కవిమిత్రులారా,
ఈరోజు పూరించవలసిన సమస్య ఇది....
"స్త్రీలకు మ్రొక్కినఁ ధనమును శ్రేయముఁ గల్గున్"
లేదా...
"స్త్రీలకు మ్రొక్కినన్ ధనము శ్రేయము శౌర్యము గల్గు నిద్ధరన్"
(విజయవాడ శతావధానంలో గరికిపాటి వారు పూరించిన సమస్య. కొర్నెపాటి విద్యాసాగర్ గారికి ధన్యవాదాలతో)
ఈరోజు పూరించవలసిన సమస్య ఇది....
"స్త్రీలకు మ్రొక్కినఁ ధనమును శ్రేయముఁ గల్గున్"
లేదా...
"స్త్రీలకు మ్రొక్కినన్ ధనము శ్రేయము శౌర్యము గల్గు నిద్ధరన్"
(విజయవాడ శతావధానంలో గరికిపాటి వారు పూరించిన సమస్య. కొర్నెపాటి విద్యాసాగర్ గారికి ధన్యవాదాలతో)
కాలము మారెను లలనల్
రిప్లయితొలగించండిబేలలు కారింక గౌరవించు పురుషుడా
భూలోకపు దేవతలీ
స్త్రీలకు మ్రొక్కినఁ ధనమును శ్రేయముఁ గల్గున్
చంద్రమౌళి సూర్యనారాయణ గారూ,
తొలగించండిమీ పునరాగమనం ఆనందదాయకం. సంతోషం!
భూలోకపు దేవతలను గురించిన మీ పూరణ బాగున్నది. అభినందనలు.
శ్రీ లక్ష్మి ధనము నిచ్చును
రిప్లయితొలగించండిశ్రీ లలితకు మ్రొక్క నిచ్చు శ్రేయము సుఖముల్
మేలిమి తల్లులు సతులగు
స్త్రీలకు మ్రొక్కినఁ ధనమును శ్రేయముఁ గల్గున్
ప్రభాకర శాస్త్రి గారూ,
తొలగించండిధన శ్రేయాల నిచ్చే లక్ష్మీపార్వతుల ప్రస్తావనతో మీ పూరణ చక్కగా ఉంది. అభినందనలు.
__/\__
తొలగించండికాలరు నెగరే యకనిక
రిప్లయితొలగించండిడాలరు యెన్నులును పౌండ్లు ఢమఢమ లాడే
వాలెట్లు పాకెటులు గల
స్త్రీలకు మ్రొక్కినఁ ధనమును శ్రేయముఁ గల్గున్!
శాస్త్రి గారూ,
తొలగించండిసంపన్నురాలైన స్త్రీల వల్ల ప్రయోజనాన్ని తెలుపుతున్న మీ రెండవ పూరణ బాగున్నది. అభినందనలు.
__/\__
తొలగించండిడాలరు మోజున వనితలు
రిప్లయితొలగించండికాలము తోపరుగు లిడుచు కలవర పడగన్
విలువల మాటున మమతల
స్త్రీలకు మ్రొక్కినఁ ధనమును శ్రేయముఁ గల్గున్
అక్కయ్యగారూ మూడవపాదారంభం గురువు పడలేదనుకుంటా
తొలగించండిఅవునుకదా ధన్య వాదములు .ఈమధ్య మతిమరుపు ఎక్కువ ఐపొఇంది .పెద్ద ఐపోయాను కదా
తొలగించండి----------------------------------
డాలరు మోజున వనితలు
కాలముతో పరుగు లిడుచు కలవర మందున్
చాలని విలువగు ప్రేమల
స్త్రీలకు మ్రొక్కినఁ ధనమును శ్రేయముఁ గల్గున్
అక్కయ్యా,
తొలగించండిప్రేమ గల స్త్రీని గురించిన మీ పూరణ బాగున్నది. అభినందనలు.
శీలవతు లౌచు వ్రతముల
రిప్లయితొలగించండిమేలౌ పతిసేవ యంచు మేదినిలో నే
కాలము చరియించెడి యా
స్త్రీలకు మ్రొక్కినఁ ధనమును శ్రేయముఁ గల్గున్.
