గురువర్యులు శ్రీ కంది శంకరయ్య గారి శంకరాభరణం సమస్యాపూరణ :: నేటి సమస్య సంఖ్య-2597 సమస్య :: *దారము పైన వ్రాలెను గదా మకరందముఁ గ్రోల తుమ్మెదల్.* *తుమ్మెదలు తేనెను త్రాగేందుకోసం దారంపైన వ్రాలినాయి* అని చెప్పడం ఈ సమస్యలో ఉన్న విరుద్ధమైన అర్థం. సందర్భం :: పోతన భాగవతంలో పరమ భాగవత శ్రేష్ఠుడైన ప్రహ్లాదుడు విష్ణువిరోధి యైన తండ్రి హిరణ్యకశ్యపుని సమక్షంలో గురువు నుద్దేశించి మాట్లాడుతూ విష్ణు భక్తి యొక్క ఆకర్షణను గుఱించి తెలియజేస్తూ ఓ గురుదేవా ! రాజహంస వాగులను వంకలను వదలివేసి ఆకాశగంగలో మాత్రమే విహరిస్తుంది. కోయిల కొండమల్లెను వదలి తియ్య మామిడి చిగుళ్లనే తింటుంది. చకోరపక్షి మంచును వదలి పండు వెన్నెలలో విహరిస్తుంది. అలాగే నా మనస్సు అనే తుమ్మెద శ్రీ మన్నారాయణుని పాద పద్మముల యందున్న మకరందాన్నే గ్రోలుటకు సిద్ధమయ్యింది. * {మందార మకరంద మాధుర్యమునఁ దేలు మధుపంబు బోవునే మదనములకు } * తుమ్మెదలు ఉమ్మెత్త పుష్పాలను వదలివేసి మకరందం గ్రోలేందుకోసం మందార పుష్పాలపై వ్రాలుతాయి గదా అని విశదీకరించే సందర్భం.
శ్రీరమ గొల్చు పాదముల చిత్తము నిల్పి, భవాబ్ధి దాటగన్ సారము భక్తిమార్గ మని, సాధన జేసెడివాడు శీఘ్రమే పారము జేరు , విష్ణు పద పద్మ సుధన్ గొనగోరి భృంగమై చేరితి సొక్కి ; యీ మదన సేవలు వ్యర్థము లంచు నెంచి మం *దారము పైన వ్రాలెను గదా మకరందము గ్రోల తుమ్మెదల్.* * [మదన పుష్పము = ఉమ్మెత్త పూవు] * * కోట రాజశేఖర్ పడుగుపాడు నెల్లూరు. * (14-2-2018)
ప్రభాకర శాస్త్రి గారూ, మన్నించాలి. దృష్టిదోషం! కంటి ఆపరేషన్ అయింది కదా! చక్కని వైవిధ్యమైన భావంతో మనోహరమైన పూరణ చెప్పారు. అభినందనలు. "ఆరవేయ నా దారముపైన" అని ఉండాలి కదా!
సీతాదేవి గారూ, మీ పూరణ ప్రశస్తంగా ఉన్నది. అభినందనలు. నేను రేపు బయలుదేరి ఎల్లుండి ఉదయానికి నెల్లూరు చేరుకుంటాను. 16న మైలవరపు, కోట వారలతో సాహిత్య సమావేశంలో పాల్గొని తిరుపతి వెళ్తాను. తిరుపతి నుండి 19న బయలుదేరి 20న హైదరాబాదు చేరుకుంటాను.
గురుదేవులకు ధన్యవాదములు, నమస్సులు! మీ నెల్లూరు రాక వార్త మహదానందంగా ఉన్నది! ఏ రైలులో వస్తున్నారు! మా యింటికి తప్పక విచ్చేయ ప్రార్ధన! మీ బస యెక్కడ? నేను మా మిత్రులతో 17 న సోమనాధ్, పంచ దారకలు ఇత్యాది పర్యటనకు వెళ్తున్నాను. అందువలన 16 న విడవలూరు రాలేను!
వారము వర్జ్యము లేకయె
రిప్లయితొలగించండిగారము తోడను వెదకుచు కనిపించగనే
కూరిమితో తోటన మం
దారముపై వ్రాలెఁ దేటి త్రాగఁగ మధువున్
* కనినంతటనే
తొలగించండిప్రభాకర శాస్త్రి గారూ,
తొలగించండిమీ పూరణ బాగున్నది. అభినందనలు.
