22-5-2021 (శనివారం)కవిమిత్రులారా,ఈరోజు పూరింపవలసిన సమస్య ఇది...“క్రూరుఁడై శిబి ఖండించెఁ బారువమును”(లేదా...)“క్రూరుండై శిబి ఖడ్గముం గొని వడిం గోసెం గపోతమ్మునే”
మిత్రులందఱకు నమస్సులు!బీరమ్ముల్ వలదంచుఁ బల్క, నటులే వే పల్కెదో బాలకా!తోరంబౌ ఘనదాతఁగూర్చి యిట నేదో సెప్పరాదా! యనన్,ధీరాత్మన్ ఘనతేజ మూనుచును నుద్దీపింప వాఁడిట్లనెన్"క్రూరుండై శిబి ఖడ్గముం గొని వడిం గోసెం గపోతమ్మునే!"
మీ పూరణ ప్రశస్తంగా ఉన్నది. అభినందనలు.
ధన్యవాదాలండీ శంకరయ్యగారూ!
రాజుపంపినదూతగారాజసానపక్షిఱెక్కలనాడింపభావమెఱిగిసత్యకాముడుసదమలశాంతితోడక్రూరుడైశిబిఖండించెఁబారువమును
పద్యం బాగుంది. కాని భావం బోధపడలేదు.
దుర్మార్గుడురాజుపంపగావిఱ్ఱవీగుచుపక్షివచ్చినదిశిబిదుర్మార్గమునుఖమడించిశాంతినిస్ధాపించెను
డేగ రూపుడై ఇంద్రుడు వేగముగను వచ్చెను తరుముచును యజ్ఞ వాటికునతి క్రూరుఁడై ; శిబి ఖండించెఁ బారువమును”కు సమమగు తొడను బదులౌ మాంసమనుచు...భారతీనాథ్ చెన్నంశెట్టి...
మీ పూరణ బాగున్నది. అభినందనలు."వాటిక కతి..." అనండి. 'పారువమునుకు' అనడం సాధువు కాదు.
పారంక్యుండగు తార్క్ష్యునాయకుడు నన్ భక్షింప నేతెంచు నీవేరక్షించు మటంచు గోరినంత తనదౌ వృక్కమ్మునే వేగ మక్రూరుండై శిబి ఖడ్గముంగొని వడింగోసెం, గపోతమ్మునే తా రక్షింప దలంచుచున్ నృపునియా దాతృత్వమెంతోటిదో!
మీ పూరణ బాగున్నది. అభినందనలు.రెండవ పాదంలో గణభంగం. "...గోర తనదౌ.." అనండి.
పారంక్యుండు అనగా? నిఘంటువులో అర్ధం దొరకలేదు!
అరుణలోచనము తనయా హారమంచు పలుకు గరుడికి తన తొడ పలము కొంతక్రూరుఁడై శిబి ఖండించె, బారువమును తాను కాపాడనెంచెనా దానశీలి.
మీ పూరణ బాగున్నది. అభినందనలు.'గరుడికి' అనడం సాధువు కాదు. "పలుకు డేగకు తన..." అనండి.
కథను కొంచెం మార్చి 🙂🙏ఆరామంబుల సంచరించు దృఢుడౌ యాఖేటకుండాద్యువున్ధారాపాతముగా సువృష్టి గురియన్ తాళంగలేకే క్షుధన్జేరంగా నొకమానుచెంత నచటన్ జీవించు జంటన్గనిన్క్రూరుండై శిబిఖడ్గముంగొని వడింగోసెన్ గపోతమ్మునే శిబి = హింసించెడు పశువు (శబ్ద రత్నాకరము)ఆఖేటకుడు = వేటగాడుద్యువు = దినము
మీ పూరణ బాగున్నది. అభినందనలు.'కనిన్' అన్న ప్రయోగం సాధువు కాదు.