మేలగు నోము లన్నిటను మేదిని లోపల భర్తృ సేవయే
కాలము మారనేమి యని గట్టిగ నమ్ముచు నాత్మ నాథునిన్
శీలమె భాగ్యమై వెలుగ జేరుచునుండు గుణాఢ్యలైన యా
స్త్రీలకు మ్రొక్కినన్ ధనము శ్రేయము శౌర్యము గల్గు నిద్ధరన్.
హ.వేం.స.నా.మూర్తి.
హరి వేంకట సత్యనారాయణ మూర్తి గారూ,
తొలగించండిసచ్చీలవతుల గురించిన మీ రెండు పూరణలు చాలా బాగున్నవి. అభినందనలు.
డా.పిట్టా సత్యనారాయణ
రిప్లయితొలగించండినేలకుగల యోపికకై
బాలల ప్రభవంపు భారవహ వేదనకై
మేలు, పతివ్రత దీక్షకు
స్త్రీలకుమ్రొక్కిన ధనమును శ్రేయము గల్గున్
డా.పిట్టా
రిప్లయితొలగించండినేలను దేవతల్ గలుగ నింగిని జూడకు పూజ జేయగా
పాలను జేరదా పెరుగు భవ్య ఘృతంబును,గాచి చూడు పా
పాలను జేయ వారియెడ భద్రత నీ జగమందు గాన వా
స్త్రీలకుమ్రొక్కినన్ ధనము శ్రేయము శౌర్యము గల్గు నిద్ధరిన్
డా. పిట్టా సత్యనారాయణ గారూ,
తొలగించండిమీ రెండు పూరణలు చక్కగా ఉన్నవి. అభినందనలు.
డా.పిట్టానుండి,ఆర్యా, కృతజ్ఞతలు.
తొలగించండి
రిప్లయితొలగించండిబాలకుమారా! వినుమో
యీ ! లోలకము వలె తిరుగు యింతుల కున్నూ
మాలోకంబై చుట్టెడు
స్త్రీలకు మ్రొక్కినఁ ధనమును, శ్రేయముఁ గలుగున్
జిలేబి
జిలేబీ గారూ,
తొలగించండిబాగుంది మీ పూరణ. అభినందనలు.
'ఇంతులకున్నూ' అనడం వ్యావహారికం. '...యింతులకు కడున్। మాలోకంబై..' అనండి.
కూలీలు నమ్రు లౌచును
రిప్లయితొలగించండివాలిన మర్యాదతోడ భాగ్య విధాతల్
మేలొన రించరె యని మే
స్త్రీలకు మ్రొక్కినఁ ధనమును శ్రేయముఁ గల్గున్.
హ.వేం.స.నా.మూర్తి.
మూర్తి గారూ,
తొలగించండిమీ 'మేస్త్రీల' పూరణ వైవిధ్యంగా, అద్భుతంగా ఉంది. అభినందనలు.
రిప్లయితొలగించండిబాలకుమార! లోలకపు పాటిగ తానగుచూ ధనమ్ము సం
చాలన మెల్ల గూర్చి సహ చర్యము గాను జిలేబి బోలు నా
రీ,లవ లేశ మైన తను రీఢము గాన క సేవ గానెడున్
స్త్రీలకు మ్రొక్కినన్ ధనము శ్రేయము శౌర్యము గల్గు నిద్ధరన్
జిలేబి
జిలేబీ గారూ,
తొలగించండిమీ వృత్త పూరణ బాగున్నది. అభినందనలు.
'తానగుచున్' అనండి.
మేలిమి చేతల లేమలు
రిప్లయితొలగించండివీలుగ ధర్మాచరణను వీడక నెపుడున్
మేలును దలపోయుదు రా
స్త్రీలకు మ్రొక్కిన ధనమును శ్రేయము గల్గున్
మేలిమి చేతలన్, ముదము మెండుగ పొందగ సంప్రదాయమున్
రిప్లయితొలగించండివీలుగ ధర్మరక్షణను, వీడక బంధుజనాళి క్షేమమున్
దేలుచు భక్తివార్దినురు దీప్తిని, కోరుచు లోకరీతి నా
స్త్రీలకు మ్రొక్కినన్ ధనము శ్రేయము శౌర్యము గల్గునిద్దరన్
చేపూరి శ్రీరామారావు గారూ,
తొలగించండిమీ రెండు పూరణలు బాగున్నవి. అభినందనలు.
