22, జులై 2017, శనివారం

సమస్య - 2417 (పతిని సహోదర యనుచు...)

కవిమిత్రులారా,
ఈరోజు పూరించవలసిన సమస్య ఇది...
"పతిని సహోదర యనుచు భవానియె పిలిచెన్"
(లేదా...)
పతిని సహోదరా! యనుచు పార్వతి పిల్చెను భారతంబునన్.

వైద్యం వేంకటేశ్వరాచార్యులకు ధన్యవాదాలతో వారిచ్చిన పూరణ....
సతి విను భారతార్థములు శ్రద్ధమెయిన్ వివరింతునంచు సం
గతి శివు డిట్లు పల్కె - మసకంబున ద్రౌపది వల్వలూడ్చుచో
పతులను వేడికొంచు నగుబాటయి తా నెలుగెత్తి  రుక్మిణీ
పతిని సహోదరా! యనుచు, పార్వతి! పిల్చెను భారతమ్మునన్.

87 కామెంట్‌లు:

  1. పతి గానివాడు భ్రాతయె
    మతమిది భారత పుడమిది
    మహనీయమ్మౌ...
    అతివను వెదకెడి సీతా
    పతిని సహోదర! యనుచు భవానియె పిలిచెన్

    రిప్లయితొలగించు
    రిప్లయిలు
    1. * దుష్ట సమాసము (భారత పుడమి) ను మన్నించవలె. విన సొంపు అనిపించినది.

      తొలగించు
    2. ప్రభాకర శాస్త్రి గారూ,
      శుభోదయం! మీ పూరణ బాగున్నది. అభినందనలు.
      "భరతావని యిది" అనండి.

      తొలగించు
  2. ఇతిహాసమ్ములు తెలిసిన
    యతి సులభము గద సమస్య లాలోచనలే
    ల? తరుణి సాగర పుత్రిక
    పతిని సహోదర యనుచు భవానియె పిలిచెన్.

    రిప్లయితొలగించు
    రిప్లయిలు
    1. విరించి గారూ,
      మీ పూరణ బాగున్నది. అభినందనలు.
      "తెలిసిన నతిసులభము..." అనండి.

      తొలగించు
  3. కతికితె యతకదు మనువని
    సతమత మాయెను సుదతులు సారూప్యము నన్
    వెతలను మరచియె తారా
    పతిని సహోదర ! యనుచు భవానియె పిలిచెన్

    రిప్లయితొలగించు
  4. మతిచెడి భస్మాసురు డురు
    గతి దరుముచు హరుదల నిడ గరమును జాపన్
    బతి కాపద బాపగ శ్రీ
    పతిని సహోదర యనుచు భవానియె పిలిచెన్.

    రిప్లయితొలగించు
  5. డా.పిట్టా
    సుతలనిరి "బ్రదరు బ్రదర"ని
    వెతలను గాపాడ నందు వెలయును పతియే
    జతగూడక ముందరనా
    పతిని సహోదర యనుచు "పార్వతి"Parvati"(ఫ్యార్ వఠి)పిలిచెన్!(ఆంగ్ల ఉచ్ఛారణ ()లలో

    రిప్లయితొలగించు
  6. డా.పిట్టా
    జతగొన బ్రదరే కజినౌ(cousin)
    మతినాంగ్లపు వావివరుస మాన్యమె సుమ్మీ!
    అతిగానొక మత మార్పిడి
    పతిని సహోదర యనుచు"భవాని"యె పిలిచెన్!(భవాని,పార్వతి కాదు,వ్యక్తిగత నామము)

    రిప్లయితొలగించు
  7. డా.పిట్టా
    సతమతమాయె భూతములు చల్లగ జేరగ గర్భమందు నా
    ర్జితగతి నుండ భూతపతి జీవసహంపుదరుండు నాశివుం
    డతడె పతౌట నిక్కమని డాసె తపంబున ; వ్యాప్తి నెంచి తా
    పతిని సహోదరా(సహ॥ఉదర# పొట్టకొట్టవచ్చినట్లు పైకి గనపడువాడు)యనుచు పార్వతి పిల్చెను భారతంబునన్!

    రిప్లయితొలగించు
    రిప్లయిలు
    1. డా. పిట్టా వారూ,
      వైవిధ్యమైన మీ మూడు పూరణలు బాగున్నవి. అభినందనలు.

