కవిమిత్రులారా,
ఈరోజు పూరించవలసిన సమస్య ఇది...
"రాముని సుతుఁ డర్జునుండు రావణు గెలిచెన్"
(లేదా...)
"రాముని పుత్రుఁ డర్జునుఁడు రావణు గెల్చె రణాంగణమ్మునన్"
ఈ సమస్యను పంపిన గుఱ్ఱం జనార్దన రావు గారికి ధన్యవాదాలు.
ఈ సమస్యను పంపిన గుఱ్ఱం జనార్దన రావు గారికి ధన్యవాదాలు.
మామా! లవుడెవ్వడురా?
రిప్లయితొలగించండిభీముని సోదరుడెవడుర? భీభత్సముగన్
రాముండెవరిని గెల్చెను?
రామునిసుతుఁ డ;ర్జునుండు;రావణు గెలిచెన్...
....నాకును, స్వర్గీయ పండిత నేమాని వారికినీ, నచ్చని క్రమాలంకార పూరణకు క్షంతవ్యుడను...తప్పలేదు :(
Pandita Nemaniఫిబ్రవరి 06, 2014 5:56 PM
తొలగించండిశ్రీ కంది శంకరయ్య గారూ! శుభాశీస్సులు.
మీ పూరణ బాగుగ నున్నది. సమస్యలను పూరించుటలో "క్రమాలంకారము"ను ఆశ్రయించుట చిట్ట చివరి ప్రయత్నముగ మాత్రమే చేయదగును - వేరొక మార్గము లేనప్పుడే కదా!
మైలవరపు వారి పూరణ
రిప్లయితొలగించండిమా ముదునూరు నందునొక మాన్య కుటుంబము , నాటకమ్ములన్
గ్రామములన్ ప్రదర్శనముగా నిడువారలు ., నామముల్ గనన్
"రాముని పుత్రుఁ డర్జునుఁడు., రావణు గెల్చె రణాంగనమ్మునన్
రాముని పాత్ర దాల్చి , జనరంజకమయ్యె , ప్రశంస జేయుడీ !!
మైలవరపు మురళీకృష్ణ వెంకటగిరి
రణాంగణమ్మునన్... అని ఉండాలి.. సమస్యను యథాతథంగా కాపీ చేసితిని.. మన్నింపుడు.. గమనింపుడు.. 🙏
తొలగించండి...మైలవరపు మురళీకృష్ణ
తొలగించండిముదునూరి అర్జున రాముడు బాగు బాగు !
జిలేబి
ఖాళీలను పూరింపుము... అనే ప్రశ్నకు.. జవాబులు ఇలా చదువుతున్నాడు...
తొలగించండిప్రామాణిక విశ్లేషణ..
మే మృగ్యంబయ్యె! *భట్టి* యే దిక్కయ్యెన్ !
మా మనుమడిట్లు చదువును
రాముని సుతుడర్జునుండు రావణు గెల్చెన్ !!
మైలవరపు మురళీకృష్ణ వెంకటగిరి
ధన్యవాదాలండీ శ్రీ జిలేబీ గారికి 🙏🙏శాస్త్రి గారికి కూడా 🙏
తొలగించండి...మైలవరపు మురళీకృష్ణ
చామా! కుశుడెవడంటిని?
రిప్లయితొలగించండిభామ సుభద్రనెవరంట పరిణయ మాడెన్?
రాముడని గెల్చె నెవరిని?
రాముని సుతు, డర్జునుండు, రావణు గెలిచెన్.
రిప్లయితొలగించండికాముడు చదివెను విడువక
రామాయణ భారతముల రాత్రింబవలున్!
హా! మూర్చన చెప్పెను బో
"రాముని సుతుఁ డర్జునుండు రావణు గెలిచెన్"
జిలేబి
రిప్లయితొలగించండిభామయు నేర్వ రామ కథ, భారతమున్, కథ గట్టె కొత్తగన్
తామరకూనలన్ చొనిపి తా విలు నెక్కిడి "భారరామ"మై
"రాముని పుత్రుఁ డర్జునుఁడు రావణు గెల్చె రణాంగణమ్మునన్"
కోమల మైన గాధ యన గొల్లున నవ్విరి మాన్యులున్ వినన్ !
జిలేబి
ఈ కామెంట్‌ను రచయిత తీసివేశారు.
