13, ఆగస్టు 2019, మంగళవారం

సమస్య - 3103 (మామకె మామగా...)

కవిమిత్రులారా,
ఈరోజు పూరింపవలసిన సమస్య ఇది...
"మామకె మామగను నిల్చు మాన్యునిఁ గొలుతున్"
(లేదా...)
"మామకె మామగా నిలిచి మాన్యతఁ గన్న ఘనున్ స్తుతించెదన్"

79 కామెంట్‌లు:

  1. ప్రాతః కాలపు సరదా పూరణ:

    గోముగ భారతావనికి గొప్పగు తీరు ప్రధానమంత్రిగా
    నీమము లన్నియున్ నిలిపి నిక్కపు రీతిని సేవజేయుచున్
    కోమలి సోనియమ్మకట కొండొక తీరున ఖ్యాతినొందినన్
    మామకె మామగా నిలిచి మాన్యతఁ గన్న ఘనున్ స్తుతించెదన్

    రిప్లయితొలగించండి
  2. కందం
    కామితములొసఁగు లక్ష్మిని
    భామినిగా నంది వాని పాదజ గంగన్
    ప్రేమగ సాగరుఁ జేర్చిన
    మామకె మామగను నిల్చు మాన్యునిఁ గొలుతున్

    రిప్లయితొలగించండి
    రిప్లయిలు
    1. పండితోత్తములు శ్రీ వెలుదండ వారి సూచిత సవరణతో...

      ప్రేమగ సాగర కన్యను
      భామినిగా నంది వాని పాదజ గంగన్
      ప్రేమగ సాగరుఁ జేర్చిన
      మామకె మామగను నిల్చు మాన్యునిఁ గొలుతున్

      తొలగించండి
    2. గురుదేవులకు ధన్యవాదములు. సవరించిన మూడవ పాదంతో

      కందం
      ప్రేమగ సాగర కన్యను
      భామినిగా నంది వాని పాదజ గంగన్
      భూమిని సాగరుఁ జేర్చిన
      మామకె మామగను నిల్చు మాన్యునిఁ గొలుతున్

      తొలగించండి
  3. మామక భీష్టము దీర్చుచు
    భూమిజను వివాహమాడి భూమికి భారం
    బా మైథిలి మిష నణచిన
    *"మామకె మామగను నిల్చు మాన్యునిఁ గొలుతున్"*

    రిప్లయితొలగించండి
  4. సామజ రక్షణార్థమయి చక్రము నంపె విభీషణాదులన్
    స్వామిగ చేరదీసె భువి భారమణంచ దశావతారుడై
    నీమము తోడ భక్తులకు నీడగ తోడుగ నిల్చె నెవ్వడా
    *మామకె మామగా నిలిచి మాన్యతఁ గన్న ఘనున్ స్తుతించెదన్"*

    రిప్లయితొలగించండి
  5. కాముని తండ్రి సాగరునికై నతులిచ్చుట యేరికోసమో?
    రాముని చెంగటన్ జనకరాజు మనంబుననేమి కోరెనో?
    శ్యామల కోమలాంగుని,రసాత్మకు,వెన్నుని నేమిఁజేతునో?
    మామకె-మామగను నిల్చు-మాన్యునిఁగొలుతున్.

    క్రమాలంకారంలో పూరణ

    రిప్లయితొలగించండి
    రిప్లయిలు
    1. ఆర్యా మొదటి మూడు పాదములు వృత్తము చివరి పాదము కందము సరి కాదేమో అని నా అభిప్రాయము సుమా

      తొలగించండి
    2. ప్రసాద రావు గారూ,
      మీ పూరణ బాగున్నది. అభినందనలు.
      వృత్తపాదానికి బదులు కందపాదాన్ని పేస్ట్ చేసారు.

      తొలగించండి
    3. ఔను పొరపాటుకు క్షంతవ్యుడను

      తొలగించండి
  6. నీమము వీడక వెలుగును
    భామిను లగుతార లపతి బాసంతు డటన్
    క్షేమము గోరుచు దక్షుడు
    మామకు మామగను నిల్చు మాన్యునిఁ గొలుతున్

    రిప్లయితొలగించండి
  7. మైలవరపు వారి పూరణ

    మామ యటంచు బిల్చెదరు మామిడిపూడి మనోహరున్ జనుల్.!
    ప్రేమగ వాని బిల్చి తన పిల్లనొసంగిన మాధవుండు., నెం...
    తో ముదమార కాన్కలిడ , తుష్టిని నల్లుడు బల్కె నిట్టులీ...
    మామకె మామగా నిలిచి మాన్యతఁ గన్న ఘనున్ స్తుతించెదన్

    మైలవరపు మురళీకృష్ణ వెంకటగిరి

    రిప్లయితొలగించండి
    రిప్లయిలు
    1. మైలవరపు వారి పూరణ ప్రశస్తంగా ఉన్నది.