ధన్యవాదములు గురుదేవా! సవరించెదను!🙏🙏🙏
సవరణతోఆరామంబుల సంచరించు దృఢుడౌ యాఖేటకుండాద్యువున్ధారాపాతముగా సువృష్టి గురియన్ తాళంగలేకే క్షుధన్జేరంగా నొకమానుచెంత నచటన్ జీవించు పక్షిన్గడున్గ్రూరుండై శిబిఖడ్గముంగొని వడింగోసెన్ గపోతమ్మునే శిబి = హింసించెడు పశువు (శబ్ద రత్నాకరము)ఆఖేటకుడు = వేటగాడుద్యువు = దినము
తనువు పై మమకారపు ధ్యాస వదలి త్యాగ ధను డయ్యు తొడను దా ధైర్య ముగను కౄరుడై శిబి ఖండిం చె :: బారువమును కరుణ జూపియు తానప్డు కావ గలిగె
మీ పూరణ బాగున్నది. అభినందనలు.'క్రూరుడై' టైపాటు
ఆరాధింవలెగా సదాయితని సౌహార్ధంబునే నందరున్ఈరాజోత్తముడున్, తలంచడెపుడున్ ఈతీరుగానున్ నిలన్నేరంబౌనుగదా తలంచినిటులన్, నీచుండె పల్కేనిలా"క్రూరుండై శిబి ఖడ్గముం గొని వడిం గోసెం గపోతమ్మునే"
మీ పూరణ బాగున్నది. అభినందనలు.'ఆరాధింవలె'? "సౌహార్దంబునే యందరున్, తలంచిన నిటుల్" అనండి. 'పల్కేనిలా' అనడం సాధువు కాదు.
అందరికీ నమస్సులు🙏శూరుండౌ శిభి ప్రాభవంబును సురుల్ శోధించ నేతెంచగన్కారుణ్యం బున రక్షణ న్నొసగ తా కాయంబు ఖండించగన్ఘోరంబౌ నిది చూడలేననుచు మేల్గోరంగ సేనానియే*“క్రూరుండై శిబి ఖడ్గముం గొని వడిం గోసెం గపోతమ్మునే”**వాణిశ్రీ నైనాల*
మీ పూరణ బాగున్నది. అభినందనలు.
ఈ కామెంట్‌ను రచయిత తీసివేశారు.
తేటగీతిదాన గుణము పరీక్షింప ధరణి జేరిశ్యేన రూపాన మాంసమ్ము నింద్రుఁడడుగగ్రూరుఁడై, శిబి ఖండించెఁ, బారువమునునగ్నిఁ గావఁగ తనదైన కాయమిడఁగశార్దూలవిక్రీడితముపారన్ బావుర మగ్ని వేడ శరణున్ బ్రాదేశనాత్ముండనన్సారించన్ దిగి శ్యేనమై హరియె తా సాధించి కోరంగనేక్రూరుండై, శిబి ఖడ్గముం గొని వడిం గోసెం, గపోతమ్మునేతా రాగమ్మున గావ తానె తన భూతాత్మమ్ము తుల్యంబనన్
మీ రెండు పూరణలు ప్రశస్తంగా ఉన్నవి. అభినందనలు.
🙏ధన్యోస్మి గురుదేవా🙏నాలుగవ పాదంలో యతిని సవరించిన తేటగీతి :తేటగీతిదాన గుణము పరీక్షింప ధరణి జేరిశ్యేన రూపాన మాంసమ్ము నింద్రుఁడడుగగ్రూరుఁడై, శిబి ఖండించెఁ, బారువమునునగ్నిఁ గావఁగ తనదైన నజిరమిడఁగ
డేగ భయమున బారువం బేగి శిబినిశరణుజొచ్చగ పెనగొను కరుణతోడక్రూరుఁడై శిబి ఖండించెఁ బారువమునుబ్రోవ తనమేను డేగకు భోజనముగ
మీ పూరణ బాగున్నది. అభినందనలు."శరణు వేడగ" అనండి.
డేగ భయమున బారువం బేగి శిబినిశరణు వేడగ పెనగొను కరుణతోడక్రూరుఁడై శిబి ఖండించెఁ బారువమునుబ్రోవ తనమేను డేగకు భోజనముగ
పావురమ్మును భక్షింప పక్షిరాజుతర్కమాడుచుప్రభువుతోకర్కశమునమాంసమడుగగాసురరాజుమాయతోడక్రూరుడై శిబిఖండించె బారువమును
మీ పూరణ బాగున్నది. అభినందనలు.కాని సమస్య పరిష్కరింపబడినట్లు లేదు.
