కవిమిత్రులారా,
ఈరోజు పూరించవలసిన సమస్య ఇది....
"ముగురు స్త్రీల మగఁడు మొదటి యోగి"
(గరికిపాటి వారు పూరించిన సమస్య)
లేదా...
"ముగ్గురు సుందరీమణుల ముద్దుల భర్తయె యాదియోగియౌ"
ఈరోజు పూరించవలసిన సమస్య ఇది....
"ముగురు స్త్రీల మగఁడు మొదటి యోగి"
(గరికిపాటి వారు పూరించిన సమస్య)
లేదా...
"ముగ్గురు సుందరీమణుల ముద్దుల భర్తయె యాదియోగియౌ"
రిప్లయితొలగించండిశీర్ష మందు గంగ చెంతన నగజాత
ముగురు స్త్రీల మగఁడు మొదటి యోగి
మూడవ యువతి యెవరూ యన్నది సమస్య
పూరణ యెటులనగ గూర్తు వమ్మ ?
జిలేబి
జిలేబీ గారూ,
తొలగించండిమీ పూరణ బాగున్నది.
కాని మూడవ, నాల్గవ పాదాలలో యతి తప్పింది. "మూడవ యువతి యెవరో డౌటు కలిగె స।మస్య పూరణకును మార్గ మేది?" అందామా?
ఒకతె దూకె మంట నోహొ మండి పడుచు;
రిప్లయితొలగించండిఒకతె దూకె నెత్తి నోహొ! యనుచు;
ఒకతె దూకె ప్రక్క నోహొ హాయి యనుచు;
ముగురు స్త్రీల మగఁడు మొదటి యోగి!!!
ప్రభాకర శాస్త్రి గారూ,
తొలగించండిసతీదేవి,గంగ, పార్వతుల ప్రస్తావనతో మీ పూరణ బాగున్నది. అభినందనలు.
కాని మంటలో దూకిన సతియే మరోజన్మలో పార్వతియై శరీరార్ధభాగం పొందింది కదా! ముగ్గు రెలా అవుతారు?
సార్! "బ్రతికియున్న స్త్రీలు" అనలేదు గదా సమస్యలో! లాయరు వద్దకు వెళ్ళ వలె ;)
తొలగించండిక్రింద గరికిపాటి వారి పూరణ ఇచ్చాను. వారు మీ వలెనే సతీదేవి, పార్వతి, గంగ... ముగ్గురు భార్యలని చెప్పారు. కనుక మీ పూరణ గ్రాహ్యమే. ఆ ముగ్గురికీ తండ్రులు వేరు వేరు (దక్షుడు, హిమవంతుడు, విష్ణువు) కదా! సరిపోయింది. (వేరే లాయర్ ఎందుకు? గరికిపాటి వారి జడ్జ్‌మెంటు ఉండగా!).
తొలగించండి__/\__ __/\__ __/\__
తొలగించండితగ్గుము డాంబికం బులిక తన్మయ మొందుచు పొంగి పోవుటన్
రిప్లయితొలగించండిముగ్గురు సుందరీ మణుల ముద్దుల భర్తయె యాదియోగియౌ
భగ్గున మండిపో వుదురు భర్తకు మూడవ దేడ నుండెనో
ఎగ్గులు మానిముం దుగను వేరొక రెవ్వరొ పేరుచెప్పుమా
-------------------------------
శిరము పైన నొకరు స్థిరము గానుండె
సగము దేహ మనుచు సదురు కొనెను
ముద్దు మోము తోన మురిపించి యెటజేరె
ముగురు స్త్రీల మగ@డు మొదటి యోగి
అక్కయ్యా,
తొలగించండిమీ రెండు పూరణలు బాగున్నవి. అభినందనలు.
రెండవ పూరణ మొదటి పాదంలో గణదోషం. 'స్థిరముగా నుండెను' అనండి.