'తోటను' అనండి.
దారులు వెదకుచు నెగిరెను
రిప్లయితొలగించండినీరముపై నున్నకలువల నేత్రము లన్నీ
కేదారము ముంగిట గలమం
దారముపై వ్రాలెఁ దేటి త్రాగఁగ మధువున్
అక్కయ్యా,
తొలగించండిమీ పూరణ బాగున్నది. అభినందనలు.
రెండవ పాదంలో గణదోషం. 'అన్నీ' అని వ్యావహారికాన్ని ప్రయోగించారు. "నీరముపై గల కలువల నేత్రము లెల్లన్" అనండి.
శాస్త్రి చెప్పేవరకు నేను ప్రాసదోషాన్ని గమనించలేదు.
తొలగించండిరాజేశ్వరి గారు:
రిప్లయితొలగించండిమూడవ పాదము ప్రాస..
అవునుకదా మర్చిపోయాను . ధన్య వాదములు GPS . గారు
రిప్లయితొలగించండి---------------------------
దారులు వెదకుచు నెగిరెను
నీరముపై నున్నకలువల నేత్రము లన్నీ
ద్వారము ముంగిట గలమం
దారముపై వ్రాలెఁ దేటి త్రాగఁగ మధువున్
అక్కయ్యా,
తొలగించండిమీ పూరణ బాగున్నది. అభినందనలు.
రెండవ పాదంలో గణదోషం. 'అన్నీ' అని వ్యావహారికాన్ని ప్రయోగించారు. "నీరముపై గల కలువల నేత్రము లెల్లన్" అనండి.
దారులు వెదకుచు నెగిరెను
తొలగించండినీరముపై గల కలువల నేత్రము లెల్లన్
ద్వారము ముంగిట గలమం
దారముపై వ్రాలెఁ దేటి త్రాగఁగ మధువున్
రారమ్మని చెలియ పిలువ
రిప్లయితొలగించండినా రసికుడు వేగ వెడలె నతివను గూడన్
కోరుచు వికసించిన మం
దారముపై వ్రాలె దేటి త్రాగగ మధువున్
విరించి గారూ,
తొలగించండిమీ పూరణ బాగున్నది. అభినందనలు.
పూరిత కోరిక లింపై
రిప్లయితొలగించండితోరపు వనశోభ వెల్గ దోహద పడుచున్
సారెకుఁజని మురిసియు మం
దారముపై వ్రాలెఁదేటి త్రాగగ మధువున్.
ప్రసాద రావు గారూ,
తొలగించండిమీ పూరణ బాగున్నది. అభినందనలు.
'పూరిత కోరికలు' దుష్టసమాసం. "కూరిమి కోరిక లింపై/ పూరిత వాంఛలె యింపై" అనండి.
ధన్యవాదములు
తొలగించండిసూచనననుసరించి సవరించిన పూరణ
పూరిత వాంఛలె యింపై
తోరపు వనశోభ వెల్గ దోహదపడుచున్
సారెకుఁజని మురిసియు మం
దారముపై వ్రాలెఁదేటి త్రాగగ మధువున్
రిప్లయితొలగించండివారిజ నేత్ర జిలేబియు
కూరిచె మల్లియ లనంట కూర్మిగ తృటిలో
నారాటపడుచు ఝుమ్మని
దారముపై వ్రాలెఁ దేటి త్రాగఁగ మధువున్ !
శుభోదయం
జిలేబి
జిలేబీ గారూ,
తొలగించండిమీ పూరణ బాగున్నది. అభినందనలు.
దారిమరలెనింగితమిల
రిప్లయితొలగించండినారీనరులు పరవశత నందుండినచో
జారుడహల్యకథతఱిన్
దారముపై వ్రాలెఁ దేటి త్రాగఁగ మధువున్
వెంకటేశ్ ప్రసాద్ గారూ,
తొలగించండిమీ పూరణ బాగున్నది. అభినందనలు.
మైలవరపు వారి పూరణ
రిప్లయితొలగించండిఔరా ! వలదని పోయెద..
వేరా ! యిటు రమ్మటంచు హిజ్రాల్ పిల్వన్
కోరి యొకడు జన., సఖుడనె
"దారముపై వ్రాలె తేటి త్రాగగ మధువున్"!!