ఆరాజేంద్రుని త్యాగమున్ వినిన, యింద్రాగ్నుల్ కఠోరాత్ములై క్రూరంబైన పరీక్షజేయ శరణున్ గోరన్, సుకార్యంబునన్ క్రూరుండై శిబి ఖడ్గముం గొని వడిం గోసెం, గపోతమ్మునేకారుణ్యంబున రక్షనన్ సలుప ప్రాకాశ్యంబుయై నిల్చెనే
మీ పూరణ బాగున్నది. అభినందనలు.'ప్రాకాశ్యంబునై' అనండి.
🔆🔅🔆🔅🔆🔅🔆🔅🔆🔅🔆🔅🔆🔅శంకరాభరణం వారి సమస్య : "క్రూరుడైశిబిఖండించెఁబారువమును"పూరణ : ఒక దూత శాంతిని కోరుచు రాజును చేరగా , అతని తల ఖండించెనట. అది చూసి ప్రజలు చెప్పిన ఉపమానము తే. గీ. శాంతికోరుచు దూతయు, కాంతు జేరదయను జూపక నాతని తలను నరికె;భ్రాంతి జెంది ప్రజలనిరి వగచి వగచి "క్రూరుడైశిబిఖండించెఁబారువమును"- రాంబాబు కైప22-05-2021🔆🔅🔆🔅🔆🔅🔆🔅🔆🔅🔆🔅🔆🔅
ఎన్ని నాళ్ళకో దొరికిన యెరను దనకువదల నాయమనిన డేగ వచన ములనుక్రూరుఁడై శిబి ఖండించెఁ ; బారువమునుబదులు తన మేను మాంసము బడయు మనెను
వీరావేశవిలుప్తచింతనుడునై విశ్వాసమున్ వీడి తద్దారన్ మూర్ఖుడు శీలశంకితుడునై దండించి, తత్పుత్రులన్నోరారం బిలువంగ జంపె కట! కన్నుం గానడ ప్పట్టునన్క్రూరుండై శిబి ఖడ్గముం గొని వడిం గోసెం గపోతమ్మునే.కంజర్ల రామాచార్య.
దృష్టాంతాలంకారంతో మీ పూరణ అద్భుతంగా ఉన్నది. అభినందనలు.
భయము నన్ వచ్చి వాలిన నయమున తనఒడిని చేర్చి, పావురమున నొక వల కనిక్రూరుఁడై శిబి ఖండించెఁ, బారువమును”వల తొలగించి విడిచెను వాట ముగను
ప్రాణభీతిచే చేరగ పావురమ్ముదానిభీతినిబాపుచు తనువులోనిమాంసమొసగి కాపాడినమాన్యుడెట్లుక్రూరుడై శిబి ఖండించె బారువమును
క్రూరుండై శిబి ఖండించె బారువమునుననగ బాడియే యిచ్చట యార్య! మీరుచేర దీసి యభయమీయ శిబిని మెచ్చుకొనిరి యింద్రాగ్ను లాతని దాన గుణము
బోయఁ డాత్మజునకుఁ బెట్టెఁ బుణ్య పురుషుఁడు శిబి చక్రవ ర్త్యాఖ్యను భృశపుఁ బ్రీతి నక్కట పెరిగి సూనుఁడు మిక్కుటముగ క్రూరుఁడై శిబి ఖండించెఁ బారువమును పారావార పరీవృ తాఖిల జగత్ప్రాణ్యోఘ సంభావ్య లో కారాధ్యుండు మహామహీశ్వరుఁడు శ్యేనార్థంబు నిర్భీతినిన్ సారోదార దయాసముద్రుఁడు నిజ స్కంధమ్ము, రక్షింప నక్రూరుండై శిబి ఖడ్గముం గొని వడిం గోసెం, గపోతమ్మునే [పద విభజనము: రక్షింపఁ, గపోతమ్మునే, నిజ స్కంధమ్ము నక్రూరుండై... ]
డేగ రూపమున సురేంద్రుడెగుచు రాగ క్రూరుఁడై, శిబి ఖండించెఁ, బారువమునుకావగ, నిజ శరీర భాగంబు, దానిమారుగనొసగె దన త్యాగనిరతి గనుడు