'వీడక' అన్నది కళ. కనుక 'వీడక యెపుడున్' అనండి.
మాలిన్యంబులనంటని
రిప్లయితొలగించండిస్త్రీలకుమ్రొక్కిన ధనమును శ్రేయము గల్గున్
బాలా! వినుమా యరయగ
గేలమునకు దొరక రట్టి గృహిణులు మనకున్
సుబ్బారావు గారూ,
తొలగించండిమీ పూరణ బాగున్నది. అభినందనలు.
శీలము గల్గు పూరుషులు జీవితమందున భక్తి తోడ శా
రిప్లయితొలగించండిర్దూలము నెక్కి యున్న వనదుర్గను గొల్చెడి రీతి మేటి ప
ద్మాలను కూర్చి, జన్మ నిడి ధన్యతఁ గూర్చిన మాతృమూర్తులౌ
స్త్రీలకు, మ్రొక్కినన్ ధనము శ్రేయము శౌర్యము గల్గు నిద్ధరన్
ఫణికుమార్ తాతా గారూ,
తొలగించండిమాతృదేవతను గురించిన మీ పూరణ అద్భుతంగా ఉన్నది. అభినందనలు.
గురువుగారూ నమస్సులు. ధన్యవాదములు.
తొలగించండి
రిప్లయితొలగించండిపిన్నక నాగేశ్వరరావు.
ఏ లోపము లేకుండగ
సాలోచనగా కుటుంబ సంక్షేమముకై
కీలకముగ పని చేసెడు
స్త్రీలకు మ్రొక్కిన ధనమును శ్రేయముగల్గున్.
**********************************
పిన్నక నాగేశ్వర రావు గారూ,
తొలగించండికుటుంబ సంక్షేమ కారిణి గురించిన మీ పూరణ బాగుంది. అభినందనలు.
ఈ కామెంట్‌ను రచయిత తీసివేశారు.
రిప్లయితొలగించండికాలానుగుణము నవనీ
తొలగించండిపాలామ్నాయ గురుజన కృపారస సుర స
జ్జాల సురుచిర విశాలా
స్త్రీలకు మ్రొక్కినఁ ధనమును శ్రేయముఁ గల్గున్
[అస్త్రీ+ఇల = అస్త్రీల: అస్త్రి “న” కారాంత పుంలింగము
అస్త్రి : అస్త్రమును ధరించిన వాడు, ఇల : భూమి: అస్త్ర ధారి యొక్క భూమి.
“అస్త్రధారి (విష్ణువు) యొక్క భూమి ని గొల్చిన” అను నర్థమును తీసుకొన వచ్చును.]
శైలము నందు జన్మమట సత్వర మాయుమ శంభు పత్నినిం
బాల సముద్ర మందు నట పన్నుగ శ్రీసతిఁ గంజ పత్నినిన్
మేలగు భక్తి నుంచి మది మిన్నగ శక్తి రమా సరస్వతీ
స్త్రీలకు మ్రొక్కినన్ ధనము శ్రేయము శౌర్యము గల్గు నిద్ధరన్
పోచిరాజు కామేశ్వర రావు గారూ,
తొలగించండిమీ మొదటి పూరణ నారికేళ పాకమే. ముగ్గురమ్మలను ప్రస్తావించిన రెండవ పూరణ మధురంగా ఉంది. అభినందనలు.
పూజ్యులుశంకరయ్య గారికి వందనములు. ధన్యవాదములు.
తొలగించండిమొదటి పూరణ నారికేళ పాకమన్నారు కనుక నా భావమును దెలియ పరచుట భావ్యమని తలచి వ్రాయు చున్నాను. కృతకృత్యుడ నైతినో లేదో తెలుప గోర్తాను.
సందర్భానుసారముగా రాజ సమూహమును, పెద్దలను, దయామయులైన దేవతా బృందమును, యోగ్యము పరంధాముని భార్య యైన భూదేవిని పూజించిన శుభములు కల్గును.
