కవిమిత్రులారా!
ఈరోజు పూరించవలసిన సమస్య ఇది...
"తిరుమల వేంకటేశ్వరుఁడు దేవుఁడు గాఁడని చెప్పి రెల్లరున్"
లేదా...
"తిరుమలేశుఁ డెట్లు దేవుఁ డగును"
ఈ సమస్యను సూచించిన గుఱ్ఱం జనార్దన రావు గారికి ధన్యవాదాలు.
ఈరోజు పూరించవలసిన సమస్య ఇది...
"తిరుమల వేంకటేశ్వరుఁడు దేవుఁడు గాఁడని చెప్పి రెల్లరున్"
లేదా...
"తిరుమలేశుఁ డెట్లు దేవుఁ డగును"
ఈ సమస్యను సూచించిన గుఱ్ఱం జనార్దన రావు గారికి ధన్యవాదాలు.
వరముల కోరివచ్చు తన భక్తుల కోర్కెలు తీర్చు దైవమై
రిప్లయితొలగించండిస్థిరముగ మానసమ్ముల వసించెడు వాడగుశ్రీనివాసుడే
అరయగ గొప్పదైవమని నాంధ్రము, నాంగ్లము రెండు బాసలన్
"తిరుమల వేంకటేశ్వరుఁడు దేవుఁడు గాఁడని చెప్పి రెల్లరున్"
(దేవుడు, God +అని)
వరముల నిచ్చు వేలుపని భక్తిగ మ్రొక్కులు దీర్చకొండపై
రిప్లయితొలగించండికురులను దీసి యిత్తురట కోటుల కాసుల నీయకున్నచో
పరుసము లేక దీనులను బాధలనుండి విముక్తి చేయగన్
తిరుమల వేంకటేశ్వరుఁడు దేవుఁడు గాఁడని చెప్పిరెల్లరున్
మహిమ పేర ముడుపు మైకమందు మునిగి
రిప్లయితొలగించండికోట్ల కొలది ధనము కుమ్మ రించి
లంచ మిడిన గాని వంచనే జేసిన
తిరుమలేశుఁ డెట్లు దేవుఁ డగును .
డా.పిట్టా
రిప్లయితొలగించండిఅప్పునడుగబోగ నటునిటు జనములె
రెప్పపాటు విడుపు లేక నరుల
మెప్పుబొంద ధనదు అప్పు హళ్ళికి హళ్ళి
తిరుమలేశుడెట్లు దేవు డగును?!
పరువుకు బోయి యప్పులను బాయక గుందెడు వాని వైనమున్
బరువగు వడ్డి కాసులకె బండగ మారిన వాని కష్టముల్
సరియగు వర్తనన్ ఋణము సాంతము దీర్చెడు నా ప్రతిజ్ఞలన్
తిరుమల వేంకటేశ్వరుడు దేవుడు గాడని చెప్పిరెల్లరున్
ఈ కామెంట్‌ను రచయిత తీసివేశారు.
రిప్లయితొలగించండి[తిరుపతిలో జరిగిన సభలలో మహమ్మదీయులు, క్రైస్తవులు కలియుగ దైవమగు వేంకటేశ్వరునిం గూర్చి పలికిన సందర్భము]
రిప్లయితొలగించండి"వరమిడి ప్రోచు హిందువుల పాలిటి దైవము వేంకటేశ్వరుం
డిరవుగఁ బ్రోచి కావఁగను హెచ్చగు దైవమె! కాని, యెప్పు డా
కరమయి మహ్మదీయునకుఁ గ్రైస్తవుకుం గొలువంగఁబోని యా
తిరుమల వేంకటేశ్వరుఁడు దేవుఁడు గాఁ" డని చెప్పిరెల్లరున్!
తిరుమలేశు డెట్లు దేవు డగుననుట
రిప్లయితొలగించండినాస్తికుల పలుకులు నమ్మ వలదు
కలియుగమున మనకు కాంక్షితములు దీర్చు
దైవ మాయనగద కవి వరేణ్య !