శా: ప్రారంభించెను రాగ యుక్త శ్రుతినున్ పౌరాణ ప్రాసంగికన్తీరాలోచనసేయ కష్ట తరమై తేలించ రాకుండగన్వీరావేశము తోడ చెప్ప దొడగెన్ విడ్డూరమై నివ్విధిన్క్రూరుండై శిబి ఖడ్గమున్గొని వడిన్ గోసెన్ గపోతమ్మునేవై. చంద్రశేఖర్
చేరం దీసిన యాకపోతమును దా శీర్షంబు నూరార్చి యున్ ధీరత్వంబును జెప్పి నభయం ధీరుండవై యుండుమాహారం బిత్తును డేగ కియ్యెడను నాయంగంపు మాంసమ్మునాన్క్రూరుండై శిబి ఖడ్గమున్ గొని వడిం గోసె గపోతమ్మునే
ధీరుండై శిబి దానధర్మముల సందీపింప, రూపింపగా నా రాజేంద్రుని, డేగ రూపముగనై యావృష్టి, పార్వమ్ముగా నైరక్షింపమటంచు కోర శిఖితా, నానంద ముప్పొంగ య క్రూరుండై శిబి ఖడ్గముం గొని వడిం గోసెం. గపోతమ్మునే తారక్షింపగ, మేనిదౌ పలము ఖాదమ్మియ్య గాబైరికిన్
మిత్రులందఱకు నమస్సులు!
రిప్లయితొలగించండిబీరమ్ముల్ వలదంచుఁ బల్క, నటులే వే పల్కెదో బాలకా!
తోరంబౌ ఘనదాతఁగూర్చి యిట నేదో సెప్పరాదా! యనన్,
ధీరాత్మన్ ఘనతేజ మూనుచును నుద్దీపింప వాఁడిట్లనెన్
"క్రూరుండై శిబి ఖడ్గముం గొని వడిం గోసెం గపోతమ్మునే!"
మీ పూరణ ప్రశస్తంగా ఉన్నది. అభినందనలు.
తొలగించండిధన్యవాదాలండీ శంకరయ్యగారూ!
తొలగించండిరాజుపంపినదూతగారాజసాన
రిప్లయితొలగించండిపక్షిఱెక్కలనాడింపభావమెఱిగి
సత్యకాముడుసదమలశాంతితోడ
క్రూరుడైశిబిఖండించెఁబారువమును
పద్యం బాగుంది. కాని భావం బోధపడలేదు.
తొలగించండిదుర్మార్గుడురాజుపంపగావిఱ్ఱవీగుచుపక్షివచ్చినది
తొలగించండిశిబిదుర్మార్గమునుఖమడించిశాంతినిస్ధాపించెను
డేగ రూపుడై ఇంద్రుడు వేగముగను
రిప్లయితొలగించండివచ్చెను తరుముచును యజ్ఞ వాటికునతి
క్రూరుఁడై ; శిబి ఖండించెఁ బారువమును”
కు సమమగు తొడను బదులౌ మాంసమనుచు
...భారతీనాథ్ చెన్నంశెట్టి...
మీ పూరణ బాగున్నది. అభినందనలు.
తొలగించండి"వాటిక కతి..." అనండి. 'పారువమునుకు' అనడం సాధువు కాదు.
రిప్లయితొలగించండిపారంక్యుండగు తార్క్ష్యునాయకుడు నన్ భక్షింప నేతెంచు నీ
వేరక్షించు మటంచు గోరినంత తనదౌ వృక్కమ్మునే వేగ మ
క్రూరుండై శిబి ఖడ్గముంగొని వడింగోసెం, గపోతమ్మునే
తా రక్షింప దలంచుచున్ నృపునియా దాతృత్వమెంతోటిదో!
మీ పూరణ బాగున్నది. అభినందనలు.
తొలగించండిరెండవ పాదంలో గణభంగం. "...గోర తనదౌ.." అనండి.
పారంక్యుండు అనగా? నిఘంటువులో అర్ధం దొరకలేదు!
తొలగించండి
రిప్లయితొలగించండిఅరుణలోచనము తనయా హారమంచు
పలుకు గరుడికి తన తొడ పలము కొంత
క్రూరుఁడై శిబి ఖండించె, బారువమును
తాను కాపాడనెంచెనా దానశీలి.
