ఆ ఘన యెద్దియూరపుడు హాయిని పొందుచు చూచుచుండగా లాఘవ మొప్పు నేతలట లంఘన చేయుచు బెంగుళూరునన్ శ్లాఘము చేసి భాజపను సంపద లిమ్మని మ్రొక్కుచుండగా మేఘము లేక వర్షము లమేయముగాఁ గురిసెన్ విచిత్రమే
..............🌻శంకరాభరణం🌻............... ..................🤷🏻♂సమస్య 🤷♀.................... "మేఘము లేక వర్షము లమేయముగాఁ గురిసెన్ విచిత్రమే"
సందర్భము: కుచేలుడు భార్య పంపగా ద్వారకకు వెళ్లి కృష్ణుని దర్శించినాడు. కబురులతోనే కాలక్షేపం జరిగింది. భార్య కుచేలుని కొంగున కట్టిన అటుకులను కృష్ణుడు బలవంతంగా లాక్కుని తిన్నాడు. కుచేలుడు మొహమాటంతో తన దురవస్థ నేమీ వివరించలేకపోయినాడు. తన వూరికి తిరిగి వచ్చినాడు. పోవటం రావటం అంతా వ్యర్థ మనుకున్నాడు. తన పూరిల్లు వుండవలసిన చోట పెద్ద భవనం వుంది. ఎవరిదో అనుకున్నాడు. దాసదాసీజనం వుంది. చీని చీనాంబరాలతో ఆభరణ భూషితయై అతని భార్య అటకు (ఎదురు) వచ్చి యిది మన భవనమే! అంటూ చూపించి సకల సంపదలూ అనుగ్రహించిన అవ్యాజ కరుణా మూర్తియైన కృష్ణుని మహిమను కొనియాడి మేఘం లేకనే వర్షం కురిసిం దని పలికింది. ~~~~~~~~~~~~~~~~~~~~~~~ మేఘ వినీల వర్ణునికి మేలుగ నా విషయంబు జెప్పనే! ప్రాఘ వినాశకుండు తగు పల్కులతో సరిపుచ్చె.. సర్వమున్ మోఘ మటంచు నెంచ.. నటఁ బోయి కుచేలుని పత్ని యి ట్లనెన్.. "మేఘము లేక వర్షము లమేయముగాఁ గురిసెన్ విచిత్రమే!"
✒~డా.వెలుదండ సత్యనారాయణ 16.7.19 -----------------------------------------------------------
ప్రాతః కాలపు సరదా పూరణ:
రిప్లయితొలగించండిఆ ఘన యెద్దియూరపుడు హాయిని పొందుచు చూచుచుండగా
లాఘవ మొప్పు నేతలట లంఘన చేయుచు బెంగుళూరునన్
శ్లాఘము చేసి భాజపను సంపద లిమ్మని మ్రొక్కుచుండగా
మేఘము లేక వర్షము లమేయముగాఁ గురిసెన్ విచిత్రమే
ప్రభాకర శాస్త్రి గారూ,
తొలగించండిమీ సరదా పూరణ బాగున్నది. అభినందనలు.
ఈ కామెంట్‌ను రచయిత తీసివేశారు.
రిప్లయితొలగించండిమీ పూరణ బాగున్నది. అభినందనలు.
తొలగించండి"లేని దున్నట్టు లున్నది..." అనండి. 'చూడామణులు' అన్నచోట గణదోషం. సవరించండి.
ఈ కామెంట్‌ను రచయిత తీసివేశారు.
రిప్లయితొలగించండిఈ కామెంట్‌ను రచయిత తీసివేశారు.
రిప్లయితొలగించండికనగ నధికార పక్షాన కలత ముదిరి
రిప్లయితొలగించండిబలములేదంచు పదవులన్ వదులు కున్న
వారి చేతికి పగ్గాలు చేరు టదియె
మేఘమే లేక వర్షము మిగులఁ గురిసె.
మీ పూరణ బాగున్నది. అభినందనలు.