తిరుమల వేంకటేశ్వరుడు దేవుడు గాడని చెప్పి రెల్లరున్
రిప్లయితొలగించండితిరుమల వేంకటేశ్వరుడు దేవుడు కాక మరేమగున్నిల
న్నురమును సాక్షిగా జెపుమ యోకవి పుంగవ ! వేంకటేశుఁడున్
ధరణిని దైవమే గదయ దా మనబోటి సుభక్త కోటికిన్
వరముల నిచ్చుదేవుడని వాంఛలుదీరగ వేగమేజనన్
రిప్లయితొలగించండితిరుమలకొండమీదికి,విధిన్ వికటించి ప్రమాదమేర్పడన్
తరిమిన గాయముల్ వ్యధల తాళగజాలక కోపముజూపుచున్
తిరుమల వేంకటేశ్వరుడు దేవుడు గాడని జెప్పిరెల్లరున్
దేవుడన్న వాఁడు జీవుఁడుఁ గాడని
రిప్లయితొలగించండినమ్ము చుండ రాతి బొమ్మయనుచు
మ్రొక్కు వారికెపుడు దక్కఁగ ఫలమౌచు
తిరుమలేశుఁడెట్లు దేవుఁడగును
వరము లిచ్చి బ్రోచు భక్తుల నెల్లడ
రిప్లయితొలగించండితిరుమలేశు; డెట్లు దేవుడగును
మహిమ లేక మహిని, మనసున గొలచిన
వరము లీయ బోని వట్టి రాయి!
కరుణను బ్రోచు భక్తులను కాన్కల నివ్వగ లేనివారలన్
రిప్లయితొలగించండివరము లొసంగు వాడనుచు భక్తిగ గొల్చిన దైవమాతడే
దురితులు నాస్తికుల్ నుడువు దుస్సహ దుర్భర వాక్కులే కదా
తిరుమల వేంకటేశ్వరుడు దేవుడు గాడని జెప్పిరెల్లరున్
వరములనిడు వారు వందలు
రిప్లయితొలగించండివందలు
అమృత మిచ్చు వారలరుదు గాదె
తిరుమలేశు డిట్లు దేవదేవుండాయె
తిరుమలేశుఁ డెట్లు దేవుఁ డగును?
ఒనరగ బాహు యుగ్మమున నూపిరు లూదుచు కొంటె కృష్ణుడే
రిప్లయితొలగించండితనువున బెంచినట్టి ఘన తాపము తాళక సత్యభామకున్
కనులెరుపెక్కగా వివశ కామ విలాస ముఖారవిందమున్
ఇన శశిబింబ యుగ్మముదయించె దినాంతము నందు దద్దిశన్
పరమ రసాయ నాంకగణ భౌతిక శాస్త్ర నికాయ సంపద
రిప్లయితొలగించండిన్నెరుగగ వచ్చునే? నరుల కీ భువనభ్రమ ణాపదేశముం
గరువలి వేగ హేతువును గంటిరె? మూర్ఖులు హేతువాదు లీ
తిరుమల వేంకటేశ్వరుఁడు దేవుఁడు గాఁడని చెప్పి రెల్లరున్
సంస్కృతాంధ్ర పదములకు సంధి జేసి
తిరిటఁ దత్సమ మీశుడు తిరుమల పద
మిది వికృతి! యొదవు తిరుమలేశుఁ డెట్లు?
దేవుఁ డగును వ్యాకరణము తెలియఁబరుప!
పూజ్యులు శంకరయ్య గారికి వందనములు. తిరుమల తత్సమ పదముగా తోచుచున్నది కాని తిరు దేశ్యము, మల ప్రాకృతసమము, సంస్కృత ప్రాకృత భవమునైన పదము.
అత్వ సంధితో “తిరుమలీశుడు” సాధువని నాయభిప్రాయము. నా సందేహము తీర్చ గోర్తాను.
తత్సమ పదము పరమైనచో అ త్వసంధి జరుగ వచ్చును కద.
“క్రిందికి జనకగ్నియ పోలె” భా. ఆ. 2-60
ఈ కామెంట్‌ను రచయిత తీసివేశారు.
తొలగించండిలేదా యొక కొండ నామముగా నెంచి గుణ సంధి చేయ వచ్చునా?
తొలగించండిఈ కామెంట్‌ను రచయిత తీసివేశారు.
రిప్లయితొలగించండిఅరయగ తల్లి తండ్రియును నాత్మ సఖుండును నెంచి చూడ సో
రిప్లయితొలగించండిదరుడును బంధువున్ గురుడు భావము నందున దోచుచుండి మే
లరసెడి సేమకారకుడు నందరి కీ ధర నమ్మి కొల్చినన్
తిరుమల వేంకటేశ్వరుఁడు దేవుఁడు గాఁడని చెప్పి రెల్లరున్.