      తొలగించు
    2. డా.పిట్టానుండి
      ఆర్యా,ధన్యవాదాలు

      తొలగించు

  8. అతులిత ప్రేమము తోడను
    పతితోనేతెంచి శేషి పరిణయమునకున్
    తా తోషముతో లక్ష్మీ
    పతిని సహోదర యనుచు భవానియె పిలిచెన్

    రిప్లయితొలగించు
  9. అతులిత వాత్సల్యంబున
    క్షితి జని గజదైత్యుద్రుంచి శివునిం గావన్
    నుతగుణు నార్తిహరున్ శ్రీ
    పతిని సహోదర! యనుచు భవానియె పిలిచెన్.
    హ.వేం.స.నా.మూర్తి.

    రిప్లయితొలగించు
    రిప్లయిలు
    1. సత్యనారాయణ మూర్తి గారూ,
      మీ పూరణ మనోహరంగా ఉంది. అభినందనలు.

      తొలగించు
  10. శృతులన్ విధాత బాసాడు
    కృతులన్ సoగీత విభావ గురుడే పలుకన్
    మతులే వరమగు మాలిని
    పతిని సహోదర యనుచు భవానియె పిలిచెన్
    పూరణ సవరిoచ వలెనని మనవి.

    రిప్లయితొలగించు
    రిప్లయిలు
    1. రావు గారూ, (మీ పూర్తి పేరు ఏమిటి?),
      మీ ప్రయత్నం ప్రశంసనీయం. కాని మొదటి రెండు పాదాలలో గణదోషం. రెండవ పాదంలో యతి తప్పింది. మీ భావం స్పష్టంగా లేదు. అందువల్ల పద్యానికి సవరణ సూచించలేకున్నాను. మరో ప్రయత్నం చేయండి.

      తొలగించు
  11. మితిమీరిన భస్మాసురుఁ
    జతురమతీ! గాల్చి మగని సంరక్షించన్
    నుతులివె కొనుమంచు రమా
    పతిని సహోదర! యనుచు భవానియె పిలిచెన్

    రిప్లయితొలగించు
  12. కుతకుతల విషమెగయ తము
    చతుర్గతిగ గిరిని మోయ సాగరమున నా
    పతిని గొనుమంటినని శ్రీ
    పతిని సహోదర! యనుచు భవానియె పిలిచెన్

    రిప్లయితొలగించు
  13. స్తుతులకు మెచ్చి గజాస్రువు
    ని తుందమున గూరుచుండె నీబావ,బహి
    ర్గతునిగ గావింపవె శ్రీ
    పతి! సహోదర! యనుచు భవానియె పిలిచెన్

    రిప్లయితొలగించు
    రిప్లయిలు
    1. తిమ్మాజీ రావు గారూ,
      మీ పూరణ బాగున్నది. అభినందనలు.
      'గజాసురుని... శ్రీపతిని...' అన్నచోట టైపాట్లు.

      తొలగించు
    2. గురుదేవులకువందనములు టైపు పొరపాట్లను
      సవరించిన పద్యము
      స్తుతులకు మెచ్చి గజాసురు
      ని తుందమున గూరుచుండె నీబావ,బహి
      ర్గతునిగ గావింపవె శ్రీ
      పతిని సహోదర! యనుచు భవానియె పిలిచెన్

      తొలగించు
  14. వెతలవి యెన్నినాళ్ళు విను వీపున నొప్పికి లేవు హోమియో
    పతిని సరైన మందు లిక వాడకు డబ్బు వృథా కదా రమా
    పతి కడ కేగి పొందు తగు వైద్యము వింటివె తగ్గు నేచురో
    పతిని సహోదరా! యనుచు పార్వతి పిల్చెను భారతంబునన్.

    (సరదాగా.....ఇక్కడ పార్వతి అనే అమ్మాయి...భారతం అంటే మన దేశంలో)

    రిప్లయితొలగించు
    రిప్లయిలు
    1. మిస్సన్న గారూ,
      మీ రూటే సపరేటు అని గతంలో ఎన్నోసార్లు అన్నాను. అన్నట్టే మీ పూరణలు వైవిద్యంగా, క్రొత్త పోకడలతో, ఔత్సాహిక కవులకు మార్గదర్శకంగా ఉంటాయి.
      అద్భుతమైన పూరణ. అభినందనలు.

