కవిమిత్రులారా,
ఈరోజు పూరింపవలసిన సమస్య ఇది...
"మాటలే రాని మగువయే పాటఁ బాడె"
(లేదా...)
"పాటలగంధి యింపుగను బాడెను మాటలు రాకపోయినన్"
(పోచిరాజు కామేశ్వర రావు గారు పంపిన సమస్య)
"మాటలే రాని మగువయే పాటఁ బాడె"
(లేదా...)
"పాటలగంధి యింపుగను బాడెను మాటలు రాకపోయినన్"
(పోచిరాజు కామేశ్వర రావు గారు పంపిన సమస్య)
రిప్లయితొలగించండిప్రాతః కాలపు సరదా పూరణ:
దాటుచు కొమ్మకొమ్మలను ధైర్యము మీరగ తెల్లవారగన్
కాటుక రంగునన్ వెలసి కమ్మని కంఠము నెత్తి కూయుచున్
తోటల లోన దాగుచును తొయ్యలి వోలుచు మాధనమ్మునన్
పాటలగంధి యింపుగను బాడెను మాటలు రాకపోయినన్
ప్రభాకర శాస్త్రి గారూ,
తొలగించండిమీ సరదా పూరణ బాగున్నది. అభినందనలు.
'తొయ్యలి వోలుచు మాధనమ్ములన్'?
🙏
తొలగించండిమాధనము = వసంతము
__/\__
తొలగించండిప్రాయమది రాగ పెద్దలు పడచు గాంచి
రిప్లయితొలగించండిఈడుకు దగిన వరునిచ్చి పెండ్లి జేయ
మూడు రాత్రుల ముచ్చటల్ ముదము గొల్ప
మాటలే రాని మగువయే పాటఁ బాడె!
మీ పూరణ బాగున్నది. అభినందనలు.
తొలగించండిఅత్త మామ లాడపడుచు లనిన ప్రేమ
రిప్లయితొలగించండికలిగి నట్టి యా యింతియే కట్టుకున్న
వానినెదురించ లేనట్టి వశ పరుషపు
మాటలే రాని మగువయే పాటఁ బాడె.
వశ.......పడతి.
మీ పూరణ బాగున్నది. అభినందనలు.
తొలగించండిభాష తెలియనివారలన్ బాగ వెతికి,
రిప్లయితొలగించండినెత్తి కెక్కించు కొనుటయే నేరమాయె,
నేటి చిత్రాల తెలుగేది? నిండు సున్న
మాటలేరాని మగువయే పాటఁబాడె..
పల్లెటూరున బుట్టిన పడుచు మూగ
రిప్లయితొలగించండిరేడియోలలొ పాటలు రెచ్చి వినుచు
గొంతుగలుపుటనేర్చెను గొప్పగాను
మాటలేరాని మగువయే పాటబాడె.
పాటలుబాడుకోయిలలు,బాగుగమాటలుజెప్పునాయిలన్?
రిప్లయితొలగించండిమాటలుజెప్పుచిల్కలిక,మానసమొప్పగ పాటబాడునా?
మీటలునొక్కు రోజులివి,మ్రింగక పాటలు బాడు యంత్రమై
పాటలగంధి యింపుగను, బాడెనుమాటలు రాకపోయినన్
మైలవరపు వారి పూరణ
రిప్లయితొలగించండిమహాశ్వేత....
తోటలలోన నెచ్చెలులతో విహరించుచు, పుండరీకుడన్
దీటగు విప్రునిన్ గని, మదిన్ వలపుల్ చివురింప, పూపొదల్
దాటుచు, వాని యందమునతంద్రితపక్ష్మయనంగ గ్రోలుచున్ ,
నోటను పల్కు లేకయె మనోహరి తీయుచు కూనిరాగమున్
పాటలగంధి యింపుగను బాడెను మాటలు రాకపోయినన్!
మైలవరపు మురళీకృష్ణ వెంకటగిరి
రిప్లయితొలగించండిఆటవిడుపు సరదా పూరణ:
(జిలేబి గారికి అంకితము)
ఘాటు మరాటి భాషనహ గాఢపు రీతిని మాటలాడుచున్
పాటలు పాడి చిత్రముల భారత రత్నము స్వీకరించుచున్
దీటుగ నాంధ్రమందునను తియ్యని కంఠపు సంబరమ్మునన్
పాటలగంధి యింపుగను బాడెను మాటలు రాకపోయినన్
https://www.google.co.in/amp/s/www.cinejosh.com/news/amp/3/26672/lata-mangeshkar-3-rare-telugu-songs.html
నీటుగ పాటబాడినను, నిన్నెవరిక్కడమెచ్చరెప్పుడున్!
