20, జులై 2019, శనివారం

సమస్య - 3081 (పరమాత్ముని సేవ...)

కవిమిత్రులారా,
ఈరోజు పూరింపవలసిన సమస్య ఇది...
"పరమాత్ముని సేవఁ జేయఁ బాపమె కల్గున్"
(లేదా...)
"పరమాత్మార్చన సేయు మానవులకుం బాపంబులే చేకుఱున్"
(ఈరోజు పూరణలు ప్రసారమయ్యే ఆకాశవాణి వారి సమస్య)
వీరిచే పోస్ట్ చేయబడింది వద్ద

95 కామెంట్‌లు:

  1. రాజేశ్వరి నేదునూరిశనివారం, జులై 20, 2019 5:05:00 AM

    వరమీయని రాయిని కొలువ
    సురలో కముమెచ్చ దంట శుభముల నీయన్
    మరిగిన లంచపు టాశగు
    పరమాత్ముని సేవ చేయ పాపము కలుగున్

    రిప్లయితొలగించండి
    రిప్లయిలు
    1. కంది శంకరయ్యశనివారం, జులై 20, 2019 5:15:00 AM

      అక్కయ్యా,
      మీ పూరణ బాగున్నది. అభినందనలు.
      మొదటి పాదంలో గణదోషం. "వర మిడని రాయిని గొలువ" అనండి.
      సమయాభావం వల్ల నిన్న మీ పూరణ కాకుండా పేరును మాత్రమే చదివాను.

      తొలగించండి
    2. రాజేశ్వరి నేదునూరిశనివారం, జులై 20, 2019 5:34:00 AM

      వరమిడని రాయిని గొలువ
      సురలో కముమెచ్చ దంట శుభముల నీయన్
      మరిగిన లంచపు టాశగు
      పరమాత్ముని సేవ చేయ పాపము కలుగున్
      -----------------------------
      పోనీ లెండి గణదోషం కుడాఉందిగా .అసలు ముందు అలాగేరాయాలనుకుని బుద్ధి వక్రించి ఇలా రాసాను

      తొలగించండి
  2. యెనిశెట్టి గంగా ప్రసాద్శనివారం, జులై 20, 2019 5:06:00 AM

    పరకాంతలమోజువిడక
    పరమాత్ముని సేవచేయ పాపమె గలుగున్
    పరహిత మున్ గోరగనా
    పరమాత్మే నిచ్చు పుణ్య ఫలమునుగనుమా!!

    రిప్లయితొలగించండి
    రిప్లయిలు
    1. కంది శంకరయ్యశనివారం, జులై 20, 2019 5:16:00 AM

      గంగాప్రసాద్ గారూ,
      మీ పూరణ బాగున్నది. అభినందనలు.
      'పరమాత్మయె యిచ్చు...' అనండి.

      తొలగించండి
  3. G P Sastry (gps1943@yahoo.com)శనివారం, జులై 20, 2019 5:14:00 AM

    సరసపు మాటల నాడుచు
    పరుల తలల చేయి బెట్ట భస్మమ్మౌటన్
    వరమును కోరుచు పడిపడి
    పరమాత్ముని సేవఁ జేయఁ బాపమె కల్గున్

    రిప్లయితొలగించండి
  4. G P Sastry (gps1943@yahoo.com)శనివారం, జులై 20, 2019 5:14:00 AM

    ప్రాతః కాలపు సరదా పూరణ:

    అరెవో! కాంగ్రెసు నేతలందరును భల్ హైరాన గావించగన్
    మురిసెన్ హాయి కుమారసామి భళిగన్ పూజించి ముక్కంటినిన్...
    త్వరగా స్పీకరు త్రోసివేయగనటన్ దండంబులన్ బెట్టుచున్
    పరమాత్మార్చన సేయు మానవులకుం బాపంబులే చేకుఱున్

    రిప్లయితొలగించండి
  5. విరించిశనివారం, జులై 20, 2019 5:17:00 AM

    నిరతము స్వార్థము తో కడు
    దురితము లే చేయునట్టి దుష్టుడు వాడే
    పరులను వంచింపదలచి
    పరమాత్ముని సేవఁ జేయఁ బాపమె కల్గున్.

