ఉ:యోగి యతండు,ధ్యానమున నుండెను ప్రొద్దుటి నుండి,తైలమై సాగెను ధ్యాన మింక నట సాగవు తర్కము,నెట్టి చింతలున్, మూగ వుపాధిభేదములు,మోమున గన్ పడు బ్రహ్మతత్త్వమే ఆగెను కాలచక్ర మది యబ్జసఖుం డపు డాఁగకుండినన్ (ఉదయమే యోగి ధ్యానం లోకి వెళ్లాడు.అతని ధ్యానం లో స్థలకాలాలు అదృశ్యమై పోయాయి.అతని ముఖం లో బ్రహ్మతత్త్వమే ప్రకాశిస్తోంది.సమాధి లో కాలం ఉండదు.తైలమై సాగెను=ధ్యానం తైలధార వలె ఉండాలి అనేది శాస్త్రోపమానం.)
మంచు దుప్పటిపరువగా మానితముగ
రిప్లయితొలగించండిజనులుమైకమ్ము నందునజారుకొనిరి
ప్రొద్దు పొడిచిన తెలియదా రుచులులేవె
ఆగెఁగాలమ్ము భాస్కరు డాగకున్న
మీ పూరణ బాగున్నది. అభినందనలు.
తొలగించండిజోగెనుప్రాణికోటియట జోరుహిమాంశువుఁజూపనయ్యెడన్
రిప్లయితొలగించండిఆగెనుకాలచక్రమది యబ్జసఖుండపుడాగకుండినన్
వేగముమందగించెగద పెద్దలుపిన్నలుపవ్వళింపగా
సాగవు జీవయాత్రలవి సందడిలేకను రేపునందునన్
మీ పూరణ బాగున్నది. అభినందనలు.
తొలగించండిరేపు ప్రొద్దున
రిప్లయితొలగించండితేటగీతి
రిప్లయితొలగించండిఅక్కురుక్షేత్ర సంగ్రామమందుఁ జెలఁగి
కృష్ణునానతి పార్థుండు గెలుపునెంచి
హతుని జేయఁ గర్ణుని, సూర్య సుతుని గుండె
యాగెఁ! గాలమ్ము, భాస్కరుఁడాగకున్న!!
ఉత్పలమాల
సాగెడు యుద్ధరంగమున సఖ్యడు సారధి కృష్ణమూర్తియే,
రాగ విహీనుడై చెలఁగు రాధకుమారుని సూర్యపుత్రునిన్
వేగమె సంహరింపుమన వేయగ బాణము క్రీడి, శ్వాసయే
యాగెను! కాల చక్రమది, యబ్జసఖుం డపు డాఁగకుండినన్! !
మీ పూరణలు ప్రశస్తంగా ఉన్నవి. అభినందనలు.
తొలగించండి
రిప్లయితొలగించండిజనకుడడిగిన వేమియు జరుపకుండి
సమయ మేమాత్ర మైనను చాలదనెడు
దుష్టుడయిన యాకొమరుడు తొండుడగుట
నాగెఁ గాలమ్ము భాస్కరుఁ డాఁగకున్న
మీ పూరణ బాగున్నది. అభినందనలు.
తొలగించండికారుమబ్బులు నింగిలో గ్రమ్ముకొనఁగ
రిప్లయితొలగించండినంధకారము పుడమిపై నలముకొనెను
రాత్రివలె దోచి పగలు ధరిత్రి యందు
నాగెఁ గాలమ్ము భాస్కరుఁ డాఁగకున్న
మీ పూరణ బాగున్నది. అభినందనలు.
తొలగించండి
రిప్లయితొలగించండికోవిడను వ్యాధి వ్యాపించి క్షోణి నెల్ల
గడగడ వణికించెడు వేళ కాననమున
జనులు బంధితులయినట్టి సమయమందు
నాగెఁ గాలమ్ము భాస్కరుఁ డాఁగకున్న.
వేగము నత్తమిల్లి కడు భీకర రూపము దాల్చు కోవిడీ
సాగను చేరినట్టి తరి శాశ్వతి యెల్ల యచేత నమ్ముగా
లోగిలి బందిగీడులయి లోకులు దద్దఱు చెందు పాళమం
దాగెను కాలచక్ర మది యబ్జసఖుం డపు డాఁగకుండినన్.
మీ పూరణలు ప్రశస్తంగా ఉన్నవి. అభినందనలు.
