కవిమిత్రులారా!
ఈరోజు పూరించవలసిన సమస్య ఇది...
"తండ్రి మరణమ్ము సంతోషదాయకమ్ము"
లేదా...
"జనకుని చావు పుత్రునకు సంతసముం గలిగించు సత్యమౌ"
ఈ సమస్యను పంపిన పోచిరాజు సుబ్బారావు గారికి ధన్యవాదాలు.
ఈరోజు పూరించవలసిన సమస్య ఇది...
"తండ్రి మరణమ్ము సంతోషదాయకమ్ము"
లేదా...
"జనకుని చావు పుత్రునకు సంతసముం గలిగించు సత్యమౌ"
ఈ సమస్యను పంపిన పోచిరాజు సుబ్బారావు గారికి ధన్యవాదాలు.
ఆస్తి పొందగ వేగమె నాశ బడుచు
రిప్లయితొలగించండిషరతు లన్నియు దాటగ సంత సమున
స్వేచ్చ దొరకును కోర్కెల యిచ్చ కొలది
తండ్రి మరణమ్ము సంతోష దాయ కము
అక్కయ్యా,
తొలగించండిమీ పూరణ బాగున్నది. అభినందనలు.
'వేగమె యాశపడుచు' అనండి.
కన్న బిడ్డల పైలేక కనికరమ్ము
రిప్లయితొలగించండిస్వార్థ బుద్ధి తోడ మిగుల వ్యర్థమైన
బ్రదుకు నీడ్చుచు నున్నట్టి బండ వంటి
"తండ్రి మరణమ్ము సంతోషదాయకమ్ము"
తనయుల కెద్ది యీ జగతి తప్పక గుండెల జీల్చు బాధయౌ?
రిప్లయితొలగించండిధనమది తండ్రి యార్జనయె దక్కునదెవ్వరి కెన్నడైననున్?
తనసుతు డెన్నడేని మరి తండ్రిని మించిన వాడె యైనచో
"జనకుని చావు ;పుత్రునకు ;సంతసముం గలిగించు సత్యమౌ"
గుఱ్ఱం జనార్దన రావు గారూ,
తొలగించండిమీ రెండు పూరణలు బాగున్నవి. అభినందనలు.
ముఖ్యంగా క్రమాలంకారంలో రెండవ పూరణ చక్కగా ఉంది.
వినయము జూపుచున్ సుతుడు వేడుక జేయుచు మభ్య బెట్టుచున్
రిప్లయితొలగించండిఅనయము చెంత నుండి పరిచర్యలు జేయుచు భక్తి శ్రధలన్
ధనమది యెంత యుండెనని దాకొని వేచియు నక్కి యుండగన్
జనకుని చావు పుత్రునకు సంతసముం గలిగించు సత్యమౌ
అక్కయ్యా,
తొలగించండిమీ రెండవ పూరణ బాగున్నది. అభినందనలు.
రసపు పద్యాలు జిలికించు రాగ మిదియె,
రిప్లయితొలగించండిసరిగమపదని సరిజేయు తాన మిదియె ,
పరమ సత్యము పలికించు పల్ల విదియె,
"శంకరాభరణము" సమస్యలకు నెలవు
కొరుప్రోలు రాధాకృష్ణారావు
పదును దేలిన మందుల వరుస గాగ,
రిప్లయితొలగించండిమందు మందుకు అప్పుల మదుపు గాగ ,
బ్రతుకు దెరువుయు తనపాలి బరువు గాగ
తండ్రి మరణమ్ము సంతోష దాయకమ్ము
కొరుప్రోలు రాధాకృష్ణా రావు
కొరుప్రోలు రాధాకృష్ణారావు గారూ,
తొలగించండిమీ రెండు పూరణలు బాగున్నవి. అభినందనలు.
'బ్రతుకు దెరువును...' అనండి. 'తెరువుయు' అనరాదు.
డా.పిట్టా
రిప్లయితొలగించండితండ్రితాతలు బహుకాలదర్శులౌట
వంశమునకగు వన్నెయే వారి మాడ్కి
నిండు నూరేళ్ళు బడ నొక పండు వోలె
తండ్రి మరణమ్ము సంతోషదాయకమ్ము!
మొనకొని యెంత పాపమును మోయగ జేతువు పృచ్ఛకా!యిలన్
జనకుని చావు పుత్రునకు సంతసముం గలిగించు సత్యమౌ
నుచును;దుష్టులౌ పితల నౌనను నెవ్వడు?వారిపంపునన్
మని చనలేని పుత్రులకు మాన్యమె?చావన దప్పు కార్యమే?!