రిప్లయితొలగించండినామము మార్చి దశరథుని
రిప్లయితొలగించండిరాముడనుచు నర్జునుడని రామునియనినన్
స్వామీ! యనదగునిట్టుల
రాముని సుతుఁ డర్జునుండు రావణు గెలిచెన్
ఏమని చెప్ప గ వచ్చును
రిప్లయితొలగించండిసోమరి మత్తు న ముని గి యు చోద్యము గాగ న్
వేమ రు వ ద రు చు ని ట్ ల నె
రాముని సు తు డ ర్జునుండు రావ ణు గెలిచె న్
ఈ కామెంట్‌ను రచయిత తీసివేశారు.
రిప్లయితొలగించండి(కృతవీర్యుని పుత్రుడు కార్తవీర్యార్జునుడు రావణాసురుని జయించటం)
తొలగించండిసేమము చిందులాడ ఘనసీమను హైహయరాజ్యమున్ మహా
ధీమతి; దోర్బలుండు; రణధీరుడు; నిర్మలు డేలుచుండగా
వేమరు చెప్పనేల! కృతవీర్యుని నార్తజనైకరక్షణా
రాముని పుత్రు డర్జునుడు రావణు గెల్చె రణాంగణమ్మునన్.
👌👌👌
తొలగించండిధన్యవాదాలండీ !
తొలగించండి*ఓముదితామణీ,గనుముయోర్మినిజూపుచు కత్తిరిం పునన్*
రిప్లయితొలగించండి*నీమదిసక్రమంబుగపనిన్ దలపెట్టక పేస్టుజేయుటన్*
*నేమిటొతప్పుదొర్లెసుమి!నీవిటజూడగల్యాపుటాపులో*
*రామునిపుత్రుడర్జునుడురావణుగెల్చెరణాంగణమ్ము నన్*
ఈ కామెంట్‌ను రచయిత తీసివేశారు.
రిప్లయితొలగించండిడా ఎన్.వి.ఎన్.చారి
రిప్లయితొలగించండిశ్యామలవర్ణు నశ్వమును చక్కగ నడ్డిన వీరుడెవ్వడో ?
శ్యామలవర్ణు మిత్రుడని వ్యాసుడు చెప్పిన వీరుడెవ్వడో ??
శ్యామలవర్ణుడా మహిజన్ గొని వచ్చుట కేమి జేసెనో??
రాముని పుత్రుడ; ర్జునుడు; రావణు గెల్చె రణాంగనమ్మునన్
రిప్లయితొలగించండికోమల వళ్ళి జూచెగద కొత్తగ వచ్చె సమస్య నేడిటన్
"రాముని పుత్రుఁ డర్జునుఁడు రావణు గెల్చె రణాంగణమ్మునన్"
భామ శకారుడిన్ కొలిచె ! భారము తీరెను కైపదమ్ము తా
నై మరి మాయమయ్యెను సునామణి తా విని త్రోసి పుచ్చగన్ !
జిలేబి
ఈ కామెంట్‌ను రచయిత తీసివేశారు.
రిప్లయితొలగించండిగురువర్యులు శ్రీ కంది శంకరయ్య గారి శంకరాభరణం
రిప్లయితొలగించండిసమస్యాపూరణ :: నేటి సమస్య సంఖ్య-2602
సమస్య :: *రాముని పుత్రు డర్జునుడు రావణు గెల్చె రణాంగణమ్మునన్.*
రాముని కుమారుడు అర్జునుడు అని, ఆ అర్జునుడు రావణుని చంపినాడు అని చెప్పడం ఈ సమస్యలో ఉన్న విరుద్ధమైన అర్థం.
సందర్భం :: హైహయ వంశ రాజు మునితుల్యుడు ఐన కృతవీర్యుని కుమారుడు కార్తవీర్యుడు. ఇతడే కార్తవీర్యార్జునుడు. విష్ణువు యొక్క అవతారమైన దత్తాత్ర్రేయ స్వామిని నిశ్చల భక్తితో సేవించి వరంగా వేయి చేతులను విజయ సిద్ధిని పొందినాడు. అతనిని యుద్ధంలో గెలవాలని వెళ్లిన రావణుడు నర్మదా నదీ తీరములో స్త్రీలతో విహరిస్తున్న ఆ అర్జునుని చూచి *స్త్రీలోలుడైన ఇతడు నాతో యుద్ధము చేయగలడా?* అంటూ ఎగతాళిగా నవ్వినాడు. అప్పుడు ఆ కార్తవీర్యార్జునుడు రణాంగణంలో రావణుని గెలిచినాడు అని విశదీకరించే సందర్భం.
