చల్లని నీటి బిందువుల జల్లుచు నుండిన మాటిమాటికిన్ తెల్లగనుండు మల్లియలు దివ్యసుగంధము నిండి పోవుగా నిల్లునుఁ నెండలో వదలి యెక్కువ కాలము చూడకుండినన్ మల్లెలు నల్లబాఱినవి మాలల నల్లెడి వేళ చిత్రమే?
మొదటి కవి : " ఇంతకూ రాముడికి సీతే మౌతుంది?" రెండవ కవి : " ఏమౌతుంది? కూతురౌతుంది." మొదటి కవి : "అదెలా?" రెండవ కవి : " కృత యుగంలో వరాహావతారమెత్తి భూదేవిని చేపట్టి క్షితిపతి అయ్యాడు కదా శ్రీహరి ! మళ్ళీ త్రేతా యుగంలో రామావతారమెత్తి శ్రీదేవిని చేపట్టి లక్ష్మీపతి అయ్యాడు కదా! భూదేవి కూతురే కదా శ్రీదేవి! తన భార్య కూతురు తన కూతురు కాక మరేమౌతుంది?" ఈ అంశాన్ని ఒక అవధాన సభలో శతావధాని సీ.వీ. సుబ్బన్న గారికి సమస్యగా యిచ్చి పూరణ చేయ మన్నారు. ఆ సమస్య ఇది: "తల్లికి తనయకు మగడయి తనరెను కీర్తిన్." తల్లికీ కూతురికీ మగడయితే అపకీర్తి వస్తుంది కానీ సత్కీర్తి ఎలా వస్తుంది? అన్న దానికి : అపుడాయన : కం. అల్లన కిటియై ధరణిన్ విల్లు విఱిచి సీత నేలి ప్రేమకళాసం పల్లీల విష్ణు దేవుడు "తల్లికి తనయకు మగడయి తనరెను కీర్తిన్." అని పూరించాడు. యుగాంతరమున, జన్మాంతరమున ,దేహాంతరమున జరిగిన సంబంధ, బాంధవ్యములివి, కావున దోషము లేదు అని వివరించాడు.
గొల్లడు గోకులము విడిచి
రిప్లయితొలగించండిచల్లగ ద్వారకను జేర ఝల్లన గుండెల్
పిల్లన గ్రోవియు మ్రోగక
మల్లెలు గడు నల్లనయ్యె మాలలు గట్టన్
మీ పూరణ బాగున్నది. అభినందనలు.
తొలగించండి
రిప్లయితొలగించండిపిల్లా ! నిట్టూర్పుల వే
డల్లా యెగదోయకమ్మ! రావం బగుచున్
తల్లజ వడగాడ్పులగుచు
మల్లెలు గడు నల్లనయ్యె మాలలు గట్టన్!
జిలేబి
మీ పూరణ బాగున్నది. అభినందనలు.
తొలగించండి'వేడి+అల్లా' అన్నపుడు సంధి లేదు. 'అల్లా' అనడం సాధువు కాదు.
కల్లాకపటము లెరుగని
రిప్లయితొలగించండిచెల్లెలు గొట్టము చకచక చేకొని యూదన్
పెల్లుగ చేతికి పొగయై
మల్లెలు గడునల్లనయ్యె మాలలుగట్టన్.
మీ పూరణ బాగున్నది. అభినందనలు.
తొలగించండి'కల్లాకపటములు' అనడం వ్యావహారికం. "కల్లయు కపటము లెరుగని' అందామా?
అల్లిన మల్లెల మాలలు
రిప్లయితొలగించండిచెల్లునె విఫణిని కొనంగ? ,చేమంతులతో
నల్లుమనుచునే నిచ్చితి
మల్లెలుగడు, నల్లనయ్యె మాలలు గట్టన్.
(నల్లయ్య అనేవానికి)
తొలగించండిమీ పూరణ బాగున్నది. అభినందనలు.
తొలగించండిచల్లని వెన్నెల రాతిరి
రిప్లయితొలగించండిపిల్లన గ్రోవిని వినక విరహము నొంద
న్నుల్లము క్రోధము చెందగ
మల్లెలు గడు నల్లనయ్యె మాలలు గట్టన్
చాలా బాగున్నది రాజేశ్వరి గారు.
తొలగించండి* వినకనె
dhanya vaadamulu GPS jee
తొలగించండిమీ పూరణ బాగున్నది. అభినందనలు.
తొలగించండి'వినకయె' అనండి.
