తేటగీతి పుట్టినప్పుడు బట్టల కట్టులేదు నడుమ వచ్చిన వాటిని విడుచు కతన పీలికలఁ గట్ట నేర్చిన వాలకమున బొట్టుఁ దాల్చుట భారము బోటులకును
ఉత్పలమాల పుట్టిన నాడు లేవుగద మూసెడు బట్టలు నొంటిపైన నా పట్టున దాల్చగన్ నడుమ వచ్చిన వాటిని వీడు యావతో గుట్టును జూపు పీలికల కోమలులెంచుచునుండ జాడ్యమై బొట్టు ధరించుటే నుదుట బోటులు భారముగాఁ దలంచెడిన్
మెట్టెను భారతీయులును మెచ్చని పశ్చిమ దేశ సంస్కృతుల్ కట్టుట చీరెలన్ వదలి కాంతలు ప్యాంటుల నేయసాగిరే! మట్టిని గల్పినారుకద మానవతుల్ మన దేశ సంస్కృతిన్ బొట్టు ధరించుటే నుదుట బోటులు భారముగా దలంతురే.
ఉద్యోగినులకు ప్రాత పద్ధతులు పట్టణాలలో అసౌకర్యము కలిగించుట వాస్తమేనండి. బెంగుళూరులో 40సం॥ లోపు వారి కట్టు బొట్టు మారింది. మా పెనుకొండ లాంటి చిన్న ఊర్లలో నడుస్తోందండి
తేటగీతి
రిప్లయితొలగించండిపుట్టినప్పుడు బట్టల కట్టులేదు
నడుమ వచ్చిన వాటిని విడుచు కతన
పీలికలఁ గట్ట నేర్చిన వాలకమున
బొట్టుఁ దాల్చుట భారము బోటులకును
ఉత్పలమాల
పుట్టిన నాడు లేవుగద మూసెడు బట్టలు నొంటిపైన నా
పట్టున దాల్చగన్ నడుమ వచ్చిన వాటిని వీడు యావతో
గుట్టును జూపు పీలికల కోమలులెంచుచునుండ జాడ్యమై
బొట్టు ధరించుటే నుదుట బోటులు భారముగాఁ దలంచెడిన్
మీ రెండు పూరణలు ప్రశస్తంగా ఉన్నవి. అభినందనలు.
తొలగించండి🙏ధన్యోస్మి గురుదేవా!🙏
తొలగించండికాలవైపరీత్యముననుకలికితనము
రిప్లయితొలగించండిమాయమాయెనుచూడగామానినులకు
కలియుగడిచినకొలదినికానివెన్నొ
బొట్టుదాల్చుటెభారముబోటులకును
మీ పూరణ బాగున్నది. అభినందనలు.
తొలగించండితే.గీ:
రిప్లయితొలగించండికట్టు బాట్లు పాటించుట కష్టమయ్యె
బొట్టుఁ దాల్చుట భారము బోటులకును
నీతి తరిగి పోవుచునుండె నీటివలెనె
మరమనిషి చేత యీనాడు మనిషిజిక్కె.
మీ పూరణ బాగున్నది. అభినందనలు.
తొలగించండిడా బల్లూరి ఉమాదేవి
రిప్లయితొలగించండిజడలనల్లుకొనెడిరీతిజారిపోయె
సంప్రదాయములకు చెల్లె సమయ మిపుడు
చిరిగినవలువలేమేను చేరె నేడు
*“బొట్టుఁ దాల్చుట భారము బోటులకును”*
మీ పూరణ బాగున్నది. అభినందనలు.
తొలగించండిచిట్టినిబొట్టునోములవిచేయనసహ్యమునేటినారికిన్
రిప్లయితొలగించండిపట్టముకట్టలేరుగదభర్తకునేవిధిసామ్యమెంచుచున్
మెట్టెలుతాళిబొట్టులవిమేనికలంకృతిగాదునంచునున్
బొట్టుధరించుటేనుదుటబోటులుభారముగాదలంతురే
మీ పూరణ ప్రశస్తంగా ఉన్నది. అభినందనలు.