భీముడు , మౌనియైన కృతవీర్యుని పుత్రుడు , దత్తభక్తుడౌ,
నా మహితున్ , సహస్రకరు , హైహవ వంశజు , కార్తవీర్యుడన్
నామము గన్న యర్జును , ననంగ క్రియాయుతు గాంచి నవ్వుచున్
*కామవిలాసతత్పరుడు కయ్యములో గెలువం* డనంగ నౌ
*రా ! ముని పుత్రు డర్జునుడు రావణు గెల్చె రణాంగణమ్మునన్.*
*కోట రాజశేఖర్ పడుగుపాడు నెల్లూరు.* (19-2-2018)
సవరణ పద్యంలోని మొదటి పాదంలో
తొలగించండిభీముని , మౌనియైన కృతవీర్యుని పుత్రుని ,
అని చదువ ప్రార్థన. కోట రాజశేఖర్.
(సవరణ) రావణుని చంపినాడు అని 6 వ వరుసలో ఉన్నది. దానిని రావణుని గెలిచినాడు అని చదువుకొవలసినదిగా విజ్ఞప్తి.
తొలగించండి
రిప్లయితొలగించండిసోముకు పరీక్ష లడిగిరి
రాముని సుతుడెవరు?నెవరు రవిజుని గెలిచె?
న్నా మొద్దు వ్రాసె నిటులను
రాముని సుతుఁ డర్జునుండు, రావణు గెలిచెన్
🌿🌿🌿 ఆకుల శాంతి భూషణ్🌷🌷
☘వనపర్తి☘
ఏమని చెప్పను వీరులు.
రిప్లయితొలగించండిరాముని సుతు,డర్జునుండు,-- రావణు గెలిచెన్
ప్రేమగ సురలిడ దీవెన.
ధీమతి శ్రీరాముడమిత తేజోన్ముఖుడై.
ఈ కామెంట్‌ను రచయిత తీసివేశారు.
రిప్లయితొలగించండివేమారులు బోధించిన
రిప్లయితొలగించండిచీమంతయు నేర్వని తన శిష్యుని కనెనా
ధీమతి గురువే , "ఛీ!యే
రాముని సుతుఁ డర్జునుండు రావణు గెలిచెన్?"
సోమూ!కుశుడెవ్వడురా?
రిప్లయితొలగించండిభీమునితమ్ముండెవడుర? భీమ రణంబున్
రాముండెవరిని గెలిచెను?
రాముని సుతుఁ- డర్జునుండు- రావణు గెలిచెన్.
ప్రేమను సుభద్రఁ గొనె సు
రిప్లయితొలగించండిత్రాముని సుతుఁ డర్జునుండు, రావణు గెలిచెన్
రాముడు భీకర పోరున
సోమము జూపి సురవరులు సొక్క చదలుపై
అయ్యా! ఆనపరెడ్డి వారూ:
తొలగించండిమీ అద్భుతమైన వ్యాసం "నమస్తే తెలంగణా" లో శంకరయ్య గారి చిత్రరాజముతో చూచి చదివి హర్షించితిని. నమస్సులు!
వయసులో నాకన్నా చిన్నవారైనా, నిజానికి రాజేశ్వరి గారిదే అగ్రతాంబూలం. శంకరాభరణం ప్రారంభమైనప్పటినుంచీ నేటి వరకూ ఎనిమిదేళ్ళుగా ఎడతెరిపి లేకుండా వారు సమస్యాపూరణ, పద్యరచన చేసియున్నారు. ఆకాశవాణిలో సైతం ప్రతి శనివారం వారి పేరు వినిపించుచున్నది.
తొలగించండి🙏🙏🙏
రోజులు మారగ నేండ్లగ
నాజూకగు పద్యములను నందము తోడన్
జాజుల మాలగ నల్లిన
రాజేశ్వరి గారికివియె ప్రాంజలి శతముల్
తొలగించండిఎక్కడండి నమస్తే ఆర్టికల్ లింకు ?