    రిప్లయితొలగించండి
    రిప్లయిలు
    1. కంది శంకరయ్యశనివారం, జులై 20, 2019 5:19:00 AM

      విరించి గారూ,
      మీ పూరణ బాగున్నది. అభినందనలు.
      ఈవారం మీరు ఆకాశవాణికి పూరణను పంపనట్టుంది.

      తొలగించండి
    2. విరించిశనివారం, జులై 20, 2019 5:27:00 AM

      ఔనండి గురువుగారు పంపలేదు, ఈ వారం పంపగలను వచ్చే వారానికి సమస్యని సమూహంలో ప్రకటించ మనవి._/|\_

      తొలగించండి
    3. కంది శంకరయ్యశనివారం, జులై 20, 2019 5:50:00 AM

      వచ్చే వారానికి ఆకాశవాణి వారి కోరికపై దత్తపది ఇచ్చాను.

      తొలగించండి
    4. G P Sastry (gps1943@yahoo.com)శనివారం, జులై 20, 2019 5:52:00 AM

      😢

      తొలగించండి
  6. విరించిశనివారం, జులై 20, 2019 5:24:00 AM

    అరయన్ స్వార్థము పెచ్చుమీరగ ననాయాసమ్ముగా సంపదల్ 
    విరివిన్ బొందగ నెంచుచున్ జనులనే పీడించు పాపాత్ములే 
    హరమౌ పాపమటంచు లోకులన గన్నార్భాటమున్ జూపుచున్
    బరమాత్మార్చన సేయు మానవులకుం బాపంబులే చేకుఱున్

    రిప్లయితొలగించండి
  7. కరణం రాజే శ్వర రావుశనివారం, జులై 20, 2019 5:43:00 AM

    పరులను మోసము జేయుచు
    పరధనముల దోచు కొంచు బాలసు డగుచున్
    వరలెడు దుష్టుం డిలలో
    పరమాత్ముని సేవ జేయ బాపమెె కలుగున్

    రిప్లయితొలగించండి
  8. G P Sastry (gps1943@yahoo.com)శనివారం, జులై 20, 2019 5:56:00 AM

    మైలవరపు వారి పూరణ

    పరవిత్తమ్ము హరించి పున్నెముగొనన్ వారాణసిన్ జేరినన్
    పరులన్ దూరుచు సత్పురాణపఠనవ్యాసంగమున్ జేసినన్
    పరదారారతులౌచు శ్రీహరిని సంభావించినన్ దుష్టులై
    పరమాత్మార్చన సేయు మానవులకుం బాపంబులే చేకుఱున్"


    మైలవరపు మురళీకృష్ణ వెంకటగిరి

    రిప్లయితొలగించండి
  9. Zilebiశనివారం, జులై 20, 2019 6:01:00 AM



    పరిపరి విధముల జనుల క
    సురుచు పదండిక పదండి చూచిరి చాలం
    చు రుసరుల తిరుమలలలో
    పరమాత్ముని సేవఁ జేయఁ బాపమె కల్గున్!


    జిలేబి

    రిప్లయితొలగించండి
    రిప్లయిలు
    1. కంది శంకరయ్యశనివారం, జులై 20, 2019 6:15:00 AM

      జిలేబి గారూ,
      మీ పూరణ బాగున్నది. అభినందనలు.
      నిన్న ఆకాశవాణిలో చదివిన పూరణ ఇది కాదు. మొట్టమొదట చదివిన మీ పూరణ చివరిపాదం కొంత ఇబ్బంది పెట్టింది.

