15, మార్చి 2018, గురువారం

సమస్య - 2626 (రంభను బెండ్లియాడె...)

కవిమిత్రులారా,
ఈరోజు పూరించవలసిన సమస్య ఇది...
"రంభను బెండ్లాడెను రఘురాముఁడు ప్రీతిన్"
(లేదా...)
"రంభను బెండ్లియాడె రఘురాముఁడు తానటు సీత మెచ్చఁగన్"
(డా॥ జి.యం. రామశర్మ గారి 'శతావధాన వైజయంతి' గ్రంథం నుండి)

90 వ్యాఖ్యలు:

  1. అంభోరుహ నేత్రుండట
    శంభుని చాపమ్ము విరిచి జనకుని సుతయౌ
    బింబాధర భూలోకపు
    రంభను పెండ్లాడెను రఘు రాముడు ప్రీతిన్.

    ప్రత్యుత్తరంతొలగించు
  2. ప్రత్యుత్తరాలు
    1. మైలవరపు వారి పూరణ

      జృంభితధైర్యబాహుబలి చిత్తజకోటిమనోహరుండు , ని...
      ర్దంభగుణప్రపూర్ణుడు శరాసనమెక్కిడి ద్రుంచి , వీరుడై
      బంభరవేణి భర్తృపదపద్మ నిరంతర సేవనైక సం...
      రంభను బెండ్లియాడె రఘురాముఁడు తానటు సీత మెచ్చఁగన్" !!

      బంభరవేణిన్.... భర్తృపదపద్మ నిరంతర సేవనైక సంరంభను సీతన్.... అని అన్వయం...

      మైలవరపు మురళీకృష్ణ వెంకటగిరి

      తొలగించు
    2. మైలవరపు వారికి నమస్సులు.
      🙏🏻
      ఇక్కడ 'సంరంభ'కు అర్థమేమిటండీ...

      తొలగించు
    3. పతిసేవకై 'తొందరపడుచున్న' అనియేనా

      తొలగించు
    4. మైలవరపు వారి పూరణ అద్భుతంగా ఉన్నది. అభినందనలు.

      తొలగించు
    5. శ్రీ విట్టు బాబు గారికి నమోవాకములు.. మీది.. నాది.. ఒకే కవి హృదయం.... నమోనమః.. శ్రీ శాస్త్రి గారికి ధన్యవాదాలు కూడా....

      తొలగించు
    6. ఈ పద్యం పాఠాంతరంతో మరింత సొగసు గా ఉంటుందని చిరు సవరణ...
      మన్నించండి 🙏

      జృంభితధైర్యబాహుబలి చిత్తజకోటిమనోహరుండు , ని...
      ర్దంభగుణప్రపూర్ణుడు శరాసనమెక్కిడి, విష్ణురూపుడై
      బంభరవేణి భర్తృపదపద్మ నిరంతర సేవనైక సం...
      రంభను బెండ్లియాడె రఘురాముఁడు తానటు సీత మెచ్చఁగన్" !!

      మైలవరపు మురళీకృష్ణ వెంకటగిరి

      తొలగించు
    7. మైలవరపుగారి పూరణ అద్భుతముగ నున్నది! ఆర్యా! స్త్రీల దృష్టితో మూడవపాదాన్ని యిటులనిన నెట్లుండును?

      బంభరవేణి భర్తృముఖపద్మ నిరంతర వీక్షణైక సం రంభను
      😊😊😊🙏🙏🙏

      తొలగించు
    8. భర్తృపద పద్మ సేవ (పదము) మీకు నచ్చినట్లు లేదు. ఈ డా. సీత దేవి గారికి నచ్చక పోయిన నా జానకీ సతి కదే యిష్టము.

