12, మార్చి 2017, ఆదివారం

సమస్య - 2306 (శుకయోగికి నల్లుఁ డయ్యె...)

కవిమిత్రులారా,
ఈరోజు పూరించవలసిన సమస్య ఇది....
"శుకయోగికి నల్లుఁ డయ్యెఁ జుమి భీష్ముండే"
లేదా...
"శుకయోగీంద్రున కల్లుఁ డయ్యెఁ గద భీష్ముం డంద ఱుప్పొంగగన్"
(విజయవాడ శతావధానంలో గరికిపాటి వారు పూరించిన సమస్య. కొర్నెపాటి విద్యాసాగర్ గారికి ధన్యవాదాలతో...)
వీరిచే పోస్ట్ చేయబడింది వద్ద

23 కామెంట్‌లు:

  1. G P Sastry (gps1943@yahoo.com)ఆదివారం, మార్చి 12, 2017 1:02:00 AM

    అకటా! యొకచో గంటిమి
    శుకయోగికి కూతురుండె సుతులున్నాల్గుర్!
    వికట పురాణమ్ములలో
    శుకయోగికి నల్లుఁ డయ్యెఁ జుమి భీష్ముండే!



    దేవీ భాగవతం:

    భార్య: పివారి

    https://en.m.wikipedia.org/wiki/Shuka

    రిప్లయితొలగించండి
    రిప్లయిలు
    1. G P Sastry (gps1943@yahoo.com)ఆదివారం, మార్చి 12, 2017 2:00:00 AM

      ఒక వ్యాసుడు తండ్రెవరికి?
      నొక రాముం డేమయెనుర నొక జనకునకు?
      న్నొక బ్రహ్మచారెవరు మరి?
      శుకయోగికి; నల్లుఁ డయ్యెఁ జుమి; భీష్ముండే!

      తొలగించండి
    2. G P Sastry (gps1943@yahoo.com)ఆదివారం, మార్చి 12, 2017 2:37:00 AM

      ఒక వ్యాసుడు = వేద వ్యాసుడు; బాదరాయణ వ్యాసుడు కాదు

      ఒక రాముడు = రఘురాముడు; పరశురాముడు, బలరాముడు కారు

      ఒక జనకుడు = మిథిలకు రాజులు పలువురు జనకులు...నిజాముల లాగ

      తొలగించండి
    3. G P Sastry (gps1943@yahoo.com)ఆదివారం, మార్చి 12, 2017 7:16:00 AM

      పివారి కాదు పీవరి
      "పీవర్యస్య జాయా..." ....✍🏻
      __/\__

      తొలగించండి
    4. G P Sastry (gps1943@yahoo.com)ఆదివారం, మార్చి 12, 2017 7:19:00 AM

      బాలముకుంద శర్మ గారికి ధన్యవాదాలు...

      తొలగించండి
  2. Zilebiఆదివారం, మార్చి 12, 2017 4:22:00 AM



    బెకబెక యనుచు జిలేబీ
    యొక పద్యమునటు భళి యుపయోగము గూర్చన్
    చకచక వచ్చెను పూరణ
    శుకయోగికి నల్లుఁ డయ్యెఁ జుమి భీష్ముండే !

    జిలేబి

    రిప్లయితొలగించండి
  3. రాజేశ్వరి నేదునూరిఆదివారం, మార్చి 12, 2017 4:27:00 AM

    అకలంక మౌని వర్యుడు
    శుకయోగికి , నల్లుఁ డయ్యెఁ జుమి భీష్ముండే
    ప్రకటిత మైనట్టి ప్రతిన
    వికటించె యితిహాస ములట వేయి విధమ్ముల్

    రిప్లయితొలగించండి
  4. Madhura karanam.blogspot.comఆదివారం, మార్చి 12, 2017 6:07:00 AM

    డా.పిట్టా సత్యనారాయణ
    ఇక భూమాతయు గాంధి జాతిపితయున్ యిందుప్రభల్ మామగా
    ఒకడన్నంబునకన్న రైతు గలుగన్ యూరందరున్ తమ్ములే
    వికటంబౌ గ్రహమేది?"యల్లు"డన; పో,వీరే యిటన్ జెల్లగా
    శుకయోగీంద్రున కల్లుడయ్యెగద భీష్ముండందరుప్పొంగగన్!