      తొలగించండి
    2. కామేశ్వర రావు పోచిరాజుశనివారం, జులై 20, 2019 11:22:00 AM

      గురువరేణ్యులకు బంధుప్రీతి సంజనం బెవ్విధి సమంజసమో!!!

      తొలగించండి
  10. ఆవుల చక్రపాణి యాదవ్శనివారం, జులై 20, 2019 6:05:00 AM

    సమస్య :-
    "పరమాత్ముని సేవఁ జేయఁ బాపమె కల్గున్"

    *కందం**

    నిరతము తల్లికి దండ్రికి
    నరకము జూపుచు నిశాంతనారి పలుకులన్
    వరుసగ సమాచరించుచు
    పరమాత్ముని సేవఁ జేయఁ బాపమె కల్గున్
    ....................✍చక్రి

    నిశాంతనారి : భార్య

    రిప్లయితొలగించండి
  11. ఆదూరి ఫణీంద్రరావుశనివారం, జులై 20, 2019 6:13:00 AM

    దురితపుయోచనమదినిడి
    పరమాత్మునిసేవచేయ పాపమె కలుగున్
    చరణమ్ములెశరణమ్మని
    పరమేశునిభక్తితోడభజియింపదగున్.

    రిప్లయితొలగించండి
  12. ఆదూరి ఫణీంద్రరావుశనివారం, జులై 20, 2019 6:15:00 AM

    పరమునుభవహరముగలుగు
    పరమాత్మునిసేవచేయ, పాపమె కలుగున్
    పరమాత్ముని దూఱినచో;
    శరణాగతి కరివరదుని చరణయుగమ్ముల్!

    రిప్లయితొలగించండి
    రిప్లయిలు
    1. కంది శంకరయ్యశనివారం, జులై 20, 2019 6:17:00 AM

      ఫణీంద్ర గారూ,
      మీ రెండు పూరణలు బాగున్నవి. అభినందనలు.

      తొలగించండి
    2. ఆదూరి ఫణీంద్రరావుశనివారం, జులై 20, 2019 2:11:00 PM

      ధన్యవాదాలు గురువుగారు! గత తొమ్మిదివారములు నిరంతరాయంగా ఆకాశవాణిలో నాపద్య పూరణలు ప్రసారమవుతూ వచ్చాయి. ఈ వారం మా గురువుగారి గళంనుంచి నా పద్యం జాలువారుతుందని ఆశించాను.సమయాభావంవల్ల ఆకోరిక నెరవేరనందుకు కించిత్తు నిరాశపడ్డాను.

      తొలగించండి
  13. రాకుమారశనివారం, జులై 20, 2019 6:36:00 AM

    నిన్నటి సమస్యా పూరణ:

    తులువా! జూదమునాడి నీవు తుదకున్
    దుర్మార్గ సంచారివై
    ఖలుడై పోతివి, యింట నాభరణముల్
    కాజేయుటన్ న్యాయమే?
    కొలువున్ జేయుచు బెట్టు బాంధవుడివై,
    ఘోరమ్ము;నీ సొమ్ములున్
    జెలివో చెల్లివొ తల్లివో వదినవో
    జేజమ్మవో యత్తవో?

    రిప్లయితొలగించండి
  14. subbaraoశనివారం, జులై 20, 2019 6:41:00 AM

    నిరతము బుణ్యముగలుగును
    పరమాత్మునిసేవజేయ,పాపమెగలుగున్
    బరమాత్ముని దూషించిన
    భరణినిగలమనుజులెల్లపరమాత్ములులే

    రిప్లయితొలగించండి
  15. డా. జంధ్యాల జయకృష్ణ బాపూజీ ఎం.ఏ., పి హెచ్.డి.శనివారం, జులై 20, 2019 6:47:00 AM

    విరులన్ బూయగజేసి గుండియలలో
    వేదాంతవేద్యుండు శ్రీ
    హరినే విశ్వముగా దలంచి సకలం
    బర్పింప మోక్షంబెకా
    పరమాత్మార్చన సేయు మానవులకుం ;
    బాపంబులే జేకురున్
    సిరులన్ గోరుచు ఘోరకృత్యముల జే
    జేతన్ నొనర్పం భువిన్.

