మీ ప్రయత్నం ప్రశసార్హం. కాని 'వానరగుమి' అనడం దుష్టసమాసం. 'ఉలిమిరి' అంటే వృక్షవిశేషమని నిఘంటువులు చెప్తున్నవి. సేతువు అన్న అర్థం లేదు. రెండవపాదం మూడవ గణం నలం కాని జగణం కాని ఉండాలి. మీరు భగణం వేశారు. 'సాగరుని' అనడం సాధువు. 'సాగరుడుని' అనరాదు. (మీరు నేమాని సోమయాజులు గారే కదా! నాగమణి గారి మెయిల్ నుండి పంపినప్పుడు పూరణకు ముందు కాని తరువాత కాని మీ పేరు టైప్ చేయండి. నాకు సందిగ్ధత ఉండదు. అన్నట్టు... వంగూరు ఫౌండేషన్ వారి పురస్కారం పొందిన అట్లాంటా వాసి మీరేనా? అయితే అభినందనలు).
నమస్కారములు రెండవ పాదములో పొరపాటు జరిగినది. క్షమించండి. వానరగుమి దుష్ట సమాసమని తెలియక వాడాను. శ్రీ శబ్ద రత్నాకరము (బహుజపల్లి వారిది) 939 వ పేజిలో సేతువు అన్న నీటి కట్ట, ఉలిమిరి అని వున్నది. అందువల్ల ఉపయోగించాను. సాగరుడుని అని వాడకూడదని తెలియదు. సరిదిద్దు కొంటాను. పూసపాటి కృష్ణ సూర్య కుమార్
డా.పిట్టా ఆర్యా,అభినందనలు మీకును మన కవి మిత్రులకు! ఉగాది,నవరత్నాలు,మూడేసి పద్యములు,27నక్షత్రాలు.మంచి ప్రణాళిక.ఆ పద్యాలను బ్లాగు ద్వారా ప్రకటిస్తారని ఆశిస్తాను.
ధన్యవాదాలండీ! నా పద్యాలను నిన్ననే ప్రకటించాను. మిగిలిన కవిమిత్రుల పద్యాలు కుందావఝ్ఝల వారి వద్ద ఉన్నవి. వారు వాటిని పుస్తకంగా ప్రచురించే ఆలోచనలో ఉన్నారు.
కామేశ్వర రావు గారూ, మీ రెండు పూరణలు అద్భుతంగా ఉన్నవి. అభినందనలు. ***** శాస్త్రి గారూ, 'ఆంధ్రభారతి' కోసం ఎక్కడికో వెళ్ళే పని లేదు. మన బ్లాగులోనే కుడివైపు 'లింకులు' అన్న వర్గంలో 'ఆంధ్రభారతి - నిఘంటుశోధన' అన్న లింకు క్లిక్ చేస్తే సరి!
ఈ సుళువును శ్రీయుతులు కామేశ్వర రావు గారే సూచించి యుండిరి. కానీ ఆరు నెలల క్రితం నేను శంకరాభరణం లో ప్రవేశించినప్పటికే laptop వాడుట మానివేసియుంటిని. నా Android Samsung smart phone లో ఎంత వెదికినా లింకులేవీ కనిపించ లేదు. ఈరోజు laptop మరలా తెరవగానే అద్భుతమగు లింకులన్నీ విరబూసినవి. ధన్యవాదములు!!!
శాస్త్రి గారూ, ఆండ్రాయిడ్ ఫోనులోను ఆంధ్రభారతిని చూడవచ్చు. బ్లాగును తెరచి, పేజీకి క్రింద ఉన్న 'వెబ్ సంస్కరణలను చూడుము' అన్నదానిని క్లిక్ చేయండి. మన డెస్క్ టాప్ లేదా లాప్ టాపులో కనిపించే విధంగానే శంకరాభరణం పేజీ కనిపిస్తుంది. కుడివైపున లింకుల్లో ఆంధ్రభారతి కనిపిస్తుంది. దానిని క్లిక్ చేయండి.
