ఆణి ముత్యమంటి బాణి నందించెను “జై జవాను బోలొ జైకిసాను !” లాలు బహదురు ఘనులా శాస్త్రిజీ చూడ పొట్టివాఁడె కాని గట్టివాఁడు ! మనవి: నేను గౌరవించే దేశ ప్రముఖులలో ప్రథముడు లాల్ బహదూర్. దేశానికి అలాంటి ప్రధాని కావాలి, అప్పుడూ-ఇప్పుడూ కూడా.
బెంగబడ్డ ధరకు పెద్దదిక్కైనిల్చి అత్యవసరమునకు అడ్డు తగలి భరత భువికి జూపె ప్రగతిబాటనె-పి.వి- పొట్టి వాడె కాని గట్టి వాడు
--- పెక్కు కాంగిరేసు పెద్దలకుగురువీ తడు; చూచు ప్రభుత తరణ కితని వంగదేశబుధుడు ప్రణబుముఖర్జి, సూ! పొట్టి వాడె కాని గట్టి వాడు -- ఆశుపద్యవిధిని అగ్రగామీతండు అంత్య ధారణమొక ఆటవిడుపు కనగ సింహ రాయ గరికపాటికవి తా- పొట్టి వాడె కాని గట్టి వాడు --- బ్యాటు బట్టి నంత భయభ్రాంతులుగల్గు వైరి జట్ల కెల్ల వరస గాను ఠీవి యన్న, సచిను టెండుల్కరునిదిగా- పొట్టి వాడె కాని గట్టి వాడు
ఊకదంపుడు గారూ, రాజకీయ, ఆర్థిక, సాహిత్య, క్రీడా రంగాలను ప్రస్తావిస్తూ మీ నాలుగు పూరణలు బాగున్నాయి. అభినందనలు. రెండవ పద్యం రెండవ పాదంలో "తడు" అన్నారు. "తండు" టైపు చేయబోయి "సున్నా" మరిచారేమో. నాల్గవ పద్యం మొదటి పాదంలో "భయభ్రాంతులు గల్గు" అన్నప్పుడు గణదోషం ఉంది. దానిని "భయ విహ్వలత గల్గు" అంటే సరిపోతుంది కదా. ఏమంటారు?
ఇంకొక రకంగా పూరణ: మూడడుగులడిగియు మోస బుచ్చె పొట్టి వా(డె,- కాని గట్టి వా(డు ప్రఖ్యుడా బలియజయాఖ్య మాయగెలిచె, భావి మనువగు బలిబంధ(ను) నాన!
మనవి: మూడడుగులడిగింది వామనుడు. బలి అజయాఖ్యమాయ గెలిచినాక, భావి కాలంలో మనువగుదు వని ఆజ్ఞాపించింది విష్ణువుగా మారిన హరి. ఆ సుళువుని పద్యంలో పెట్టటానికి ప్రయత్నమే ఈ పద్యం.
చంద్రశేఖర్ గారూ, భావం మంచిదే. దానిని ఛందోబద్ధం చేయడంలో కొద్దిగా తడబడ్డారు. అభినందనలు. మొదటి పాదంలో గణదోషం ఉంది. ప్రఖ్యుడు అనే పదంలేదు. ప్రఖ్యాతి కలవాడు అనే అర్థంలో మీరు వాడి ఉంటారు. నా సవరణ ... మూడడుగు లడిగియు మోసబుచ్చె వటుఁడు పొట్టివాఁడె కాని గట్టివాఁడు ముఖ్యుఁడై బలి యజయాఖ్య మాయ గెలిచె బావి మను వగు ననె వామనుండు.
జైజవాను జైకిసానంచు నినదించి
రిప్లయితొలగించండిజాతి భవిత దీర్చు నేత యయ్యె
అమరవరులు బిలువ నంతలో నరిగెను
పొట్టి వాడె కాని గట్టి వాడు!
మరొక పూరణ
దేశ గమనమునకు దిక్సూచి వంటిదౌ
ఆర్థికాంగణమున కధిపతాయె
రెండుమార్లు త్రిప్పె రివ్వున చక్రము
పొట్టి వాడె కాని గట్టి వాడు!