    రిప్లయితొలగించండి
  16. Yajneshశనివారం, జులై 20, 2019 6:56:00 AM

    పరహితము నెఱుంగక నా
    యరిషడ్వర్గము గెలువక నతుల దురాశా
    పరులై మెలగెడు వారే
    పరమాత్ముని సేవ జేయ బాపమె కలుగున్

    రిప్లయితొలగించండి
  17. వెలుదండ సత్యనారాయణ రావుశనివారం, జులై 20, 2019 7:18:00 AM

    ..............🌻శంకరాభరణం🌻...............
    ..................🤷🏻‍♂సమస్య 🤷‍♀....................
    పరమాత్ముని సేవఁ జేయఁ బాపమె కల్గున్

    సందర్భము: చిన్నప్పుడు మా నాన్న ఇలా చెప్పేవాడు..
    "వర్కీజ్ వర్షిప్.. డ్యూటీ ఈజ్ గాడ్.. ఇవి విదేశీయుల మాటలే ఐనా తరింపజేసే మంత్రాలు.
    ధూప దీప నైవేద్యాలతో పూజిస్తే నారాయణుడు సంతోషిస్తాడేమో గాని తన డ్యూటీకి తాను శక్తివంచన లేకుండా న్యాయం చేకూర్చగలిగితే నరుడే కాదు నారాయణుడూ సంతోషిస్తాడు..
    నరుని మరచి నారాయణుని సేవిస్తే నరుని రూపంలో వున్న నారాయణు డెలా సంతోషిస్తాడు?"
    ~~~~~~~~~~~~~~~~~~~~~~~
    " 'వరుకీజ్ వరుషిపు' నాన్నా!

    మరి 'డివిటీ యీజు గాడు' మహి ననుకొనగా

    దరియింతువు.. దీని మరచి

    పరమాత్ముని సేవఁ జేయఁ బాపమె కల్గున్"

    ✒~డా.వెలుదండ సత్యనారాయణ
    20.7.19
    -----------------------------------------------------------

    రిప్లయితొలగించండి
  18. Zilebiశనివారం, జులై 20, 2019 7:23:00 AM


    ఎస్వీ బీ సీ చేర్మన్ పదవి దక్కించు కున్న మా పృథ్వీ గారికి శుభాకాంక్షలతో


    పరులన్ త్రోసి పదండి ముందు కనుచున్ ప్రార్థింప చూడంగ తి
    ట్టి రసాభాసుగ పిన్న పెద్దలనకన్ టింగోడ! పెద్దోడ యం
    చు, రహిన్ చూపక వెంకటేశు కొలువంచున్ మూర్ఖులై డంబుతో
    పరమాత్మార్చన సేయు మానవులకుం బాపంబులే చేకుఱున్!


    జిలేబి

    రిప్లయితొలగించండి
    రిప్లయిలు
    1. కంది శంకరయ్యశనివారం, జులై 20, 2019 8:03:00 AM

      జిలేబి గారూ,
      మీ పూరణ బాగున్నది. అభినందనలు.
      'మా పృథ్వి' అన్నారు... మీ బంధువా?

      తొలగించండి
  19. Zilebiశనివారం, జులై 20, 2019 7:27:00 AM



    ఆకాశవాణి కి పంపించినది :)


    పరలోకములో వున్న ప్రభువా పాహిమాం :)


    అరయన్ పుణ్యము కలుగును
    పరమాత్ముని సేవఁ జేయఁ ,బాపమె కల్గున్
    సరసీ జనులను హింసిం
    ప! రహివలయు జనుల యెడల ప్రభువుని గానన్!



