శంకరాభరణం: సమస్య - 2626 (రంభను బెండ్లియాడె...)

15, మార్చి 2018, గురువారం

సమస్య - 2626 (రంభను బెండ్లియాడె...)

కవిమిత్రులారా,

ఈరోజు పూరించవలసిన సమస్య ఇది...

"రంభను బెండ్లాడెను రఘురాముఁడు ప్రీతిన్"

(లేదా...)

"రంభను బెండ్లియాడె రఘురాముఁడు తానటు సీత మెచ్చఁగన్"

(డా॥ జి.యం. రామశర్మ గారి 'శతావధాన వైజయంతి' గ్రంథం నుండి)

88 కామెంట్‌లు:

విరించిగురువారం, మార్చి 15, 2018 5:29:00 AM
అంభోరుహ నేత్రుండట
శంభుని చాపమ్ము విరిచి జనకుని సుతయౌ
బింబాధర భూలోకపు
రంభను పెండ్లాడెను రఘు రాముడు ప్రీతిన్.
రిప్లయితొలగించండి
రిప్లయిలు
G P Sastry (gps1943@yahoo.com)గురువారం, మార్చి 15, 2018 5:32:00 AM
ఈ కామెంట్‌ను రచయిత తీసివేశారు.
రిప్లయితొలగించండి
రిప్లయిలు
మారెళ్ళ వామన కుమార్గురువారం, మార్చి 15, 2018 5:56:00 AM
అంబర కేశుని సోదరి
అంబరమును వదలి భూమి యవతారమును
న్నింబుగ నిట దాల్చిన భూ
రంభను పెండ్లాడెను రఘురాముడు ప్రీతిన్.
అంబరకేశుడు = శివుడు
ఇంబుగ = ఆనందముగ
రిప్లయితొలగించండి
రిప్లయిలు
G P Sastry (gps1943@yahoo.com)గురువారం, మార్చి 15, 2018 6:06:00 AM
శంభా! నలకూబరుడే
రంభను బెండ్లాడెను; రఘురాముఁడు ప్రీతిన్
శంభుని విల్లును ద్రుంచగ
కుంభిని వోలుచు నడచెడి కుజను రమించెన్

కుంభిని = ఏనుగు
కుజ = సీత
రిప్లయితొలగించండి
రిప్లయిలు
రాజేశ్వరి నేదునూరిగురువారం, మార్చి 15, 2018 6:42:00 AM
సంభవమా యిది యప్సర
రంభను , పెండ్లాడెను రఘురాముఁడు ప్రీతిన్
కుంభిని పుత్రిక సీతను
శంభుని విల్లును ద్రుంచి శాస్త్రీ యముగన్
రిప్లయితొలగించండి
రిప్లయిలు
Kota Rajasekharగురువారం, మార్చి 15, 2018 7:21:00 AM
గురువర్యులు శ్రీ కంది శంకరయ్య గారి శంకరాభరణం
సమస్యాపూరణ :: నేటి సమస్య సంఖ్య-2626
సమస్య :: *రంభను పెండ్లియాడె రఘురాముడు తా నటు సీత మెచ్చగన్.*
సీత మెచ్చుకొంటూ ఉండగా శ్రీ రాముడు రంభను పెళ్లి చేసికొన్నాడు అని చెప్పడం ఈ సమస్యలో ఉన్న విరుద్ధమైన అర్థం.
సందర్భం :: ధర్మ స్వరూపుడైన శ్రీరాముడు రావణాసురుని సంహరించిన తరువాత సీతాసమేతుడై అయోధ్య చేరుకొన్నాడు.
దేవతలు మునులు ప్రజలు అందరూ ఇక మనం కోరుకొనే రామరాజ్యం వస్తుందని ఆనందిస్తూ ఉండగా శ్రీరామచంద్రమూర్తికి పట్టాభిషేకం జరిగింది. కోసలదేశ రాజ్య లక్ష్మిని శ్రీ రాముడు వరించగా సీతాదేవి కూడా తన భర్తయైన రఘురాముని ఎంతగానో మెచ్చుకొన్నది అని విశదీకరించే సందర్భం.