    రిప్లయితొలగించండి
  5. Madhura karanam.blogspot.comఆదివారం, మార్చి 12, 2017 6:29:00 AM

    డా.పిట్టా
    శుకసప్తతి కథలను విన
    బకపుం జపమెన్న శునక బాధ్యత గనగా
    ఒకరెవరికి నేమగుదురు?
    శుకయోగికి నల్లుడయ్యె జుమి భీష్ముండే!
    1.జామాతకు గ్రహం అని పేరే గాని ఆ గ్రహం లేదు.వరుసకొకరిని ఉటంకించే ప్రథ ఉన్నది.సమస్యలోని సంబంధం కూడా అట్టిదే కాని చందమామ ఎవరి మామ? జవాబు, అందరి మామ అని. ఈధోరణిలో పూరణం సాగింది.
    2.చిలక ఒక గ్రృహిణికి కథలు సందర్భాను సారంగా చెప్పినది.ఇవి డెబ్భై కథలు.నా చిన్నతనంలో నేను చదివినాను.ఈ శుకుడు కథలే చెప్పాడు.జంతువుల తమ చర్యలతో ప్రసిద్ధి చెందినవి.వాటికి వరసలు, కాల గణన ఉండవు.సమస్యలోని సం.కూడా సర్దుకు పోవలసినదే

    రిప్లయితొలగించండి
  6. Unknownఆదివారం, మార్చి 12, 2017 8:39:00 AM

    సుఖముల బడయగ నణుహుడు
    శుకయోగికి నల్లుడయ్యె జుమి , భీష్ముండే
    ప్రకటిత శపథని బద్దత
    వికలముగాకుండగడిపె వీరునిరీతిన్

    రిప్లయితొలగించండి
  7. Zilebiఆదివారం, మార్చి 12, 2017 8:40:00 AM



    సకలం నీ కథలన్ జిలేబి గద ! సాక్షీభూత, పార్థుండు హా!
    శుక! యోగీంద్రున కల్లుఁ డయ్యెఁ గద ! భీష్ముం డంద ఱుప్పొంగగన్
    సకలం వీడుచు రాజభోగముల చట్టన్ద్రోలి కారుణ్య మొ
    ప్ప గనన్నీశుని యానగన్నియమ పాగెంబైసు శోభిల్లెనౌ


    జిలేబి

    రిప్లయితొలగించండి
    రిప్లయిలు
    1. గుండా వేంకట సుబ్బ సహదేవుడుఆదివారం, మార్చి 12, 2017 10:12:00 AM

      ఒక రీతి సుతుడు విజయుడు
      శుకయోగికి, నల్లుఁడయ్యెఁ జుమి , భీష్ముండే
      సకలముఁ గూర్చగ ద్రోణుని
      కొక శిష్యుడగుచు ద్రుపదునకు సుత వరించన్

      తొలగించండి
  8. subbaraoఆదివారం, మార్చి 12, 2017 9:33:00 AM

    అకటా యేమని వ్రాయుదు
    శుకయోగికి నల్లుడయ్యె జుమి భీష్ముండే
    తికమక గా నుండెను మరి
    శుక భీష్ముల కిడుదు నతులు సుమ్మీ యిపుడున్

    రిప్లయితొలగించండి
  9. vsnmhariఆదివారం, మార్చి 12, 2017 11:18:00 AM

    తికమక యిందేమున్నది
    సుకరంబిది ఇద్ద రిచట సోదరు లొక నా
    టక మాడెడు వేళ న్నా
    శుకయోగికి నల్లుడయ్యె జుమి భీష్ముండే.
    హ.వేం.స.నా.మూర్తి.

    రిప్లయితొలగించండి
  10. కామేశ్వర రావు పోచిరాజుఆదివారం, మార్చి 12, 2017 11:19:00 AM

    ప్రకటమ భవకారకుఁ డా
    శుకయోగికి, నల్లుఁ డయ్యెఁ జుమి భీష్ముండే
    యకళంకు నగాధిపునకు
    నిక ముద మొసఁగఁగ నభవుఁడు హిమవంతునకున్

    [భీష్ముఁడు = శివుఁడు]


    వికలంబైన నిజేచ్ఛ పార్వతి గిరిం బ్రీతిన్ తపం బాచరిం
    చి కరంబా పరమేశ్వరున్ గుఱిచి తాఁ జిత్తంబు మెప్పించగం
    బ్రకటామ్నాయ విభాగుడే నుడివె నాద్వైపాయనుం డివ్విధిన్
    శుకయోగీంద్రున, కల్లుఁ డయ్యెఁ గద భీష్ముం డంద ఱుప్పొంగగన్