కరికుల నాధు చేయు మొర కైటభవైరి యెరింగి వెంటనే పరుగులు దీయుచున్ జనెను భక్తుని బ్రోవగ, విష్ణు వెంటనే పరుగిడు శంఖ చక్రముల, భార్యను లక్ష్మిని, వాహనంబ గా గరుడుని చూచినంత హరి గ్రక్కున మ్రొక్కె వినమ్రమూర్తియై
శరణమ్మిమ్మని గోరుచు
రిప్లయితొలగించండిసురపతి యాసనము జుట్టి శోకము దాల్చన్
హరి పిలువగ వడి జనియెడు
గరుడుని హరి చూచినంత గ్రక్కున మ్రొక్కెన్
హరి = విష్ణువు
హరి = సర్పము
ప్రభాకర శాస్త్రి గారూ,
తొలగించండిహరి శబ్దానికి ఉన్న నానార్థాలతో చక్కని పూరణ చెప్పారు. అభినందనలు.
__/\__
తొలగించండి
రిప్లయితొలగించండిఅరగన్నున పిలిచెనహో
గరుడుని హరి, చూచినంత గ్రక్కున మ్రొక్కె
న్నరుణానుజుండు చక్రికి,
జిరజిర రెక్కల విదల్చి సిద్ధంబాయెన్ !
జిలేబి
జిలేబీ గారూ,
తొలగించండివిరుపుతో చక్కని పూరణ చెప్పారు. 'అరుణానుజుడు' అనడం బాగుంది. అభినందనలు.
కం: హరి వానరగుమితో ఉలి
రిప్లయితొలగించండిమిరి కట్టదలచి వందనమిడ, వేగముగా
దరిచేరు చున్నఆ సా
గరుడుని హరి చూచినంత గ్రక్కున మ్రొక్కెన్
ఉలిమిరి = సేతువు వానర గుమి = వానరమూక
లంక దాటుటకు వానరమూకతో సేతువు కట్టదలచి శ్రీరాముడు సముద్రమును ప్రసన్నత కోరుచు మనసులో వందన మిడగా సముద్రుడు వెంటనే దర్శన మీయ శ్రీరాముడు వేగమే వందన మిడెను
మీ ప్రయత్నం ప్రశసార్హం. కాని 'వానరగుమి' అనడం దుష్టసమాసం. 'ఉలిమిరి' అంటే వృక్షవిశేషమని నిఘంటువులు చెప్తున్నవి. సేతువు అన్న అర్థం లేదు. రెండవపాదం మూడవ గణం నలం కాని జగణం కాని ఉండాలి. మీరు భగణం వేశారు. 'సాగరుని' అనడం సాధువు. 'సాగరుడుని' అనరాదు.
తొలగించండి(మీరు నేమాని సోమయాజులు గారే కదా! నాగమణి గారి మెయిల్ నుండి పంపినప్పుడు పూరణకు ముందు కాని తరువాత కాని మీ పేరు టైప్ చేయండి. నాకు సందిగ్ధత ఉండదు.
అన్నట్టు... వంగూరు ఫౌండేషన్ వారి పురస్కారం పొందిన అట్లాంటా వాసి మీరేనా? అయితే అభినందనలు).
నమస్కారములు రెండవ పాదములో పొరపాటు జరిగినది. క్షమించండి. వానరగుమి దుష్ట సమాసమని తెలియక వాడాను. శ్రీ శబ్ద రత్నాకరము (బహుజపల్లి వారిది) 939 వ పేజిలో సేతువు అన్న నీటి కట్ట, ఉలిమిరి అని వున్నది. అందువల్ల ఉపయోగించాను. సాగరుడుని అని వాడకూడదని తెలియదు. సరిదిద్దు కొంటాను. పూసపాటి కృష్ణ సూర్య కుమార్
తొలగించండిఈ కామెంట్‌ను రచయిత తీసివేశారు.
తొలగించండిడా.పిట్టా
రిప్లయితొలగించండిహరినెరుగును తన రెక్కల
పరిపాటిగ బూన గ్రద్ద పయనము గరపున్
సరినెదురుగ తన రాకన
గరుడుని హరి చూచినంత;గ్రక్కున మ్రొక్కెన్
డా.పిట్టా
రిప్లయితొలగించండిబరువది వెన్క వెన్కనగు వాహక ధర్మము ముందు చూపగున్
హరినట గాంచ వీలగునె హాయిని గొల్పుట గ్రద్ద వంతగున్
సరినొక సారి పూనికన చక్కగ ముందుకు వచ్చి ప్రేమమై
గరుడుని చూచినంత హరి;గ్రక్కున మ్రొక్కె వినమ్ర మూర్తియై!