రిప్లయితొలగించండితేటగ తెల్గురాదనిన తెంపరిదర్శకుడేదొ మోజులో
మాటలురాని గాయనులు మత్తుగబాడుడు చాలులేయనన్
పాటలగంధి యింపుగను బాడెను మాటలురాకపోయినన్
సూర్య భగవాను డెన్నడుఁ జూడ లేని
రిప్లయితొలగించండిసమయ మందున సంగీత సాధన గర
పంగ పదునైన గళమునపస్వరంపు
మాటలేరాని మగువయే పాటబాడె
సూర్యుడి కన్నా ముందే లేచి బాగా సంగీత సాధన చేసి, పదునెక్కి, అపస్వరాలు పలకని గొంతుతో ఆ అమ్మాయి పాట పాడింది.
రిప్లయితొలగించండిమాటలే రాని మగువయే పాటఁ బాడె
రాయనే తెలియని జవరాలు పద్య
ములను వ్రాసె నౌరా ఛందముల నెరవుగ
కలిల మేది చేరగ దాని గంధ మబ్బు
విశ్వదాభిరమామణి వినవె భామ!
ఈ సభలో చేరిన జిలేబి "మాదిరి" గా :)
జిలేబి
జిలేబి
(మహారాష్ట్ర కర్ణాటకాంధ్ర తెలంగాణాలలో గౌతమీ
రిప్లయితొలగించండితరంగిణి తరంగాల సంగీతం )
కోటల రాజరాణులును
కొల్లగ కప్పుర హారతీయగా ;
పేటల కష్టజీవులును
ప్రేమగ గంధము , పూలు చల్లగా ;
తేటల నీట దప్పికను
దీర్చుచు పంటల నిచ్చు గౌతమీ
పాటలగంధి - యింపుగను
బాడెను మాటలు రాకపోయినన్ .
కృష్ణ భక్తియు మహితమౌ విష్ణు పూజ
రిప్లయితొలగించండిరమ్యముగఁజేసె నౌర ' మీరా'ప్రశస్తి -
చేకురంగను ముక్తి! యే లౌకికంపు
మాటలే రాని మగువయే పాటపాడె
రిప్లయితొలగించండిగూగుల్ అలెక్స పాడవే కోయిల :)
జోటిక గూగులాపదియె జోడుగ నింటను చేరె యంత్రమై
చాటున! పోఁచి సర్దు కొని సాయము కోరగ గోముగానటన్
"తోటయె లేద లెక్స! విను తోడుగ పాడవె కోయిలై" యనన్
పాటలగంధి యింపుగను బాడెను మాటలు రాకపోయినన్!
జిలేబి
ఈ కామెంట్‌ను రచయిత తీసివేశారు.
రిప్లయితొలగించండిచాటె ప్రతిభ తాను విడిచి జంకు; తెలుగు
రిప్లయితొలగించండిమాటలే రాని మగువయే పాటఁ బాడె
కోటి శ్రోతలు మెచ్చగ కోయిలంచు
మేటి గాయనీ మణి లత మెప్పునొందె
మాటలే రాని మగువయే పాట బాడె
రిప్లయితొలగించండినోయని కడు యాశ్చర్యముతోటి వినగ
తేటగీతులే మాలగా తీర్చి యామె
కోటి యందాలు పాటలో కూరె సుమ్ము
ఆడ రోబో ను నిర్మించె నాధు నిక పు
రిప్లయితొలగించండిశాస్త్ర వేత్త యొ కండి ల చతురముగను
మీట నొక్కి న వెంటనే మిడిసి పడుచు
మాట లే రాని మగువ యే పాట పాడె
చెన్నగు విభుండు నవ్వుచు చెంత చేర
రిప్లయితొలగించండిపడకటింటిలో కనుగొని పరవశించి
మౌన రాగాల తోమది మరులు కొనగ
మాటలే రాని మగువయే పాటఁ బాడె
ఈ కామెంట్‌ను రచయిత తీసివేశారు.
రిప్లయితొలగించండిఈ కామెంట్‌ను రచయిత తీసివేశారు.
తొలగించండిమేటి లతాంతముల్ దినుచు మెత్తనికొమ్మల నూయలూగుచున్
రిప్లయితొలగించండిచాట వసంతవైభవము చక్కగగూడగ తోడుజోడునన్
కాటుకరంగుపిట్ట తనకంఠము నందున పంచమంబుతో
పాటలగంధి, యింపుగబాడెను మాటలు రాకపోయినన్ ,
పోటిగ కూకుహూయనెను ముచ్చటమీరగ ప్రొద్దుప్రొద్దునన్
..............🌻శంకరాభరణం🌻...............
రిప్లయితొలగించండి..................🤷🏻♂సమస్య 🤷♀....................
*"మాటలే రాని మగువయే పాటఁ బాడె"*
సందర్భము:
" 'కృష్ణాష్టమి పర్వదినాన అంగన లందరూ భక్తితో జోలపాటలు పాడినారు. అందులో నొకతె.. మాటలే రానిది.. ఐనా పాడింది. అ దే పాట?'