డా.పిట్టా సత్యనారాయణ
రిప్లయితొలగించండిఅవ(కతవక)ధూత యర్చనా విధులలో
సేవలొంటరిగను చేయ చెలులు
ఎవరికెరుక లెక్క యెంతవారైనను
ముగురు స్త్రీల మగడు మొదటి యోగి!
డా.పిట్టా సత్యనారాయణ
రిప్లయితొలగించండిచెత్తయెక్కువైన చేరుదుమట బాప
దేహ భ్రాంతులిట్లె దీప్తి గూడు
ఎడమ,కుడిన నీడ్చ నెగసి గోచినిబీక
ముగురు స్త్రీల మగడు మొదటి యోగి
డా.పిట్టా సత్యనారాయణ
రిప్లయితొలగించండిముగ్గునదింపిరాతనిని "మూడు ఋణంబులు జీవికం"చు నే
ఎగ్గులు లేక గొన్న సతి యెప్పుడొ చావగ మారుమన్వునన్
దగ్గర యైన దాయువతి దండుకొనన్ తనకున్న సంపదన్
గగ్గలమైన జీవితము గాంచియు నొక్కతె కోర్టు కెక్కగా
బుగ్గియె పితృ,దేవ ఋణపుంజము సద్గురుకైన యప్పునున్
ముగ్గురు సుందరీమణుల ముద్దుల భర్తయె యాది యోగిరా!
డా. పిట్టా సత్యనారాయణ గారూ,
తొలగించండిమీ మూడు పూరణలు బాగున్నవి. అభినందనలు.
దశరథుండు నాడు ధరణీతలంబందు
రిప్లయితొలగించండిముగురు స్త్రీల మగఁడు, మొదటి యోగి
భక్తు డతని సుతుడు, పరికింప నవ్వాని
వినుతి చేయు యోగి వీర్యజుండు.
హ.వేం.స.నా.మూర్తి.
హరి వేంకట సత్యనారాయణ మూర్తి గారూ,
తొలగించండివిరుపుతో మీ పూరణ బాగున్నది. అభినందనలు.
'వీర్యజుడు' అంటే పుత్రుడు. ఇక్కడ 'యోగి పుత్రు' డెవరు?
ఆర్యా!
తొలగించండిరుద్రవీర్య సముద్భవుఁడు హనుమంతుడు కదా.
నిజమే! ఆ విషయం స్ఫురణకు రాలేదు. మన్నించండి.
తొలగించండిడా.పిట్టానుండి,ఆర్యా,శ్రీ గ॥పా॥వారి పూరణం చూడాలని ఆసక్తి మెండయె
రిప్లయితొలగించండిడా.గిరికిపాటి వారి ధార-ధారణ, ద్విశతావధానము అనే రెండు పుస్తకాలు అంతర్జాలంలో దొరికాయి. అందులోని సమస్యలను మాత్రమే ఒకచోట ఎత్తి వ్రాసుకున్నాను.ఇప్పుడు పూరణలకోసం ఆ పుస్తకాలను వెదికితే దొరకడం లేదు. అయినా ప్రయత్నిస్తాను.
తొలగించండిగరికిపాటి నరసింహ రావు గారి పూరణ.....
రిప్లయితొలగించండితగిన భార్య సతియె, ధవళాద్రి విభునకు
నామె మరల పుట్టి యాలు నయ్యె
నెత్తి నొక్క భార్య నృత్యమ్ము చేయఁగా
ముగురు స్త్రీల మగఁడు మొదటి యోగి.
ఇది గరికిపాటి వారి 'ద్విశతావధానం' గ్రంథంలోనిది!
తొలగించండి
రిప్లయితొలగించండిశీర్ష మందు గంగ చెంతన నగజాత,
ముగురు స్త్రీల మగఁడు మొదటి యోగి
యని జనుల పలుకుల యారడి తప్పును
కోరినదిక చాలు, కోకనదుడ !
జిలేబి
జిలేబీ గారూ,
రిప్లయితొలగించండిబాగుంది ఈ పూరణ. అభినందనలు.