    జిలేబి

    రిప్లయితొలగించండి
    రిప్లయిలు
    1. కంది శంకరయ్యశనివారం, జులై 20, 2019 8:04:00 AM

      జిలేబి గారూ,
      మీ పూరణ బాగున్నది. అభినందనలు.
      ఇంతకూ ఈ 'బొంగులూరు' ఎక్కడిది? హైదరాబాదు సమీపంలో ఒకటి ఉందని గూగుల్ మ్యాపు చెప్పింది.

      తొలగించండి
    2. Zilebiశనివారం, జులై 20, 2019 9:33:00 PM


      అప్పుతచ్చు !


      మీ వరద శతకపు సమావేశము లో కలిసిన వూరు


      జిలేబి

      తొలగించండి
  20. Raja Raoశనివారం, జులై 20, 2019 7:38:00 AM

    క్రొవ్విడి వెంకట రాజారావు:

    పరమపదమ్మె లభించును
    పరమాత్ముని సేవజేయ; బాపమె గల్గున్
    మురువున ఘనునిగ నెగడుచు
    నిరతము దేవుని పదరుచు నేగెడు నపుడున్.

    రిప్లయితొలగించండి
  21. విరించిశనివారం, జులై 20, 2019 8:00:00 AM

    పరమ శివునిఁ గొల్చిన నిక
    హరమౌ పాపము లటంచు నను నిత్యము తా
    దురితముల నొనర్చుచు నా
    పరమాత్ముని సేవఁ జేయఁ బాపమె కల్గున్

    రిప్లయితొలగించండి
  22. Suryaశనివారం, జులై 20, 2019 8:06:00 AM

    పరులటు బాధల నుండగ
    త్వరపడి తగు సాయమిడుట దలపక నెపుడున్
    పరమున కక్కర యనుచును
    పరమాత్ముని సేవఁ జేయఁ బాపమె కల్గున్

    రిప్లయితొలగించండి
  23. eshwarappak1948శనివారం, జులై 20, 2019 8:07:00 AM

    వరములు గలిగిన రాక్షస
    పరివారము వంటిబుద్ది బహు మతియనుచున్
    తరచుగ మనసునలేకే
    పరమాత్మునిసేవజేయ బాపముకల్గున్

    రిప్లయితొలగించండి
  24. చంద్రమౌళి సూర్యనారాయణశనివారం, జులై 20, 2019 8:37:00 AM

    కరముననొక సంచీతో
    తిరిగి పరుల పూలు కోసి తెచ్చి మనుజులా
    విరులను పూజకు వాడుచు
    *"పరమాత్ముని సేవఁ జేయఁ బాపమె కల్గున్"*

    రిప్లయితొలగించండి
  25. యజ్ఞమూర్తి ద్వారకా నాథ్శనివారం, జులై 20, 2019 8:38:00 AM

    పరులను కడు పీడించుచు
    సిరులను ఖలులంతదెచ్చి చింతలె దొలుగన్
    హరికే వాటాల నొసగి
    పరమాత్ముని సేవ జేయ పాపమె కల్గున్

    రిప్లయితొలగించండి
  26. డా.బల్లూరి ఉమాదేవి.శనివారం, జులై 20, 2019 9:08:00 AM


    తిరుగుచు నప మార్గంబున
    పరమాత్ముని సేవ చేయ పాపము గలుగున్
    అరమరికలు లేక కొలువ
    హరియే యొసగును వరములు హర్షము తోడన్."
    :
    మరొక పూరణ

    పరులను పీడించుచనన
    వరతము దురితములు చేయు వారల కిలలో
    పరగతి దొరకక తుదకా
    పరమాత్ముని సేవసేయ పాపమె కలుగున్

    రిప్లయితొలగించండి
    రిప్లయిలు
    1. కంది శంకరయ్యశనివారం, జులై 20, 2019 9:23:00 PM

      మీ రెండు పూరణలు బాగున్నవి. అభినందనలు.
      'పీడించుచు ననవరతము...' టైపాటు అనుకుంటాను.