శంభుడు, బ్రహ్మయున్, సురలు, సాధులు, పౌరులు సంతసింప, ని
ర్దంభుడు ధర్మమూర్తి యట దాల్చె కిరీటము, కీర్తిమంతమౌ
కుంభిని రామరాజ్య మన, కోసల రాజ్య రమాఖ్య సత్క్రియా
*రంభను బెండ్లియాడె రఘురాముడు తానటు సీత మెచ్చగన్.*
*కోట రాజశేఖర్ పడుగుపాడు నెల్లూరు.* (15-3-2018)
రిప్లయితొలగించండి
రిప్లయిలు
seethadevi gurramగురువారం, మార్చి 15, 2018 7:47:00 AM
బింబాధర జానకి పరి
రంభిత సుగుణగణరాశి రాకేందుముఖిన్
బంభరవేణిని మను సం
రంభను పెండ్లాడెను రఘురాముడు ప్రీతిన్!

మను సంరంభము = పెండ్లి యనగనేర్పడు తొట్రుబాటు
రిప్లయితొలగించండి
రిప్లయిలు
డా. జంధ్యాల జయకృష్ణ బాపూజీ ఎం.ఏ., పి హెచ్.డి.గురువారం, మార్చి 15, 2018 7:52:00 AM
శుంభద్వీరుడు రాముడు
శంభుని వింటిని నడిమికి శకలమొనర్చెన్ ;
గుంభిజ ; నవచైత్ర శుభా
రంభను పెండ్లాడెను రఘురాముడు ప్రీతిన్ .
రిప్లయితొలగించండి
రిప్లయిలు
Kr rajeshwar raoగురువారం, మార్చి 15, 2018 8:13:00 AM
కుంభి ని రాజ కుమారు లు
శంభు ని శర ము ను విరువ క చతికిల పడ గా
సంబర మున విరిచి యు భూ
రంభ ను పెండ్లాడెను రఘు రాముడు ప్రీతి న్
రిప్లయితొలగించండి
రిప్లయిలు
gurram.jana@gmail.comగురువారం, మార్చి 15, 2018 8:18:00 AM
గాంభీర్యమె రూపెత్తిన
దంభము లెన్నడు బలుకని దశరథ సుతుడే
శంభో! యందమున విజిత
"రంభను బెండ్లాడెను రఘురాముఁడు ప్రీతిన్."
***)(***
(విజిత రంభ = అందమున రంభను గెల్చిన సొగసు కత్తె)
రిప్లయితొలగించండి
రిప్లయిలు
BVVHBPrasadaraoగురువారం, మార్చి 15, 2018 8:39:00 AM
దంభముఁజూపిరి పలువురు
శుంభద్రాజన్యు లచట! శుభమని హరువిల్
కుంభించిఁద్రుంచి సీతన్,
రంభనుఁబెండ్లాడెను రఘురాముడు ప్రీతిన్
రిప్లయితొలగించండి
రిప్లయిలు
subbaraoగురువారం, మార్చి 15, 2018 9:26:00 AM
డింభక! నలకూబరుడే
రంభనుబెండ్లాడెను,రఘురాముఁడు ప్రీతిన్"
శంభుని ధనువును విరిచియు
రంభయు,సీతమ్మసతిని రహిచే పట్టెన్
రిప్లయితొలగించండి
రిప్లయిలు
A.Satyanarayana Reddyగురువారం, మార్చి 15, 2018 9:33:00 AM
శంభుని విల్లును కనుగొని
జృంభించి మునిపనుపునను ఛేదించి దృతిన్
శాంభవినిన్ గొలుచు మనో
రంభను బెండ్లాడెను రఘురాముఁడు ప్రీతిన్
రిప్లయితొలగించండి
రిప్లయిలు
గుండా వేంకట సుబ్బ సహదేవుడుగురువారం, మార్చి 15, 2018 10:06:00 AM
కందం
శంభుని వింటిని ద్రుంచుచు
నంబుజ నేత్రజనితంపు నంబుకమంటన్
జృంభిత సౌరభ హృత్సం
రంభను బెండ్లాడెను రఘురాముఁడు ప్రీతిన్
రిప్లయితొలగించండి
రిప్లయిలు
subbaraoగురువారం, మార్చి 15, 2018 10:47:00 AM
బంభర వేణియున్మరియుబాదపపుష్పపు సౌకుమార్యమున్
దంభము లేశమాత్రమయినదానొడగూడకయుండునా

