ఇలగలవెన్నియో కృతులవీశ్వర తత్వము బోధసేయుచున్ బలువురు పండితోత్తములు పాటవమెంతయొ జూపి వ్రాసిరే విలువలు లేనివారలిల విస్తృత భావ మెఱుంగకన్న నే ఫలితము లేదు పూర్వకవివర్యుల కావ్యములం బఠించినన్.
కొలతయె ఘంటసాల వడి గొప్పగ పాడిన పద్యరాజముల్ విలువ పురాణ గాథలను పెంపుగ నిర్మిత చిత్రరాజముల్ సులభమె యాస బాస గురి సుందర రూపముగా తలంచెడిన్ *ఫలితము లేదు పూర్వకవివర్యుల కావ్యములం బఠించినన్.*
కాలమారుపు జరుగుట గాంచ వలయు
రిప్లయితొలగించండినాటి విలువలు కుదురవు నేటి కనుచు
నెరిగి పఠనకు యుక్తము నెంచ కున్న
ఫలితముండదు పూర్వకావ్యములఁ జదువ
విలువల దెలిపెడి పలుగాథల రచనలు
రిప్లయితొలగించండిలలిత భావ నిలయమ్ములమల గ్రంధ
ములవి, సంస్కార ద్వేషము గల జనులకు
ఫలితముండదు పూర్వ కావ్యముల జదువ.
తేటగీతి
రిప్లయితొలగించండిసరస సాహితీ మాధురుల్ మెరయ వ్రాసి
కావ్యరత్నములను పేర గరిమఁ గొనఁగ
రస పిపాసలు శూన్యమై ప్రజ్ఞగనక
ఫలితముండదు పూర్వకావ్యములఁ జదువ
చంపకమాల
పులకలు రేపు భావనలఁ బూని కవిత్వము రంగరించుచున్
కలకల లాడి యెప్పటికి కమ్మగనుండుచు నూత్నమన్నటుల్
బలుకులు సిందఁగన్ రస పిపాసిగ ప్రజ్ఞనెఱుంగ లేరనన్
ఫలితము లేదు పూర్వకవివర్యుల కావ్యములం బఠించినన్
కావ్యమేరీతినుండినకావ్యమందు
రిప్లయితొలగించండిప్రతిఫలించునుబింబమై పసనుదెలుప
ఎవ్వరేమన్ననేమిగానేర్చుకొనక
ఫలితముండదు పూర్వకావ్యములజదువ
రిప్లయితొలగించండిసంస్కృతపద సమ్మిళితమౌ సత్కృతులవి
చదివిన మనుజుల నవియె సంస్కరించు
నిరతము చదివినను భావ మెరుగ కున్న
ఫలితముండదు పూర్వకావ్యములఁ జదువ.
ఇలగలవెన్నియో కృతులవీశ్వర తత్వము బోధసేయుచున్
బలువురు పండితోత్తములు పాటవమెంతయొ జూపి వ్రాసిరే
విలువలు లేనివారలిల విస్తృత భావ మెఱుంగకన్న నే
ఫలితము లేదు పూర్వకవివర్యుల కావ్యములం బఠించినన్.
చం.
రిప్లయితొలగించండికొలతయె ఘంటసాల వడి గొప్పగ పాడిన పద్యరాజముల్
విలువ పురాణ గాథలను పెంపుగ నిర్మిత చిత్రరాజముల్
సులభమె యాస బాస గురి సుందర రూపముగా తలంచెడిన్
*ఫలితము లేదు పూర్వకవివర్యుల కావ్యములం బఠించినన్.*
ధర్మ సూక్ష్మల తత్వాల మర్మ ములను
రిప్లయితొలగించండిదెలియ జేయుచు మనుజుల దీర్చి దిద్దు
నట్టి వాటిపై శ్రద్దను బెట్ట చెడు
ఫలత ముండదు పూర్వ కావ్యముల జదువ
అందు బాటున గ్రంథాలయము కలదని
రిప్లయితొలగించండిపాఠ్యసూచిని విడనాడి పగలు రేయి
చదివిన పరీక్ష లందున కుదురుపడదు
ఫలితముండదు పూర్వకావ్యములఁ జదువ
వలసిన పాఠముల్ చదివి వచ్చు పరీక్షల నందు నెగ్గగా
నిలకడమీద సాధ్యపడు నిర్మల చిత్తము నిబ్బరమ్ముతో
పొలుపున పాఠ్యసూచిఁవిడి పొత్తములందు నిమగ్నమైనచో
ఫలితము లేదు పూర్వకవివర్యుల కావ్యములం బఠించినన్
కలమును చేతబూని యొక కావ్యము వ్రాయ నుపక్రమింపగన్
రిప్లయితొలగించండివలయును పాండితీ గరిమ వావిరిగా నది మృగ్యమైనచో
ఫలితము లేదు, పూర్వకవివర్యుల కావ్యములం బఠించినన్
గలుగును ప్రజ్ఞపాటవము కావ్యమునల్లెడు తీరుతెన్నులున్
ఈ కామెంట్‌ను రచయిత తీసివేశారు.
