కవిమిత్రులారా!
ఈరోజు పూరించవలసిన సమస్య ఇది...
"అమ్మా రమ్మని పిల్చె భార్యను మగం డయ్యర్ధరాత్రంబునన్"
లేదా...
"అమ్మా రమ్మనుచుఁ బిలిచె నాలినిఁ మగఁడే"
ఈరోజు పూరించవలసిన సమస్య ఇది...
"అమ్మా రమ్మని పిల్చె భార్యను మగం డయ్యర్ధరాత్రంబునన్"
లేదా...
"అమ్మా రమ్మనుచుఁ బిలిచె నాలినిఁ మగఁడే"
కొమ్మా యేడకు బోతివి
రిప్లయితొలగించండినిమ్ముగ నానీడ నుండి యేలుము నన్నే
కమ్మని ప్రేమను పంచెద
నమ్మా రమ్మనుచుఁ బిలిచె నాలినిఁ మగఁడే
అక్కయ్యా,
తొలగించండిమీ పూరణ బాగున్నది. అభినందనలు.
'ఏడకు' అనడం గ్రామ్యం. "కొమ్మా యెచ్చటి కేగితి। విమ్ముగ...' అనండి.
కొమ్మా యెచ్చటి కేగితి
తొలగించండివిమ్ముగ నానీడ నుండి యేలుము నన్నే
కమ్మని ప్రేమను పంచెద
నమ్మా రమ్మనుచుఁ బిలిచె నాలినిఁ మగడే
శ్లో|| కార్యేషు దాసీ కరణేషు మంత్రీ రూపేచ లక్ష్మీ క్షమయాధరిత్రి|
రిప్లయితొలగించండిస్నేహేచ ( భోజ్యేషు ) మాతా శయనేచ రంభా షట్కర్మయుక్తా కులధర్మపత్నీ||
అమ్మయె భోజన మివదే
అమ్మయె నెయ్యమును నిచ్చు నమ్మయె
లక్ష్మీ!
అమ్మను వోలెడియు వనిత
నమ్మా రమ్మనుచుఁ బిలిచె నాలినిఁ మగఁడే
ప్రభాకర శాస్త్రి గారూ,
తొలగించండిమీ పూరణ బాగున్నది. అభినందనలు.
ముమ్మాటికి నారంభను
రిప్లయితొలగించండికొమ్మా! తలదన్నగలవు కువలయమందున్
లెమ్మెవ్వరు నీసరి వెం
కమ్మా! రమ్మనుచు బిలిచె నాలిని మగడే.
నమ్మం జెల్లును సుందరీ! ప్రియసఖీ నాకస్థయౌ రంభయుం
గొమ్మా! నీసరికాదు సత్యమిదియే కోపించగా నేలనే
లెమ్మీరీతిగ నన్నుజూడ దగునే లేమా! కరంబంది వెం
కమ్మా! రమ్మని పిల్చె భార్యను మగం డయ్యర్థరాత్రంబునన్.
హ.వేం.స.నా.మూర్తి.
హరి వేంకట సత్యనారాయణ మూర్తి గారూ,
తొలగించండిమీ రెండు పూరణలు బాగున్నవి. అభినందనలు.
డా.పిట్టా
రిప్లయితొలగించండికొమ్మా!యన జడతార్థము(జడతనుగను)
(ని)యిమ్ముగ నేమే!యనంగ హేయము ధరణిన్
బొమ్మలమైతిమి "సమత"న్
అమ్మా!రమ్మనుచుబిలిచె నాలిని మగడే!
సమ్మానంబును బొంది యానగరిలో సాహిత్యపుంవేదికన్
నమ్మంజాలని పేరునన్ బిరుదమున్నందంగ సద్భక్తినిన్
అమ్మా వాణి భవత్కృపా మహిమ యంచాచార్యుడౌ పుత్రకుం
డమ్మన్ డాసి యొనర్పగా నతులవౌ నా(యా)భార్యవౌ శాలువల్
"అమ్మా!రమ్మ"ని;పిల్చె భార్యను మగండయ్యర్ధరాత్రంబునన్
డా. పిట్టా సత్యనారాయణ గారూ,
తొలగించండిమీ రెండు పూరణలు బాగున్నవి. అభినందనలు.
బొమ్మన్ బోలు సుగాత్రిఁగాంచి, హృదిలో పొంగారి చేబట్టగా
రిప్లయితొలగించండినమ్మేల్బంతిని పత్నిగాను, మది వే యాకాశ మున్ చేరగన్
బమ్మేచేసిన ముద్దుగుమ్మ!మెరిసే బంగారు బొమ్మా! సు శీ
లమ్మా! రమ్మని పిల్చె భార్యను మగం డయ్యర్థరాత్రంబునన్
అన్నపరెడ్డి సత్యనారాయణ రెడ్డి గారూ,
తొలగించండిమీ పూరణ బాగున్నది. అభినందనలు.
