చంద్రమౌళి సూర్యనారాయణ గారి కోరిక మేరకు 'పద్యరచన' శీర్షికను పునఃప్రారంభించాను. చూడాలి... ఈ శీర్షికకు వచ్చే పద్యాలను, సమస్యాపూరణలను, వాట్సప్ పూరణలను సమీక్షించే తీరిక, ఓపిక ఎంత ఉంటుందో?
హరి వేంకట సత్యనారాయణ మూర్తి గారూ, మళ్ళీ మీ ఖండకృతులను చదివి ఆనందించే అవకాశం లభించింది. అద్భుతమైన ఖండిక. అభినందనలు. దీనిని శంకరాభరణం వాట్సప్ సమూహంలో ప్రకటించాను.
చంద్రమౌళి సూర్యనారాయణ గారి కోరిక మేరకు 'పద్యరచన' శీర్షికను పునఃప్రారంభించాను. చూడాలి... ఈ శీర్షికకు వచ్చే పద్యాలను, సమస్యాపూరణలను, వాట్సప్ పూరణలను సమీక్షించే తీరిక, ఓపిక ఎంత ఉంటుందో?
రిప్లయితొలగించండినా కోరిక మన్నించినందుకు ధన్యవాదములు మాష్టారు
తొలగించండిఆడపిల్ల యంచు యల్పంబు జేయకు
రిప్లయితొలగించండియాడపిల్ల యేర యాదరింప
యాటపాటలాడు యాలేత ప్రాయమ
య్యెనుగ బరువు ,బాధ్యతలనుమ్రోయ!
సీతాదేవి గారూ,
తొలగించండిమీ పద్యం బాగున్నది. కొన్ని లోపాలు... నా సవరణ..
ఆడపిల్ల యనుచు నల్పంబు జేయకు
మాడపిల్లయె గద యాదరింప
నాటపాటలాడు నాలేత ప్రాయమ
య్యెనుగ బరువు, బాధ్యతలను మ్రోయ!
గురువుగారికి నమస్కారము! మీ యాత్ర నిర్విఘ్నంగా జరిగినందుకు అభినందనలు!
తొలగించండిమీ సవరణలు అమూల్యము! ఇన్ని రోజులు వాటికి దూరమైన బాధ కలిగింది!
ధన్యవాదములు!
చిన్న నాటి నుండి చేదోడు అమ్మకు
రిప్లయితొలగించండిపనులు జేయు టన్న పరమ ప్రీతి
బరువు పంచు కొనగ బాధలే దటంచు
కష్ట పడుట కెపుడు నిష్ట బడుచు
అక్కయ్యా,
తొలగించండిమీ పద్యం బాగున్నది.
'చేదోడు+అమ్మకు' అన్నపుడు సంధి నిత్యం. "చేదోడు తల్లికి" అనండి.
రిప్లయితొలగించండిరిక్షాలోనెక్కి బడికి
శిక్షణకైవెళ్ళుచున్న చిన్నారులనున్
రిక్షా త్రొక్కెడి బాలిక
తీక్షణమౌ యెండలోన తిలకించెడిదిన్
చంద్రమౌళి సూర్యనారాయణ గారూ,
తొలగించండిమీ పద్యం బాగున్నది.
"చిన్నారులఁ దా...తిలకించెనుగా" అనండి బాగుంటుంది.
ధన్యవాదములు మాష్టారు
తొలగించండి
తొలగించండిరిక్షాలోనెక్కి బడికి
శిక్షణకైవెళ్ళుచున్న చిన్నారులఁ దా
రిక్షా త్రొక్కెడి బాలిక
తీక్షణమౌ యెండలోన తిలకించెనుగా
రిక్షా ద్రొక్కుచు బాలిక
రిప్లయితొలగించండిశిక్షణ కై బోవుచున్న చిన్నారులరన్
దీ క్షగ జూచుట నరయగ
శిక్షణకును దానుగూడ జేరును నేమో
సుబ్బారావు గారూ,
తొలగించండిమీ పద్యం బాగున్నది.
"చిన్నారులఁ దా" అనండి.