మీ పూరణ బాగున్నది. అభినందనలు.
తొలగించండి'గరుడికి' అనడం సాధువు కాదు. "పలుకు డేగకు తన..." అనండి.
కథను కొంచెం మార్చి 🙂🙏
రిప్లయితొలగించండిఆరామంబుల సంచరించు దృఢుడౌ యాఖేటకుండా
ద్యువున్
ధారాపాతముగా సువృష్టి గురియన్ తాళంగలేకే క్షుధన్
జేరంగా నొకమానుచెంత నచటన్ జీవించు జంటన్
గనిన్
క్రూరుండై శిబిఖడ్గముంగొని వడింగోసెన్ గపోతమ్మునే
శిబి = హింసించెడు పశువు (శబ్ద రత్నాకరము)
ఆఖేటకుడు = వేటగాడు
ద్యువు = దినము
మీ పూరణ బాగున్నది. అభినందనలు.
తొలగించండి'కనిన్' అన్న ప్రయోగం సాధువు కాదు.
ధన్యవాదములు గురుదేవా! సవరించెదను!🙏🙏🙏
తొలగించండిసవరణతో
తొలగించండిఆరామంబుల సంచరించు దృఢుడౌ యాఖేటకుండా
ద్యువున్
ధారాపాతముగా సువృష్టి గురియన్ తాళంగలేకే క్షుధన్
జేరంగా నొకమానుచెంత నచటన్ జీవించు పక్షిన్
గడున్
గ్రూరుండై శిబిఖడ్గముంగొని వడింగోసెన్ గపోతమ్మునే
శిబి = హింసించెడు పశువు (శబ్ద రత్నాకరము)
ఆఖేటకుడు = వేటగాడు
ద్యువు = దినము
తనువు పై మమకారపు ధ్యాస వదలి
రిప్లయితొలగించండిత్యాగ ధను డయ్యు తొడను దా ధైర్య ముగను
కౄరుడై శిబి ఖండిం చె :: బారువమును
కరుణ జూపియు తానప్డు కావ గలిగె
మీ పూరణ బాగున్నది. అభినందనలు.
తొలగించండి'క్రూరుడై' టైపాటు
ఆరాధింవలెగా సదాయితని సౌహార్ధంబునే నందరున్
రిప్లయితొలగించండిఈరాజోత్తముడున్, తలంచడెపుడున్ ఈతీరుగానున్ నిలన్
నేరంబౌనుగదా తలంచినిటులన్, నీచుండె పల్కేనిలా
"క్రూరుండై శిబి ఖడ్గముం గొని వడిం గోసెం గపోతమ్మునే"
మీ పూరణ బాగున్నది. అభినందనలు.
తొలగించండి'ఆరాధింవలె'? "సౌహార్దంబునే యందరున్, తలంచిన నిటుల్" అనండి. 'పల్కేనిలా' అనడం సాధువు కాదు.
అందరికీ నమస్సులు🙏
రిప్లయితొలగించండిశూరుండౌ శిభి ప్రాభవంబును సురుల్ శోధించ నేతెంచగన్
కారుణ్యం బున రక్షణ న్నొసగ తా కాయంబు ఖండించగన్
ఘోరంబౌ నిది చూడలేననుచు మేల్గోరంగ సేనానియే
*“క్రూరుండై శిబి ఖడ్గముం గొని వడిం గోసెం గపోతమ్మునే”*
*వాణిశ్రీ నైనాల*
మీ పూరణ బాగున్నది. అభినందనలు.
తొలగించండిఈ కామెంట్‌ను రచయిత తీసివేశారు.
రిప్లయితొలగించండితేటగీతి
తొలగించండిదాన గుణము పరీక్షింప ధరణి జేరి
శ్యేన రూపాన మాంసమ్ము నింద్రుఁడడుగ
గ్రూరుఁడై, శిబి ఖండించెఁ, బారువమును
నగ్నిఁ గావఁగ తనదైన కాయమిడఁగ
శార్దూలవిక్రీడితము
పారన్ బావుర మగ్ని వేడ శరణున్ బ్రాదేశనాత్ముండనన్
సారించన్ దిగి శ్యేనమై హరియె తా సాధించి కోరంగనే
క్రూరుండై, శిబి ఖడ్గముం గొని వడిం గోసెం, గపోతమ్మునే
తా రాగమ్మున గావ తానె తన భూతాత్మమ్ము తుల్యంబనన్
మీ రెండు పూరణలు ప్రశస్తంగా ఉన్నవి. అభినందనలు.
