లక్ష్యము గొనుట విద్యార్థి లక్షణ ముప లక్ష్యము నిడుటయు గృహస్థ లక్షణమగు వీక్ష్యమును కాదు వారికి విందొసంగు భక్ష్యముల నాముదముతోడ వండఁ దగును
ఒకానొక కథలో గురుపత్ని ఎల్లప్పుడూ ఆముదముతో చేసిన పదార్థములను వడ్డించుచుండెడిది. ఒకరోజు విద్యార్థి గుర్తు పట్టగా ఆనాటితో విద్యాభ్యాసం పూర్తి అయిందని గురువు చెప్పడం జరుగుతుంది. అందువలన విద్యార్థులకు ఆముదముతో వంట చేయుట సమంజసమేనని చెప్పడం నా అభిమతము.
వసంత కిశోర్ గారూ, మీ పూరణ బాగున్నది. అభినందనలు. 'రెడ్డికీ, పిల్లలూ పెద్దలూ, ప్రముఖులూ' అని వ్యావహారికాలను ప్రయోగించారు. వాటిని హ్రస్వాంతాలుగా ప్రయోగించినా చందోభంగం కాదు.
నారాయణ రావు గారూ, శంకరాభరణం బ్లాగు మీకు స్వాగతం పలుకుతున్నది. మీ పూరణ బాగున్నది. అభినందనలు. మొదటి, రెండవ పాదాలలో గణదోషం. "...కడలియౌ నడవియందు... ఘృతముల ధరలు" అనండి.
మినుప గారెలు, జంతికల్, మేలు యరిసె
రిప్లయితొలగించండిలన్ని వండవచ్చును గదా లక్షణముగ
వెన్న కరిగించి నేతితో మన్ని కగ, అ
భక్ష్యముల నాముదముతోడ వండఁ దగును"
సూర్యకుమార్ గారూ,
తొలగించండిమీ పూరణ బాగున్నది. అభినందనలు.
లక్ష్యము గొనుట విద్యార్థి లక్షణ ముప
రిప్లయితొలగించండిలక్ష్యము నిడుటయు గృహస్థ లక్షణమగు
వీక్ష్యమును కాదు వారికి విందొసంగు
భక్ష్యముల నాముదముతోడ వండఁ దగును
ఒకానొక కథలో గురుపత్ని ఎల్లప్పుడూ ఆముదముతో చేసిన పదార్థములను వడ్డించుచుండెడిది. ఒకరోజు విద్యార్థి గుర్తు పట్టగా ఆనాటితో విద్యాభ్యాసం పూర్తి అయిందని గురువు చెప్పడం జరుగుతుంది. అందువలన విద్యార్థులకు ఆముదముతో వంట చేయుట సమంజసమేనని చెప్పడం నా అభిమతము.
గురువుగారూ నమస్సులు. నిన్నటి పూరణ.
తొలగించండిదంష్ట్రియె ధరణిని నిలిపెను
దంష్ట్రలపై; శంకరుండు తాండవ మాడెన్
దంష్ట్రిని ముందుగ జంపియు
దంష్ట్రిని దునుమాడు నింద్ర తనయుని కంటెన్
ఫణికుమార్ గారూ,
తొలగించండిమీ రెండు పూరణలు బాగున్నవి. అభినందనలు.
గురువుగారూ నమస్సులు. ధన్యవాదములు.
తొలగించండిఏ ముదము తోడ గణపతి నెటుల తెచ్చి
రిప్లయితొలగించండిపత్రి పూవులు కొనితెచ్చి పాలవెల్లి
కట్టి మంత్ర మరచెదమొ గట్టి గాను...
భక్ష్యములనా ముదముతోడ వండఁ దగును!
ప్రభాకర శాస్త్రి గారూ,
తొలగించండిమీ పూరణ వైవిధ్యంగా ఉంది. బాగుంది. అభినందనలు.
మంత్రం అరవడ మెందుకు? "కట్టి మంత్రముల్ పఠియింత్రు గట్టిగాను" అంటే ఎలా ఉంటుంది?
ధన్య వాదములు సార్!
తొలగించండిహృదయమంత పండుగ వేళ ముదము కలుగు
రిప్లయితొలగించండిపిల్ల పాపలు వచ్చిన పెరుగు ముదము
నిష్టమైన వారి కొఱకు కష్టమనక
భక్ష్యములనా ముదముతోడ వండఁ దగును!!