తొలగించండిధన్యవాదములండి
తొలగించండిమెట్టెను భారతీయులును మెచ్చని
రిప్లయితొలగించండిపశ్చిమ దేశ సంస్కృతుల్
కట్టుట చీరెలన్ వదలి కాంతలు
ప్యాంటుల నేయసాగిరే!
మట్టిని గల్పినారుకద మానవతుల్
మన దేశ సంస్కృతిన్
బొట్టు ధరించుటే నుదుట బోటులు
భారముగా దలంతురే.
మీ పూరణ ప్రశస్తంగా ఉన్నది. అభినందనలు.
తొలగించండిబుట్టెడుబట్టలున్నసరెబొంతనుదాల్చుటెనేడుహెచ్చెనే
రిప్లయితొలగించండిపట్టునజూడపద్ధతుల ప్రక్కనబెట్టుచు మర్చిసంస్కృతిన్
జుట్టునుదువ్వకుండగనుజోరుగతోయుచుసాగుచుండిరే
*“బొట్టు ధరించుటే నుదుట బోటులు భారముగాఁ దలంతురే”
మీ పూరణ బాగున్నది. అభినందనలు.
తొలగించండిపాత వలదo దు రీ నాటి పడుతు లెల్ల
రిప్లయితొలగించండినాగ రికత పేరున దాము నవత యనుచు
బొట్టు దాల్చుట భారము బోటు లకును
స్వేచ్ఛ గా నుందు మని పల్కి విడుత రకట!
మీ పూరణ బాగున్నది. అభినందనలు.
తొలగించండి"పడతులెల్ల" టైపాటు.
ఆధునికులమనుచు నేటి యాడవారు
రిప్లయితొలగించండిపాత పద్ధతులవి యెల్ల రోత యనుచు
కురులు ముడుచుచు నందున విరులు, నుదుట
బొట్టుఁ దాల్చుట భారము బోటులకును.
పట్టదు హిందు ధర్మమది పాతవిధానమటంచు రోయుచున్
గిట్టదటంచు స్నేహితులు గేలియొనర్తురటంచు మూఢులై
కట్టగ పట్టుచీరలు, సుగంధపు పూలను దాల్చ కొప్పునన్
బొట్టు ధరించుటే నుదుట, బోటులు భారముగాఁ దలంచెడిన్
మీ రెండు పూరణలు ప్రశస్తంగా ఉన్నవి. అభినందనలు.
తొలగించండివారి యందలి నిపుణత పరిగణించి
రిప్లయితొలగించండితిన్పగ నుదుట తిలకము దిద్ద బోవ
బొట్టుఁ దాల్చుట భారము బోటులకును
గొప్ప జుపించ నొప్పరు కొంతమంది
మీ పూరణ బాగున్నది. అభినందనలు.
తొలగించండి'తిన్నగ' టైపాటు.
🙏
తొలగించండిపుట్టి పెరిగిన దేశపు ముచ్చటేల
రిప్లయితొలగించండికట్టు బట్టలు పొసగిన కట్టుబాట్లు
వట్టివేయని తలచిరి వనితలెల్ల
బొట్టుఁ దాల్చుట భారము బోటులకును
పుట్టిన గడ్డనే మరచి పోయిన దేశపు పౌరులైతిరే
బట్టల రూపమున్ మడచి పశ్చిమదేశపు శైలితోడుతన్
మట్టెలు సైతమున్ విడిచి మానినులే ఘనకీర్తి నొందగా
బొట్టు ధరించుటే నుదుట బోటులు భారముగాఁ దలంతురే
మీ రెండు పూరణలు ప్రశస్తంగా ఉన్నవి. అభినందనలు.
తొలగించండిధన్యవాదాలు గురూజీ 🙏
తొలగించండికాలిమట్టెలు దాల్చుటకాంతకిపుడు
రిప్లయితొలగించండికష్టమాయెను గాజులయిష్టమయ్యె
పిదపకాలఁపు బుద్ధులు కదురుకొనఁగ
బొట్టుఁ దాల్చుట భారము బోటులకును
మీ పూరణ బాగున్నది. అభినందనలు.