రిప్లయితొలగించండికలము చాలదు సాగింప కావ్య రచన
రిప్లయితొలగించండిభాష కరువైన వివరింప భావనలను
ఫలితముండదు, పూర్వకావ్యములఁ జదువ
ప్రజ్ఞపాటవమొనగూడు భాషయబ్బు
తే॥ శాస్త్రమున పరిశోధన జరుపు చుండ
రిప్లయితొలగించండిఫలితముండదు పూర్వ కావ్యములఁ జదువ
శాస్త్ర గతి ప్రగతిఁ గనఁగఁ జక్కనౌను
నవ్య యావిష్కరణ కది భవ్య దారి
చం॥ విలసిత శాస్త్ర విజ్ఞతను వేలకు వేలుగ యంత్ర భాగ్యముల్
వెలుఁగఁగ సాముఁ దగ్గె గద వేగమె కార్యములన్ని మానవుల్
గలగల చేయ, శోధనలఁ గాంచుటఁ గోరఁగ శాస్త్ర మందునన్
ఫలితము లేదు పూర్వకవివర్యుల కావ్యములం బఠించినన్
(నేను శాస్త్ర విద్యార్థిని పదవీ విరమణానంతరము తెలుగు భాషపై మక్కువ చూపుతున్నానండి)
సలలిత కావ్య రాజముల
రిప్లయితొలగించండిసత్కవు లెందరొ భావ శుద్ధితో
విలసితమొప్పగా రచన విశ్రుత
కీర్తి వహించు రీతిగా
పలువిధ హృద్య పద్యములు
వ్రాసిరి యెప్పటికైన సుంత దు
ష్ఫలితము లేదు పూర్వకవి వర్యుల
కావ్యములన్ బఠించినన్
తెలియును ధర్మ సూక్ష్మములు తెల్లముగా పరమార్థ తత్వముల్
రిప్లయితొలగించండిదొలగు నవిద్య తథ్యముగ దోడ్పడు బుద్ధి వివర్థనార్థమై
తలప నశాశ్వతంబులగు దైహిక వాంఛల చిత్తవృత్తితో
ఫలితము లేదు పూర్వకవివర్యుల కావ్యములం బఠించినన్
సలలిత సుందరమ్ములు రసాధిక పుణ్య సుభాషి తాలయ
రిప్లయితొలగించండిమ్ములుమన పూర్వగ్రంధములు ముక్తిప్రదాయక సాధనమ్ములై
చులకన జేసి కేవల మసూయను జెంది పఠించు వారికిన్
ఫలితము లేదు పూర్వ కవివర్యుల కావ్యములం బఠించినన్.
రిప్లయితొలగించండిపిన్నక నాగేశ్వరరావు.
హనుమకొండ.
పుటలు తిరగేసి పొత్తము పూర్తి చేసి
తి ననుచు తనకు తాను సంతృప్తి చెంది
అందు సారమును గ్రహించనట్టి కతన
ఫలితముండదు పూర్వ కావ్యములఁ జదువ.
తిరగవేసిన పుటలను తెలియరాదు
రిప్లయితొలగించండిపూర్వకావ్యముల ఘనతభూరిగాను
నవగత మొనరించు కొనక నాత్రపడిన
*“ఫలితముండదు పూర్వకావ్యములఁ జదువ”*