భక్ష్యములన్ + ఆ + ముదము
సత్యనారాయణ గారూ,
తొలగించండిమీ పూరణ బాగున్నది. అభినందనలు.
అందరికీ వందనములు !
రిప్లయితొలగించండిఅందరి పూరణలూ అలరించు చున్నవి !
అలరించ నున్నవి !
పెండ్లి వేడుక నందు :
01)
_____________________
పంచమీ తిథి నాడు - ప్రాభాత సమయాన
వాటిలో తిన్నెపై - వాటముగను
పగడాల వారింటి - బంగారు రెడ్డికీ
వరహాల వారింటి - వనిత తోడ
పంతుళ్ళ మంత్రాల - బాజాభజంత్రీల
పచ్చని పందిరిన్ - పరిణయమ్ము
పిల్లలూ పెద్దలూ - పేరున్న ప్రముఖులూ
విపరీతముగ వచ్చు - వీలు హెచ్చు !
పెండ్లి వేడుక బాల్గొన - ప్రియము తోడ
బంధు మిత్రులు వచ్చినన్ - పండుగె కద
విందు జేయగ వారికై - వివిధ రుచుల
భక్ష్యముల నా, ముదముతోడ - వండఁ దగును !
_____________________
వసంత కిశోర్ గారూ,
తొలగించండిమీ పూరణ బాగున్నది. అభినందనలు.
'రెడ్డికీ, పిల్లలూ పెద్దలూ, ప్రముఖులూ' అని వ్యావహారికాలను ప్రయోగించారు. వాటిని హ్రస్వాంతాలుగా ప్రయోగించినా చందోభంగం కాదు.
నేతి గారెలు బూరెలు ప్రీతి గాను
రిప్లయితొలగించండినూనె వంటలు తినుటకు నోచు కొనగ
నీటి కూరలు నారలు పోటి పడిన
బక్ష్యముల నాముదముతోడ వండ దగును
అక్కయ్యా,
తొలగించండిమీ పూరణ బాగున్నది. అభినందనలు.
కాని 'నీటి కూరలు నారలు...' అర్థం కాలేదు.
నమస్కారములు
తొలగించండి" నీటి కూరలు , నారలు ," అంటే , ఆనపకాయ, బీరకాయ, మున్నగునవి .ఇక నారలు అంటే " నారదబ్బకాయ, మాంసము మొదలైనవి " అని అదన్నమాట నాఉద్దేస్యము .
వ స తి గృహ ము న వసియిoచుబాలు డొక డు
రిప్లయితొలగించండివచ్చి తల్లి తో మెల్లగా వాంఛ దె లు ప
కోర్కె దీర్ప న ని యె గ దా కూరి మి గ ను
భక్ధ్మము ల నా ము ద ము తో వండగ ల ను
రాజేశ్వర రావు గారూ,
తొలగించండిమీ పూరణ బాగున్నది. అభినందనలు.
ఏమి చేయుచుంటివి లోన యింతి నీవు
రిప్లయితొలగించండిభక్ష్యములనా? ముదము తోడ వండ దగును
మాటి మాటికి యలిగెడు మగువ లకది
సాధ్య పడదంచు కలిగెనే శంక నాకు.
విరించి గారూ,
తొలగించండిప్రశార్థకమైన విరుపుతో మీ పూరణ వైవిధ్యంగా, మనోహరంగా ఉంది. అభినందనలు. "మాటికి నలిగెడు" అనండి.
………………………………………
రిప్లయితొలగించండిగు రు మూ ర్తి అ చా రి
,,,,,,,,,,,,,,,,,,,,,,,,,,,,,
పాచకుని గా౦చి యజమాని పలికె నిటుల
స్వామి ! నేటి మధ్యాహ్నము వ౦డు వ౦ట :-
భక్య్షములనా ? ముదము తోడ వ౦డ వలయు
నేతి తో గాల్చి | భుజియి౦త్రు ప్రీతి దనర
{ పా చ కు డు = వ౦టవాడు ,
= వ౦టబ్రాహ్మణుడు }
గురుమూర్తి ఆచారి గారూ,
తొలగించండిప్రశ్నార్థకమైన విరుపుతో మీ పూరణ బాగున్నది. అభినందనలు.