రంభను బెండ్లియాడె రఘురాముఁడు తానటు సీత మెచ్చఁగన్
శంభుని జాపమున్విరుగసారెనులాగ ఫెళ్ళనంగగన్
రిప్లయితొలగించండి
రిప్లయిలు
gurumoorthyగురువారం, మార్చి 15, 2018 11:13:00 AM
గు రు మూ ర్తి ఆ చా రి
,,,,,,,,,,,,,,,,,,,,,,,,,,, ,,,,,,,,,,,,,,,,

శంభుడు సారసోద్భవుడు సర్వదివౌకస సంచయమ్ము > ని

ర్దంభ గుణాధికున్ రఘుకులాధిపు సన్నుతి జేయు చుండ సం

రంభవిహీనుడై హరశరాసన భంగ మొనర్చె || నప్పు డా

బంభరవేణి - జానకిని - పావన రూపిణి (న్) - నిర్మల స్మరా

రంభను > బెండ్లియాడె రఘురాముడు తా నటు సీత మెచ్చగన్

స్మరము = ప్రేమ , ప్రణయము , [ ఆంధ్ర భారతి ]

స్మరారంభను= ప్రణయ సంకల్పము గల దానిని

రఘుకులాధిపుడు , శరాసనము = అఖండశబ్దము లైనందున

{ రెండవ - మూడవ పాదములలో అఖండ యతి చేకూర్చడ మైనది }

రిప్లయితొలగించండి
రిప్లయిలు
pks kumarగురువారం, మార్చి 15, 2018 11:21:00 AM
ఢింభుడొకడు పలికె నిటుల,
రంభను బెండ్లాడెను రఘురాముఁడు ప్రీతిన్"
స్తంభమున బుట్టె స్కందుడు.
శంభుసుతుడు రమను బిల్చె సరసంబాడన్

రిప్లయితొలగించండి
రిప్లయిలు
కామేశ్వర రావు పోచిరాజుగురువారం, మార్చి 15, 2018 11:39:00 AM
అంభోజాక్షుఁడు ఘనుఁడు వి
జృంభిత నయనారవింద సీతాసతి నా
యంభోజానన రుచి జిత
రంభను బెండ్లాడెను రఘురాముఁడు ప్రీతిన్

శంభుని విల్లు ద్రుంచి భుజ సత్వ మహాత్ముఁడు మేటి ధన్వి యా
రంభ మనంగ దైత్యవర రావణ హత్యకుఁ జిత్త మందునన్
శాంభవి నిల్పి యున్న సతి జానకి సమ్మద సత్రపా స సం
రంభను బెండ్లియాడె రఘురాముఁడు తానటు సీత మెచ్చఁగన్

రిప్లయితొలగించండి
రిప్లయిలు
వీటూరి భాస్కరమ్మగురువారం, మార్చి 15, 2018 12:13:00 PM
జృంభిత కేసరీంద్రుడు యశోభరితుండగు రామచంద్రుడా
కుంభిని పుత్రికన్ కుసుమ కోమలినిన్ వెస మెచ్చి చాపమున్
సంభరితమ్ముగా విరిచి సద్గుణ శాలురు బల్కినంతటన్
రంభను బెండ్లియాడె రఘురాముఁడు తానటు సీత మెచ్చఁగన్