డా.పిట్టా
రిప్లయితొలగించండిపొరపాటు:3వ పాదం మొదటి అక్షరం"న" ను చేర్చ ప్రార్థన.మొదట"హరి హరీ" యనదగిన సమస్య నిచ్చినారు.మీ పట్టుదలకు జోహార్లు,జేజేలు!
పిట్టా సత్యనారాయణ గారూ,
తొలగించండిమీ రెండు పూరణలు బాగున్నవి. అభినందనలు.
రిప్లయితొలగించండిపుత్రాసో యత్ర పితరో భవంతి !
జీవితమున పట్టు సడలు చింత జేర్చు
తండ్రి మరణమ్ము, సంతోషదాయకమ్ము
నతడు తనకొమరునిగాను నడచి రాగ,
పితరునినతడు పెంచుచు ,పెద్ద గయ్యె !
జిలేబి
జిలేబీ గారూ,
తొలగించండిమీ పూరణ బాగున్నది. అభినందనలు.
చివరి గడియలు లెక్కించు చింతనిండ
రిప్లయితొలగించండిమోము గనలేక సుతుడేమొ పొగలియేడ్వ
అపర ధన్వంతరిీ యౌషధాదు లాప
తండ్రి మరణమ్ము,సంతోసదాయకమ్ము
గుండా వేంకట సుబ్బ సహదేవుడు గారూ,
తొలగించండిమీ పూరణ బాగున్నది. అభినందనలు.
హరిని నుతించు వారల హద్దుగీచి
రిప్లయితొలగించండికొడుకు ప్రహ్లాదు భక్తిని కోప గించి
నట్టి నాహిర ణ్యాక్షుడు నంత మొంద
తండ్రి మరణమ్ము సంతోషదాయకమ్ము
చేపూరి శ్రీరామ్ గారూ,
తొలగించండిమీ పూరణ బాగున్నది. అభినందనలు.
మొదటి పాదంలో గణదోషం. 'నుతియించు' అనండి. అలాగే 'కోపగించి।నట్టి యా హిరణ్యాక్షు..' అనండి.
తీర నట్టిది యాలోటు నేరి కైన
రిప్లయితొలగించండితండ్రి మరణమ్ము, సంతోష దాయకమ్ము
మరణ మొందిన కొమరుడు మరల బ్రదుక
జరుగ వచ్చును నిట్లుగ నరుదు గాను
కొంత మందికి మాత్రమే కువల యమున
పోచిరాజు సుబ్బారావు గారూ,
తొలగించండిమీ పూరణ బాగున్నది. అభినందనలు.
....................................
రిప్లయితొలగించండిగు రు మూ ర్తి ఆ చా రి
,,,,,,,,,,,,,,,,,,,,,,,,,,,,,,,,,
ధనము గడి౦చె , నె౦తయు వదాన్యు
............. డటన్న యశమ్ము గా౦చె | చ
క్క నగు తనూ ధృఢత్వమున గ్రాలుచు తా
............... శత వత్సరమ్ములున్
మని , గతియి౦చె మొన్న మన " మాధవరా "
.............. వటువ౦టి శ్రేష్ఠు డౌ
జనకుని చావు పుత్రునకు స౦తసము౦
.......... గలిగి౦చు , సత్యమౌ ! !
{ మని = జీవి౦చి }
గురుమూర్తి ఆచారి గారూ,
తొలగించండిమీ పూరణ బాగున్నది. అభినందనలు.
మరణ మందుటకెన్నియో మడతపేచి
రిప్లయితొలగించండివరమునడిగిన వాడిచే భయమునంద
హరియె జంప సురలకు ప్రహ్లాద బుడుత
తండ్రి మరణమ్ము సంతోషదాయకమ్ము.
గోలి హనుమచ్ఛాస్త్రి గారూ,
తొలగించండిమీ పూరణ బాగున్నది. అభినందనలు.
తిండి బట్టయు సంతాన మండ దండ
రిప్లయితొలగించండిబంధుజనములు ప్రేమయు భవ్య యశము
ధనము లేకుండ సర్వేశ! మనుట కంటె
తండ్రి! మరణమ్ము సంతోషదాయకమ్ము.
బహుళ దారిద్ర్యమున జిక్కి యహరహమ్ము
పరితపించుచు జీవచ్చవంబు వోలె
బ్రతికి యుండుట కంటె నీక్షితిని దేవ!
