గురువర్యులు శ్రీ కంది శంకరయ్య గారి శంకరాభరణం సమస్యాపూరణ :: *గగనము నందు చేప కడు గంతులు వేసెను చిత్ర మెట్లగున్* *ఆకాశంలో ఒక చేప గంతులు వేస్తూ ఉంది* అని చెప్పడం ఈ సమస్యలో ఉన్న విరుద్ధమైన అర్థం. సందర్భం :: బ్రాహ్మము అనే కల్పం ముగిసి పోయే కాలంలో ప్రళయం ఏర్పడి సముద్రజలాలు ఆకాశానికి చేరుకొన్నాయి. బ్రహ్మదేవుని ముఖమునుండి వెలువడిన వేదాలను హయగ్రీవుడు (అశ్వవక్త్రుడు) అనే రాక్షసుడు అపరించాడు. అప్పుడు శ్రీ మహా విష్ణువు మత్స్యావతారాన్ని ధరించి హయగ్రీవుని సంహరించి వేదాలను సంరక్షించాడు. లోకాలకు మేలు చేకూర్చాడు. ఆసమయంలో ఆకాశం చేరిన సముద్ర జలాలలో భగవంతుడు చేప రూపంలో ఉండి ఆనందంతో గంతులు వేశాడు. కాబట్టి ఆకాశంలో చేప గంతులు వేయడం విచిత్ర మెలా ఔతుంది అని ప్రశ్నించే సందర్భం.
అగణిత బ్రాహ్మ కల్ప ప్రళయమ్మున సంద్రము నింగిజేర, వే దగణము నశ్వవక్త్రు డను దానవుడే హరియింప, మత్స్యమై పగ నతనిన్ వధించి హరి భద్రము గూర్చిన యట్టి వేళ నా *గగనము నందు చేప గడు గంతులు వేసెను. చిత్ర మెట్లగున్ ?* *కోట రాజశేఖర్ పడుగుపాడు నెల్లూరు.* (17-3-2018)
****************************************** కంది శంకరయ్యమార్చి 17, 2018 12:23 AM కవిమిత్రులకు నమస్కృతులు. ఈరోజు ఉదయం చిక్కడపల్లిలో ఒక సాహిత్య కార్యక్రమంలో పాల్గొని అక్కడి నుండి నేరుగా చందానగర్ వచ్చి కవిసమ్మేళనంలో పాల్గొని ఇంతకు ముందే నెలవు చేరాను. అందువల్ల మీ పూరణలను సమీక్షించడం వీలు కాలేదు ఒక్కటి మాత్రం నిర్ద్వందంగా చెప్తాను. ఈనాటి దత్తపది పూరణలలో అందరూ తమ సృజనాత్మకతను స్పష్టం చేస్తూ చక్కని పద్యాలు చెప్పారు. అందరికీ అభినందనలు, ధన్యవాదములు. ********************************************* ఉగాది సందర్భంగా ఎన్నో సాహితీ కార్యక్రమములు!
*17-3-18* 2 వ పూరణము:-- ..........సమస్య *"గగనమునందు చేఁప కడు* *గంతులు వేసెను చిత్ర మెట్లగున్"*
*అర్జునుడే గాలవుడు*
సందర్భము: ద్రౌపది స్వయంవరం. రాజ ఠీవి గల రాజ కుమారు లెందరో ద్రుపద మహారాజు కొలువులో వున్నారు. ఆ కొలువే ఒక సరోవరం. కుంతి పుత్రుడైన అర్జునుడు చేపలు పట్టే జాలరి (గాలవుడు). చిరునవ్వుతో అతడు గురి చూచి బాణ మనే గాలం వేసినాడు. మత్స్య యంత్రంలో బిగించబడిన చేప నింగిలో గంతులు వేస్తున్నది. గాలవుడు= జాలరి ~~~~~~~~~~~~~~~~~~~~~~~ అగణిత రాజ ఠీవి గల యయ్యల కొ ల్వను నా సరస్సులో
మొగమున కొత్త న వ్వెదియొ మొల్కల నెత్తెడు గాలవుం డనం
గ గురి కుదిర్చి బాణ మను గాలము వేసెను కుంతి పుత్రు డా
గగనమునందు చేఁప కడు గంతులు వేసెను చిత్ర మె ట్లగున్?