కాలము లేవైన నిలను
రిప్లయితొలగించండివేలుపు లింతులె గృహమున విత్తము గూడన్
మాలిమి తోడను తమతమ
స్త్రీలకు మొక్కిన ధనమును శ్రేయము గల్గున్!
వేలుపులే వారలిలను
రిప్లయితొలగించండికాలానుగుణముగ ఋణము, కామిత మివ్వన్
పాలకులు కోశముల కా
స్త్రీలకు మొక్కిన ధనమును శ్రేయము గల్గున్!
అరుంధతీ భట్టాచార్య, చందా కొచ్చర్ వంటి బ్యాంకు అధికారులకు!
గుఱ్ఱం సీతాదేవి గారూ,
తొలగించండిమీ రెండు పూరణలు (రెండవది వైవిధ్యంగా ఉంది) బాగున్నవి. అభినందనలు.
అన్నట్టు... ఈమధ్య గుఱ్ఱం జనార్దన రావు గారు బ్లాగులో కనిపించడం లేదు. కారణం?
గురుదేవులకు నమస్కారము! జనార్దనరావుగారి విషయం నాకు తెలియదు!
తొలగించండినేను జి. పి. శాస్త్రి గారి సోదరిని!
మూలపు ముగుర౦బికలౌ
రిప్లయితొలగించండిస్త్రీలకు మ్రొక్కిన ధనమును శ్రేయము గల్గున్
పాలింతురు పోషింతురు
లోలో లీనమ్ము జేసి లోకము లెల్లన్
కెంబాయి తిమ్మాజీ రావు గారూ,
తొలగించండిముగురమ్మలను గురించిన మీ పూరణ బాగున్నది. అభినందనలు.
మేలగు జ్ఞానమిడు నొకతె
రిప్లయితొలగించండియాలిగ పతినంటియుండు నతివ యొకతెయున్
మేలిమి బంగార మొకతె
స్త్రీలకు మ్రొక్కినఁ ధనమును శ్రేయముఁ గల్గున్
భాగవతుల కృష్ణారావు గారూ,
తొలగించండిముగ్గురు స్త్రీమూర్తుల గురించిన మీ పూరణ బాగున్నది. అభినందనలు.
బాలకుమారి వింటివిగ భాస్కరు సెప్పిన నాపతి వ్రతా
రిప్లయితొలగించండిస్త్రీలకు మ్రొక్కినన్ధనము శ్రేయము శౌర్యము గల్గు నిధ్ధరన్
స్త్రీలను జూడగా దగును శ్రీలిడు దేవత వోలెనెప్పుడు
న్మేలగు నప్పుడే మనకు మేదిని బాగుగ నుండ వీలగున్
పోచిరాజు సుబ్బారావు గారూ,
తొలగించండిమీ పూరణ బాగున్నది. అభినందనలు.
లీలా విలాసినులెగద
రిప్లయితొలగించండిశ్రీలును శీలమ్ము ధైర్య క్షేమమ్ములకున్
మూలము, శ్రీత్రయములె యౌ
స్త్రీలకు మ్రొక్కిన ధనమును శ్రేయము గల్గున్
శ్రీలకు మూలమెవ్వరన జెప్పిరి పెద్దలు లక్ష్మియంచు, స
చ్చీలము నిచ్చు విద్దెలకు శ్రీకర కారిణి భారతాంబయే
శ్రీలలితేగదా జనుల చింతలు దీర్చెడు మాతయంచు నా
స్త్రీలకు మ్రొక్కినన్ ధనము శ్రేయము శౌర్యము గల్గు నిద్ధరన్
విరించి గారూ,
తొలగించండిదేవీత్రయాన్ని గురించిన మీ రెండు పూరణలు బాగున్నవి. అభినందనలు.
'లలిత+ఏ' అన్నపుడు యడాగమం వస్తుంది. సంధి లేదు. 'శ్రీలలితాంబయే జనుల...' అనండి.
గురువుగారు దయచేసి నా నిన్నటి పూరణ జూడగోరెదను!
