కామేశ్వర రావు గారూ, తోకలేని కోతిపిల్లల గురించి వ్రాసిన మీ పద్యం మనోజ్ఞంగా ఉంది. అభినందనలు. దీనిని వాట్సప్ సమూహంలో ప్రకటించాను. ఇప్పటికే ఇద్దరు ప్రశంసించారు.
కవిమిత్రులకు మనవి. రేపు, ఎల్లుండి హైదరాబాదులో కవిసమ్మేళనాలలో పాల్గొనడానికి వెళ్తున్నాను. అందువల్ల సమయాభావం వల్ల మూడురోజుల పాటు 'పద్యరచన' శీర్షిక ఉండదు. గమనించగలరు.
ఒళ్ళు మరచి దూకె నొకతె
రిప్లయితొలగించండిపళ్ళు తెరచి నవ్వె నొకడు పకపక మనుచున్
కళ్ళెము లేనట్టి పసిడి
కళ్ళల కళలును వెలుగులు గాంచితి నేడే!
శాస్త్రి గారూ,
తొలగించండిస్వభావోక్త్యలంకారంతో మీ పద్యం శోభిస్తున్నది. అభినందనలు.
ఒళ్ళు మరచి దూకె నొకతె
తొలగించండిపళ్ళు తెరచి నవ్వె నొకడు పకపక మనుచున్
కళ్ళెము లేనట్టి పసిడి
కళ్ళల్లోన వెలుగులను గాంచితి నేడే!
...అంజయ్య గారికి ధన్యవాదాలతో...
__/\__ __/\__ __/\__
తొలగించండివంగి యున్నట్టి యామెపై బా లికొకతె
రిప్లయితొలగించండిదూకు చుండెను జూడుమా దూకుడు గను
బ్రక్క నున్నట్టు బాలుడు పండ్లి గిలిచి
నవ్వ సాగెను జి త్రా న నయము లేక
సుబ్బారావు గారూ,
తొలగించండిమీ పద్యం బాగున్నది. అభినందనలు.
వంగుడు దుముకుళ్ళివియే
రిప్లయితొలగించండిసంగడిగాళ్ళంతజేరి సరి పల్లెలలో
చెంగున దూకుచు నాడెద
రంగాంగములన్ని కదలి హాయిగనుండన్.
శాస్త్రి గారూ,
తొలగించండిచక్కని పద్యం. అభినందనలు.
ఎత్తునుండి దుముకు జిత్తలాటిది పల్లె
రిప్లయితొలగించండిపిల్ల లాడు చుంద్రు పల్లెలందు
ఎత్తు పెరుగు చుండు నెగిరి దుముకుచుండ
నంద్రు దీని నేడు "హైటు జంపు "
లక్ష్మినారాయణ గారూ,
తొలగించండిమీ పద్యం బాగున్నది. అభినందనలు.
లీలా కేళి విలాస వి
రిప్లయితొలగించండిలోల సదరహాస వదన రూపాతిశయుల్
హేలా లంఘన సమ్మద
వాల విహీన హరి బాల బాలిక లచటన్
కామేశ్వర రావు గారూ,
తొలగించండితోకలేని కోతిపిల్లల గురించి వ్రాసిన మీ పద్యం మనోజ్ఞంగా ఉంది. అభినందనలు.
దీనిని వాట్సప్ సమూహంలో ప్రకటించాను. ఇప్పటికే ఇద్దరు ప్రశంసించారు.
పూజ్యులు శంకరయ్య గారికి వందనములు. ప్రత్యేక ధన్యవాదములు. నా పద్యమును మెచ్చుకున్న పాఠక మహాశయులకు ధన్యవాదములు తెలుప గోర్తాను.
తొలగించండిబాల్యం - అమూల్యం
రిప్లయితొలగించండిమానవ జీవనంబున సమానత నేర్పుస్థలంబు నిత్యస
న్మానము గూర్చుచున్ సతము మైమరపించుచునుండు చోటు ది
వ్యానుభవంబు లందగల భాగ్యము పంచెడి దిక్కిలన్ బసం
దైన విధంబుగా నడిపి హర్షము నింపును బాల్యమేవిధిన్.
చీకు చింత లుండ వేకాకి యనియెడు
బాధ కలుగబోదు వ్యాధు లన్న
భయము చేరరాదు జయ మొక్కటేతప్ప
సంతసంబు గూడు నెంతయేని.
నీనాభేదము లెరుగరు
కానిమ్మని పిలువ జేరి కడు హర్షముతో
నానా రకముల క్రీడల
కేనిమిషంబైన నిలుతు రీబాలు రిలన్.
