29, మార్చి 2020, ఆదివారం

సమస్య - 3323 (పండు మంచిది...)

కవిమిత్రులారా,
ఈరోజు పూరింపవలసిన సమస్య ఇది...
"పండు మంచిది తినఁ బనికిరాదు"
(లేదా...)
"పండది మంచిదైనఁ దిన పాత్రము గాని దెఱుంగు మెప్పుడున్"

107 కామెంట్‌లు:


  1. నడిరేయి సరదా పూరణ:

    పండుగ పూట మెండుగను బంధులు కూడగ, బ్రహ్మాణోత్తముల్
    దండిగ మంత్రముల్ నుడివి తంత్రము జేసెడి ముందు పీటపై
    కొండొక రీతి కూర్చొనుచు కొద్దిగ మోమున పూయు బూదిదౌ
    పండది మంచిదైనఁ దిన పాత్రము గాని దెఱుంగు మెప్పుడున్

    రిప్లయితొలగించండి
    రిప్లయిలు

    1. ఆటవిడుపు సరదా పూరణ:
      (జిలేబి గారికి అంకితం)

      పండుగలందు పాడెడిది, ప్రక్కను కూర్చొని దుర్గపూజలో
      దండిగ మాటలాడెడిది, తన్నగ వైరుల దండమెత్తుచున్
      చండిని బోలు దీది, కడు చక్కగ నుండెడి వంగభూమినిన్
      పండది మంచిదైనఁ దిన పాత్రము గాని దెఱుంగు మెప్పుడున్ 😊

      తొలగించండి

    2. విభూతి పండు పొడుపు కథ...
      వంగ పండు పొడుచు గధి...

      తొలగించండి
    3. మీ రెండు పూరణలు బాగున్నవి. అభినందనలు.

      తొలగించండి
  2. నా పూరణ ప్రయత్నం 🙏

    *ఆ వె*

    తినగ నేను నిపుడు తీరదు కోరిక
    తీపి వలదు యనుచు తిట్టి పోసె
    షుగరు వచ్చి పడగ సూది పొడిచె గద
    *"పండు మంచిది తినఁ బనికిరాదు"*

    *కళ్యాణ్ చక్రవర్తి, ముంబాయి*
    🙏🙏

    రిప్లయితొలగించండి
    రిప్లయిలు
    1. మీ పూరణ బాగున్నది. అభినందనలు.
      "తినగ నిపుడు నేను...వల దటంచు" అనండి.

      తొలగించండి
  3. తనువు బాగు కొఱకు తినగనొక్క యరటి
    పండు మంచిది, తినఁ బనికిరాద
    ది మధుమేహ రోగ దేహుల కెంతమా
    త్రమును! నోటఁ బెట్ట రాదు సుమ్ము!

    రిప్లయితొలగించండి
  4. మెండుగ పోషకమ్ములను మిక్కిలి శక్తినొసంగు నెప్పుడున్
    పండది మంచిదైనఁ; దిన పాత్రము గాని దెఱుంగు మెప్పుడున్
    పండనిదైనఁ కుళ్ళినను వద్దది దానిని పారవేయు మా
    దండుగమారి పండు వలదందురుగా మన పెద్దలెప్పుడున్

    రిప్లయితొలగించండి
  5. మేడిపండు జూడ మేలిమైయుండును
    పొట్టవిచ్చిచూడ పురుగులుండు
    కడుపు లోన కాలుగాక! కాదు
    పండు మంచిది! తినఁ బనికిరాదు!

    రిప్లయితొలగించండి
    రిప్లయిలు


    1. మీరూ ఓ పావు మాత్రమే పద్దెం రాసేసారా హతోస్మి :)

      తొలగించండి
    2. మేడిపండు మంచిదే.. పొట్టవిప్పి పురుగులను ఊది తినేవాళ్ళం చిన్నపుడు.
      మూడవ పాదంలో గణభంగం. 'కాలుగాక మిక్కిలి! కాదు..." అనండి.

      తొలగించండి
    3. యాకలి అని వ్రాసాను కాని మిస్ అయింది.

