25, జులై 2019, గురువారం

సమస్య - 3086 (గరళము లభియించదు...)

కవిమిత్రులారా,
ఈరోజు పూరింపవలసిన సమస్య ఇది...
"గరళము లభియించ దకట కత్తియు లేదే"
(లేదా...)
"గరళమ్మింత లభించదే యకట ఖడ్గంబైనఁ జేఁజిక్కదే"

62 కామెంట్‌లు:

  1. నిరతము బాధలు పెట్టెడు
    పురుషునితో తాళలేను పుడమిని నికనే
    మరణించుటె మేలనగను
    గరళము లభియించ దకట కత్తియు లేదే

    రిప్లయితొలగించు
  2. ప్రాతః కాలపు సరదా పూరణ:

    "కరవాలమ్ముల తోడ మోడి నగుచున్ ఖండించగా పాదముల్
    దరికిన్ రారుగ బంధు మిత్రులెవరున్ దారిద్ర్యమున్ తీర్చగా
    విరిగెన్ కాంగ్రెసు ముక్కముక్కలగుచున్ భీతిల్లి చావంగ హా!
    గరళమ్మింత లభించదే యకట ఖడ్గంబైనఁ జేఁజిక్కదే"

    రిప్లయితొలగించు
  3. విరహమును తాళ లేనిక
    సరసుడు చెంతను లేక సాద్యము కాదే
    పరలోక ముబోవ నెంచిన
    గరళము లభియించ దకట కత్తియు లేదే

    రిప్లయితొలగించు
    రిప్లయిలు
    1. అక్కయ్యా,
      మీ పూరణ బాగున్నది. అభినందనలు.
      రెండవ మూడవ పాదాలలో గణదోషం. "సరసుడు నా చెంత లేక సాధ్యము... పరలోక మేగ నెంచిన.." అనండి.

      తొలగించు
    2. విరహమును తాళ లేనిక
      సరసుడు నాచెంత లేక సాద్యము కాదే
      పరలోక మేగ నెంచిన
      గరళము లభియించ దకట కత్తియు లేదే

      తొలగించు
  4. కరుణను నను దయజూడగ
    పరమాత్ముడు కదలిరాడు పరమునొసంగన్
    మరణమె శరణము నాకిక
    గరళము లభియించ దకట కత్తియు లేదే

    రిప్లయితొలగించు
  5. (అశోకవనంలో జానకీ మాత)
    నిరతము దనుజుల బాధలు
    భరియించుచు గడిపితిట్లు పది మాసమ్ముల్
    మరణము నాశింప నిటను
    గరళము లభియించ దకట కత్తియు లేదే

    యజ్ఞమూర్తి ద్వారకా నాథ్

    రిప్లయితొలగించు
  6. వరముల కోరిన నీయవు
    పరిపరి విధములనునిన్ను ప్రార్థన సేయన్
    మరణముపొందెద మన్నను
    గరళము లభియించ దకట కత్తియు లేదే

    రిప్లయితొలగించు
  7. ఆకాశవాణి వారి దత్తపది.....
    తట్ట - గుట్ట - చుట్ట - పుట్ట
    పై పదాలను ప్రయోగిస్తూ 'స్వచ్ఛ భారత్' లక్ష్యాల గురించి
    మీకు నచ్చిన ఛందస్సులో పద్యం వ్రాసి
    రేపు ఉదయం 10 గం. లోగా క్రింది చిరునామాకు మెయిల్ చేయండి.
    padyamairhyd@gmail.com

    రిప్లయితొలగించు
  8. విరహం మ్మింతగ బాధబెట్టు నని పీయూషం బునేమ్రిం గినన్
    సరసుం డైనప్రి యుండునా దరిని సంశోభిల్లగా మోదమున్
    పరలో కంబును చేరిపో వగను ప్రార్ధించినన్ దైవమున్
    గరళమ్మింత లభించదే యకట ఖడ్గంబైనఁ జేఁజిక్కదే

    రిప్లయితొలగించు
    రిప్లయిలు
    1. అక్కయ్యా,
      మీ పూరణ బాగున్నది. అభినందనలు.
      మూడవ పాదంలో గణదోషం. "చేరిపోవగను నే ప్రార్థించినన్..." అనండి.