      తొలగించండి
    2. శ్రీమతిగా రమాలలన సింధుజఁ గొన్న మహానుభావుడా
      శ్రీమధుసూదనుండు దలచెన్ తన పాదజ యైన జాహ్నవిన్
      ప్రేమగ నబ్ధి జేర్చగ.., విరించి యనెన్ హరి గాంచి నవ్వుచున్
      మామకె మామగా నిలిచి మాన్యతఁ గన్న ఘనున్ స్తుతించెదన్.!

      మైలవరపు మురళీకృష్ణ వెంకటగిరి

      తొలగించండి

  8. కుమారస్వామి ఆకాశరాజు


    నామాలసామికి సతిగ
    రామను నాకాశరాజు రాణిగ నిల్పెన్
    నే మాతృనందనుడ! నా
    మామకె మామగను నిల్చు మాన్యునిఁ గొలుతున్!


    జిలేబి

    రిప్లయితొలగించండి
  9. (రామయ్యగారు యువకవి రాఘవశర్మ కావ్యాన్ని అంకితం తీసికొని అల్లుడైనాడు .తన పుత్రిక మాలతిని అతనికిచ్చి
    పెండ్లిచేసి మామకి మామ అయినాడు. రాఘవశర్మ కూడా అల్లునికి అల్లుడైనాడు .చిత్రం!విచిత్రం !!)
    కోమలకావ్యకన్యకను
    కూరిమి చేకొనె ;స్వీయపుత్రికన్
    మామకు సంతసంబుగ స
    మర్పణ జేయుచు బెండ్లిచేసె నా
    రామయ మాలతిన్ సుకవి
    రాఘవశర్మకు నిచ్చి ;చిత్రమే !
    మామకె మామగా నిలిచి
    మాన్యత గన్న ఘనున్ స్తుతించెదన్ .

    రిప్లయితొలగించండి
  10. కాముని గాల్చిన వాడై
    మామకు బుద్ధిని గఱపిన మహితాత్ముడునై
    క్షేమంకరుడౌ ర.ద్రుని
    మామకె మామగను నిల్చు మాన్యుని గొలుతున్

    రిప్లయితొలగించండి
  11. భామను లక్ష్మిని జేకొని
    మామగ బొందెను నదీశు మారుగ గంగా
    కోమలి పుత్రికగ గొనిన
    మామకు మామగనునిల్చు మాన్యుని గొల్తున్

    రిప్లయితొలగించండి
  12. ఆటవిడుపు సరదా పూరణ:
    (జిలేబి గారికి అంకితం)

    దోమల కాటులన్ మురిసి దొడ్డగు తీరున వంగభూమికిన్
    భామను పొందగోరి చని వాగెడి జాబున ఖ్యాతినొందుచున్...
    గోముగ కూతుకున్ మగని కోడలికిన్ ఘన పూజితుండునౌ
    మామకె మామగా నిలిచి మాన్యతఁ గన్న ఘనున్ స్తుతించెదన్ 😊

    రిప్లయితొలగించండి
  13. నేటి శంకరాభరణము సమస్య

    మామకు మామగను నిల్చు మాన్యుని గొలుతున్

    ఇచ్చిన పాదము కందము నా పూరణము సీసములో

    పరీక్షిత్తు భార్య మాద్రవతి. తన భర్తకు మరణము వారము రోజులలో తధ్యము అని తెలిసి దానిని ఆ శ్రీ కృష్ణుడు ఒక్కడే అపగలడు, అతనినే వేడు కొందును అని తలచు సందర్భము (మాద్రవతికి మామ అభిమన్యుడు అభిమన్యునకు మామ కృష్ణుడు )