      తొలగించండి
  6. ఒడలు గట్టిపడును, ఓటమిఁ సహియింప
    నిబ్బరమ్ము వచ్చు, నేర్పు వచ్చు
    నాట లందు నరయ నాటలోన యరటి
    పండు మంచిది, తినఁ బనికిరాదు౹౹

    రిప్లయితొలగించండి
    రిప్లయిలు
    1. 'ఆటలో అరటిపండు' అన్న జాతీయాన్ని ప్రయోగిస్తూ మంచి పూరణ చెప్పారు. అభినందనలు.

      తొలగించండి
  7. పండది మంచిదైనఁ దిన పాత్రము గాని దెఱుంగు మెప్పుడున్
    పండుట కోసమై సహజ పద్ధతి నాదరణమ్ము సేయకన్
    చండ రసాయనమ్ములను సత్వర పక్వము చెందు రీతిగన్
    మెండుగ వాడఁ బండినవి మేలొనరింపవు స్వాస్థ్యమందగన్!

    రిప్లయితొలగించండి
    రిప్లయిలు
    1. మీ పూరణ బాగున్నది. అభినందనలు.
      'చేయక' అన్నది కళ. ద్రుతాంతం కదు. "...సేయకే" అనండి.

      తొలగించండి
  8. దేహమునకు పీచు దినుసు నీయ నరటి
    పండు మంచిది ; తినఁ బనికిరాదు
    జలుబు బారి పడిన జనులకెన్నటికిని
    గుణము నెంచి పండ్లగుడుచ నగును

    రిప్లయితొలగించండి
    రిప్లయిలు
    1. (దారిన పోయే దానయ్యను తన దొండపందిరి క్రిందకు
      రమ్మనమని పిలుస్తున్న రామయ్య )
      ఎండను బోవుచున్న పథి
      కేశ్వర !రావయ !కూరుచుండుమీ
      నిండుగ నేత్రపర్వముగ
      నింపులు నింపెడి దొండపందిరిన్ ;
      కొండొక తిండియాశ మరి
      కోయకు మెర్రనివాని వింతగా ;
      పండది మంచిదైన దిన
      పాత్రము గాని దెరుంగు మెప్పుడున్ .
      (పథికేశ్వరుడు-మంచిబాటసారి ;నేత్రపర్వము-కన్నులపండుగ )

      తొలగించండి
    2. సీతారామయ్య గారూ,
      మీ పూరణ బాగున్నది. అభినందనలు.
      "పండ్ల గుడువనగును" అనండి.
      *******
      జంధ్యాల వారూ,
      మీ పూరణ మనోహరంగా ఉన్నది. అభినందనలు.

      తొలగించండి


  9. మేడిపండు చూడ మేలిమి గానుండు
    పొట్ట విప్పి చూడ పురుగులుండు
    పైన చూడ బాగు బాగనిపించెడు
    పండు మంచిది, తినఁ బనికిరాదు!



    జిలేబి
    ఓ పావు మాత్రమే నాది :)

    రిప్లయితొలగించండి
    రిప్లయిలు

    1. మేడిపండు చూడ మేలిమి గానుండు
      పొట్ట విప్పి చూడ పురుగులుండు
      ఆవురావుమనుచు ఆబగ తినకురా
      పండు మంచిది, తినఁ బనికిరాదు!

      నాదినూ పావే....

      తొలగించండి
    2. మీ యిద్దరి పూరణలు బాగున్నవి. అభినందనలు.
      మేడిపండు గురించి పైన వ్యాఖ్యానించాను.

      తొలగించండి


  10. చుండము తోడు చేర సఖి స్తోత్రము మంత్రము చెప్పి స్వాములై
    పండితులంచు చేరువయి పైటల మాటును చూరగాంచి నీ
    గండల పైన నమ్మకపు కాండము పైన సవారి! మాలినీ
    పండది మంచిదైనఁ దిన పాత్రము గాని దెఱుంగు మెప్పుడున్!



    జిలేబి

    రిప్లయితొలగించండి
  11. దండిగ నుండుఁ గాని వివిధమ్ముల పండ్లు ఫలాపణమ్ములన్
    కొండొకపండు లోన క్రిమి గుంభితరీతుల దూరు, నెంచి చూ
    డండటు విశ్వసించఁ దగు నట్టి ఫలమ్మె బలమ్మునిచ్చు, నా
    పండది మంచిదైనఁ దిన పాత్రము,... గాని దెఱుంగు మెప్పుడున్.

    కంజర్ల రామాచార్య.