      తొలగించు
    9. శ్రీమతి సీతాదేవి గారికి నమస్సులు... మీ అభిప్రాయం తో ఏకీభవిస్తున్నాను... అయితే లక్ష్మీస్వరూప సీత అని స్ఫురించుటకొరకు అలా అనాల్సి వచ్చిందని మనవి..( పైగా మీరు సీతాదేవి... మీరేది నచ్చితే అలాగే... అభ్యంతరమేముంది...
      నమోనమః 🙏👇

      జృంభితధైర్యబాహుబలి చిత్తజకోటిమనోహరుండు , ని...
      ర్దంభగుణప్రపూర్ణుడు శరాసనమెక్కిడి, విష్ణురూపుడై
      బంభరవేణి భర్తృముఖపద్మ నిరంతర వీక్షణైక సం ..
      రంభను బెండ్లియాడె రఘురాముఁడు తానటు సీత మెచ్చఁగన్" !!

      మైలవరపు మురళీకృష్ణ వెంకటగిరి

      తొలగించు
    10. ఆర్యా! నిరంతర ముఖపద్మ చింతన, వీక్షణ కూడ తక్కువైన ఉపాసనలు కాబోవు!
      “అనంగజనకాపాంగ వీక్షణాయై నమోనమః”
      “నిజభర్తృ ముఖాంబోజ చింతనాయైనమోనమః” లలితాస్టోత్తర శతనామావళి!
      కొత్త పెళ్ళికూతురుకు భర్తృసేవ చేయాలనే ఆకాంక్ష కన్న ముఖ వీక్షణ కుతూహల మెక్కువుండునవి నా భావన!
      మీ జానకమ్మకైనా జనని జానకీమాతకైనా మానవ జన్మ యెత్తినందున సహజమని భావించెదను!🙏🙏🙏🙏

      తొలగించు
    11. ధన్యవాదములు మురళీకృష్ణగారూ! అవధానిగనుక పృచ్ఛక హృదయం అర్ధం చేసుకున్నారు! నా పేరు సీతాదేవి అయినంత మాత్రమున నేనేమీ ఆ సీతీమాత సరి అనుకోవడం లేదు!
      సరదాగా వ్రాశానంతే! 🙏🙏🙏

      తొలగించు
    12. సీతాదేవి గారు సవరణలను సూచించే స్థాయికి ఎదిగారు. నిజంగా ఎంతో సంతోషంగా ఉంది.

      తొలగించు
    13. ధన్యోస్మి గురుదేవా! అంతా మీ ఆశీర్వాదబలమే!!🙏🙏🙏🙏

      తొలగించు
    14. కంది శంకరయ్య గారు ఉవాచ:

      మురళీకృష్ణ గారూ, ఈ సవరణ మీ సౌజన్యాన్ని, వినయాన్ని తేటతెల్లం జేస్తున్నాయి. స్వస్తి!

      తొలగించు
    15. వినియుంటి శంకరులవా..
      రనిరని యిది సమ్మతమ్మె ? "రంభనుపెండ్లా...
      డెనురఘురాముడుప్రీతిన్
      గనుమని "వినినంత మదికి కష్టము గల్గెన్ !

      మైలవరపు మురళీకృష్ణ వెంకటగిరి

      తొలగించు
    16. కంది శంకరయ్య గారు ఉవాచ:

      మురళీకృష్ణ గారూ,
      సమస్యాపాదాన్ని స్థానాంతరంలో ప్రయోగించిన మీ పూరణ ప్రశస్తంగా ఉన్నది. అభినందనలు.

      తొలగించు
  3. అంబర కేశుని సోదరి
    అంబరమును వదలి భూమి యవతారమును
    న్నింబుగ నిట దాల్చిన భూ
    రంభను పెండ్లాడెను రఘురాముడు ప్రీతిన్.
    అంబరకేశుడు = శివుడు
    ఇంబుగ = ఆనందముగ

    ప్రత్యుత్తరంతొలగించు
    ప్రత్యుత్తరాలు
    1. వామన కుమార్ గారూ,
      మీ పూరణ బాగున్నది. అభినందనలు.
      "భూమి నవతారమునే। యింబుగ..." అనండి.