తొలగించండి🙏ధన్యోస్మి గురుదేవా🙏
తొలగించండినాలుగవ పాదంలో యతిని సవరించిన తేటగీతి :తేటగీతి
దాన గుణము పరీక్షింప ధరణి జేరి
శ్యేన రూపాన మాంసమ్ము నింద్రుఁడడుగ
గ్రూరుఁడై, శిబి ఖండించెఁ, బారువమును
నగ్నిఁ గావఁగ తనదైన నజిరమిడఁగ
డేగ భయమున బారువం బేగి శిబిని
రిప్లయితొలగించండిశరణుజొచ్చగ పెనగొను కరుణతోడ
క్రూరుఁడై శిబి ఖండించెఁ బారువమును
బ్రోవ తనమేను డేగకు భోజనముగ
మీ పూరణ బాగున్నది. అభినందనలు.
తొలగించండి"శరణు వేడగ" అనండి.
డేగ భయమున బారువం బేగి శిబిని
తొలగించండిశరణు వేడగ పెనగొను కరుణతోడ
క్రూరుఁడై శిబి ఖండించెఁ బారువమును
బ్రోవ తనమేను డేగకు భోజనముగ
పావురమ్మును భక్షింప పక్షిరాజు
రిప్లయితొలగించండితర్కమాడుచుప్రభువుతోకర్కశమున
మాంసమడుగగాసురరాజుమాయతోడ
క్రూరుడై శిబిఖండించె బారువమును
మీ పూరణ బాగున్నది. అభినందనలు.
తొలగించండికాని సమస్య పరిష్కరింపబడినట్లు లేదు.
ఆరాజేంద్రుని త్యాగమున్ వినిన, యింద్రాగ్నుల్ కఠోరాత్ములై
రిప్లయితొలగించండిక్రూరంబైన పరీక్షజేయ శరణున్ గోరన్, సుకార్యంబునన్
క్రూరుండై శిబి ఖడ్గముం గొని వడిం గోసెం, గపోతమ్మునే
కారుణ్యంబున రక్షనన్ సలుప ప్రాకాశ్యంబుయై నిల్చెనే
మీ పూరణ బాగున్నది. అభినందనలు.
తొలగించండి'ప్రాకాశ్యంబునై' అనండి.
🔆🔅🔆🔅🔆🔅🔆🔅🔆🔅🔆🔅🔆🔅
రిప్లయితొలగించండిశంకరాభరణం వారి సమస్య : "క్రూరుడైశిబిఖండించెఁబారువమును"
పూరణ : ఒక దూత శాంతిని కోరుచు రాజును చేరగా , అతని తల ఖండించెనట. అది చూసి ప్రజలు చెప్పిన ఉపమానము
తే. గీ.
శాంతికోరుచు దూతయు, కాంతు జేర
దయను జూపక నాతని తలను నరికె;
భ్రాంతి జెంది ప్రజలనిరి వగచి వగచి
"క్రూరుడైశిబిఖండించెఁబారువమును"
- రాంబాబు కైప
22-05-2021
🔆🔅🔆🔅🔆🔅🔆🔅🔆🔅🔆🔅🔆🔅
మీ పూరణ బాగున్నది. అభినందనలు.
తొలగించండిఈ కామెంట్‌ను రచయిత తీసివేశారు.
రిప్లయితొలగించండిఎన్ని నాళ్ళకో దొరికిన యెరను దనకు
రిప్లయితొలగించండివదల నాయమనిన డేగ వచన ములను
క్రూరుఁడై శిబి ఖండించెఁ ; బారువమును
బదులు తన మేను మాంసము బడయు మనెను
మీ పూరణ బాగున్నది. అభినందనలు.
తొలగించండివీరావేశవిలుప్తచింతనుడునై విశ్వాసమున్ వీడి త
రిప్లయితొలగించండిద్దారన్ మూర్ఖుడు శీలశంకితుడునై దండించి, తత్పుత్రులన్
నోరారం బిలువంగ జంపె కట! కన్నుం గానడ ప్పట్టునన్
క్రూరుండై శిబి ఖడ్గముం గొని వడిం గోసెం గపోతమ్మునే.
