కం:అర్హత లేకయె పలువుర కర్హులనుచు విగ్రహముల నర్పించగ నా యర్హత తిలక్ కు లేదే గర్హింపం దగినవాఁడు గంగాధరుఁడే? (చాలా మంది అర్హత లేని వాళ్లకి విగ్రహాలు పెట్టారు.బాల గంగాధర తిలక్ ని గర్హిస్తారా?)
2)శా:నిర్హేతుత్వము తోడ సాంబశివునే నిందింతువే వైష్ణవా! గార్హస్త్యమ్మును వీడెనే శివుడు తా కాంతామణిన్ వీడి ?నిం దార్హమ్మౌ పలు జారచౌర్యముల విద్యల్ లేక నీ బోంట్లకే గర్హింపం దగినట్టివాఁడు గద యా గంగాధరుం డెప్పుడున్” (శివుణ్ని నిందించే వైష్ణవుడి తో శైవుడు"మా శివుడు మీ రాముడి లాగా భార్యని వదిలి పెట్ట లేదు.కృష్ణుడి లాగా వెన్న దొంగ,గోపికా లోలుడు కాదు.నీ బోటి వాడు తప్ప శివుణ్ని ఎవరూ తిట్టరు "అన్నట్లు.)
17 కామెంట్లు:
కందం
అర్హత భక్తియనుచు నం
తర్హిత గుణము విడి వరము తానిడునన న
భ్యర్హణముగ రక్కసులకు!
గర్హింపం దగినవాఁడు గంగాధరుఁడే!
శార్దూలవిక్రీడితము
అర్హంబన్నది భక్తిమాత్రమను పూర్ణార్థమ్మునన్ మెచ్చి తా
నార్హంత్యమ్మును వీడుచున్ వరములన్ రంజిల్ల గన్ రాక్షసుల్
గార్హస్థాశ్రమ శిష్యకోటి కనగన్ గష్టాల నందింపఁగన్
గర్హింపం దగినట్టివాఁడు గద యా గంగాధరుం డెప్పుడున్!
(అభ్యర్హణము = పూజింపదగిన, సమ్మానము;
ఆర్హంత్యము = యోగ్యత)
నిర్హరణమొనర్చ దలచె
డర్హతయే లేక గోర నసురుని కి వరం
బర్హతగాంచక నిడెగద
గర్హింపం దగినవాఁడు గంగాధరుఁడే
అర్హంబెన్నక దానవాధముల కేయాలోచనన్ జేయకన్
నిర్హేతత్వపు కోర్కె గోరినను తానెన్నింటినో యిచ్చి తా
దుర్హానిన్ గొనె ధూర్జటంచనుచునా దుగ్గమ్మిటుల్ పల్కెనే
గర్హింపం దగినట్టివాఁడు గద యా గంగాధరుం డెప్పుడున్.
దక్ష ఉవాచ:
దుర్హృద్భావము గల్గి వర్తిలును, దల్తున్ వర్జనీయుండు గా,
నర్హండెప్పుడుగాదు యజ్ఞభువిలోనాసీనుఁడై హెచ్చ, నే
తర్హిన్ నూతనరీతి చేసెదను సత్త్రంబేను నిర్రుద్రమున్
గర్హింపం దగినట్టివాఁడు గద యా గంగాధరుం డెప్పుడున్
(ఏతర్హి= ఇప్పుడు)
అర్హత లేకుండగ నం
తర్హితముగ నమరతటిని తలపైనుంచన్
నిర్హేతుకమే మున్నది
గర్హింపం దగినవాఁడు గంగాధరుఁడే
దక్షుడు శివ దూషణ చేయుట:-
అర్హుండున్ గద! గౌరవించడిటు నాయల్లుండు! గర్వంబె? యం
తర్హాసుండగు నన్ను గాంచి! విషమున్ ద్రాగంగ నిక్కేలకో?
బర్హిగ్రీవము నీల వర్ణమె గదా! వంద్యుండె రుద్రుండికన్?
గర్హింపం దగినట్టివాఁడు గద యా గంగాధరుం డెప్పుడున్!!
అంతర్హాసుండు =లోలోపల నవ్వుకొనే వాడు
బర్హిగ్రీవము = నెమలి కంఠము
అర్హత లేదని తెలియక
నిర్హే తు క పని యొ న ర్చి నీరస పడితిన్
గా ర్హ స్థ్య o బేల తనకు
గ ర్హి o పం దగిన వాడు గంగా ధ రు డే!