3 వ పూరణము:--
*స్వయంవర యుద్ధం*
సందర్భము: ద్రౌపదీ స్వయంవరం. స్వయంవరమే ఒక యుద్ధ మనుకుంటే యెలా వుంటుందో చూదాం! అప్పుడు యుద్ధంలో పార్థు డున్నాడు. పార్థ సారథి యెలాగూ వుంటాడు. ఇక్కడ పార్థునికి శత్రువు చేప. పార్థుడు చేపను చూశాడు. తర్వాత నగవు లొలికే పార్థ సారథి ముఖం చూశాడు. ఇక కార్యారంభం చేయొ చ్చనుకున్నాడు. ఎంతో వినమ్రతతో బాణం వేశాడు. ఇంక మత్స్యం నింగిలో గంతులు వేయడంలో చిత్ర మే మున్నది? ~~~~~~~~~~~~~~~~~~~~~~~ అగణిత వైభవం బగు స్వ యంవర యుద్ధమునందు పార్థుడే
గగనమ్మున మేఘములను.
రిప్లయితొలగించండిసొగసున పలు చిత్రములను చూడుము సఖియా!
అగుపించెను కడు వింతగ
'గగనమ్మున నొక్క చేప గంతులు వేసెన్'
ప్రసాదరావు గారూ,
తొలగించండిమీ పూరణ బాగున్నది. అభినందనలు.
ధన్యవాదములు
తొలగించండిజగమంత యధర్మంబె క
రిప్లయితొలగించండినగ;వింతలు జరిగె యగము నాశన మవగన్!
ఖగము సరస్సున నీదెను,
గగనమ్మున నొక్క చేఁప గంతులు వేసెన్
శాంతిభూషణ్ గారూ,
తొలగించండిమీ పూరణ బాగున్నది. అభినందనలు.
'యగము'? ఒకవేళ 'అగము' అనుకుంటే "జరిగె నగము' కావాలి.' అవగన్' అన్న ప్రయోగం సాధువు కాదు. సవరించండి.
సగిలేరున సుడిగాలియె
రిప్లయితొలగించండియగణిత వేగమున నెగసె నంబరమునకున్
దగులు కొనగ జలచరములె
'గగనమ్మున నొక్క చేప గంతులు వేసెన్'
****)()(****
సగిలేరు = ఒక నది పేరు.
జనార్దన రావు గారూ,
తొలగించండిమీ పూరణ బాగున్నది. అభినందనలు.
మోవి తాకిపలుకుచుండు ముదము తోడ
రిప్లయితొలగించండినొకటి , మోవిని తగులక పొరలు చుండు
నొకటి, మదినుంచి నడరుచు నుండు నొకటి,
గణయతి ప్రాసనియమము గలవి మనతె
లుంగు పద్యముల్, సతము వెలుగుచు నుండు
చండ కరుడున్న వరకు నీ జగతిలోన
కృష్ణ సూర్యకుమార్ గారూ,
తొలగించండిమీ పూరణ బాగున్నది. అభినందనలు.
guruvu gaariki ninnati purana okkaari tilakichamdi
రిప్లయితొలగించండిసొగయుచు వెన్నెల వెలుగులు
రిప్లయితొలగించండిజగమంతయు పరవశించి జాతర సేయన్
పొగరున పొంగెడు కడలిని
గగనమ్మున నొక్క చేఁప గంతులు వేసెన్
అక్కయ్యా,
తొలగించండిమీ పూరణ బాగున్నది. అభినందనలు.
స్వగణంబుల గోల్పోవుచు,
రిప్లయితొలగించండివేగిని తా విడచివైచి వేగిరపడుచున్
వగరుచు చేరగ నీరధి
గగనమ్మున నొక్క చేప గంతులు వేసెన్.
వేగిని=నది, నీరధి=సముద్రము.
నదిని వదలి సముద్రము జేరిననొక చేప, బాధ మరిచిపోయి సంతోషముతో గంతులు వేసెనని భావము.
వామన కుమార్ గారూ,
తొలగించండిమీ పూరణ బాగున్నది. అభినందనలు.
రెండవ పాదాన్ని గురువుతో ప్రారంభించారు. మిగిలిన పాదాలు లఘువులతో ప్రారంభమయ్యాయి. సవరించండి.
రిప్లయితొలగించండిఖగపతి తిరుగును జలమున,
గగనమ్మున నొక్క చేప గంతులు వేసెన్,
యుగము చివరి దినములలోన్
జగమున కల్గు బహుచిత్ర సంఘట నమ్ముల్
కృష్ణ సూర్యకుమార్ గారూ,
తొలగించండిమీ పూరణ బాగున్నది. అభినందనలు.
రెండవ పూరణ....
రిప్లయితొలగించండికం:
అగుపడగను కడు కనువిం
దుగ వాసంతపు సొబగులు,తోషము తోడన్
ఖగము విహారము జేసెను
గగనమ్మున ,నొక్క చేప గంతులు వేసెన్!