గంగభార్యగాదు గంగాధరునకును
రిప్లయితొలగించండిసతియు నొకతె, గిరిజ, సతియు నొకరె
శంక యేల నరుడ శాంకరి భర్తకు
ముగురు స్త్రీల? మగఁడు మొదటి యోగి.
గోలి హనుమచ్ఛాస్త్రి గారూ,
తొలగించండిమీ పూరణ బాగున్నది. అభినందనలు.
వదనమందు వాణి,హృదయమందున రమ
రిప్లయితొలగించండిశైలజ సగమౌచు చక్కనుండు
స్వాములొక్కటైన ప్రభువయ్యె దత్తుండు
ముగురు స్రీల మగడు మొదటి యోగి
(తప్పొప్పుల నిర్ణయం బుధజనులదే)
సహదేవుడు గారూ,
తొలగించండిమీ పూరణ చాలా బాగుంది. అభినందనలు.
దత్తాత్రేయ త్రిమూర్తి __/\__
తొలగించండిగురుదేవులకు మరియు జి.పి.శాస్త్రుల వారికి ధన్యవాదములు.
తొలగించండితలఁపు మాట చేత తా మొకటై యున్నఁ
రిప్లయితొలగించండిజాలు; వాటి కేల సవతిపోరు?
రీతి నదుపున నిడు త్రికరణము లనెడు
ముగురు స్త్రీల మగడు మొదటి యోగి.
వరుసగ నరుదెంచు వరయోగులకు మ్రొక్కె
రిప్లయితొలగించండిముగురు స్త్రీల మగఁడు; మొదటి యోగి
"శుభము నీ కగు" ననె; శోకార్తుఁడై వాఁడు
'సన్యసింతుఁ గోర నన్య" మనెను.
ఆర్యా!
తొలగించండిమీ పూరణలు ఉత్తమంగా ఉన్నవి.
అభివాదములు.
గురుదేవుల పూరణలు అద్భుతం.
తొలగించండినెగ్గినవాడు యుద్ధముల నిర్జరకోటికి సాయముండి యా
రిప్లయితొలగించండిముగ్గురు సుందరీమణుల ముద్దుల భర్తయె, యాదియోగియౌ
నగ్గిరిజాధవుం గొలుచునట్టి రఘూత్తము తండ్రి యాతడే
దిగ్గజ మట్టు లీధరను ధీరత దాల్చినవాడు చూడగన్.
హ.వేం.స.నా.మూర్తి
హరి వేంకట సత్యనారాయణ మూర్తి గారూ,
తొలగించండిమీ పూరణ ప్రత్యేక ప్రశంసకు అర్హమై శోభిస్తున్నది. అభినందనలు.
అర్ధ భాగ మైన యా పార్వతే గాక
రిప్లయితొలగించండిశిరముపయి వసించు సిద్ధ గంగ
దక్ష యజ్ఞ మందు దహనమయిన సతి
ముగురు స్త్రీల మగఁడు మొదటి యోగి"
గండూరి లక్ష్మినారాయణ గారూ,
తొలగించండిమీ పూరణ బాగున్నది. అభినందనలు.
'పార్వతియె గాక' అనండి.
భరణికోసలంపుబతియదశరధుడు
రిప్లయితొలగించండిముగురుస్త్రీలకుమగడు,మొదటియోగి
ముగురుకాంతలుండుమృడుడునుబుడమికి
యోగివరులకతడునొజ్జసుమ్ము
సుబ్బారావు గారూ,
తొలగించండిమీ పూరణ బాగున్నది. అభినందనలు.