గురువు గారికి నమస్కారములు. నిన్నటి నా పూరణ
రిప్లయితొలగించండిచూడ గోరుతాను. ధన్యవాదములు.
ఆత్మ పరమాత్మల కభేదమనుచు నెఱిగి
నరుని సేవింప నెంచుచు నడచు వాడ!
తఱచి చూడ మనుజు నెద దాగి యున్న
దైవమును నమ్మ కుండగ దరమె యుండ!
పావులు గాదు మనుజులా
దేవుని చదరంగమందు! దిశ జూపుటకే
జీవాత్మగ నరు జేరిన
దైవమ్మును నమ్మకుండ తరమే యుండన్!
శ్రీధర రావు గారూ,
తొలగించండినిన్నటి సమస్యకు మీ పూరణలు బాగున్నవి. అభినందనలు.
తమ్ముని బెండ్లికి నేగగ
రిప్లయితొలగించండినిమ్ముగ నిక సిధ్ధమగుమ యెప్పటి వలెనే
కమ్మని పలుకుల యోసీ
తమ్మా రమ్మనుచు బిలిచె నాలిని మగడే
పోచిరాజు సుబ్బారావు గారూ,
తొలగించండిమీ పూరణ బాగున్నది. అభినందనలు.
కం. కమ్మని శుభవార్త యొకటి
రిప్లయితొలగించండిచెమ్మగిలిన కనుల తోడ చెప్పగ నెంచెన్
"బొమ్మ వలె నిలబడక; పు
"ల్లమ్మా ! రమ్మనుచుఁ బిలిచె నాలినిఁ మగఁడే"
*****&&&&&*****
(భార్య పేరు చుక్కమ్మ అయితే "చుక్కా!"
అని పిలవ వచ్చునేమో కానీ
భార్య పేరు పుల్లమ్మ అయితే
"పుల్లా!" అని పిలుస్తారనుకోను.)
గుఱ్ఱం జనార్దన రావు గారూ,
తొలగించండిమీ పూరణ బాగున్నది. అభినందనలు.
అమ్మారుని మహిమేమో
రిప్లయితొలగించండిసమ్మోహించె, నలకొద్దు సంగమవేళన్
సుమ్మీ! ఎందునిమిత్తము
నమ్మార మ్మనుచుఁ బిలిచె నాలినిఁ మగఁడే ||
అమ్మారమ్మనుచు = ఆ మారమ్ము అనుచు
తొలగించండితంగిరాల రఘురామ్ గారూ,
తొలగించండివైవిధ్యమైన విరుపులతో చక్కని పూరణ అందించారు. అభినందనలు.
ఇమ్ముగ తన సంసారము
రిప్లయితొలగించండినెమ్మిని నడపించు సతిని నెనరులు తొలుకన్
కమ్మని ప్రేమముతో రమ!
రమ్మా రమ్మనుచు బిలిచె నాలిని మగడే!
శిష్ట్లా శర్మ గారూ,
తొలగించండిమీ పూరణ బాగున్నది. అభినందనలు.
కమ్మని కాపురమందున
తొలగించండినెమ్మినికాలము గడుపుచు నెనరులుచూపన్
ఇమ్ముగ సంగతి వినురమ
ణమ్మా రమ్మనుచుబిలిచె నాలిని మగడే.
గుమ్మము లోనికి వచ్చిన
రిప్లయితొలగించండితమ్ముడు, మరదలును జూచి తబ్బిబ్బగుచున్
గమ్మున తనభార్యను మం
గమ్మా !రమ్మనుచు బిలిచె నాలిని మగడే!!!
శైలజ గారూ,
తొలగించండిమీ పూరణ బాగున్నది. అభినందనలు.
కమ్మని వంటల తోడుత
రిప్లయితొలగించండినిమ్ముగ భోజనమొసంగి హిమకరు జిగిలో
తమ్ములముఁ బంప, ధృతి కాం
తమ్మా! రమ్మనుచుఁ బిలిచె నాలినిఁ మగఁడే
అన్నపరెడ్డి వారూ,
తొలగించండిమీ రెండవ పూరణ బాగున్నది. అభినందనలు.
ఈ కామెంట్‌ను రచయిత తీసివేశారు.