    రిప్లయితొలగించండి
  12. మైలవరపు వారి పూరణ

    నిండినదీ కరోన ధరణీస్థలి! భీతి వహించి యింటనే
    యుండుమ! బైటకేల చనుదోయి? ప్రమాదము! గంజి త్రాగి యేన్
    పండుము! వీథిలో దొరుకు వస్తువు నేడు విసమ్ము! నమ్మురా!
    పండది మంచిదైనఁ దిన పాత్రము గాని దెఱుంగు మెప్పుడున్!!

    (ఎప్పుడున్... అనుక్షణము)

    మైలవరపు మురళీకృష్ణ వెంకటగిరి

    రిప్లయితొలగించండి
    రిప్లయిలు
    1. మైలవరపు వారి పూరణ ప్రబోధాత్మకమై ప్రశస్తంగా ఉన్నది.
      'చనుదోయి' అంటే అపార్థానికి అవకాశం ఉంది. అక్కడ "చనుటోయి" అంటే బాగుంటుందని నా సూచన.

      తొలగించండి
    2. "చనెదోయి... అని ఉండాలి.. టైపాటండీ🙏ధన్యవాదములండీ"

      తొలగించండి
  13. శంకరాభరణం ...29/03/2020
    ఆదివారం

    సమస్య
    **** ***

    పండది మంచిదైనఁ దిన పాత్రము గాని దెఱుంగు మెప్పుడున్!

    నా పూరణ
    **** **** **

    మెండుగ పోషకమ్ములను మేదినిఁ నిచ్చునుఁ బండ్లు ;కానియున్

    కొండల వోలె ఆశగల కుంఠుడు సత్వర లాభమెంచుచున్

    దండి రసాయనమ్ములనుఁ దాఁ నుపయోగముఁ జేసె...చూడగన్ఁ

    బండది మంచిదైనఁ దిన పాత్రము గాని దెఱుంగు మెప్పుడున్


    🌱 ఆకుల శాంతి భూషణ్ 🌱
    🌷 వనపర్తి 🌷

    రిప్లయితొలగించండి
  14. ఋజువు చేసె నీ కరోన నిజము లెన్నొ
    అఖిల జనుల నిలిపె నైక్యముగను
    కాని ప్రాణహాని కర్కశమ్మేకద
    పండు మంచిది తిన పనికిరాదు

    రిప్లయితొలగించండి
  15. నిండుగ నంబరంబునను నిత్యము దూర్పున స్వప్రకాశమై
    మెండుగ వెల్గులీనుచును మేదిని జీకటి దొల్గజేయయుచున్
    పండిన దొండపండురుచి ప్రాణులనెల్లను మేలుకొల్పెడిన్
    పండది మంచిదైన దినపాత్రము గానిదెరుంగు మెప్పుడున్

    రిప్లయితొలగించండి
    రిప్లయిలు
    1. సూర్యఫలం... బాగుంది మీ పూరణ. అభినందనలు.

      తొలగించండి
    2. ధన్యవాదములాచార్యా!మీ సమస్య చూసేసరికి యెదురుగా ఉదయిస్తున్న యెర్రని సూర్యబింబము కనబడింది!
      పరిష్కారము తోచినది!

      తొలగించండి
  16. పండది రంగులేకయును పండగు సాజపు చర్యతోయనన్,
    పండది పాత్రమౌ ను మరి పండది రోగికి మేలుసేయగన్,
    పండగు రంగురంగులుగ పాడురసాయన చర్యతోయనన్
    పండది మంచిదైనఁ దిన పాత్రము గాని దెఱుంగు మెప్పుడున్"
    కొరుప్రోలు రాధాకృష్ణారావు




    రిప్లయితొలగించండి
    రిప్లయిలు
    1. మీ పూరణ బాగున్నది. అభినందనలు.
      రెండు చోట్ల "చర్యతో ననన్" అనండి.