చల్లని నీటి బిందువుల జల్లుచు నుండిన మాటిమాటికిన్
రిప్లయితొలగించండితెల్లగనుండు మల్లియలు దివ్యసుగంధము నిండి పోవుగా
నిల్లునుఁ నెండలో వదలి యెక్కువ కాలము చూడకుండినన్
మల్లెలు నల్లబాఱినవి మాలల నల్లెడి వేళ చిత్రమే?
మీ పూరణ బాగున్నది. అభినందనలు.
తొలగించండిశ్రీగురుభ్యోనమః
రిప్లయితొలగించండిఅల్లన పూలసజ్జ గొని యాతురతో విరి దోట జేరి యా
చల్లని సంధ్యవేళ పలు జాతుల పూవుల సేకరించగా
భళ్ళున ప్రొద్దు గ్రుంకినది పశ్చిమమందున చిమ్మ జీకటిన్
మల్లెలు నల్లబాఱినవి మాలల నల్లెడి వేళ చిత్రమే
మీ పూరణ బాగున్నది. అభినందనలు.
తొలగించండి
రిప్లయితొలగించండిఘల్లన గుండెజారెననఘా! మది తూగగ రేయి చంద్రునిన్
తల్లజ మైనకాంతిగని తామరకంటి నిడూర్పు లన్నటన్
మల్లెలు నల్లబాఱినవి మాలల నల్లెడి వేళ చిత్రమే
కల్లయు కాదు చిత్తరువు గాదు సుమా మధురాపతిన్ గనన్!
జిలేబి
మీ పూరణ బాగున్నది. అభినందనలు.
తొలగించండినల్లని రాముని ఛాయయె
రిప్లయితొలగించండితెల్లని కుసుమాలలోన దీప్తిని బొందన్
చల్లని జానకి కరముల
మల్లెలు గడు నల్లనయ్యె మాలలు గట్టన్
మీ పూరణ బాగున్నది. అభినందనలు.
తొలగించండికల్లాకపటం బెరుగక
రిప్లయితొలగించండినుల్లాసంబుగ బడిజన నూహించకనే
ప్రల్లదుడే యొజ్జయవగ
మల్లెలు కడు నల్లనయ్యె మాలలు గట్టన్!
మీ పూరణ బాగున్నది. అభినందనలు.
తొలగించండి"కల్లయు కపటం బెరుగక" అనండి.
మెల్లగ కాళీయునిపై
రిప్లయితొలగించండినల్లనివాడెక్కిత్రొక్క నా బుసల సెగన్
అల్లన తటిపై తీగెకు
మల్లెలు గడు నల్లనయ్యె మాలలు గట్టన్.
మీ పూరణ బాగున్నది. అభినందనలు.
తొలగించండిఅల్లదె వింతగ నుండెను
రిప్లయితొలగించండిమల్లెలు గడు నల్లనయ్యె మాలలుగట్ట
న్నల్లటి దారము వాడిన
దెల్లగనే మల్లెలుండు దేవర పల్లీ !
మీ పూరణ బాగున్నది. అభినందనలు.
తొలగించండిఈ కామెంట్‌ను రచయిత తీసివేశారు.
రిప్లయితొలగించండిఈ కామెంట్‌ను రచయిత తీసివేశారు.
రిప్లయితొలగించండిటైపాటు సవరణతో
తొలగించండిమల్లెల కంటదు కులమని
యెల్లరికి నెరుక పరచఁగ నిచ్చితి గట్టన్
కల్లయె? చూడుమదెక్కడ
మల్లెలు గడు నల్లనయ్యె మాలలు గట్టన్?
మీ పూరణ బాగున్నది. అభినందనలు.
తొలగించండిపిల్లల క్రీడా స్థలమున
రిప్లయితొలగించండిమిల్లున కీశాన్యమందు మిద్దెల నడుమన్
దల్లీ! యుండుటచే నీ
మల్లెలు గడు నల్లనయ్యె మాలలు గట్టన్.
హ.వేం.స.నా.మూర్తి.
మీ పూరణ బాగున్నది. అభినందనలు.
తొలగించండిక్రొవ్విడి వెంకట రాజారావు:
రిప్లయితొలగించండిఅల్లన జమ్మును బట్టుచు
నల్లుకు పెరిగిన కుటజపు యలరుల గుత్తుల్
అల్లోనేరెడుల తడవి
మల్లెలు గడు నల్లనయ్యె మాలలు గట్టన్
(జమ్ము= నేరేడుచెట్టు)
మీ పూరణ బాగున్నది. అభినందనలు.