      తొలగించు
  4. శంభా! నలకూబరుడే
    రంభను బెండ్లాడెను; రఘురాముఁడు ప్రీతిన్
    శంభుని విల్లును ద్రుంచగ
    కుంభిని వోలుచు నడచెడి కుజను రమించెన్

    కుంభిని = ఏనుగు
    కుజ = సీత

    ప్రత్యుత్తరంతొలగించు
  5. సంభవమా యిది యప్సర
    రంభను , పెండ్లాడెను రఘురాముఁడు ప్రీతిన్
    కుంభిని పుత్రిక సీతను
    శంభుని విల్లును ద్రుంచి శాస్త్రీ యముగన్

    ప్రత్యుత్తరంతొలగించు
    ప్రత్యుత్తరాలు
    1. అక్కయ్యా,
      మీ పూరణ బాగున్నది. అభినందనలు.
      పూరణలో పూర్వార్థం భావం అసంపూర్ణంగా ఉన్నది. నాల్గవపాదంలో గణదోషం. సవరించండి.

      తొలగించు
    2. సంభవము కాదు నచ్చెర
      రంభను , పెండ్లాడెను రఘురాముఁడు ప్రీతిన్
      కుంభిని పుత్రిక సీతను
      శంభుని ధనువును ద్రుంచి శాస్త్రీయముగన్

      తొలగించు
  6. గురువర్యులు శ్రీ కంది శంకరయ్య గారి శంకరాభరణం
    సమస్యాపూరణ :: నేటి సమస్య సంఖ్య-2626
    సమస్య :: *రంభను పెండ్లియాడె రఘురాముడు తా నటు సీత మెచ్చగన్.*
    సీత మెచ్చుకొంటూ ఉండగా శ్రీ రాముడు రంభను పెళ్లి చేసికొన్నాడు అని చెప్పడం ఈ సమస్యలో ఉన్న విరుద్ధమైన అర్థం.
    సందర్భం :: ధర్మ స్వరూపుడైన శ్రీరాముడు రావణాసురుని సంహరించిన తరువాత సీతాసమేతుడై అయోధ్య చేరుకొన్నాడు.
    దేవతలు మునులు ప్రజలు అందరూ ఇక మనం కోరుకొనే రామరాజ్యం వస్తుందని ఆనందిస్తూ ఉండగా శ్రీరామచంద్రమూర్తికి పట్టాభిషేకం జరిగింది. కోసలదేశ రాజ్య లక్ష్మిని శ్రీ రాముడు వరించగా సీతాదేవి కూడా తన భర్తయైన రఘురాముని ఎంతగానో మెచ్చుకొన్నది అని విశదీకరించే సందర్భం.

    శంభుడు, బ్రహ్మయున్, సురలు, సాధులు, పౌరులు సంతసింప, ని
    ర్దంభుడు ధర్మమూర్తి యట దాల్చె కిరీటము, కీర్తిమంతమౌ
    కుంభిని రామరాజ్య మన, కోసల రాజ్య రమాఖ్య సత్క్రియా
    *రంభను బెండ్లియాడె రఘురాముడు తానటు సీత మెచ్చగన్.*
    *కోట రాజశేఖర్ పడుగుపాడు నెల్లూరు.* (15-3-2018)

    ప్రత్యుత్తరంతొలగించు
    ప్రత్యుత్తరాలు
    1. అద్భుతమైన పూరణ అవధానిగారూ!
      నిర్దంభుడు పదప్రయోగము రామునికి చక్కగా సరిపోయింది! నమోనమః! 🙏🙏🙏🙏

      తొలగించు
    2. సీతమ్మ వారు మెచ్చగన్ ధన్యుడ నైతిని.

      తొలగించు
    3. శ్రీ Ps Rao విట్టు బాబు గారికి ప్రణామాలు.

      తొలగించు
    4. కోట రాజశేఖర్ గారూ,
      మీ పూరణ అద్భుతంగా ఉన్నది. అభినందనలు.

      తొలగించు
  7. బింబాధర జానకి పరి
    రంభిత సుగుణగణరాశి రాకేందుముఖిన్
    బంభరవేణిని మను సం
    రంభను పెండ్లాడెను రఘురాముడు ప్రీతిన్!

