా,
తొలగించండిమీ పూరణ బాగున్నది. అభినందనలు.
dhanya vaadamulu
తొలగించండిబ్రోవగ రాక్షస బాలుని
రిప్లయితొలగించండికావగ నీలోకమందు కలవారంతన్
నీవే సర్వమనుచు రా
జీవా కాంక్షలు పరమునుఁ జేకూర్చునులే
మీ పూరణ బాగున్నది. అభినందనలు.
తొలగించండి'రాజీవా'?
ఏవో కోర్కెల తగులకు
రిప్లయితొలగించండికావేవీ ముక్తి కిలను కారకములు రా
జీవాక్షుని దరి జేరెడి
జీవా! కాంక్షలు పరమునుఁ జేకూర్చునులే.
చక్కని పూరణ. అభినందనలు.
తొలగించండిధన్యవాదాలండీ.
తొలగించండి
రిప్లయితొలగించండికోవా, జిలేబి, జాంగ్రీ,
జీవా కాంక్షలు, పరమునుఁ జేకూర్చును, లే
రావమ్మా భోజనమును
గావింపంగ నిహపర సుఖమ్ముల పొందన్ !
ఎప్పుడూ తిండి యావే ? :)
జిలేబి
తిండి పరాన్ని కూడా ఇస్తుందా? కడుపే కైలాసం కదా! బాగుంది పూరణ. అభినందనలు.
తొలగించండిమిత్రులందఱకు నమస్సులు!
రిప్లయితొలగించండి[ఒక భక్తుఁడు తన దైవమునకుఁ జేయునట్టి నివేదనము]
దేవా! నీ పద సేవఁ జేయు నరుతో దీవ్యత్సఖిత్వంబునున్;
నీవై చేసిన భూతజాలములపై నిర్వ్యాజ దాక్షిణ్యమున్;
భావాతీతవిశిష్టభక్తియుతమై వర్తిల్లు త్వత్పాదరా
జీవాకాంక్షలు, ముక్తికారకములై జేజేల మెప్పొందెడిన్!
మీ పూరణ అద్భుతంగా ఉన్నది. అభినందనలు.
తొలగించండిధన్యవాదాలండీ శంకరయ్యగారూ!
తొలగించండిరావా!యీశ్వర నీలకంధర శివా!రక్షింప నీవేగదా!
రిప్లయితొలగించండిదేవా!నీదగు సేవఁదప్ప కనరాదే త్రోవ శర్వా!భవా!
పూవై చేరగకోరు నాదువినతుల్ పూజింప నీపాద రా
జీవా కాంక్షలు ముక్తికారకములై జేజేల మెప్పొందెడిన్
చక్కని పూరణ. అభినందనలు.
తొలగించండి🙏 ధన్యవాదాలు
తొలగించండి
రిప్లయితొలగించండినీవా కొండని గుండు కొట్టు కొని పన్నీటన్ తటాకమ్ములో
దేవా! కావుమటంచు వేడి మునుగన్, దేహమ్ము హాయిన్ గనన్
కోవా జాంగ్రి జిలేబి లడ్డుల గొనన్ గోవిందు నామమ్ముతో
జీవా కాంక్షలు ముక్తికారకములై జేజేల మెప్పొందెడిన్!
ఏడుకొండల వాడా గోవిందా గో విందా
జిలేబి
మీ పూరణ బాగున్నది. అభినందనలు.
తొలగించండిడా.పిట్టా సత్యనారాయణ
రిప్లయితొలగించండి(ఇటీవల సూర్య గ్రహం ధ్వనిని శాస్త్రజ్ఞులు రికార్డు చేసినారట.ఓమ్ అను ధ్వని వినిపించింది.దీనినాధారంగా మరెట్టి వింతను సృష్టిస్తారో!)
కావా శాస్త్ర పరీక్షలు
తేవా పెను వింత లిచట దింపగ దివినిన్
దేవా! రవి యట*నోమ*నె
జీవాకాంక్షలు పరమును జేకూర్చునులే!
మీ పూరణ బాగున్నది. అభినందనలు.
తొలగించండిదైవాధీనము బ్రతుకయ
రిప్లయితొలగించండిరావాలని వేడి నపుడు రయమున రాడా!
భావాతీతుడుఁ నా రా
జీవా కాంక్షలు పరమునుఁ జేకూర్చునులే!