      తొలగించు
    2. మీ అభిమానానికి కృతజ్ఞతలు.

      తొలగించు
  15. హితముగ కావలినిడు గణ
    పతిని సరిగొన జడధారి పరికేదముతో
    సుతుని బతికించమని శ్రీ
    పతిని సహోదర!యనుచు భవానియె బిలిచెన్!!!

    రిప్లయితొలగించు


  16. పతి రక్కసు యదరంబున
    వెతనుబడుచు నుండె నాదు వేదన కనుమా,
    పతిబిక్ష నిడుమనిరమా
    పతిని సహోదర యనుచు భవానియె పిలిచెన్

    గజాసురుని ఉదరాము నుమ్చి శివుని రక్ష్మించమని హరిని పార్వతి ప్రార్ధించెను

    రిప్లయితొలగించు
    రిప్లయిలు
    1. సూర్యకుమార్ గారూ,
      మీ పూరణ బాగున్నది. అభినందనలు.
      'రక్కసు నుదరంబున' అనండి.

      తొలగించు
  17. రిప్లయిలు
    1. పతి పెట్టెడు భాధల నా
      సతి కుంది యిక భరియించఁ జాలక దుఃఖా
      వృత మనమున ఘోరపు టా
      పతిని సహోదర యనుచు భవానియె పిలిచెన్

      [ఆపతి =ఆపద]


      సతతము మాకు నండగ విచారము లెల్లయు బాప నేర్తువే
      పతితము ధార్త రాష్ట్ర కృత పాప విచారము ఘోర మీ దురా
      గతమున నుండి కావు మని కంస నిషూదనుఁ గృష్ణు రుక్మిణీ
      పతిని సహోదరా! యనుచు పార్వతి పిల్చెను భారతంబునన్.

      [పార్వతి = ద్రౌపది]

      తొలగించు
    2. కామేశ్వర రావు గారూ,
      అబ్బురపరచే విరుపులతో సమస్యలను వినూత్నంగా, మనోహరంగా పూరించడంలో మీరు సిద్ధహస్తులు.
      మీ రెండు పూరణలు అద్భుతంగా ఉన్నవి. అభినందనలు.

      తొలగించు
    3. పూజ్యులు శంకరయ్య గారికి ప్రణామోత్తర ధన్యవాదములు.

      తొలగించు
    4. డా.పిట్టానుండి
      ఆర్యా,"దురాగతమున నుండి" కి సమానార్థము "దురాగతమునుండి"గా గ్రహించితి మీ ప్రయోగము చేయ వచ్చునని.

      తొలగించు
    5. ఉండిశబ్దము పరంబగునపుడు వలనకు ద్వితీయాసప్తములు ప్రాయికంబుగ నగు.
      వనమునుండి వచ్చె - వనమందుండి వచ్చె. ఊరినుండి వచ్చె - ఊరనుండి వచ్చె.

      సప్తమి యందు “”అందు, న” అనునవి రెండు కలవు. కావున రెండు వచ్చును. వనమందుండి; వనమున నుండి.

      వనమునుంచి, ధనమునుంచి యని యుంచి శబ్దాను ప్రయోగంబుతోఁ గొందఱు వ్యవహరించెదరు. గాని యది సాధుకవి ప్రయోగారూఢంబుగాదని యెఱుంగునది.

      తొలగించు
  18. అతి వైభవమ్ముగను తన
    పతిసోదరి పెండ్లి జేసి వావులు గూర్చన్
    సతిచేబట్టిన సీతా
    పతిని సహోదర యనుచు భవానియె పిలచెన్!

    లౌకిక సీత, భవానులు
    వావులు= చుట్టరికము ( వావి వరుసలు)
    'ఓరచూపు జూచేది న్యాయమా' యనేకీర్తనలో వావులు యనే మాటను శ్రీత్యాగరాజ స్వామి వాడారు!

    రిప్లయితొలగించు
  19. అతివను గూడి రాముడు జలాశ యతీరమునందు నీశునిన్
    సతమత మౌచు బ్రాహ్మణుని చంపె నటంచు క్షమింప గోరగన్
    వెతలిక వీడుమా! వలదు వేదన నీకని వల్కి జానకీ
    పతిని సహోదరా! యనుచు, పార్వతి పిల్చెను భారతమ్మునన్.


