సందర్భము: లోకంబులు లోకేశులు లోకస్థులు తెగిన తుది నలోకం బగు పెం జీకటి కావల నెవ్వం డే కాకృతి వెలుగు నతని నే సేవింతున్.. ~~ భాగవతం లోకాలు.. లోకాలలో వుండే వారు. వీరంతా అనే కాకృతులు గలవారు. అంటే ప్రధానంగా నామ రూపాత్మకమైనది జగత్తు. ఇదంతా చీకటే! ఇదంతా దాటిన తరువాత లోకాలు లోకస్థులు లేని చోట కేవలం ఏకాకృతితో వెలిగే పరబ్రహ్మం వుంటుంది. ఆ వెలుగే పరబ్రహ్మం లేక పరమాత్మ. అదంతా వెలుగే! అదే ఆనందధామం. జన్మ వుంటే కర్మ.. కర్మ వుంటే జన్మ.. ఇలా పునరపి జననం పునరపి మరణం.. అనే విధంగా కొట్టుమిట్టాడే పరిస్థితి ఆ ఆనంద ధామంలో లేదు. అటువంటి చోటికి ఎవరు చేరగలుగుతారు? యోగులు.. వా రెలాంటి జాగ్రత్త తీసుకోవాలి?.. అంటే.. నారదుడు తన భక్తి సూత్రాలలో ఒక్కటే మాట చెప్పాడు.. ఏమని.. "స్త్రీ ధన నాస్తిక చరితం న శ్రవణీయమ్..." అని. (సాధకులు స్త్రీలయొక్క ధనంయొక్క నాస్తికులయొక్క చరిత్రలు ముచ్చట్లు వినరాదు.. అని.) వింటే మనసులు చలించి మార్గం తప్పుతారు. ధ్యేయాన్ని మరచి మాయలో చిక్కుకునే ప్రమాదం వుంది. దీ న్నొక చిన్న యింటితో పోలిస్తే బయట చీకటిగా వుండే గది.. లోన మాత్రం దీపం వెలిగే గది వున్నట్టు కనిపిస్తుంది. బైటి గదిలోని చీకట్లోనే గోడలవెంబడి తారట్లాడుతూ వెదుక్కుంటూ వెళ్లి తలుపును తడిమిచూసి తెరుచుకొని అవతలి గదిలోకి చేరుకోవాలి. అక్కడంతా వెలుగే! ~~~~~~~~~~~~~~~~~~~~~~~ లోకాలు, లోకులు, లోకేశు లొక కొంత సే పుందు.. రొక కొంత సేపు వోదు.. రెంతైనఁ బెంజీకటే నిండు నంతట.. నా చోటు దాటగా నతులిత మగు, దివ్యమౌ నేకాకృతిగ దిక్కులను నిండు వెలుగుగా పరమాత్మ యలరు సతముఁ.. గనగ స్త్రీ ధన నాస్తిక చరిత్రలకు చెవి యొగ్గని యోగుల యోగ్య సీమ.. సాధకులు చేరుకొను కర్మ , జన్మ లేని ధామ మది.. యొక యింటితో దాని బోల్ప దివ్వె వెలుఁగెడి గది.. లోన.. తిమిర ముండె డి గది.. బైట నున్నట్టుఁ దోచు గద సఖుడ!
✒~డా.వెలుదండ సత్యనారాయణ పరమార్థ కవి 29.7.19 -----------------------------------------------------------
ప్రాతః కాపు సరదా పూరణ:
రిప్లయితొలగించండిఅవ్వల చంద్రయానమును హాయిగ పంపగ శాస్త్రవేత్తలే
బువ్వల నీయకే ప్రజకు బూతులు తిట్టుచు నేతలిచ్చటన్
త్రవ్వుచు గోతులన్ కడకు తన్నులు పంచగ రాజనీతినిన్
దివ్వె వెలుంగు చున్నను గదిన్ నలువంకలఁ గ్రమ్మెఁ జీఁకటుల్
తొలగించండిRGVK Prasad:👇
"సమస్య ఇయ్యడం ఆలస్యం. వెంటనే మీకీ సరదా పూరణ ఎట్లా వస్తుందండి బాబు. లేకపోతే , మనలో మాట, పేపర్ ముందే మీకు లీక్ అయిపోతోందా. మీ పూరణలు చాలా బాగుంటాయి."