      తొలగించు
  9. కరకగు ప్రకృతి ప్రకోపము
    తురుమగ సంపదలరాశి దురముగ నకటా!
    మరణించెదమన్న నహో!
    గరళము లభియించదిచట కత్తియులేదే!

    రిప్లయితొలగించు
  10. విరహం మ్మింతగ బాధబెట్టు నని పీయూషం బునేమ్రిం గినన్
    సరసుం డైనప్రి యుండునా దరిని సంశోభిల్లగా మోదమున్
    పరలో కంబును చేరిపో వగను నేప్రార్ధిం చినన్ దైవమున్
    గరళమ్మింత లభించదే యకట ఖడ్గంబైనఁ జేఁజిక్కదే

    రిప్లయితొలగించు
    రిప్లయిలు
    1. అక్కయ్యా,
      మీ పూరణ బాగున్నది. అభినందనలు.
      మొదటి, రెండవ పాదాలలో యతి తప్పింది. సవరించండి.

      తొలగించు
  11. శ్రీ గురుభ్యోన్నమః🙏
    లంక నందశోక వనము నందు భూజాత వాపోవుట:

    బెరికికి* జిక్కితి రామా!
    మరకువ** మన్నించు నాది, మరినిక గనవే!
    కరుణాలవాల! జావగ
    గరళము లభియించ దకట కత్తియు లేదే!

    బెరికికి-దుర్మార్గుడికి(రావణుడు)
    మరకువ-అజ్ఞానము

    రిప్లయితొలగించు
  12. ..............🌻శంకరాభరణం🌻...............
    ..................🤷🏻‍♂సమస్య 🤷‍♀....................
    గరళము లభియించ దకట కత్తియు లేదే

    సందర్భము: సులభము
    ~~~~~~~~~~~~~~~~~~~~~~~
    మరణింప నెంచె.. దొరికెను
    దరిద్రునికి కోటి ధనము.. తగ నిట్లనె "నా
    కురి తాడే కనిపించదు..
    గరళము లభియించ దకట! కత్తియు లేదే!"

    ✒~డా.వెలుదండ సత్యనారాయణ
    25.7.19
    -----------------------------------------------------------

    రిప్లయితొలగించు

  13. జిలేబి వ్రాతలు కంది వారి మనోన్మణీయము :)


    అరకొర జిలేబి వ్రాతల
    సరిజూచుచు ప్రతి దినమ్ము సదనము లో వే
    సర పడు చుంటిని ! కటకట!
    గరళము లభియించ దకట కత్తియు లేదే!


    జిలేబి

    రిప్లయితొలగించు


  14. అరరే! వచ్చెను దూదిపింజ వలె తానచ్చచ్చొ నాంధ్రాంగ్లముల్
    వరుసన్ హిందియు సంస్కృతమ్ము కలువన్ వడ్డించెనే తెల్గుతో
    సరిదట్టించి, సమాసముల్ మరిచితిన్ ఛందస్సులే బోయెనే!
    గరళమ్మింత లభించదే యకట ఖడ్గంబైనఁ జేఁజిక్కదే!


    జిలేబి

    రిప్లయితొలగించు

  15. మా నేటి కర్ నాటకం :)


    అరరే! పదవియు పోయెన్
    సరి యెడ్యూరప్ప కొలువు చక్కగ తీరున్
    వరుమానము తగ్గునికన్
    గరళము లభియించ దకట కత్తియు లేదే!