🌿🌿🌿 ఆకుల శాంతి భూషణ్🌷🌷
☘వనపర్తి☘
శాంతిభూషణ్ గారూ,
తొలగించండిమీ పూరణ బాగున్నది. అభినందనలు.
మైలవరపు వారి పూరణ
రిప్లయితొలగించండిమదనుడు మీనకేతనుడు....
అగుపడుచుండె మావి తరులందముగా చిరు పిందెలన్ గనన్ ,
మగువలనవ్వులట్లు మరు మల్లెలు విచ్చెను ! మా మనోజుడే
జగములనేలు రేడని వసంతముఁ గాంచుచుఁ దా ధ్వజస్థయై
గగనమునందు చేఁప కడు గంతులు వేసెను చిత్ర మెట్లగున్ !!
మైలవరపు మురళీకృష్ణ వెంకటగిరి
అద్భుతమైన పూరణ మురళీకృష్ణగారూ!
తొలగించండివసంతాగమనాన్ని మనోజ్ఞంగా వర్ణించారు
అభినందనలు!💐💐💐
మైలవరపు వారి పూరణ అద్భుతంగా ఉంది. అభినందనలు.
తొలగించండిసొగసులు చిందు మేఘములు చుక్కల మించెడి యందమున్
రిప్లయితొలగించండియుగముల నుండిమారని శుభోదయ వేళల నాకశంబున
న్నగణిత రూపముల్వెలయు నాజుకు బొమ్మల సృష్టి జేయగా
గగనము నందు చేఁప కడు గంతులు వేసెను చిత్ర మెట్లగున్
అక్కయ్యా,
తొలగించండిమీ పూరణ బాగున్నది. అభినందనలు.
మొదటి పాదంలో గణదోషం. "మించెడినట్టి యందమున్" అనండి. అలాగే "వేళల నాకసంబులో నగణిత..." అనండి.
తొలగించండిసొగసులు చిందు మేఘములు చుక్కల మించెడినట్టి యందమున్
యుగముల నుండిమారని శుభోదయ వేళల నాకశంబులో
నగణిత రూపముల్వెలయు నాజుకు బొమ్మల సృష్టి జేయగా
గగనము నందు చేఁప కడు గంతులు వేసెను చిత్ర మెట్లగున్
గురువర్యులు శ్రీ కంది శంకరయ్య గారి శంకరాభరణం
రిప్లయితొలగించండిసమస్యాపూరణ :: *గగనము నందు చేప కడు గంతులు వేసెను చిత్ర మెట్లగున్*
*ఆకాశంలో ఒక చేప గంతులు వేస్తూ ఉంది* అని చెప్పడం ఈ సమస్యలో ఉన్న విరుద్ధమైన అర్థం.
సందర్భం :: బ్రాహ్మము అనే కల్పం ముగిసి పోయే కాలంలో ప్రళయం ఏర్పడి సముద్రజలాలు ఆకాశానికి చేరుకొన్నాయి. బ్రహ్మదేవుని ముఖమునుండి వెలువడిన వేదాలను హయగ్రీవుడు (అశ్వవక్త్రుడు) అనే రాక్షసుడు అపరించాడు. అప్పుడు శ్రీ మహా విష్ణువు మత్స్యావతారాన్ని ధరించి హయగ్రీవుని సంహరించి వేదాలను సంరక్షించాడు. లోకాలకు మేలు చేకూర్చాడు. ఆసమయంలో ఆకాశం చేరిన సముద్ర జలాలలో భగవంతుడు చేప రూపంలో ఉండి ఆనందంతో గంతులు వేశాడు. కాబట్టి ఆకాశంలో చేప గంతులు వేయడం విచిత్ర మెలా ఔతుంది అని ప్రశ్నించే సందర్భం.
అగణిత బ్రాహ్మ కల్ప ప్రళయమ్మున సంద్రము నింగిజేర, వే
దగణము నశ్వవక్త్రు డను దానవుడే హరియింప, మత్స్యమై
పగ నతనిన్ వధించి హరి భద్రము గూర్చిన యట్టి వేళ నా
*గగనము నందు చేప గడు గంతులు వేసెను. చిత్ర మెట్లగున్ ?*
*కోట రాజశేఖర్ పడుగుపాడు నెల్లూరు.* (17-3-2018)
కోట రాజశేఖర్ గారూ,
తొలగించండిమీ పూరణ అద్భుతంగా ఉంది. అభినందనలు.
17.3.18 నా పూరణ పద్యమునకు
తొలగించండి*శ్రీ చిటితోటి విజయకుమార్ గారి సంస్కృత అనువాద శ్లోకమును* గమనింప ప్రార్థన.