తండ్రి! మరణమ్ము సంతోషదాయకమ్ము.
తన ప్రభవంపు కారకుడు, ధర్మపథంబును జూపునట్టి యే
జనకుని చావు పుత్రునకు సంతసముం గలిగించు? సత్యమౌ
ననయము మార్గదర్శనము నందగ జేయుచు రక్షకుండు గా
మనుటయె హర్షదాయకము మానవకోటికి నెందు జూచినన్.
హ.వేం.స.నా.మూర్తి.
హరి వేంకట సత్యనారాయణ మూర్తి గారూ,
తొలగించండిమీ మూడు పూరణలు బాగున్నవి. అభినందనలు.
'తండ్రి'ని సంబోధనగా మార్చడం ప్రశంసింపదగినది.
మనమున కోపమూనినను మాయని దుఃఖము గూర్చెడున్సదా
రిప్లయితొలగించండిజనకుని చావు పుత్రునకు-సంతసముంగలిగించు సత్యమౌ
తనయెదుటన్మనోజ్ఞతను ధార్మికజీవన తత్పరుండుగా
మనుచును నింటనందరకు మానితభావము పంచుచుండగా.
తులువయైనను దుఃఖంబు తోచు కన్న
తండ్రి మరణమ్ము-సంతోషదాయకమ్ము
తనను గుండెకు హత్తుక తన్మయముగ
వంశవర్థనుడంచును బలుకుచుండ.
పొన్నెకంటి సూర్యనారాయణ గారూ,
తొలగించండిమీ రెండు పూరణలు బాగున్నవి. అభినందనలు.
వడ్డిఁ గట్టఁ జాలునె పంట నడ్డి యింక
రిప్లయితొలగించండిజితికి నడువ లేకుండగ బ్రతికి యుంటె
తంట కంట నీరారునె దాని కంటెఁ
దండ్రి! మరణమ్ము సంతోషదాయకమ్ము
అనితర సాధ్య భక్తి మహిమాన్విత భాగవ తోత్తముం డటం
గనక పరిచ్ఛదాత్మజుడు కైటభ దైత్య విరోధిఁ బిల్వ వే
యనిమిష లోక మేగ నసురారి నృసింహ నఖాసి ఘాతయై
జనకుని చావు పుత్రునకు సంతసముం గలిగించు సత్యమౌ
పోచిరాజు కామేశ్వర రావు గారూ,
తొలగించండిమీ రెండు పూరణలు ప్రశస్తంగా ఉన్నవి. అభినందనలు.
పూజ్యులు శంకరయ్య గారికి వందనములు. ధన్యవాదములు.
తొలగించండిజనకునిచావుపుత్రునకుసంతసముంగలిగించుసత్యమౌ
రిప్లయితొలగించండిజనకునిచావుపుత్రునకుసంతసముంగలిగించదెప్పుడున్
గనుమురదుఃఖమున్
గలిగికానగరానియవస్ధలెన్నియో
యనయముగల్గుచుండునుగదార్య!మరెందులకిట్లుపల్కిరే?
సుబ్బారావు గారూ,
తొలగించండిమీ రెండవ పూరణ బాగున్నది. అభినందనలు.
డా.పిట్టా
రిప్లయితొలగించండిపొరపాటు:3వ పాదం మొదటి అక్షరం"న" ను చేర్చ ప్రార్థన.మొదట"హరి హరీ" యనదగిన సమస్య నిచ్చినారు.మీ పట్టుదలకు జోహార్లు,జేజేలు!
డా.పిట్టా
రిప్లయితొలగించండితండ్రితాతలు బహుకాలదర్శులౌట
వంశమునకగు వన్నెయే వారి మాడ్కి
నిండు నూరేళ్ళు బడ నొక పండు వోలె
తండ్రి మరణమ్ము సంతోషదాయకమ్ము!
మొనకొని యెంత పాపమును మోయగ జేతువు పృచ్ఛకా!యిలన్
జనకుని చావు పుత్రునకు సంతసముం గలిగించు సత్యమౌ
నుచును;దుష్టులౌ పితల నౌనను నెవ్వడు?వారిపంపునన్
మని చనలేని పుత్రులకు మాన్యమె?చావన దప్పు కార్యమే?!
క్రొవ్విడి వెంకట రాజారావు:
రిప్లయితొలగించండివీక జూపిన వైద్యుల వెజ్జఱికమె
ససి నమర్చి నేడిట సడల జేసె
తండ్రి మరణమ్ము; సంతోషదాయకమ్ము
మాకు మాదండ్రి దక్కుట మహిమ గూడి.
