కవిమిత్రులారా!
ఈరోజు పూరించవలసిన సమస్య ఇది...
"మూడు నాలుగు గలిపిన ముప్పది కద"
లేదా...
"మూడును నాలుగున్ గలియ ముప్పది యౌఁగద లెక్కఁ జూచినన్"
ఈ సమస్యను పంపిన పోచిరాజు సుబ్బారావు గారికి ధన్యవాదాలు.
ఈరోజు పూరించవలసిన సమస్య ఇది...
"మూడు నాలుగు గలిపిన ముప్పది కద"
లేదా...
"మూడును నాలుగున్ గలియ ముప్పది యౌఁగద లెక్కఁ జూచినన్"
ఈ సమస్యను పంపిన పోచిరాజు సుబ్బారావు గారికి ధన్యవాదాలు.
మూడు ముచ్చటగ మన త్రిమూర్తు లయ్యె
రిప్లయితొలగించండినాలుగు మన విధాత ముఖాలు గావె
మూడు నాలుగు గలిపిన "ఏడు" పాయె
మూడు నాలుగు గలిపిన ముప్పది కద!
మూడు + నాలుగు = ఏడు
ముప్పు + అది = ముప్పది
ప్రభాకర శాస్త్రి గారూ,
తొలగించండిమీ పూరణ బాగున్నది.
'ఏడు పాయె'...?
'ముప్పది'ని ముప్పు+అది అనడం బాగుంది.
తొలగించండిమా చిన్నప్పటి పిల్లల హాస్యం:
తొలగించండి"మూడు, నాలుగు కలిపితే ఎంత?"
"ఏడు"
"నువ్వే ఏడు!"
రిప్లయితొలగించండిలెక్క లయ్య బెత్తమున జిలేబి నేర్చె,
చేతుల పదియౌ కాళ్లవి చేర్చను పది
మొత్తము యిరవై, పైపెచ్చు మూడుకు మరి
మూడు, నాలుగు గలిపిన ముప్పది కద!
జిలేబి
జిలేబీ గారూ,
తొలగించండిమీ లెక్క సరిపోయింది. పూరణ బాగున్నది. అభినందనలు.
వాయు వందున గల్గు మూడక్షరములు
రిప్లయితొలగించండిఅనలమున గలుగును నాలుగక్షరములు
ముప్పు గద రెండు కలసిన చెప్పనేల?
మూడు నాలుగు కలసిన ముప్పది కద !
(ముప్పు + అది = ముప్పది)
గుఱ్ఱం జనార్దన రావు గారూ,
తొలగించండిగాలికి అగ్ని తోడైతే ముప్పే కదా! బాగుంది మీ పూరణ. అభినందనలు.
శంకరయ్యయ గారు ! ధన్యవాదాలు !
తొలగించండిత్రిగుణములు మూడు విధములు దివిని చేర
రిప్లయితొలగించండియారు ముఖముల షణ్ముఖు డవత రించె
ఏక వింశతి గణపతి యేక మైన
మూడు నాలుగు గలిసిన ముప్పది కద
అక్కయ్యా,
తొలగించండిమీ లెక్క కొంత గజిబిజిగా ఉంది. వివరణ అవసరమనుకుంటాను.
'చేరన్+ఆరు= చేర నారు..' అవుతుంది.
మిత్రులకు విన్నపం...
రిప్లయితొలగించండిమరి కాసేపట్లో అష్టావధానపు టేర్పాట్లలో వ్యస్తుణ్ణవుతాను. సాయంత్రం వరకు బ్లాగు చూడడం వీలు పడదు. దయచేసి పరస్పర గుణదోష విచారణ చేయండి.
డా.పిట్టా
రిప్లయితొలగించండిమూడు రంగుల ముచ్చట మురిపెములవి
నాల్గు గలిసిన నేడుగానంతమొందు
యేడు రంగులు దెలుపగు నేమి మాయ?
మూడునాలుగు గలిపిన ముప్ప దికద!?
ఏడును యెన్నడెన్నరిటు లేలకొ వచ్చును యారు నొక్కటం
చాడును నాల్క యేడుపను చాడ్పున నుంటివటోయి సప్తమీ!
కీడును జూపు యష్టమున గూడును నాలుగు నాల్గు సత్సరిన్
మూడును నాలుగున్ గలియ ముప్ప దియౌగద లెక్క(న్) జూచినన్
రమ్ము బాలక గణితంపు క్రమము దెలియ
రిప్లయితొలగించండిపదికి పదిజేర్చి యటమీద ముదముతోడ
నొకటి రెండుల నద్దాని కొప్పగూడి
మూడు నాలుగు గలిపిన ముప్పది కద.