తొలగించండిఅల్లదె యెండ వేడిమికి యావిరి యుండగ తాళలేక యా
రిప్లయితొలగించండిమల్లెలు నల్లబారినవి ,మాలల నల్లెడి వేళచిత్రమే
యుల్లము సంతసిల్లగ నట యోమ్మనునా దము శోత్రపేయమై
మెల్లగ మేనుకు న్దగుల మేదురమై యది హాయిగొల్పెడిన్
మీ పూరణ బాగున్నది. అభినందనలు.
తొలగించండి"వేడిమికి నావిరి... సంతసిల్ల నట నోమ్మను .." అనండి.
మెల్లనఁ జేరి చిరు నగవు
రిప్లయితొలగించండిలల్లన ముఖ మందు నుంచి యా సరసములౌ
సల్లాపమ్ములఁ గృష్ణుఁడు
మల్లెలు గడు నల్లనయ్యె మాలలు గట్టన్
“నల్లఁబాఱు” సాధువని తలచి చేసిన పూరణ:
పల్లవ కోమ లాంగులు సబాంధవ మిత్ర నికాయ యుక్తలై
యుల్లము సంతసించగ యధోచిత కార్య నిమగ్నలై చనన్
ఝల్లు మనంగ వీచగను జంచల మంతట భీకరమ్ముగన్
మల్లెలు నల్లఁ బాఱినవి మాలల నల్లెడి వేళ చిత్రమే?
[మల్లెలున్ + అల్ల = మల్లెలు నల్ల]
మీ రెండు పూరణలు ప్రశస్తంగా ఉన్నవి. అభినందనలు.
తొలగించండిపూజ్యులు శంకరయ్య గారికి వందనములు. ధన్యవాదములు.
తొలగించండిఉల్లము నన్ పతిని తలచి
రిప్లయితొలగించండిఅల్లన తానె దు రు జూచి ఆరాట పడే న్
తెల్లని విరుల వి వాడగ
మల్లెలు కడు నల్లనయ్యే మాలలు కట్ట న్
మీ పూరణ బాగున్నది. అభినందనలు.
తొలగించండికొల్లలుగ దెచ్చి పూలను
రిప్లయితొలగించండిచల్లదనపు పెట్టెలోన జతనము పరచన్
జెల్లెను కరెంటు, యకటా
మల్లెలు గడు నల్లనయ్యె మాలలు గట్టన్"
పూలు అమ్ము వాడు దండిగా కొని శేతలీకరణము కొరకు ప్రిజ్లొ బెట్ట కరెంటు గంటల దరబడి పోయిన కారణమున మల్లెలు నల్ల బడెను అను భావన
మీ పూరణ బాగున్నది. అభినందనలు.
తొలగించండిఇల్లాలిచె మాంత్రికుడనె
రిప్లయితొలగించండిమల్లెలు గడు నల్లనయ్యె|మాలలు గట్టన్
కల్లాకపటము నీలో
నల్లిన?నవి రంగుమారు నదియొక గుర్తే|
2.”కుళ్ళు కుతంత్రముల్ నడుమకూరుకు బోయినమానవత్వమై
మల్లెలు నల్లబారినవి”|మాలలు నల్లెడి వేళ చిత్రమే
చెల్లుచు నుండె నేడు మనచెంతన కల్తివిశేష లాభముల్
నల్లెడి కల్లలే మనిషి హాయికి మూలమటంచునెంచుమా.
మీ రెండు పూరణలు బాగున్నవి. అభినందనలు.
తొలగించండి'ఇల్లాలిచె' అని 'చే' ప్రత్యయాన్ని హ్రస్వంగా ప్రయోగించరాదు. 'లాభముల్+అల్లెడి' అన్నపుడు నుగాగమం రాదు.
రిప్లయితొలగించండిచల్ల యనుకొని భ్రమపడియు
కల్లును ముంతల కొలదిగ గడు ద్రావితివా?
కల్ల !యిది నమ్మ నెక్కడి
"మల్లెలు గడు నల్లనయ్యె మాలలు గట్టన్?"
చల్లగ జేయును వేసవి
రిప్లయితొలగించండియెల్లరు గోపికల మదుల నెవ్వడు దోచె
న్నుల్లము రంజిలె వనితలు
మల్లెలు గడు; నల్లనయ్యె; మాలలు గట్టన్.
అన్వయము :
మల్లెలు వేసవిని గడు జల్లగ జేయును
అందరు గోపికల మనసులను నల్లనయ్యె (కృష్ణుడె) దోచెను
మగువలు మాలలు గట్టగ మనసు రంజిల్లెను.
మీ రెండు పూరణలు బాగున్నవి. అభినందనలు.
