. *శ్రీ గురుభ్యో నమః* శంకరాభరణం సమస్యాపూరణం సమస్య :: కోపగించిన రాముఁ డప్పుడు కోల నేసెను సీతపై. విరుద్ధార్థము :: శ్రీ రాముడు కోపంతో సీతపై బాణం వేసినాడు అని అనడం సరికాదు. సందర్భం :: “కోపగించిన రాముడు నేతపై బాణం వేసినాడు” పై వాక్యంలోని పదాలను చెప్పి ఉపాధ్యాయుడు ఉక్తలేఖనంగా (డిక్టేషన్ గా) వ్రాయమనగా ఒక బాలకుడు *నేతపై* అనే పదాన్ని సరిగా వినకుండా *సీతపై* అని తప్పుగా వ్రాసిన సందర్భం. పూరణ :: “పాపి రావణనేత రాముని భామనే హరియింపగా కోపగించిన రాము డప్పుడు కోల నేసెను నేతపై” ఈ పదమ్ముల వ్రాయు డన్న లిఖించె బాలకు డీ విధిన్ “కోపగించిన రాము డప్పుడు కోల నేసెను సీతపై” కోట రాజశేఖర్ కోవూరు నెల్లూరు. 11-6-2019
గు రు మూ ర్తి ఆ చా రి
రిప్లయితొలగించండి"""""""""""""""""" """"""""""""""
గు రు భ్యో న మః ( నిన్నటి పూరణ స్వీకరించ. మ న ని )
{ పరోపకారము చోసినచో చాలు దైవచింతనము చేసినంత
..................................................................................
ఫలితము లభిస్తుంది }
.....................................
" చింత హృదంతరాళమున జేర్చకు | కర్తవు కాదు నీవు | దు
శ్చింతను వీడు , చన్యులకు శ్రేయము గూర్చు | మదే పరాత్పరున్
చింతన జేసి నంత ఫలశీలనమౌ " నను > వేమనార్యుడే
చింతన సుంతలేని యతి | సిధ్ధిని బొందె జనుల్ నుతింపగా
( చింత = వగపు , ఆలోచన , ఆశ ; ఫలశీలనము =
ఫలసాధనము , ఫలితము సాధించుట )
~~~~~~~~~~~~~~~~~~~~~~~~~~~~~~~~~~~~
ప్రాతః కాలపు సరదా పూరణ:
రిప్లయితొలగించండివీధి భాగవతం:
వీపు నొప్పిని సైచ లేకట వేరు మార్గము లేకయే
బాపురేయని మూల్గి తూలుచు భండనమ్మున జేరుచున్
చాపమెత్తుట చేత గాకయె సంకటమ్మున నవ్వగా
కోపగించిన రాముఁ డప్పుడు కోల నేసెను సీతపై :)
చూడ చక్కని జంటపై చోద్యముగను
రిప్లయితొలగించండినింద వేయుట సరిగాదు నీరజాక్ష
యేల వచియించితివి చెప్పు మెప్పుడంట
కుపిత రాముఁడు సీతపైఁ గోలనేసె
జనుల పలుకులు వినినంత సంచ లించ
రిప్లయితొలగించండిలోక మందున యపవాదు లోటు గాదె
తల్ల డిల్లిన ప్రభువట ధరను మనుట
కుపిత రాముఁడు సీతపైఁ గోల నేసె
మత్తకోకిల
రిప్లయితొలగించండిరూపు దాల్చిన జింక వైపుకు రొప్పి బోయెను ప్రేమతో
శాప ముక్తికి రక్కసుండను చావ గొట్టగ వేగమే
కోపగించిన రాముఁ డప్పుడు కోల నేసెను ,సీతపై
దీపి యుండగ కోతినైనను తెచ్చి యిచ్చును రాముడూ !!
డా.పిట్టా సత్యనారాయణ
రిప్లయితొలగించండిఅతివ ప్రాతివత్యమ్ము నీవనగ సరియె?