అరువుకు తెచ్చిన బండిన
రిప్లయితొలగించండిపరుగులు పెట్టుచు నెగిరిరి పక్షుల వోలెన్;
బరువులు మోయుచు వగచిరి
సరకులు మోసెడి పశువుల శ్రాద్ధపు రీతిన్
ప్రభాకర శాస్త్రి గారూ,
తొలగించండిమీ పద్యం బాగున్నది. అభినందనలు.
'బండిని' అనండి. ఇకారాంత పదాలకు 'న' ప్రత్యయం చేరదు.
__/\__
తొలగించండి. *చిత్రానికి పద్యము*
రిప్లయితొలగించండిబుడతలు ప్రగతిని గోరుచు
బడిపథమున కదులుచుండ బాధ్యత పెరుగన్
బడుగుల జీవన రథమది
యొడుదుడు కులబాటపట్టె నుర్విన గనరా!
విరించి గారూ,
తొలగించండిమీ పద్యం బాగున్నది.
'ఉర్విని' అనాలి. ఇకారాంత పదాలకు 'న' ప్రత్యయం చేరదు.
ఈ కామెంట్‌ను రచయిత తీసివేశారు.
రిప్లయితొలగించండిపరితోషమ్మొక వైపునఁ
రిప్లయితొలగించండిబరితాపము వేరొక దెసఁ బరికించంగన్
వరమాయె వారికిఁ జదువఁ
దరమే తన కంచు బాల దలచెను మదిలో
కామేశ్వర రావు గారూ,
తొలగించండిపరితోష పరితాపాలను చిత్రించిన మీ పద్యం చాలా బాగుంది. అభినందనలు.
పూజ్యులు శంకరయ్య గారికి వందనములు. ధన్యవాదములు.
తొలగించండిస్కూలుకు బోయెడి పిల్లల
రిప్లయితొలగించండిహేలను గమనించితాను యేవిధి యటులన్
మేలుగ బోవుదునోనని
బాలయె మదిదలచుకొనుచు బండిని నడిపెన్!!!
శైలజ గారూ,
తొలగించండిచక్కని పద్యం. అభినందనలు.
'తాను+ఏవిధి' అన్నపుడు సంధి నిత్యం. యడాగమం రాదు. "హేలను తాను గమనించి యేవిధి నటులన్...బోవుదునో యని..." అనండి.
రిక్షా బాలిక
రిప్లయితొలగించండిశా. ఏ జన్మంబున జేయు పాపమొ గదా! యీబాల యీతీరుగా
నీజన్మంబున బేదయై బ్రతుకుకై యేమార్గముం గానమిన్
రోజీరీతిగ బండి లాగును భువిన్ రూపంబు క్షీణించు న
ట్లాజీవం బిటులే తపించ వలెనా? హర్షంబు చేకూరదా? ౧.
సీ. తనయీడు వారంద రనునిత్యమును విద్య
లందంగ బడికేగు చందము గను,
తల్లిదండ్రులు వారి కెల్లసౌకర్యంబు
లొనగూర్చు చుండ దా గనుచు నుండు,
చీకుచింతలు లేక యేకాలమును వారు
తిరుగుచుండుట నెప్పు డరయు చుండు,
కౌటుంబికములైన లోటుపాట్లన్నింట
దూరమై హర్షించు తీరు గాంచు
ఆ.వె. తనకు శాపమైన ఘనతర దారిద్ర్య
మెట్టు లొదవె ననెడి గుట్టు తెలియ
కనుదినంబు తాను పనులిట్లు చేయుచు
వికల యౌచు తిరుగు నకట బాల. ౨.
సీ. మదిలోన నున్నట్టి చదువు నేర్చుటయన్న
కోరిక సఫలమౌ తీరు లేక,
పెద్ద లందరి జేరి ముద్దు లందుట కోస
మిరవైన మార్గంబు నెరుగ లేక
తోటి వారలలోన మేటియై క్రీడించు
సమయ మొక్కింతైన నమర కునికి
సమసమాజము నందు తమ కెవ్వరుంగాని
సాయ మించుకయైన చేయ కునికి,
తే.గీ. బాల బ్రతుకగ బండిని బేల యగుచు
లాగు చుండిన దాకలి కాగలేక
ఆదుకొనియెడి దైవంబు లే దటంచు
మిగుల పేదరికంబున వగచుచుండి. ౩.