    వేటకు జని పతి వేసెను ముని మెడపై మరణించిన పన్నగమును.
    దీటుగ బడసెను తిట్టునొకటి ముని తనయునిచే, కల్గు తన ధవునకు
    మరణము రయముగ, శరణము కోరెద దేవకీ పుత్రుని దేహి యనుచు,
    వినుము,,మామకె మామ గనునిల్చు మాన్యుని గొలుతున్, విధుడు పచ్చ విలుతునయ్య ,
    నల్ల దేవర ,కరివేల్పు, నగధరుండు
    గిరి ధరుడు, కాచును పతిని సరస గతిగ
    ననుచు మాద్రవతి తెలిపి ఘనత తోడ
    పూజ జేసె పరీక్షిత్తు పొలిని నిలుప



    రిప్లయితొలగించండి
    రిప్లయిలు
    1. కందపాద సమస్యకు సీసంలో చెప్పిన మీ పూరణ ప్రశస్తంగా ఉన్నది. అభినందనలు.

      తొలగించండి
    2. పదముల గురువు పాదములకు ముదముగ హృదయ పూర్వక అభివాదనము చేయుచు ధన్యవాదములు తెల్పుచూ
      పూసపాటి

      తొలగించండి

  14. భెరి భెరి కాంప్లికేటడు రిలేషన్ షిప్పు మామకుమామ శ్రీమన్మహావిష్ణువు


    శ్రీమతి తోయరాట్టునకు చెన్నుకొమార్తె! సముద్రుడైన నా
    మామకు భార్య గంగను కొమార్తెగ గాంచిన విష్ణుడాతడౌ!
    మామకె మామగా నిలిచి మాన్యతఁ గన్న ఘనున్ స్తుతించెదన్
    రామను భార్య గానిలిపి రాజిలె పృథ్విని వేంకటేశుడై!



    జిలేబి

    రిప్లయితొలగించండి
  15. ఆమాలినికే తండ్రయి
    నా మంధిరు పుత్రి లక్ష్మి కార్యుడు దానై
    నా మధుసూదను, మాపతి
    మామకె మామగను నిల్చు మాన్యుని గొల్తున్!

    రిప్లయితొలగించండి
  16. రిప్లయిలు
    1. మీ పూరణ బాగున్నది. అభినందనలు.
      మూడవ పాదంలో బేసిగణంగా జగణం వచ్చింది. సవరించండి.

      తొలగించండి
    2. రాముని రూపము పురుషుల
      సమ్మోహ పరచు , పుడమిని సాటియె లేకన్|
      నా మోహనాంగు, చందురు |
      "మామకె మామగను నిల్చు మాన్యునిఁ గొలుతున్"

      తొలగించండి
  17. భామిని గిరిజను గైకొన
    మామగ దాబేరునొందె మాహేశునకున్
    మామకుమామగుమేరుని
    మామకెమామగనునిల్చుమాన్యునిగొలుతున్

    రిప్లయితొలగించండి
  18. ఈ కామెంట్‌ను రచయిత తీసివేశారు.

    రిప్లయితొలగించండి
  19. క్రొవ్విడి వెంకట రాజారావు:

    నేమము తోడను పృథివికి
    ధామము గూర్చెడి యుడుపుల ధవుడై చనునౌ
    గ్రామణి యా ఘన చందురు
    మామకె మామగను నిల్చు మాన్యును గొల్తున్.

    రిప్లయితొలగించండి
  20. తామర నేత్రు ననంతుని
    శ్యామల గాత్రుని వర గుణ సంశోభితునిన్
    మామక పుణ్య ప్రదాతను
    మామకె మామగను నిల్చు మాన్యునిఁ గొలుతున్

    రిప్లయితొలగించండి
  21. నిన్నటి దత్తపదికి నా పూరణ పరిశీలించ ప్రార్థన

    రామునికా కపీశ్వరుడు లంకను జానకి జాడ దెల్పగన్
    ధీమతుడా రఘోత్తముడు దివ్య బలాస్త్ర యుతాతపమ్మునన్
    నీమము బూని రావణుని నేలను గూల్చెను పాప కర్మునిన్
    మామక పుణ్య మూలముగ మాన్యుని గాధ సుపద్యమందిటన్

    🙏

    రిప్లయితొలగించండి
  22. భామిని పార్వతీసతికిభర్తగు ధూర్జటిమామకున్దగన్
    మామగుమేరుపర్వతుడు మాన్యుడునౌటనునెల్లవేళలన్
    వేమరుసారులున్మదినివీడక నెప్పుడుసాదరంబుగా
    మామకెమామగానిలిచిమాన్యతగన్నఘనున్ స్తుతించెదన్