సంతసంబును గూర్చుచు సంతతంబు
రిప్లయితొలగించండిబంధు మిత్రుల సహవాస బంధనంబు
పెంచు నట్టివి ధరలోన నంచిత మగు
భక్ష్యములనా, ముదముతోడ వండఁ దగును.
హ.వేం.స.నా.మూర్తి
సత్యనారాయణ మూర్తి గారూ,
తొలగించండిమీ పూరణ బాగున్నది. అభినందనలు.
కన్నవారిని మరపించి కరుణతోడ
రిప్లయితొలగించండిమరచిపోలేని నిండైన మమతతోడ
తన్వి గురుకులశిష్యసంతతికి సకల
భక్ష్యములనా ముదముతోడ వండవలయు.
బాపూజీ గారూ,
తొలగించండిమీ పూరణ బాగున్నది. అభినందనలు.
చేరవచ్చిన సతితోడ చెప్పె భర్త;
రిప్లయితొలగించండి"అమ్మనాన్నలు వచ్చెద రతివ!నేడు;
చేతనైనంత బాగుగ చేయవలయు;
భక్ష్యములనా -ముదముగ వండదగును.
బాపూజీ గారూ,
తొలగించండిమీ పూరణ బాగున్నది. అభినందనలు.
పాడిపంటల నందించి పౌష్యలక్ష్మి
రిప్లయితొలగించండియందఁ జేయఁ నాత్మానంద మన్నపూర్ణ
తృప్తి సంక్రాంతి నాడు నైవేద్యమిడఁగ
భక్ష్యముల నా ముదముతోడ వండఁ దగును
సహదేవుడు గారూ,
తొలగించండిమీ పూరణ బాగున్నది. అభినందనలు.
ఈ కామెంట్‌ను రచయిత తీసివేశారు.
రిప్లయితొలగించండి
తొలగించండిపనికిరానిది లేదు ప్రపంచమందు
పొట్టునూనె, పొద్దుతిరుగు పూలవిత్తు
నూనెతోను పాకమొనర్చ నూతనముగ
భక్ష్యముల నాముదముతో వండదగును
తిన్నవారిగతి తిరుపతి పతియెరుగు!!!
సీతాదేవి గారూ,
తొలగించండిమీ పూరణ బాగున్నది. అభినందనలు.
భక్ష్యముల నాముదము తోడ వండ దగును
రిప్లయితొలగించండిబలుకు మీయది సత్యము, వండుదురట
నారి కేళపు తైలాన నాణ్యముగను
గొన్ని ప్రాంతాల యందున మిన్నగాను
సుబ్బారావు గారూ,
తొలగించండిమీ పూరణ బాగున్నది. అభినందనలు.
రిప్లయితొలగించండిపిన్నక నాగేశ్వరరావు.
పోషక పదార్థముల నన్ని పొందుపరచి
శుచికి ప్రాధాన్యమిచ్చుచు రుచిగ జేయ
పతియు పిల్లలు సంతోషపడుచు తినగ
తాను సంతృప్తి చెందు విధమ్ము నింట
భక్ష్యముల నా ముదము తోడ వండ
దగును.
****************************
నాగేశ్వర రావు గారూ,
తొలగించండిమీ పూరణ బాగున్నది. అభినందనలు.
క్రొవ్విడి వెంకట రాజారావు:
రిప్లయితొలగించండిపెద్ద వైద్యుడాయుర్వేద విఱుగుడందు
భక్ష్యముల నాముదముతోడ వండ దగును
మీకనుచు పథ్యముంజెప్పి ధూక నణచు
పొందు లన్నియు బల్కుచు ప్రోది బఱచె
(ధూక=అనారోగ్యము/రోగము)
రాజారావు గారూ,
తొలగించండిమీ పూరణ బాగున్నది. అభినందనలు.
భక్శ్యముల నాముదముతో డ వండద గు ను
రిప్లయితొలగించండికాని తిన్నట్టీవారికి కడు పునొప్పి
వాంతులు వి రే చ న ము ల వి బాధ పెట్ట
వైద్యు నొ ద్దకు వెళ్ళ గా వ ల యు న పుడు
రాజేశ్వర రావు గారూ,
తొలగించండిమీ పూరణ బాగున్నది. అభినందనలు.