శౌరి భజనల నొల్లక సంతతమ్ము
ననువు గూడక బాధించి నఱుచు చుండు
తండ్రి మరణమ్ము సంతోషదాయకమ్ము
గా దలంచె ప్రహ్లాదుడు కనులెదుటను
కంబుపాణిని గాంచిన కౌతుకమున.
క్రొవ్విడి వేంకట రాజారావు గారూ,
తొలగించండిమీ రెండు పూరణలు బాగున్నవి. అభినందనలు.
తనకుటుంబమును గురించి తలచకుండ
రిప్లయితొలగించండిఆ లుబిడ్డల కసితోడ మూలకొ త్తి
కష్ట ములలోన నెట్టు ని కృష్ట కన్న
తండ్రి మరణమ్ము సంతోష దాయకమ్ము
అన్నపరెడ్డి సత్యనారాయణ రెడ్డి గారూ,
తొలగించండిమీ పూరణ బాగున్నది. అభినందనలు.
'నికృష్ణ కన్నతండ్రి...' అని సమాసం చేయరాదు కదా! 'నికృష్టుడైన తండి...' అనండి.
తోడబుట్టినవాడు అధోగతిచెందాడు
రిప్లయితొలగించండిఆడబడుచేమో శపియింప వచ్చేను
ఆప్తబంధువులేమొ జాలిచూపించేరు
తండ్రి మరణమ్ము సంతోష దాయకమ్ము
రాజేశ్వరి అచ్యుత్ గారూ,
తొలగించండిమీ ప్రయత్నం ప్రశంసనీయం. కొద్దిగా ఛందస్సు నేర్చుకుంటే మీరు చక్కని పద్యాలు వ్రాయగలరు. మీ పద్యానికి నా సవరణ....
తోడబుట్టినవార లధోగతి గన
నాడపడుచేమొ శపియింప నాత్రపడగ
నాప్తబంధువుల్ జాలితో ననునయింప
తండ్రి మరణమ్ము సంతోష దాయకమ్ము.
dhanyavaadamulu
తొలగించండిదుష్ట సహవాసమున జేరి దుర్మతి యయి
రిప్లయితొలగించండివ్యసనముల బారి బడియుండి భ్రష్టు డగుచు
దిరుగు వానికి గుపితుడై తిట్టునట్టి
తండ్రి మరణమ్ము సంతోష దాయకమ్ము.
అనయము దుర్మదాంధులకు నాప్తుడుగా వెలుగొందుచుండి త
జ్జనములతోడ దుర్వ్యసనజంబగు విస్తృతవిత్తకాంక్షచే
తనపర భేదముల్ మరచి తండ్రిధనంబును మ్రింగగోర న
జ్జనకుని చావు పుత్రునకు సంతసముం గలిగించు సత్యమౌ
హ.వేం.స.నా.మూర్తి.
సత్యనారాయణ మూర్తి గారూ,
తొలగించండిమీ రెండు పూరణలు బాగున్నవి. అభినందనలు.
తల్లిని గనిన భరతుడు దారుణమనె
రిప్లయితొలగించండితండ్రి మరణమ్ము! సంతోష దాయకమ్ము
కానె కాదు రామునడవి కంపి వైచి
రాజ్యమేల నీ భరతు రా రమ్మనంగ!
గురువు గారికి నమస్కారములు. నిన్నటి పద్యాన్ని చూడ గోరుతాను.
ధన్యవాదములు.
పద్య కవితా రసము గ్రోలి పరవశమున
పండిత, కవివరుల తోడ పంచుకొనగ,
తిరుగు లేని మధురిమల తేట తెలుగు
మెదడుకు పదను పెట్టగ, మేలు సేయు
శంకరాభరణము సమస్యలకు నెలవు!
శ్రీధర రావు గారూ,
తొలగించండిమీ రెండు పూరణలు బాగున్నవి. అభినందనలు.
క్రొవ్విడి వెంకట రాజారావు:
రిప్లయితొలగించండిగురువు గారూ! నమస్కారములు. అనారోగ్య కారణముగా గత రెండు రోజులుగా సమస్యా పూరణలు పంపలేక పోయాను. ఇప్పుడు పంపుతున్నాను. దయతో పరిశీలించ గలరు.