అగణిత బ్రాహ్మ కల్ప ప్రళయమ్మున సంద్రము నింగిజేర, వే
దగణము నశ్వవక్త్రు డను దానవుడే హరియింప, మత్స్యమై
పగ నతనిన్ వధించి హరి హర్షము నందిన యట్టి వేళ నా
*గగనము నందు చేప గడు గంతులు వేసెను. చిత్ర మెట్లగున్ ?*
బ్రాహ్మాన్తే ప్రళయే మహోగ్రధృతినా పస్పర్శ ఖం సాగరో
వేదస్తేనమరిం నిహత్య కు-హయగ్రీవం జలేష్వంబుధేః
యో భద్రం జగతాం హరి ర్విహితవాన్ మీనావతారే తదా
కల్పాన్తే *గగనే ననర్త జలధౌ మత్స్యః కథం విస్మయః?*
*కోట రాజశేఖర్ పడుగుపాడు నెల్లూరు.*
సొగసుగ నొక నావికునకు
రిప్లయితొలగించండిగగనమ్మున మీనరాశి కనిపించంగా
పొగరుగ తరంగమాడగ
గగనమ్మున నొక్క చేఁప గంతులు వేసెన్
ప్రభాకర శాస్త్రి గారూ,
తొలగించండిమీ పూరణ బాగున్నది. అభినందనలు.
అగణితరీతిలో గగనమందునఁబూవులు బూసినట్లుగా
రిప్లయితొలగించండినిగదితమౌను, సత్కవులు నేర్పున వర్ణనఁజేయు పట్టులన్
జగమునఁగ్రాంతదర్శుల కసంభవ మన్నది లేని కైవడిన్
గగనము నందు చేప గడు గంతులు వేసెను చిత్రమెట్లగున్
రామాచార్య గారూ,
తొలగించండిమీ పూరణ ప్రశస్తంగా ఉన్నది. అభినందనలు.
నగలును మేడల నిచ్చుచు
రిప్లయితొలగించండివగలాడికి ప్రేమజూప పరవశమున యా
మగువకు నాశలె పెరిగెను
గగనమ్ముననొక్క చేఁప గంతులు వేసెన్
విరించి గారూ,
తొలగించండిమీ పూరణ బాగున్నది. అభినందనలు.
"పరవశమున నా తగువు..." అనండి.
గు రు మూ ర్తి ఆ చా రి
రిప్లయితొలగించండి,,,,,,,,,,,,,,,,,,,,,,,,,,, ,,,,,,,,,,,,,,,,,,
ఖగ మొకటి ఝషము c బట్టుచు ,
గగన పథము నందు సాగగా , నకటా య
స్త గమనమున గిలగిల యని
గగనమ్మున నొక్క చేప గంతులు వేసెన్ ! !
{ అస్త గమనమున = మరణ దశ లో }
గురుమూర్తి ఆచారి గారూ,
తొలగించండిమీ పూరణ బాగున్నది. అభినందనలు.
అగుపడ కరిమబ్బులగుమి
రిప్లయితొలగించండిగగనమ్మున, నొక్కచేప గంతులు వేసెన్
తగినంత జల్లు గురిసి స
రగున పొలుపొదవు హ్రదమని రంజితమతియై!
గురువుగారు వ్యస్తులా? అస్వస్థులా? వారి క్షేమసమాచారాల గురించి తెలిపిన బాగుండును🙏🙏🙏
తొలగించండివ్యస్తులు.. నిన్నటి వారి మెసేజి :
తొలగించండి******************************************
కంది శంకరయ్యమార్చి 17, 2018 12:23 AM
కవిమిత్రులకు నమస్కృతులు. ఈరోజు ఉదయం చిక్కడపల్లిలో ఒక సాహిత్య కార్యక్రమంలో పాల్గొని అక్కడి నుండి నేరుగా చందానగర్ వచ్చి కవిసమ్మేళనంలో పాల్గొని ఇంతకు ముందే నెలవు చేరాను. అందువల్ల మీ పూరణలను సమీక్షించడం వీలు కాలేదు
ఒక్కటి మాత్రం నిర్ద్వందంగా చెప్తాను. ఈనాటి దత్తపది పూరణలలో అందరూ తమ సృజనాత్మకతను స్పష్టం చేస్తూ చక్కని పద్యాలు చెప్పారు. అందరికీ అభినందనలు, ధన్యవాదములు.
*********************************************
ఉగాది సందర్భంగా ఎన్నో సాహితీ కార్యక్రమములు!
ధన్యవాదములు!! బహు సంతోషం!
