కవిమిత్రులారా!
ఈరోజు పూరించవలసిన సమస్య ఇది...
"గీతను బోధించె నరుఁడు గీష్పతి వినఁగన్"
లేదా...
"గీతను జెప్పె నర్జునుండు గీష్పతియే వినఁగన్ రణంబునన్"
ఈ సమస్యను పంపిన పోచిరాజు సుబ్బారావు గారికి ధన్యవాదాలు.
ఈరోజు పూరించవలసిన సమస్య ఇది...
"గీతను బోధించె నరుఁడు గీష్పతి వినఁగన్"
లేదా...
"గీతను జెప్పె నర్జునుండు గీష్పతియే వినఁగన్ రణంబునన్"
ఈ సమస్యను పంపిన పోచిరాజు సుబ్బారావు గారికి ధన్యవాదాలు.
రిప్లయితొలగించండివేతన మీయని పదవుల
రాతను మార్చని విభుడిని రాబడి గన నీ
రేతల పూరణల విడువ
గీతను బోధించె నరుఁడు గీష్పతి వినఁగన్ :)
జిలేబి
జిలేబీ గారూ,
తొలగించండిమీ పూరణ బాగున్నది.
'..గన నీ।రేతల...' అర్థం కాలేదు.
పాతవి పురాణ కధలని
రిప్లయితొలగించండినూతన మార్పులను జేయ నూహా జనితం
నేతలు నీతులు జెప్పుచు
గీతను బోధించె నరుడు గీష్పతి వినగన్
అక్కయ్యా,
తొలగించండిమీ పూరణ బాగున్నది. అభినందనలు.
'జనితం' అని వ్యావహారికాన్ని ప్రయోగించారు.
చేతను డనియెడి ఛాత్రుడు
రిప్లయితొలగించండిభీతిల్లుచు బలికె గురుడు బెత్తము జూపన్
కాతరుడయి తడబడుచును
గీతను బోధించె నరుడు గీష్పతి వినగన్.
ఆతడు మద్యపానమున నాతురుడై వచియించె నిట్టు లా
పోతన వ్రాసె భారతము పూర్వము సత్యము నన్నయార్యుడే
చేతము లుల్లసిల్ల గను చేసెను భాగవతాఖ్య సత్కృతిన్
గీతను జెప్పె నర్జునుడు గీష్పతియే వినగన్ రణంబునన్.
హ.వేం.స.నా.మూర్తి.
హరి వేంకట సత్యనారాయణ మూర్తి గారూ,
తొలగించండిమీ రెండు పూరణలు బాగున్నవి. అభినందనలు.
డా.పిట్టా
రిప్లయితొలగించండిఊతము గొని వోట్లను గని
వాతలు బెట్టుటను ప్రబల వైద్యుడు మోడీ!
లోతుల నెరుగడు యార్థిక
గీతను బోధించె నరుడు గీష్పతి వినగన్
కోతల రాయుడన్నగతి గొప్పల కోసమె;యేమి దెల్యడా
పూతనవోలె పాల్గుడుప బోవుచు నమ్ముడటంచు బల్కు వే
రాతల పాఠనమ్ములను రాటును దేలిన అర్థశాస్త్ర వి
జ్ఞాతల నెట్టి యావలకు;గడ్డు దినంబుల నోట్ల రద్దుతో
గీతను జెప్పెనర్జునుడు గీష్పతియే వినగన్ రణంబునన్
డా. పిట్టా సత్యనారాయణ గారూ,
తొలగించండిమీ రెండు పూరణలు బాగున్నవి. అభినందనలు.
'ఎరుగడు+ఆర్థిక' అన్నపుడు సంధి నిత్యం, యడాగమం రాదు. 'లోతుల నెఱుగం డార్థిక...' అనండి.
'తెలియ'ను 'తెల్య' అనవచ్చునా? సందేహమే! '...యేమెఱుంగడా...' అనవచ్చు కదా!