కోర్కెలసరిదిద్దు కొంగుబంగారమే
రిప్లయితొలగించండితిరుమలేశుఁ డెట్లు దేవుఁ డగును
మాయమాటలాడి మహిళల వంచించు
కుటిలుడైన యోగి కువలయమున
స్థిరమగు భక్తితోడుతను చేరిభజించిన కాచు నిత్యమున్
రిప్లయితొలగించండితిరుమల వేంకటేశ్వరుడు, దేవుడు గాడని చెప్పిరెల్లరున్
తరుణుల చేరదీయుచును తద్దయు కామముతోడ మానమున్
చెఱచుచు మాయమాటలను చెప్పిచరించు ఫకీరు రూపునిన్
రిప్లయితొలగించండికొండ లయ్య సామి కోరికలను దీర్చు
తిరుమలేశుఁ డెట్లు దేవుఁ డగును
కోరికలను విడువ కొంచమైన నవకా
శముల నివ్వక నిటు చల్ల జూడ !
జిలేబి
కవిమిత్రులకు నమస్కృతులు.
రిప్లయితొలగించండినిన్నటి నుండి క్షణం తీరిక లేని పనులు, ఆ పనులకోసం ప్రయాణాలు. మీ పూరణలను చదివి, సమీక్షించడానికి అవకాశం లభించడం లేదు. మరో రెండు రోజులవరకు ఇదే పరిస్థితి. దయచేసి పరస్పర గుణదోష విచారణ చేసికొనండి.
మిత్రుల పద్యాలను (అవకాశాన్ని బట్టి) సమీక్షించవలసిందిగా పోచిరాజు కామేశ్వర రావు గారికి ప్రత్యేక విజ్ఞప్తి.
వినుచు రోజు కధను వివరమ్ము తెలియక
రిప్లయితొలగించండితిరుమలేశు డెట్లు దేవుడగును
ననుచు మనుమ డడుగ నా వేంకటేశుని
కధను చెప్పె బామ్మ కమ్మగాను.
కురుల నైన నిడక కోరిన దిత్తునా
రిప్లయితొలగించండిపరుగు లెత్తి నాదు పదముల బడ ?
ననెడు వాని నెపుడు నాస్తికుల నెదరు
తిరుమలేశుఁ డెట్లు దేవుఁ డగును?
సురుచిర సౌఖ్యసంపదలు శుద్ధమనంబున తన్ను బిల్వగా
రిప్లయితొలగించండినరుదగు సద్యశంబిడును హర్షము నింపును జీవనంబునం
దిరుమల వేంకటేశ్వరుడు దేవుడు, గాడని చెప్పిరెల్లరున్
వరమగు భక్తి గొల్చినను పల్కనివాడిల నీయుగంబునన్.
ఉర్విజనుల గావ నుండ నీయుగమందు
తిరుమలేశు, డెట్లు దేవు డగును
ధరణిపైన నన్యు డరయంగ నారీతి
పలుక కుండు వాడు దలచి యున్న.
హ.వేం.స.నా.మూర్తి.
ఈ కామెంట్‌ను రచయిత తీసివేశారు.
రిప్లయితొలగించండిఈ కామెంట్‌ను రచయిత తీసివేశారు.
రిప్లయితొలగించండిస్థిరముగ లోక రక్షణము జేయుచు నాశ్రిత పక్షపాతియై
రిప్లయితొలగించండివరముల నిచ్చిభక్తజన బాధలు తీర్చెడుదేవుడే భువిన్
తిరుమల వేంకటేశ్వరుఁడు , దేవుఁడు గాఁడని చెప్పి రెల్లరున్
పురముల లోన క్రైస్తవము భూరిగ చాటెడు మతాధికారులే
క్రైస్తవుండ్రకిలను క్రీస్తుయే దేవుండు
తిరుమలేశుడెట్లు దేవుడగును
వసుధ లోన హిందు బాంధవులెల్లరు
వేంక టేశునితమ వేల్పులంద్రు
పరుగిడ నేల చర్చికిర పాపము దీర్చును గాడటంచురో
రిప్లయితొలగించండిపరుగిడ నేల మజ్దిదుకు వంగుచు నల్లహొ!యక్బరంచురో
పరుగులు మాని రండురిట బంగరు కొండల దేవదేవుడౌ
తిరుమల వేంకటేశ్వరుఁడు దేవుఁడు గాఁడని చెప్పి రెల్లరున్ :)
తొలగించండిఅరరే! యేసోబు! నిజము
పరమాత్ముడొకండు చూడ ప్రభువత డేరా
పరుగిడి రమ్మ శరణనగ
తిరుమల రాయడు విభుండు దేవుడు "గాడే" :)
జిలేబి