మైలవరపు మురళీకృష్ణ వెంకటగిరి
ధీరుడు గెల్చె కాలుని మదిన్ హరుఁ గొల్చి మృకండుసూనుడున్!
తొలగించండిపారముఁ జేరినారు దితిపట్టి , ధ్రువుల్ హరిఁ గొల్చి , నిత్యమున్
కోరికలన్ త్యజియించియు నకుంఠితదీక్షను భక్తితత్త్వమం....
దారముపైన వ్రాలెను గదా మకరందముఁ గ్రోలఁ దుమ్మెదల్ !!
మైలవరపు మురళీకృష్ణ వెంకటగిరి
చిరుసవరణలతో....
తొలగించండి(దితిపట్టి సుతుండు... ప్రహ్లాదుడు)
ధీరుడు గెల్చె కాలుని మదిన్ హరుఁ గొల్చి మృకండుసూనుడున్!
పారముఁ జేరినారు దితిపట్టి సుతుండు ధ్రువుండు విష్ణువున్
కోరి భజించి , ముక్తికి నకుంఠితదీక్షను భక్తితత్త్వమం....
దారముపైన వ్రాలెను గదా మకరందముఁ గ్రోలఁ దుమ్మెదల్ !!
మైలవరపు మురళీకృష్ణ వెంకటగిరి
మైలవరపు వారి రెండు పూరణలు అద్భుతంగా ఉన్నవి. అభినందనలు.
తొలగించండిరాసలీల..
తొలగించండిసారసనాభునిన్ గన విచారము జేసియు జేసి చేసియున్
కోరిక దీర జూచుటకు గోపికలైరట యోగిబృందముల్ !
చేరిరి యాటలాడిరి భజించి రమించిరి , కృష్ణ చిత్తమం...
దారముపైన వ్రాలెను గదా మకరందముఁ గ్రోలఁ దుమ్మెదల్ !!
మైలవరపు మురళీకృష్ణ వెంకటగిరి
రిప్లయితొలగించండిపేరుచు సేవలన్ మదిని పేర్మిగ చేర్చుచు భక్తి మార్గమున్
వారిజ నేత్ర గూర్చె నట వాంఛిత పుష్పములన్ విరాట్టుకై
నారవిడిన్నిదేశమున నాంత్రము జేయుచు మత్తు గానటన్
దారముపైన వ్రాలెను గదా మకరందముఁ గ్రోలఁ దుమ్మెదల్!
జిలేబి
జిలేబీ గారూ,
తొలగించండిమీ పూరణ బాగున్నది. అభినందనలు.
మూడవ పాదం పూర్వార్ధం అర్థం కాలేదు.
తొలగించండికందివారు నమో నమః
ఆరవిడి - అలవాటు
నిదేశము సమీపము
అలవాటుగా సమీపమున స్తోత్రము ఝుమ్మని చేయుచు మత్తుగా :)
సరియేనంటారా ?
జిలేబి
అలవాటుగా సమీపమున
దారను వెంటబెట్టుకొని దర్పకుడంతట శైలజామనో
రిప్లయితొలగించండిహారుని భక్త హృ ద్వన విహారుని ధ్యానవనంబు జేరగా
మీరిన నుత్సుకత్వమున మేలగుగీతుల నాలపించిమం
దారముపైన వ్రాలెనుగదా మకరందముగ్రోలదుమ్మెదల్
బాపూజీ గారూ,
తొలగించండిమీ పూరణ మనోహరంగా ఉన్నది. అభినందనలు.
పార గ జూచు చు వె దుకు చు
రిప్లయితొలగించండికోరిన విరుల న్ గని యె ను గు దు రు గ నొక చో
భోరున న య్యే డ నా మం
దార ము పై వ్రాలె తేటి త్రాగగ మధువు న్
రాజేశ్వర రావు గారూ,
తొలగించండిమీ పూరణ బాగున్నది. అభినందనలు.
సారంబగు కుటపమ్మున
రిప్లయితొలగించండిగారవముగ విరియు పూల గమకము గని సిం
ధూరపు వన్నియ గల మం
దారము పై వ్రాలె దేటి త్రాగగ మధువున్..!!!
శైలజ గారూ,
తొలగించండిమనోహరమైన పూరణ మీది. అభినందనలు.