ఆణి ముత్యమంటి బాణి నందించెను
రిప్లయితొలగించండి“జై జవాను బోలొ జైకిసాను !”
లాలు బహదురు ఘనులా శాస్త్రిజీ చూడ
పొట్టివాఁడె కాని గట్టివాఁడు !
మనవి: నేను గౌరవించే దేశ ప్రముఖులలో ప్రథముడు లాల్ బహదూర్. దేశానికి అలాంటి ప్రధాని కావాలి, అప్పుడూ-ఇప్పుడూ కూడా.
రాజ నీతి బుధుడు రాణిoచె ఆనాడు
రిప్లయితొలగించండిరాజ కీయ మందు,రణము నందు ,
గెలిచి పేరు దెచ్చె లాలు బహద్దూరు .
పొట్టి వాడె కాని గట్టి వాడు !
ఇలయు నందు ఘనుడు నీ లాల్ బహద్దూరు
రిప్లయితొలగించండిసత్యధర్మమూర్తి,సౌమ్యుడయ్యు
కయ్యమందు గవియు కవ్వడి యీతండు
పొట్టివాఁడె కాని గట్టి వాఁడు
అదితి పుత్రుడయ్యె నారాధ్య వటుడయ్యె
రిప్లయితొలగించండిఅడుగు లిడుచు విశ్వ మాక్రమించె
బలిని మట్టుపెట్టె బాతాళ లోకంబు
పొట్టివాఁడె కాని గట్టి వాఁడు
బెంగబడ్డ ధరకు పెద్దదిక్కైనిల్చి
రిప్లయితొలగించండిఅత్యవసరమునకు అడ్డు తగలి
భరత భువికి జూపె ప్రగతిబాటనె-పి.వి-
పొట్టి వాడె కాని గట్టి వాడు
---
పెక్కు కాంగిరేసు పెద్దలకుగురువీ
తడు; చూచు ప్రభుత తరణ కితని
వంగదేశబుధుడు ప్రణబుముఖర్జి, సూ!
పొట్టి వాడె కాని గట్టి వాడు
--
ఆశుపద్యవిధిని అగ్రగామీతండు
అంత్య ధారణమొక ఆటవిడుపు
కనగ సింహ రాయ గరికపాటికవి తా-
పొట్టి వాడె కాని గట్టి వాడు
---
బ్యాటు బట్టి నంత భయభ్రాంతులుగల్గు
వైరి జట్ల కెల్ల వరస గాను
ఠీవి యన్న, సచిను టెండుల్కరునిదిగా-
పొట్టి వాడె కాని గట్టి వాడు
సాటి లేని మేటి సచిను టెండుల్కరే
రిప్లయితొలగించండిక్రికెటు ఆట నందు మకుటధారి
ఎదుటి జట్టు వారు ఇట్లు జెప్పెదరట
"పొట్టి వాడె కాని గట్టి వాడు!"
మిస్సన్న గారూ,
రిప్లయితొలగించండిమీ రెండు పూరణలూ బాగున్నాయి. అభినందనలు.
రెండవ పద్యం రెండవ పాదంలో "అధిపతాయె" అనడం గ్రామ్యం. "అధిపతి యయె" అంటే బాగుంటుందేమో!
చంద్రశేఖర్ గారూ,
రిప్లయితొలగించండిపూరణ బాగుంది. అభినందనలు.
"ఆణిముత్య మంటి" అనడం కంటే "ఆణిముత్యము వలె" అంటే బాగుంటుంది.
మంద పీతాంబర్ గారూ,
రిప్లయితొలగించండిబాగుంది మీ పూరణ. అభినందనలు.
గన్నవరపు నరసింహ మూర్తి గారూ,
రిప్లయితొలగించండిమీ రెండు పూరణలు బాగున్నాయి. ముఖ్యంగా రెండవది. అభినందనలు.
గురువుగారూ సవరణకు కృతఙ్ఞతలు.
