[కౌశికుఁడు వారాంగనాలోలుఁడై, తన ననునిత్యము సేవించు సుమతి పాతివ్రత్యమహిమ నెఱుంగక, యామెను తన సౌఖ్యమున కొక యడ్డంకిగా భావించి, చంపింపఁబూని, తన మిత్రునితోఁ బలికిన సంతర్భము]
"ధైర్యము లేదు నాకు, వనితం దగఁ జంపఁగ! నీకు మిత్రమా! శౌర్య మదెంతయో కలదు! చక్కఁగ నే నిఁకఁ ద్వత్కృతాన, నీ కార్యము సత్వరమ్మె బహు గణ్యముగా నొనరింపఁగాను, నా *భార్యనుఁ జంపి, పొందవలె వార వరానన నిత్యసౌఖ్యమున్!"*
భార్యను చంపే ధైర్యము నాకు లేదు. మిత్రమా! ఆ హత్యచేయగల ధైర్యము నీకెంతో ఉన్నది. చక్కగా నేను, ఈ పని త్వరగా చేయడానికి, నీవు నాకొఱకు చేయబోయే ఈ హత్యాకృత్యము ద్వారమున, నా భార్యను చంపించి, వారవనితాసౌఖ్యాన్ని పొందుతాను....అని నా భావన.
రాత్రి నిద్రించడానికి ముందు చరవాణిలో టైపుచేసి, ప్రకటించాను. మళ్ళీ చూసుకొనలేదు. మన్నించండి.
రిప్లయితొలగించండినడిరేయి సరదా పూరణ:
వీర్యము హెచ్చెనో సఖుడ! బింకము మీరెనొ వానకాలమున్
కార్యము కర్మ గానకయె గండర గండుని వోలె పల్కితే!
సూర్యుడు రాత్రి పుట్టగనె చూడగ వచ్చును సత్యమిందునన్:
"భార్యనుఁ జంపి పొందవలె వార వరానన నిత్యసౌఖ్యమున్"
మీ సరదా పూరణ బాగున్నది.
తొలగించండి🙏
తొలగించండిఆలి నడఁచి పొందుము వెలయాలి సుఖము
రిప్లయితొలగించండినా పలుకులను వినకున్న నరకమగును
నీదు జీవిత మంతయు నిశ్చయముగ
యనుచు చెప్పెడి వారల హాళి విడువు
హాళి = స్నేహము
మీ పూరణ బాగున్నది.
తొలగించండి"నిశ్చయముగ ననుచు..."
రిప్లయితొలగించండిఆటవిడుపు సరదా పూరణ:
(జిలేబి గారికి అంకితం)
ఆర్యుల నీతినిన్ విడిచి హ్లాదము నొంది గుడుంబ గ్రోలుచున్
శౌర్యము జూపగా ఖలుడ! శంకను వీడుచు మిత్రమండలిన్
ధైర్యము జేసి పోవగను తప్పక రౌరవ వాసమందునన్
భార్యనుఁ జంపి పొందవలె వార వరానన నిత్యసౌఖ్యమున్
మీ ఆటవిడుపు పూరణ బాగున్నది.
తొలగించండి"రౌరవ వాస మందగా..." అంటే బాగుంటుందేమో?
🙏
తొలగించండిమిత్రులందఱకు నమస్సులు!
రిప్లయితొలగించండి[కౌశికుఁడు వారాంగనాలోలుఁడై, తన ననునిత్యము సేవించు సుమతి పాతివ్రత్యమహిమ నెఱుంగక, యామెను తన సౌఖ్యమున కొక యడ్డంకిగా భావించి, చంపింపఁబూని, తన మిత్రునితోఁ బలికిన సంతర్భము]
"ధైర్యము లేదు నాకు, వనితం దగఁ జంపఁగ! నీకు మిత్రమా!