తొలగించండితెలిసి సైంధ వు వరమును దెలి వి గాను
రిప్లయితొలగించండిచక్ర మును బంపె కృష్ణుడు చతురు డగుచు
నాగె కాలమ్ము భాస్కరు డాగ కున్న
చంపె విజయుడు సైంధ వు సమర మందు
మీ పూరణ బాగున్నది. అభినందనలు.
తొలగించండి
రిప్లయితొలగించండిసాగును చేతనావృతిని
సాగును జీవన మీ ధరిత్రిపై
ౘాగు ప్రభాతసాంధ్యలయి
సాగును సాగిలుచుండు నిత్యమున్
సాగెడికాలమే ముగియ
సాగుచు బోవలె శ్వాసవీడుచున్!
ఆగెను కాలచక్ర మది....!
యబ్జసఖుం డపు డాఁగకుండినన్!
పుట్టి గిట్టుట నైజంబు పుడమిపైన
నెట్టివారలకైనను నిట్టి దశను
వదలిపెట్టంగ శక్యమే ప్రిదులుకొనక?
ఆగె కాలమ్ము! భాస్కరుడాగకున్న!
ప్రిదులు=రాలిపోవు
మీ పూరణలు ప్రశస్తంగా ఉన్నవి. అభినందనలు.
తొలగించండిత్రాగగ రాహు కేతువులు రాక్షస మాయలతో సుధల్ సరిన్
రిప్లయితొలగించండిసాగగ నివ్వలేదనుచు సప్తతురంగ రథాఖ్య సూరిపై
రేగిన కోపతాపమున మ్రింగగ సూర్యుని తీవ్ర తేజమే
యాగెను! కాలచక్ర మది యబ్జసఖుం డపు డాఁగకుండినన్!!
మీ పూరణ ప్రశస్తంగా ఉన్నది. అభినందనలు.
తొలగించండికారణమె రాహు కేతువుల్ గ్రహణములకు?
రిప్లయితొలగించండిసూర్య చంద్ర గ్రహణములు చూచినాడ
గ్రహణ మేతించి నప్పుడు కాంతిరేఖ
లాగెఁ గాలమ్ము భాస్కరుఁ డాఁగకున్న
సాగుచునుండుకాలమిది సాధ్యము కాదయ దీనినాపగా
తేగలనారగించుచును దీరుగ చూచిరి చిత్ర రాజమున్
జేగురు రంగు సౌధమున చిత్ర ప్రదర్శనమే సమాప్తమై
యాగెను కాలచక్ర మది యబ్జసఖుం డపు డాఁగకుండినన్
['కాలచక్రం' అనే చలనచిత్రమును దృష్టిలోనుంచుకొని..]
మీ పూరణలు ప్రశస్తంగా ఉన్నవి. అభినందనలు.
తొలగించండిధన్యవాదాలు గురూజీ 🙏
తొలగించండిసాగెను వారివాహములు సాంద్రముగా నభమందు నల్దెసల్
రిప్లయితొలగించండివేగమె గ్రమ్మె జీకటులు వేవెలుఁగున్గబళింప మేఘముల్
మాఁగగ భానుడంబుదము మాటున రేయిగ దోచె ఘస్రమే
యాగెను కాలచక్ర మది యబ్జసఖుం డపు డాఁగకుండినన్
మీ పూరణ ప్రశస్తంగా ఉన్నది. అభినందనలు.
తొలగించండిఅందరికీ వందనములు !
రిప్లయితొలగించండిఅందరి పూరణలూ అలరించు చున్నవి !
దేవదాసు-పార్వతి , సలీమ్-అనార్కలి, రోమియో-జూలియెట్ !
విధి ఒక విష వలయం - విషాద కథలకు అది నిలయం
విషాద కథలకు అది నిలయం
01)
_________________________________________
వాదన జేయలేక, విడె - ప్రాణసమమ్మగు పార్వతిన్, మనో
వేదన నోర్వలేక పసి - బేలగ మారిన దేవదాసు తాన్
గాదనలేక క్షాంతువును - కాలిక పాల్బడి చంద్ర ఛాయలోన్
రోదన హెచ్చి హెచ్చి క్షయ - రోగము పాలయి క్రుంగిపోయినన్
రాదది రానెరాదు గన - రాదిక రమ్మన రాదు రాదికన్ !
