కవిమిత్రులారా,
ఈరోజు పూరించవలసిన సమస్య ఇది...
ముక్కంటిం దూఱు నెడల మోక్షము గలుగున్.
ఈ సమస్యను పంపిన పోచిరాజు సుబ్బారావు గారికి ధన్యవాదాలు.
ఈరోజు పూరించవలసిన సమస్య ఇది...
ముక్కంటిం దూఱు నెడల మోక్షము గలుగున్.
ఈ సమస్యను పంపిన పోచిరాజు సుబ్బారావు గారికి ధన్యవాదాలు.
అక్కట! తగు శాస్తి కలుగు
రిప్లయితొలగించండిముక్కంటిని దూరునెడల, మోక్షము గలుగున్
మిక్కుటమగు భక్తి మెయిన్
ముక్కంటిని గొలుచు నెడల బుధజనవంద్యా!
అందరికీ వందనములు !
రిప్లయితొలగించండిఅందరి పూరణలూ అలరించు చున్నవి !
అలరింప నున్నవి !
మురారిని పూజించినా,ముక్కంటిని ద్వేషించినా
మోక్షం కలుగుననుకోవడమే గదా వైష్ణవం :
01)
________________________________
నిక్కువమగు వైష్ణవుడే
చక్కగ తలపోయునిట్లు - " చక్రిని గొలువన్
చుక్కలరాయని దాల్చెడి
ముక్కంటిం దూఱు నెడల - మోక్షము గలుగున్ " !
________________________________
మిక్కుటమగు హర్షంబున
రిప్లయితొలగించండిముక్కంటిని దూరునెడల మోక్షము గలుగున్
గ్రక్కున రండని మూర్ఖుం
డొక్కడు తా బిలుచుచుండె నూరిజనాలన్.
ఇక్కట్టులు గలిగెడు భువి
రిప్లయితొలగించండిముక్కంటిని దూరునెడల, మోక్షము గలుగున్
మిక్కుటమగు యశమబ్బును
నిక్కము, కీర్తింతురేని నిష్ఠాగరిమన్.
చిక్కులు కొనితెచ్చుకొనును
రిప్లయితొలగించండిముక్కంటిని దూఱునెడల, మోక్షము గలుగన్
మక్కువతోసేవించిన
ఇక్కట్టులుతొలగిపోవు ఈశుని గొలువన్
పండిత నేమాని వారూ,
రిప్లయితొలగించండిదూఱుట, కొలుచుటల వ్యత్యాసాన్ని తెలియజేస్తున్న మీ పూరణ బాగున్నది. అభినందనలు.
*
వసంత కిశోర్ గారూ,
వైష్ణవుని మాటగా మీ పూరణ బాగున్నది. అభినందనలు.
*
హరి వేంకట సత్యనారాయణ గారూ,
మూర్ఖుని వాక్యంగా మొదటి పూరణ, విరుపుతో రెండవ పూరణ బాగున్నవి. అభినందనలు.
మొదటి పూరణలో ‘ఊరిజనమ్మున్’ అనండి.
*
శైలజ గారూ,
విరుపుతో మీ పూరణ బాగున్నది. అభినందనలు.
బుక్కెడిది విషము, దిగ్గజ
రిప్లయితొలగించండిత్వక్కును బట్టట, స్మశానవాటిక వాసం
బక్కట విషమనయనుడని
ముక్కంటిని దూరునెడల మోక్షము గలుగున్!!
అక్కట యర్థము తెలియక
రిప్లయితొలగించండినొక్కడు "కోరుట '" యనుకొనెనోమరి " దూఱున్ "
నొక్కుచు చెప్పెను తానిటు
' ముక్కంటిం దూఱు నెడల మోక్షము గలుగున్. '
"అష్టావధాని" రాంభట్ల పార్వతీశ్వర శర్మ గారూ,
రిప్లయితొలగించండివ్యాజనిందారూపమైన మీ పూరణ బాగున్నది. అభినందనలు.
‘దిగ్గజ త్వక్కు’ అన్నప్పుడు ‘జ’ గురువై గణదోష ప్రమాదం ఉంది కదా. అయినా శివుడు ధరించింది గజచర్మమే కాని దిగ్గజ చర్మం కాదు కదా. అక్కడ ‘ద్విరద త్వక్కు’ అంటే ఎలా ఉంటుంది?