పరుల పరుషోక్తి నెంచగ వలెను గాదె
సుగుణ గుణశీల కిడెనొక చురక మదిని
కుపిత రాముడు సీతపై కోల నేసె
పాపమెం చకదార నంపగ బాధ నొందుచు కానలన్
రిప్లయితొలగించండిశాపమో యిదిమున్ను జేసిన చాపల త్వపు చేష్టయో
కాపుకా యగనీకు తోడుగ కానరారు మరెవ్వరూ
కోపగించిన రాముఁ డప్పుడు కోల నేసెను సీతపై
ఆ దినముల 'తెలుగుదేశ' మవతరింప
రిప్లయితొలగించండిజేసి యెన్నికలందున జేను బొంది
మద్యపానమున ననేక మృతుల గాంచి
కుపిత రాముఁడు సీతపైఁ గోల నేసె
డా.పిట్టా సత్యనారాయణ
రిప్లయితొలగించండిరూపమదిరా వణుని బోలిన రొక్కమైన పటంబునున్
శాపమాయెను గీయబోయిన శైలి గాంచినవైనమున్
జూపు నిసువు విభిన్న రూపము చూలు కగు నష్టంబనన్
ఏపు గోరి నరణ్యమంపగ నెట్లు జెప్పగ వీలగున్,
*కోపగించెను రాముడప్పుడు కోల నేసెను సీతపై*
(ఆధ్యాత్మ రామాయణము,Bhavan's Journal .Article, 1962)
🙏
రిప్లయితొలగించండిఇంద్ర సూనుడు కాకాసు రేంద్ర రూప
మందు తినగను భూసుత మాంస మింత
కుపిత రాముఁడు కాకిపైఁ గోల, తీపి
కుపిత రాముఁడు సీతపైఁ గోల నేసె
కోల- పత్రం
మైలవరపు వారి పూరణ
రిప్లయితొలగించండిఅసంభవం హేమమృగస్య జన్మ
తథాపి రామో లులుభే మృగాయ !
ప్రాయస్సమాపన్నవిపత్తి కాలే
ధియోऽపి పుంసాం మలినా భవన్తి !!
రూపమే కనకమ్ముగా ధరలోన జింకలు పుట్టునే ?
ఆపదలు ముంచెత్తువేళల నాశ గల్గును ! దానికై
కోపగించిన రాముఁ డప్పుడు కోల నేసెను ! సీతపై
దీపితాతులరక్తి రాముని ధీన్ నశింపగ జేసెడిన్ !!
మైలవరపు మురళీకృష్ణ వెంకటగిరి
,రావణు ని జంపి రెవ్వరు రణ ము నందు ?
రిప్లయితొలగించండినీచుడెవ రి పై మత్తున నింద వేసె ?
వాలి దును మగ రాము డు వదిలెనె ద్ది ?
కుపీత రాముడు ; సీత పై ; గోల నే సె
రిప్లయితొలగించండిపాలెమున నివసించెను భార్య సీత
తోడు భర్త సీతాపతి; దోసె వేయ
రాని కారణముగ కొంత రభస చేయ
కుపిత రాముఁడు సీతపైఁ గోల నేసె!
కృష్ణాతీరము :)
అన్నప్పా పాలెంలో కత యేమిషోయ్ :)
జిలేబి
బదరి వనమున హాయిగా బవ్వళించి
రిప్లయితొలగించండిఆట విడుపుగ ముచ్చట లాడు వేళ
నతివ సరసోక్తులవె పరిహాసమంచు
కుపిత రాముఁడు సీతపైఁ గోల నేసె
(కోల అంటే రేగు పండు అనే భావముతో)
వంచనను మైథిలి నపహరించ ఱేడు
రిప్లయితొలగించండిసీత చిత్రంబు జిత్రించి చింత జేయు
రావణునిదల్ప రామవిద్రావణమయె
*"గుపిత రాముఁడు సీతపైఁ గోల నేసె"*
తాపమోపక తాపసాంగుడు ధారుణీసుత లేమినిన్
రిప్లయితొలగించండిఓపి మైథిలి చిత్రమేసి రఘూత్తముం డదిజూచుచున్
బాపమార్ద్రత చిత్తవిభ్రమ బంక్తికంధరు డయ్యినన్
*"గోపగించిన రాముఁ డప్పుడు కోల నేసెను సీతపై"*
రిప్లయితొలగించండిమాపటేళన తాగి వచ్చెను మాసిపోయిన రుచ్యుడే
కాపురించన దోసెవేయగ కాస్తతప్పుగ సీతయే
సాపుజేయన జుట్టుపట్టుచు చాచికొట్టుచు వేడిపై
కోపగించిన రాముఁ డప్పుడు కోల నేసెను సీతపై!