అని అడిగినారు కదా! అది ఈలపాట.."
అని ఒకడు కృష్ణాష్టమి కార్యక్రమాల గురించి తన మిత్రునికి చెబుతున్నాడు.
~~~~~~~~~~~~~~~~~~~~~~~
"లీలఁ గృష్ణాష్టమిని భక్తి జోలపాట
లతివ లందరుఁ బాడినా.. రందు నొకతె
మాటలే రాని మగువ; యే పాటఁ బాడె?.."
ననుచు నడిగితి.. రీల పా టగును గాదె!
✍️~డా.వెలుదండ సత్యనారాయణ
పరమార్థ కవి
24.9.19
-----------------------------------------------------------
ఈ కామెంట్‌ను రచయిత తీసివేశారు.
రిప్లయితొలగించండిఈ కామెంట్‌ను రచయిత తీసివేశారు.
రిప్లయితొలగించండిమీటిన వీణయో! యనగ మేళితసుస్వరవేణువట్లు, బూఁ
తొలగించండిదోటల తేనె లాని యల తొయ్యలి తేటి యొకర్తె మాధురీ
పాటవకర్ణపేయకలభవ్యవసంతనవీనగీతి నా
పాటలగంధి యింపుగను బాడెను మాటలు రాకపోయినన్
చాటుగ పాపికొండలకు సాగగ కాంతుని తోడ భామయే
రిప్లయితొలగించండినీటను నావ బ్రుంగగనె నేర్పుగ నీదెను భర్త మున్గగన్
దాటిన కాలముందలచి దాఁ పతి పాడిన పాటలన్నిటిన్
పాటలగంధి యింపుగను బాడెను మాటలు రాకపోయినన్
మౌన రాగాలె మదినిండ మరులు గొనగ
రిప్లయితొలగించండికోటి రాగాల కూరిమి నోట దాచి
వింత గాదిది జనులార వినగ మీరు
మాటలే రాని మగువయే పాట బాడె
ఉత్పలమాల
రిప్లయితొలగించండిచాటుచు పీవిఆరు కె ప్రసాదను యీవొ దయార్ద్ర దృష్టినిన్
బాటున సుబ్బలక్ష్మిఁ గని పాడఁగ వేంకట నాథుకీర్తనల్
బాటలు వేయ భాష ప్రతిబంధకమైనను సాధనమ్ముతోఁ
బాటలగంధి యింపుగను బాడెను మాటలు రాకపోయినన్
(శ్రీ పి. వి. ఆర్కె. ప్రసాదుగారి 'నా హం కర్త హరి: కర్త' పుస్తకంలో ఒక అధ్యాయము)
అందచందాల తోడను నడరిమిగుల
రిప్లయితొలగించండినాటపాటలయందుననారితేరి
కన్నుమిరు మిట్లుగొలిపెడు కాంతిగలుగు
మాటలేరానిమగువయే పాటపాడె
చాటుచు సాంప్రదాయ శృతి శాస్త్ర విశిష్టత కీర్తనాదులన్
రిప్లయితొలగించండిపాటలగంధి యింపుగను బాడెను; మాటలు రాకపోయినన్
దీటుగ నాట్యమాడె విరిదీవియ బోలు లతాంగి చెల్వుగన్
సాటియె లేని జంటగ ప్రశంసలు బొందుచు సోదరీమణుల్
క్రొవ్విడి వెంకట రాజారావు:
రిప్లయితొలగించండిసాటి వారల కెల్లను సాయ పడుచు
ప్రేమ నిండిన హృదితోడ వెలుగు చుండి
నుపక రించక నుండెడి యూక దంపు
మాటలే రాని మగువయే పాటపాడె
చలన చిత్రములందున వలను జూపి
వేషములదోడ మెప్పించు ప్రేప్స గలిగి
పట్టు మారినా తెలియని భాషలోన
మాటలే రాని మగువయే పాటపాడె
తేటగీతి:
రిప్లయితొలగించండిశాంతమును లేని జనులకు సౌఖ్య మేది
భామయును తేనె తీయని మాట బల్కి
పాటవమున సుస్వరముల ప,ద,ని, పరుష
మాటలే రాని మగువయే పాటఁ బాడె .
ఉత్పలమాల:
కోటను జేరినా చెలుడు గోరిక దెల్పగ పొంగిపోవుచున్
ఆటల స్నేహితుండు మరి ఆయమ జేతిని గోరబట్టగన్
మీటగ వీణియే మదిని మీరిన యాత్రపు ప్రేమయే, మరా
"పాటలగంధి, యింపుగను బాడెను, మాటలు రాకపోయినన్"
వాణి నెరుగని మూగ పూబోణి ,వెజ్జు
రిప్లయితొలగించండిచెంత శస్త్రచికిత్సతో కొంత బాగు
పడుననితెలిసి చేయించ ఫలిత మొచ్చి
మాటలే రాని మగువయే పాటఁ బాడె
తే.గీ.
