సందర్భము: సాందీపని వద్ద విద్య పూర్తియైన కృష్ణుడు గురుదక్షిణ గా గురు పుత్రుని యమలోకంనుంచి తెచ్చి యిచ్చా డనే కథ. దేవకి ఒకసారి సాందీపని ఆశ్రమానికి వెళ్ళి "నా సుతు డేడి? ఏం చేస్తాడు రోజూ? ఈ రో జేం చేస్తాడు?" అని ప్రశ్నల వర్షం కురిపించింది. గురువు గారి సోదరుని కొడుకు "మా జనకుని సేవిస్తాడు. నీ సుతు డీ రోజేమో యమలోకానికి వెళుతాడు." అన్నాడు. "ఎందు?" కన్నది దేవకి కంగారుగా.. "చనిపోయిన గురుపుత్రుని తీసుకురావడానికి.." అని చెప్పి.. చెప్పిందే చెప్పటం అలవాటైన ఆ పిల్లవాడు మళ్ళీ ఇలా అన్నాడు.. "జనకుని సేవించు.. సుతుఁడు చను యమపురికిన్" ~~~~~~~~~~~~~~~~~~~~~~~ "దినదిన మే మొనరుచు? నీ దినమున సుతు డేమి చేయు? దెలుపు" మనగ బ ల్కెను గురు సోదరజుడు "మా జనకుని సేవించు.. సుతుఁడు చను యమపురికిన్"
అన "నెందుల?" కనె దేవకి.. "చనిపోయిన గురు తనయుని సరగునఁ దేగా.." నని.. వాడు మరలఁ బలికెను "జనకుని సేవించు.. సుతుఁడు చను యమపురికిన్"
✍️~డా.వెలుదండ సత్యనారాయణ పరమార్థ కవి 13.9.19 -----------------------------------------------------------
ప్రాతః కాలపు సరదా పూరణ:
రిప్లయితొలగించండివినయము విద్య నేర్వకయె విత్తము నందున ప్రీతినొందుచున్
మనమున పాపభీతియును మాన్యత లేకయె మంత్రియై భళా
ధనమును ధాన్య రాశులను దాచగ పేదల యిండ్లు కూల్చెడిన్
జనకుని సేవఁ జేయు తనుజాతుఁడు రౌరవ మంది చింతిలున్
మైలవరపు వారి పూరణ
రిప్లయితొలగించండిప్రహ్లాదుడు...
జనకుని ధిక్కరించెదొ ! నిశాచరవైరిని బ్రస్తుతించెదో !
వినుముర బాలకా ! యనగ వే మరి నవ్వుచు ముజ్జగాలకున్
జనకుడనంగ శ్రీహరియె ! సద్గురులార ! సతమ్ము భీతితో
జనకుని సేవఁ జేయు తనుజాతుఁడు రౌరవ మంది చింతిలున్ !!
మైలవరపు మురళీకృష్ణ వెంకటగిరి
కం.
రిప్లయితొలగించండిజననీ జనకులు తనకును
తనువునిడి చదువును నేర్పి దారిని చూపన్
కనివినలేనీ వాక్యము
"జనకుని సేవించు సుతుడు చను యమపురికిన్ "
మునుపటి హిరణ్య కశిపుగ
రిప్లయితొలగించండిఅనిశముహరిలేడనంచు అరిచెడుతండ్రిన్
కనికరముదాల్చి దలచుచు
జనకునిసేవించు సుతుడు చనుయమపురికిన్.
ఘనమైన కీర్తి నందడె
రిప్లయితొలగించండిజనకుని సేవించు సుతుడు, చను యమపురికిన్
జననీ జనకుల దూరుచు
మనుగడ సాగించు పాపి మహిలో గదరా!
రిప్లయితొలగించండినా పూరణ. చం.మా.