మీ పూరణ బాగున్నది. అభినందనలు.
తొలగించండి'భావాతీతుడు' తరువాత అరసున్న అవసరం లేదు. 'నా రాజీవా'?
(నారదమహర్షి బాలప్రహ్లాదునితో)
రిప్లయితొలగించండిరావోయీ!పసివాడ!దానవకులా
రాధ్యుండ!ప్రహ్లాదుడా!
నావాక్కుల్ మదినిల్పి సంతతము నా
నారీతులన్ శ్రీహరిన్;
జీవాధారు;జగద్గురున్;వికచరా
జీవాక్షు;సంసేవనా
జీవాకాంక్షలు ముక్తికారకములై
జేజేల మెప్పొందెడిన్.
(జీవాధారుడు -ప్రాణాధారుడు;సంసేవనాజీవాకాంక్షలు-బాగా ఆరాధిస్తూ బ్రతకాలనే కోరికలు;
జేజేలు-దేవతలు)
అద్భుతమైన పూరణ. అభినందనలు.
తొలగించండిధన్యవాదాలండీ!
తొలగించండిడా.పిట్టా సత్యనారాయణ
రిప్లయితొలగించండిలేవా యోగము నాచరించి మనమున్ లిప్తన్ పరబ్రహ్మమున్
భావాతీతుడవయ్యి చేరగలుగన్ భాసించు మోక్షమ్మునన్
నీవే బొందిని గాలి లోన గలుపన్ నింపాదిగా లేపగా
కావే శోధన లెన్నొ శాస్త్ర చయముల్ గైకొన్న వీవేళలన్
జీవాకాంక్షలు ముక్తి కారకములై జేజేల మెప్పొందెడిన్
మీ పూరణ ప్రశస్తంగా ఉన్నది. అభినందనలు.
తొలగించండిడా.పిట్టా నుండి
తొలగించండిఆర్యా,ధన్యవాదాలు
రిప్లయితొలగించండిజీవన తరంగముల, రా
జీవా రఘురామ యంచు, శీఘ్రము దాటన్,
నీవే శరణని వేడన్,
జీవా కాంక్షలు పరమునుఁ జేకూర్చునులే!
జిలేబి
మీ పూరణ బాగున్నది. అభినందనలు.
తొలగించండి'రాజీవా'?
పావన నామస్మరణము
రిప్లయితొలగించండినేవేళను మరువకుండ నెంతయు బ్రీతిన్
సేవలకు గడగి వదలుము
జీవా కాంక్షలు పరమును జేకూర్చునులే
మీ పూరణ బాగున్నది. అభినందనలు.
తొలగించండి
రిప్లయితొలగించండిరావణ! చెర విడు సీతను
జీవా కాంక్షలు పరమునుఁ జేకూర్చునులే
నీ వనుట తప్పు ! రాముం
డావల సంద్రమ్ము దాటడా హత మార్చన్ ?
జిలేబి
మీ పూరణ బాగున్నది. అభినందనలు.
తొలగించండి
రిప్లయితొలగించండిత్రోవయు లక్ష్యంబతడే
జీవా కాంక్షలు పరమునుఁ జేకూర్చునులే
నావల కలడతడు సుమా
నీ విలలో గట్టి బతుకు నీడ్వ జిలేబీ !
జిలేబి
మీ పూరణ బాగున్నది. అభినందనలు.
తొలగించండి
రిప్లయితొలగించండిఆవారపారము కడచ
నావ యొకటి వలయు నటులె నా బతుకునకై
జీవము వరలంగ వలయు
జీవా కాంక్షలు, పరమునుఁ జేకూర్చునులే!
జిలేబి
రిప్లయితొలగించండినీవే దిక్కిక రామా
యీ వాహిని దాటగా నొకింత బలిమికై
సేవా సదనమ్మున రా
జీవా! కాంక్షలు, పరమునుఁ జేకూర్చునులే!
జిలేబి
దేవుని ధ్యానమున బ్రతుకు
రిప్లయితొలగించండినావను నడుపుచు సుఖముల ననురతి లేకన్
సేవా తత్పరతయు రా
జీవా కాంక్షలు పరమునుఁ జేకూర్చునులే
మీ పూరణ బాగున్నది. అభినందనలు.
తొలగించండి
రిప్లయితొలగించండిఓ వరలెడు పరలోకపు
నా వప్రుడ! ఓ దయాళు ! నాప్రాణము నీ
వే! వరముగ హలెలూయా!