*ధారలు పారగా మధువు ధాటిగపూవులరేకులందు నన్*
రిప్లయితొలగించండి*తీరగ దాహకాంక్ష మది తేనెలవిందుకు సిద్దమైచనన్*
*జోరుగ బృందగీతికల ఝుమ్మను నాదము పల్లవించ మం*
*దారముపైన వ్రాలెనుగదా మకరందముగ్రోల దుమ్మెదల్*
శ్రీరామ్ గారూ,
తొలగించండిమీ పూరణ ప్రశస్తంగా ఉన్నది. అభినందనలు.
గురువర్యులు శ్రీ కంది శంకరయ్య గారి శంకరాభరణం
రిప్లయితొలగించండిసమస్యాపూరణ :: నేటి సమస్య సంఖ్య-2597
సమస్య :: *దారము పైన వ్రాలెను గదా మకరందముఁ గ్రోల తుమ్మెదల్.*
*తుమ్మెదలు తేనెను త్రాగేందుకోసం దారంపైన వ్రాలినాయి* అని చెప్పడం ఈ సమస్యలో ఉన్న విరుద్ధమైన అర్థం.
సందర్భం :: పోతన భాగవతంలో పరమ భాగవత శ్రేష్ఠుడైన ప్రహ్లాదుడు విష్ణువిరోధి యైన తండ్రి హిరణ్యకశ్యపుని సమక్షంలో గురువు నుద్దేశించి మాట్లాడుతూ విష్ణు భక్తి యొక్క ఆకర్షణను గుఱించి తెలియజేస్తూ ఓ గురుదేవా !
రాజహంస వాగులను వంకలను వదలివేసి ఆకాశగంగలో మాత్రమే విహరిస్తుంది.
కోయిల కొండమల్లెను వదలి తియ్య మామిడి చిగుళ్లనే తింటుంది. చకోరపక్షి మంచును వదలి పండు వెన్నెలలో విహరిస్తుంది. అలాగే నా మనస్సు అనే తుమ్మెద శ్రీ మన్నారాయణుని పాద పద్మముల యందున్న మకరందాన్నే గ్రోలుటకు సిద్ధమయ్యింది. * {మందార మకరంద మాధుర్యమునఁ దేలు మధుపంబు బోవునే మదనములకు } * తుమ్మెదలు ఉమ్మెత్త పుష్పాలను వదలివేసి మకరందం గ్రోలేందుకోసం మందార పుష్పాలపై వ్రాలుతాయి గదా అని విశదీకరించే సందర్భం.
శ్రీరమ గొల్చు పాదముల చిత్తము నిల్పి, భవాబ్ధి దాటగన్
సారము భక్తిమార్గ మని, సాధన జేసెడివాడు శీఘ్రమే
పారము జేరు , విష్ణు పద పద్మ సుధన్ గొనగోరి భృంగమై
చేరితి సొక్కి ; యీ మదన సేవలు వ్యర్థము లంచు నెంచి మం
*దారము పైన వ్రాలెను గదా మకరందము గ్రోల తుమ్మెదల్.*
* [మదన పుష్పము = ఉమ్మెత్త పూవు] * * కోట రాజశేఖర్ పడుగుపాడు నెల్లూరు. * (14-2-2018)
రాజశేఖర్ గారూ,
తొలగించండిమీ పూరణ అద్భుతంగా ఉన్నది. అభినందనలు.
కోరిక తీరగా వధువు క్రొత్తగ చేరగ కాపురమ్ములో
రిప్లయితొలగించండినీరజ పుష్పముల్ విరిసి నీటుగ దీటుగ ప్రింట్లవింట్లతో
వారిజ నేత్రకై కొనిన వాయిలు చీరను నారవేసి నా
దారముపైన వ్రాలెను గదా మకరందముఁ గ్రోలఁ దుమ్మెదల్
హనుమచ్ఛాస్త్రి గారూ,
తొలగించండిచక్కని భావన. మనోహరమైన పూరణ. అభినందనలు.
"ఆయవేయ నా దారముపైన..." అని ఉండాలనుకుంటాను.
నా పద్యమును శ్రీయుతులు కవిపుంగవులు హనుమచ్ఛాస్త్రి గారిదనుకొని నన్ను పరవశ పరిచారు సార్!