దేహ మందు సగము తీసు కొన్నది యుమ
రిప్లయితొలగించండిప్రేమ మీర చూడ వింత గంగ
యాక్రమించె నంత యతివ జటా జూట
ము గురు స్త్రీల మగఁడు మొదటి యోగి
[గురుస్త్రీలు = గొప్పభార్యలు; మొదటి యోగి = ఆది బిక్షువు, శివుడు]
అగ్గలమైన ప్రేమ కడు నద్భుత భక్తియు పారవశ్యముం
దగ్గని యాత్మ గౌరవము దాల్మి దయార్ద్ర హృదంబుజంబునున్
బెగ్గల మెంచ సుంత కనిపించని చంద్రముఖుల్ మహా పయో
ముగ్గురు సుందరీమణుల ముద్దుల భర్తయె యాదియోగియౌ
[పయోముక్ + గురు = పయోముగ్గురు: మేఘనిభాలఘువులు; పయోముచ్ = మేఘము; ఆది యోగి = ఆది బిక్షువు]
__/\__ __/\__ __/\__
తొలగించండి_/\_ _/\_ _/\_
తొలగించండిశాస్త్రి గారికి సహదేవుడు గారికి నమస్సులు. ధన్యవాదములు.
తొలగించండిపోచిరాజు కామేశ్వర రావు గారూ,
తొలగించండిరెండవ పూరణ అద్భుతంగా ఉంది. అభినందనలు.
మొదటి పూరణలో వైవిధ్యమైన ఆలోచన. కాని 'గురుస్త్రీలు' సంస్కృత సమాసమై 'రు' గురువై గణదోషం కదా!
ఉమను వామ భాగమమర జేసి, జడల
రిప్లయితొలగించండిగంగనుంచి,పురము కాశి,యనెడి
నింతి గూడి యున్న నీశుడే నెంచగా
ము గురు స్త్రీల మగఁడు మొదటి యోగి
కెంబాయి తిమ్మాజీ రావు గారూ,
తొలగించండిమీ పూరణ బాగున్నది. అభినందనలు.
'...నీశుడే యెంచగా' అనండి.
జగ్గయశాస్ర్రియేపలికెసాదరమొప్పగశంభుడేకదా
రిప్లయితొలగించండిముగ్గురుసుందరీమణులముద్దులభర్తయె,యాదియోగియౌ
నగ్గలమైనరక్తినిలనాశ్రితభక్తులవాంఛితంబుల
న్నెగ్గులురానిచొప్పునననీశుడుతప్పకతీర్చునేసుమా
సుబ్బారావు గారూ,
తొలగించండిమీ పూరణ బాగున్నది. అభినందనలు.
(ఈమధ్య వృత్తరచనలో చక్కని ప్రావీణ్యాన్ని ప్రదర్శిస్తున్నారు. సంతోషం!)
గురుదేవులకునమస్కారములతో...ఆవృత్తరచనాప్రావీణ్యత మీయాశీర్వాదమువలననే
తొలగించండిధ్యానమున వివేకి ఙ్ఞానియై శోభిలు
రిప్లయితొలగించండిబుద్ధి నిలుపగ నగు శుద్ధ యోగి
ధ్యానము మఱి బుద్ధి, ఙ్ఞానము లనబడు
ముగురు స్త్రీల మగడు మొదటి యోగి!
శ్రీధర రావు గారూ,
తొలగించండిచక్కని పూరణ. అభినందనలు.
గురువు గారికి ధన్యవాదములు.
తొలగించండిదార లెంతమంది దశరథునకు భువి?
రిప్లయితొలగించండివల్లకాడె తనకు వాసమవ్వ
తిరిపెమెత్తుకొనెడు దేవేశుడెవ్వరు?
ముగురు స్త్రీల మగడు, మొదటి యోగి
అన్నపరెడ్డి సత్యనారాయణ రెడ్డి గారూ,
తొలగించండిమీ పూరణ బాగున్నది. వాట్సప్ సమూహంలో నా సూచనలను గమనించండి.
వాసమగుట
రిప్లయితొలగించండిక్రొవ్విడి వెంకట రాజారావు:
రిప్లయితొలగించండి01-03-2017
కుదిరికతో జేజేలను
వదినా! నీకందజేతు; స్వర్గ సుఖమ్ముల్
చదురుగ నీకందించెడి
పదురగు నన్నకు నతులను పఱచెద నిచ్చల్
02-03-2017
క్రమముగ శచి గిరిజ గంగను గూడిన
ముగురు స్త్రీల మగడు మొదటి యోగి
నౌ యఖిల గురుండు ననయము మమ్మిల
నెంతయు పొదిలించి నిలుప గలడు
క్రొవ్విడి వెంకట రాజారావు గారూ,
తొలగించండిమీ రెండు పూరణలు బాగున్నవి. అభినందనలు.