తొలగించండి"గాజు లనిష్టమయ్యె" అనండి.
బట్టలు కట్టుటన్ననది బట్టబయల్ బొనరింప నంగముల్
రిప్లయితొలగించండిమెట్టెలు నల్లపూసలన మిక్కిలి రోతయె మించు బోడికిన్
గిట్టదు కోమలాంగులకు కేలున గాజుల భూషలన్నచో
బొట్టు ధరించుటే నుదుట బోటులు భారముగాఁ దలంతురే
మీ పూరణ ప్రశస్తంగా ఉన్నది. అభినందనలు.
తొలగించండిఉ.
రిప్లయితొలగించండిపట్టుచు వ్రేళ్ళ మధ్య గురి బాయక కుంకుమ దాల్చ నెండలో
పెట్టిన బొట్టు స్వేదమున బేలల ఫాలము నుండి రాలెడిన్
*బొట్టు ధరించుటే నుదుట బోటులు భారముగాఁ దలంచెడిన్*
చట్టున గుచ్చగా దృఢము చక్కని రీతిన నిల్చు బిళ్ళలే.
పెట్టగ బొట్టుఁ దాల్చగను పేరులు చెండ్లను తుర్మగన్ జడన్
రిప్లయితొలగించండిపెట్టియు పుట్టినారు అలివేణులు నీభువిఁ గాని పశ్చిమం
తట్టున మోజు క్రొత్తను మతమ్ము లలఆమలఉ నేడునయ్యయో
బొట్టు ధరించుటే నుదట బోటులు భారముగా దలంతురే
ఈ కామెంట్‌ను రచయిత తీసివేశారు.
రిప్లయితొలగించండితే॥ నేఁడు నాగరిక మనుచు నాఁడువారి
రిప్లయితొలగించండికట్టుబాట్లు మారెగద యెబ్బెట్టు గాను
సంప్రదాయపు రీతులుఁ జవకబారె
బొట్టుఁ దాల్చుట భారము బోటులకును
ఉ॥ పట్టణ ప్రాతమందునను బాటల గంధుల తీరు వేరయా
పట్టక సంప్రదాయములు వారలు మెచ్చిరి నవ్య సంస్కృతిన్
గట్టరు చీరలన్ దొడుగ గాజుల నిష్టముఁ గాంచఁ బోరయా
బొట్టు ధరించుటే నుదుట బోటులు భారముగాఁ దలంతురే
ఉద్యోగినులకు ప్రాత పద్ధతులు పట్టణాలలో అసౌకర్యము కలిగించుట వాస్తమేనండి. బెంగుళూరులో 40సం॥ లోపు వారి కట్టు బొట్టు మారింది. మా పెనుకొండ లాంటి చిన్న ఊర్లలో నడుస్తోందండి
ఊని నట్టి బట్టల రంగు నూన వలయు
రిప్లయితొలగించండిచేతి సంచి వర్ణమ్మును జేరవలయు
కాలి చెప్పుల రంగును గలియ వలయు
బొట్టుఁ దాల్చుట భారము బోటులకును
జుట్టును గత్తిరించెదరు చొప్పడఁ గ్రొత్త దనమ్ము మోములన్
ముట్టరు కోక ఱైకలను ముగ్ధలు గూర్తురు పొట్టి గుడ్డలన్
గిట్టక మచ్చ యేర్పడుట కిన్నెర కంఠులు మానసమ్ములన్
బొట్టు ధరించుటే నుదుట బోటులు భారముగాఁ దలంతురే
రిప్లయితొలగించండిపిన్నక నాగేశ్వరరావు.
హనుమకొండ.
ఆధునిక మనుచు వనితలంత నేడు
జుట్టు ముడివేయక విరబోసు కొనుచుంద్రు
చీర బరువని ధరియించ నేరమనుచు
కుఱుచ దుస్తులు ధరియించి కులుకుచుంద్రు బొట్టుఁ దాల్చుట భారము బోటులకును.