రిప్లయితొలగించండిఅమ్మో కాలము దాటి పోయెడిని వయ్యారంబు నీకేల ర
తొలగించండిమ్మిమ్మీదున్నిటఁ గట్ట వేగముగ జాగేలన్ వరారోహ చి
త్రమ్మే నిత్యము వచ్చు నుత్తమ ముహూర్తా లర్ధ రాత్రిన్ వరా
లమ్మా రమ్మని పిల్చె భార్యను మగం డయ్యర్ధ రాత్రంబునన్
ఇమ్మగ బిడ్డడె యాస్తిని
నిమ్ముగ నమ్మగఁ దలంచి యీ కరముద్రల్
సమ్మతి నిటఁ బెట్టగ వలె
నమ్మా రమ్మనుచుఁ బిలిచె నాలినిఁ మగఁడే
[నాలి = మోసము; మగఁడు = పురుషుడు]
19/12/2016 నాటి సమస్య:
ఇమ్మేదిన్ సతిరూప ధారి యయి దానీశానురక్తుండునై
సమ్మోదంబుగ రామనామమును దాస్యాసక్తి నిందల్చుచు
న్నమ్మానీ విట కాళివే పరమ హంసాఖ్యుండు సద్భక్తిని
న్నమ్మా రమ్మని పిల్చె భర్త తన యర్ధాంగిన్ ప్రమోదమ్మునన్!
పోచిరాజు కామేశ్వర రావు గారూ,
తొలగించండిమీ మూడు పూరణలు ప్రశస్తంగా ఉన్నవి. అభినందనలు.
'రమ్మిమ్మీదున్నిట..' అర్థం కాలేదు.
పూజ్యులు శంకరయ్య గారికి వందనములు. ఈ+మీదు =ఇమ్మీదు; రమ్ము+ఇమ్మీదున్ + ఇట = రమ్మిమ్మీదున్నిట; మీదు కట్టుట; పెండ్లి పనుల ప్రారంభమునకు ముందు విఘ్నేశ్వరునికి మీదు కట్టడ మాచారము కదా. ఆ విషయమునే ప్రస్తావించితిని.
తొలగించండిపూజ్యులు శంకరయ్య గారికి వందనములు. మూడవ సమస్య 19 డిసెంబరు 2015 నాటిది. పొరపాటున 2016 అని వ్రాసితిని.
తొలగించండి"మీఁదు" అని వ్రాసియుండిన మీకవగతమై యుండు ననుకుంటాను.
తొలగించండిబొమ్మల నిమ్మని బాలుం
రిప్లయితొలగించండిడమ్మా! రమ్మనుచు బిలిచె, నాలిని మగడే
కమ్మని కాఫీ బట్టుకు
రమ్మనమని ,సుతునికిచ్చె రబ్బరు బొమ్మల్!!!
శైలజ గారూ,
తొలగించండివిరుపుతో మీ పూరణ చక్కగా ఉన్నది. అభినందనలు.
సొమ్ములు కాసులపేరులు
రిప్లయితొలగించండికమ్మలుతెచ్చితిని చూడు గైకొని నన్నున్
పొమ్మనకే నీ దాసుడ
నమ్మా రమ్మనుచుఁ బిలిచె నాలినిఁ మగఁడే
కెంబాయి తిమ్మాజీ రావు గారూ,
తొలగించండిమీ పూరణ బాగున్నది. అభినందనలు.
అమ్మానాన్నల వీడి నీ సుఖమకై హర్షంబుతో వచ్చితిన్
రిప్లయితొలగించండిసమ్మానంబుగ ప్రేమ పక్షులముగా సాగాలి నిశ్చింత చి
ల్కమ్మా! రమ్మని పిల్చె భార్యను మగం డయ్యర్ధరాత్రంబునన్
సమ్మోహంబు జనించగా సరసుడై సల్లాప భావంబుతో
గండూరి లక్ష్మినారాయణ గారూ,
తొలగించండిమీ పూరణ బాగున్నది. అభినందనలు.
ి
రిప్లయితొలగించండి……………………………………
గు రు మూ ర్తి ఆ చా రి
,,,,,,,,,,,,,,,,,,,,,,,,,,,,,,,,
అమ్మమ్మా ! నిలువ౦గ జాల విడి నిన్ |
…………… న్యాయమ్మె యూరి౦పగా |
కొమ్మా రమ్ము | కవు౦గిలి౦చి వెస c
…………… జేకొమ్మి౦క | నీ దృష్టి యే
అమ్ము + ఆరమ్ము + అని , పిల్చె
భార్యను మగ౦ డయ్యర్థ రాత్ర౦బునన్ |
్
పొమ్మా యావల కైదు పూట లనియెన్
………… పూబోడి సిగ్గొ౦దుచున్ ! !
------------------------------------------
అమ్మమ్మా = ఆహాహా ;
అమ్ము=బాణము ; ఆరమ్ము= విరహ స౦తాపము ;
నీ దృష్టి యే అమ్మారమ్మని = నీ దృష్టియే
అమ్ము + ఆరమ్ము + అని = నీ చూపే
బాణము మరియు విరహ స౦తాపము అని
_______________________________________
గురుమూర్తి ఆచారి గారూ,
తొలగించండిమీ పూరణ వైవిధ్యంగా ఉంది. అభినందనలు.