రిప్లయితొలగించండిఆ వాణికి మునిమనుమడు
పావన పౌలస్త్యవంశ పాలన శ్రేష్ఠున్
బ్రోవగ యనుపమ దశరధ
రావణునకు బుత్రుడయ్యె రాముడయోధ్యన్!
రావణుడు=గొప్పధ్వని చేయువాడు
దశరధ రావణుడు= పది రధములు నడుపుతూ గొప్ప ధ్వని పుట్టించువాడు!
సీతాదేవి గారూ,
తొలగించండిమీ పూరణలోని 'లాజిక్కు' బాగున్నది. మంచి పూరణ. అభినందనలు.
………………………………….
రిప్లయితొలగించండిగు రు మూ ర్తి ఆ చా రి
,,,,,,,,,,,,,,,,,,,,,,,,,,,,,
కూలీలు వినయమున మే
స్త్రీలకుమ్రొక్కినధనమునుశ్రేయముకలుగున్
కూలీ జనముల యెడల దు
రాలోచన మున్న మేస్త్రి , య౦దడు వృద్ధిన్
గురుమూర్తి ఆచారి గారూ,
తొలగించండిమేస్త్రీలపై మీ పూరణ వైవిధ్యంగా చక్కగా ఉంది. అభినందనలు.
స్త్రీలు సమస్త లోకజన శిష్ట గరిష్ఠ పటిష్ట సంపదల్
రిప్లయితొలగించండిస్త్రీలె గదా పవిత్ర వర సేవిత లాలిత మాతృమూర్తు లా
స్త్రీలె గదా త్రిమూర్తులకు తేజము,శక్తి నొసంగు వారలా
స్త్రీలకు మ్రొక్కినన్ ధనము ,శ్రేయము,శౌర్యముఁ గల్గు నిద్ధరన్
ప్రసాద రావు గారూ,
తొలగించండిఅద్భుతమైన పూరణ. అభినందనలు.
మాలల వైభవ లక్ష్మికి
రిప్లయితొలగించండిశీలముగ నలంకరించి చేసి వ్రతము, తాం
బూళమొసఁగి ముత్తైదువ
స్త్రీలకు, మ్రొక్కిన ధనమును శ్రేయము గల్గున్
సహదేవుడు గారూ,
తొలగించండిముత్తైదువలతో మీ పూరణ చాలా బాగున్నది. అభినందనలు.
శ్రీలలితకు మ్రొక్కంగా
రిప్లయితొలగించండిస్త్రీలకు సౌభా గ్యమెల్ల చేకూరునిలన్
శ్రీలక్ష్మి యొసగును కలిమిని
స్త్రీలకు మ్రొక్కిన ధనమును శ్రేయము కలుగున్.
మేలగు నోముల నెల్ల స
కాలము నందున సతతము ఘనముగ చేయన్
మేలగు వరముల నొసగెడు
స్త్రీలకు మ్రొక్కిన ధనమును శ్రేయము శీఘ్రమె కలుగున్.
సోదరీ.. డా. బల్లూరి ఉమాదేవీ!
తొలగించండిరెండు మూడు రోజులుగా ఒకటే ఆలోచన... ఈ సోదరుని మీద అలిగారా అని! ఈమధ్య తరచుగా బ్లాగులో పద్యాలు వ్రాయడం లేదు. ఆమధ్య మీరు రాత్రి పొద్దు పోయిన తర్వాత మీ పూరణలను పోస్ట్ చేయడం, అప్పటికే నేను నిద్రపోవడం, మరునాడు గతదినం పోస్ట్ చూడక పోవడం ఎక్కువసార్లు జరిగింది. మిమ్మల్ని బాధపెట్టి ఉంటే మన్నించండి.
ఈనాటి మీ రెండు పూరణలు బాగున్నవి. అభినందనలు.
మొదటి పూరణలో 'మ్రొక్కంగా' అంటే వ్యావహారికం. 'మ్రొక్కంగన్' అనండి. మూడవ పాదంలో ఒక లఘువు ఎక్కువయింది. '..యొసగు కలిమిని (లేదా) ..యొసగును కలిమి' అనండి.