    జిలేబి

    రిప్లయితొలగించు


  16. పరిపాటియయ్యె యువతుల
    పరిణయ మాడన్ తలాకు పద్ధతిని సఖీ
    తరుమను! దారిద్ర్యమిదే!
    గరళము లభియించ దకట కత్తియు లేదే

    జిలేబి

    రిప్లయితొలగించు
  17. కఱకఱలాడుచునున్నది
    యిరవుగ నొకముద్దగూడ నెవ్వరునిడరే
    మరణమె గతియిక యనుకొన
    గరళములభియించదకట కత్తియులేదే

    రిప్లయితొలగించు
  18. నిరతము బాధల నిడుచును
    కరమనురాగము నటించు కపటపు పతితో
    తరమే కాదిక ,చంపగ
    గరళము లభియింప దకట కత్తియు లేదే.

    రిప్లయితొలగించు
  19. ఈ కామెంట్‌ను రచయిత తీసివేశారు.

    రిప్లయితొలగించు
  20. పరిచారుల యెదుట తరుణి
    పరిహాసమ్మే దలపుల వదలని వగపై
    భరియింపగ నా తరమే
    గరళము లభియించ దకట కత్తియు లేదే

    రిప్లయితొలగించు
  21. మరుని శరమ్ముల ధాటికి
    విరహాగ్నిని జిక్కితి నిటు వేదన హెచ్చెన్
    భరియింపగ నా వశమే
    గరళము లభియించ దకట కత్తియు లేదే

    రిప్లయితొలగించు
  22. వర వాస్తు శాస్త్ర మరసిన
    గురువు లనిరి యివ్విధమ్ము గూల్చుము దానిం
    బర మది, తనరంగ నపా
    గరళము, లభియించ దకట కత్తియు లేదే

    [అపాక్ +అరళము = అపాగరళము; పడమటి తలుపు]


    దురవస్థం గన దైవ కృత్య మనఁగాఁ దోచుం గదా లేనిచోఁ
    దరులం ద్రెంచెద మన్న గొడ్డలియు విత్తం బీయ నప్రాప్తమే
    బరులం గోరిన నెవ్వరీయ రిట గోవ్రాతమ్ము భక్షించఁగా
    గరళమ్మింత లభించదే యకట ఖడ్గంబైనఁ జేఁజిక్కదే

    [గరళము = గడ్డి మోపు]

    రిప్లయితొలగించు
  23. ఆటవిడుపు సరదా పూరణ:
    (జిలేబి గారికి అంకితం)

    ప్రాతః కాలపు పూరణకు అనుబంధము:👇

    కరిగెన్ నాదు మనమ్ము రాహులుడయో కంగారు నీకేలరా?
    పరిపూర్ణంబుగ మట్టుపెట్టెదను నీ పాపాత్ములౌ శత్రులన్!
    బిరియానిన్ తినిపించుచున్ దునిమెదన్ భీతిల్లి వాపోవకో:
    "గరళమ్మింత లభించదే యకట ఖడ్గంబైనఁ జేఁజిక్కదే"

    రిప్లయితొలగించు
  24. కరమున్బాధనునొందునాయువతిదాకైదండలన్జేయుచున్
    గరళమ్మింతలభించదేయకట ఖడ్గంబైనజేజిక్కదే
    మరణంబొందగ వీలులేదకట హేమాతా దయంజూపవా?
    దరికిన్వత్తునునేను,రాయనుమ యోతల్లీ!రమాదేవి!నన్

    రిప్లయితొలగించు
  25. వరమున బుట్టిన వాడని
    పరులనుహింసించబూన గారాబమునన్
    నిరసనతోశిక్షించగ
    గరళము లభియించ దకట కత్తియు లేదే!!

    రిప్లయితొలగించు
  26. నిరతము నీనామమునే
    స్మరియించుచు నుందు ననుచు మమతల గూర్చన్
    పరకాంతలజాడ వెడల
    గరళము లభియించ దకట కత్తియు లేదే!!

    --------యెనిశెట్టి గంగా ప్రసాద్.