    [భీష్ముఁడు = శివుఁడు]

    రిప్లయితొలగించండి
  11. vsnmhariఆదివారం, మార్చి 12, 2017 11:40:00 AM

    ఒకనా డన్నవరంబు నందు గనగా నుత్సాహ పూర్ణాత్ములై
    సకల ప్రేక్షకమోదకారు లగుచున్ సన్మిత్రు లవ్వారు నా
    టకమున్ వేయుచు పాత్ర లందిరి వినుం డవ్వారిలో వృద్ధు డౌ
    శుకయోగీంద్రున కల్లు డయ్యె గద భీష్ముం డంద ఱుప్పొంగగన్.
    హ.వేం.స.నా.మూర్తి.

    రిప్లయితొలగించండి
  12. subbaraoఆదివారం, మార్చి 12, 2017 12:39:00 PM

    అకలంకుండగు వ్యాసరా డ్విభుడు నౌన్గదా తండ్రియు
    న్శుకయోగీంద్రునక,ల్లుడయ్యెగదభీష్ముండందరుప్పొంగగ
    న్నకటా భీష్ముడు భీకరముగా హా దాను నుద్వాహము
    న్నికజే బూననిబల్కగా నగునె నోయీ భీ ష్మకుం డల్లుగాన్

    రిప్లయితొలగించండి
  13. A.Satyanarayana Reddyఆదివారం, మార్చి 12, 2017 2:09:00 PM

    అకలంకుడు వ్యాసుడు పిత
    శుకయోగికి, నల్లుఁ డయ్యెఁ జుమి భీష్ముండే
    చకచక తపమ్ము మదనుడు
    కకవిక చేయ వరియించి, గౌరి గురువుకున్
    గురువుః తండ్రి

    రిప్లయితొలగించండి
  14. seethadevi gurramఆదివారం, మార్చి 12, 2017 2:41:00 PM

    ఒకరేమొ పుట్టు తాపసి
    యకలంక చరితు డొకండు యౌన్నత్యమునన్
    యకటా సంభవ మెవ్విధి?
    శుకయోగికి నల్లుడయ్యె జుమి భీష్ముండే??

    రిప్లయితొలగించండి
  15. విరించిఆదివారం, మార్చి 12, 2017 2:42:00 PM

    ముఖమే కీరమెవరికి జ
    నకునకు రాముడగునేమి? జనులెరగిన ఘో
    టక బ్రహ్మచారెవరనిన
    శుకయోగికి, నల్లుఁ డయ్యెఁ జుమి, భీష్ముండే.

    త్రికరణ శుద్ధిగ మ్రొక్కెద
    శుకయోగికి, నల్లుఁ డయ్యెఁ జుమి భీష్ముండే
    సుకుమారి కోరగ యప
    ర్ణ కరగ్రహణమందుచు గిరి రాజుకు గాదే

    భీష్ముడు=శివుడు.

    రిప్లయితొలగించండి
  16. Bhagavatula Krishna Raoఆదివారం, మార్చి 12, 2017 5:15:00 PM

    సకల కధలెఱుక యెవనికి ?
    నొక రాముడు జనకరాజు కొడుకవడుకదా !
    నికరపు వటు వెవడొ జెపుమ!
    శుకయోగికి /నల్లుఁ డయ్యెఁ జుమి / భీష్ముండే

    రిప్లయితొలగించండి
  17. విరించిఆదివారం, మార్చి 12, 2017 6:12:00 PM

    ముఖతాఃజెప్పెను మౌని భాగవతమే మోక్షార్థికిన్, మ్రొక్కెదన్
    శుకయోగీంద్రున, కల్లుడయ్యెగద భీష్ముండందరుప్పొంగగన్
    వికచాబ్జానని సుందరాంగి సతినే పెండ్లాడె తా వొంద తా
    రకసంహారిని బుత్రుగాను సురులే ప్రార్థింపగా నద్రికే

    రిప్లయితొలగించండి
  18. గుండా వేంకట సుబ్బ సహదేవుడుశుక్రవారం, జులై 07, 2017 9:04:00 AM

    అకలంకుండని దెలియన్
    ప్రకటించెను తోటి నటుని వరునిగ సుతకున్
    సకలురనిరి గత నాటక
    శుకయోగికి నల్లుఁడయ్యె సురనది కొడుకే!

    రిప్లయితొలగించండి

దీనికి సబ్‌స్క్రయిబ్ చేయి: కామెంట్‌లను పోస్ట్ చేయి (Atom)