      తొలగించండి
  27. Raja Raoశనివారం, జులై 20, 2019 9:25:00 AM

    క్రొవ్విడి వెంకట రాజారావు:

    ఒరవున్ జూపని తీరుతో నడరి తానొక్కండుగా చాగుచున్
    వెరపే లేని ప్రవృత్తినిన్ మధురమౌ బెల్లింపు వావాదులన్
    వరుసం జేయుచు తోడివారికిట కీడ్పాటాచరించేటిదౌ
    పరమాత్మార్చన సేయు మానవులకుం బాపంబులే చేకురున్.

    రిప్లయితొలగించండి
  28. విట్టుబాబుశనివారం, జులై 20, 2019 10:06:00 AM

    సెల్ఫ్ సెటైర్:

    అరకొఱ నెఱిగియు నెఱుఁగక
    బరబర పద్యముల వ్రాసి బాధించుచు నే
    ర్పరులను తగునని విట్ఠూ!
    *"పరమాత్ముని సేవఁ జేయఁ బాపమె కల్గున్"*
    😃🙏🏻

    రిప్లయితొలగించండి
  29. Suryaశనివారం, జులై 20, 2019 10:11:00 AM

    పరులన్ బాధలు పెట్టుచున్ మిగుల గర్వంబూని దుర్భావులై
    పర లోకమ్మున దివ్య భోగముల సంప్రాప్తించు నానందముల్
    పరమార్ధమ్మని నమ్మి కీర్తనల సంభావించుచున్ స్వార్ధమౌ
    పరమాత్మార్చన సేయు మానవులకుం బాపంబులే చేకుఱున్

    రిప్లయితొలగించండి
    రిప్లయిలు
    1. కంది శంకరయ్యశనివారం, జులై 20, 2019 9:25:00 PM

      మీ పూరణ బాగున్నది. అభినందనలు.
      'సార్థులై పరమాత్మార్చన...' అంటే బాగుంటుందేమో?

      తొలగించండి
  30. Sitharamayya Solasaశనివారం, జులై 20, 2019 10:11:00 AM

    కరముల నుజోడ గించుచు
    పరమును కాంక్షించి దేవభాష పదములన్
    పొరపాట్లతోడ చదువుచు
    పరమాత్ముని సేవఁ జేయఁ బాపమె కల్గున్

    రిప్లయితొలగించండి
  31. Rohit Audipudi Venkataశనివారం, జులై 20, 2019 10:56:00 AM

    అధర్మకర్మ జేసి ధర్మకర్మకాండ జేస్తే పాపమే వస్తుంది గా...

    మ||

    పరులన్ దూషణజేయుచుండి విషసర్పాలోచనల్ జేయుచున్
    పరకాంతాగతరక్తియన్ మనసునవ్యక్తంబుగన్ నిల్పుచున్
    నరరూపంబులు దాల్చి మస్తకమునన్యాయాప్తులౌ జీవులై
    పరమాత్మార్చన జేయు మానవులకుం బాపంబులే చేకురున్
    Rohit 🙏🏻🙏🏻🙏🏻🙏🏻🙏🏻

    రిప్లయితొలగించండి
  32. కామేశ్వర రావు పోచిరాజుశనివారం, జులై 20, 2019 11:16:00 AM

    అరుదె సుర సంచయమ్ములు
    ధర న్దురవగాహము సుర తత్వ గ్రాహం
    బరయ వచించెద వీ వే
    పరమాత్ముని సేవఁ జేయఁ బాపమె కల్గున్


    నర లోకమ్మునఁ బుట్ట రక్షకుఁ డగున్ నారాయణుండే చుమీ
    పరమేష్ఠ్యన్వయ భూత రావణుని దుర్వాజ్యాత్ము వీక్షించమే
    సుర విద్వేషి హిరణ్య భుక్తిఁ గనమే చోద్యంబె దూరంబగుం
    బర మాత్మార్చన సేయు మానవులకుం బాపంబులే చేకుఱున్