తొలగించండిప్రభాకర శాస్త్రి గారూ,
తొలగించండిమన్నించాలి. దృష్టిదోషం! కంటి ఆపరేషన్ అయింది కదా!
చక్కని వైవిధ్యమైన భావంతో మనోహరమైన పూరణ చెప్పారు. అభినందనలు.
"ఆరవేయ నా దారముపైన" అని ఉండాలి కదా!
🙏🙏🙏
తొలగించండిధీరోదాత్తుడగు నతడె
రిప్లయితొలగించండిగారముతో దరిని జేర కలల కదియె సా
కారమన సతి మురిసె! మం
దారముపై వ్రాలె దేటి త్రాగగ మధువున్!
శ్రీధర రావు గారూ,
తొలగించండిమీ పూరణ బాగున్నది. అభినందనలు.
కోరికమీర *శంకరుడు* కోట్ల తెలుంగు శిలీముఖమ్ములన్
రిప్లయితొలగించండిప్రేరణ జేయబాడిదము పెంచెను పద్యసుమమ్ము పూయగన్
చేరుచు *శంకరాభరణ* శృంగము వేడుకమీర పద్య మం
దారముపైన వ్రాలెను గదా మకరందముఁ గ్రోలఁ దుమ్మెదల్
తిరుక్కోవళ్ళూరు శ్రీహర్ష
శ్రీహర్ష గారూ,
తొలగించండిమీ పూరణా పద్యమందారం మనోహరంగా ఉన్నది. అభినందనలు.
తీరిక దొరికిన నామది
రిప్లయితొలగించండిగోరుచు ధ్యానామృతమునె గ్రోలగ నెంచన్
జోరుగ నూహలలో కే
దారముపై వ్రాలె దేటి త్రాగగ మధువున్
జనార్దన రావు గారూ,
తొలగించండిమీ పూరణ బాగున్నది. అభినందనలు.
దూరముభారమెంచకయదోవిధిపూర్వసుకార్యభావనన్
రిప్లయితొలగించండిభూరి జవమ్ముఁ జేరి, విరబూసిన పుష్పవనమ్ము నందు ని
ర్వారపిపాస తీరఁ, దనివార్చు సుధారసధారఁ గల్గు, మం
దారముపై వ్రాలెఁ గదా మకరందముఁ గ్రోలఁ దుమ్మెదల్,
రామాచార్య గారూ,
తొలగించండిమీ పూరణ బాగున్నది. అభినందనలు.
మొదటి పాదంలో 'అదో/యదో'...?
యడాగమంతో యదో అనియే ప్రయోగం.
తొలగించండిగు రు మూ ర్తి ఆ చా రి
రిప్లయితొలగించండి,,,,,,,,,,,,,,,,,,,,,,,,,,,,, ,,,,,,,,,,,,,,,,,,
[ ఒక యువతి ఉద్యానవనమును సమీపించగనె వికసించిన ఆమె
నేత్రపద్మములపై తుమ్మెదలు వ్రాలెను . అపు డామె ప్రేమికుడు
" నా దరి చేరుము , నా కవుగిలి లో దాచి నిన్ను రక్షించెద " అని
పలికెను ]
తారగ నొక్క లేమ ప్రమదావని , నా పరిఫుల్ల నేత్రపుం
దారము పైన వ్రాలెను గదా మకరందము గ్రోల దుమ్మెదల్ |
" చేరగ రమ్ము నా దరికి ప్రేయసి ! మత్పరిరంభమందునం
జేరిచి నిన్ను రక్షణము జేతు " నటంచును ప్రేమికుం డనెన్
{ తారు = సమీపించు ; తారము = పద్మము , తామర ;
తామర చెలి = పద్మ మిత్రుడు ; తామర కంటి = పద్మాక్షి }
గురుమూర్తి ఆచారి గారూ,
తొలగించండిమీది రసవత్పూరణ. మనోహరంగా ఉన్నది. అభినందనలు.
'తారము' అంటే తామర అనే అర్థం లేనట్టుంది.
హోరని యెగురుచు నుండగ
రిప్లయితొలగించండిదూరముగా నొక్క చోట దోపగ విరిగా
జోరుగ మది పొరబడి వే
దారముపై వ్రాలె దేటి త్రాగగ మధువున్
***&***
(వేదారము = ఊసరవెల్లి)
జనార్దన రావు గారూ,
తొలగించండి'వేదారము'తో మీ పూరణ వైవిధ్యంగా, చక్కగా ఉన్నది. అభినందనలు.