దక్షుని ఆవేదన ---
కం:అర్హత లేకయె పలువుర
కర్హులనుచు విగ్రహముల నర్పించగ నా
యర్హత తిలక్ కు లేదే
గర్హింపం దగినవాఁడు గంగాధరుఁడే?
(చాలా మంది అర్హత లేని వాళ్లకి విగ్రహాలు పెట్టారు.బాల గంగాధర తిలక్ ని గర్హిస్తారా?)
అర్హుండాయనియెన్నకుండ సతతంబందించులే దీవెనల్
నిర్హేతుస్థితినున్నవారికయినన్ నిస్సంశయా ద్రష్టయై
దౌర్హార్దమ్మును గల్గియున్న ఖచరుల్ దౌర్భాగ్యులై చెల్గగా
గర్హింపం దగినట్టివాఁడు గద యా గంగాధరుం డెప్పుడున్
2)శా:నిర్హేతుత్వము తోడ సాంబశివునే నిందింతువే వైష్ణవా!
గార్హస్త్యమ్మును వీడెనే శివుడు తా కాంతామణిన్ వీడి ?నిం
దార్హమ్మౌ పలు జారచౌర్యముల విద్యల్ లేక నీ బోంట్లకే
గర్హింపం దగినట్టివాఁడు గద యా గంగాధరుం డెప్పుడున్”
(శివుణ్ని నిందించే వైష్ణవుడి తో శైవుడు"మా శివుడు మీ రాముడి లాగా భార్యని వదిలి పెట్ట లేదు.కృష్ణుడి లాగా వెన్న దొంగ,గోపికా లోలుడు కాదు.నీ బోటి వాడు తప్ప శివుణ్ని ఎవరూ తిట్టరు "అన్నట్లు.)
అర్హంబుం దలబోయడా శివుడు తానౌచిత్యముం జూడకన్
యర్హంబేమియులేని రక్కసులకున్ హ్లాదంబు జేకూర్చి నిం
దార్హంబౌ యభికాంక్ష లాసురులకున్ దానిచ్చుగా జెచ్చెరన్
గర్హింపం దగినట్టివాఁడు గద యా గంగాధరుం డెప్పుడున్
కం॥ నిర్హేతుకముగఁ బలుకఁగ
గర్హింపం దగినవాఁడు గంగాధరుఁడే
గార్హస్థ్య బాధల మనిగి
తర్హి ఫలముఁ బడయఁ దగున తలఁపవొ కఱటీ
శా॥ గర్హింపం దగినట్టి వాఁడు గద యాగంగాధరుం డెప్పుడున్
గార్హస్థ్యాశ్రమ కష్టనష్టముల సంస్కారమ్ము పెంపొందకన్
దర్హిన్ గ్రమ్మిన మంద బుద్ధి యెడదన్ దన్నంగనే పల్కెనా?
యర్హుండాతఁడు నిత్య పూజకిల భక్తాళిన్ సదా ప్రోచఁడే!
తర్హి అప్పుడు అలాగైనచో కఱటి మూర్ఖుడు నిఘంటువు సహాయమండి
దుర్హతి తప్పించిన పూ
జార్హుఁడు గంగాసతీ జలాగ్రహ జవ ధ్వం
సార్హుఁడు రక్షా దక్షుఁడు
గర్హింపం దగిన వాఁడు గంగాధరుఁడే ?
అర్హానర్హతఁ గాంచ కింతయును గర్వాంధుండు నై సర్వ పూ
జార్హుండైన యుమా మహేశ్వరుని మాహాత్మ్యమ్ముఁ దగ్గింప నిం
దార్హుం డౌను వచింప నిప్పగిది దథ్యం బిద్ధరన్ నిచ్చలున్
గర్హింపం దగి నట్టి వాఁడు గద యా గంగాధరుం డెప్పుడున్
అర్హత నెరుగక నసురుల
నిర్హేతుకముగ కనుగొననేరక వరముల్
యర్హులనుచునెంచి యొసఁగు
గర్హింపం దగినవాఁడు గంగాధరుఁడే
అర్హతశూన్యుకిడె వరము
గర్హింపందగినవాడెగంగాధరుడే
నిర్హేతుకమ్ముగానున
నర్హుని చేభయమునొందెనవనినియతడే
కామెంట్ను పోస్ట్ చేయండి