పిట్టా సత్యనారాయణ గారూ,
తొలగించండిమీ రెండు పూరణలు బాగున్నవి. అభినందనలు.
డా.పిట్టా
రిప్లయితొలగించండిఆర్యా,అభినందనలు మీకును మన కవి మిత్రులకు!
ఉగాది,నవరత్నాలు,మూడేసి పద్యములు,27నక్షత్రాలు.మంచి ప్రణాళిక.ఆ పద్యాలను బ్లాగు ద్వారా ప్రకటిస్తారని ఆశిస్తాను.
ధన్యవాదాలండీ!
తొలగించండినా పద్యాలను నిన్ననే ప్రకటించాను. మిగిలిన కవిమిత్రుల పద్యాలు కుందావఝ్ఝల వారి వద్ద ఉన్నవి. వారు వాటిని పుస్తకంగా ప్రచురించే ఆలోచనలో ఉన్నారు.
డా.పిట్టా (contd.)ఆర్యా,
రిప్లయితొలగించండిఇక 12మంది ఆస్వాదకులు ఉంటే చాలనుకొని సహృదయులు భావించి భాషానిలయంలో నమోదైన సెల్సుకు గూడా పిలుపు ,మనవారికి మనవారి పిలుపు చేకూరక పాతూరి పట్టే కొనసాగింది.స.కుఅకు తేడానెంచకూడదు కదా!
ఆ విషయమే నిన్న ఎవరో అడిగితే "అన్ని పేపర్లలో వేశాం కదా! ఎవరికీ వ్యక్తిగతంగా ఫోన్ చేసి పిలువలేదు" అన్నారు సహృదయ సభ్యుల్లో ఒకరు.
తొలగించండిఈ కామెంట్‌ను రచయిత తీసివేశారు.
రిప్లయితొలగించండిసురగణముల బ్రోచుటకై
రిప్లయితొలగించండియురువేగముతోడ నేగు నుత్సాహముతో
నిరుపమ బలసంయుతు డగు
గరుడుని హరి చూచినంత గ్రక్కున మ్రొక్కెన్.
హ.వేం.స.నా.మూర్తి.
మూర్తి గారూ,
తొలగించండిబాగుంది మీ పూరణ. అభినందనలు.
ఇక్కడ 'హరి' అంటే ఇంద్రుడే కదా?
సరగున నమృతము దొంగిలి
రిప్లయితొలగించండిసురపతి వజ్రాయుధమును జల్కన సేయన్
సరిలేని వీరుఁ డనుచును
గరుడుని హరి చూచినంత గ్రక్కున మ్రొక్కెన్
(హరి = ఇంద్రుఁడు)
సురగణ రాక్షణార్థ మయి సుంత విలంబము చేయకుండగా
రిప్లయితొలగించండినురుతరమైన వేగమున నొప్పుగ చేరుట కుత్సహించుచున్
వరబలధైర్యయుక్తు డగు వానిని శీఘ్రగుడౌ ఖగోత్తమున్
గరుడుని చూచినంత హరి, గ్రక్కున మ్రొక్కె వినమ్రమూర్తియై.
హ.వేం.స.నా.మూర్తి.
మూర్తి గారూ,
తొలగించండిఈ పూరణ చాలా బాగున్నది. అభినందనలు.
సిరి చేలాంచలము విడక
రిప్లయితొలగించండికరముల నాయుధములఁ గొన గలుగుట మఱపై
కరిఁ బ్రోవఁగ బిరబిరఁ జన
గరుడుని హరి చూచినంత, గ్రక్కున మ్రొక్కెన్
సహదేవుడు గారూ,
తొలగించండిమీ పూరణ బాగున్నది. అభినందనలు.
ఇరవుగ రమ్మని బిలిచెను
రిప్లయితొలగించండిగరుడుని హరి చూచి నంత, గ్రక్కున మ్రొక్కెన్
గరుడుడు వచ్చుచు నతనికి
పరమాత్మా !వందనములు బాయకు నన్నున్
సుబ్బారావు గారూ,
తొలగించండివిరుపుతో మీ పూరణ బాగున్నది. అభినందనలు.
ఈ కామెంట్‌ను రచయిత తీసివేశారు.