జిలేబి
(బావ రాము-మరదలు సీతల రాగాలు;సరాగాలు)
రిప్లయితొలగించండి"ఆపలేనిక అత్తకూతుర!
అందె మ్రోగెను గుండెలో;
రేపవండ్లవి యెన్ని యేం"డ్లని
రెచ్చిపోయెడి బావనే
"తేపతేప కిదేమి యల్లరి?
తీర"దంచును మొట్టగా;
కోపగించిన రాము డప్పుడు
కోల వేసెను సీతపై.
(రేపవండ్లు-రాత్రింబవండ్లు;తేపతేపకు-మాటిమాటికి;కోల-బెత్తము)
నటన నాట్యము రాదయ నవ్వలేదు
రిప్లయితొలగించండినాటకంబునిట్లాడిన నాదరించు
వారెవరు, పొమ్మికయనుచు వాడె పల్కె
కుపిత రాముఁడు సీతపైఁ గోల నేసె
సంహరించెనురావణుసైన్యమునని
రిప్లయితొలగించండికుపితరాముడు,సీతపైగోలసేసె
దననుబెండ్లియాడుమనుచుననిశమాధ
రణిసుతనురావణుడుభీకరపురవమున
రావణు తునిమె నెవ్వరు రణము నందు?
రిప్లయితొలగించండికాకి యెవరిపై లంఘించి కాటువేసె?
వాలిని తునుమ రాముడు వేసె నేమి?
కుపిత రాముఁడు, సీతపైఁ, గోల నేసె
ఈ కామెంట్‌ను రచయిత తీసివేశారు.
రిప్లయితొలగించండిఅగ్ని దూకి పునీతగ నంత రాఁగ
తొలగించండినచట కేతెంచి నట్టి బ్రహ్మాదు లెల్ల
నుగ్గడించ సత్యం బెల్ల నోర్మి శమిత
కుపిత రాముఁడు సీతపైఁ గోల నేసె
[కోల = కౌగిలి; ఏయు = ఉంచు]
మాపు వెల్గిన చందురుం డటు మాటు సేరెడు మోముతో
నేపు బల్మిని మించ సింగము నెందు వింటిని మేటియే
చూపులం బెడ ముల్కి నెక్కిడి సూటి మాటల యాటలో
కోపగించిన రాముఁ డప్పుడు కోల నేసెను సీతపై
ఆటవిడుపు సరదా పూరణ:
రిప్లయితొలగించండి(జిలేబి గారికి అంకితం)
ఉత్త(ర) రామాయణం:
చీపురీధిని చాకలోళ్ళగు సీత రాములు జంటగా
కాపురమ్మును చేయుచుండగ ఘాటు ప్రేమను హాయిగా
మాపటేళను కన్ను గొట్టగ మంగలోడట సీతకున్
కోపగించిన రాముఁ డప్పుడు కోల నేసెను సీతపై
కాకి రూపాన నైన్ద్రుడు కాలిఁ దన్న
రిప్లయితొలగించండిరాగ ముప్పొంగ బాధను రమణి దెల్ప
కుపిత రాముఁడు సీతపైఁ; గోల నేసె
వాయసమ్మును వేగమే వాయ దరుమ
పాపచింతనలేశమైననుబాడిజేయకనుండుచో
రిప్లయితొలగించండికోపగించినరాముడప్పుడుకోలసేసెనుసీతపై
పాపపంకిలమౌజగమ్మునబాపపుణ్యములేవియున్
గాపురమ్ములుసేయవెన్నడుకామితార్ధప్రదాయినీ!
ఉగ్రుడయ్యెను ఎవ్వరు ఉదధిపైన?
రిప్లయితొలగించండిరావణాసురుడెవరిపైరక్తుడయ్యె?
రాముడేరీతిగూల్చెనురక్కసులను?
కుపిత రాముఁడు, సీతపైఁ, గోల నేసె
సరభి నాటక మందున సొగసుగున్న
రిప్లయితొలగించండిసీతవేషాన "సీత" విశేషప్రతిభ
జూప? మెచ్చనివాడట కోపమందు
కుపితరాముడు సీతపై గోలనేసె
మిత్రులందఱకు నమస్సులు!