'శచి... సతి'
క్రొవ్విడి వెంకట రాజారావు:
రిప్లయితొలగించండి01-03-2017
కుదిరికతో జేజేలను
వదినా! నీకందజేతు; స్వర్గ సుఖమ్ముల్
చదురుగ నీకందించెడి
పదురగు నన్నకు నతులను పఱచెద నిచ్చల్
02-03-2017
క్రమముగ శచి గిరిజ గంగను గూడిన
ముగురు స్త్రీల మగడు మొదటి యోగి
నౌ యఖిల గురుండు ననయము మమ్మిల
నెంతయు పొదిలించి నిలుప గలడు
అగ్గలమైన శౌర్యముననాజి నధీశుల వంచి నేర్పుతో
రిప్లయితొలగించండిమ్రగ్గుచు పుత్రసంతతికి మన్యువు చేసిన రాజు యెవ్వరో?
అగ్గలమైన కోపమున నాహుతి చేసె పురమ్ములెవ్వరో?
ముగ్గురు సుందరీమణుల ముద్దుల భర్తయె, యాది యోగిరా
మన్యువుః యాగము
రెడ్డి గారూ,
తొలగించండిమీ రెండవ పూరణ బాగున్నది. అభినందనలు.
'రాజెవండొ తా। నగ్గలమైన...' అనండి.
దక్ష పుత్రి యొకతె తలపై మరియొకతి
రిప్లయితొలగించండిఅర్థభాగ మందునాలి యొకతి
యద్భుతమ్మె కనగ నాదిశంకరుడంట
ముగురు స్త్రీలమగడు మొదటి యోగి.
బుగ్గిగ మారెనే కినుక బూనిన దక్షుని పుత్రికొక్కతిన్
నెగ్గగ దల్చి జూటమున నిల్పెను యోషిత జాహ్నవిన్ గదా
యగ్గిరి రాజసూతనట యన్నుల మిన్నయనంగ నొప్పునా
ముగ్గురు సుందరీ మణుల ముద్దుల భర్తయె యాదియోగియౌ
విరించి గారూ,
తొలగించండిమీ రెండు పూరణలు బాగున్నవి.అభినందనలు.
నిదుర లోన తాను పదిలమై యుండగ;
రిప్లయితొలగించండికలల లోన తాను కమ్మ గుండె;
మెలకు వందు తాను కలతలం దుండగ;
ముగురు స్త్రీల మగఁడు మొదటి యోగి!
పూజ్యులు శ్రీ శంకరయ్య గారి "త్రికరణము" లను అనుసరిస్తూ...
తొలగించండితాపత్రయ వినిర్ముక్తో దేహత్రయ విలక్షణః
తొలగించండిఅవస్థాత్రయ సాక్ష్యస్మి అహమేవాహమవ్యయః
-- బ్రహ్మజ్ఞానావళి మాల (ఆది శంకర భగవత్పాదులు)
శాస్త్రి గారూ,
తొలగించండిచైతన్య, స్వాప్నిక, సుప్తావస్థల గురించిన మీ పూరణ బాగున్నది. అభినందనలు.
లగ్గము నాటినుండి మది లావుగ కోరగ పుత్ర సంతతిన్
రిప్లయితొలగించండిపగ్గము లేనికోరికల, పాయసమివ్వగ యాగశాలలో
ముగ్గురు సుందరీమణుల ముద్దుల భర్తయె, యాదియోగియే
తగ్గక,నుగ్గడించె వరదాతగ నల్వురు సంతు నిచ్చుచున్
* తగ్గక బెంగదీర్చె వరదాతగ నల్వురు సంతు నిచ్చుచున్
రిప్లయితొలగించండిశ్రీరామ్ గారూ,
తొలగించండిమీ పూరణ చక్కగా ఉంది. అభినందనలు.