      తొలగించండి
    2. పండది రంగులేకయును పండగు సాజపు చర్యతోననన్,
      పండది పాత్రమౌ ను మరి పండది రోగికి మేలుసేయగన్,
      పండగు రంగురంగులుగ పాడురసాయన చర్యతోననన్
      పండది మంచిదైనఁ దిన పాత్రము గాని దెఱుంగు మెప్పుడున్"
      కొరుప్రోలు రాధాకృష్ణారావు




      తొలగించండి
  17. దూరదేశమేగి దుష్టకరొన బారిఁ
    బడకయె వెనుదిరిగి వచ్చినాడు
    ధీరుడైన వాని దిష్టితీసిన నిమ్మ
    "పండు మంచిది తినఁ బనికిరాదు"

    దుష్టకరొన - వైరియే కదా మనకు
    😎

    రిప్లయితొలగించండి
    రిప్లయిలు

    1. దిష్టి తీసిన నిమ్మ పండు కాల్చినారా లేక రోడ్డు మీద పడేసారా లేదంటే అందులోనించి వేరేవారికి ట్రాన్స్ఫరావిరై పోవు :)



      జిలేబి

      తొలగించండి
  18. ..............🌻శంకరాభరణం🌻...............
    ..................🤷🏻‍♂సమస్య 🤷‍♀....................
    పండది మంచిదైనఁ దిన పాత్రము గాని
    దెఱుంగు మెప్పుడున్

    సందర్భము: రామ చంద్రుని దైవంగా భావించే వాడు.. సరసను జేరిన గౌరికి బాలాయోధ్యారణ్యాది కాండములతో గూడిన రామాయణాన్ని ప్రవచించేవాడు.. మన్మథుని జయించిన వాడు ఐన పరమేశ్వరునికి ప్రీతిపాత్రమైన విభూతి పండు ఎంత మంచిదైనా తినడానికి మాత్రం పాత్రం కాదు గదా!
    కాండములు = బాలాయోధ్యారణ్యాది
    కాండములు
    ~~~~~~~~~~~~~~~~~~~~~~~

    *విభూతి పండు*

    దండి మగండు రాఘవుని
    దైవముగా భజియించువాడు, తా
    నండను జేరు గౌరికి స
    మంచిత రీతిని రామ సత్కథా
    కాండములన్ వచించు జిత
    కంతునకున్ బ్రియమౌ విభూతిదౌ
    పండది మంచిదైనఁ దిన
    పాత్రము గాని దెఱుంగు మెప్పుడున్

    ✍️~డా.వెలుదండ సత్యనారాయణ
    పరమార్థ కవి
    29.03.20
    -----------------------------------------------------------

    రిప్లయితొలగించండి
  19. చిలక ఎంగి లైన చెట్టు న జాంపండు
    చేరి తినగ వచ్చు చిన్న నాడు
    గబ్బిలంబు గొరక కడపట మిగిలిన
    పండు మంచిది తినఁ బనికిరాదు"
    కొరుప్రోలు రాధకృష్ణారావు

    రిప్లయితొలగించండి
    రిప్లయిలు
    1. మీ పూరణ బాగున్నది. అభినందనలు.
      'జాంపండు' అన్నది వ్యావహారికం.

      తొలగించండి
  20. మిత్రులందఱకు నమస్సులు!

    ["శ్రీరాముని భార్యయైన సీతనుఁ జెఱపట్టి తెచ్చి, భార్యగాఁ గొనఁ బూనుట, వంశనాశనమునకే" నని తన భర్త రావణునకు మండోదరి నచ్చఁజెప్పుచున్న సందర్భము]

    "దండిగఁ దెచ్చినట్టిదగు తామరకంటియ సీత, రామునిం
    బెండిలి యాడి నట్టి పరు ప్రేయసి! సాధ్వియ! నాథ! యామెనున్
    బం డని మెక్కఁ గోరి, చెఱపట్టియు, భార్యగ నొందఁ, గీ డిడున్!

    బం డది మంచిదైనఁ, దిన పాత్రము గాని! దెఱుంగు మెప్పుడున్!!"

    రిప్లయితొలగించండి
  21. మెండుగ మెచ్చితింద్రుగద మేదిని యందున మానవాళియే
    దండిగఁ గాయు వెట్టను సుధారస తుల్యమె యైననేమి వె
    జ్జుండది మూత్రరోగి యెగ జోపుటె మేలని చెప్పెనిట్లుగా
    పండది మంచిదైనఁ దిన పాత్రము గాని దెఱుంగు మెప్పుడున్

    రిప్లయితొలగించండి
  22. పండ్లను దయ తోడ ప్రకృతిచ్చె వరమనన్ | స్వాస్థ్యతనిడు, తనువు శక్తి గొనగ |
    షుగరు రోగి తినగ సుస్తిజేయు విషమై
    "పండు మంచిది తినఁ బనికిరాదు"

    రిప్లయితొలగించండి
    రిప్లయిలు
    1. మీ పూరణ బాగున్నది. అభినందనలు.
      "ప్రకృతి యిచ్చె వరము" అనండి.