జిలేబి
తొలగించండిరాజేశ్వరి గారి గురించి జీపీయెస్ వారి మాట అక్షర సత్యం
Long standing consistent, considerate and unassuming refined and subtle poet
జిలేబి
ఈరోజు పేపరులో: "తెలంగాణా ఆణిముత్యం" :
తొలగించండిలింకు అన్నపరెడ్డి వారివ్వగలరు.
* సవరణ: క్షమార్పణలతో:
తొలగించండి"అన్నపరెడ్డి" ఒప్పు ...
"ఆనపరెడ్డి" తప్పు..
🙏🙏🙏 'నమస్తే'లను కాపీ,పేస్ట్ చేయటమే.
తొలగించండిGPS వారికీ జిలేబి గారికీ ధన్య వాదములు
తొలగించండిAsn Reddy గారు! ఆలస్యంగా స్పందిస్తున్నందుకు మరోలా అనుకోకండి!చక్కని విరుపుతో కూడిన పూరణ!
తొలగించండిఅభినందనలు, జేజేలు, జోహార్లు! 💐💐💐👍👌💐💐💐
హోమపు టశ్వము న్నెవరొ హోయన నిల్పిరి యద్భుతమ్ముగన్
రిప్లయితొలగించండికోమలి కృష్ణనే గెలిచె కోరిక మీరగ లాఘవమ్మునన్
ప్రేముడి సారసాక్షి విడి పించుటకై రఘురాముడే గదా
రాముని పుత్రుఁ డర్జునుఁడు రావణు గెల్చె రణాంగణమ్మునన్"
"కవిమిత్రులారా,
రిప్లయితొలగించండినమస్కృతులు.
నిన్న తిరువన్నామలై నుండి నేరుగా శ్రీకాళహస్తి చేరుకున్నాను. ఈరోజు శివయ్యను దర్శించుకొని సాయంత్రం రైలెక్కి రేపు నెలవు చేరుకుంటాను."
"కుడికంటిలో డ్రాప్స్ వేసుకొని ఒంటికంటితో శుక్రాచార్యత్వాన్ని పొంది చేసిన సవరణ అది!"
...కంది శంకరయ్య గారు
*******************************
గోముగ శంకరుండు తన కోరిక తీరగ కాళహస్తిలో
నీమము తప్పకుండ కనునిండుగ బిందులు వేసియుండగా
థీమగు పాదమున్ వడిగ దిద్దుచు దిద్దుచు దిద్దగన్నిటుల్:
"రాముని పుత్రుఁ డర్జునుఁడు రావణు గెల్చె రణాంగణమ్మునన్"
ఈ మహి నొకఁడు సహస్ర భు
రిప్లయితొలగించండిజామిత బల దర్పితుండు యదు వంశ మహా
సోమ కృతవీర్యుని రతా
రాముని సుతుఁ డర్జునుండు రావణు గెలిచెన్
[రత+ఆరాముని =రతారాముని: ఆరామముల నాసక్తి కలవాడు; అర్జునుడు = కార్తవీర్యార్జునుఁడు]
రాముఁడు భీమ భార్గవ విరాముఁడు విశ్రుత ధన్వి భండనో
ద్దాముఁడు లక్ష్మణాగ్రజుఁడు దైత్య మృగేంద్రుఁడు దేవ సంచయ
స్తోముఁడు రామ చంద్రుఁ డఘ దూరుఁడు జానకి భర్త, కాదె యీ
రాముని పుత్రుఁ డర్జునుఁడు, రావణు గెల్చె రణాంగణమ్మునన్
[అర్జునుడు = ఏకైక కుమారుడు]
రామ సుభద్రఁ గన్గొని సరాగము లాడుచుఁ బెండ్లియాడె సు
రిప్లయితొలగించండిత్రాముని పుత్రుఁ డర్జునుఁడు, రావణు గెల్చె రణాంగణమ్మునన్
రాముడు సేతువేర్చి జలరాశిని వానర మూక తోడ్పడన్
క్షేమము గానయోధ్య చన కేళిక లాడిరి తృప్తితో జనుల్
వానరమూక బదులు వానర సేన
తొలగించండినారిసారించి ఫల్గునుడు మీమూక చెండు చున్నప్పుడు - తిరుపతి వేకటకవులు
తొలగించండిమూఁక లో తప్పులేదు. వానరమూక దుష్ట సమాసము. వానర సేన సాధు సమాసము.