చూడిది బాలకా! గణిత సూత్రము చక్కగ నేర్వుమోయి నీ
వాడుచు పాడుచున్ పదికి హర్షముతో బదిజేర్చి మీదటన్
కూడగ వచ్చుమొత్తమున కూర్మిగ నొక్కటి రెండుసంఖ్యలున్
మూడును నాలుగున్ గలియ ముప్పదియౌ గద లెక్కజూచినన్.
హ.వేం.స.నా.మూర్తి
క్రొవ్విడి వెంకట రాజారావు:
రిప్లయితొలగించండిఏడు నెనిమిది తోడను హెచ్చవేసి
మఱియు రెండుతో విడదీసి వఱలు నట్టి
దాని నందున నైదును తగ్గ జేసి
మూడు నాలుగు గలిపిన ముప్పది కద.
Anni pooranala kanna Idi chala bagundi sir.
తొలగించండిక్రొవ్విడి వెంకట రాజారావు:
రిప్లయితొలగించండిమూడు నైన సత్త్వ రజ తమో గుణములు
కనగ ధర్మార్ధ కామ మోక్షములు నాల్గు
మూడు నాలుగు గలిపిన ముప్పది కద
ననక ననువుగ వాటిని నడపు మోయి.
ఆర్యు లారవి నుడుమీ ర లగును నేడు
రిప్లయితొలగించండిమూడు నాలుగు గలిపిన, ముప్పది కద
మూడు పదులను గలుపగ ముచ్చటగ ను
నెక్కములపుస్త కమ్మును జక్క జదువ
లెక్క లన్నియు వచ్చును మిక్కుటముగ
అన్నమందరికి సరిపో కున్న చేటు
రిప్లయితొలగించండిమూడు, నాలుగు కలిపిన ముప్పదికద!
వంటచేయి మూడుపదుల ప్రతినిధులకు
చాల గొడవ జరుగు వంట చాలకున్న
ముప్పు యొకచోట మూడుగా కొప్పులున్న
రిప్లయితొలగించండిముప్పు దుష్ట చతుష్టయమ్మొకటిగాగ
చెప్ప ముమ్మాటికిని విను ముప్పుముప్పు
మూడు నాలుగు గలిపిన ముప్పది కద.
ఈ కామెంట్‌ను రచయిత తీసివేశారు.
రిప్లయితొలగించండికఱకుఁ బలుకైన ముదితుఁడె కన్న తండ్రి
తొలగించండితనదు ప్రశ్నకు నీయ నుత్తరము విదిత
మెల్లరకుఁ బదమూడున కింపుగఁ బద
మూడు నాలుగు గలిపిన ముప్పది కద
దాడులు సేయు ఘోరగతి దౌష్ట్య గుణమ్ములు మానవాళిపై
వీడక క్రోధ మోహములు విస్తృత లోభ గుణాత్త చిత్తులై
యోడగ నీషణేంద్రియము లుర్వి జనాశ్రిత దోషకారకుల్
మూడును నాలుగున్గలియ ముప్పది యౌఁగద లెక్కఁ జూచినన్
[ముప్పు+ అది = ముప్పది ; ఈషణత్రయము(దారేషణము, విత్తేషణము, పుత్రేషణము), అంతఃకరణ చతుష్టయము (మనస్సు, బుద్ధి, చిత్తము, అహంకారము)]
ఏడగు నార్యవింటివిగ నెవ్విధ మున్మఱి కూడినన్సుమా
రిప్లయితొలగించండిమూడును నాలుగున్ గలియ,ముప్పది యూ గదలెక్క జూచిన
న్నేడును గల్పగా నిటను నిర్వది మూడున కిప్పుడీ తరి
న్వాడును వీ డు ను న్ననక పామరు డైనను జెప్పుదీని నిన్
మూడు నాలుగు గలిపిన ముప్పది కద?