అన్నపూర్ణ యంచుఁ దలతు రమ్మగువను
రిప్లయితొలగించండిబేర్మి తోడ పిలిచి యింటఁ బెట్ట బువ్వ
స్వజనులు దినఁ దృప్తిగఁ గల్గు సంతసమ్ము
భక్ష్యముల నా ముదము తోడ వండఁ దగును
కామేశ్వర రావు గారూ,
తొలగించండిమీ పూరణ బాగున్నది. అభినందనలు.
పసిడి కాంతుల కాంతలా మిసిమిచేత
రిప్లయితొలగించండిమల్లెవాసననెయ్యిలా?మరులుగొల్ప|
పెదవి కందెడి ముద్దులా మదికిదోచ?
“భక్ష్యములనా-ముదము”తోడ వండ దగును
తురుమువంకాయ,వడియాలు మరువబోని
రుచుల నందించు” వడ్డించ రూపవతియు
శోభ నంబగు మనసుకుసుఖము దినగ|
మరువబోనట్టి మమతలపొందువిందు|
ఈశ్వరప్ప గారూ,
తొలగించండిమీ పూరణ బాగున్నది. అభినందనలు.
అకట కష్టాల కడలి నడవి నoదు
రిప్లయితొలగించండిదదియు క్షీరము ఘృతమున్ ధరలు హెచ్చ
అతిథి రాగ నే ధారకున్ పాలు బోక
భక్ష్యముల నాముదముతోడ వండ దగును.
భవదీయుడు
పంచరత్నం వెoకట నారాయణ రావు
నమస్సులతో
నారాయణ రావు గారూ,
తొలగించండిశంకరాభరణం బ్లాగు మీకు స్వాగతం పలుకుతున్నది.
మీ పూరణ బాగున్నది. అభినందనలు.
మొదటి, రెండవ పాదాలలో గణదోషం. "...కడలియౌ నడవియందు... ఘృతముల ధరలు" అనండి.
లంచగొండియై పొంకించె లక్షలందు
రిప్లయితొలగించండివంటవాడనై నేనాత డింట కోరి
భక్ష్యములనా ముదముతోడ వండఁ? దగదు!
భక్ష్యముల నాముదముతోడ వండఁ దగును!
రఘురామ్ గారూ,
తొలగించండిమీ పూరణ బాగున్నది. అభినందనలు.
వలలు నట్టుల వంటలు వనిత లెపుడు
రిప్లయితొలగించండిభక్ష్యములు లడ్లు బూరెలు బహుముదమున
చేయ, రుచ్యములకు సాటి చెప్పనేల ?
భక్ష్యముల నాముదముతోడ వండఁ దగును
పై పద్యం కందంలో వ్రాయాలనే ఉత్సాహంతో
భక్ష్యములు లడ్లు బూరెలు
సాక్ష్యమ్మిడు రుచులు గలుగ, చక్కని వనుచున్
లక్ష్యము గొన ముదమున నా
భక్ష్యము లా ముదముతోడ వండంగదగున్
నిన్నటి సమస్యకు నా పూరణ
దంష్ట్రాయుధు రూపున మా
దంష్ట్రల బీకంగ పండితాఢ్యుడు దలుపన్
దంష్ట్రీ ! మముగావు మనగ
దంష్ట్రలపై శంకరుండు తాండవ మాడెన్
కృష్ణారావు గారూ,
తొలగించండిమీ రెండు పూరణలు బాగున్నవి. సమస్యను కందపాదంగా మార్చి చేసిన పూరణ కూడా చక్కగా ఉంది. అభినందనలు.
గారెలు, పులిహోర, బూరెలు ,యుండ్రాళ్ళు, కాజాలు ,జాంగ్రీలు, కజ్జి కాయ,
రిప్లయితొలగించండిజంతికల్,లడ్డూలు,చక్రపొంగళ్ళును,యరిసెలు,యప్పాలు, అరటి కాయ
బజ్జీలు, పూర్ణాలు,బాదము హల్వాయు, రవ్వకేసరి ,పకోడి ,రవ్వ లడ్లు
పాలకోవా,బర్ఫి,పరమాన్నము,జిలేబి,నువ్వుల యుండలు, గవ్వలు, వడి
యంబు, లప్పడముల్, పాయసంబు, మిర్చి
బజ్జి, యప్పాలు, కుడుములు ,వడలు సత్తి
పిండి ,మైసూరు పాకుయు, పెసర పునుగు
.సజ్జ యప్పాలు, బొబ్బట్లు, బొజ్జ కోరు.