_________________________________________
క్షాంతువు = తండ్రి
కాలిక = మద్యము
చంద్ర = చంద్రముఖి
ఛాయ = ఇల్లు
మీ పూరణ ప్రశస్తంగా ఉన్నది. అభినందనలు.
తొలగించండిఈ కామెంట్‌ను రచయిత తీసివేశారు.
రిప్లయితొలగించండిఈ కామెంట్‌ను రచయిత తీసివేశారు.
రిప్లయితొలగించండిఅందరికీ వందనములు !
రిప్లయితొలగించండిఅందరి పూరణలూ అలరించు చున్నవి !
ఒక సభలో పృచ్ఛకునితో అవధాని :
01)
_________________________________________
ఆగునె కాలచక్రమది- యబ్జసఖుండదె యాగడెన్నడున్
సాగును సాగుచుండు నిల - సత్యము ధర్మము సూర్యచంద్రులున్
యేగతి పల్కెదీవు యిటు - లీగతి మూర్ఖత పెచ్చరిల్లగా
ఆగెను కాలచక్ర మది - యబ్జసఖుం డపు డాఁగకుండినన్
_________________________________________
మీ పూరణ బాగున్నది. అభినందనలు.
తొలగించండివాట్సప్ సమూహంలో నా సవరణ చూడండి.
ఈ కామెంట్‌ను రచయిత తీసివేశారు.
రిప్లయితొలగించండిమకరరాశిన జేరిన మర్కుడపుడు
రిప్లయితొలగించండిదక్షిణాయణ కాలంబు తరలు వేళ
ఉత్తరాయణ నేతెంచు పుణ్య క్షణము
నాగెఁ గాలమ్ము;భాస్కరుఁ డాఁగకున్న
మీ పూరణ బాగున్నది. అభినందనలు.
తొలగించండితే॥ కాలచక్రగతినిఁ గన నాప నెవరి
రిప్లయితొలగించండితరము హరిహరులకును సాధ్యమగునె నిజ
ముఁ దెలుపఁగ వృద్ధులకుఁ గష్టములను తోఁచు
నాఁగె కాలమ్ము భాస్కరుఁ డాఁగకున్న
ఉ॥ ఆఁగదు కాలచక్రగతి యాపఁగఁ జాలఁడు విష్ణువైననున్
సాగగ జీవితమ్ము సుఖ శాంతులఁ గాలము పర్వు తీయఁగా
మూఁగఁగఁ గష్టనష్టములు పొత్తున మాత్రమె తోఁచు మిత్రమా!
ఆఁగెను కాలచక్ర మది యబ్జసఖుండపు డాఁగకుండినన్
పొత్తు ముసలితనము (పండు ముదుసలి అని నాభావమండి) ముంపు అంటే కూడ ముదుసలి అనుకున్నానండి. నిఘంటువులో కనపడనందున మార్చానండి
పెనుకొండ రామబ్రహ్మం బెంగుళూరు
ఈ కామెంట్‌ను రచయిత తీసివేశారు.
రిప్లయితొలగించండిఅందరికీ వందనములు !
రిప్లయితొలగించండిఅందరి పూరణలూ అలరించు చున్నవి !
ఏనుగు పైన నవాబు - గాడిద పైన గరీబు
నడిచే దారుల గమ్య మొక్కటే - నడిపే వాడికి అందరొక్కటే
ఇంతేరా యీ జీవితం - తిరిగే రంగుల రాట్నము :
01)
_________________________________________
వేదన నోపెనే గజము - వేయికి పైబడి వత్సరంబులున్
బాధల మెచ్చెనే క్షమను - భక్తశిఖామణి రామదాసదే
శోధన జేయగా నిలను - శోకము నిచ్చును నీశ్వరుండదే
మోద మహానుభోగమున - ముఖ్యమునైనది దుఃఖమే కదా
_________________________________________
ఆగిరివాసు దర్శనము నందరికన్నను ముందు చేయఁగా
రిప్లయితొలగించండినా గిరి మ్రోల టోకెనుల కవ్వరుసన్ జనఁ ద్రోపులాటలో
మ్రోగెను మృత్యుఘంటికలు మూడినదయ్యయొ నీకు నీకటం
“చాగెను కాలచక్ర మది యబ్జసఖుం డపు డాఁగకుండినన్”
తామరస దళ లోచన తన్ను విడిచి
రిప్లయితొలగించండిపుట్టి నింటికిఁ జనినంత బెట్టిదముగ
విరహ తాపంబు సెలరేఁగ వింత వాని
కాఁగెఁ గాలమ్ము భాస్కరుఁ డాఁగకున్న
వేగ మెలర్పఁగా విసర బిట్టు చలమ్మునఁ జక్ర యుగ్మముం
జాగి రయమ్మునం బుడమి జంటగ నించుక సేపు సుంత యే
నాఁగక యేఁగుచుండ వడి నర్జున చక్రము తగ్గ వేగమే
యాఁగెను గాలచక్ర మది యబ్జసఖుం డపు డాఁగకుండినన్
శ్రీ గురుభ్యోనమః
రిప్లయితొలగించండిఉ.మా.