తొలగించండిఅయితే రేపు న్యస్తాక్షరి ఖాయం!!😊😊😊
సీతాదేవి గారూ,
తొలగించండిమీ పూరణ బాగున్నది. అభినందనలు
ఈరోజు, రేపు కూడ సాహిత్య కార్యక్రమాలలో వ్యస్తుడనే. ప్రస్తుతం సిద్దిపేట బస్సులో ఉన్నాను.
ధన్యవాదములు గురుదేవా! మీ కార్యక్రమాలన్నీ విజయవంతం కావాలని మా ఆకాంక్ష! నమస్సులు!🙏🙏🙏
తొలగించండిఎగసిన నాగరీక జనులెంచిన జీవన రీతులన్నహో
తొలగించండియగణిత కూటవాయువులు నాకసమందున చెంగలించగా
నగరము లందువర్షమున నామ్లము తోజల జంతువుల్బడన్
గగనమునందు చేపకడు గంతులు వేసెను చిత్రమేటికిన్!?
అగుపడు ముంగిటముగ్గులు
రిప్లయితొలగించండిమగువకు సంక్రమణమందు!మదిలో గదులున్
సొగసుల గాలిపటంబట
గగనమ్మున నొక్క చేప గంతులు వేసెన్
ఈశ్వరప్ప గారూ,
తొలగించండిమీ పూరణ బాగున్నది. అభినందనలు.
ఎగిరె నుప గ్రహ మొక్క టి
రిప్లయితొలగించండిప్రగతి న్ సూచించు రీతి ప్రాణుల తోడ న్
సొగసు గ గనపడన ప్పుడు
గగనం బు న నొక్క చేప గంతు లు వేసె న్
రాజేశ్వర రావు గారూ,
తొలగించండిమీ పూరణ బాగున్నది. అభినందనలు.
(యంత్రపు ఊయలలో బాలరాయలను ఆడిస్తున్నశ్రీకృష్ణదేవరాయలు)
రిప్లయితొలగించండిఅగణితవిక్రముండు; విజయాన్వితతేజుడు; కృష్ణరాయడే
సొగసుల పుత్రకుండు కనసొంపగు జాలపు తూగుటూయలన్
జిగిబిగినుండ; చిర్నగవు చిందగ మీటను త్రిప్పినంతనే
గగనము నందు చేఁప కడు గంతులు వేసెను చిత్ర మెట్లగున్?
బాపూజీ గారూ,
తొలగించండిమీ పూరణ ప్రశస్తంగా ఉన్నది. అభినందనలు.
చాల చక్కని ఊహ బాపూజీగారూ! అభినందనలు!!💐💐💐
తొలగించండిశంకరార్యులకు ,సీతాదేవిగారికి ధన్యవాదాలు .
తొలగించండిఅగణిత నావికాదళ జలాంతరగాముల పాటవమ్ములన్
రిప్లయితొలగించండిజగములు జూచి మ్రాన్పడవె;సంద్రము నుండి విహంగమై వడిన్
గగనతలమ్మునన్నెగిరి కాచును భారత యంతరిక్షమున్
*గగనమునందు చేఁప కడు గంతులు వేసెను చిత్ర మెట్లగున్*
తిరుక్కోవళ్ళూరు శ్రీహర్ష
శ్రీహర్ష గారూ,
తొలగించండిమీ పూరణ బాగున్నది. అభినందనలు.
'భారత + అంతరిక్షము = భారతాంతరిక్షము' అవుతుంది కదా?
ధన్యవాదాలు గురువర్యా.. సవరణతో
తొలగించండిఅగణిత నావికాదళ జలాంతరగాముల పాటవమ్ములన్
జగములు జూచి మ్రాన్పడవె;సంద్రము నుండి విహంగమై వడిన్
గగనతలమ్మునన్నెగిరి కాచును భారత వాయువర్త్మమున్
గగనమునందు చేఁప కడు గంతులు వేసెను చిత్ర మెట్లగున్
మగువను పెండ్లాడ దలచి
రిప్లయితొలగించండిమగటిమ గల యర్జునుండు మత్స్యపు యంత్ర
మ్ముగనుచు నచ్చెరు వొందెన్
గగనమ్ముననొక్కచేప గంతులు వేసెన్
విరించి గారూ,
తొలగించండిమీ పూరణ ప్రశస్తంగా ఉన్నది. అభినందనలు
సొగసుగ నావికుండొకడు సుందర రీతిని దుర్భిణిన్ గనన్
రిప్లయితొలగించండిగగనమునందు నొప్పుచు వికాసిగ మీనపు రాశినిన్ భళా
పొగరు తరంగ మొక్కటి దభోయని నావను నూపగా నహా
గగనమునందు చేఁప కడు గంతులు వేసెను చిత్ర మెట్లగున్
ప్రభాకర శాస్త్రి గారూ,
తొలగించండిమీ పూరణ బాగున్నది. అభినందనలు.