కూరిమి చెలులం గూడుచు
రిప్లయితొలగించండివారిజనేత్ర విరులూన వాటికయందున్
సారెకు మదవతి ముఖమం
దారముపై వాలె దేటి త్రాగగ మధువున్ !
అభిజ్ఞాన శాకుంతలము!
సీతాదేవి గారూ,
తొలగించండిమీ పూరణ ప్రశస్తంగా ఉన్నది. అభినందనలు.
నేను రేపు బయలుదేరి ఎల్లుండి ఉదయానికి నెల్లూరు చేరుకుంటాను. 16న మైలవరపు, కోట వారలతో సాహిత్య సమావేశంలో పాల్గొని తిరుపతి వెళ్తాను. తిరుపతి నుండి 19న బయలుదేరి 20న హైదరాబాదు చేరుకుంటాను.
గురుదేవులకు ధన్యవాదములు, నమస్సులు! మీ నెల్లూరు రాక వార్త మహదానందంగా ఉన్నది! ఏ రైలులో వస్తున్నారు! మా యింటికి తప్పక విచ్చేయ ప్రార్ధన! మీ బస యెక్కడ?
తొలగించండినేను మా మిత్రులతో 17 న సోమనాధ్, పంచ దారకలు ఇత్యాది పర్యటనకు వెళ్తున్నాను. అందువలన 16 న విడవలూరు రాలేను!
ఔరా చూడుమయటమం
రిప్లయితొలగించండిదారముపైవ్రాలెదేటిత్రాగగమధువు
న్నారగ ద్రాగినమధువును
భూరుహపున్శాఖపైనపుట్టగబెట్టున్
సుబ్బారావు గారూ,
తొలగించండిమీ పూరణ బాగున్నది. అభినందనలు.
దూరము వడిఁ జని చని కే
రిప్లయితొలగించండిదారమ్మునకు సరసన లతభవమ్ములతో
నారయ నింపుగఁ దన ముం
దారము, పై వ్రాలెఁ దేఁటి త్రాగఁగ మధువున్
[ముందు+ఆరము = ముందారము: ఆరము = ఉద్యాన వనము]
వారిద దత్త నీరములు పాఱఁగ వెల్లువలై చెలంగు నీ
ధారుణి యం దపారము నదమ్ములు ప్రాణి హితమ్ము లౌచుఁ గా
సారము నందు తామరస షండము లల్లన దోఁచగన్ మహో
దారము, పైన వ్రాలెను గదా మకరందముఁ గ్రోలఁ దుమ్మెదల్
కామేశ్వర రావు గారూ,
తొలగించండిమీ రెండు పూరణలు ఉత్తమంగా ఉన్నవి. అభినందనలు.
మొదటి పూరణలో 'లతాభవమ్ములు' అనడం సాధువు కదా!
"లతాభవములతో" అనవచ్చు కదా!
తొలగించండిపూజ్యులు శంకరయ్య గారికి నమఃపూర్వక ధన్యవాదములు.
తొలగించండిఅవునండి అదే సాధువు. ధన్యవాదములు. ముందు “లతాంతము” నూహించి యఖండ యతి యని సవరించుటలో నీ దోషము దొర్లినది.
కందం
రిప్లయితొలగించండిసారంగుని స్మరణమ్మే
కూరుచు నన ముక్తి మధువు కొలువై రమణుల్
జీరఁగ, నరుణాచల కే
దారముపై వ్రాలెఁ దేటి త్రాగఁగ మధువున్
సహదేవుడు గారూ,
తొలగించండిమీ పూరణ చాలా బాగున్నది. అభినందనలు.
🙏ధన్యోస్మి గురుదేవా🙏
తొలగించండిమీరలురాగదేయిటకుమీరునుజూడగరామనాధ!మం
రిప్లయితొలగించండిదారముపైనవ్రాలెనుగదామకరందముగ్రోలదుమ్మెదల్
దారవిజంటజంటగటతారసియుండుటజూడగాభళా
మీరనిసంతసంబులనుమేమిపుడిచ్చటపొందుచుంటిమే
సుబ్బారావు గారూ,
తొలగించండిమీ పూరణ బాగున్నది. అభినందనలు.