తొలగించండికవుల పేరోలగము గాంచ కనుల విందు
రిప్లయితొలగించండిశతక కర్తలు భర్తలు సంత సమున
వీను లకువిందు కవనపు వేడు కంట
మేఘమే లేక వర్షము మిగులఁ గురిసె
మీ పూరణ బాగున్నది. అభినందనలు.
తొలగించండిమైలవరపు వారి పూరణ
రిప్లయితొలగించండిమోఘమనోవికారముల మున్గిన క్రీడికి యుద్ధభూమిలో
శ్రీ ఘననీలవర్ణుని విశిష్టసుబోధసుధల్ లభింపగా .,
నా ఘనగర్జ దోపగ శరాసన టంకృతి బాణవృష్టిగాన్ !
మేఘము లేక వర్షము లమేయముగాఁ గురిసెన్ విచిత్రమే!!
మైలవరపు మురళీకృష్ణ వెంకటగిరి
మైలవరపు వారి పూరణ అద్భుతంగా ఉన్నది. అభినందనలు.
తొలగించండి
రిప్లయితొలగించండిపదము లేలేక పద్యము పారె వేగ
ముగ జిలేబి వ్రాయ వరుస ముత్య మల్లె
తలపు మంచిదైన హరిమ, తరము గాను
మేఘమే లేక వర్షము మిగులఁ గురిసె
జిలేబి
మీ పూరణ బాగున్నది. అభినందనలు.
తొలగించండి'వలె'ను 'అల్లె' అనడం గ్రామ్యం. "ముత్యము వలె" అనండి.
"బెంగుళూరులో కలుదాం" అన్నారు. ఆవిష్కరణ సభకు వచ్చి వెళ్ళారా?
తొలగించండికలిసితిమి. మాట్లాడితిమి. ఫోటో తీసుకొంటిమి
కనుక్కుంటారను కున్నా ప్చ్ :)
జిలేబి
ఈ కామెంట్‌ను రచయిత తీసివేశారు.
తొలగించండి"ఇందు కలదందు లేదని..."
తొలగించండి(అలకాపురిలోని వియోగిని యక్షపత్నికి పతి పంపిన
రిప్లయితొలగించండిమేఘసందేశం శోకబాష్పాలను సంతోషబాష్పాలుగా మార్చింది)
రామగిరి నుండి రమణుడు రమణి దలచి
మేఘమును గాంచి సందేశమేఘ మంపె;
సంతసించిన కాంతకు చక్షువులను
మేఘమే లేక వర్షము మిగుల గురిసె.
జంధ్యాల వారూ,
తొలగించండిమనోహరమైన సన్నివేశంతో చక్కని పూరణ చెప్పారు. అభినందనలు.
సందేశ మేఘన్నుది కదా?
ధన్యవాదాలండీ!
తొలగించండి🙏శ్రీ గురుభ్యోన్నమః🙏
రిప్లయితొలగించండిబెంగళూరు నందు ప్రజల బెంగఁ దీర్చ
వరద శతకమ్ము తా కవి వర్యుఁ బాడ
ముక్తి కాంక్షులు భక్తిని మునిగి తేల
మేఘమే లేక వర్షము మిగులఁ గురిసె
అవునవును... చప్పట్ల వర్షం!
తొలగించండిమీ పూరణ బాగున్నది. అభినందనలు.
కాని అక్కడ వరద శతక పద్యాలను చదవలేదు. ఎప్పుడో వ్రాసిన 'శ్రీకృష్ణదేవరాయా!" అన్న ఖండిక.
కవి వరేణ్యులు మెండుగా కలిసి నట్టి
రిప్లయితొలగించండినిండు సభయంత వెలసెను నిగ్గు లొలుక
ధారగా కవితలు జాలు వార తోచె
మేఘమే లేక వర్షము మిగుల కురిసె
మీ పూరణ బాగున్నది. అభినందనలు.
తొలగించండిక్రొవ్విడి వెంకట రాజారావు:
రిప్లయితొలగించండివేసవిని తాపనము హెచ్చె వెగ్గలముగ
మేఘమే లేక; వర్షము మిగుల గురిసె
పదనగు ఋతుపవనముల వలన భువిని
విస్తృతపు నెండ వానలు పీడ నిలుపు.