    ***రెండవ పూరణ.

    రిప్లయితొలగించు
  27. సరసన్ జేరడు ముద్దులాడడు సదా సాహిత్యమున్ మున్గెడిన్
    బురుషుండే పతియయ్యె నో చెలియ నన్ మోసమ్ము నే జేసిరే
    మరణమ్మే శరణమ్మయెన్ గనగ కొమ్మామా గృహమ్మందునన్
    గరళమ్మింత లభించదే యకట ఖడ్గంబైనఁ జేఁజిక్కదే.

    రిప్లయితొలగించు


  28. అరరె! ఇరాని ! అమేథీ
    నరె మార్చెదనంచు చెప్పి నా తనయుడినే
    మరి ఓటాఱిచి నావే
    గరళము లభియించ దకట కత్తియు లేదే!

    రిప్లయితొలగించు




  29. అరె నా స్వప్నంబయ్యె న
    మరావతిని దేశపు తలమానికముగ ని
    ల్ప! రవంతయు నెఱి లేదే!
    గరళము లభియించ దకట కత్తియు లేదే!


    జిలేబి

    రిప్లయితొలగించు
  30. పరువమున సతి గతింపగ
    విరహాగ్నికి తాళలేక వేసరి మగడే
    కరకుదనమ్మున పలికెను
    "గరళము లభియించ దకట కత్తియు లేదే"

    రిప్లయితొలగించు
  31. పరువమున సతి గతింపగ
    విరహాగ్నికి తాళలేక వేసరి మగడే
    బరువగు మదితో బలికెను
    "గరళము లభియించ దకట కత్తియు లేదే"

    రిప్లయితొలగించు
  32. పరువనునది పయెనెపుడొ
    వరుసగ నపనిందలొచ్చి పడుచుండుటచే
    మరణమె శరణంబన్నను
    గరళము లభియించ దకట కత్తియు లేదే

    రిప్లయితొలగించు
  33. కందం
    హరినే వీడని తనయున్
    హిరణ్యకశిపుడు వధించ నేర్పరచ, భటుల్
    సరసన్ గొనినన్ స్మయమై
    గరళము లభియించ దకట కత్తియు లేదే!?

    మత్తేభవిక్రీడితము(పంచపాది)

    హరి భక్తిన్ విడ మన్న వీడడని ప్రహ్లాదున్ విఘాతించగన్
    బురమాయించిన రాజసైనికులు కోపోద్రిక్తులై కత్తులున్
    గరళంబన్నియు చేతబట్టుకొనుచున్ కాంతారమున్ జేరియున్
    వర ప్రహ్లాదుని సంహరించఁ గన తద్భక్తుండు వేడన్ హరిన్
    గరళమ్మింత లభించదే యకట ఖడ్గంబైనఁ జేఁజిక్కదే!

    రిప్లయితొలగించు
  34. ధరణీకన్యగ బుట్టి శ్రీ జనక సద్ధాత్రీశు ని ల్మెట్టి దా
    శరథిం బాణిని బట్టితి న్విధి కటా సారంగ రూపమ్మునం
    దరిమె న్రావణు పాలికి న్నసువులం దక్కంగ మేలందునా
    గరళమ్మింత లభించదే యకట ఖడ్గంబైనఁ జేఁజిక్కదే.

    రిప్లయితొలగించు
  35. దురితానంతపరాపకారఘటనాదుష్టాత్ములం దున్మగన్
    నిరయావాసము సంభవించి ధరణీనిర్మూలదుష్కృత్యమై
    వరలన్, కార్యవిధాయకం బొకటి సంప్రాప్తించ దే దేనియున్
    గరళమ్మింత లభించదే, యకట ఖడ్గంబైనఁ జేఁజిక్కదే?

    కంజర్ల రామాచార్య
    కోరుట్ల.