*******************************
gps:👇
🙏😊
సమస్య లీకవడం లేదండీ. సరదా పూరణలు చాలా ఈజీ...నాకున్న ఒక వంద మాత్రపు "పదసంపద"ను అటూ ఇటూ త్రిప్పుతుంటాను. అంతే: 👇
******************************
ఆటవిడుపు సరదా పూరణ:
(జిలేబి గారికి అంకితం)
నవ్వుచు దోమ కుట్టగను నందము నొందుచు వంటయింటిలో
కవ్వము చేత బూనుచును కమ్మగ గోకగ వీపునంతటన్
సవ్వడి లేక నా కనులు చల్లగ మూయగ నాదు రాణియే
దివ్వె వెలుంగు చున్నను గదిన్ నలువంకలఁ గ్రమ్మెఁ జీఁకటుల్
--- పదసంపద"ను అటూ ఇటూ త్రిప్పుతుంటాను :)
తొలగించండిIITK experience speaks :)
National politics కరతలామలకము !
జిలేబి
మైలవరపు వారి పూరణ
రిప్లయితొలగించండిమువ్వలసవ్వడిన్ విని ప్రమోదమునందితినంతలోనె తా..
నెవ్వరినో వరించి యొక యింటికి జేరెను., శౌరి మోమునన్
నవ్వులె నాకు తేజము , మనమ్మున హెచ్చెను చింత., సెమ్మెపై
దివ్వె వెలుంగు చున్నను గదిన్., నలువంకలఁ గ్రమ్మెఁ జీఁకటుల్ !!
మైలవరపు మురళీకృష్ణ వెంకటగిరి
ఆత డజ్ఞాని మూర్ఖుడై యచట జేరి
రిప్లయితొలగించండిప్రముఖ దీపావళీశుభపర్వమందు
వ్యర్థమౌ తైల మీకాంతి వలదనె, కట!
దివ్వె వెలుఁగెడి గదిలోన తిమిర ముండె.
సూర్య కిరణాలు సోకని చోటు లోన
రిప్లయితొలగించండినేల నిర్మించి నారయో యిపుడు జూడు
దివ్వె వెలుఁగెడి గదిలోన తిమిర ముండె
మునుపు, ముందు చూపది లేక మూర్ఖముగను
మదిని దొలిచెడి బాధలు మండు చుండ
రిప్లయితొలగించండిదారి తెన్నులు దొరకని తరుణ మందు
కనిక రించక కదలని కాల మకట
దివ్వె వెలుఁగెడి గదిలోన తిమిర ముండె
గద్దె నెక్కగ సాధ్యము కాని గతిని
రిప్లయితొలగించండిచేసి బాసల నిధుల సంక్షేమ మనుచు
వ్యయ మొనర్చిరి వృద్ధిని విడిచి పెట్టి
దివ్వె వెలిగెడి గదిలోనే తిమిరమాయె.
ఈ కామెంట్‌ను రచయిత తీసివేశారు.
రిప్లయితొలగించండిఎంత నేర్చిన వాడైన నెవ్వడైన,
రిప్లయితొలగించండితన్ను తెలియక తనలోని నిన్ను గనక,
మాయలోబడి విడలేడు మగత నిద్ర,
దివ్వె వెలుఁగెడి గదిలోన తిమిరముండె..
ఎవ్వరి నెన్నడు న్నిధుల నీయగ దేహి యటంచు గోరమే!
రిప్లయితొలగించండిహవ్వ! ధనమ్ము నంతటిని హాయిగబంచిరి, వృద్ది కోస మే
మివ్వక, నేత లోట్ల కయి, యేదిక రాబడి? యన్నపూర్ణకే
దివ్వె వెలుంగు చున్నను గదిన్ నలువంకలఁ గ్రమ్మెఁ జీఁకటుల్.
రిప్లయితొలగించండికాంతి నిండియుండె జిలేబి కవడువాయ
దివ్వె వెలుఁగెడి గదిలోన, తిమిర ముండె
జనుల మదిలోన! తొలగెను చక్కగాను
ధ్యానమును చేయ వారలు ధగధగమన!
జిలేబి
ఈ కామెంట్‌ను రచయిత తీసివేశారు.
రిప్లయితొలగించండిపరమ నైష్ఠికుఁడాతఁడు పండితుండు
రిప్లయితొలగించండిపాపములపుట్టపుత్రుడు పరమశుంఠ
దివ్వె వెలుగెఁడు గదిలోన తిమిరముండె
విధిబలీయంబననిదియె వింతగాదు.
రిప్లయితొలగించండిఅవ్వ జిలేబి కాలమయె నగ్నిశిఖమ్మది చేరె గాలిలో
మవ్వపు మోము తీరుగడ మానస వీధిని గాంచిరెల్లరున్
నివ్వెరపాటు నొందదు తనెవ్వరి తప్పుల నెంచి చూడదే
దివ్వె వెలుంగు చున్నను గదిన్ నలువంకలఁ గ్రమ్మెఁ జీఁకటుల్!