తొలగించండిభామా!లవుడెవరి సుతుడు?
రిప్లయితొలగించండిప్రేముని యంశన వెలసిన వీరుండెవరో?
రాముండెవరిని గెలిచెను?
రాముని సుతుఁ, డర్జునుండు, రావణు గెలిచెన్ !!!
ఏమీ వింతగ బలికిరి?
రిప్లయితొలగించండిరామునిసుతుడర్జునుండురావణు గెలిచెన్
రాముని సుతుడర్జునుడా?
సామీ! లవకుశలుగాదె సలక్షణముగా
తొలగించండిTypical Subba Rao Saheb Mark :)
Cheers
జిలేబి
భూమియె ఘోరశాపమిడ పోరున గర్ణుని గూల్చి నెగ్గె సు
రిప్లయితొలగించండిత్రాముని పుత్రుఁ డర్జునుఁడు; రావణు గెల్చె రణాంగణమ్మునన్"
భూమిజ బాధ దీర్చుటకు పూజ్యుడు రాముడు వింతయౌ గదా
భూమియు, భూమిజాతయును పోరున ధర్మజయమ్ము జేయుటల్
(కర్ణుని పతనానికి భూమి కారణం. రావణుని పతనానికి భూమిజ కారణం అని ఒక సంబంధం చూపటం)
రిప్లయితొలగించండిఏమి చదివి చెప్పితివే
రాముని సుతుఁడర్జునుండు రావణుగెలిచెన్?
రామాయణమా ? భారత
మా? మాంగలికముగ బల్కు మహిని జిలేబీ !
జిలేబి
రాముని పుత్రుడర్జునుడురావణుగెల్చె రణాంగణమ్మునన్
రిప్లయితొలగించండిరాముడు చంపగాననిని రావణు మీరలుపల్కుటిట్లుగా
నేమని జెప్పనోపుదునునీతరుణిన్మరిపార్ధుడుండెనే
నేమియు లేడుగానరయ యీయుగ మందున నెచ్చటన్ సుమా
https://m.facebook.com/story.php?story_fbid=1818558121487677&id=100000005213770
రిప్లయితొలగించండి
తొలగించండిఫేసు బుక్కు అకౌంటు లేదండి
జనరల్ లింకు ఏదన్నా వుంటే తెలియజేయగలరు
జిలేబి
చిరు మార్పులతో వ్యాసం ఇచ్చట చదవండి... అన్నపరెడ్డి వారి కృపతో!:
తొలగించండిhttp://kandishankaraiah.blogspot.in/2018/02/2599.html?m=1
తొలగించండిజీపీయెస్ వారు
ఇమేజ్ అలుక్కుపోయిందండీ సరియైనది పెట్టండి
జిలేబి
ఇల్ల...
తొలగించండివ్యాసం పై లింకులో...
తొలగించండిఅన్నపరెడ్డి గారి సమీక్ష చాలా బాగుంది !
దాదాపు 2600 సమస్యా పూరణలు ఒక్కో పూరణలకు అధమ పక్షం 25 (50℅ of current trend in web only ) అనుకుంటే కూడా 2500*25 - 62500 ! A whopping number of solutions !
Cheers to Kandi gaaru and entire team
జిలేబి
జిలేబి
తొలగించండిచెన్నుగ శంకరాభరణ సేవగ కందివరుల్ సభాస్థలిన్
మిన్నగ జేయ పూరణల మిక్కిలి సాయము బట్టి తీర్చగన్
సన్నక సన్న పద్ధతిగ సాంకవ మెల్లెడ నద్దుచున్ భళా
అన్నపరెడ్డి గారి అవగాహము అద్భుత మండి శాస్త్రి జీ!
జిలేబి
జిలేబీ గారూ:
తొలగించండిరెడ్డిగారి వ్యాసాన్ని నా బ్లాగు: "Telangana Animutyam" లో జతపరచితిని.
గత రెండు గంటలలో 30 కి పైగా హిట్లు :)
తొలగించండిOnline epaper edition link
http://epaper.ntnews.com/m5/1549603/Warangal-rural/19-February-2018#page/8/1
Cheers
జిలేబి
ఏ మహనీయు డేర్పరచె నీ భువి నాడు కుశస్థలిన్? సుభ
రిప్లయితొలగించండిద్రాముఖకంజసారఘము ద్రావిన దెవ్వరు? లంక కేగి శ్రీ
రాముడు చేసె నేమిటి? మురారి వచించెను గీత నెచ్చటన్?