***** *** ***
వినుమయ! సుంత కూడను వివేచన విద్యలు లేక యుండి తా
ననయము సజ్జనాళికిని హానినె సల్పుచు నక్రమంబునన్
ధనమును గూడగట్టుచును ధారుణ కృత్యమొనర్చు దుష్టుడౌ
జనకుని సేవ జేయు తనుజాతుఁడు రౌరవ మంది చింతిలున్
🌱 ఆకుల శాంతి భూషణ్ 🌱
🌷 వనపర్తి 🌷
రిప్లయితొలగించండిఅనుకొనకిక కష్టమనుచు
జనకుని సేవించు! సుతుఁడు చను యమపురికిన్
వినకున్న నాదు పల్కుల
తనరన్ జీవితము లోన తరమిక కాదోయ్ !
జిలేబి
రిప్లయితొలగించండిఆటవిడుపు సరదా పూరణ:
(జిలేబి గారికి అంకితం)
తినుచును మంత్రి మండలిని తిప్పల తిప్పల మానికమ్ములన్
కినుకను మోడిఁ దిట్టుచును క్రిందను మీదను కోర్టులందునన్
ధనధన వాగి వాగి విధి తప్పక దిల్లిని జైలు జేరెడిన్
జనకుని సేవఁ జేయు తనుజాతుఁడు రౌరవ మంది చింతిలున్
ధనమదిగొప్పదేయనుచు,దారినివీడెడు నట్టినేతలే
రిప్లయితొలగించండిఅనయము వారె మేలనుచు ఆశ్రయమందెడు నట్టి పుత్రులే
కనికరమేమిలేకనటు , కర్కశ కార్యము లెన్నొజేయునా
జనకుని సేవజేయుతనుజాతుడు,రౌరవమంది చింతిలున్.
సమస్య :-
రిప్లయితొలగించండి"జనకుని సేవించు సుతుఁడు చను యమపురికిన్"
*కందం**
అనుకొనగా యేరీతిగ
జనకుని సేవించు సుతుఁడు చను యమపురికిన్?
జననీ జనకుల సేవిం
చిన నుత్తమ గతులు గల్గి చేరును దివమున్
......................✍చక్రి
వినయము వీధికెక్కుటయె ,వీనుల విందనిజెప్పు తండ్రులా
రిప్లయితొలగించండితనయులబెంచురీతదియు ,ధన్యతనందగ జేయదెప్పుడున్
పనితనమేమిజూపకనె, పాడగురీతినబెంచునట్తి నా
జనకుని సేవజేయుతనుజాతుడు,రౌరవమంది చింతిలున్.
🙏శుభోదయం🌺
రిప్లయితొలగించండిమన బడులందున కరువవ
ఘన నీతి విలువ లికపయి,కఠినులు గారే
తనయులు, దలుపుదుఁ రీవిధి
జనకుని సేవించు సుతుఁడు చను యమపురికిన్
రిప్లయితొలగించండిఅనుకొనకోయి కష్టమని నావల నీవల చూడ కోయి పా
వనమగు నీదు జీవితము వర్ధిలు! సౌఖ్యము పొందు మెండుగా
జనకుని సేవఁ జేయు తనుజాతుఁడు, రౌరవ మంది చింతిలున్
వినక వివేకమున్ గనక విచ్చలమై నడువంగ నాతడే!
జిలేబి
కనునట సురపురి తదుపరి
రిప్లయితొలగించండిజనకుని సేవించు సుతుఁడు, చను యమపురికిన్
వినకను తండ్రుల విడిచిన
ధనమును దానమొసగినను తప్పవు నిడుముల్!
ధనము గృహమ్ము సొమ్ము వితతమ్మగు భూమి సమస్త మెట్లు నా
రిప్లయితొలగించండికొనర నధీనమౌనొ! యను నోర్మి నశించిన దుష్టకాంక్ష, నే
దినమునఁ జచ్చునో! యనుచు ధిక్కరణీయనిరీక్షఁ జేయుచున్
జనకుని సేవఁ జేయు తనుజాతుఁడు రౌరవ మంది చింతిలున్.
నిన్నటి పూరణ.
రిప్లయితొలగించండియే విశ్వాసము నెట్టి ధర్మమ ననుష్ఠించున్ నరుండట్లు నే
దైవమ్మున్ భజియించునో తనరి తద్ధర్మమ్మె శ్రేష్ఠమ్మునౌ
చావైనన్ దగు నందు మేలుఁ, పర భీసందేహధర్మాశ్రయ
ద్దైవమ్మున్ గొలువంగ రాదనిరయో ధర్మజ్ఞులున్ యోగులున్.