    మను సంరంభము = పెండ్లి యనగనేర్పడు తొట్రుబాటు

    ప్రత్యుత్తరంతొలగించు
    ప్రత్యుత్తరాలు
    1. సీతాదేవి గారూ,
      మీ పూరణ బాగున్నది. అభినందనలు.
      'మను సంరంభను' అన్నపుడు 'మను' అంటే?

      తొలగించు
    2. నమస్సులు గురువర్యా! పైన వివరణ యిచ్చితిని మనువు యనగ పెండ్లి కనుక పెండ్లియనే తడబాటుతో కూడిన జానకినియని నా భావన!
      సరియైన దేనా?

      తొలగించు

    3. దంభము హెచ్చగామదిని దానవ వీరుడు లంకపాలుడే
      కుంభిని పుత్రికన్ వనిని కూటపు నీతిని దొంగలించగా
      జృంభిత శౌర్యశాలియగు శ్రీవిభుడాతడు భండనమ్మునన్
      ఢింభుడు రావణున్ దునిమి ఠీవి నపార మమోఘమౌ యశో
      రంభను బెండ్లియాడె రఘురాముడు తానటు సీతమెచ్చగన్

      తొలగించు
    4. సీతాదేవి గారూ,
      మీ రెండవ పూరణ ప్రశస్తంగా ఉన్నది. అభినందనలు.
      మీ మొదటి పూరణలో 'మనువు' అన్నది తెలుగు పదం. అందులోని 'వు' తొలగించి 'మను సంరంభను' అని సమాసం చేయరాదు.

      తొలగించు
    5. ధన్యవాదములాచార్యా! సవరించెదను!🙏🙏🙏

      తొలగించు
    6. శంభుశర భంగమున, పరి
      రంభిత సుగుణగణరాశి రాకేందుముఖిన్
      యంబర మంటిన ఘన వి
      భ్రంభను పెండ్లాడెను రఘురాముడు ప్రీతిన్!

      తొలగించు
  8. శుంభద్వీరుడు రాముడు
    శంభుని వింటిని నడిమికి శకలమొనర్చెన్ ;
    గుంభిజ ; నవచైత్ర శుభా
    రంభను పెండ్లాడెను రఘురాముడు ప్రీతిన్ .

    ప్రత్యుత్తరంతొలగించు
  9. కుంభి ని రాజ కుమారు లు
    శంభు ని శర ము ను విరువ క చతికిల పడ గా
    సంబర మున విరిచి యు భూ
    రంభ ను పెండ్లాడెను రఘు రాముడు ప్రీతి న్

    ప్రత్యుత్తరంతొలగించు
  10. గాంభీర్యమె రూపెత్తిన
    దంభము లెన్నడు బలుకని దశరథ సుతుడే
    శంభో! యందమున విజిత
    "రంభను బెండ్లాడెను రఘురాముఁడు ప్రీతిన్."
    ***)(***
    (విజిత రంభ = అందమున రంభను గెల్చిన సొగసు కత్తె)

    ప్రత్యుత్తరంతొలగించు
  11. దంభముఁజూపిరి పలువురు
    శుంభద్రాజన్యు లచట! శుభమని హరువిల్
    కుంభించిఁద్రుంచి సీతన్,
    రంభనుఁబెండ్లాడెను రఘురాముడు ప్రీతిన్

    ప్రత్యుత్తరంతొలగించు
    ప్రత్యుత్తరాలు
    1. ప్రసాద రావు గారూ,
      మీ పూరణ బాగున్నది. అభినందనలు.
      సీతను పెండ్లాడాడు సరే... మరి 'రంభను' అన్నదానికి అన్వయం?

      తొలగించు
    2. సీతయే రంభ ఆమె అపురూప లావణ్యవతి సౌందర్యవతి కనుక రంభ అని తలంచటం నాభావన

      తొలగించు
    3. నా భావన తప్పైతే క్షమించండి

      తొలగించు
    4. అటువంటప్పుడు "సీతారంభను" (సీత అనే రంభను - రూపకం, లేదా రంభవంటి సీతను - ఉపమానోత్తర పద కర్మధారయం) అనవచ్చు. 'సీతన్ రంభను' అంటే ఇద్దరినీ అనే అర్థం వస్తుంది.