10-12-2016:
చలుపని నేరము తనపై
నిలుపుచు దండించు వేళ నెద నాబాధ
న్గలుగ తలవంచు ఘనునకు
బలవంతపు చావు వచ్చె భాస్కరున కటన్.
కలవర బెట్టుచు యజమున
చెలరేగిన యగ్ని శిఖలు చిన్నవి బఱచగన్
జలమును హెచ్చుగ డుల్చిన
బలవంతపు చావు వచ్చె భాస్కరున కటన్.
11-12-2016:
ఆశు కవితా ప్రతిభ పెంచి నన్వయమగు
యక్షరాల పొంకను గల్గు నందమైన
పద్యపూరణల కవన పళ్ళియ మగు
శంకరాభరణము సమస్యలకు నెలవు.
శంకరాభరణము సమస్యలకు నెలవు
ననియెడి నుడు లబద్ధము నార్యులార!
గల్గిన సమస్యలకు దీర్పు గల్గ జేయు
తిన్నె యనగ జెల్లుచు నుండు దీర్పు జెప్ప.
క్రొవ్విడి వేంకట రాజారావు గారూ,
తొలగించండిమీ పూరణ లన్నీ బాగున్నవి. అభినందనలు.
నల్లధనకుబేరుండ్రకైననిలలోన
రిప్లయితొలగించండితండ్రి మరణమ్ము సంతోషదాయకమ్ము
కాదని జననీ జనకుల కన్న మిన్న
యాప్తులెవరునుండగబో రి
హమున నెఱుగు
వినయము విజ్ఞతన్ మరచి విశ్వములో సకలార్థ సిద్ధికిన్
ధనముయె శాశ్వతమ్మనుచు దల్లిని దండ్రినిలెక్కజేయకన్
దనుజుని బోలుమానవుడు ధర్మము దప్పిచరించు వాడకిన్
జనకుని చావు పుత్రునకు సంతసముం గలిగించు సత్యమౌ
విరించి గారూ,
తొలగించండిమీ రెండు పూరణలు బాగున్నవి. అభినందనలు.
విరించి గారు నమస్కారములు. మీ వృత్త పూరణలో చిన్న చిన్న సవరణలు, మీకు తెలియనివి కావు, చేస్తే బాగుంటుంది.
తొలగించండి"ధనము-ఎ" అన్నప్పుడు యడాగమము సరి కాదు కద.
జేయక దృతాంతము కాదు కద.
చరించు వాడకిన్? వానికిన్ అని మీ యభిప్రాయ మనుకుంటాను.
కామేశ్వర రావు గారూ,
తొలగించండిధన్యవాదాలు. మీకు తెలుసుకదా! రోజంతా ఆసుపత్రుల చుట్టూ తిరుగుతూ రాత్రి పూట ఏదో మ్రొక్కుబడిగా సమీక్షిస్తున్నాను. అందువల్ల దోషాలపై ఎక్కువగా దృష్టికి నిల్పలేకపోతున్నాను.
పూజ్యులు శంకరయ్య గారికి వందనములు. అందుకే నా దృష్టికి వచ్చినవి తెలియ జేసితిని.
తొలగించండిహరిని ద్వేషించు రక్కసు డంత మొంద
రిప్లయితొలగించండికర్ణ పేయము హరికధాగాన మనుచు
కష్టములు తీరె ప్రహ్లాదు కనిరి, యతని
తండ్రి మరణమ్ము సంతోషదాయకమ్ము
నిన్నటి సమస్య కు నా పూరణ
పిన్న వయసున జరిగిన పెండ్లి వలన
పొత్తు కుదరక మనమధ్య కత్తు లెగిరె,
మనుగడకు వద్దు తృణమైన, ''మత్తునకు వ
శంకరా ! భరణము సమస్యలకు నెలవు"
భాగవతుల కృష్ణారావు గారూ,
తొలగించండిమీ రెండు పూరణలు బాగున్నవి. అభినందనలు.
అనయము నీ కుమారునకు నా హరి గాధలె నచ్చు శ్రద్ధతో
రిప్లయితొలగించండివిను పలుమార్లు చెప్పుమని వీడక వెంటబడంగ చెప్పుచుం
టిని నరసింహ గాధను తృటిన్ హరి చంపు నటంచు నెంచు దు
ర్జనకుని చావు పుత్రునకు సంతసముం గలిగించు సత్యమౌ.
మిస్సన్న గారూ,
తొలగించండిమీ పూరణ బాగున్నది. అభినందనలు.