కంజర్ల రామాచార్య.
దృష్టాంతాలంకారంతో మీ పూరణ అద్భుతంగా ఉన్నది. అభినందనలు.
తొలగించండిఈ కామెంట్‌ను రచయిత తీసివేశారు.
రిప్లయితొలగించండిభయము నన్ వచ్చి వాలిన నయమున తన
రిప్లయితొలగించండిఒడిని చేర్చి, పావురమున నొక వల కని
క్రూరుఁడై శిబి ఖండించెఁ, బారువమును”
వల తొలగించి విడిచెను వాట ముగను
ప్రాణభీతిచే చేరగ పావురమ్ము
రిప్లయితొలగించండిదానిభీతినిబాపుచు తనువులోని
మాంసమొసగి కాపాడినమాన్యుడెట్లు
క్రూరుడై శిబి ఖండించె బారువమును
క్రూరుండై శిబి ఖండించె బారువమును
రిప్లయితొలగించండిననగ బాడియే యిచ్చట యార్య! మీరు
చేర దీసి యభయమీయ శిబిని మెచ్చు
కొనిరి యింద్రాగ్ను లాతని దాన గుణము
బోయఁ డాత్మజునకుఁ బెట్టెఁ బుణ్య పురుషుఁ
రిప్లయితొలగించండిడు శిబి చక్రవ ర్త్యాఖ్యను భృశపుఁ బ్రీతి
నక్కట పెరిగి సూనుఁడు మిక్కుటముగ
క్రూరుఁడై శిబి ఖండించెఁ బారువమును
పారావార పరీవృ తాఖిల జగత్ప్రాణ్యోఘ సంభావ్య లో
కారాధ్యుండు మహామహీశ్వరుఁడు శ్యేనార్థంబు నిర్భీతినిన్
సారోదార దయాసముద్రుఁడు నిజ స్కంధమ్ము, రక్షింప న
క్రూరుండై శిబి ఖడ్గముం గొని వడిం గోసెం, గపోతమ్మునే
[పద విభజనము: రక్షింపఁ, గపోతమ్మునే, నిజ స్కంధమ్ము నక్రూరుండై... ]
డేగ రూపమున సురేంద్రుడెగుచు రాగ
రిప్లయితొలగించండిక్రూరుఁడై, శిబి ఖండించెఁ, బారువమును
కావగ, నిజ శరీర భాగంబు, దాని
మారుగనొసగె దన త్యాగనిరతి గనుడు
శా:
రిప్లయితొలగించండిప్రారంభించెను రాగ యుక్త శ్రుతినున్ పౌరాణ ప్రాసంగికన్
తీరాలోచనసేయ కష్ట తరమై తేలించ రాకుండగన్
వీరావేశము తోడ చెప్ప దొడగెన్ విడ్డూరమై నివ్విధిన్
క్రూరుండై శిబి ఖడ్గమున్గొని వడిన్ గోసెన్ గపోతమ్మునే
వై. చంద్రశేఖర్
చేరం దీసిన యాకపోతమును దా శీర్షంబు నూరార్చి యున్
రిప్లయితొలగించండిధీరత్వంబును జెప్పి నభయం ధీరుండవై యుండుమా
హారం బిత్తును డేగ కియ్యెడను నాయంగంపు మాంసమ్మునాన్
క్రూరుండై శిబి ఖడ్గమున్ గొని వడిం గోసె గపోతమ్మునే
ఈ కామెంట్‌ను రచయిత తీసివేశారు.
రిప్లయితొలగించండిధీరుండై శిబి దానధర్మముల సందీపింప, రూపింపగా
రిప్లయితొలగించండినా రాజేంద్రుని, డేగ రూపముగనై యావృష్టి, పార్వమ్ముగా
నైరక్షింపమటంచు కోర శిఖితా, నానంద ముప్పొంగ య
క్రూరుండై శిబి ఖడ్గముం గొని వడిం గోసెం. గపోతమ్మునే
తారక్షింపగ, మేనిదౌ పలము ఖాదమ్మియ్య గాబైరికిన్