చేతులు కలుపుచు నెల్లరు
రిప్లయితొలగించండిజాతిని ఐక్యముగ నుంచి జవసత్త్వములన్
ప్రీతి నిడగ సౌహార్ధ్రా
గీతను బోధించి నరుడు గీష్పతి యయ్యెన్
చేపూరి శ్రీరామ్ గారూ,
తొలగించండిమీ పూరణ బాగున్నది. అభినందనలు.
ప్రీతిగ పలికిన శ్లోకము
రిప్లయితొలగించండిలే తగు రాగమ్ములోన లెస్సగ బాడెన్
ఖ్యాతిగనె ఘంటసాలయె
గీతను బోధించె నరుఁడు గీష్పతి వినఁగన్.
గోలి హనుమచ్ఛాస్త్రి గారూ,
తొలగించండిమీ పూరణ బాగున్నది. అభినందనలు.
తాతనునడుగగనిట్లని
రిప్లయితొలగించండిగీతనుబోధించెనెవరికియెవరుచెపుమా
యాతడుజెప్పెనునిటులను
గీతనుబోధించెనరుడుగీష్పతివినగన్
పోచిరాజు సుబ్బారావు గారూ,
తొలగించండిమీ పూరణ బాగున్నది. అభినందనలు.
'బోధించె నెవరికి నెవరు...' అనండి.
గీతయె పావన మంత్రము
రిప్లయితొలగించండిగీతయె సర్వార్థదాయి గీతయె నిధియౌ
గీతయె జ్ఞానమ్మనుచును
గీతను బోధించె నరుడు గీష్పతి వినగన్.(నరుడు=ఒక పండితుడు)
చేతము మారిపోయి పలు చేష్టలు మాటలు వింతగొల్పెడున్
భూతలమందు మందునల పుష్కలరీతిని ద్రాగువానికిన్
సీతయనామధేయుడనె చిత్తుగద్రాగి విశాలవీధిలో
"గీతనుజెప్పెనర్జునుడు,గీష్పతియేవినగన్ రణంబునన్"
పొన్నెకంటి సూర్యనారాయణ గారూ,
తొలగించండిమీ రెండు పూరణలు బాగున్నవి. అభినందనలు.
గీతనుజెప్పెనర్జునుడుగీష్పతియేవినగన్ రణంబునన్
రిప్లయితొలగించండిగీతనుజెప్పెగృష్ణుడటగీష్పతిసాక్షిగగ్రీడికేగదా
తాతకుమందమర్పగుటదప్పుగజెప్పెనులెక్కజేయకన్
గీతనునెప్పుడున్జదువకేలునుమోడ్చుచుమోక్షమబ్బుగా
సుబ్బారావు గారూ,
తొలగించండిమీ రెండవ పూరణ బాగున్నది. అభినందనలు.
ఈ కామెంట్‌ను రచయిత తీసివేశారు.
రిప్లయితొలగించండిసమస్య పాదసవరణ: గీతను జెప్పె నర్జునుడు గీష్పతియే వినఁగన్ రణంబునన్
తొలగించండిజ్ఞాతుల గురువుల మిత్రుల
తొలగించండిఘాతులఁ జేయంగ నొల్లక కుములెడు దరిం
బ్రీతి రణావనిఁ గృష్ణుడు
గీతను బోధించె నరుఁడు, గీష్పతి, వినఁగన్
[నరుడు, గీష్పతి = పండితుడైన అర్జునుడు ]
ధాతకు నైన శక్యమె మదద్యుతి చిత్తుల నుద్ధ రింపగం
జేతులు వేయి వెల్గ నతి శీఘ్రమ భూసుర నాకు హోమ గో
మాతను దానమిమ్మనుచు మర్మము లెల్లయు రాజనీతి నా
గీతను జెప్పె నర్జునుడు గీష్పతియే, వినఁగన్, రణంబునన్
[అర్జునుడు = కార్త వీర్యార్జునుడు, రణములో పండితుడే]
పోచిరాజు కామేశ్వర రావు గారూ,
తొలగించండిమీ రెండు పూరణలు వైవిధ్యంగాను, ఉత్తమంగాను ఉన్నవి. అభినందనలు.