మీ పూరణ బాగున్నది. అభినందనలు.
తొలగించండి'విస్తృతపు టెండ' అనండి.
మండు టెండల మలమల మాడ్చి జగతి
రిప్లయితొలగించండిదొరలి పోయెను కాలము దొరువు లెండె
మేఘమే లేక; వర్షము మిగులఁ గురిసె
కాలమే మారి రైతుల కలలు పండె
మండు టెండల మలమల మాడ్చి జగతి
తొలగించండిదొరలి పోయెను కాలము దొరువు లెండె
రగిలె నాకలి మంటలు రైతు కంట
మేఘమే లేక వర్షము మిగులఁ గురిసె
మీ పూరణ బాగున్నది. అభినందనలు.
తొలగించండి
రిప్లయితొలగించండిశంకరాభరణం 16/07/2019
సమస్య
"మేఘము లేక వర్షము లమేయముగాఁ గురిసెన్ విచిత్రమే"
నా పూరణ. ఉ.మా.
*** *** ***
ఆ ఘన వల్డు కప్పునను నాఖరి పోరున న్యూజిలాండుయే
శ్లాఘము జేయురీతిగను చక్కగ నాడిన నోడె నయ్యహో!
ఈ ఘటనన్ గనంగ కడు యేడ్చిరి యక్కడి దేశవాసులే
మేఘము లేక వర్షము లమేయముగాఁ గురిసెన్ విచిత్రమే
🌱 ఆకుల శాంతి భూషణ 🌱
🌷 వనపర్తి🌷
మీ పూరణ బాగున్నది. అభినందనలు.
తొలగించండి'వర్ల్డు... న్యూజిలాండు తా... కడు నేడ్చిరి...' అనండి.
డా.పిట్టా సత్యనారాయణ
రిప్లయితొలగించండిఆఘమేఘాల నమెరికా నంటి నేటి
డాలరుల బ్రోవు జేయగా డాసి సాధు
పుంగవులు గుళ్ళ గట్టంగ బొంచి యుండ
మేఘమే లేక వర్షము మిగుల గురిసె
డా.పిట్టా సత్యనారాయణ
రిప్లయితొలగించండిబీఘము(ఎకరా,హిందీ)లాది భూములను బెట్టిరి రైతులమంచు బీడులన్
యీ ఘన రాచకార్యమున నెత్తిరి డబ్బుల వేన వేలుగా
మా ఘనపూరు భూదొరల మన్నన నందిరి కే.సి.యా.రదో
మేఘము లేకవర్షము లమేయముగాగురిసెన్ విచిత్రమే!
మీ రెండు పూరణలు బాగున్నవి. అభినందనలు.
తొలగించండి'బీడులన్ + ఈ' అన్నపుడు యడాగమం రాదు. 'భూదొరల' దుష్ట సమాసం.
మాఘపు మాసవేళ చలి మచ్చుకు నైనను లేకపోయె,నై
రిప్లయితొలగించండిదాఘపు పేరు చెల్లకను దారుణ శీతము క్రమ్మివేయుచున్
మోఘపు నామ్ల వృష్టులవి ముంచెను,కల్మష సృష్టి లీలకున్
మేఘము లేక వర్షము లమేయముగాఁ గురిసెన్ విచిత్రమే
మీ పూరణ బాగున్నది. అభినందనలు.
తొలగించండి..............🌻శంకరాభరణం🌻...............
రిప్లయితొలగించండి..................🤷🏻♂సమస్య 🤷♀....................
"మేఘము లేక వర్షము లమేయముగాఁ
గురిసెన్ విచిత్రమే"
సందర్భము: కుచేలుడు భార్య పంపగా ద్వారకకు వెళ్లి కృష్ణుని దర్శించినాడు. కబురులతోనే కాలక్షేపం జరిగింది. భార్య కుచేలుని కొంగున కట్టిన అటుకులను కృష్ణుడు బలవంతంగా లాక్కుని తిన్నాడు. కుచేలుడు మొహమాటంతో తన దురవస్థ నేమీ వివరించలేకపోయినాడు. తన వూరికి తిరిగి వచ్చినాడు.