      తొలగించండి
  23. బడిలో చేర్చిన పండుతో వాని తల్లి:

    చూచి,తిరిగి నంత జోరున నమలేవు
    పండు! మంచిది తినఁ బనికిరాదు!
    పెన్ను మన్ను నింక పేప రైననుగాని
    ముట్టబోకు నోట ముప్పు వచ్చు.

    రిప్లయితొలగించండి
  24. ఉ:

    మెండగు తీర్థయాత్ర గయ, మెచ్చగ పాత్రత భక్తులెల్లరున్
    పిండము పూర్వదేవతల బెట్టిన మీదట విష్ణు సాక్షిగన్
    దండము లొగ్గి పండు నొకదానిని వీడగ మోక్ష ప్రాప్తికిన్
    పండది మంచిదైన దిన పాత్రము గాని దెరుంగు మెప్పుడున్

    పూర్వదేవతలు: పితృదేవతలు

    వై. చంద్రశేఖర్

    రిప్లయితొలగించండి
  25. అన్ని రోగ ములకు న వసర మని యండ్రు
    పండు మంచిది తి న : బనికి రాదు
    కుళ్ళి పోయి నట్టి కూర గాయలు వండ
    చెత్త బుట్ట లోన జేర్చ వలయు

    రిప్లయితొలగించండి
  26. ఈ కామెంట్‌ను రచయిత తీసివేశారు.

    రిప్లయితొలగించండి
  27. ఎఱ్ఱ రంగుకలుగుజెర్రిజాతిదియైన
    పండుమంచిదితిన,బనికిరాదు
    నెలుక కొఱుకు పండు నేరికైనదినగ
    విషముజేరుకతనవిడువవలయు

    రిప్లయితొలగించండి
    రిప్లయిలు
    1. మీ పూరణ బాగున్నది. అభినందనలు.
      (మా వృద్ధాశ్రమంలో ఎలుకలు కొరికిన కూరగాయలనే వండి పెడుతున్నారు. హతోఽస్మి!)

      తొలగించండి
    2. వారిని యీపద్యం చదువమనండి

      తొలగించండి
  28. మెండుగనాకరోననికమేదినినంతటవ్యాప్తిజెందుటన్
    బండదిమంచిదైనదినపాత్రముగానిదెఱుంగుమెప్పుడున్
    బండునుగూడజేరునటభవ్యులుసెప్పిరియాలకించుడీ
    మొండిగవాదులాడినబోదురుకాలునిజెంతకేసుమా

    రిప్లయితొలగించండి
  29. దోర పండ పండ్లు తుష్టిగ భుజియించు
    పండ కున్న నుండు పండు వఱకు
    శారికా విహంగ కీర కలుషితమ్ము
    పండు మంచిది తినఁ బనికిరాదు


    దండిగ నారగించు ఫల దండము లింపుగ దేహ వృద్ధికై
    దండము లయ్య విప్రకుల ధర్మము భూసుర వర్య! తామ్ర చూ
    డాండము శాక భోజనుల మయ్య నిషిద్ధము వీడు మౌర రాం
    పండది మంచిదైనఁ దిన పాత్రము గాని దెఱుంగు మెప్పుడున్

    [రాంపండు +అది = రాంపం డది]

    రిప్లయితొలగించండి
  30. రుజలు తొలగచేసి రుచులను హెచ్చించు
    *పండు మంచిది, తిన బనికి రాదు *
    మామిడి ఫలమదియు మధుమేహ రోగుల
    కవని యందటండ్రు నరయుడయ్య.