కం. ధరణిని జననం బందున
మరణించెడి వేళనైన మనుజులకు ధనం
బరయగ నంటదు కాదా
నిరుపేదలు ధనికు లేల? నిఖిల జగానన్. ౪.
చం. అబలను గాను నేననుచు నందరికిన్ విశదంబు చేయుచున్
సబలను గాంచు డీరలని చాటెడు రీతిగ విశ్వ మంతటన్
బ్రబలిన న్యూనతన్ దునిమి బండిని ద్రొక్కు సమర్థురాలుగా
సొబగులు చూపు నాయమకు చూడ నసాధ్యము లేదు పృథ్విలో. ౫.
కం. నీతో పోటీ పడగల
నీ తీరును జూడు మనుచు నింపలరంగా
చేతంబు దెలుపు రీతిగ
నాతని వెనుదిరిగి చూచు నాయమ కనగాన్. ౬.
కం. ఘోరం బగు దారిద్ర్యము
చేరిన యడలంగ వలదు శ్రీప్రద మనుచున్
ధీరత్వము గోల్పోవక
ధారుణి గష్టించ దీరు తథ్యము కాంక్షల్. ౭.
ఆ.వె. అబల లైన నేమి యానందచిత్తులై
శ్రమకు జంక కుండ సడలకుండ
పేదవార మనుచు మోదంబు గోల్పోక
నిలుతురేని భువిని కలుగు సిరులు. ౮.
హ.వేం.స.నా.మూర్తి.
హరి వేంకట సత్యనారాయణ మూర్తి గారూ,
తొలగించండిమళ్ళీ మీ ఖండకృతులను చదివి ఆనందించే అవకాశం లభించింది. అద్భుతమైన ఖండిక. అభినందనలు.
దీనిని శంకరాభరణం వాట్సప్ సమూహంలో ప్రకటించాను.
ఆర్యా!
తొలగించండిధన్యవాదములు.
శంకరాభరణం వాట్సప్ సమూహంలో 9441320381 అను నా వాట్సప్ నంబరును జోడించ ప్రార్ధన.
తన యీడు పిల్లలు చురుకు
రిప్లయితొలగించండితనముగ చిత్తమిడి చదువ తా నొంటిగ యా
తనయ బరువు బాధ్యత పె
త్తనమును మ్రోయ పసిడి పసితనమే పోయెన్ ౹౹
తంగిరాల రఘురామ్ గారూ,
తొలగించండిమీ పద్యం బాగున్నది. అభినందనలు.
"తా నొంటిగ నా" అనండి.
ఈ కామెంట్‌ను రచయిత తీసివేశారు.
రిప్లయితొలగించండిఆడుచు బాడు ప్రాయమున నండగ నండుచు దల్లిదండ్రికిన్
రిప్లయితొలగించండివేడుక జేయ నెంచి యభివృద్ధిని బొందగ చిన్న నాడె చే
దోడుగ నిల్చి తాను పరితోషముతోడ కుటుంబ వృద్ధికై
యాడుదియైన కష్టపడుచు హాయిగ రిక్షను ద్రోలుచుండెడిన్!
చదువుల నెరుగని జీవన
రిప్లయితొలగించండిచదరంగములోన బాల సాగెను వడిగా
నుదయపు సూరీడు పగిది
వెదజల్లుచు తనదుకాంతి విధులను సల్పెన్
బాలిక చదువుకు దూరము
రిప్లయితొలగించండిఏలిక నిత్యమ్ము రిక్ష ఎక్కగ జేసేన్
తోలెను కుటుంబ బండిని
పాలితులేమైననేమిపట్టని ప్రభుతన్
ఒకదెసనుబడిపిల్లలునొక్కవైపు
రిప్లయితొలగించండికష్టజీవియౌబాలిక కర్మయిదయె
పేదరికమీవిధంబుగ వేరుచేసి
ఆటలాడుచుండెనుగదాయవనియందు
కం.
రిప్లయితొలగించండిరిక్షాత్రొక్కుచుబాలిక
రక్షగతానిలచెనింట ,రాణిగవెలిగెన్
భక్షించగనయమార్గము
దీక్షగగైకొన్న బాల ,ధీరతగనుమా.