పోవటం రావటం అంతా వ్యర్థ మనుకున్నాడు. తన పూరిల్లు వుండవలసిన చోట పెద్ద భవనం వుంది. ఎవరిదో అనుకున్నాడు. దాసదాసీజనం వుంది.
చీని చీనాంబరాలతో ఆభరణ భూషితయై అతని భార్య అటకు (ఎదురు) వచ్చి యిది మన భవనమే! అంటూ చూపించి సకల సంపదలూ అనుగ్రహించిన అవ్యాజ కరుణా మూర్తియైన కృష్ణుని మహిమను కొనియాడి మేఘం లేకనే వర్షం కురిసిం దని పలికింది.
~~~~~~~~~~~~~~~~~~~~~~~
మేఘ వినీల వర్ణునికి
మేలుగ నా విషయంబు జెప్పనే!
ప్రాఘ వినాశకుండు తగు
పల్కులతో సరిపుచ్చె.. సర్వమున్
మోఘ మటంచు నెంచ.. నటఁ
బోయి కుచేలుని పత్ని యి ట్లనెన్..
"మేఘము లేక వర్షము
లమేయముగాఁ గురిసెన్ విచిత్రమే!"
✒~డా.వెలుదండ సత్యనారాయణ
16.7.19
-----------------------------------------------------------
మీ పూరణ బాగున్నది. అభినందనలు.
తొలగించండిఈ కామెంట్‌ను రచయిత తీసివేశారు.
రిప్లయితొలగించండిక్రొవ్విడి వెంకట రాజారావు:
రిప్లయితొలగించండిలాఘవ మెంతయున్ పొసగ లంఘన మెంచుచు యుధ్ధభూమిలో
శ్లాఘము జేయు పోడిమిని చాతురితో నభిమన్య వీరుడే
తా ఘన చాపమెత్తి కురు తంత్రముపై గురిపించె బాణముల్
మేఘములేక వర్షము లమేయముగా గురిసెన్ విచిత్రమే!
మీ పూరణ బాగున్నది. అభినందనలు.
తొలగించండినిర్మలముతోడ గనిపించెనింగియంత
రిప్లయితొలగించండియెక్కసారిగ పుడమిని మిక్కుటముగ
మేఘమే లేకవర్షముమిగుల కురిసె
నేమి చిత్రమో యూహించలేముమేము
మీ పూరణ బాగున్నది. అభినందనలు.
తొలగించండి'నిర్మలమ్ముగ గనిపించె..' అనండి.
ఎండి పోయె నచట నేల మండె వాన
రిప్లయితొలగించండిమేఘమే లేక, వర్షము మిగులఁ గురిసె
నిచట వరదలై ముంచెత్త నేమి మిగిలె?
ప్రకృతి దాల్చె నెల్లెడల నీ వికృత రూపు ౹౹
మీ పూరణ బాగున్నది. అభినందనలు.
తొలగించండిమేఘమే లేక వర్షము మిగులఁ గురిసె
రిప్లయితొలగించండినేల?యనగరా దిటులనెన్నింటి చూడ
లేదు చలనచి త్రాలలో లేని వింత
గలదె ఆటలో ఓడినా గెలిచినట్లు!!
మీ పూరణ బాగున్నది. అభినందనలు.
తొలగించండి'ఓడినన్' అనండి.
కృష్ణుడు కాళీయుని మర్దనము🙏
రిప్లయితొలగించండిఆల మంద లాబాల గోపాలమంత
గనిరి కాళీయు పడగల గర్వ మణచ
సర్వు లోలగ నానంద సాగరాన
మేఘమే లేకవర్షము మిగులఁ గురిసె
మీ పూరణ బాగున్నది. అభినందనలు.
తొలగించండిరమ్య బీజాక్షరంబులు రసనపైన
రిప్లయితొలగించండివ్రాసె సన్న్యాసి-బాలుని ప్రతిభ వెలిగె
విద్య లందున రాణించె విస్మయముగ
మేఘమేలేక వర్షము మిగుల కురిసె
మీ పూరణ బాగున్నది. అభినందనలు.