జిలేబి
పువ్వుల బోలు పిల్లలకు పుస్తకమే పెనుభారమయ్యెగా!
రిప్లయితొలగించండినవ్వులు మాయమై కడువినాశముఁజెందెను బాల్యమన్నదే!
యివ్విధి విద్యయన్నదిపు డేబడిఁ జూడను బేరమై కనన్
దివ్వె వెలుంగు చున్నను గదిన్ నలువంకలఁ గ్రమ్మెఁ జీఁకటుల్
ఈ కామెంట్‌ను రచయిత తీసివేశారు.
తొలగించండితనువు యొకగది దానిన మనసు గూడు
తొలగించండిఅందులోఁ నరిషడ్వర్గ మనునదున్నఁ
గాన మేఫలమది పోక జ్ఞాన మనెడు
దివ్వె వెలుఁగెడి గదిలోన తిమిర ముండె
మనుషు లంతయు నొక్కటే మాట వేరు
రిప్లయితొలగించండివిషయ మారసి జూడగా విషము నుండ
దివ్వె వెలుఁగెడి గదిలోన తిమిర ముండె
తిమిర దూరుడవీవ నదితి సుపుత్ర
నిండు నూరేళ్ళు జీవించి నేడె యకట !
రిప్లయితొలగించండియింటి యజమాని మరణించి వెడలి పోవ
గదిని శోకాంధకారమ్ము క్రమ్ము కొనియె
"దివ్వె వెలుఁగెడి గదిలోన తిమిర ముండె"
విద్య గలవాని కించుక బింక ముండె
రిప్లయితొలగించండిభక్తి జెలగెడి మదిలోన వాంఛ యుండె
దివ్వె వెలుఁగెడి గదిలోన తిమిర ముండె
వంక లేనట్టి దేదైన వసుధ గలదె
స్వామి పడకగ గొడుగుగ సర్పమొకటి
రిప్లయితొలగించండిస్వామి కనువైన జలలిగ శకునియొకటి
తామె మోయగ ద్రిప్పగ దగుదుమనగ
దివ్వె వెలిగెడు గదిలోన తిమిరముండె
జలలి =వాహనము శకుని=పక్షి
పరమాత్ముని నిత్యం సేవిస్తూకూడ గర్వాన్ని కలిగియుండుట దీపం ఉన్నా చీకటిలో ఉన్నట్లేయని భావన
ఈ కామెంట్‌ను రచయిత తీసివేశారు.
రిప్లయితొలగించండివిద్యనొందియు మౌఢ్యము వీడకుండె
రిప్లయితొలగించండిపూజ జేయుచున్నను పాపముడుగ కుండె
దివ్వె వెలుఁగెడి గదిలోన తిమిర ముండె
యెటుల లబ్దికలుగు రాత యిటులనుండ !
విద్యు దంతరాయము గల్గువేళ యందు
రిప్లయితొలగించండివెలుగు నింపగ దీపము పెట్టి నపుడు
గాలి తీవ్రత కారగ కనగ తోచె
దివ్వె వెలుగెడు గదిలోన తిమిర ముండె
పువ్వుల పాన్పుపైన తన ముగ్దమనోహర సుందరాంగియౌ
రిప్లయితొలగించండిజవ్వని వేచియుండునని జాణ దలంచిన నేమి లయ్య తా
నవ్వక కోపమందున వదనమ్మును దాచిన వేళను కోడెకానికిన్
దివ్వె వెలుంగు చున్నను గదిన్ నలువంకలఁ గ్రమ్మెఁ జీఁకటుల్
లయ్య= వేశ్య
జాణ= విటుడు
దివ్వెచిన్నదిమూలాన దీప్తిలేమి
రిప్లయితొలగించండిదివ్వెవెలుగెడిగదిలోన తిమిరముండె
దిమిర ముండెడిచోటనే భ్రమలుదొలగి
చిత్తమేకాగ్రమయిదైవ చింతజేయు
తేటగీతి
రిప్లయితొలగించండిఅన్యుల 'శశి' దలఁచదభిమన్యుఁదప్ప
లక్ష్మణ కుమారునిన్ దెచ్చి లంకెవేయ
తగదు తగదన్న వినరైరి తరుణి వగచ
దివ్వె వెలుఁగెడి గదిలోన తిమిర ముండె!