    రిప్లయితొలగించు
  36. సరసము బలుకని సంతును
    విరుపుల ధోరణి బలుకగ వింతగ దోచెన్
    అరుపు విసుగు కసరుల విన
    గరళము లభియించ దకట కత్తియు లేదే

    రిప్లయితొలగించు
  37. మైలవరపు వారి పూరణ

    నరుడా? రాక్షసుడీతడెప్పుడు ననున్ నాన్నా యనండాశ లా
    విరియయ్యెన్ ! బడద్రోసె కర్కశముగా వృద్ధాశ్రమంబందు , నీ..
    నరకమ్మున్ భరియింప! తీసుకొన ప్రాణంబుల్ దరిన్ జూడగా
    గరళమ్మింత లభించదే యకట ఖడ్గంబైనఁ జేఁజిక్కదే !!

    మైలవరపు మురళీకృష్ణ వెంకటగిరి

    రిప్లయితొలగించు
    రిప్లయిలు
    1. మరో పూరణ..

      ఎరువుల్ విత్తనముల్ కొనంగ బరువయ్యెన్ , నాటగా తోటలో
      నరటిన్ , పండెను ! గిట్టుబాటు ధర లేదయ్యెన్ ! మహాదుఃఖదు...
      ర్భరమయ్యెన్ బ్రతుకింక , చావొకటె మార్గంబయ్యె నో దైవమా !
      గరళమ్మింత లభించదే యకట ఖడ్గంబైనఁ జేఁజిక్కదే !

      మైలవరపు మురళీకృష్ణ వెంకటగిరి

      తొలగించు
  38. హరి భక్తుడైన బాలుని
    కిరాత రీతిని వధించి కీడును సేయన్
    హరివైరికి తగినదయిన
    గరళము లభియించ దకట కత్తియు లేదే

    విష్ణుమూర్తి భక్తుడైన బాలుడు ప్రహ్లాదుని కిరాతకంగా హింసించి చంపాలనుకున్న హిరణ్య కశ్యపుడికి ఆ పని చేయగల విషము కానీ ఆయుధం కానీ లభించలేదు! హరి భక్తునికి హాని చేయగల ఆయుధం జగాన ఉంటుందా!!

    రిప్లయితొలగించు
  39. [7/25, 9:24 AM] Dr Umadevi B: డా.బల్లూరి ఉమాదేవి.

    నిరతము బాధల నిడుచును
    కరమనురాగము నటించు కపటపు పతితో
    తరమే కాదిక ,చంపగ
    గరళములభియించదకట కత్తియులేదే
    మరో మూడు పూరణలు.

    పరిణయమాడెద ననుచును
    కరమను రక్తినిట చూపి కపటపు బుద్ధిన్
    కరమును విడె వాని దునుమ
    గరళములభియించదకట కత్తియులేదే

    తరుణి మణులను చేరుచు
    కరమున కరముంచి వేగ కన్న్యాత్వంబున్
    చెరచెడి వానిని చంపగ
    గరళము లభియించదకట కత్తియు లేదే.


    ధరలో నప్పులు పెరిగెను
    కరుణను చూపెడి జనములు కరువై రకటా
    మరణమె మేలని గైకొన
    గరళము లభియించదకట కత్తియు లేదే.

    రిప్లయితొలగించు
  40. నరు లెవ్వారల జాడలేదు కనగాఁ నాకంటికన్ దైవమా!
    దరిలేరెవ్వరుఁ నాదు ఘోష వినగాఁ దట్టంపు యీకానలో
    నురగమ్మున్ ననుఁ గాటువేసె శివుడా!యోర్వంగ వైద్యమ్ముకై
    గరళమ్మింత లభించదే యకట ఖడ్గంబైనఁ జేఁజిక్కదే

    రిప్లయితొలగించు
  41. విరహం మ్మింతగ బాధబెట్టు నని నేవేవేల కోరంగనా
    సరసుం డైనప్రి యుండునా దరిని కంసారాతి యైక్రీడలన్
    పరలో కంబును చేరిపో వగను నేప్రార్ధిం చినన్ దైవమున్
    గరళమ్మింత లభించదే యకట ఖడ్గంబైనఁ జేఁజిక్కదే

    రిప్లయితొలగించు