పదాల మధ్య వ్యవధానం ఉంచండి.
క్రొవ్విడి వెంకట రాజారావు:
రిప్లయితొలగించండిచారిమమై నలువందెడి
సారంగమ నందనమున చాయలదోడన్
సౌరభమున పొదికొను మం
దారముపై వ్రాలె దేటి త్రాగగ మధువున్
రాజారావు గారూ,
తొలగించండిమీ పూరణ బాగున్నది. అభినందనలు.
ఆరమణీయపు వనమును
రిప్లయితొలగించండిజేరగ నానందమొంది చిందిలి దరికిన్ ,
గోరుచు ఝుమ్మనుచునె , మం
దారముపై వ్రాలెఁ దేటి త్రాగఁగ మధువున్
కృష్ణారావు గారూ,
తొలగించండిమీ పూరణ బాగున్నది. అభినందనలు.
ఈరోజు చాలామట్టుకు తుమ్మెదలన్నీ మందారాలపైనే వాలాయి. బహుశా అవన్నీ వనాలలో తిరుగుచూ మందారవ్రతం ఆచరిస్తున్నాయనుకుంటా...😃
రిప్లయితొలగించండికానీ పాపం యీ తుమ్మెద దారి తప్పి పట్నం చేరింది. పట్నవాసంలో 'నేచురాలిటీ'కి చోటేదీ!?
తోరణమది యని గట్టగ
బారెడు ప్లాస్టిక్కు దండ పట్టణ మందున్
పూఁరేకులు యని తలచుచు
"దారముపై వ్రాలెఁ దేటి త్రాగఁగ మధువున్"
విట్టుబాబు గారూ,
తొలగించండిమీ పూరణ వైవిధ్యంగా చక్కగా ఉన్నది. అభినందనలు.
పూరేకులలో అర్ధానుస్వారం ఎందుకు? 'రేకులు+అని = రేకులని' అవుతుంది. యడాగమం రాదు. "పూరేకు లనుచు దలచుచు" అనండి.
ధన్యవాదాలు గురువుగారూ
తొలగించండి🙏🏻
తోరణమది యని గట్టగ
బారెడు ప్లాస్టిక్కు దండ పట్టణ మందున్
పూరేకు లనుచు దలచుచు
"దారముపై వ్రాలెఁ దేటి త్రాగఁగ మధువున్"
ప్రేరణ బెంచగ పువ్వులు
రిప్లయితొలగించండిమారని మమకా రమందు మకరందముకై
చేరిన గుంపున నొక మం
దారము పై వ్రాలెదేటి త్రాగగ మధువున్,
ఈశ్వరప్ప గారూ,
తొలగించండిమీ పూరణ బాగున్నది. అభినందనలు.
'మకరందమునకై' అనడం సాధువు. అక్కడ "మకరందమునే। గోరిన గుంపున..." అంటే ఎలా ఉంటుంది?
ఉత్పలమాల
రిప్లయితొలగించండిఏరిచి యష్టదిగ్గజము లేర్పడ మేటి కవీశ్వరాళితో
గూరిచి సాహితీ కొలువు గొప్పగఁ బంచుచుఁ గావ్యమాధురుల్
ధారుణి కృష్ణరాయసభ దన్విని దీర్చ, పిపాసు లౌచు మం
దారముపైన వ్రాలెను గదా మకరందముఁ గ్రోలఁ దుమ్మెదల్
సహదేవుడు గారూ,
తొలగించండిమీ పూరణ ప్రశస్తంగా ఉన్నది. అభినందనలు.
🙏ధన్యోస్మి గురుదేవా🙏
తొలగించండిరవీందర్ గారూ,
రిప్లయితొలగించండిమీ పూరణ బాగున్నది. అభినందనలు.
ఒకటి తర్వాత అర్ధానుస్వారం ఎందుకు?
దారమును మందారమో,పదారమో, కేదారమో,చేదారమో,వేదారమో చేయక నే, దారమును ఎవరు దారముగా ఉంచుతారోని ఎదురు చూస్తుండగా.శాస్త్రిగారు కృతకృత్యులయ్యారు.పుష్పాలను మరువలేదు.మంచి పూరణ జేశారు. పూరణభినందనీయము!🌹👍👏🌹
రిప్లయితొలగించండి🙏
తొలగించండి
రిప్లయితొలగించండిప్రేమికుల దిన శుభాకాంక్షలతో
స్వైరిత ణిసధాత్వర్థము
లే రాజిల జేయగోర లేమయు వలయం
బై, రయ్యనగ భళా మం
దారముపై వ్రాలెఁ దేటి త్రాగగ మధువున్!