శౌర్య మదెంతయో కలదు! చక్కఁగ నే నిఁకఁ ద్వత్కృతాన, నీ
కార్యము సత్వరమ్మె బహు గణ్యముగా నొనరింపఁగాను, నా
*భార్యనుఁ జంపి, పొందవలె వార వరానన నిత్యసౌఖ్యమున్!"*
_*మధురకవి గుండు మధుసూదన్, శేషాద్రిహిల్స్, ఓరుగల్లు*_
పూరణకు సరైన ఘట్టాన్ని ఎంచుకున్నారు. బాగున్నది.
తొలగించండి'త్వత్కృతాన'?
🙏ధన్యవాదాలండీ🙏
తొలగించండిత్వత్కృతాన=నీవు చేయబోయే ఈ హత్యాక్యత్యము వలన
భార్యను చంపే ధైర్యము నాకు లేదు. మిత్రమా! ఆ హత్యచేయగల ధైర్యము నీకెంతో ఉన్నది. చక్కగా నేను, ఈ పని త్వరగా చేయడానికి, నీవు నాకొఱకు చేయబోయే ఈ హత్యాకృత్యము ద్వారమున, నా భార్యను చంపించి, వారవనితాసౌఖ్యాన్ని పొందుతాను....అని నా భావన.
తొలగించండిరాత్రి నిద్రించడానికి ముందు చరవాణిలో టైపుచేసి, ప్రకటించాను. మళ్ళీ చూసుకొనలేదు. మన్నించండి.
సవరించిన పూరణము:
తొలగించండి"ధైర్యము లేదు నాకు, వనితం దగఁ జంపఁగ! నీవు, మిత్రమా!
శౌర్యముఁ జూపి, నా సతిని చక్కఁగఁ జంపినచో, సుఖింతు! నీ
కార్యము సత్వరమ్మె పొసగంగను, బొందియు నీ సహాయమున్,
భార్యనుఁ జంపి, పొందవలె వార వరానన నిత్యసౌఖ్యమున్!"
ఊర్వశితో కిరీటి
రిప్లయితొలగించండిధైర్యమునన్ విరోధులను దారికితెచ్చుట సాజమే,మనః
స్థైర్యముతో విచింతనను సైపగగోర్కెల వీరుడేయగున్
వర్యులు కామమోహముల వర్జనసేయగ బూనిచిత్తజున్
భార్యనుజంపి పొందవలె,వారవరాంగన!నిత్యసౌఖ్యముల్
మీ పూరణ బాగున్నది.
తొలగించండిచిత్తజు భార్యను చంపడం...?
1). తే.గీ//
రిప్లయితొలగించండినా సొగసుల నీ కొసగెద నాశదీర్చ
ఆలి నడఁచి పొందుము, వెలయాలి సుఖము !
లీలలిక నీకు తగదుర తాళను, మురి
పాలలోన ముంచెద నీకు ప్రాప్తిగలుగ !!
2). కం//
నా లాలిత్యము సొసగెద
ఆలి నడఁచి పొందుము, వెలయాలి సుఖములా !
లీలలు నీకేల దివిని
పాలించగ రార వేగ ప్రాప్తిని బొందన్ !!
మీ రెండు పూరణలు బాగున్నవి.
తొలగించండితేటగీతి పాదాన్ని కందంలో చక్కగా ఇమిడ్చారు.
శ్రీ లక్ష్మీ నారసింహాయనమః.తేది:02-06-2020. మహోదయులకు నమస్సులతో, శుభోదయం.
రిప్లయితొలగించండినేటి సమస్యాపూరణాల యత్నం -
ఏమి పూరణ జేయునో యింకనిచట
ఔర! యెటువంటి మాటల కైపు నొంది
తగిలి తానేదొ నాకిట్లు తనర జెప్పె
ఆలి నడచి పొందుము వెలయాలి సుఖము.
కార్యము లన్ని పూర్తవగ కారణ మన్నది లేక భార్యతో
ధైర్యము కూడదీసుకుని దాచిన మాటల నొక్కటొ క్కటిన్
మిర్యపు ఘాటువేసటగ మెల్లగ నంగ పతిన్! సతిట్లనెన్
భార్యను జంపి పొందవలె వార వరానన నిత్య సౌఖ్యమున్.
మీ రెండు పూరణలు బాగున్నవి.