రిప్లయితొలగించండిమురియుచు రతి మదనునితో
తొలగించండివిరిసిన నందన వనమున విహరించంగన్
హరిగొని గగనము దరలెడి
గరుడుని హరి చూచినంత గ్రక్కున మ్రొక్కెన్
హరి = చిలుక (రతీదేవి మన్మధుల వాహనము)
...టైపాటును సూచించిన డా. సీతాదేవి గారికి ధన్యవాదములు...
ప్రభాకర శాస్త్రి గారూ,
తొలగించండిమీ పూరణ బాగున్నది. అభినందనలు.
స్థిరమగుచిత్తముతోడను
రిప్లయితొలగించండితరలించగ నమృతము తన తల్లికి తొలగన్
వరవుడము, శూరుడౌ యా
గరుడుని హరి చూచినంత గ్రక్కున మ్రొక్కెన్
వరవుడముః దాస్యము, హరిః ఇంద్రుడు
అన్నపరెడ్డి సత్యనారాయణ రెడ్డి గారూ,
తొలగించండిమీ పూరణ బాగున్నది. అభినందనలు.
దురితుండు మేఘనాథుని
రిప్లయితొలగించండినరర్షభుల బంధనమ్ము నాగాస్త్రమ్ముం
ద్వరితము విఫలము సేసిన
గరుడుని హరి చూచినంత గ్రక్కున మ్రొక్కెన్
[హరి = కోతి, హనుమ]
సురవర వీరు లెల్లరను జోద్యము మీర పరాక్రమంబునం
బరుగిడఁ జేసి మాతృ హిత బద్ధుడు వేగ సుధారసమ్ము దాఁ
గరమునఁ బూని పోవు తరిఁ గశ్యప సూనుడు నమ్మహాత్మునిన్
గరుడునిఁ జూచినంత హరి గ్రక్కున మ్రొక్కె వినమ్రమూర్తియై
[హరి = ఇంద్రుఁడు]
పూజ్యులు కవివర్యులు విజ్ఞులు శ్రీ కామేశ్వర రావు గారు:
తొలగించండిమీరు సూచించే వరకు "ఆంధ్ర భారతి" యన్న ఒక కామధేనువున్నదని నాకు తెలియదు. ఆ రోజు నుండీ నేను హనుమంతుని వలె తోక విప్పితిని. కృతజ్ఞతతో శతసహస్ర వందనములు...
శాస్త్రి గారు నమస్సులు. అదే మన యదృష్టము. పూర్వ కవులకు లేనిదీ మనకున్నదీను.
తొలగించండికామేశ్వర రావు గారూ,
తొలగించండిమీ రెండు పూరణలు అద్భుతంగా ఉన్నవి. అభినందనలు.
*****
శాస్త్రి గారూ,
'ఆంధ్రభారతి' కోసం ఎక్కడికో వెళ్ళే పని లేదు. మన బ్లాగులోనే కుడివైపు 'లింకులు' అన్న వర్గంలో 'ఆంధ్రభారతి - నిఘంటుశోధన' అన్న లింకు క్లిక్ చేస్తే సరి!
__/\__
తొలగించండిపూజ్యులు శంకరయ్య గారికి వందనములు. ధన్యవాదములు.
తొలగించండిపూజ్యులు శంకరయ్య గారు:
తొలగించండిఈ సుళువును శ్రీయుతులు కామేశ్వర రావు గారే సూచించి యుండిరి. కానీ ఆరు నెలల క్రితం నేను శంకరాభరణం లో ప్రవేశించినప్పటికే laptop వాడుట మానివేసియుంటిని. నా Android Samsung smart phone లో ఎంత వెదికినా లింకులేవీ కనిపించ లేదు. ఈరోజు laptop మరలా తెరవగానే అద్భుతమగు లింకులన్నీ విరబూసినవి. ధన్యవాదములు!!!
శాస్త్రి గారూ,
తొలగించండిఆండ్రాయిడ్ ఫోనులోను ఆంధ్రభారతిని చూడవచ్చు. బ్లాగును తెరచి, పేజీకి క్రింద ఉన్న 'వెబ్ సంస్కరణలను చూడుము' అన్నదానిని క్లిక్ చేయండి. మన డెస్క్ టాప్ లేదా లాప్ టాపులో కనిపించే విధంగానే శంకరాభరణం పేజీ కనిపిస్తుంది. కుడివైపున లింకుల్లో ఆంధ్రభారతి కనిపిస్తుంది. దానిని క్లిక్ చేయండి.