👌👌👌😊😊😊
తొలగించండి🙏🙏🙏
తొలగించండికందం
రిప్లయితొలగించండిదిగి వచ్చెడు హరిఁ జూపఁగఁ
దగు వరుస దశావతార దర్శన మెంచన్
సగపడు చిత్రీకరణన్
గగనమ్మున నొక్క చేఁప గంతులు వేసెన్!
✍️ *గుండా వేంకట సుబ్బ సహదేవుడు*
సహదేవుడు గారూ,
తొలగించండిమీ పూరణ అద్భుతంగా ఉంది. అభినందనలు.
అద్భుతమైన ఊహ సహదేవుడుగారూ! అభినందనలు!💐💐💐
తొలగించండిగురుదేవులకు మరియు శ్రీమతి సీతాదేవి గారికి ధన్యవాదాలు
తొలగించండిఖగుని పయి మేఘమునుగని
రిప్లయితొలగించండిగగనమ్మున, నొక్క చేఁప గంతులు వేసెన్
తగు వర్షముకురియు, త్వరిత
ముగ కొలనులలోన నీరము కలుగునంచున్
అన్నపరెడ్డి వారూ,
తొలగించండిమీ పూరణ బాగున్నది. అభినందనలు.
మగధీరుఁడు భీభత్సుఁడు
రిప్లయితొలగించండితెగ నఱుకఁగ మత్స్య యంత్ర దివ్య ఝషమునుం
బగులఁగ హృదయము గిరగిర
గగనమ్మున నొక్క చేఁప గంతులు వేసెన్
పగలును బంతముల్ సహజ భావములే కద ప్రాణి కోటికిం
దగిన ముహూర్త మెంచ నిది తథ్యము సేయుఁడు పెండ్లి నింపుగన్
మృగశిర యుక్తమౌ మకర నిష్ఠిత లగ్నమునం దనంగనే
గగనమునందుఁ జేఁప కడు గంతులు వేసెను చిత్ర మెట్లగున్
కామేశ్వరరావు గారూ,
తొలగించండిమీ రెండు పూరణలు ప్రశస్తంగా ఉన్నవి. అభినందనలు.
పూజ్యులు శంకరయ్య గారికి నమః పూర్వక ధన్యవాదములు.
తొలగించండిమగువ స్వయంవరంబచట మాన్యులు చేరిరి మత్స్యయంత్రమున్
రిప్లయితొలగించండిమగటిమ తోడ గొట్టి సుమమాలిని పొందదలంచు కాంక్షతో
సుగుణము లందు మేటి బలసూదన సూదుడు విప్రుడై గనన్
గగనము నందు చేప కడు గంతులు వేసెను చిత్రమెట్లగున్
విరించి గారూ,
తొలగించండిమీ పూరణ బాగున్నది. అభినందనలు.
"మగటిమి" అనండి.
తొలగించండిసొగసులకుప్ప లక్షణను జూచుచు నోరగ మత్స్యయంత్రమున్
రిప్లయితొలగించండినగవుల నందనందనుడు నాట శరమ్మున డాయు నత్తరిన్
సుగమము నాకు ముక్తి యిక చూడను జన్మల నంచు హర్షయై
గగనమునందు చేఁప కడు గంతులు వేసెను చిత్ర మెట్లగున్.
మిస్సన్న గారూ,
తొలగించండిలక్షణా పరిణయ ప్రస్తావనతో పూరణ ప్రశస్తంగా ఉంది. అభినందనలు.
ధన్యవాదములు గురువుగారూ.
తొలగించండిజగమంత యధర్మంబె క
రిప్లయితొలగించండినగ;వింతలు జరిగె యుగము నాశనమొందన్!
ఖగము సరస్సున నీదెను,
గగనమ్మున నొక్క చేఁప గంతులు వేసెన్
సవరణ పద్యము గురువు గారు...
తొలగించండియుగము..టైపొరపాటు..
చంపకమాల (సరసీ)
రిప్లయితొలగించండిచంపకమాల
భగభగ మండు వేసవికి భగ్గున నీరము లావిరయ్యెనే
సగపడ లేదు లేదని విచారము నంద సరస్సునందునన్
పొగలకు మంచు వర్షముల మోయుచు మేఘములాడ వేడుకన్
గగనము నందు, చేఁప కడు గంతులు వేసెను చిత్ర మెట్లగున్?
సహదేవుడు గారూ,
తొలగించండిమీ పూరణ బాగున్నది. అభినందనలు.