రాముని పుత్రుఁ, డర్జునుఁడు, రావణు గెల్చె, రణాంగణమ్మునన్.
రిప్లయితొలగించండిధీమతి యసురుల శాత్రవ
రాముని సుతుడర్జునుండు; రావణు గెలిచెన్
రాముడు రఘువంశజుడే
క్షేమము గూర్చగ జనులకు కేసరితోడన్
dear sir very blog and very good content
రిప్లయితొలగించండిLatest Telugu Cinema News
ఓముని రక్షగానిలువ?నోర్పున,మార్పునకూర్పులందునన్
రిప్లయితొలగించండికోమలి ప్రేమకై తనదు కోర్కెలమార్కులప్రేరణార్థమై
రాముని పుత్రుడర్జునుడు రావణు గెల్చె రణాంగణమ్మునన్
నామది మెచ్చగాకలకునవ్వులురువ్వ?లేచిరందరున్|
కందం
రిప్లయితొలగించండిరామాయణ భారతములు
సామూహికమైన కృతిని చదువుచు నొకడున్
శేముషి కొఱతన్నిట్లనె
"రాముని సుతుఁ డర్జునుండు రావణు గెలిచెన్ "
నేమము తోడఁ జెప్పఁ గమనించితి మీదు పురాణగాధలన్
రిప్లయితొలగించండికాముడుఁ గుంభకర్ణుడు వికర్ణుడుఁ గర్ణుడు న న్నదమ్ములౌ
భీముడు సోముడున్
పరశురాముడు నాబలరాముడట్లునౌ
రాముని పుత్రు డర్జునుడు రావణుఁ గెల్చె రణాంగణమ్మునన్.
భీమపరాక్రముండు విలువిద్యల నేర్పరి కర్ణుఁ గూల్చె, సు
రిప్లయితొలగించండిత్రాముని పుత్రుడర్జునుండు; రావణుఁ గెల్చె రణాంగణమ్మునన్
రాముడు, సీత జాడఁ గని లంకను సత్వర జేరి దైత్యసం
గ్రామవినిర్జితారిభయకారకగర్జితసింహుడుగ్రుడై.
సమస్యాపాదంలో పుత్రుడర్జునుడు
తొలగించండిఅని గమనించ ప్రార్థన
సీమను బుట్టుచున్ త్రిపుర సేవన జేయుచు మత్తునుంటివో?
రిప్లయితొలగించండిభామల పొందులో మునిగి భావము గీవము లేక జెప్పితో?
తామస! కల్లు గ్రోలితివొ? తప్పుడు కైతల వాగ నెక్కడోయ్
రాముని పుత్రుఁ డర్జునుఁడు రావణు గెల్చె రణాంగణమ్మునన్?
ఈ కామెంట్‌ను రచయిత తీసివేశారు.
రిప్లయితొలగించండిసందర్భం:- గీతోపదేశ ఘట్టం
రిప్లయితొలగించండిఅన్వయం:-
రావణము :- ఏడుపు :- సీదన్తి మమ గాత్రాణి-- అను అర్జునుని రోదన...
బలరాముని సుతుడు అర్జునుడు :- పత్నిమాత మాతృ సమానురాలు.అట్లైన పత్నీ జనకుడు పితృసముడగును...
పైగా, మనకు అల్లుని కొడుకు వలె, కోడలిని కూతురు వలె చూడమనే సంప్రదాయము ఉంది
***********
శ్యామాంగుడు బోధించెను
ఈ మాయావిశ్వరచన ఈశ్వర కృతియని.,
తామసము తొలంగన్, బల
రామునిసుతుఁడర్జునుండు రావణు గెలిచెన్.
రిప్లయితొలగించండిభూమిజ వరించె నెవరిని ?