తొలగించండిరెండవ పూరణలో 'అవగ' అన్న ప్రయోగం సాధువు కాదు. 'సతి+ఇట్లనెన్' అన్నపుడు సంధి లేదు.
ధన్యోస్మ్యార్యా! స్వీకృతమ్
తొలగించండి.
మోహ నాంగుడా వచ్చెగా దేహి యనుచు
రిప్లయితొలగించండినిటకు నీ శూర్ఫణక కన్య నెమ్మి కోరి
నాలి నడచి పొందుము వెల యాలి సుఖము
రయముగ ననుచున్ బలికె శ్రీ రాము తోడ
మీ పూరణ బాగున్నది.
తొలగించండిశూర్పణఖను వెలయాలిని చేసారు.
రిప్లయితొలగించండికందగీతి :)
సముఖిని, ఆలి! నడఁచి పొం
దుము వెలయాలి సుఖము వలదు వలదనకు, రా
దు మరల అవకాశము! రా!
విముఖతనిక చూపకోయి విటుడా రమ్మా
పరార్
జిలేబి :)
మీ పూరణ బాగున్నది.
తొలగించండి
రిప్లయితొలగించండికందోత్పల
అనుమానమేల! రా చు
వ్వన భార్యనుఁ జంపి పొందవలె వారవరా
నన నిత్యసౌఖ్యమున్ సూ
ర్పనఖను వనసుందరిని! సరసి! సరసకు రా!
జిలేబి
మీ పూరణ బాగున్నది.
తొలగించండిఇంటి యిల్లాలియారడి మింటికెగయ
రిప్లయితొలగించండినిత్యనరకంపు యాత్రనునెఱపుచుంటి
నంచు మిత్రుడు రోదింప నంటినిటుల
ఆలి నడఁచి పొందుము వెలయాలి సుఖము
దుష్ట యోచన చేయకు దోషమగును
రిప్లయితొలగించండిఇంటి యిల్లాలి మరచిన ఇహము లేదు
పాడు మాటలు వినకుము పలుకుచుంద్రు
ఆలి నడఁచి పొందుము వెలయాలి సుఖము
ఈ కామెంట్‌ను రచయిత తీసివేశారు.
రిప్లయితొలగించండిఆలి నడఁచి పొందుము వెలయాలి సుఖము
రిప్లయితొలగించండినన్నవానిమాటలువిని నడచి జూడ
నిప్పు రవ్వల దోటియు నిన్నుగాల్చి
చంపివేసెడురోజులెసతియు నేడు
ఆలు నడచి పొందుము వెలయాలి సుఖము
రిప్లయితొలగించండిలనెడి మాటలు విన వల దవని యందు
నన్ని భంగుల సేవల కాద్య మగుచు
నిర్మ లంబు గ వెలుగొందు ధర్మ పత్ని
ఈ కామెంట్‌ను రచయిత తీసివేశారు.
రిప్లయితొలగించండి"ఆలి నడఁచి పొందుము వెలయాలి సుఖము"
రిప్లయితొలగించండికవితలల్లెడి కవయిత్రి కలముకదల
లేకబోయెనే, కారణాలేమొగాని
పూర్తిజేయక నుండెనే పూరణంబు
మద్యమును గ్రోల మంటివి, మగువ పొందె
రిప్లయితొలగించండిఘనమటంచు నూరించుచు కపటి వగుచు
నాలి నడచి పొందుము వెలయాలి సుఖమ
టంచు చెప్పుట తగునే దురాత్మ నీకు.