    భారతమ్మునన్ = భారత దేశమందు

    ఈ రామేశ్వరధామ పురాణము అవాల్మీకమని, తులసీదాసు రామాయణమందున్నదనీ వినికిడి.

    రిప్లయితొలగించు
  20. ఋతమే గద ముమ్మాటికి
    సతి పశుపతి నొకశరీర సగభాగములి
    ట్లుతలచి సబబనుచున్ తా
    పతిని సహోదర యనుచు భవానియె పిలిచెన్

    2.సతితను గెల్వ నెవ్వరిని సాహస రీతిన పోరె గాలుచే
    నతడు విశాఖు నేమనుచునార్తిగ బిల్చు ను నా జటాధరున్
    బతిగను బొంద గోరుచును ప్రార్ధన జేయుచు బిల్చె నెవ్వరా
    సతిపతి గొల్చి పాశుపత సాధన జేసె కిరీటి యేకథన్
    *పతిని* సహోదరా యనుచు* పార్వతి పిల్చెను *భారతంబునన్

    రిప్లయితొలగించు
  21. గురువు గారి పాదములకు నమస్సులు.
    హితమగు వాణీసుత దయ
    మతిరాజశ్రీయగునది మాన్యoబె సం
    తతమిచ్చు హాస సీతా
    పతిని సహోదర యనుచు భవానియె పలికెన్
    భవదీయుడు
    పoచరత్నం వేoకటనారాయణ రావు

    రిప్లయితొలగించు
  22. కుతకముతో సుభద్రనటు కోమలి పార్వతితోడ చోల్చుచున్
    సతతము ముద్దు జేయుగద శౌరి ప్రమోబదము మీర పార్థుడే
    యతిగను వచ్చెనం చెరిగియాతని సేవకు బంప నిందిరా
    పతినిసహోదరా యనుచు పార్వతి బిల్చెన్ భారతమ్మునన్
    వీటూరి భారతమ్మునన్

    రిప్లయితొలగించు
  23. కుతకమున హాలహాలమ్మును
    సతతము మ్రింగంగ బ్రదుకు జగములటంచున్
    నుతియించు నట్టి లక్ష్మీ
    పతిని సహోదర యనుచు భవానియె పిలిచెన్
    వీటూరి భాస్కరమ్మ

    రిప్లయితొలగించు
    రిప్లయిలు
    1. భాస్కరమ్మ గారూ,
      మీ రెండు పూరణలు బాగున్నవి. అభినందనలు.
      ఈరోజు టైపు దోషాలెక్కువయ్యాయి...'కుతుకము..బోల్చుచున్..ప్రమోదము...హాలహలమును'

      తొలగించు
  24. గతి తప్పిన భస్మాసురు
    చతురతతో సంహరించి శంభుని బ్రోవన్
    యతులిత భక్తిన్ లక్ష్మీ
    పతిని సహోదర యనుచు భవానియె పిలిచెన్!

    రిప్లయితొలగించు
    రిప్లయిలు
    1. శ్రీధర రావు గారూ,
      మీ పూరణ బాగున్నది. అభినందనలు.
      '..బ్రోవ। న్నతులిత...' అనండి.

      తొలగించు
    2. గురువర్యులకు వందనములు.సవరిస్తానండి, ధన్యవాదములు.

      తొలగించు
  25. రిప్లయిలు
    1. సహదేవుడు గారూ,
      మీ పూరణ బాగున్నది. అభినందనలు.
      'తోయలి' అన్నచోట 'దోయిలి' అని ఉండాలనుకుంటాను.

      తొలగించు
    2. గురుదేవులకు ధన్యవాదములు. సవరించిన పూరణ :

      దూతగ నెల్లలోకముల దోయిలి నందెడు రీతి నంధకా
      రాతికిఁ గోఁతి పుట్టె, రఘురాముని కైవడి సీత కైవడిన్
      జోతలువెట్ట నెల్లరు యశోన్నతుడై చిరజీవిగామనెన్
      వాత సుతుండు వ్యాకరణ పండితుడున్ బహు కార్యదక్షుడై

      తొలగించు
  26. సతులందరు పిలుతురు పర
    పతిని సహోదర యనుచు భవానియె పిలిచె
    న్నితరులతోబాటుగ దన
    పతి నిన్ దా బిలిచె నట్లు పరిహాసమునన్

    రిప్లయితొలగించు
    రిప్లయిలు
    1. సుబ్బారావు గారూ,
      మీ పరిహాస పూరణ బాగున్నది. అభినందనలు.