రిప్లయితొలగించండిఊకదంపుడు గారూ,
రిప్లయితొలగించండిరాజకీయ, ఆర్థిక, సాహిత్య, క్రీడా రంగాలను ప్రస్తావిస్తూ మీ నాలుగు పూరణలు బాగున్నాయి. అభినందనలు.
రెండవ పద్యం రెండవ పాదంలో "తడు" అన్నారు. "తండు" టైపు చేయబోయి "సున్నా" మరిచారేమో.
నాల్గవ పద్యం మొదటి పాదంలో "భయభ్రాంతులు గల్గు" అన్నప్పుడు గణదోషం ఉంది. దానిని "భయ విహ్వలత గల్గు" అంటే సరిపోతుంది కదా. ఏమంటారు?
నచికేత్ గారూ,
రిప్లయితొలగించండిబాగుంది మీ పూరణ. అభినందనలు.
తడు అచ్చుతప్పండీ, భయభ్రాంతులు - గణ దోషమె ( ఎందువల్లో భయ లో భ గురువుగ లెక్కకట్టుకున్నాను- మీరు చెప్పిన మార్పు బాగుంది, ధన్యవాదములు.
రిప్లయితొలగించండివైరి జట్ల - ఫరవాలేదా మాష్టారూ ..
భవదీయుడు
ఊకదంపుడు
చుట్టుఁ బట్టలేదు, కట్టడి యదిలేదు,
రిప్లయితొలగించండివట్టి పెట్టుడుఁ గొని గట్టి బలిని
మట్టిఁ గొట్టె నొక్కొ పుట్టువటువు శౌరి!
పొట్టివాఁడె కాని గట్టివాఁడు!
(చుట్టు - చక్రము, పెట్టుడు - దానము)
ఇంకొక రకంగా పూరణ:
రిప్లయితొలగించండిమూడడుగులడిగియు మోస బుచ్చె
పొట్టి వా(డె,- కాని గట్టి వా(డు
ప్రఖ్యుడా బలియజయాఖ్య మాయగెలిచె,
భావి మనువగు బలిబంధ(ను) నాన!
మనవి: మూడడుగులడిగింది వామనుడు. బలి అజయాఖ్యమాయ గెలిచినాక, భావి కాలంలో మనువగుదు వని ఆజ్ఞాపించింది విష్ణువుగా మారిన హరి. ఆ సుళువుని పద్యంలో పెట్టటానికి ప్రయత్నమే ఈ పద్యం.
ఒంటి వాడ నంచు నొకటి రెండడుగులు
రిప్లయితొలగించండికపట వటువు యడిగె కడకు మూడు..
బలిని యణచి నిండె బ్రహ్మాండ మంతయు
పొట్టి వాడె కాని గట్టి వాడు .!
ఊకదంపుడు గారూ,
రిప్లయితొలగించండి"వైరి జట్ల" అనడం "శత్రు మూక" లాంటిది. ఫరవాలేదు.
రవి గారూ,
రిప్లయితొలగించండిమీ పూరణ ఉత్తమంగా ఉంది. ధన్యవాదాలు.
చంద్రశేఖర్ గారూ,
రిప్లయితొలగించండిభావం మంచిదే. దానిని ఛందోబద్ధం చేయడంలో కొద్దిగా తడబడ్డారు. అభినందనలు.
మొదటి పాదంలో గణదోషం ఉంది. ప్రఖ్యుడు అనే పదంలేదు. ప్రఖ్యాతి కలవాడు అనే అర్థంలో మీరు వాడి ఉంటారు.
నా సవరణ ...
మూడడుగు లడిగియు మోసబుచ్చె వటుఁడు
పొట్టివాఁడె కాని గట్టివాఁడు
ముఖ్యుఁడై బలి యజయాఖ్య మాయ గెలిచె
బావి మను వగు ననె వామనుండు.
నేదునూరి రాజేశ్వరి గారూ,
రిప్లయితొలగించండిపూరణ బాగుంది. అభినందనలు.
"వటువు + అడిగె = వటు వడిగె" అవుతుంది. "వటువు యడిగె" అని యడాగమం రాదు.
"కపట వటు వడిగెను కడకు మూడు" అంటే సరిపోతుంది.