ఆలినడచిపొందుమువెలయాలిసుఖము
రిప్లయితొలగించండినటులజేసినదప్పదునర్ధివృత్తి
యాలిశపియించనరకమేయగునుదుదికి
నాలి నెఱుగుముగృహలక్ష్మియనగ మనకు
క్రౌర్యము హెచ్చె నేడిటుల కాలము మారెను పాడు బుద్ధులన్
రిప్లయితొలగించండిభార్యనుఁ జంపి పొందవలె వార వరానన నిత్యసౌఖ్యమున్
చౌర్య మకార్యమైన నిక సంపద బెంచుటె ముఖ్య లక్ష్యమై
దుర్యశమందుటే ఘనత దుష్టులె జూడగ నాయకాగ్రణుల్
ఆర్యులు మెచ్చురీతిగ నిహమ్మున నిశ్చలమైన ధార్మికా
రిప్లయితొలగించండిహార్యముతో మెలంగవలె యార్ష పథమ్ము గృహస్థు లెప్పుడున్
ధైర్యము హెచ్చి ధర్మమును దప్పుచు దుర్గతి కోరువారలే
భార్యనుఁ జంపి పొందవలె వార వరానన నిత్యసౌఖ్యమున్
హార్యముతో మెలంగవలె నార్ష పథమ్ము గృహస్థు లెప్పుడున్
తొలగించండి
రిప్లయితొలగించండికామమోహితుడొక్కడు కామిని వల
చిక్కి బాధపడుచు నుండ స్నేహితుండు
నాలి నడిచి పొందుము వెలయాలి సుఖమ
నంగతప్పిదమగునటంచనియె నతడు.
నిగమ శర్మ అక్క
రిప్లయితొలగించండిఆర్యుడు తండ్రి యమ్మయును నందుకు తగ్గ సతీలలామయే
చౌర్యము కామినీజన విచారము నీ కెటు లబ్బె తమ్ముడా
దుర్యశ మంటదే సతిని ద్రోసి పరాంగన గూడ నైన నీ
భార్యనుఁ జంపి పొందవలె వార వరానన నిత్యసౌఖ్యమున్.
శౌర్యమె లేనివాడు తస సౌఖ్యము గోరుచు నెల్లవేళ దు
రిప్లయితొలగించండిష్కార్యములాచరించు కడు స్వార్థపరుండు వచించె నిట్టులన్
క్రౌర్యపు బుద్ధితో చెలగు కాముకుడైన సుహృత్తుతో యటన్
భార్యనుఁ జంపి పొందవలె వార వరానన నిత్య సౌఖ్యమున్.
మూర్ఖు డొకడు జేర మసువ మోహమొంది |
రిప్లయితొలగించండికుటిల బుధ్ధిని కుంభిక కోరెనిటుల|
"ఆలి నడఁచి పొందుము వెలయాలి సుఖము"
భ్రష్టు లైతిరిగెడి వారి పధములింతె |
(కుంభిక, మసువ - వేశ్య )
భార్యనుజంపిపొందవలెవారవరానననిత్యసౌఖ్యమున్
రిప్లయితొలగించండినార్యులమాటలేనయివియాలినిజంపుట యుక్తమౌనెభో
భార్యగజేసికొంటిమిలవహ్నినిసాక్షిగబెట్టియేకదా
భార్యనువారకాంతవలెభావనజేయుచుసౌఖ్యముండుమా
శౌర్యవిహీనభూరిపరసంపదపాకరణైకశీలి దు
రిప్లయితొలగించండిష్కార్యనిరంతరాంచితవిచారుడు వంచకుడైన వాడు యే
చౌర్యముఁ జేసి యైన కడు సౌఖ్యముఁ గోరెడు వాడు సొమ్ముకై
భార్యనుఁ జంపి పొందవలె వార వరానన నిత్యసౌఖ్యమున్.
కంజర్ల రామాచార్య.
ధర్మ సమ్మతము గడించి ధనము కరము
రిప్లయితొలగించండినీడుజోడగు పూఁబోడి నెలమి వెదకి
సంతతమ్ము హర్షమ్మునఁ జారుతర గు
ణాలి నడఁచి పొందుము వెల, యాలి సుఖము
[వెల = మూల్యము /ఫలితము]
ఆర్య జనుండు సద్గురు గణావన తాంగ విధేయ చిత్తతం
గార్యము లాచరించుచు నకామియు నై చరియించుచున్ వరౌ
దార్య దయాది సద్గుణ యుతమ్ము నిజేంద్రియ కాంక్ష కోటి నా
భార్యను జంపి పొందవలె వార వరానన నిత్యసౌఖ్యమున్
[వార వరానన నిత్య సౌఖ్యము = శంకర ముఖ దర్శనంపు సంతత సౌఖ్యము; వారుఁడు = శివుఁడు]
వార వనితల వెంటబడి భార్యా పిల్లల పట్టించుకోని పతితో సతి....