లెమ్మా ఔషధమీయ నాకు నిశి పండ్రెండింటికిన్ దప్పకన్
రిప్లయితొలగించండికొమ్మా యంచన లేవవైతి వకటా కోపమ్మ నిర్లక్ష్యమా
వామ్మో బాధ పతివ్రతా ప్రియసతీ వా చండికా కాళి దు
ర్గమ్మా రమ్మని పిల్చె భార్యను మగం డయ్యర్ధరాత్రంబునన్.
లెమ్మా ఔషధ మీయను
రిప్లయితొలగించండికొమ్మా పండ్రెండు కనిన కోపమ వినులో
పమ్మా చండీ అంకా
లమ్మా రమ్మనుచుఁ బిలిచె నాలినిఁ మగఁడే
మిస్సన్న గారూ,
తొలగించండిమీ రెండు పూరణలు బాగున్నవి. అభినందనలు.
నెమ్మది గుణమున్న సతియె
రిప్లయితొలగించండియమ్మగ పరిచర్య చేయ నవసాన దశన్
నిమ్మళ మందగ ప్రేమగ
నమ్మా రమ్మనుచు బిలిచె నాలిని మగడే.
పిన్నక నాగేశ్వర రావు గారూ,
తొలగించండిమీ పూరణ బాగున్నది. అభినందనలు.
అమ్మా నాన్నలు పంపగా నిటకు వయ్యారమ్ముగా వస్తివే
రిప్లయితొలగించండిసమ్మానించెద భార్యవంచునిను నీసాన్నిత్యమే కోరితిన్
కొమ్మా రమ్మని పిల్చినన్ వినవు సంకోచమ్మునే వీడి యా
దమ్మా రమ్మని పిల్చె భార్యను మగం డయ్యర్ధరాత్రంబునన్
తమ్మునికి బెండ్లి జేయగ
నమ్మాయిని జూడగవలె నమరావతిలో
సుమ్మా!వేగిరముగ యా
దమ్మా రమ్మనుచుఁ బిలిచె నాలినిఁ మగఁడే
విరించి గారూ,
తొలగించండిమీ రెండు పూరణలు బాగున్నవి. అభినందనలు.
అమ్మారమ్మనిపిల్చె|భార్యనుమగండయ్యర్ద రాత్రంబునన్
రిప్లయితొలగించండిసొమ్ముల్,షోకులు వీడి యుండుమనియే సూచింతు లేకున్నచో?
అమ్మో బిల్లులు జూపకున్న మనకంటున్ ట్యాక్స్ సందేహమా
సమ్మోహంబును సాకు భాగ్య మదియే|సాక్ష్యమ్ముగా నిల్చుగా|
2.అమ్మో తేలని నమ్మెద
నమ్మారమ్మనుచు,బిలిచెనాలిని మగడే
నెమ్మదిగా యటువెళ్ళెను
దిమ్మెకుదగ్గరగ గలదు దీపము దెమ్మా
ఈ కామెంట్‌ను రచయిత తీసివేశారు.
రిప్లయితొలగించండిఈ కామెంట్‌ను రచయిత తీసివేశారు.
తొలగించండిసమ్మోదంబున వేచియున్న తరుణిన్ సద్భాగ్య లోలాక్షినిన్
తొలగించండిసమ్మోహాకృతుడచ్యుతుండు తను హృత్సారాన బెండ్లాడియున్
వమ్మున్గాదిది నమ్ము నేడు తరుణీ భావాన జంకేల చా
లమ్మా రమ్మని పిల్చె భార్యను మగం డయ్యర్ధరాత్రంబునన్
రిప్లయితొలగించండికమ్మని కాపురమందున
నెమ్మినికాలము గడుపుచు నెనరులుచూపన్
ఇమ్ముగ సంగతి వినురమ
ణమ్మా రమ్మనుచుబిలిచె నాలిని మగడే.
అమ్మును బోలిన కనుబొమ
రిప్లయితొలగించండిలమ్మో నీ చూపు తూపులంటగ విసరన్
సమ్మోహనుఁ జేసిన రతి
వమ్మా రమ్మునుచుఁ బిల్చె నాలిని మగఁడే
కమ్మంగున్నది బీరు పార్టి యనుచున్ కంగారు లేకుండనే
రిప్లయితొలగించండిగుమ్మంబెక్కగ లేటుగాను నరచెన్ గుండెల్లు జల్లన్నగా:👇
"నమ్ముమ్ నేనిక త్రాగ బోను వినుమా నామాట తల్పున్ను తీ
వమ్మా రమ్మని" పిల్చె భార్యను మగం డయ్యర్ధరాత్రంబునన్