నా చార్ ధామ్ యాత్ర

          ఇంతకాలం 'చార్ ధామ్ యాత్ర' నాకొక తీరని కల! నా ఆర్థిక పరిస్థితుల కారణంగా జీవితంలో ఈ యాత్ర చేస్తానని కలలో కూడా ఊహించలేదు. కాని ఆ కోరిక తీరుతున్నది. 

          మన బ్లాగు మిత్రులు చంద్రమౌళి సూర్యనారాయణ గారి సౌజన్యంతో యాత్రకు బయలుదేరుతున్నాను. వారు ఆ 'టూర్స్ అండ్ ట్రావెల్స్' వారితో ఏం మాట్లాడారో, ఎంత ఇచ్చారో తెలియదు. (ఈ యాత్ర పాకేజీ ₹24000). నాతో మాత్రం "వాళ్ళు నాకు తెలిసినవాళ్ళు. ప్రతి ట్రిప్పులో ఒకరిని ఫ్రీగా తీసుకువెళ్తుంటారు. ఈసారి మిమ్మల్ని తీసుకువెళ్ళమని సూచించాను" అన్నారు. 

          గతంలో మేం దంపతులం కాశీ, రామేశ్వర యాత్రలు కూడా వారి సౌహార్దం వల్లనే సాధ్యమయ్యాయి. భగంతుడు వారికి ఆయురారోగ్యైశ్వర్యాలను ప్రసాదించు గాక!

          రేపే నా ప్రయాణం. ఆ ఏర్పాట్లలో ఉన్నాను. 18వ తేదీన తిరిగి నా నెలవు చేరుకుంటాను. నిరంతర ప్రయాణం వల్ల బ్లాగుకు అందుబాటులో ఉండకపోవచ్చు. అప్పటిదాకా రోజుకొక సమస్య వచ్చే విధంగా షెడ్యూల్ చేశాను. మిత్రులు పరస్పర గుణదోష విచారణ చేసికొనవలసిందిగా మనవి.