జీవా కాంక్షలు పరమునుఁ జేకూర్చునులే!
ఆమెన్!
జిలేబి
మీ మూడు పూరణలు బాగున్నవి. అభినందనలు.
తొలగించండితే విరులను పైటేలకు
రిప్లయితొలగించండిఆవసతి దొసగు లనుభవ మాలోకించన్
బావా వివాహ బంధము
జీవా కాంక్షలు పరమునుఁ జేకూర్చునులే!
పైటేల=evening; ఆవసతి=midnight
దొసగు = అనుబంధము.
మీ పూరణ బాగున్నది. అభినందనలు.
తొలగించండి
రిప్లయితొలగించండిజీవంబిచ్చిన వాడవు
నీవే! ప్రభు! కోరికలకు నీవే వైనం
బై వెలసినాడవు! కనుక
జీవా కాంక్షలు పరమునుఁ జేకూర్చునులే!
జిలేబి
మీ పూరణ బాగున్నది అభినందనలు
తొలగించండి
రిప్లయితొలగించండిమావా! మనువాడుమురా!
జీవా కాంక్షలు పరమునుఁ జేకూర్చునులే
రా! వనితను నే వరుడవు
నీవు ధ్రువమ్ములు కలువగ నిక్కము సుఖముల్!
జిలేబి
రిప్లయితొలగించండినీ వాడగు కొండలపై
కోవెల లో వెలసినట్టి కొంగుపసిడి యా
శ్రీవారిని చూచుటకై
జీవా కాంక్షలు పరమునుఁ జేకూర్చునులే!
జిలేబి
రిప్లయితొలగించండిఆవల కలడని చెప్పుదు
రే, వాడు కలడని నమ్ము!; రేయింబవలున్
కోవెల ముంగట నిలువకు!
జీవా కాంక్షలు పరమునుఁ జేకూర్చును, లే!
జిలేబి
రిప్లయితొలగించండిశంకరాభరణము :)
నీ వార్ధక్యపు పయనము
లో విదురుల సభ జిలేబులొసగు బతుకులో
లావాపొంగుల వలె నీ
జీవా కాంక్షలు పరమునుఁ జేకూర్చును, లే!
జిలేబి
శతకము వ్రాయనా :)
జిలేబి
మీ మూడు పూరణలు బాగున్నవి అభినందనలు.
తొలగించండిగు రు మూ ర్తి ఆ చా రి
రిప్లయితొలగించండి,,,,,,,,,,,,,,,,,,,,,,,,,, ,,,,,,,,,,,,,,
గు రు భ్యో న మః
Gmail లో వెళ్ళడం లేదు . దయచేసి నా సమస్య
శంకరాభరణంలో ఇవ్వ మని ప్రార్థన
-------------------------------------------------------------------------------
స మ స్య By. గు రు మూ ర్తి ఆ చా రి
,,,,,,,,,,,,,,,,,,,,,,,, ,,,,,,,,,,,,,,,,,,,,,,,,,,,,,,,,,,,,,,,,,,,,
చేప గాలము వేయగా జిక్కె మొసలి
లే దా
చేప గాలము వేసినంతనె చిక్కి చచ్చెను గ్రాహమే
శార్దూలవిక్రీడితము
రిప్లయితొలగించండికైవల్యంబును జేర భాగవతమన్ గావ్యమ్మునే గూర్చుచున్
దైవంబున్ మదిఁదల్చి కాసులకునై తాపమ్మునిర్జించుచున్
రావే యీశ్వర! కావవే వరద! సంరక్షించ మంచెంచెడున్
జీవాకాంక్షలు ముక్తికారకములై జేజేల మెప్పొందెడిన్
మీ పూరణ బాగున్నది అభినందనలు .
తొలగించండికావగ రమ్మని కోర్కెల
రిప్లయితొలగించండిరావామముబ్రోవనీవు రంజిలజేయన్!
పావనమూర్తివి గద, రా
జీవా కాంక్షలు పరమునుఁ జేకూర్చునులే!!
మీ పూరణ బాగున్నది అభినందనలు.
తొలగించండిఈ కామెంట్‌ను రచయిత తీసివేశారు.