అనయము ప్రేమ లు పంచుచు
రిప్లయితొలగించండిమునుకొని ప్రత్యక్ష దైవ ములు గను గనుచున్
వినయము న మెల గ నెట్టుల
జనకుని సేవించు సుతుడు చను యమ పురికి న్?
ధనమునకై పదవులకై
రిప్లయితొలగించండితన పర భేదములు లేక తప్పుడు పనులన్
జనులను వేధించు చెనటి
జనకుని సేవించు సుతుఁడు చను యమపురికిన్
ఘనమగు కీర్తిని బొందును
రిప్లయితొలగించండిజనకుని సేవించు సుతుడు,చను యమపురికిన్
తనువును శాశ్వతమనుకొని
యనయము పాపంబుసేయ నవివేకమునన్
వినయము నయములను వదిలి
రిప్లయితొలగించండిఅనునయమను మాటనసలు హృది నెఱుఁగక తా
తనయుడనను మాట మరచి
జనకుని సేవించు సుతుడు చను యమపురికిన్
జననీజనకులను వదలి
రిప్లయితొలగించండితన కాస్తియె సర్వమనుచు, దండితనము లే
క నతి వినయమున భార్యా
జనకుని సేవించు సుతుఁడు చను యమపురికిన్
చనుతా నాకంబునకును
రిప్లయితొలగించండిజనకుని సేవించు సుతుఁడు, చను యమపురికిన్"*
ననయము హితమును చెప్పిన
వినక తిరిగెడు తనయుండు విధిగా తుదకున్
వినువీడునకే తప్పక
రిప్లయితొలగించండిజనకుని సేవించుసుతుడు చను, యమపురికీన్
జనుమాతాపితలనునిల
ననయము బాధించునతడు నార్యా!వింటే?
అనయము కూతురు శనియని
రిప్లయితొలగించండియనగూడనిమాట లనుచు నంతము చేయన్
వినయముతో నా తుంటరి
జనకుని సేవించు సుతుఁడు చను యమపురికిన్
తన తండ్రిని సేవించెడి
రిప్లయితొలగించండితనయుండీ లోకమందు ధన్యుడు గాడే?
కనగానా ప్రహ్లాదుని
జనకుని సేవించు సుతుఁడు చను యమపురికిన్ !
వినుముర పొందుపుణ్యమును వేయివిధంబులుగాగ నీభువిన్
రిప్లయితొలగించండిజనకునిసేవజేయుతనుజాతుడు,రౌరవమందిచింతిలు
న్ననయము మాతృదూషణము నచ్చతెనుంగున జేయునాతడున్
వినయముతోడ మాతృపిత భేదములేకను గౌరవించమేల్
దనుజుఁడుగుణముల ధూర్తుడు
రిప్లయితొలగించండితనుజుడు తనతండ్రిహితముదలపడుమదిలో
కనికరమన్నదియెరుగక
జనకుని సేవించు సుతుఁడు చను యమపురికిన్
కనలేదా పెక్కుర ఱే
రిప్లయితొలగించండిలను చెఱసాల నిడి యన్నల నిలఁ బ్రజా పా
లన జనుల, వధించి తనదు
జనకుని, సేవించు సుతుఁడు చను యమపురికిన్
కని విని నేర నట్టి విధిఁ గాంతలఁ గారల నుంచి వారినిం
గనికర మించు కెంచకయుఁ గర్కశ రీతి తపించఁ దండ్రి, తా
ముని సుర సంచయమ్మునకు ముప్పులు వెట్టెను గాన, నింద్రజి
జ్జనకుని సేవఁ జేయు తనుజాతుఁడు రౌరవ మంది చింతిలున్
అనయము మద్యపానమున నాలిని దన్నుచు తిట్టుచుండెడిన్
రిప్లయితొలగించండిపనియును పాటలేకనె యవాంఛితశక్తుల గూడియాడుచున్
ధనమును మానమున్విడచి దారనుపుత్రుల హింసబెట్టెడిన్
జనకుని సేవజేయ దనుజాతుడు రౌరవమంది చింతిలున్
మూడవ పాదమున దారసుపుత్రులుగ జదువ ప్రార్ధన!