    [పరము + ఆత్మార్చన = పరమాత్మార్చన; ఆత్మార్చన = ఆత్మస్తుతి]

    రిప్లయితొలగించండి
  33. G P Sastry (gps1943@yahoo.com)శనివారం, జులై 20, 2019 12:23:00 PM

    ఆటవిడుపు సరదా పూరణ:
    (జిలేబి గారికి అంకితం)

    సరియౌ రీతిని పాట పాడుచునుభల్ శ్లాఘమ్ములన్ జేయుచున్
    దరువుల్ గొట్టుచు నాట్యమాడగనువే దానంబులన్ జేసెడిన్
    బరువౌ నేతల కోరకే వరములన్ బ్రహ్మాండమౌ తీరునన్
    పరమాత్మార్చన సేయు మానవులకుం బాపంబులే చేకుఱున్

    రిప్లయితొలగించండి
  34. విరించిశనివారం, జులై 20, 2019 2:02:00 PM

    పొరిగింటివారు విరివిగ
    పురహరిఁ గొల్తురని తాము పోటీ పడుచున్
    బరనాశమ్మును గోరుచు
    పరమాత్ముని సేవఁ జేయఁ బాపమె కల్గున్

    రిప్లయితొలగించండి
  35. Zilebiశనివారం, జులై 20, 2019 3:46:00 PM



    అందరి పూరణలూ అలరించు చున్నవి !

    వచ్చేవారమునకు ఆకాశవాణి వారి సమస్య యేమిటి ? తెలియ చేయగలరు


    జిలేబి

    రిప్లయితొలగించండి
  36. మిస్సన్నశనివారం, జులై 20, 2019 6:07:00 PM

    ఈ కామెంట్‌ను రచయిత తీసివేశారు.

    రిప్లయితొలగించండి
  37. మిస్సన్నశనివారం, జులై 20, 2019 6:11:00 PM

    కర మానందముగూర్చ గన్నులకు,గైంకర్యమ్ముగా నీయ నా
    పరమాత్మాంఘ్రుల కింట బెంచుకొన పుష్పాలిచ్చు పల్మొక్కలం
    బరమార్థమ్మని దొంగిలించి విరులం బాపంబుగా నెంచకం
    బరమాత్మార్చనసేయ మానవులకుం బాపంబులే చేకుఱున్.

    రిప్లయితొలగించండి
  38. రాకుమారశనివారం, జులై 20, 2019 8:38:00 PM

    వరగర్వితులైనయసుర
    వరులును ప్రతియుగమునందు వ్రాలిరి తుదకున్
    నిరంతరము పాపపు చింతన
    పరమాత్ముని సేవఁ జేయఁ బాపమె కల్గున్

    రిప్లయితొలగించండి
    రిప్లయిలు
    1. కంది శంకరయ్యశనివారం, జులై 20, 2019 9:30:00 PM

      మీ పూరణ బాగున్నది. అభినందనలు.
      మూడవ పాదం మొదటి గణం జగణమయింది. "నిరతమ్ము పాప చింతన" అనండి.

      తొలగించండి
  39. రాకుమారశనివారం, జులై 20, 2019 8:43:00 PM

    నిరంతరము×
    నిరతము√

    రిప్లయితొలగించండి
  40. డా.బల్లూరి ఉమాదేవి.శనివారం, జులై 20, 2019 8:51:00 PM

    మరో మూడు పూరణలు

    నర జన్మకు ఫలమొదవును
    పరమాత్ముని సేవసేయ, పాపమె కలుగున్
    పరవనితల కాంక్షించుచు
    దురిత ము లొనరించ తుదకు దుఃఖమె మిగులున్.