క్రొవ్విడి వెంకట రాజారావు:
రిప్లయితొలగించండిమొన్నటి పూరణ::
ఏపారిరి సుచరితలై
తాపము లెన్నియొ భరించి తరుణు లిరువురున్
ప్రేపు నయోనిజలౌ యా
ద్రౌపది సీతయును నొక్క తండ్రికి సుతలే
నిన్నటి పూరణ:
దావరియగు నా యింద్రజి
రావణునకు బుత్రు డయ్యె; రాముడయోధ్యన్
కైవడి గూడిన నరునిగ
రావణ వధకై జనించె రంజన మిడగన్
నేటి పూరణ:
వాలకమగు గుణములతో
శీలముగల నిలువడి నిల చెలగెడి ధ్రువలై
డాలించెడి వారగునౌ
స్త్రీలకు మొక్కిన ధనమును శ్రేయము గలుగున్
క్రొవ్విడి వేంకట రాజారావు గారూ,
తొలగించండిమీ మూడు పూరణలు బాగున్నవి. అభినందనలు.
మొదటి పూరణలో ప్రేపు...? దానికి ఉషఃకాల మని నిఘంటువు చెప్తున్నది.
కాలపరీక్షల కోర్చుచు
రిప్లయితొలగించండిమేలగు పరిశోధనలను మీరిన తెలివిన్
మేలిమి ఫలముల నిడు శా
స్త్రీలకు మొక్కిన ధనము శ్రేయము గూర్చున్
శాస్త్రీలు=శాస్త్ర వేత్తలు
సీతాదేవి గారూ,
తొలగించండివైవిధ్యంగా పూరించాలన్న మీ ఉత్సాహం ప్రశంసింపదగినది. పద్యం వరకు నిర్దోషంగా బాగున్నది. కాని 'శాస్త్రి'కి బహువచనం 'శాస్త్రులు' అవుతుంది.
గురుదేవులకు ధన్యవాదములు!🙏🙏🙏🙏
తొలగించండిమేలగు పూజలు చేసిన
రిప్లయితొలగించండికాలానుగుణమగు మేలు కలుగనిచో నా
బేల కడు భక్తిని పుని
స్త్రీలకు మ్రొక్కినఁ ధనమును, శ్రేయముఁ గలుగున్
అన్నపరెడ్డి సత్యనారాయణ రెడ్డి గారూ,
తొలగించండిపుణ్యస్త్రీలను గురించిన మీ పూరణ బాగున్నది. అభినందనలు.
పుణ్యస్త్రీ.. పునిస్త్రీ అని రూపాంతరంగా చెప్పినా అది సాధువు కాదు. బ్రౌణ్యం, శ్రీహరి నిఘంటువుల్లో ఉన్నా అది కేవలం వ్యావహారికం అని గమనించండి. 'బేల కడు భక్తి పుణ్య।స్త్రీలకు...' అనండి.
కోలాహలపు ధనికులను
రిప్లయితొలగించండిగాలమ్ముల బట్టి తిరుగుచు కారులన న్నీ
కాలపు రణగొణపణ "శా
స్త్రీ"లకు మ్రొక్కినఁ ధనమును శ్రేయముఁ గల్గున్
ప్రభాకర శాస్త్రి గారూ,
తొలగించండిమీ పద్యం భావం బోధపడలేదు. రెండవ పాదంలో ఒక లఘువు ఎక్కువయింది. 'అన్నీ' అనడం వ్యావహారికం. 'అన్నియు' అనడం గ్రాంధికం. గమనించగలరు.
నిజమే! ఒక లఘువు ఎక్కువైనది. "నన్నీ కాలపు = నన్ + ఈ కాలపు". నా భావము ఈ కాలపు పురోహితుల వైభవము ఎనలేనిది అని. పాపాలు ఎక్కువైతే పూజలకు డిమాండు కూడా!