పూజ్యులు శంకరయ్య గారికి వందనములు. ధన్యవాదములు.
తొలగించండిక్రొవ్విడి వెంకట రాజారావు:
రిప్లయితొలగించండిగీతను తీరుగ వినుచో
నీతియు చేతన నెఱుకువ నెంతయు గల్గున్
భూతార్ధమ్మిది యంచును
గీతను బోధించె నరుడు గీష్పతి వినగన్.
క్రొవ్విడి వేంకట రాజారావు గారూ,
తొలగించండిమీ పూరణ బాగున్నది. అభినందనలు.
పీతాంబరుడేమి బలికె?
రిప్లయితొలగించండిచేతనుడననెవరు బాల జెపుమా వేగన్?
సాతినిడెదననె కర్ణుడు
గీతను భోధించె, నరుడు, గీష్పతి వినగన్!!!
శైలజ గారూ,
తొలగించండిక్రమాలంకారంలో మీ పూరణ బాగున్నది. అభినందనలు.
చేతస్సుమలప నరునకు
రిప్లయితొలగించండిపీతాంబరుడేమిసలిపె? విష్ణు సఖుడెవరు?
శీతాంశుడుతారను గొనె
గీతను బోధించె, నరుడు, గీష్పతి వినగన్
అన్నపరెడ్డి సత్యనారాయణ రెడ్డి గారూ,
తొలగించండిక్రమాలంకారంలో మీ పూరణ బాగున్నది. అభినందనలు.
రెండవ పాదం చివర తప్పక గురువుండాలి కదా! 'వివ్వచ్చు డనన్?' అందామా?
భీతిలి భండనమ్మికను వీడెద నంచు దొలంగ కృష్ణుడే
రిప్లయితొలగించండిగీతను జెప్పె, నర్జునుడు గీష్పతియే వినఁగన్ రణంబునన్
తాతల వంటి పూజ్యులను తానువధించుట ఘోరకృత్యమౌ
పాతకమే కదాయనెడు పార్థుని మాటల నాలకించియున్
జాతికి సుపథము దెల్పగ
గీతను బోధించె , నరుఁడు గీష్పతి వినఁగన్
పాతక మంచు కదనమున
భీతిల్లగ వెన్నుడంత విజయుని కపుడే.
విరించి గారూ,
తొలగించండిమీ రెండు పూరణలు బాగున్నవి. అభినందనలు.
తాతలు తండ్రులున్ గురువు దైవసమానుల గాంచి ముందుగన్
రిప్లయితొలగించండిభీతిలు యోద్ధ ప్రార్థునకు భీకర భారత యుద్ధమందునన్
నీతిని కర్మ మార్గమును నేర్పుచు ధర్మము గూర్చి కృష్ణుడే
గీతను జెప్పె, నర్జునుండు గీష్పతియే వినఁగన్ రణంబునన్
గండూరి లక్ష్మినారాయణ గారూ,
తొలగించండిమీ పూరణ బాగున్నది. అభినందనలు.
చేతన లుడిగిన విజయుడు
రిప్లయితొలగించండిచేతులు జోడించి వేడ శ్రీకరుడంతన్
ప్రీతిగ శంకలు దీర్చెడి
గీతను బోధించె, నరుడు గీష్పతి వినగన్!
(నరుడు గీష్పతి = పండితుడగు నర్జునుడు)
శ్రీదర రావు గారూ,
తొలగించండిమీ పూరణ బాగున్నది. అభినందనలు.