ఆ గళమందు దాగిన రహస్యము మంత్రము వేసినట్లుగా
భోగము పంచి రాగముల, భూతలమేలి చరించువేళలో
రోగపు చిచ్చుకున్ గనలి మ్రోగక నిల్వగ శాశ్వతమ్ముగా
*నాగెను గాలచక్రమది యబ్జసఖుండపు డాఁగకుండినన్*
యోగముహెచ్చి రైతుకొడుకుండె విదేశమునందు గొప్ప యు
రిప్లయితొలగించండిద్యోగమునన్ ప్రశాంతముగనుండెకుటుంబము మూలపల్లెలో
వేగము హెచ్చి కార్లుపడి వీడెనుప్రాణమటన్న వార్త తో
ఆగెను కాలచక్ర మది యబ్జసఖుం డపు డాఁగకుండినన్
డా. గాదిరాజు మధుసూదనరాజు
బెంగళూరు
పూజ్యశ్రీ కంది శంకరయ్య వారికి నమస్సులతో
రిప్లయితొలగించండిసమస్య:
ఆగెను కాలచక్రమది యబ్జసఖుండపు డాగకుండినన్
ఉ.మా
ఏగిరి పెద్దలున్ నియమ మెంచియు కాలపు ధర్మ మార్గమున్
సాగును కాల మెప్డు మరి సంతస ముమ్మిడి భక్తియున్నచో
బాగగు నీతి వర్తనము, బంధము లెంచక సాగ కున్నచో
ఆగెను కాలచక్ర మది యబ్జసఖుండపు డాగకుండినన్
గడచి పోదొక క్షణమైన కనుగొనంగ
రిప్లయితొలగించండిదొరికె ప్రియురాలి కౌగిలి దూరెనింట
ఇరువురొకటైరి తొలిప్రేమ ఇనుమడింప
ఆగెఁ గాలమ్ము భాస్కరుఁ డాఁగకున్న
డా.గాదిరాజు మధుసూదనరాజు
పూజ్యశ్రీ కంది శంకరయ్య వారికి నమస్సులతో
[
రిప్లయితొలగించండివ్యాధి పతికట సోకంగ వగచుచు సతి
మందులెన్నియొసంగినన్ మానుగాగ
దైవసన్నిధికేగంగ తలచె మదిని
*“ఆగెఁ గాలమ్ము భాస్కరుఁ డాఁగకున్న
సాగెనువీడుచెల్లరను సైన్యము నందున చేరి సేవలన్
మూగినశత్రుమూకలనుముందుగ కొట్టుచు సాగుచుండగా
నీగగ ప్రాణముల్ వెనుక నెట్టగ వైరులు దుష్ట బుధ్ధితో
నాగెను కాలచక్రమది నబ్జ సఖుం డపు డాగకుండినన్
ఉ:యోగి యతండు,ధ్యానమున నుండెను ప్రొద్దుటి నుండి,తైలమై
రిప్లయితొలగించండిసాగెను ధ్యాన మింక నట సాగవు తర్కము,నెట్టి చింతలున్,
మూగ వుపాధిభేదములు,మోమున గన్ పడు బ్రహ్మతత్త్వమే
ఆగెను కాలచక్ర మది యబ్జసఖుం డపు డాఁగకుండినన్
(ఉదయమే యోగి ధ్యానం లోకి వెళ్లాడు.అతని ధ్యానం లో స్థలకాలాలు అదృశ్యమై పోయాయి.అతని ముఖం లో బ్రహ్మతత్త్వమే ప్రకాశిస్తోంది.సమాధి లో కాలం ఉండదు.తైలమై సాగెను=ధ్యానం తైలధార వలె ఉండాలి అనేది శాస్త్రోపమానం.)