*
గోలి హనుమచ్ఛాస్త్రి గారూ,
ప్రమాదవాక్కుగా మీ పూరణ బాగుంది అభినందనలు.
నాగరాజు రవీందర్ గారూ,
రిప్లయితొలగించండిశివనింద శునకజన్మకు కారణమన్న మీ పూరణ బాగుంది. అభినందనలు.
మక్కెలు విఱు గం గొట్టుదు
రిప్లయితొలగించండిముక్కం టిం దూ ఱు నెడల, మోక్షము గలుగున్
జక్కగ బూజలుసేసిన
ముక్కం టికి ననుదినమ్ము మురిపము తోడన్
దక్కను శివు కారుణ్యము
రిప్లయితొలగించండినిక్కముగను బూజ జేయ నిర్మల హృదితో
ధిక్కార స్వర భక్తిని
ముక్కంటిం దూఱు నెడల మోక్షము గలుగున్.
శ్రీ శంకరయ్య గారికి నమస్సులు
రిప్లయితొలగించండిపెక్కగు భక్తిని పొందక
ముక్కంటిం దూఱు నెడల మోక్షము గలుగున్.
చక్కని పాశుపతమ్మును
ముక్కంటినెదిర్చి పొందె మును పార్ధివుడే
సుబ్బారావు గారూ,
రిప్లయితొలగించండిమనవాళ్ళు గానీ, పరాయివాళ్ళు గానీ మనదేవుళ్ళను కించపరిచినా తరతరాలుగా సహనాన్ని ప్రదర్శిస్తూనే ఉన్నాం.
మనదేవుళ్ళను దూఱినవాళ్ళ మక్కెలు విఱుగగొట్టుమన్న మీ పూరణ బాగుంది. అభినందనలు.
*
గండూరి లక్ష్మినారాయణ గారూ,
వైరభక్తిని గురించిన మీ పూరణ బాగుంది. అభినందనలు.
భాగవతుల కృష్ణారావు గారూ,
రిప్లయితొలగించండిబాగుంది మీ పూరణ. అభినందనలు.
అయినా అర్జునుడు ఒక ఆటవికుడనుకొని ఎదుర్కొన్నాడు కాని శివుణ్ణి దూషించలేదు కదా!
నాగరాజు రవీందర్ గారూ,
రిప్లయితొలగించండిబాగుంది మీ పూరణ. అభినందనలు.
పండిత నేమాని గారికి పూజ్యులు గురుదేవులు
రిప్లయితొలగించండిశంకరయ్య గారికి వందనములు
అక్కట!దక్షుడు జావడె
ముక్కంటిని దూరునెడల. మోక్షము కల్గున్
స్రుక్కు వడి మ్రొక్కు లిడగా
బుక్కపుమెడ తోడ బ్రతికి పోహణ సేయన్
శ్రె భాగవతుల కృష్ణా రావు గారు! నమస్కారములు.
రిప్లయితొలగించండిమీ పద్యము బాగుగ నున్నది. అభినందనలు.
పార్థివుడు అంటె రాజు అని అర్థం. కానీ మీరు అర్జునుడు అనే అర్థముతో ప్రయోగించేరు. పార్థుడు అంటే అర్జునుడు కదా.
పెక్కగు భక్తి -- పెక్కును బహువచనములో నుపయోగించాలి కదా. చూడండి. స్వస్తి.
అక్కజము గొల్పు మాటలు
రిప్లయితొలగించండి"ముక్కంటిని దూరునెడల మోక్షము గలుగున్,
మ్రొక్కిన సౌఖ్యమడంగెడు
నిక్కుంభినిలోన"ననుట యెక్కాలమునన్.
కెంబాయి తిమ్మాజీ రావు గారూ,
రిప్లయితొలగించండిమీ పూరణ బాగున్నది. అభినందనలు.
*
పండిత నేమాని వారూ,
ధన్యవాదాలు. కృష్ణారావు గారి పద్యంలో లోపాలను నేను గమనించలేదు. ‘పార్థివుడే’ అన్నదానిని ‘పార్థుండే’ అంటే సరి.
