12, మార్చి 2025, బుధవారం

సమస్య - 5060

13-3-2015 (గురువారం)
ఈరోజు పూరింపవలసిన సమస్య ఇది...
“కవి పండిత ధిక్కృతి శుభకర మగును గదా”
(లేదా...)
“కవులుం బండితులుం గళావిదుల ధిక్కారంబు శ్రేయం బిడున్”

12 కామెంట్‌లు:

  1. దివసపు వార్తల నెరుగక
    అవాస్తవములన్ని నమ్మి యాత్రుత తోడన్
    యవివేకముతో వ్రాసెడి
    కవి పండిత ధిక్కృతి శుభకర మగును గదా

    రిప్లయితొలగించండి
  2. కవులను పండితులను గౌ
    రవముగ సత్కృతి సలిపిన లగ్గగు, నటులే
    కవిగా మసలెడు కుత్సిత
    కవి పండిత ధిక్కృతి శుభకర మగును గదా

    రిప్లయితొలగించండి

  3. కవనమ్మందున నిత్యం
    బవివేకుల కొమ్ముకాచె డజ్ఞానమునే
    యవఘలమున్ వ్రాసెడి కా
    కవి పండిత ధిక్కృతి శుభకర మగును గదా.


    అవమానమ్ముల కోర్చి ధాత్రిగల మూఢాచారముల్ ద్రుంచుచున్
    నవభావమ్ముల నింపుచున్ జనుల జ్ఞానార్థుండ్రు గా మల్చగా
    కవనమ్మల్లెడి వారె యుత్తములు సత్కర్మమ్ము నేచేయకన్
    కవులుం బండితులుం గళావిదుల ధిక్కారంబు శ్రేయం బిడున్?

    రిప్లయితొలగించండి
  4. అవలంబించగ హైందవమ్మునది తప్పై పోవునెవ్వారికిన్
    సవరింపంగను కల్ల వ్రాత చరితన్ సంతాపమెవ్వారికిన్
    వివరంబేమియు లేక దేశ ఘనతన్ ద్వేషించు వారందరిన్
    కవులుం బండితులుం గళావిదుల ధిక్కారంబు శ్రేయం బిడున్!!

    రిప్లయితొలగించండి
  5. కవులందున్ గలరెందరో సుకవులీ కాలంబునన్ వారలే
    కవితా వైభవమున్ జనావళికి నుద్గాఢమ్ముగా పంచుచున్
    భువిలో తారలుగా వెలింగెదరు, యభ్యుత్థానముం జాఱ్చు కా
    కవులుం బండితులుం గళావిదుల ధిక్కారంబు శ్రేయం బిడున్

    రిప్లయితొలగించండి
  6. ధవుడొనరించు చెడుగులే
    స్తవనీయంబనుచు మెచ్చు చవటల్ మూర్ఖుల్
    భవితవ్యముకడ్డు నిలువ
    కవి పండిత ధిక్కృతి శుభకర మగును గదా

    స్తవనీయమ్మని దౌష్ట్యమున్ నిరతముత్కర్షించు తాళీకులున్
    నవనీతంబును బోలునట్టి పలుకుల్ నట్టేటముంచేటివై
    న విధానంబులతోడ గెల్చు ముకురుల్ నాదేశమందుండగా
    కవులుం బండితులుం గళావిదుల ధిక్కారంబు శ్రేయం బిడున్

    రిప్లయితొలగించండి
  7. భువిలో పాలక వర్గ నీతియును
    సంపూర్ణంబుగా గుళ్ళినన్
    దివికిందాకియు యన్నివస్తుల వెలల్
    దేశంబులో పేదలే
    యవిధిన్ జెందిన నోరు మూసుకొని
    వారావాసమందుండకన్
    కవులుంబండితులుంగళావిదుల
    ధిక్కారంబు స్రేయంబిడున్

    రిప్లయితొలగించండి
  8. కవులను సన్మానించు ట
    భువిలో జరుగుట ను గనుచు మురిప o బైనన్
    దవి లియు ని ర సించు టె టు ల
    కవి పండిత ధి కృ తి శుభ కర మగును గదా

    రిప్లయితొలగించండి
  9. కవిపండితోత్తమనొకడు
    కవిసమ్మేళన జరపుచు గాండ్రించగ, నో
    కవి ననుకొనె నీ విధముగ
    కవి పండిత ధిక్కృతి శుభకర మగును గదా

    రిప్లయితొలగించండి
  10. చవులూరించు విధంబుగా రచనలన్ సమృద్ధిగా జేయుచున్
    కవిగా పేరును పొందువారల కిలన్ కప్పొచ్చు దుశ్శాల్వలన్
    అవరోధంబులు కల్గజేయు శఠులన్ ఔన్యత్యమే లేని కా
    కవులుం బండితులుం గళావిదుల ధిక్కారంబు శ్రేయంబిడున్

    రిప్లయితొలగించండి
  11. కవుల మనుచు ఘోషించుచు
    నవివేకపు వ్రాతలెల్ల నలరింపంగా
    సవివేకం బొనరించినఁ
    గవి పండిత ధిక్కృతి శుభకర మగును గదా


    భువిలో వాసన లీన లేని వగు నా పుష్పమ్ములన్ మెత్తురే
    ఛవి హీనం బగు దీప సంచయమునున్ శ్లాఘింతురే సజ్జనుల్
    శ్రవణానర్హ కవిత్వ కర్తృ కుకవివ్రాతమ్మునున్ మెత్తురే
    కవులుం బండితులుం, గళావిదుల ధిక్కారంబు శ్రేయం బిడున్

    రిప్లయితొలగించండి
  12. కందం
    అవినీతి రాజ్యమేలుచు
    స్తవనీయుల దోషులుగను దండనమెంచన్
    వివరమ్ముగ నా చర్యల
    కవి పండిత ధిక్కృతి శుభకర మగును గదా

    మత్తేభవిక్రీడితము
    అవినీతిన్ నెలకొల్పి పాలకులు నన్యాయంబుగన్ సౌమ్యులన్
    స్తవనీయాలిని దోషులంచు మిగులన్ దండించు దృక్కోణమై
    వివరమ్మేదియొ లోకమందు ప్రతిబింబింపన్ సమాయత్తమై
    కవులుం బండితులుం గళావిదుల ధిక్కారంబు శ్రేయం బిడున్

    రిప్లయితొలగించండి