ఉత్పలమాల
కవ్వడి లేని వేళఁ గని కౌరవులెంచగ తమ్మిమొగ్గర
మ్మవ్వల నుగ్రుడై చెలఁగి యయ్యభి మన్యుడు కన్నుమూయఁగన్
జవ్వని నిండుగర్భమున సైచునె? యుత్తర కంటిధారలన్
దివ్వె వెలుంగు చున్నను గదిన్ నలువంకలఁ గ్రమ్మెఁ జీఁకటుల్
క్రొవ్విడి వెంకట రాజారావు:
రిప్లయితొలగించండిదీప్తులన్నింట ప్రసరించు దివ్యమౌచు
దివ్వె వెలిగెడి గదిలోన; తిమిర ముండె
సరువు జొరబడనట్టిదౌ స్థలములోన
కల్ల కాని నిజమిదియె కనుల ముందు.
దేహమందలి పరమాత్మ దిశను గనుచు
నాస్వదించక నాత్మలో నరుస మెల్ల,
చిత్త మచరమౌ మనుజుని చింత జేయ
దివ్వె వెలిగెడి గదిలోన తిమిరముండె.
"దివ్వె వెలుఁగెడి గదిలోన తిమిర ముండె"
రిప్లయితొలగించండిద్వైత ములతోడ నడచెడి ధరణి మనది|
కష్ట సుఖము, కలిమి-లేమి కలసి వుండు|
మంచి-చెడు, చావు-పుటక మనకు కద్దు|
గురువు గారు బిజీగా ఉంటే మిగిలిన కవిశేఖరులు ఎవరైనా నా పద్యం గురించి మీ అభిప్రాయం తెలుప ప్రార్థన.
రిప్లయితొలగించండిహవ్వ!ఇదేమి చోద్యమగునంతయు వింతగ గానుపించెనీ
మువ్వలు చేతనుండినవి ముట్టిన యంతనె మాయమయ్యెనా
దవ్వున ఇంద్రజాలికుడు దండము నచ్చట యూపినంతనే
దివ్వె వెలుంగుచుండిన గదిన్ నలువైపుల గ్రమ్మె చీకటిన్.
ఈ సమస్య 1980 సంవత్సరం లో ఆకాశవాణిలో సమస్యాపూరణంగా ఇవ్వబడింది.
నాకందుకు గుర్తంటే, నా జీవితంలో అదే నేను పద్యం వ్రాయటానికి చేసిన మొదటి ప్రయత్నం ఆ రోజే.
అవ్వ! యిదేమి... గానిపించె..
తొలగించండిదవ్వున నైంద్రజాలికుఁడు..
నచ్చట నూపినంతనే...
ధన్యవాదములు
తొలగించండిసూర్య చంద్రులు నిత్యము సొంపు మీఱ
రిప్లయితొలగించండివెల్గుచున్న నేమి ఫలము వెక్కసముగ
మునుపు వ్యాపించి యెల్లెడఁ, గనఁగ నిపుడు
దివ్వె వెలిఁగెడి గదిలోన, తిమిర ముండె
ఎవ్వరి కైన జ్ఞాన మను నింపగు దీపము చిత్త మందునన్
నివ్వటిలంగ సంతతము నిండుగ వెల్గును మోము వానికిన్
సవ్వడి సేయుచున్ జనులు సందునఁ జాగఁగఁ గాగడా యనన్
దివ్వె వెలుంగు చున్నను గదిన్ నలువంకలఁ గ్రమ్మెఁ జీఁకటుల్
[పాఠాంతరముగ నిక్కడ గది యన్న చిత్తమన్న యర్థము గ్రాహ్యము.]
నవ్వుల జిందెడిన్ ముఖము నల్లగమారగ సత్యభామ దా
రిప్లయితొలగించండిచివ్వున వ్రేటువడ్డ యహి జిమ్మెడు ఫూత్కృతి వేడియూర్పులన్
దవ్వుల నాథునిన్ నిలుప దక్షిణనాయకుడైన శౌరికిన్
దివ్వె వెలుంగుచున్నను గదిన్ నలువంకల గ్రమ్మెజీకటుల్
దివ్వెనుజూడగానసలుదీప్తులుగాననిగారణంబుగా
రిప్లయితొలగించండిదివ్వెవెలుంగుచున్ననుగదిన్ నలువంకలగ్రమ్మెజీకటుల్
దివ్వెలకాంతులెక్కువగుతేజముతోడనువెల్గుచుండుచో
దవ్వులబోయిచీకటులుతళ్కులుసిమ్మునులోననంతటన్
క్రొవ్వి మదంబు మీఱ కడు రోషిలి కైకయె దుష్టచిత్తయై
రిప్లయితొలగించండిదవ్వున నున్న బుత్రునికి తానుగ పట్టము గట్టనెంచియున్
పువ్వుల ద్రుంచి రత్న మణి భూషణముల్ విడనాడినంతనే
దివ్వె వెలుంగు చున్నను గదిన్ నలువంకలఁ గ్రమ్మెఁ జీఁకటుల్
..............🌻శంకరాభరణం🌻...............