*
హరి వేంకట సత్యనారాయణ మూర్తి గారూ,
మీ పూరణ బాగుంది. అభినందనలు.
గుండా సహదేవుడు గారి పూరణ...
రిప్లయితొలగించండిచక్కగ సుఖాసనంబున
మక్కువఁ గరముల్ కలుపుచు మనసు చెదరక
న్నిక్కముగ నాసికాగ్రపు
ముక్కంటిం దూరు నెడల మోక్షము కలుగున్
సహదేవుడు గారూ,
రిప్లయితొలగించండిమీ ప్రయత్నం ప్రశంసనీయం. కాని ‘నాసికాగ్రపు ముక్కంటిని దూఱుట’ అర్థం కాలేదు.
శ్రీ సహదేవుడు గారు! శుభాశీస్సులు.
రిప్లయితొలగించండిమీ పద్యము బాగుగ నున్నది. అభినందనలు. ఒక సూచన.
చెదరక అనునది కళ - ద్రుతప్రకృతికము కాదు. అందుచేత చెదరకన్ అను రూపము రాదు. పరిశీలించండి. స్వస్తి.
పండిత నేమాని గారికి పూజ్యులు గురుదేవులు
రిప్లయితొలగించండిశంకరయ్య గారికి వందనములు
మరియొక పూరణ
ఒక్కక్రిమి చాలు కొబ్బెర
ముక్కంటిని దూరునెడల .మోక్షము కల్గున్
చిక్కని గుజ్జుకు నీటికి
గ్రక్కున నిల పయిని రాలు కాయ కృశింపన్
గుండా సహదేవుడు గారి వ్యాఖ్య......
రిప్లయితొలగించండిగురుదేవులకిరువురకు ధన్యవాదములు. నాసిక అగ్ర భాగాన గల మూడో కంటిలో మనసు
నిలపడమనే భావంతో కూర్చిన పద్యం.
శ్రీ నేమాని గురుదేవుల సూచిత సవరణతో:
చక్కగ సుఖాసనంబున
మక్కువ గా చెదరనీక మదితో నొకటై
నిక్కముగ నాసికాగ్రపు
ముక్కంటిం దూరు నెడలమోక్షము కలుగున్.
కెంబాయి తిమ్మాజీ రావు గారూ,
రిప్లయితొలగించండిమీ తాజా పూరణ వైవిధ్యంగా ఉండి అలరించింది. అభినందనలు.
*
సహదేవుడు గారూ,
సవరించిన మీ పూరణ బాగుంది. అభినందనలు.
ఎక్కువ భక్తిని గలిగిన
రిప్లయితొలగించండిచిక్కిన భక్తులను గనుచు చిలిపితనముతో
నిక్కుచు నాస్తికు లందురు
ముక్కంటిం దూఱు నెడల మోక్షము గలుగున్
నమస్సులు శంకరయ్య గారు.
రిప్లయితొలగించండిదిక్కులు అంబరంగా గలవాడు కాబట్టి దిగ్గజ అన్న పదం వాడాను.
సరిచేసిన పూరణ:
మెక్కెడిది విషము, ద్విరద
త్వక్కును బట్టట, స్మశానవాటిక వాసం
బక్కట విషమనయనుడని
ముక్కంటిని దూరునెడల మోక్షము గలుగున్!!
పెక్కుగ పూజలు జేయుచు
రిప్లయితొలగించండినిక్కముగా శివునియందు నిలిపి హృదయమున్
మ్రొక్కుచు పరవశమున నా
ముక్కంటిం దూఱు నెడల మోక్షము గలుగున్
మిక్కిలి తూపులు వేయగ
రిప్లయితొలగించండిగ్రక్కున శామీలమైన రతిపతి వోలెన్
చక్కగ నిటలాక్షు నొనరి,
ముక్కంటిం దూఱు నెడల, మోక్షము గలుగున్
అమిత్ షా ఉవాచ:
రిప్లయితొలగించండిదిక్కులు తోచక మదినిన్
నిక్కమ్ముగ చావుగోరి నేడో రేపో
వెక్కుచు పాకుల శూరులు
ముక్కంటిం దూఱు నెడల మోక్షము గలుగున్
దూఱుట అర్ధం
రిప్లయితొలగించండి