రిప్లయితొలగించండిఆవల నెఱుఁగని భవ పా
తొలగించండిరావారము దాట నెంచు రమ్యముగ మహా
దేవ పద ద్వయ సేవల
జీవా! కాంక్షలు పరమునుఁ జేకూర్చునులే
భావాభావ పరంప రావృతము దంభవ్రాత సంజాతమే
దావాగ్న్యాభ సుఘోర దుఃఖచయ సంస్థానంబ సంసారమే
నీవే దిక్కని దేవదేవుని మదిన్నిత్యంపు వాసార్థమౌ
జీవా కాంక్షలు ముక్తికారకములై జేజేల మెప్పొందెడిన్
మీ రెండు పూరణలు అద్భుతంగా ఉన్నాయి అభినందనలు.
తొలగించండిపూజ్యులు శంకరయ్య గారికి నమఃపూర్వక ధన్యవాదములు.
తొలగించండి
రిప్లయితొలగించండిగోవిందా కృతిని జిలే
బీ విభుడే సర్వమమ్మ భీతిల కమ్మా
జీవితములో సమాశ్రయ
జీవా కాంక్షలు పరమునుఁ జేకూర్చును, లే!
జిలేబి
మీ పూరణ బాగున్నది అభినందనలు
తొలగించండిఏవారుచెప్పిరిటులుగ
రిప్లయితొలగించండిజీవాకాంక్షలుపరమునుజేకూర్చునులే
జీవాకాంక్షలుపరమును
దావేరునుజేయుసుమ్ముదాపసికైనన్
మీ పూరణ బాగున్నది అభినందనలు.
తొలగించండిఆటవిడుపు సరదా పూరణ:
రిప్లయితొలగించండి(జిలేబి గారికి అంకితం)
హోం లోన్ మోక్షం:
లావొక్కింతయు లేదు; పైకము విలోలంబయ్యె; బ్రాణంబులున్
ఠావుల్దప్పెను; మూర్ఛ వచ్ఛెఁ; దనువున్ డస్సెన్; శ్రమంబయ్యెడిన్;
నీవేతప్ప నితఃపరం బెఱుఁగరా! నీచుండనన్ గావుమన్
జీవా కాంక్షలు ముక్తికారకములై జేజేల మెప్పొందెడిన్
తొలగించండిట్రిపుల్ సిక్సర్ :)
జిలేబి
మీ ఆటవిడుపు పూరణ మనోరంజకంగా ఉంది. అభినందనలు
తొలగించండి🙏
తొలగించండిఈ కామెంట్‌ను రచయిత తీసివేశారు.
రిప్లయితొలగించండిభావాతీత గుణాత్మకుండు హరినా వైకుంఠునే గొల్చుచున్
రిప్లయితొలగించండిభావాభావ విరక్తులై పరమునే భాగ్యంబుగా గోరుచున్
సేవా భావ నిమగ్న మానసుల కాశీర్వాదమై యొప్పు రా
జీవా కాంక్షలు ముక్తికారకములై జేజేల మెప్పొందెడిన్
మీ పూరణ ప్రశస్తంగా ఉన్నది అభినందనలు
తొలగించండిఈ కామెంట్‌ను రచయిత తీసివేశారు.
రిప్లయితొలగించండిఏవో నోములు గొప్పవౌ వ్రతము లింకే పూజలో మ్రొక్కులో
రిప్లయితొలగించండికావే దారులు ముక్తి కాంత దరికిం గాంతా! జనన్ వింటివే
రావే యీశ్వరి కావవే యన నహోరాత్రంబు లాధ్యాత్మికో
జ్జీవాకాంక్షలు ముక్తికారకములై జేజేల మెప్పొందెడిన్.
మీ పూరణ ప్రశస్తంగా ఉన్నది అభినందనలు
తొలగించండిధన్యవాదాలు గురువు గారికి
తొలగించండి
తొలగించండిచాన్నాళ్ళ తరువాయి మిస్సన్న గారి దర్శనము !
కుశలమేనా ? ఆర్బీయై గవర్నర్ గారికి జీతాలూ అందుతున్నాయా :)
జిలేబి
ఈ కామెంట్‌ను రచయిత తీసివేశారు.
రిప్లయితొలగించండికందం
రిప్లయితొలగించండినీవే సీతను వెదకియు
నీవే లక్ష్మణుని గాచు నేర్పరి వగుచున్
సేవల రాముఁ గొలుచ సం
జీవా! కాంక్షలు పరమునుఁ జేకూర్చునులే