రిప్లయితొలగించండివయసు పెంపార ముద్దుల పట్టి కలుగ
గొడ్డు రాలిగ చిత్రించి గోల సేయ
గర్భమే దాల్చి గొంతుల గట్టి వేయ
మాటలే రాని మగువయే పాట బాడె
వై. చంద్రశేఖర్
సుందర వదన గోమున మందిరమున
రిప్లయితొలగించండినమ్ము నారీమణి దనరి నాథు చెంత
సొగసు లొలుకుచు వింత నలుగురి యెదుట
మాటలే రాని మగువయే పాటఁ బాడె
తేఁటులు పాడెనో యచట తియ్యని తామర తేనెఁ గ్రోలుచున్
మాటున మావి విద్రుమము మక్కువఁ గోయిల మెక్కి పాడెనో
వాటిక జామపండ్లు దిని వన్నెలు చిల్కుచు రమ్య కీరమో
పాటలగంధి యింపుగను బాడెను మాటలు రాకపోయినన్
పాటయననది సినిమాల పాటగాదు
రిప్లయితొలగించండిసంత పాకల వేలంపు వింతపాట
కుతుకమొప్పగ నేగియు కొమరుతోడ
మాటలే రాని మగువయే పాటఁ బాడె
మాటలురావు మౌనముగ మానసమందలి భావ వీచికల్
రిప్లయితొలగించండికాటుక కంటి బాసలతొ కళ్ళకుగట్టినయట్లు దెల్పగా
పాటగమార్పునొందితన పాటవ మచ్చెరువందజేయుచున్
పాటలగంధి యింపుగను బాడెను మాటలు రాకపోయినన్
ఈ కామెంట్‌ను రచయిత తీసివేశారు.
రిప్లయితొలగించండిచాటునమాటునన్దఱచుచావడియందునబాటబాడునా
రిప్లయితొలగించండిపాటలగంధియింపుగనుబాడెనుమాటలురాకపోయినన్
దేటమనంబుతోడనికదిట్టతనంబునమెల్గుచుండుచున్
బాటలగంధియాసరళమానసమందునబాడుచుండెడున్
తాను కొంజూచిన వలపు తలపు కొచ్చి
రిప్లయితొలగించండిమైక మొక తెరగావరింప హ హ హా హ
కూని రాగముతో కులుకుతు ఉ ఊ ఉ
మాటలే రాని మగువ యేపాట బాడె
పాటల పోటియంచు పలు ప్రాంతపు గాయకు లెందరెందరో
రిప్లయితొలగించండిపాటలు పాడగా దలచి వచ్చిరి, యాంగ్లము నందు వ్రాసి యో
పాటల గంధి యింపుగను బాడెను మాటలు రాకపోయినన్
మేటిగ తెల్గు గీతమును, మిక్కిలి యచ్చరు వొందిరెల్లరున్.
ఉ. పాటులు గడ్డువవ్వతనపాతకమేమనియడ్గలేక ,యో
రిప్లయితొలగించండిమాటున యేడ్చుసాధ్వితనమానసమందునమెర్పుమెర్వ, తా
నాటకమందుపాత్రగనినాయిక గొంతుకుగాత్రమిచ్చి,యా
పాటలగంధి యింపుగను బాడెను మాటలు రాకపోయినన్.
బూట కమైన శబ్దమని భూరిగ పేలిరి శ్రోతలొక్కటై
రిప్లయితొలగించండిమాటల ధాటిలేదనుచు మాన్యతవీడుచు గేలిసేయగా
తోటన కోయిలమ్మవలె తొందరలేకను మంత్రముగ్ధగా
పాటలగంధి యింపుగను బాడెను మాటలురాకపోయినన్.
చాటుగ పాటబాడుచును చక్కనిచుక్కగ పేరువచ్చెలే
రిప్లయితొలగించండిమాటల తోడయేమిపని?,మంజుల గాత్రము విన్న చాలుగా!
తేటగకోయిలమ్మవలె,తేనియలూరెను గాత్రమందునన్
పాటలగంధి యింపుగను బాడెను మాటలురాకపోయినన్.
మాటలు బూతులాయెనిట, మంచిగ నుండెడు మాట శూన్యమై !
రిప్లయితొలగించండినూటికినొక్కపాటయును,నూపురమై నిలుచుండలేదిలన్
సూటిగమాటలాడకను, శుద్ధముగా నటుబాడెకీర్తనల్
పాటలగంధి యింపుగను, బాడెను మాటలురాకపోయినన్.