    రిప్లయితొలగించండి
  23. ధీమంతము పెంపారగ
    ధీమతి యనిమిషులగురువు దివ్యజ్ఞానిన్
    నీమముతప్పకచందుర
    మామకె మామగను నిలుచు మాన్యునిఁ గొలుతున్

    రిప్లయితొలగించండి
  24. యేమర కీవును మఱి మా
    మామకు మామ యగు వాని మాన్యుఁ గొలువుమా
    యో మగువా విను నే మీ
    మామకె మామగను నిల్చు మాన్యునిఁ గొలుతున్


    భామ జనించి లక్ష్మి సిత వారిధిఁ గూరిమిఁ బెండ్లియాడె నా
    కామిత దాయి విస్ణువు సకౌస్తుభ రత్న లసద్రమా పరం
    ధామ పదోద్భ వాపగకు ధాత్రి సముద్రుఁడు భర్త యయ్యెనే
    మామకె మామగా నిలిచి మాన్యతఁ గన్న ఘనున్ స్తుతించెదన్

    రిప్లయితొలగించండి
    రిప్లయిలు
    1. మీ రెండు పూరణలు అద్భుతంగా ఉన్నాయి అభినందనలు
      మొదటి పద్యాన్ని యడాగమంతో ప్రారంభించారు

      తొలగించండి
    2. పూజ్యులు శంకరయ్య గారికి నమః పూర్వక ధన్యవాదములు.
      అవునండి. మళ్ళీ గమనించ లేదు.

      తొలగించండి


  25. మామకు మామ !


    జామాతయతడు సంద్రుని
    కై, మామ సతిని కొమార్తె గా బడసె నహో
    నామాల సామిగ వెలసె
    మామకె మామగను నిల్చు మాన్యునిఁ గొలుతున్!


    జిలేబి

    రిప్లయితొలగించండి
  26. జామాతై లక్ష్మిని తిమి
    దామపు సుతఁ బెండ్లియాడి, దభ్రమునకుఁ దా
    వ్యోమతరంగిణి నిచ్చుచు
    మామకె మామగను నిల్చు మాన్యునిఁ గొలుతున్.

    రిప్లయితొలగించండి
  27. Malli siripuram
    శ్రీశైలం ప్రాజెక్టు నుండి.
    కం.
    మామగు దక్షుడు, చంద్రుని l
    శామన మూర్తిగ గొలవక శాపము నివ్వన్ l
    తామస ధారగు ధూర్జటి l
    మామకె మామగను నిల్చు మాన్యునిఁ గొలుతున్ ll

    రిప్లయితొలగించండి
  28. . *శ్రీ గురుభ్యో నమః*
    శంకరాభరణం-సమస్యాపూరణం
    సమస్య :: మామకె మామగా నిలిచి మాన్యతఁ గన్న ఘనున్ స్తుతించెదన్.
    వస్త్రేణ వపుషా వాచా
    విద్యయా వినయేన చ।
    వకారైః పంచభి ర్యుక్తః
    నరో భవతి పూజితః॥ అని విరించే ఆర్యోక్తి ననుసరించి
    పంచ వకార సంయుతుడై మాన్యత గన్న విష్ణుమూర్తిని స్తుతించే సందర్భం.
    పూరణ ::
    మామగ మారె సాగరుడు *మా* సుత నిచ్చుచు విష్ణుమూర్తికిన్,
    మామగ మారె విష్ణు వసమానుడు గంగ నొసంగి యబ్ధికిన్,
    శ్రీమహితున్ జనార్దనుని శ్రీకరు పంచ వకార సంయుతున్
    మామకె మామగా నిలిచి మాన్యతఁ గన్న ఘనున్ స్తుతించెదన్.
    కోట రాజశేఖర్ కోవూరు నెల్లూరు. [13.8.2019]

    రిప్లయితొలగించండి
  29. క్షేమము గూర్చు వాడెకద, శ్రీధరు డయ్యెను వీచిమాలినిన్
    మామగ పొందినట్టి హరి, మాలిక నిచ్చి యుదాకరమ్ముకున్
    మామగ మారె కేశవుడు, మాయడు పద్మనాభునిన్
    మామకె మామగా నిలిచి మాన్యతఁ గన్న ఘనున్ స్తుతించెదన్

    రిప్లయితొలగించండి
  30. ప్రేమగ జేరదీసె నట పిన్నతనమ్మునె తండ్రి జారగా
    నీమముతోడ విద్యలను నేరిపి పెద్దను జేసి కూతు బెం
    డ్లాముగ నిచ్చి దిద్దెనట రమ్యముగా తన భావి నట్టి మా
    మామకె మామగా నిలిచి మాన్యతఁ గన్న ఘనున్ స్తుతించెదన్.