తొలగించండి__/\__
బిల్డర్ల గురించి
రిప్లయితొలగించండిమేలైన యిల్లుకట్టుట
కాలస్యమ్మైన వేళ కరమగు భక్తిన్
కాలాతీతమడగ మే
స్త్రీలకు మ్రొక్కినఁ ధనమును, శ్రేయముఁ గలుగున్
మేలగుపూజనమ్ములను మిక్కిలి శ్రద్ధగ నాచరించినన్
రిప్లయితొలగించండికాలము వెక్కిరించగ విఘాతములెన్నియొ గాసిబెట్ట తా
త్కాలిక కీడు కోలుపడ దానవవైరి భజించి దేవతా
స్త్రీలకు మ్రొక్కినన్ ధనము శ్రేయము శౌర్యము గల్గు నిద్ధరిన్
అన్నపరెడ్డి వారూ,
తొలగించండిమేస్త్రీలు, దేవతా స్త్రీలు ప్రస్తావింపబడిన మీ రెండు పూరణలు బాగున్నవి. అభినందనలు.
శ్రీ సి.వి.సబ్బన్న, శతావధానుల ఆత్మకు శాంతిచేకూరవలెనని ప్రార్థిస్తూ
రిప్లయితొలగించండిజబ్బ చరిచి పిలచితిరో
యబ్బుర పరచెడు కవిత్వమబ్బిన సీవీ
సుబ్బన్నను దివిజ కవులు?
నిబ్బరముగ వారి గెల్చి నేలకు దిగడే!
మంచి పద్యం. వారి ఆత్మకు శాంతి చేకూరుగాక!
తొలగించండిస్త్రీలే సిరిసంపదలై
రిప్లయితొలగించండిస్త్రీలే మనరక్ష గూర్చు చైతన్యులిలన్|
స్త్రీలన?దేవత మూర్తులు
స్త్రీలకు మ్రొక్కిన ధనమును,శ్రేయముగల్గున్|
2.స్త్రీలన?అమ్మలక్కలును,చింతను బాపెడి భార్య,చెల్లియల్
స్త్రీలన బాధ్యతాయుతమె చేరువ జేసెడిశక్తి యుక్తులే|
స్త్రీలన లక్ష్మి,పార్వతులు,చిన్మయ తత్వపువాణి వాక్కులే|
స్త్రీలకుమ్రొక్కినన్ ధనము,శ్రేయము శౌర్యముగల్గు నిద్ధరన్|
ఈశ్వరప్ప గారూ,
తొలగించండిమీ రెండు పూరణలు బాగున్నవి. అభినందనలు.
మూలపు టమ్మల రూపులు
రిప్లయితొలగించండిమేలిమి బంగరు నెలతలె మేదిని యందున్
తాలిమి గలిగిన వారౌ
స్త్రీలకు మ్రొక్కిన ధనమును శ్రేయము గల్గున్!!!
శ్రీలక్ష్మిని బూజించుచు
రిప్లయితొలగించండిచేలము గాజులను బెట్టి చిన్మయముగ తాం
బూలము పండ్లిడి పుణ్య
స్త్రీలకు,మ్రొక్కిన ధనమును శ్రేయము గల్గున్!!!
శైలజ గారూ,
తొలగించండిమీ రెండు పూరణలు చక్కగా ఉన్నవి. అభినందనలు.
శ్రీలనొసంగు శ్రీని హృది జేర్చెను శ్రధ్ధగ కౌస్తుభుండు యు
రిప్లయితొలగించండిన్మూలము జేయు రుద్రు డటు యోలమునన్ ధరియించె మాతన
న్నాలిని దాల్చె నాల్కపయి నాత్మభవు౦డను సత్యమున్ గనన్
స్త్రీలకు మ్రొక్కినన్ ధనము శ్రేయము శౌర్యము గల్గు నిధ్ధరన్
తిమ్మాజీ రావు గారూ,
తొలగించండిమీ తాజా పూరణ బాగున్నది. అభినందనలు.
కాలరు నెత్తుచున్ తిరిగి కన్నెలు బ్యాంకుల మోయుచుండిరే
రిప్లయితొలగించండిడాలరు లెన్నియో పడసి ట్రంపును కాల్చుకు తించునుండిరే
పాలన జేయుచున్ మురిసి వంగిన కాంగ్రెసు నేలుచుండిరే...
స్త్రీలకు మ్రొక్కినన్ ధనము శ్రేయము శౌర్యము గల్గు నిద్ధరన్