Wow!!!
తొలగించండిఇరవని జాటు మార్గమును నెంచుకు బోవుచు నుండగా నటన్
రిప్లయితొలగించండిగరుడుని చూచి నంత హరి గ్రక్కున మ్రొక్కె వినమ్ర మూర్తియై
పరమ విరోధి దానగుట పాము భయంబును నొంది యత్తఱి
న్న రయగ సాజమే గద వినమ్రతగాను జరించు టి ధ్ధరన్
సుబ్బారావు గారూ,
తొలగించండిమీ పూరణ బాగున్నది. అభినందనలు.
చరియించు సతము తనపై
రిప్లయితొలగించండివరియించు నరుదుగ నన్ను వాహనముగనే
పరివారమున ఘనుడనుచు
గరుడుని హరి జూచినంత గ్రక్కున మొక్కెన్
హరి = కోతి ఇచ్చట హనుమంతుడు
సీతాదేవి గారూ,
తొలగించండిమీ పూరణ బాగున్నది. అభినందనలు.
పరగడుపున చెరలాడుచు
రిప్లయితొలగించండిహరిమ్రింగగ హుంకరించి హాయన బోవన్
తరుముకు వచ్చిన తనరిపు
గరుడుని హరి జూచినంత గ్రక్కున మొక్కెన్!
మొదటి హరి కప్ప, రెండవ హరి పాము!
సీతాదేవి గారూ,
తొలగించండిమీ రెండవ పూరణ బాగున్నది. అభినందనలు.
శరవేగమ్మున వాసవు
రిప్లయితొలగించండిగురి జేయుచు తల్లి వినతకు నమృతమిడ భీ
కరమగు రణమున నెగ్గిన
గరుడుని హరి చూచినంత! గ్రక్కున మ్రొక్కెన్
(హరి = ఇంద్రుడు).
మరణమె మదిలో మెఱయును
గరుడుని హరి చూచినంత! గ్రక్కున మ్రొక్కెన్
శిరమును వంచుచు నా శ్రీ
హరిని గనిన పక్షిరాజు హర్షము తోడన్!
(హరి = పాము).
శ్రీధర రావు గారూ,
తొలగించండిమీ రెండు పూరణలు బాగున్నవి. అభినందనలు.
రిప్లయితొలగించండివరమయ నాకిది! వరదా!
ధరనేలెడి నిన్ను, నేను తరియించుటకై
సరమ గొనక మోయుదునను
గరుడుని, హరి జూచినంత గ్రక్కున మ్రొక్కెన్!
సరమగొను=శ్రమించు
శిష్ట్లా శర్మ గారూ,
తొలగించండిమీ పూరణ బాగున్నది. అభినందనలు.
కరికుల నాధు చేయు మొర కైటభవైరి యెరింగి వెంటనే
రిప్లయితొలగించండిపరుగులు దీయుచున్ జనెను భక్తుని బ్రోవగ, విష్ణు వెంటనే
పరుగిడు శంఖ చక్రముల, భార్యను లక్ష్మిని, వాహనంబ గా
గరుడుని చూచినంత హరి గ్రక్కున మ్రొక్కె వినమ్రమూర్తియై
లక్ష్మినారాయణ గారూ,
తొలగించండిమీ పూరణ బాగున్నది. అభినందనలు.
హరి,హరులుగలసినప్పుడు
రిప్లయితొలగించండిగరుడుని హరిచూచినంత గ్రక్కున మ్రోక్కెన్|
మరువని మర్యాదలతో
పరమేశుని హారమైన పామే విధిగా|
2.కరుణ కటాక్ష వీక్షణల కామిత సిద్ధికి రూప కల్పుడౌ
హరుడొక నాడు శ్రీహరి సహాయము గోరియువెళ్ళ?వెంటనే
గరుడుని జూచినంత హరి గ్రక్కున మ్రొక్కె-వినమ్రమూర్తియై|
ఎరుగరు వైర మెప్పుడును యేలెడి వారి సమక్ష మందునన్| {హరి=పాము}
ఈశ్వరప్ప గారూ,
తొలగించండిమీ రెండు పూరణలు బాగున్నవి. అభినందనలు.
'కరుణాకటాక్షము' అనడం సరియైనది.