తొలగించండిననుగని, నీతులు నేర్పి, అ
రిప్లయితొలగించండినునయము, విద్యావినయము నూర్పితి వంచున్
అనయమునే యుండెడి యే
జనకుని సేవించు సుతుడు చను యమపురికిన్?
కనగను కన్నతండ్రి ఖలు కర్మలు సేయగ నేమి భక్తితో
రిప్లయితొలగించండిననిశము సేవఁ జేయమని యాద్యులు పూర్వమె చెప్పిరందురే
వినయము వీడి యివ్విధిని ప్రేలుచు నుంటివి న్యాయమౌనె యే
జనకుని సేవఁ జేయు తనుజాతుఁడు రౌరవ మంది చింతిలున్ ?
అనయము తల్లిదండ్రులనునార్తిగగొల్చుచునాదరించుచున్
రిప్లయితొలగించండివినయవిధేయతల్ గలిగి పెద్దల సేమము జూడమేలగున్
కనికరమేమిలేక కడు కర్కశచిత్తముగల్గి మెప్పుకై
జనకుని సేవఁ జేయు తనుజాతుఁడు రౌరవ మంది చింతిలున్
వినుమిది సత్యమేయనుచు,వీధులవింపడు రీతిజెప్పెగా!
రిప్లయితొలగించండితనువదశాశ్వతమ్మనుచు,తండ్రులు జెప్పెడు, నీతిసూత్రమున్
వినబడి తండ్రి తీరునిక ,వేరని నమ్మగ మోసగించు , దు
ర్జనకుని సేవజేయుతనుజాతుడు,రౌరవమంది చింతిలున్.
తన వారలతో కడు మ
రిప్లయితొలగించండిన్ననగొని నిరతము పలుకెడి నైజము లేకన్
జనమెప్పుకు నాటకముగ
జనకుని సేవించు సుతుఁడు చను యమపురికిన్.
..............🌻శంకరాభరణం🌻...............
రిప్లయితొలగించండి..................🤷🏻♂సమస్య 🤷♀....................
జనకుని సేవించు సుతుఁడు
చను యమపురికిన్
సందర్భము: సాందీపని వద్ద విద్య పూర్తియైన కృష్ణుడు గురుదక్షిణ గా గురు పుత్రుని యమలోకంనుంచి తెచ్చి యిచ్చా డనే కథ.
దేవకి ఒకసారి సాందీపని ఆశ్రమానికి వెళ్ళి "నా సుతు డేడి? ఏం చేస్తాడు రోజూ? ఈ రో జేం చేస్తాడు?" అని ప్రశ్నల వర్షం కురిపించింది.
గురువు గారి సోదరుని కొడుకు "మా జనకుని సేవిస్తాడు. నీ సుతు డీ రోజేమో యమలోకానికి వెళుతాడు." అన్నాడు.
"ఎందు?" కన్నది దేవకి కంగారుగా.. "చనిపోయిన గురుపుత్రుని తీసుకురావడానికి.." అని చెప్పి.. చెప్పిందే చెప్పటం అలవాటైన ఆ పిల్లవాడు మళ్ళీ ఇలా అన్నాడు..
"జనకుని సేవించు.. సుతుఁడు చను యమపురికిన్"
~~~~~~~~~~~~~~~~~~~~~~~
"దినదిన మే మొనరుచు? నీ
దినమున సుతు డేమి చేయు?
దెలుపు" మనగ బ
ల్కెను గురు సోదరజుడు "మా
జనకుని సేవించు.. సుతుఁడు
చను యమపురికిన్"
అన "నెందుల?" కనె దేవకి..
"చనిపోయిన గురు తనయుని
సరగునఁ దేగా.."
నని.. వాడు మరలఁ బలికెను
"జనకుని సేవించు.. సుతుఁడు
చను యమపురికిన్"
✍️~డా.వెలుదండ సత్యనారాయణ
పరమార్థ కవి
13.9.19
-----------------------------------------------------------