రిప్లయితొలగించండితేటగీతి
ధర్మపత్నినిఁ బిల్లలఁ దలఁచ కుండ
వార వనితల పొందునుఁ జూరఁ గొనితె
తాళ లేనయ్య, బదులుగాఁ దనయుల నను
నాలి నడఁచి పొందుము వెలయాలి సుఖము!
ఉత్పలమాల
కార్యము లన్ని వీడి పర కాంతల పొందుకు నంగలార్చ నౌ
దార్యము జూపి తాళ గల దాననె? సంతతి బాగు లెట్లు? మా
త్సర్యము బెంచుకొంటివె కసాయిగ? నడ్డను కుంటె పిల్లలన్
భార్యనుఁ జంపి పొందవలె వార వరానన నిత్యసౌఖ్యమున్!
అందరికీ నమస్సులు 🙏
రిప్లయితొలగించండినా పూరణ ప్రయత్నం..
*తే గీ*
సతిని పొగిడిన సతతము సంతసములు
పలుకు చక్కగ నెప్పుడు వలపు తోడ
ప్రేమ పంచుచు నీవును వెతలు దీర్చు
*ఆలి నడఁచి పొందుము వెలయాలి సుఖము"*
*కళ్యాణ్ చక్రవర్తి, ముంబాయి*
🙏😊🙏
చేరి సాహిత్యరంగమ్ముచెలిమిగాగ
రిప్లయితొలగించండిపొద్దు మాపుల నెఱుగక సద్దుసేయ
నడ్డగించుచునెడనెడనలుగుచుండ
నాలి నడఁచి పొందుము వెలయాలి సుఖము
కొరుప్రోలు రాధాకృష్ణారావు
ఉ:
రిప్లయితొలగించండిసూర్యునిబోలు రూప మతి సుందరమైన శరీర సౌష్టవం
పర్యనుయోగ నుత్సుకత వాసిగ నొప్పగు నాలి కాదన
న్నార్యుడు ధిక్కరింప భవ నాశము గోరుటె బల్కనివ్విధిన్
భార్యను జంపి బొండవలె వార వరానన నిత్య సౌఖ్యమున్
పర్యనుయోగ=తెలుసు కొన వలెననెడి కోరిక
వై. చంద్రశేఖర్
బొండవలె ను బొందవలె గా చదువ ప్రార్థన
తొలగించండి'ఆలి నడచి పొందుము వెలయాలి సుఖము'
రిప్లయితొలగించండిఘోర మీబలుకు,గలను గూడ దలప
రాదు,యిటుల పలుకు వారగుదుర మంచి
సఖులు?విడు మనిశము వాని సహచరంబు.
చర్యలలోనకన్పడదుజాలియొకింతయు వాని యాలికిన్
రిప్లయితొలగించండిధైర్యము సన్నగిల్లెమది దానవుడాతడు భర్తకాదహో
క్రౌర్యమనస్కుడిట్టులనెకన్నులనిప్పుల గ్రుమ్మరించుచున్
భార్యనుఁ జంపి పొందవలె వార వరానన నిత్య సౌఖ్యమున్
ఈ కామెంట్‌ను రచయిత తీసివేశారు.
రిప్లయితొలగించండిఈ కామెంట్‌ను రచయిత తీసివేశారు.
రిప్లయితొలగించండికార్యములందు దాసి రసగంధిల భోజ్యములందు తల్లి మా
రిప్లయితొలగించండిధుర్యముఁ బంచు మోవి పరితోషముతో వచియించు కంఠ మౌ
దార్యముచూపు మానసము ధార్మిక రాగముఁ జూపు, నెవ్విధిన్
భార్యనుఁ జంపి పొందవలె వార వరానన నిత్యసౌఖ్యమున్ ?