    రిప్లయితొలగించండి
  31. అన్నికూరలందునవసరమీపండు
    పులుసులందునిదియెబొలుపుమీరు
    యిన్నిగుణములున్ననేమిఫలముచింత
    పండు మంచిది తినఁ బనికిరాదు

    రిప్లయితొలగించండి



  32. పండుపండుయనుచు పదిసార్లుపిలవంగ
    పరుగుపెట్టివచ్చె పసిడిపాప
    మామ్మ ముద్దులాడి కమ్మగాపలికేను
    పండు మంచిది తినఁ బనికిరాదు

    రిప్లయితొలగించండి
  33. పండుగ దినమంచు వడిగ నంగడి కేగి
    పండు జూడ మెరుగు పసిమి రంగు
    పండు కోసి జూడ పక్వమ్ము గాదయో
    పండు మంచిది తినఁ బనికిరాదు

    రిప్లయితొలగించండి
  34. గురువు గారికి నమస్సులు.
    రాజ ఫలము నేది? రసరాజ మామిడి
    పండు మంచిది తిన, పనికి రాదు
    తీపి వ్యాధి ప్రజకు తీరని దుఃఖంబు
    నిచ్చు ,చేదు రుచి నియమ మగును.

    రిప్లయితొలగించండి
  35. పెద్దలందరికీ నమస్సులు🙏🏼🌷శుభోదయం!

    మొదటిసారిగా ఇక్కడ నా పూరణ ప్రయత్నం 🙏🏼

    ******
    పక్వ మైనరీతి పలువిధమ్ము జ్ఞాన
    ప్రభలు గల్గియున్న పరమగురుని
    పరవశించి గొలువ భక్తి తోడుగ, తల
    పండు మంచిది దిన పనికి రాదు

    అరుణ నారదభట్ల

    రిప్లయితొలగించండి
    రిప్లయిలు
    1. మీ పూరణ బాగున్నది. అభినందనలు.
      మొదటి పాదంలో గణభంగం. "పలువిధమ్ముల జ్ఞాన" అనండి.

      తొలగించండి
  36. ప్రక్క యింటి దొడ్డి బండినదా పండు!
    *పండు మంచిది! తినఁ బనికిరాదు*
    సంగ్రహించి తెచ్చి చాటుగా నింటికి!
    పగులు నీదు బుఱ్ఱ వాడు సూడ !

    రిప్లయితొలగించండి
  37. పంచరత్నo వెంకట నారాయణ రావు గారి పూరణ....

    రాజ ఫలము నేది? రసరాజ మామిడి
    పండు మంచిది తిన,పనికి రాదు
    తీపి వ్యాధి ప్రజకు తీరని దుఃఖoబు
    నిచ్చు, చేదు రుచి నియమ మగును.

    రిప్లయితొలగించండి
  38. గండరగండడా వినుము కాదు సుమా తిన చైన వారిలా
    వండుక కుక్కనక్కలను పాముల నెల్కల గబ్బిలాల నీ
    కండల పెంపుకోస మని గట్టి ప్రమాదమె యొంట రోగముల్
    పం డది మంచిదైనఁ దిన పాత్రముగాని దెఱుంగు మెప్పుడున్.

    రిప్లయితొలగించండి
    రిప్లయిలు
    1. గండరగండడా వినుము కాదు సుమా తిన చైన వారిలా
      వండుక కుక్కనక్కలను పాముల నెల్కల గబ్బిలాల నీ
      కండల పెంపుకోస మని గట్టి ప్రమాదమె మేన
      రోగము
      ల్పం డది మంచిదైనఁ దిన పాత్రముగాని దెఱుంగు మెప్పుడు

      తొలగించండి
  39. రిప్లయిలు
    1. ఉత్పలమాల
      అండగ నమ్మ అంజనియె యాకొన బెట్ట ఫలంబు లెన్నియో
      నిండదె మారుతీ! కడుపు, నింగిని యెర్రని సూర్యబింబమున్
      దండుకొనంగ బోయెదవు తన్మయ మందుచు నీదు దృష్టిలో
      పండది మంచిదైనఁ దిన పాత్రము గాని దెఱుంగు మెప్పుడున్

      తొలగించండి
  40. ఆటవెలది
    అంతటి హరి నేడు హస్తముఁ జాచిన
    దానమీయ ఫలము దారుణమ్ము!
    అసుర వైరిఁ దెలిసి యందుకొనన్ బోవు
    పండు మంచిది తినఁ బనికిరాదు!!