ఎగురుదురట నరులిక ! ; కలి
రిప్లయితొలగించండియుగమందున జలము పొంగి యుర్వి మునుగగా
గగనము నంటగ జలనిధి
గగనమ్మున నొక్క చేఁప గంతులు వేసెన్
కృష్ణారావు గారూ,
తొలగించండిమీ పూరణ బాగున్నది. అభినందనలు.
నమస్కారములు
రిప్లయితొలగించండిఆకాశవాణి వారి పూరణల వివరములను తెలుపగలరు . '' కొత్త సమస్యను వివరించ గలరు "
గు రు మూ ర్తి ఆ చా రి
రిప్లయితొలగించండి,,,,,,,,,,,,,,,,,,,,,,,,,, ,,,,,,,,,,,,,,,,
[ రథముపై ఆకాశములో మన్మథుడు వెళుతూ వుంటే ఆతని
రథకేతనము పైన గల మీనము ఎగురుతూ వుంది ]
మగువల - పురుషుల హృదయము
లు గదల్చు గద ఝషకేతుడు | రథమునన్ సా
గగ మింటన్ గుసుమశరుడు ,
గగనమ్మున , నొక్క చేప గంతులు వేసెన్
{ ఝషకేతుడు = రథకేతనము పై చేప గుర్తు గలవాడు , మన్మథుడు }
రెండవపాదంలో యతి ----> లు = డు
గురుమూర్తి ఆచారి గారూ,
తొలగించండిమీ పూరణ బాగున్నది. అభినందనలు.
డా.బల్లూరి ఉమాదేవి
రిప్లయితొలగించండి17/3/18
నగధరశౌరి దయతో క్రీడియు,
గగనమ్మున దిరుగు చేప గన్నుల గొట్టన్
అగణిత శౌర్యము చూపుచు
గగనమ్మున నొక్క చేఁప గంతులు వేసెన్"*
నేటి శంకరాభరణం సమస్య
రిప్లయితొలగించండి"గగనము నందు చేపఁగడు గంతులు వేసెను చిత్రమెట్లగున్."––––
గగనతరంగతుంగసురగంగ మునుంగు నభంగభంగిమ
న్నిగనిగన్ దళ్కులందెనయు నేత్రయుగమ్ముల మీనులయ్యెడన్
ఖగవిధమొప్పు నట్లెగయఁ,గావ్యరసోచితవర్ణనమ్ములన్
గగనమునందు చేపఁగడు గంతులు వేసెను చిత్రమెట్లగున్.
మిత్రులందఱకు నమస్సులు!
రిప్లయితొలగించండిజగదభిపాలనందనులు,శౌర్య విదగ్ధులు, చక్రవర్తు లా
యగణితసంభ్రమద్భ్రమరయత్నితవిస్ఫురమత్స్యయంత్ర మి
మ్ముగఁ దెగవ్రేయఁగా, వడిని ముందునకున్ దుముకం జనంగ, నా
గగనమునందుఁ జేఁప కడు గంతులు వేసెను! చిత్ర మెట్లగున్?
రవీందర్ గారూ,
రిప్లయితొలగించండిమీ పూరణ బాగున్నది. అభినందనలు
'గనము' నకు ముందు అరసున్న ఎందుకు?
రిప్లయితొలగించండి*సూర్య నమస్కారం*
సందర్భము: అంతులేని ఆకాశం పరబ్రహ్మ స్వరూపం. అది నిరాకారం. ఉదయిస్తున్న బాల సూర్యుడు సాకార (దైవ) రూపాలకు ప్రతీక. నిగనిగ లాడే చేప ఒక సాధకు డనుకోవచ్చు.
ఆ చేప ఉదయ సూర్యుణ్ణి చూచి (సాధకునివలె) ప్రణమిల్లుతున్నదా అన్నట్టు గగనానికి లేచి లేచి నీళ్ళలోకి పడిపోతున్నది.
అది నింగిలో గంతులు వేస్తున్నట్టు కనిపిస్తున్నది.
~~~~~~~~~~~~~~~~~~~~~~~
అగుపడనట్టి మేరగల
యాకస మయ్యది బ్రహ్మమే యగున్
జిగిబిగి మించు బాల రవి
చె ల్వగు రూపు ధరించు దేవుడౌ...
నిగనిగ చేప సాధకుడు..
నింగి రవిన్ గని మొక్కెనో యనన్
గగనమునందు చేఁప కడు
గంతులు వేసెను చిత్ర మె ట్లగున్?
🖋~డా.వెలుదండ సత్యనారాయణ
*17-3-18* 2 వ పూరణము:--
రిప్లయితొలగించండి..........సమస్య
*"గగనమునందు చేఁప కడు*
*గంతులు వేసెను చిత్ర మెట్లగున్"*
*అర్జునుడే గాలవుడు*
సందర్భము: ద్రౌపది స్వయంవరం. రాజ ఠీవి గల రాజ కుమారు లెందరో ద్రుపద మహారాజు కొలువులో వున్నారు.