ఎక్కి దూకు క్రీడ యీచిత్రమందున
గానవచ్చుచుండె గాంచనగును
మిత్రులంద రెట్లు మేలంచు చేరిరా
చోట మేటి దాటు నాటయౌట.
భగవానుడు నా కెదురుగ
నగపడి వరమడుగుడన్న నతి హర్షమునన్
నిగమనుతా! బాల్యంబును
తగునిదె నాకిచ్చుటందు దండంబులతోన్.
హ.వేం.స.నా.మూర్తి.
మూర్తి గారూ,
తొలగించండికల్ల కపటం తెలియని బాల్యావస్థను వర్ణిస్తూ మీ రందించిన ఖండిక మనోహరంగా ఉంది. అభినందనలు.
దీనిని వాట్సప్ సమూహంలో ప్రకటించాను.
బంగారు బాల్యమందున
రిప్లయితొలగించండివంగుడు దుముకుళ్ళయాట వాటము జూడన్
చెంగున దూకఁగ నేర్చుము
వంగును కష్టములటంచు పాఠము నేర్పున్
సహదేవుడు గారూ,
తొలగించండిచక్కని పద్యం. అభినందనలు.
గురుదేవులకు ధన్యవాదములు
తొలగించండిపాపము పుణ్యమ్మెరుగని
రిప్లయితొలగించండిపాపల వలె నాటలాడు పచ్చని దినముల్
రూపులు రేఖలు మారిన
తాపపు తరుణీ తరుణుల తలపుల మెదిలెన్
శాస్త్రి గారూ,
తొలగించండిమీ పద్యం బాగున్నది. అభినందనలు.
వంగుడు దూకుడు యాటయె
రిప్లయితొలగించండియంగద దుముకుడు గమారె యందరు మెచ్చ
న్నంగనలు బాలు రందరు
చెంగున నెగురుచు చెలిమిని చేవను బెంచన్!
అంగద్ కూద్= హై జంప్
హనుమాన్ కూద్= లాంగ్ జంప్
సీతాదేవి గారూ,
తొలగించండిమీ పద్యం బాగున్నది. అభినందనలు.
ఈ 'అంగద్ కూద్' నాకు క్రొత్త పదం.
గురువుగారికి నమస్కారము! ఉత్తర భారత దేశంలో చాల వాడుక పదాలు ఈ కూద్ లు!
తొలగించండిబాధలేమియు తెలియని బాల్యమందు
రిప్లయితొలగించండికల్లకపటము లెరుగక యుల్లసముగ
పిల్లలందరు నొకచోట ప్రేమతోడ
వంగుడు దుముకుళ్ళాటల వరలుచుండ్రి
రెడ్డి గారూ,
తొలగించండిమీ పద్యం సహజ సుందరమై శోభిల్లుతున్నది. అభినందనలు.
గురువర్యులకు నమస్సులు. ధన్యవాదములు.
తొలగించండిసత్యనారాయణ రెడ్డి
*చిత్రానికనువైన పద్యము*
రిప్లయితొలగించండిపాపమెరుగని పసివారి పసిడి మనసె
యాట పాటలకేరింత లందు మనిగి
యాడు చుండిరట దుముకుడాట జూడ
మధుర స్మృతులనది మోసె మరువ నీక.
విరించి గారూ,
తొలగించండిమీ పద్యం బాగున్నది.
మునిగి... మనిగి అయింది. 'మధుర స్మృతులు' అన్నచోట ర గురువై గణదోషం. సవరించండి.
పిల్లలాడువారు ప్రీతిగగలసియు
రిప్లయితొలగించండిఆటపాటలన్ని చాటియాడ
నొకరి పైన నొకరునోటమి గెలుపులు
యెంచిపంచు కొనుట యెంతహాయి|
కవిమిత్రులకు మనవి.
రిప్లయితొలగించండిరేపు, ఎల్లుండి హైదరాబాదులో కవిసమ్మేళనాలలో పాల్గొనడానికి వెళ్తున్నాను. అందువల్ల సమయాభావం వల్ల మూడురోజుల పాటు 'పద్యరచన' శీర్షిక ఉండదు. గమనించగలరు.
9493846984 డా.బల్లూరి ఉమాదేవి .
రిప్లయితొలగించండిపల్లెటూళ్ళయందు బాలబాలికలెల్ల
నాడుకొనెడి కమ్మనైన యాట
యరమరికలు లేక హాయిగా నాడెడు
పిల్లల నిటు జూడ ప్రీతి గల్గు.