జిహ్వ కురుచులు నిచ్చెడి జీడిపప్పు
పాకము మొదలైనవి వెన్న, నేతి తోడ
వండిన యెడల క్షేమంబు బడయు నట, అ
భక్ష్యముల నాముదముతో డ వండఁ దగును"
సూర్యకుమార్ గారూ,
తొలగించండిమీ విస్తృతమైన పూరణ వివిధ భక్ష్యాలతో విందు చేసింది. బాగున్నది. అభినందనలు.
వండరెచటను రుచులూరు వంటకముల
రిప్లయితొలగించండిభక్ష్యముల నాముదము తోడ! వండ దగును
వేరుశనగల నూనెనే విందు లందు!
కొందరేమొ కొబ్బరి నూనె కోరు కొంద్రు!
శ్రీధర రావు గారూ,
తొలగించండిమీ పూరణ బాగున్నది. అభినందనలు.
ముదము కానట్టి ముదము యాముదమన౦గ
రిప్లయితొలగించండిభక్షణీయము కానిద భక్ష్యమవగ
అనశనవ్రతము బూనిన జనులకొరక
భక్ష్యముల నాముదము తోడ వండ దగును
తిమ్మాజీ రావు గారూ,
తొలగించండిమీ పూరణ బాగున్నది. అభినందనలు.
'ముదము+ఆముదము' అన్నపుడు యడాగమం రాదు. అక్కడ "ముదమె యాముదమనంగ" అనండి.
ఈ కామెంట్‌ను రచయిత తీసివేశారు.
తొలగించండిగురుదేవుల సూచన మేరకు సవరించినపద్యము
తొలగించండిముదము కానట్టి ముదమె యాముదమన౦గ
భక్షణీయము కానిద భక్ష్యమవగ
అనశనము సేయ బూనిన జనులకొరక
భక్ష్యముల నాముదము తోడ వండ దగును
ఈ కామెంట్‌ను రచయిత తీసివేశారు.
రిప్లయితొలగించండి
రిప్లయితొలగించండితక్షణమటుకుల వడ, సతతము జాంగ్రి,
వలయు నన్న పదముల సువాసనల జి
లేబి, గర్మా గరమ్ముగ లెస్స ! తెలుగు
భక్ష్యముల నా? ముదము తోడ వండ దగును :)
జిలేబి
జిలేబీ గారూ,
తొలగించండిమీ పూరణ బాగున్నది. అభినందనలు.
మిత్రులందఱకు నమస్సులు!
రిప్లయితొలగించండి(ఒక తిండిపోతు వంటవాఁడు తన యజమానితోఁ బలికిన మాటలు)
"మదిని మురిపించు రుచులు సమ్మతినిఁ దెలుప,
భక్షకుల యాఁకలినిఁ దీర్చి, పరవశింపఁ
జేయునటువంటి హృదయ రంజితములైన
భక్ష్యములనా, ముదముతో వండఁదగును?"
తోడ...అని చదువఁగలరు
తొలగించండిమధుసూదన్ గారూ,
తొలగించండిబహుకాల దర్శనం... సంతోషం!
మీ పూరణ బాగున్నది. అభినందనలు.
పర్వ దినములన్ గృహముల బంధు గణము
రిప్లయితొలగించండిచేరి విందుల నందగ కోరు కొనుచు
సందడులు జేయు సరదా పసందు లలర
భక్ష్యముల నా ముదముతోడ వండదగును!
శిష్ట్లా శర్మ గారూ,
తొలగించండిమీ పూరణ బాగున్నది. అభినందనలు.
అన్నదానము మిన్నగానెన్ని తానె
రిప్లయితొలగించండి'డొక్క సీతమ్మ' యతిథులు పెక్కురైన
భక్ష్యముల నా ముదముతోడ వండఁ దగున
టంచు చూపించి వండి వడ్డించె సతము!
సహదేవుడు గారూ,
తొలగించండిడొక్కా సీతమ్మ గారి ప్రస్తావనతో మీ పూరణ బాగున్నది. అభినందనలు.
🙏🙏🙏🙏
తొలగించండి