ఆ కొలువే ఒక సరోవరం. కుంతి పుత్రుడైన అర్జునుడు చేపలు పట్టే జాలరి (గాలవుడు). చిరునవ్వుతో అతడు గురి చూచి బాణ మనే గాలం వేసినాడు.
మత్స్య యంత్రంలో బిగించబడిన చేప నింగిలో గంతులు వేస్తున్నది.
గాలవుడు= జాలరి
~~~~~~~~~~~~~~~~~~~~~~~
అగణిత రాజ ఠీవి గల
యయ్యల కొ ల్వను నా సరస్సులో
మొగమున కొత్త న వ్వెదియొ
మొల్కల నెత్తెడు గాలవుం డనం
గ గురి కుదిర్చి బాణ మను
గాలము వేసెను కుంతి పుత్రు డా
గగనమునందు చేఁప కడు
గంతులు వేసెను చిత్ర మె ట్లగున్?
3 వ పూరణము:--
*స్వయంవర యుద్ధం*
సందర్భము: ద్రౌపదీ స్వయంవరం. స్వయంవరమే ఒక యుద్ధ మనుకుంటే యెలా వుంటుందో చూదాం! అప్పుడు యుద్ధంలో పార్థు డున్నాడు. పార్థ సారథి యెలాగూ వుంటాడు. ఇక్కడ పార్థునికి శత్రువు చేప.
పార్థుడు చేపను చూశాడు. తర్వాత నగవు లొలికే పార్థ సారథి ముఖం చూశాడు. ఇక కార్యారంభం చేయొ చ్చనుకున్నాడు. ఎంతో వినమ్రతతో బాణం వేశాడు.
ఇంక మత్స్యం నింగిలో గంతులు వేయడంలో చిత్ర మే మున్నది?
~~~~~~~~~~~~~~~~~~~~~~~
అగణిత వైభవం బగు స్వ
యంవర యుద్ధమునందు పార్థుడే
జగములు మెచ్చ చేప యను
శత్రువు గన్గొని, పార్థ సారథిన్
నగవులు చింద గన్గొని, వి
నమ్రతతోడను వేసె బాణమున్...
గగనమునందు చేఁప కడు
గంతులు వేసెను, చిత్ర మె ట్లగున్?
🖋~డా.వెలుదండ సత్యనారాయణ
17.3.18 నా పూరణ పద్యమునకు
రిప్లయితొలగించండి*శ్రీ చిటితోటి విజయకుమార్ గారి సంస్కృత అనువాద శ్లోకమును* గమనింప ప్రార్థన.
అగణిత బ్రాహ్మ కల్ప ప్రళయమ్మున సంద్రము నింగిజేర, వే
దగణము నశ్వవక్త్రు డను దానవుడే హరియింప, మత్స్యమై
పగ నతనిన్ వధించి హరి హర్షము నందిన యట్టి వేళ నా
*గగనము నందు చేప గడు గంతులు వేసెను. చిత్ర మెట్లగున్ ?*
బ్రాహ్మాన్తే ప్రళయే మహోగ్రధృతినా పస్పర్శ ఖం సాగరో
వేదస్తేనమరిం నిహత్య కు-హయగ్రీవం జలేష్వంబుధేః
యో భద్రం జగతాం హరి ర్విహితవాన్ మీనావతారే తదా
కల్పాన్తే *గగనే ననర్త జలధౌ మత్స్యః కథం విస్మయః?*
*కోట రాజశేఖర్ పడుగుపాడు నెల్లూరు.*
ఈ కామెంట్‌ను రచయిత తీసివేశారు.
రిప్లయితొలగించండిఈ కామెంట్‌ను రచయిత తీసివేశారు.
రిప్లయితొలగించండిమగటిమి మత్స్య యంత్రమును
రిప్లయితొలగించండితెగి పడగను నరుడు కొట్ట దిగువకు వేగన్
తెగ మెచ్చుకొనగ నందరు
గగనమ్మున నొక్క చేఁప గంతులు వేసెన్.
సొగసగు మీనరూపముది షోకుగ చంద్రుడు కైటునొక్కటిన్
రిప్లయితొలగించండినగవుచు నెగ్రవేయగను నందము నొందుచు నిశ్చలమ్ముగా
జగనుడు గుర్తు రాగనహ జంకుచు చేతులు వణ్కసాగగా
గగనమునందు చేఁప కడు గంతులు వేసెను చిత్ర మెట్లగున్