రిప్లయితొలగించండి..................🤷🏻♂సమస్య 🤷♀....................
దివ్వె వెలుఁగెడి గదిలోన తిమిర ముండె
సందర్భము:
లోకంబులు లోకేశులు
లోకస్థులు తెగిన తుది నలోకం బగు పెం
జీకటి కావల నెవ్వం
డే కాకృతి వెలుగు నతని నే సేవింతున్..
~~ భాగవతం
లోకాలు.. లోకాలలో వుండే వారు. వీరంతా అనే కాకృతులు గలవారు. అంటే ప్రధానంగా నామ రూపాత్మకమైనది జగత్తు. ఇదంతా చీకటే!
ఇదంతా దాటిన తరువాత లోకాలు లోకస్థులు లేని చోట కేవలం ఏకాకృతితో వెలిగే పరబ్రహ్మం వుంటుంది. ఆ వెలుగే పరబ్రహ్మం లేక పరమాత్మ. అదంతా వెలుగే!
అదే ఆనందధామం.
జన్మ వుంటే కర్మ.. కర్మ వుంటే జన్మ.. ఇలా పునరపి జననం పునరపి మరణం.. అనే విధంగా కొట్టుమిట్టాడే పరిస్థితి ఆ ఆనంద ధామంలో లేదు.
అటువంటి చోటికి ఎవరు చేరగలుగుతారు? యోగులు.. వా రెలాంటి జాగ్రత్త తీసుకోవాలి?.. అంటే.. నారదుడు తన భక్తి సూత్రాలలో ఒక్కటే మాట చెప్పాడు.. ఏమని..
"స్త్రీ ధన నాస్తిక చరితం న శ్రవణీయమ్..." అని.
(సాధకులు స్త్రీలయొక్క ధనంయొక్క నాస్తికులయొక్క చరిత్రలు ముచ్చట్లు వినరాదు.. అని.)
వింటే మనసులు చలించి మార్గం తప్పుతారు. ధ్యేయాన్ని మరచి మాయలో చిక్కుకునే ప్రమాదం వుంది.
దీ న్నొక చిన్న యింటితో పోలిస్తే బయట చీకటిగా వుండే గది.. లోన మాత్రం దీపం వెలిగే గది వున్నట్టు కనిపిస్తుంది. బైటి గదిలోని చీకట్లోనే గోడలవెంబడి తారట్లాడుతూ వెదుక్కుంటూ వెళ్లి తలుపును తడిమిచూసి తెరుచుకొని అవతలి గదిలోకి చేరుకోవాలి.
అక్కడంతా వెలుగే!
~~~~~~~~~~~~~~~~~~~~~~~
లోకాలు, లోకులు, లోకేశు లొక కొంత
సే పుందు.. రొక కొంత సేపు వోదు..
రెంతైనఁ బెంజీకటే నిండు నంతట..
నా చోటు దాటగా నతులిత మగు,
దివ్యమౌ నేకాకృతిగ దిక్కులను నిండు
వెలుగుగా పరమాత్మ యలరు సతముఁ..
గనగ స్త్రీ ధన నాస్తిక చరిత్రలకు చెవి
యొగ్గని యోగుల యోగ్య సీమ..
సాధకులు చేరుకొను కర్మ , జన్మ లేని
ధామ మది.. యొక యింటితో దాని బోల్ప
దివ్వె వెలుఁగెడి గది.. లోన.. తిమిర ముండె
డి గది.. బైట నున్నట్టుఁ దోచు గద సఖుడ!
✒~డా.వెలుదండ సత్యనారాయణ
పరమార్థ కవి
29.7.19
-----------------------------------------------------------
సవ్వడి చేయకుండ కను సన్నలలో దిరుగాడు శత్రువుల్
రిప్లయితొలగించండిరువ్వుచు నస్త్రశస్త్రములు రూపడగించగ శత్రుమూకతో
నివ్వెరపోక పోరుచును నేలకురాలిన వాని యింటిలో
దివ్వె వెలుంగుచున్నను గదిన్ నలువంకలు గ్రమ్మెచీకటుల్!