    రిప్లయితొలగించండి
  41. కండ గలట్టి చంద్రముఖి కప్పురగంది విరాళి పెంచుచున్
    రండని పిల్చుచుండె సమరమ్మునుచేయ శశాంకు వెన్నెలన్
    గండరగండడౌ భటుడు కావాలి కాయుచు నుండ నిత్యమున్
    పండది మంచిదైనఁ దిన పాత్రము గాని దెఱుంగు మెప్పుడున్

    రిప్లయితొలగించండి
  42. పండుముదుసలికిది పనికిరానిదనెను
    మామిడివ్వ?బేది మరలవచ్చు
    తెలియజేయవైద్య విలువను గుర్తించి
    పండుమంచిదితిన బనికిరాదు!

    రిప్లయితొలగించండి
  43. ఆ.వె//
    ప్రాభవమ్మగు భువి పల్నాటిసీమలో
    పండినట్టి పండు పండుమిరప !
    పరిగడుపున దినిన బాగుసేయుమిరప
    పండు మంచిది తినఁ బనికిరాదు !!

    రిప్లయితొలగించండి
  44. ..............🌻శంకరాభరణం🌻...............
    ..................🤷🏻‍♂సమస్య 🤷‍♀....................
    "పండు మంచిది తినఁ బనికిరాదు"

    సందర్భము:
    కౌసల్యాపి హరేః పూజాం
    కురుతే రామ కారణాత్ 78
    హోమంచ కారయామాస
    బ్రాహ్మణేభ్యో దదౌ ధనమ్
    ధ్యాయతే విష్ణుమేకాగ్ర
    మనసా మౌన మాస్థితా 79
    (అధ్యాత్మ రామాయణం అయో.కాం.3 స)
    అప్పుడు కౌసల్య (విశాల సామ్రాజ్య భారం నెత్తి కెత్తుకొని) రాజు కాబోతున్న కుమారునికి దేవతలు సహకరించా లని శుభం కలుగా లని ఎంతో సంబరంతో సంకల్పించి (అంతఃపురంలో) హోమం చేయించి బ్రాహ్మణులకు సంతోషంతో ఘనంగా దక్షిణ లిచ్చి, మౌనంగా ఏకాగ్ర చిత్తంతో విష్ణుమూర్తిని ధ్యానిస్తూ వుండింది.
    కైక వరాలు కోరిన తర్వాత రాముడు వనగమనానికి సన్నద్ధుడై తల్లికి చెప్పడానికి ఆమె మందిరానికి వెళ్ళినప్పటి దృశ్య మిది. అక్కడ పూజలో నిమగ్నమై యున్నది కౌసల్య ఉపవాస నిష్ఠతో మౌనంతో..
    ఎంతో సేపు నిరీక్షించి తల్లితో ఒక చిన్న పండైనా తిను మన్నాడు రాముడు. తింటే పూజకు పనికిరా దన్నది కౌసల్య.
    అప్పటికే కైక వరాలు కోరిందని, రాముడు వన గమనానికి కృత నిశ్చయు డైనా డని, అవతార ప్రధాన కార్యక్రమం అజేయంగా కొనసాగబోతున్న దని ఆ వెఱ్ఱి బాగుల తల్లికి తెలియదు పాపం.
    రాముడు అతని తల్లి చేసిన సంభాషణం కేవలం మాటల్లోనైతే ఇలా..
    "నీవు విన వదేమి?"
    "నిష్ఠతోడ విష్ణు పూజ నుంటి"
    "విను మమ్మ! ఈ చిన్నిపండు మంచిది."
    "తినఁ బనికిరాదు."
    రాముడు వివరించి చెప్పినాడు. ఐనా ఆమెకు తెలిసిం దొక్కటే! కథ అడ్డం తిరిగిందనీ.. విధి వక్రించిం దనీ.. పరిస్థితి చేయిదాటిపోయిం దనీ.. అంతే!
    ~~~~~~~~~~~~~~~~~~~~~~~

    *పిచ్చి తల్లి*

    రాఘవుండు, జనని.. రమ్య భాషణ మిదే!

    "నీవు విన వ దేమి?" "నిష్ఠతోడ

    విష్ణు పూజ నుంటి"
    "విను మమ్మ! ఈ చిన్ని

    పండు మంచిది." "తినఁ బనికిరాదు."

    ✍️~డా.వెలుదండ సత్యనారాయణ
    పరమార్థ కవి
    29.03.20
    -----------------------------------------------------------

    రిప్లయితొలగించండి