కొమరుని మనసు నెంతయో క్రుంగదీసె
రిప్లయితొలగించండితండ్రి మరణమ్ము ; సంతోష దాయకమ్ము
నయ్యె తనకు పుట్టిన బిడ్డనతడు గాంచి
తలచె, ప్రభవించె మరల నా తండ్రి యనుచు.
పిన్నక నాగేశ్వర రావు గారూ,
తొలగించండిమీ పూరణ బాగున్నది. అభినందనలు.
తనయు డంచును నెంచక ధరణి యందు
రిప్లయితొలగించండికూరిమిని విడనాడి తా క్రూరుడగుచు
పలువిధమ్ముల గానట బాధలిడిన
తండ్రి మరణమ్ము సంతోష దాయకమ్ము.
త్రాగి తందనాలాడుచు తల్లి నెపుడు
కొట్టి తిట్టుచు తిరిగెడు కూళుడైన
తండ్రి మరణమ్ము సంతోష దాయకమ్ము
ననుచు దలచెనొక్క తనయు డవని యందు.
క్రూరుడై నసురవరుడు కువలయాన
బాల ప్రహ్లాదునకు పలు బాధలిడగ
కంబమందుండి నేతెంచి కడతేర్చ
తండ్రి మరణమ్ము సంతోష దాయకమ్ము.
పరమ దుఃఖకారణమయ్యె వసుధ యందు
తండ్రి మరణమ్ము;సంతోష దాయకమ్ము
నాజనకుడె మరి తనకు నవనియందు
కొడుకుగా పుట్టంగ పెరిగె కూర్మి చాల.
డా. బల్లూరి ఉమాదేవి గారూ,
తొలగించండిమీ నాలుగు పూరణలు బాగున్నవి. అభినందనలు.
గురువు గారికి కామేశ్వరరావు గారికి ధన్యవాదముులు నేను ఒక పెంండ్లిలో ఉంండడంం దాంంట్లో పూర్తిగా అంంకితమైైపోవడంంతో సరిగా చూడకపోవడంంచే పొరపాటు జరిగింంది క్షంంతవ్యున్ని
రిప్లయితొలగించండినల్లధనకుబేరుండ్రకైననిలలోన
తండ్రి మరణమ్ము సంతోషదాయకమ్ము
కాదని జననీ జనకుల కన్న మిన్న
యాప్తులెవరునుండగబో రి
హమున నెఱుగు
వినయము విజ్ఞతన్ మరచి విశ్వములో సకలార్థ సిద్ధికిన్
ధనమదె శాశ్వతమ్మనుచు దల్లిని దండ్రినిలెక్కజేయకన్
దనుజుని బోలుమానవుడు ధర్మము దప్పిచరించు వానికిన్
జనకుని చావు పుత్రునకు సంతసముం గలిగించు సత్యమౌ
ఇది నేను సరిచేసిన పద్యాలు
బాగుందండి."జేయకన్" కూడా సరి చేయండి. చాలామంది యీ తప్పు చేస్తుంటారు.
రిప్లయితొలగించండిఅనయముఁ ద్రావి మైకమున నారడి పెట్టుచునాలు బిడ్డలన్
రిప్లయితొలగించండివినయవిధేయతల్ విడిచి విజ్ఞులతిట్టుచుదారులందునన్
ధనమును ఖర్చుచేయుచును దర్పముతోడ చరించు దుష్టుడౌ
జనకుని చావు పుత్రునకు సంతసముం గలిగించు సత్యమౌ
గురువర్యులకు నమస్సులు. నిన్నటి పద్యంకూడా పరిశీలించ ప్రార్థన.
రిప్లయితొలగించండిమరువగలేము ప్రీతిఁ గడు మాన్యగురుండె యొసంగు విద్యలన్
కరమగుతుష్టి బ్లాగులను కైతల వ్రాయగ సాటి మిత్రులే
ధరణి వెలుంగు సుమ్మ సతతమ్మును మెండగు పద్యవిద్యతో
నరయఁగ శంకరాభరణమందు సమస్యల వెల్లువే కదా
వినగనె తండ్రి పోయెనను విడ్డుర వార్తను విస్తుపోవుచున్
రిప్లయితొలగించండిచనగను సత్వరమ్మునను చప్పున తల్లిని నూరడించుటన్;...
కనుగొన నిల్లు జేరగనె కల్ల పుకారిది వార్తయంచు నా
జనకుని చావు;...పుత్రునకు సంతసముం గలిగించు సత్యమౌ!