కోమలి యింద్రుని తలవగ కువలయమందున్
గోముగా జనించె, రాముడు
రాముని ;సుతుఁ డర్జునుండు ;రావణు గెలిచెన్
రిప్లయితొలగించండి...........సమస్య
రాముని సుతు డర్జునుండు రావణు గెలిచెన్
సందర్భము... నే నీ రోజు ఉదయాన్నే (7.21) బెంగుళూరులోని *మారికాంబ* ఆలయాన్ని సందర్శించాను. ప్రసిద్ధి వహించిన గుడి కాకపోయినా ప్రశాంతతకు వీలైనది. బయట పెద్దదైన ఆవరణ. ఆవరణలో ఇక పక్క సర్ప రూపుడైన సుబ్రహ్మణ్య స్వామి ప్రతిష్ఠ.
ఆలయ దర్శనాలలో ఆశువుగా ఏదో కవితను నివేదించుకోవడం నా కిష్టమైనది కాబట్టి అమ్మవారిని ప్రార్థిస్తూ వుంటే ఈ సమస్య మదిలో మెదలింది.
వెంటనే ఇలా పద్యంగా రూపొందింది.
~~~~~~~~~~~~~~~~~~~~~~~
హే *మారికాంబ!* బ్రతుకున
నేమి సమస్య యది వచ్చి యేచిన నిన్నే
ప్రేమన్ దలచెద... నేటిది..
"రాముని సుతు డర్జునుండు
రావణు గెలిచెన్"
🖋~డా.వెలుదండ
-----------------------------------------------------------
2 వ పూరణము:--
సందర్భము... శ్రీ రాముని కుమారుడైన లవు డొకనాడు ఆంజనేయ స్వామిని ప్రశ్నించాడు "రామునికన్న ముందుగా ఎవరైనా రావణుని జయించినారా.." అని.
అప్పుడు కార్తవీర్యార్జుని చరితము నీ తీరుగా రాముని సుతుడు వింటూ వుండగా ఆంజనేయుడు వివరించినాడు "అర్జునుడు అనగా కార్తవీర్యార్జునుడు రావణుని గెలిచినాడు.." అని.
~~~~~~~~~~~~~~~~~~~~~~~
"రామునికిని మును పెవ?" రన
నా మారుతి కార్తవీర్యు నర్జును చరితం
బీ మాదిరి చెప్పె వినగ
రాముని సుతు, "డర్జునుండు
రావణు గెలిచెన్"
🖋~డా.వెలుదండ సత్యనారాయణ
-------------
......మరొక పూరణము:--
.............సమస్య
రాముని పుత్రు డర్జునుడు రావణు గెల్చె
రణాంగణమ్మునన్
సందర్భము... శ్రీ రాముడే పరబ్రహ్మ మని ప్రాజ్ఞు లందురు. రామునిలో ఒక భాగమే మహా మాయ. అది లోకా న్నాడించగలదు. కాని రాముని విశ్వసించి శరణాగతి చెందిన వారికి మాత్రం భయమేమీ లేదు.
ఇది ప్రసిద్ధమై యుండగా మునిని పక్కకు తోసివేసి (స్ఫురింపకుండా చేసి) రాముడే మాయ జేసినాడు. కంచెయే చేను మేసినట్లున్నది.
ఈయబడిన సమస్య చూడండి.
(మాన్యశ్రీ కోట రాజశేఖర్ గారి పూరణ పద్యం చూడండి. మరింత స్పష్టంగా అర్థమౌతుంది.)
~~~~~~~~~~~~~~~~~~~~~~~
రామునిలోనె భాగమయి
రాజిలుచున్నది మాయ కావునన్..
రాముని నమ్ము వారలకు
రాదు భయం బది మాయ నందు; రా
రాముడె మాయ జేసె నవు
రా! మునిఁ బ్రక్కకుఁ ద్రోసివేసె; నిం
కేమిటి కంచె చేను నిటు
లింపుగ మేసె.. సమస్యఁ గాంచుడీ!
"రాముని పుత్రు డర్జునుడు
రావణు గెల్చె రణాంగణమ్మునన్"
🖋~డా.వెలుదండ సత్యనారాయణ
ఆముని బాలకుండెవడు? ఆ కపికేతను డెవ్వడంటరా?
రిప్లయితొలగించండిరాముడు సేతువున్ నిలిపి లంకను నెవ్వరినెట్లు గెల్చెరా?
రాముని పుత్రుఁడ;...ర్జునుఁడు;...రావణు గెల్చె రణాంగణమ్మునన్...
ధీమతి! పారిపోవికను! తిన్నగ నింటికి వంటజేయుటన్!