    రిప్లయితొలగించండి
  31. గోమిని తండ్రిసముద్రుడు
    మామగు నతనిసతి గంగ మతముగ సుతయౌ
    తామరకంటికి, గావున
    మామకెమామగను నిల్చు మాన్యుని గొలుతున్!!!

    రిప్లయితొలగించండి


  32. మనువాడెను మనవరాలు మాలక్ష్మినహో!


    జిలేబి

    రిప్లయితొలగించండి
  33. ఉత్పలమాల
    కామము హెచ్చుమీర కుజఁ గన్నులఁ గానక కొన్న వానిపై
    భీమరమెంచుచున్ నడవ పేర్చఁగ సాగర సాయమెంచగన్
    దా మదమెత్త రౌద్రమున దాల్చఁగ బాణము మ్రోలవాలెడున్
    మామకె మామగా నిలిచి మాన్యతఁ గన్న ఘనున్ స్తుతించెదన్

    రిప్లయితొలగించండి
  34. సుయోధన ఉవాచ:
    మామకపు కులక రణ మా
    మామకు టపు మామలెల్ల మల్లెగ మోసిన
    మామకుడగు మాన్య శకుని
    మామకె మామగను నిల్చు మాన్యునిఁ గొలుతున్

    కులక రణము - మయా జూదములో (కులభుషణాత్వముకై పోరున), మామకపు - నాదైనది, మా - శ్రీ ( విజయ శ్రీ),
    అట్టి రాజ్యమును సుయోధనుని మనసెరిగి రాజ్య వ్యవహారములు చూచిన శకుని మామకు మామ గాంగేయుడగు భీష్ముడిని కొలిచేదను అను సందర్భములోనిది.

    పెద్దలు తప్పిదాలను తెలిపి తగు సూచనలీయ విన్నపము.

    రిప్లయితొలగించండి
  35. ప్రేమగ సుతనిడి శరధికి
    మామయు తానయ్యె జగతి మాధవుడెపుడో
    కోమలి సింధుజను గొనుచు
    మామకె మామగను నిల్చు మాన్యుని గొలుతున్.
    మరొక పూరణ

    జామాతయ్యెను సంద్రం
    బామాధవునకు తనసుత నర్పింపంగన్
    జామాతయు నైకడలికి
    మామకె మామగను నిల్చు మాన్యునిఁ గొలుతున్"*




    రిప్లయితొలగించండి
  36. ..............🌻శంకరాభరణం🌻...............
    ..................🤷🏻‍♂సమస్య 🤷‍♀....................
    మామకె మామగను నిల్చు మాన్యునిఁ
    గొలుతున్

    సందర్భము: గోము= సుకుమా రము, గౌరవము, గర్వము, ప్రేమ
    అబ్ధి కుమారి=సముద్రుని కూతురు,లక్ష్మి
    పాదోద్భవ= పాదంనుంచి పుట్టిన
    గంగామరనది= గంగ యనెడు అమర నది.
    విష్ణుమూర్తి సముద్రుని కుమారి లక్ష్మిని గైకొని సముద్రునికి యల్లుడైనాడు. తన పాద సముద్భవయైన గంగను సముద్రుని కిచ్చి అతనికి మామయైనాడు. మాన్యుడైనాడు.
    ~~~~~~~~~~~~~~~~~~~~~~~
    గోముగ నబ్ధి కుమారిని
    భామినిగా గైకొని నిజ పాదోద్భవ గం
    గామర నది నబ్ధికి నిడి
    మామకె మామగను నిల్చు
    మాన్యునిఁ గొలుతున్

    ✍️~డా.వెలుదండ సత్యనారాయణ
    పరమార్థ కవి
    13.8.19
    -----------------------------------------------------------

    రిప్లయితొలగించండి