తాతను భ్రాతలన్ గురుల తంపి వధించుట కూడదంచు తా
రిప్లయితొలగించండిచేతములోన గాసిపడు జిష్ణు కుమారు ప్రశాంతుఁ జేయగా
గీతను జెప్పె నర్జునుడు గీష్పతియే వినఁగన్ రణంబునన్
కాతరు చేయకన్ ఫలము ఘర్షణ నిర్వహణమ్మొనర్చగన్
తంపిః యుద్ధము
అన్నపరెడ్డి వారూ,
తొలగించండిమీ రెండవ పూరణ బాగున్నది. అభినందనలు.
గు రు మూ ర్తి ఆ చా రి
రిప్లయితొలగించండి,,,,,,,,,,,,,,,,,,,,,,,,,,,,,,,,
పాతక భీతిచే నరుడు బాణములన్ విడి
…………… మోకరి౦చగా ,
నాతనికిన్ ధృతిన్ గరిపి యాదవ నాధుడు
………………… బోధ సేయుచున్
గీతను చెప్పె | నర్జునుడు - గీష్పతి యే
……………… వినగన్ , రణ౦బున౦
దాతప భాస్కరా౦శ సముడై యరి వీరుల
…………………… ద్రు౦చె నా పయిన్ !
గురుమూర్తి ఆచారి గారూ,
తొలగించండిమీ పూరణ బాగున్నది. అభినందనలు.
చేతుల తోడను జంపగ
రిప్లయితొలగించండినాతరమవదని కిరీటి నాహవముననన్
నీతరమౌనని పలుకుచు
గీతను బోధించె నరుడు గీష్పతి వినగన్.
గీతను పంచెను జగతికి
గీతయె ముక్తియు నొసగను కేవలభక్తిన్
గీతను పఠియించు మనుచు
గీతను బోధించె నరుడు గీష్పతి వినగన్
డా. బల్లూరి ఉమాదేవి గారూ,
తొలగించండిమీ రెండు పూరణలు బాగున్నవి. అభినందనలు.
ఆతంకము దీర్పగ హరి
రిప్లయితొలగించండిగీతను బోధించె, నరుడు గీష్పతి వినగన్
తాత గురువులన్ బంధుల
తా తూపుల తాగడించ తగదని తెల్పన్
రవికిరణ్ తాతా గారూ,
తొలగించండిమీ పూరణ బాగున్నది. అభినందనలు.
గీతను జెప్పిన దెవరని
రిప్లయితొలగించండిగీతను ప్రశ్నించగురువు కించిత్ వడిగా
ఆతురతందున దెలిపెను
గీతను బోధించె నరుడు గీష్పతి వినగన్|
2.”నీతిని వీడి బంధువలనే పరిమార్చను కృష్ణ|తృష్ణచే
గీతనుజెప్పె నర్జునుడు| గీష్పతియేవినగన్ రణంబునన్”.
“జాతిపురోభి వృద్ధిమనజాలగ ?దుష్టులసంహరించుమా
నేతయుబావయే దెలుప?నేర్పుగ జంపెనుసవ్యసాచియై|
కె. ఈశ్వరప్ప గారూ,
తొలగించండిమీ రెండు పూరణలు బాగున్నవి. అభినందనలు.
'కించిత్ వడిగా' అనరాదు. 'కించిత్తు వడిన్' అనండి.
చేతుల తోడను జంపగ
రిప్లయితొలగించండినాతరమవదని కిరీటి నాహవముననన్
నీతరమౌనని పలుకుచు
గీతను బోధించె నరుడు గీష్పతి వినగన్.
గీతను పంచెను జగతికి
గీతయె ముక్తియు నొసగను కేవలభక్తిన్
గీతను పఠియించు మనుచు
గీతను బోధించె నరుడు గీష్పతి వినగన్
ఆతడు చంద్రశేఖరుడు హాయిగ దిల్లిని దాడిజేయుచున్
రిప్లయితొలగించండిభీతిని వీడుచున్ గరపె బింకము తోడను డింపులయ్యకున్
నీతులు రాజకీయమున నిశ్చిత రీతిని యిట్లుపోలుచున్:👇
"గీతను జెప్పె నర్జునుడు గీష్పతియే వినఁగన్ రణంబునన్"