తొలగించండిధన్యవాదములు
తొలగించండిమేఘమే లేక వర్షము మిగులఁ గురిసె
రిప్లయితొలగించండిసాంఖ్యము నెరుగకుండనె సన్య సించె
ఎన్ను కొనకుండగనె మనకేలికయ్యె
కారణంబేల యీ కలికాలమందు
మీ పూరణ బాగున్నది. అభినందనలు.
తొలగించండిలేనిదున్నట్టు లున్నది లేనటులను
రిప్లయితొలగించండిసృజియించెడు సినిమాల సృష్టి కర్త
తీయు నొక వాన పాట షూటింగు నందు
మేఘమే లేక వర్షము మిగులఁ గురిసె
గురువు గారూ, ఇందులో రెండవ పాదంలో తప్పులేమైనా ఉన్నాయా?
తొలగించండిఅవును. గణదోషం. 'సృజన చేసెడు సినిమాల...' అనండి.
తొలగించండిఈ కామెంట్‌ను రచయిత తీసివేశారు.
రిప్లయితొలగించండిఈ కామెంట్‌ను రచయిత తీసివేశారు.
రిప్లయితొలగించండిమేఘములుండుచో గురియుమిన్నును మన్నునునేకధారగా
రిప్లయితొలగించండిమేఘములేక వర్షములమేయముగా గురిసెన్విచిత్రమే
మేఘవినీలదేహునినమేయ కృపారసవీక్షణంబుచే
మేఘముదానుగాగురియమెండుగపండునుబంటలెన్నియో
మీ పూరణ బాగున్నది. అభినందనలు.
తొలగించండిఉఱుములు మెఱపులు సెలంగ నూఁగఁ తరులు
రిప్లయితొలగించండిభేకము లఱవఁ ద్రుటి నేల వేఁడి తొలఁగ
నెమ్మి నొసఁగుచు జనులకు నిష్పలంపు
మేఘమే లేక వర్షము మిగులఁ గురిసె
మోఘము లెట్లగున్ దివిని మూగిన మబ్బుల విక్రమమ్ములే
యా ఘన రాశి తోఁచ దట నక్కజ మౌచు నమాంత మంత నై
దాఘము నందు భాస్వరము దారుణ రీతిఁ జెలంగు చుండగన్
మేఘము లేక వర్షము లమేయముగాఁ గురిసెన్ విచిత్రమే
మీ రెండు పూరణలు అద్భుతంగా ఉన్నవి. అభినందనలు.
తొలగించండిపూజ్యులు శంకరయ్య గారికి నమః పూర్వక ధన్యవాదములు.
తొలగించండిఆటవిడుపు సరదా పూరణ:
రిప్లయితొలగించండి(జిలేబి గారికి అంకితం)
ఆ ఘన కంది శంకరులు హాయిగ నీయగ కైపదమ్ములన్
మోఘపు పూరణమ్ములను ప్రొద్దునె జేయగ రోజురోజిటన్
శ్లాఘము చేయగా గురువు శాస్త్రుల హృత్తున గోలగోలగా
మేఘము లేక వర్షము లమేయముగాఁ గురిసెన్ విచిత్రమే
మీ ఆటవిడుపు పూరణ ప్రశస్తంగా ఉన్నది. అభినందనలు.
తొలగించండి🙏
తొలగించండిమాఘపు రాత్రి శీతకరు మాయను మత్తిలి సోలిపోవుచున్
రిప్లయితొలగించండిలాఘవమై తనూ లతిక రంజిలి శయ్యను వాలి పోవగా
ఆ ఘనతాపహారి కుసుమాస్త్రుని శస్త్ర విలాస వృష్టియై
మేఘము లేక వర్షము లమేయముగాఁ గురిసెన్ విచిత్రమే
మీ పూరణ మనోహరంగా ఉన్నది. అభినందనలు.
తొలగించండిఈ కామెంట్‌ను రచయిత తీసివేశారు.