దోష పరిహరణకు ఒక్కొక్క పర్యాయం ముందుగా
అరటి చెట్టుతొ వివాహం చేస్తారుట
రిప్లయితొలగించండి
రిప్లయిలు
eshwarappak1948గురువారం, మార్చి 15, 2018 12:17:00 PM
శంభుని చాపము యెత్తగ
ఆంభర వాసులును మెచ్చ?నానందమ్మున్
బంబర వేణియు సీతా
రంభను బెండ్లాడెను రఘురాముడు ప్రీతిన్
రిప్లయితొలగించండి
రిప్లయిలు
వీటూరి భాస్కరమ్మగురువారం, మార్చి 15, 2018 12:18:00 PM
శంభుని విల్లటు విరువగ
కుంభిని జనులెల్ల మెచ్చ కోమలి సీతన్
జృంభిత నుతగుణ వర ప్రా
రంభను బెండ్లాడెను రఘురాముఁడు ప్రీతిన్
రిప్లయితొలగించండి
రిప్లయిలు
గుండా వేంకట సుబ్బ సహదేవుడుగురువారం, మార్చి 15, 2018 12:36:00 PM
ఉత్పలమాల
అంబరమంటు గోపురము నాలయమందున రామమూర్తికిన్
సంబరమంది భద్రగిరి సార్థక మౌనటు తీర్చు గోపడే
బంభర వేణియౌ కమల వారిజ నేత్రయె నొప్ప యౌవనా
రంభను బెండ్లియాడె! రఘురాముఁడు తా నటు సీత మెచ్చఁగన్
రిప్లయితొలగించండి
రిప్లయిలు
డా.బల్లూరి ఉమాదేవి.గురువారం, మార్చి 15, 2018 1:10:00 PM

శంభుడు పెండ్లాడెను తా

రంభను, బెండ్లాడెను రఘురాముఁడు ప్రీతిన్

శంభుని విల్లునువిరిచి

యంభోరుహనయననచట నందరు జూడన్.

శంభుడు బ్రహ్మచారిగను శాంతత తోడను చెంత చేరి తా

రంభను బెండ్లియాడె రఘురాముఁడు తానటు సీత మెచ్చఁగన్

శంభుని విల్లుద్రుంచితను సర్వులు మెచ్చుచు నుండయవ్వనా

రంభను పెండ్లియాడెను సురాసుర లెల్లరు జూచుచుండగాన్.
రిప్లయితొలగించండి
రిప్లయిలు
కంది శంకరయ్యగురువారం, మార్చి 15, 2018 1:19:00 PM
రవీందర్ గారూ,
మీ పూరణ బాగున్నది. అభినందనలు.
మూడవ పాదంలో గణదోషం. సవరించండి.
రిప్లయితొలగించండి
రిప్లయిలు
వెలుదండ సత్యనారాయణ రావుగురువారం, మార్చి 15, 2018 2:23:00 PM