ఆదినగ్ని దూకె నమ్మ సతీదేవి
రిప్లయితొలగించండిహైమవతిగ వచ్చె నా మగువయె
నెత్తినెక్కె గంగ నిబ్బరముగ నిల్వ
ముగురు స్త్రీల మగఁడు మొదటి యోగి
భాగవతుల కృష్ణారావు గారూ,
తొలగించండిమీ పూరణ బాగున్నది. అభినందనలు.
గంగ జుట్టున తను కాపురముండగ?
రిప్లయితొలగించండిసతియు,పార్వతి శివ సతులుగాగ
మూడు కనుల వాడు|ముల్లోక మెంచగ
ముగురు స్త్రీల మగడు మొదటియోగి|
2.ముగ్గురు మూర్తులందునతి ముఖ్యుడుశంకరుడయ్యు,దక్షుడే
తగ్గక కూతురౌ సతియె “ధర్మ విరుద్ధమునందుచావగా|
నెగ్గియు గంగ,పార్వతులు నేర్పున శంకరునందు భార్యలై
ముగ్గురు సుందరీమణుల ముద్దుల భర్తయె యాదియోగియౌ|
కె. ఈశ్వరప్ప గారూ,
తొలగించండిమీ పూరణలు బాగున్నవి. అభినందనలు.
నా మూడవ పూరణ....
రిప్లయితొలగించండికలరు యోగి పేరఁ గార్యాలయములోన
నిద్ద, రందొకనికి ముద్దుభార్య
గలదు, పనియు కావ్యకరణమ్ము సతులైరి,
ముగురు స్త్రీల మగఁడు మొదటి యోగి.
గురుదేవుల మూడవ ముత్యం
తొలగించండిఇత్తువ్యవధానమికపైననెక్కడెకడ
రిప్లయితొలగించండియవసరమ్మనితోచునోనక్కడకడ
సామి!మన్నించుడిప్పుడుసదయనుమరి
వేడుచుంటినిమిమ్ములవినయముగను
*శ్రీమతి జి సందిత బెంగుళూరు*
రిప్లయితొలగించండిద్రౌపది సీతయిద్ద రొక తండ్రికి బుట్టిన బిడ్డలే కదా
రూపములొక్కటౌచు నపురూపముగాగనిపించెనంచు నా
రూపకముల్ ద్వయంబుగని రుద్రయపల్కగ దర్శకుండనెన్
దాపరికంబులేదుబుగతా! నటి యొక్కతెచూడుమా యనెన్
*శ్రీమతి జి సందిత బెంగుళూరు*
గురుదేవా! సవరించాను ఆశీర్వదించండి🙏🙏🙏🙏
*సహస్రకవిభూషణ శ్రీమతి సందితబెంగుళూరు*
రిప్లయితొలగించండిబుగ్గననెత్తిపైనెనరుపొంగగచల్లగనిల్చెగంగ తాన్
భగ్గని పోరబోకతనువందునఁదాన్ సగమయ్యెనంబ తా
నెగ్గెనుప్రేమజూపియనినిక్కముపల్కెపతివ్రతామణుల్
ముగ్గురు! సుందరీమణుల ముద్దుల భర్తయె ఆదియోగియౌ
*సహస్రకవిభూషణ శ్రీమతి సందితబెంగుళూరు*
సిగ్గరి యొక్కదౌ వనిత చిందులు త్రొక్కగ నెత్తిమీదనున్
రిప్లయితొలగించండిసిగ్గరి యొక్కదౌ వనిత చిందులు ద్రొక్కుచు నగ్నిదూకగా
సిగ్గరి యొక్కదౌ వనిత సిగ్గును వీడుచు నర్ధభాగమై
ముగ్గురు సుందరీమణుల ముద్దుల భర్తయె యాదియోగియౌ