రిప్లయితొలగించండికరువు రక్కసి కోరల కాటుఁవడగ
రిప్లయితొలగించండిపంటచేలన్ని పచ్చిక బయలుకాగ
కర్షకులకళ్ళు కన్నీటికాల్వలాయె,
మేఘమే లేక వర్షము మిగులఁ గురిసె
చక్కని పూరణ. అభినందనలు.
తొలగించండి'కాటు వడగ' అన్నపుడు అరసున్న రాదు. 'కాటుఁ బడఁగ' అన్నపుడు ఉంటుంది.
ధన్యవాదములు గురువుగారు
తొలగించండిఈ కామెంట్‌ను రచయిత తీసివేశారు.
రిప్లయితొలగించండిఎండవేడిమి హెచ్చెను యిలను చూడ
రిప్లయితొలగించండిమేఘమే లేక ;వర్షము మిగుల కురిసె
శ్రావణమ్మున జగతిలో, ,జనుల కెల్ల
నంతు లేనట్టి సంతోష మావరించె
మరొక పూరణ
చలనచిత్రము లందున తలచినంత
మేఘమేలేక వర్షము మిగుల కురిసె
ననుట వాస్తవ మనుచుందు రవనియందు
దర్శకేంద్రుని ప్రతిభయౌ తరచి చూడ
మీ రెండు పూరణలు బాగున్నవి. అభినందనలు.
తొలగించండి'హెచ్చెను + ఇలను = హెచ్చె నిలను' అవుతుంది. యడాగమం రాదు. "హెచ్చిన దిలను" అనండి.
ఉత్పలమాల
రిప్లయితొలగించండిఆ ఘన శంకరార్యులకు నామలకమ్మును బిక్షమీయగన్
శ్లాఘము జేయ మోదమున రంజిలి మాధవి పేదరాళికిన్
మోఘము నెంచి ముంగిటనె పుత్తడి శ్రీఫలి ధారలే యనన్
మేఘము లేక వర్షము లమేయముగాఁ గురిసెన్ విచిత్రమే
మీ పూరణ బాగున్నది. అభినందనలు.
తొలగించండిరాఘవుడేగుదెంచెపుడు రావణసంహరణంబొనర్చగన్
రిప్లయితొలగించండివేగమె తీరిపోగ తన వేదనలన్నియురాముసన్నిధిన్
జాగునకోర్వలేననుచుజానకి దుఃఖమునొందకన్నులన్
మేఘము లేక వర్షము లమేయముగాఁ గురిసెన్ విచిత్రమే
మీ పూరణ బాగున్నది. అభినందనలు.
తొలగించండి'ఏగుదెంచెపుడు'?
ఏగుదెంచవలె అంటే సరిపోతుంది కదండీ
తొలగించండి
రిప్లయితొలగించండిఈ ఘను లైన మానవుల యీర్ష్య దురాశల కారణమ్ముగా
మేఘము లన్ని యున్ పుడమి మీదు నిదానము లేక బోవగా
శ్రీఘను డాతడే కరుణ చేర్చి తపస్సుని ధారవోయగా
మేఘము లేక వర్షము లమేయముగాఁ గురిసెన్ విచిత్రమే?
జిలేబి
మీ పూరణ బాగున్నది. అభినందనలు.
తొలగించండిశ్లాఘము జేయదగ్గదని శాస్త్ర మెఱంగిన పండితోత్తముల్
రిప్లయితొలగించండిమాఘుడు వ్రాసినట్టి కృతిఁ మన్నన జేయుటఁ గాంచి లోకులే
మాఘుని మెచ్చుచున్ బోగుడు మాటల వర్షపు జల్లులన్ గనన్
మేఘము లేక వర్షము లమేయముగాఁ గురిసెన్ విచిత్రమే
మీ పూరణ బాగున్నది. అభినందనలు.
తొలగించండితేటగీతి
రిప్లయితొలగించండికరువు తాండవ మాడఁగ కలతచెంది
వేద పండితులన్ గూర్చి వేల్మిఁ జేయ
ముసురు కొని నింగిఁ దెల్లని పొడఁ గలుంగు
మేఘమే లేక వర్షము మిగులఁ గురిసె
మీ పూరణ బాగున్నది. అభినందనలు.
తొలగించండి