..........సమస్య
*రంభను బెండ్లాడెను*
*రఘురాముఁడు ప్రీతిన్*

*సీతా శక్తి*

సందర్భము: వెలిగిపోయే శక్తియే సీత. శక్తి అంటే పరాశక్తి; ఇచ్ఛాశక్తి జ్ఞానశక్తి క్రియాశక్తి. అంతే గాక ఉత్సాహ శక్తి, ప్రభు శక్తి, మంత్ర శక్తి.
సీత చెలరేగిన దుష్కార్యాలతో కూడిన రావణాది రాక్షసుల జీవితాలను హరించే ఆరంభం కలిగినది. చక్కని గుణగణాలయొక్క పరీరంభం కలిగినది. పరీరంభం లేదా పరిరంభం అంటే కౌగిలింత.
అటువంటి సీతాదేవిని రఘు రాముడు పెండ్లాడినాడు.
~~~~~~~~~~~~~~~~~~~~~~~
శుంభత్ శక్తిని, సీతను

జృంభిత దుష్కృత్య దనుజ జీవన హర ణా

రంభను, సుగుణ గణ పరీ

రంభను బెండ్లాడెను రఘు రాముఁడు ప్రీతిన్

🖋~డా.వెలుదండ సత్యనారాయణ

రిప్లయితొలగించండి
రిప్లయిలు
కంది శంకరయ్యగురువారం, మార్చి 15, 2018 3:19:00 PM
రవీందర్ గారూ,
మీ రెండు పూరణలు బాగున్నవి. అభినందనలు.
మొదటి పూరణ మొదటి పాదం చివర అరసున్న అవసరం లేదు.
రిప్లయితొలగించండి
రిప్లయిలు
సంపత్ కుమార్ శాస్త్రిగురువారం, మార్చి 15, 2018 4:46:00 PM
పట్టాభిషేకముతో ( విశ్వంభర ) కీర్తి కన్యకను వివాహమాడినాడనే అర్థముతో........

దంభము లేనివాఁడు సతతమ్మును ధర్మ పరాయణత్త్వ సం
రంభత యున్నవాఁడు గుణ లక్షణ తత్త్వమెరుంగువాఁడు వి
శ్వంభర నామధేయుఁడయి శాశ్వత కీర్తి సుకన్యకా సమా
రంభను బెండ్లియాడె రఘురాముఁడు తానటు సీత మెచ్చఁగన్

ధర్మము = ధర్మము, విల్లు
గుణము = సద్గుణము, వింటిత్రాడు
రిప్లయితొలగించండి
రిప్లయిలు
Raja Raoగురువారం, మార్చి 15, 2018 6:15:00 PM
క్రొవ్విడి వెంకట రాజారావు:

జృంభించుచు సభ నందున
శంభుని చాపమ్ము విఱిచి సంతోషముతో
కుంభినీ సుత సీతా
రంభను బెండ్లాడెను రఘురాముడు ప్రీతిన్
రిప్లయితొలగించండి
రిప్లయిలు
వెలుదండ సత్యనారాయణ రావుశుక్రవారం, మార్చి 16, 2018 10:27:00 PM

....సమస్య
*రంభను బెండ్లాడెను*
*రఘురాముఁడు ప్రీతిన్*

*సీతాగ్ని*

సందర్భము: శంభుని మిత్రుడు.. విష్ణువు. నరునిగా దిగి వచ్చినాడు. అతడే రాముడు. శంభుని భక్తుడు రావణుడు. అసురుడుగా తయారైనాడు.
వారిద్దరి నడుమ అగ్ని భగ్గు మన్నది. ఆ అగ్నియే సీత. ఆమెనే రఘురాముడు పెండ్లాడినాడు. ఆమె లేకపోతే ఆ యిద్దరి నడుమ వైరమే లేదు కదా!
~~~~~~~~~~~~~~~~~~~~~~~
శంభుని మిత్రుడు నరు డట!

శంభుని భక్తు డసురు డట!

జనకుడు దున్నన్

సంభవ యట! సీ తాగ్న్యా

రంభను బెండ్లాడెను రఘు

రాముఁడు ప్రీతిన్

🖋~డా.వెలుదండ సత్యనారాయణ

రిప్లయితొలగించండి
రిప్లయిలు
G P Sastry (gps1943@yahoo.com)ఆదివారం, జనవరి 20, 2019 5:17:00 PM
అంభము పోసి పెంచుచును హాయిగ హృత్తున తోటమాలి తా
రంభను బెండ్లియాడె;... రఘురాముఁడు తానటు సీత మెచ్చఁగన్
శంభుని విల్లుద్రుంచుచును సాగె నయోధ్యకు శంకలేకయే...
దంభము వీడి పల్కెదను దైవము తోడుగ తెల్గుకష్టమే!

అంభము = నీళ్ళు
రంభ = అరటి చెట్టు
రిప్లయితొలగించండి
రిప్లయిలు

కామెంట్‌ను జోడించండి