తొలగించండిచల్లనివేళతలంచగ
రిప్లయితొలగించండినుల్లమునందునను రాధ యుత్సాహముతో
నల్లనివాని కనుకలిన్
మల్లెలు గడు నల్లనయ్యె మాలలు గట్టన్
మీ పూరణ బాగున్నది. అభినందనలు.
తొలగించండిపిల్లనగ్రోవి న్నూదుచు
రిప్లయితొలగించండినల్లన తమ చూపులందు నమరుచు కృష్ణుం
డొల్లమి, గోపిక లూనెడి
మల్లెలు గడునల్లనయ్యె మాలలు గట్టన్!
మీ పూరణ బాగున్నది. అభినందనలు.
తొలగించండిచల్లని దండ్రి రాముడట సత్య పరాక్రమశాలి నవ్వు రా
రిప్లయితొలగించండిజిల్లెడు మోమువాడు ఘనశీలుడు బట్టము గట్టువేళలో
విల్లును చేతబూని రఘువీరుడు కానల కేగె నింతితోన్
మల్లెలు నల్లబాఱినవి మాలల నల్లెడి వేళ చిత్రమే
మీ పూరణ బాగున్నది. అభినందనలు.
తొలగించండి
రిప్లయితొలగించండిపిల్లా ! నిడూర్పులు వలదు!
చల్లని గాలి తమకమున చవచవ యగుచున్
తల్లజ వడగాడ్పులగుచు
మల్లెలు గడు నల్లనయ్యె మాలలు గట్టన్!
జిలేబి
నల్లనివానిని కొలువగ
రిప్లయితొలగించండితెల్లని హృదయమ్ము భక్తి,తేకువ చాలున్
నల్ల్లగ మారెద మనుచును]
మల్లెలు గడు నల్ల నయ్యె మాలలు గట్టన్
మొదటి కవి : " ఇంతకూ రాముడికి సీతే మౌతుంది?"
రిప్లయితొలగించండిరెండవ కవి : " ఏమౌతుంది? కూతురౌతుంది."
మొదటి కవి : "అదెలా?"
రెండవ కవి : " కృత యుగంలో వరాహావతారమెత్తి భూదేవిని చేపట్టి క్షితిపతి అయ్యాడు కదా శ్రీహరి ! మళ్ళీ త్రేతా యుగంలో రామావతారమెత్తి శ్రీదేవిని చేపట్టి లక్ష్మీపతి అయ్యాడు కదా! భూదేవి కూతురే కదా శ్రీదేవి! తన భార్య కూతురు తన కూతురు కాక మరేమౌతుంది?"
ఈ అంశాన్ని ఒక అవధాన సభలో శతావధాని సీ.వీ. సుబ్బన్న గారికి సమస్యగా యిచ్చి పూరణ చేయ మన్నారు.
ఆ సమస్య ఇది:
"తల్లికి తనయకు మగడయి తనరెను కీర్తిన్."
తల్లికీ కూతురికీ మగడయితే అపకీర్తి వస్తుంది కానీ సత్కీర్తి ఎలా వస్తుంది? అన్న దానికి :
అపుడాయన :
కం. అల్లన కిటియై ధరణిన్
విల్లు విఱిచి సీత నేలి ప్రేమకళాసం
పల్లీల విష్ణు దేవుడు
"తల్లికి తనయకు మగడయి తనరెను కీర్తిన్."
అని పూరించాడు. యుగాంతరమున, జన్మాంతరమున ,దేహాంతరమున జరిగిన సంబంధ, బాంధవ్యములివి, కావున దోషము లేదు అని వివరించాడు.
అల్లన బొట్టుఁ బెట్టుకొన నానక కుంకుమ జారెనేలనో!
రిప్లయితొలగించండిభల్లున నారిపోయె భగవానుని సన్నిధి వెల్గు దివ్వెలున్!
మల్లెలు నల్లబాఱినవి మాలల నల్లెడి వేళ చిత్రమే!
తల్లట పెట్టె మానసము ధాటిగ మీరలు యుద్ధమన్నచో !
ఉత్తర అభిమన్యునితో
రిప్లయితొలగించండికల్లును బిర్యనిన్ నగదు కాంగ్రెసు నేతటు పంచి నవ్వగా
రిప్లయితొలగించండిజిల్లున వచ్చెనే కబురు చిత్తుగ నోడెను తానటంచుచున్
చెల్లెలు కోడలున్ వదిన చేతులు మాడగ తల్లడింపునన్
మల్లెలు నల్లబాఱినవి మాలల నల్లెడి వేళ చిత్రమే!