రిప్లయితొలగించండికాదు కాదంచు మాష్టారు కన్నులురిమె
పోను బడికంచు నేడ్వగ కూన, తప్పు
లెల్ల దిద్ద మెచ్చు ననుచు తల్లి పలికె
కూడుటచేతకాదనుచు కొట్టుచు తిట్టెను పంతులిట్టులన్
రిప్లయితొలగించండి"గాడిదవంచు తిట్టినచొ గాడిదకే యవమానమౌనురా
యాడుచు పాడుచున్ చదువనాచదువిట్టులె యెక్కు బుర్రకున్
మూడును నాలుగున్ గలియ ముప్పది యౌఁగద లెక్కఁ జూచినన్"
కామము వలన పానము, స్త్రీ, మృగయయు
రిప్లయితొలగించండిద్యూతములను నాల్గింటికి తోడుగాను
పారుషమ్ములు మూడును జేరినంత
మూడు నాలుగు గలిపిన ముప్పది కద
కూడిక తీసివేతలను కొత్తగ నేర్చిన బాలురిద్దరున్
గూడిరి చేతకాగితము కొత్తకలమ్మును బట్టి చేసిరే
యేడున రెండు దీసిపదిహేడును గూడిరి కల్పిరొక్కటిన్
మూడును నాలుగున్ గలియ ముప్పది యౌఁగద లెక్కఁ జూచినన్
ఒకటి రెండుతో కూడగ నొక్క పదియు
రిప్లయితొలగించండిరెండు మూడుతో యగునేని రెండు పదులు
మూడు నాలుగు కలిపిన ముప్పది కద!
అంక గణిత మెఱుగనిదీ సంకలనము!
(1+2 =10 మఱియు 2+3 =20 అయితే 3+4 =30 అవుతుంది కదా! ఇది అంక గణితాని కందని కూడిక .........కేవలం హేతు బద్ధతకు మాత్రమే దొరుకుతుందని నా భావన.)
ధనము,బలము,మదము,దొరతనము లందు
రిప్లయితొలగించండినొక్క టైనను ధూర్తుల కున్న కీడు
మూడు,నాలుగు కలిపిన ముప్పది కద
తరచి జూడగ శాంతి భద్రతలకిలను
ఒకటి,రెండు నింగియు భూమియు ననుకొన్న
రిప్లయితొలగించండివాయువును మూడు,నాలుగవది యనలము
ఐదగు జలము; పంచ భూతాల యందు
మూడు, నాలుగు కలిపిన ముప్పది గద.
( ముప్పు+అది=ముప్పది )
అవధాానము
రిప్లయితొలగించండి›
శంకరాభరణమునదిగ్గజమ్ములైన కందిశంకరయ్యమరియుకవివరేణ్యు డైనమధుసూదనుండునునరుగుకతన దిగ్విజయమగుగావుత!దేవిదయను
కూడి కొసగెను గురువొకక్రొత్తలెక్క
రిప్లయితొలగించండిశిష్య గణమునకుంచగ చిన్నిదనగ
“రెండు పదులకు నొక్కటిరెండు మరియు
మూడు నాలుగు గలిపిన?ముప్పదికద {యనిరి}
2.కూడిక వచ్చునాన్నయన ?కోరిక చేనొకలెక్క జెప్పెగా
ఏడుకు తొమ్మిదుంచి పదిహేనునుజేర్చగ వచ్చుదానికే
మూడును,నాలుగున్ గలియ?”ముప్పదియౌగద లెక్కజూచినన్
పాడుచు బల్కె బిడ్డ తనపంతము నెగ్గినదన్నచందమున్”|
మూడు నాలుగు గలిపిన యేడగుగద !
రిప్లయితొలగించండిముప్పు దెట్టుల నగునని మూల్గుచుండి
ముప్పు దేడున యేడునుముంచ నీట
"మూడు నాలుగు గలిపిన ముప్పది కద"
నెలకు ముప్పది తిథులౌను నెలత వినుము
రిప్లయితొలగించండిబహుళమున నష్టమికి నిరువదియు మూడు
నవమి దశమి యేకాదశుల్ నాల్గు పైన
మూడు నాలుగు గలిపిన ముప్పది కద.
మగువ మద్యము వేటయు మానకున్న
రిప్లయితొలగించండికఠిన శిక్షలు వాక్కున గట్టిదనము
జూదము ధన వ్యయంబును జూడధరను
మూడు నాలుగు గలిపిన 'ముప్పది'కద.
ఒకటికి నొకటి యొక్కటి యుత్సుకతను
మూడు మూళ్ళకు నొకటియు ముచ్చటగను
నైదుకాదరమున మరి యైదు చేర్చి
మూడు నాలుగు గలిపిన ముప్పది కద.