      తొలగించు
  27. ఈ కామెంట్‌ను రచయిత తీసివేశారు.

    రిప్లయితొలగించు
  28. అతిసమ్మోదంబున పశు
    పతిగూడుచు శుభముగ తన పరిణయ వేళన్
    సతితో నేతెంచిన నగ
    పతిని సహోదర యనుచు భవానియె బిలచెన్!

    నగపతి= మైనాకుడు

    రిప్లయితొలగించు
  29. ఇతరుల భార్యలు పురుషుల
    కతి ప్రియమగు చెల్లెలలయి కనుపించు ; నుమా
    పతికిన్ బావగు నాశ్రీ
    పతిని సహోదర యనుచు భవానియె పిలిచెన్

    రిప్లయితొలగించు
  30. సతమతమైతి కౌరవుని సాహసమున్ సభ నోర్చినంతటన్! 
    పతుల శిరమ్ములీ పగిది వాలగ నేలకు, దిక్కులేక యా
    శ్రితజన రక్షకా! రయమె శ్రీకర! కావుమటంచు రుక్మిణీ
    పతిని సహోదరా! యనుచు పార్వతి పిల్చెను భారతంబునన్ 
    ( పార్వతి = ద్రౌపది )

    రిప్లయితొలగించు
  31. మతకరి జూదమందునను మామకతమ్ము నుధిష్టిరుండ ధో
    గతికిచనన్, దురాత్ముడగు కౌరవ మూర్ఖుడు రెచ్చిపోవుచున్
    పతుల సమక్షమందున సభాభవనమ్మున చీర లాగ శ్రీ
    పతిని సహోదరా! యనుచు పార్వతి పిల్చెను భారతంబునన్

    రిప్లయితొలగించు
  32. క్రొవ్విడి వెంకట రాజారావు:

    పతులా ముగ్గురు గిరిజా
    పతి నింటను కూడిన వడి పద్మ నడుగుచున్
    స్థితి నెఱిగి మురిసి లక్ష్మీ
    పతిని సహోదర యనుచు భవానియె పిలిచెన్

    రిప్లయితొలగించు
  33. 9493846984 డా.బల్లూరి ఉమాదేవి.
    సతతము వరముల నొసగుచు
    దితిసుతులకునంతులేక దేవీపతియున్
    వెతలతనికెరాగా శ్రీ
    పతిని సహోదర యనుచు భవానియొ పిలిచెన్.

    రిప్లయితొలగించు
  34. అతనికి ప్రేమ పంచి వివహంబును జేస్కొనె, కాపురంబునన్
    ప్రతిహతి గల్గు వార్తెఱుక బర్చెను యాకశ రామనెవ్వడో
    పితరుని తమ్ము భార్యకును పెద్దయ పుత్రుడటంచు దెల్పగా
    పతిని సహోదరా! యనుచు పార్వతి పిల్చెను భారతంబునన్౹౹

    పార్వతి= ఒక స్త్రీ; భారతంబు = భారతదేశం

    రిప్లయితొలగించు
    రిప్లయిలు
    1. రఘురామ్ గారూ,
      మీ పూరణ బాగున్నది. అభినందనలు.
      'జేస్కొనె' అనడం సాధువు కాదు.

      తొలగించు
  35. పతులును మాయ జూతమున వంచన నోడగ దుస్ససేన దు
    ర్మతిగని ధర్మనిర్ణయ సులభ్యత జిక్కక భీష్ముడుండినన్
    పతితులు నిండు కూటమున వస్త్రము లూడ్వగ కావుమంచు శ్రీ
    పతిని సహోదరా! యనుచు పార్వతి పిల్చెను భారతంబునన్

    రిప్లయితొలగించు
  36. అక్కయ్య సీతాదేవి గారికి
    నమస్సులు.
    దోషమును సవరిoచి నoదులకు ధన్యవాదములు.

    రిప్లయితొలగించు
  37. క్షితిపై రఘుకుల భూషణు
    డతులిత పట్టమ్ము నందు నాహ్వానము స్వా
    గతమన జని ప్రభు సీతా
    పతిని సహోదర! యనుచు భవానియె పిలిచెన్

    రిప్లయితొలగించు