    నిరతము చెడు భావనతో
    పరదారల వాంఛ చేయు పాతకునకిలన్
    దొరకదు శాంతియు పైగా
    పరమాత్ముని సేవసేయ, పాపమె కలుగున్.

    హరితా మెచ్చును సతతము
    పరమాత్ముని సేవసేయ, పాపమె కలుగున్.
    పరపతిని నుపయోగించుచు
    పరులను హింసించుచుండ వసుమతి యందున్


    రిప్లయితొలగించండి
    రిప్లయిలు
    1. కంది శంకరయ్యశనివారం, జులై 20, 2019 9:31:00 PM

      మీ మూడు పూరణలు బాగున్నవి. అభినందనలు.
      'పైగా' అన్నది వ్యావహారికం.

      తొలగించండి
  41. కంది శంకరయ్యశనివారం, జులై 20, 2019 8:53:00 PM

    వచ్చే వారానికి ఆకాశవాణి వారి దత్తపది.....
    తట్ట - గుట్ట - చుట్ట - పుట్ట
    పై పదాలను ప్రయోగిస్తూ 'స్వచ్ఛ భారత్' లక్ష్యాల గురించి
    మీకు నచ్చిన ఛందస్సులో పద్యం వ్రాసి
    గురువారం సాయంత్రం లోగా క్రింది చిరునామాకు మెయిల్ చేయండి.
    padyamairhyd@gmail.com

    రిప్లయితొలగించండి
    రిప్లయిలు
    1. Zilebiశనివారం, జులై 20, 2019 9:30:00 PM



      నెనరుల్స్ ! పంపించితిమి :)



      జిలేబి

      తొలగించండి
    2. కంది శంకరయ్యశనివారం, జులై 20, 2019 9:32:00 PM

      కొందరికి 'గుట్ట'... 'బుట్ట'లా వినిపించిందట!

      తొలగించండి
    3. కంది శంకరయ్యశనివారం, జులై 20, 2019 9:33:00 PM

      ఈవారం మొట్టమొదట మీ పూరణ చదువుతానన్న మాటను నిలుపుకున్నాను.

      తొలగించండి
    4. Zilebiశనివారం, జులై 20, 2019 9:36:00 PM



      బుట్ట అంటేనే ఇంకొంత సొబగేమో నండి ! తట్టా బుట్టా తబేలాలతో దేశాన్ని‌ ఓ‌ ఝాడూ లాగించేయొచ్చు :) గుట్ట తో‌బాటు బుట్టకూడా‌ రాసేసుకుంటే ఛందం ఒప్పదా యేమిటి ;)



      జిలేబి

      తొలగించండి
    5. Zilebiశనివారం, జులై 20, 2019 9:38:00 PM


      ధన్యవాదములు ! ంంంం రె

      మీ అభిమానమే మాకు శ్రీరామ రక్ష !



      జిలేబి

      తొలగించండి
  42. గుండా వేంకట సుబ్బ సహదేవుడుశనివారం, జులై 20, 2019 10:42:00 PM

    నేడు ప్రసారమైన కందం

    వరమనఁగ జయవిజయులున్
    పరులై ముజ్జన్మలందుఁ బ్రభువును చేరన్
    భరపడి నంతట నొగి హరిఁ
    బరమాత్ముని సేవఁ జేయఁ బాపమె కలుగున్

    మత్తేభవిక్రీడితము
    వరమే మీకని శ్రీనివాసుడు వినన్ ప్రత్యేక హోదాయనె
    న్నెరనమ్మంగఁ బ్రధానిగా వెలసి మన్నించంగ వెన్కాడుచున్
    కరసేవన్ రఘు రామ మందిరమునే గట్టింతునన్బల్కుచున్
    పరమాత్మార్చన సేయు మానవులకుం బాపంబులే చేకుఱున్

    రిప్లయితొలగించండి

దీనికి సబ్‌స్క్రయిబ్ చేయి: కామెంట్‌లను పోస్ట్ చేయి (Atom)