సెయింట్ వాలైంటైన్ లాంగ్ లివ్ :)
జిలేబి
పరార్ :)
ప్రేమిక దివసమున: పుణేలో:
తొలగించండిచేరము మల్లెపూవులను చేరము తామర నీరజమ్ములన్
చేరము సన్నజాజులను చేరము చంపక మాలలన్నయా
చేరము బంతిపూవులను...చేరితి రిచ్చట సేనలో యనిన్
దారముపైన వ్రాలెను గదా! మకరందముఁ గ్రోలఁ దుమ్మెదల్
😢😢😢
"The Karnataka Rakshana Vedike organised the 'marriage' of two sheep..."
తొలగించండి...Times of India online
తొలగించండి:)
జిలేబి
తొలగించండిగొర్రెలకట కళ్యాంబును
వెర్రితలలు వేయ యువత వెజ్జరికముగన్
చర్రను రీతుల జేసే
రర్రా కర్నాటకమున రమ్యంబుగ బో :)
జిలేబి
దూరపుదేశమునకు వ్యా
రిప్లయితొలగించండిపార నిమిత్తమున నేగి పతి కలగనియెన్
మారుని చేఁతకు నిజ మం
దారముపై వ్రాలెఁ దేటి త్రాగఁగ మధువున్
అన్నపరెడ్డి వారూ,
తొలగించండిమీ పూరణ బాగున్నది. అభినందనలు.
పారులు బారులంట, *చరవాణి* న చర్చలు జోరుజోరటా
రిప్లయితొలగించండిగారము హెచ్చెనేడు నయగారములక్కట బూటకమ్ములే
పేరులు మార్చిమార్చికట, *ఫేసుబు కందున* *చాటుచాటటా*
మారరు ప్రేమికుల్ ధరన, మత్సర మక్కట వారిసొమ్మటా
తీరును మార్చికోరుగద!తెంపరి వేశము మించిపోయి *కు*
*ద్దారము*పైన వ్రాలెను గదా మకరందముఁ గ్రోలఁ దుమ్మెదల్
తిరుక్కోవళ్ళూరు శ్రీహర్ష
శ్రీహర్ష గారూ,
తొలగించండిమీ పూరణ బాగున్నది. అభినందనలు.
రిప్లయితొలగించండితీరని తమితోడను మం
దారముపై వ్రాలె తేటి త్రాగగ మధువున్
కోరుచు రమణీమణి నట
చేరెను ముదమున ప్రియుడును చెలి చెంతకు తాన్.
ఉమాదేవి గారూ,
తొలగించండిమీ పూరణ బాగున్నది. అభినందనలు.
ఈ కామెంట్‌ను రచయిత తీసివేశారు.
రిప్లయితొలగించండివేరుపడి వాడి పోగన్ దారము నుండియె విరులవి దాహము తోడన్
రిప్లయితొలగించండిపూరితి గంధము వీడని
దారముపై వ్రాలె దేటి త్రాగగ మధువున్!
కం:కూరిమి తో వీడని మమ
రిప్లయితొలగించండికారముతో పుష్పములను గాఢపు తమితో
కోరుచు తిరుగుచు నొకమం
దారముపై వ్రాలె తేటి త్రాగగ మధువున్.
కం:భారంబగు హృదయముతో
దారులు వెదుకుచు సతతము ధరలో తిరుగన్
శ్రీరామనామ మనుమం
దారముపై వ్రాలె తేటి త్రాగగ మధువున్
చీరలు నారలున్ మణులు చెన్నుగ బంగరు వడ్డణమ్ములున్
రిప్లయితొలగించండికోరుచు వజ్రహారములు కుణ్డల శ్రేణులు కంకణమ్ములన్
చోరులు కూడిరే గుమిగ చొచ్చగ నింటిని మోడివర్యుదౌ:👇
"దారముపైన వ్రాలెను గదా మకరందముఁ గ్రోలఁ దుమ్మెదల్!"