రిప్లయితొలగించండిదాఁపునం గని పైఁడి లేడిని, "దబ్బునం గొని తె" మ్మనన్,
"నీ పయిం గల నాదు ప్రేమను నే నిరూపణ సేతు, నీ
వోపుమా!" యని జింక వెంబడ, బుఱ్ఱి బుఱ్ఱునఁ బాఱఁగాఁ,
గోపగించిన రాముఁ డప్పుడు కోల నేసెను, సీతపై
నేపుగాఁ గల ప్రేమచే, మరణించు జింకనుఁ బట్టి తేన్!!
చేపకన్నుల సుందరానని సీతవక్షమె గాయమై
రిప్లయితొలగించండియోపలేక పడంతి యేడ్వగ యోర్మియే నశియింపగా
కోపగించిన రాముడప్పుడు కోలనేసెను, సీతపై
పాపకార్యము చేయబూనిన వాయసమ్మును గూల్చగా
[2]
రిప్లయితొలగించండి[అధర్మపరురాలై పాపకృత్యములు చేయు భార్యపై కోల నేసిన యొక భర్తృకృత్యము]
పాపకృత్యము లెన్నియెన్నియొ భార్య చేయుచు నుండఁగాఁ
దాప మందియుఁ దిట్టుచున్ "మన ధర్మ మిద్దియ?" యంచుఁ దా
నేఁపుగాఁ బలుకంగ, నట్టులె యేవపుం బని సేయఁ, దాఁ
గోపగించిన రాముఁ డప్పుడు కోల నేసెను సీతపై!
రిప్లయితొలగించండికుపిత రాముడు సీత పై గోలనేసె
ననుట పాడియు గాదయ్య నవని యందు
సీత కైవానరములతో చెలిమి చేసి
నట్టి యేక పత్నీవ్రతు డావిభుండు.
పాప కర్మము నాచరించిన పాపియౌయసురేంద్రు పై
కోపగించిన రాముఁ డప్పుడు కోల నేసెను సీతపై"*
తాపమొందుచు దొంగిలించిన దానవాధము జంటగా
చాపమెత్తుచు కూల్చె నాతని జానకీపతి క్రుద్ధుడై
శ్రీ పరాత్పరుడైన రాముడు సీతతో కొలువుండగా
రిప్లయితొలగించండివైపరీత్యము సీతపై నొక వాయసమ్మది వాంఛతో
రూపమే గని మాంసమంచును రొమ్ము పై తను వ్రాలగా
*కోపగించిన రాముఁ డప్పుడు కోల నేసెను! సీతపై*
తిరుక్కోవళ్ళూరు శ్రీహర్ష
పాపి యొక్కడు రామరాజ్యము పాప పంకిల మంచుతాఁ
రిప్లయితొలగించండినోపజాలను నాకు రాముని యోర్మి లేదని పల్కగా
పాపి మాటన జానకమ్మను పంపె కానకు.. చూడగాఁ
కోపగించిన రాము డప్పుడు కోల సేసెను సీతపై
కనక మృగమని భ్రమిసిన కాంత సీత
తొలగించండిఆశతో కోరి దూకెను యగ్నిలోనఁ
వేసెఁ మారీచు పైగాని విధివశాన
కుపితరాముడు సీతపై గోలనేసె
. *శ్రీ గురుభ్యో నమః*
రిప్లయితొలగించండిశంకరాభరణం సమస్యాపూరణం
సమస్య :: కోపగించిన రాముఁ డప్పుడు కోల నేసెను సీతపై.
విరుద్ధార్థము :: శ్రీ రాముడు కోపంతో సీతపై బాణం వేసినాడు అని అనడం సరికాదు.
సందర్భం :: “కోపగించిన రాముడు నేతపై బాణం వేసినాడు”
పై వాక్యంలోని పదాలను చెప్పి ఉపాధ్యాయుడు ఉక్తలేఖనంగా (డిక్టేషన్ గా) వ్రాయమనగా ఒక బాలకుడు *నేతపై* అనే పదాన్ని సరిగా వినకుండా *సీతపై* అని తప్పుగా వ్రాసిన సందర్భం.
పూరణ ::
“పాపి రావణనేత రాముని భామనే హరియింపగా
కోపగించిన రాము డప్పుడు కోల నేసెను నేతపై”
ఈ పదమ్ముల వ్రాయు డన్న లిఖించె బాలకు డీ విధిన్
“కోపగించిన రాము డప్పుడు కోల నేసెను సీతపై”
కోట రాజశేఖర్ కోవూరు నెల్లూరు.
11-6-2019