హరిహరు లిద్దరు కలిసిరి
రిప్లయితొలగించండిసరదాగాముచ్చటాడి సమయము గడపన్
హరికే ప్రణమిల్లె హరుడు
గరుడుని హరిచూచినంత గ్రక్కున మ్రొక్కెన్
హరి=పాము
అరయగ పక్షివాహనుని యార్తిగ గొల్చిన భక్తకోటినే
వరములనిచ్చి బ్రోచు, ఖగవాహనుడందురు వాస్తవమ్మదే గదా
శరణము నీవెనంచు గరి సంకటమందున వేడగా ప్రభున్
త్వరపడి వెళ్ళబోయి తన దాపున యుండిన వాహనమ్మె యౌ
గరుడుని చూచినంత హరి, గ్రక్కున మ్రొక్కెను వినమ్రుడై
విరించి గారూ,
తొలగించండిమీ రెండు పూరణలు బాగున్నవి. అభినందనలు.
సరగున రమ్మని బిలువగ
రిప్లయితొలగించండిగరుడుని హరి, జూచినంత గ్రక్కున మ్రొక్కెన్
సురుచిరసుందరరూపుడు
పురుహూతికి భక్తితోడ భుజగాంతకమే!!!
శైలజ గారూ,
తొలగించండిమీ పూరణ బాగున్నది. అభినందనలు.
వరముల చేత దైత్యుఁడు జవంబున దుష్టకరత్వ కార్యముల్
రిప్లయితొలగించండిజరుపఁగ నీవెదిక్కనుచు చక్రిని వేడఁగ నిర్జరాళి యీ
శ్వరుని, దలంచి తాను హిమశైలము బోయెను చీరబంచి యా
గరుడుని, చూచినంత హరి గ్రక్కున మ్రొక్కె వినమ్రమూర్తియై
సంపత్ కుమార్ శాస్త్రి గారూ,
తొలగించండిమీ పూరణ ప్రశస్తంగా ఉంది. అభినందనలు.
వరమున బుట్టి తల్లికి నుపాస్తి దొలంగ సురా కరీర మం
రిప్లయితొలగించండిత రయమునన్ హరింప సురతాణి శతారము వేయ నంత స
త్వ రమొక యీక మాత్రమె విదల్ప గ్రహించి బలాఢ్యుడంచు నా
గరుడుని చూచి నంత హరి గ్రక్కు న మ్రొక్కె వినమ్ర మూర్తియై
తోపెల్ల బాలసుబ్రహ్మణ్య శర్మ గారూ,
తొలగించండిమీ పూరణ మనోహరంగా ఉంది. అభినందనలు.
నరునిగ హరి నిల మెలగుచు
రిప్లయితొలగించండిధరణిజ కై పెనగులాడ దశకంఠునితోన్
హరిపాశము విడిపించిన
గరుడుని హరి జూచినంత గ్రక్కున మ్రొక్కెన్
నా తమ్ముడు రవికిరణ్ తాతా చేసిన పూరణ.
రవికిరణ్ తాతా గారూ,
తొలగించండిమీ పూరణ బాగున్నది. అభినందనలు.
'హరి యిల' అనండి.
కరి విడిపింపబోవ , వెనుకన్ సిరి, శంఖముఁజక్రమున్ గదన్
రిప్లయితొలగించండిగరుడుని జూచినంత హరి., గ్రక్కున మ్రొక్కె వినమ్రమూర్తియై
యురగవిరోధి " సేవకుడనో మధుసూదన ! నీకు నేను , న..
న్నరయక బోవ భావ్యమగునా? కరుణింపు" మటంచు పల్కుచున్ !!
మైలవరపు మురళీకృష్ణ.. వెంకటగిరి
మురళీకృష్ణ గారూ,
తొలగించండిమీ పూరణ ఉదాత్తంగా ఉంది. అభినందనలు.
బరువగు నీదు రెక్కలను బారెడు జాపగ మూర్ఛవచ్చెనే
రిప్లయితొలగించండితిరమగు నీదు చూపులును తీక్ష్ణపు గోరులు భీతిగొల్పెనే
చురుకగు నీదు ముక్కునహ చూడగ గుండియ లాగునంచు నా
గరుడుని చూచినంత హరి గ్రక్కున మ్రొక్కె వినమ్రమూర్తియై
హరి = పాము