      తొలగించు
  12. డింభక! నలకూబరుడే
    రంభనుబెండ్లాడెను,రఘురాముఁడు ప్రీతిన్"
    శంభుని ధనువును విరిచియు
    రంభయు,సీతమ్మసతిని రహిచే పట్టెన్

    ప్రత్యుత్తరంతొలగించు
    ప్రత్యుత్తరాలు
    1. సుబ్బారావు గారూ,
      మీ పూరణ బాగున్నది. అభినందనలు.
      కాని 'రంభయు' అన్నదానికి అన్వయం?

      తొలగించు
  13. శంభుని విల్లును కనుగొని
    జృంభించి మునిపనుపునను ఛేదించి దృతిన్
    శాంభవినిన్ గొలుచు మనో
    రంభను బెండ్లాడెను రఘురాముఁడు ప్రీతిన్

    ప్రత్యుత్తరంతొలగించు
    ప్రత్యుత్తరాలు
    1. అన్నపరెడ్డి వారూ,
      మీ పూరణ బాగున్నది. అభినందనలు.
      'ధృతిన్'... టైపాటు.

      తొలగించు
  14. కందం
    శంభుని వింటిని ద్రుంచుచు
    నంబుజ నేత్రజనితంపు నంబుకమంటన్
    జృంభిత సౌరభ హృత్సం
    రంభను బెండ్లాడెను రఘురాముఁడు ప్రీతిన్

    ప్రత్యుత్తరంతొలగించు
  15. బంభర వేణియున్మరియుబాదపపుష్పపు సౌకుమార్యమున్
    దంభము లేశమాత్రమయినదానొడగూడకయుండునా

    రంభను బెండ్లియాడె రఘురాముఁడు తానటు సీత మెచ్చఁగన్
    శంభుని జాపమున్విరుగసారెనులాగ ఫెళ్ళనంగగన్

    ప్రత్యుత్తరంతొలగించు
    ప్రత్యుత్తరాలు
    1. సుబ్బారావు గారూ,
      మీ ప్రయత్నం ప్రశంసనీయం.
      రెండవ, నాల్గవ పాదాలలో గణదోషం. అన్వయదోషం కూడా ఉంది. మరో ప్రయత్నం చేయండి.

      తొలగించు
  16. గు రు మూ ర్తి ఆ చా రి
    ,,,,,,,,,,,,,,,,,,,,,,,,,,, ,,,,,,,,,,,,,,,,


    శంభుడు సారసోద్భవుడు సర్వదివౌకస సంచయమ్ము > ని

    ర్దంభ గుణాధికున్ రఘుకులాధిపు సన్నుతి జేయు చుండ సం

    రంభవిహీనుడై హరశరాసన భంగ మొనర్చె || నప్పు డా

    బంభరవేణి - జానకిని - పావన రూపిణి (న్) - నిర్మల స్మరా

    రంభను > బెండ్లియాడె రఘురాముడు తా నటు సీత మెచ్చగన్


    స్మరము = ప్రేమ , ప్రణయము , [ ఆంధ్ర భారతి ]

    స్మరారంభను= ప్రణయ సంకల్పము గల దానిని

    రఘుకులాధిపుడు , శరాసనము = అఖండశబ్దము లైనందున

    { రెండవ - మూడవ పాదములలో అఖండ యతి చేకూర్చడ మైనది }

    ప్రత్యుత్తరంతొలగించు
  17. ఢింభుడొకడు పలికె నిటుల,
    రంభను బెండ్లాడెను రఘురాముఁడు ప్రీతిన్"
    స్తంభమున బుట్టె స్కందుడు.
    శంభుసుతుడు రమను బిల్చె సరసంబాడన్

    ప్రత్యుత్తరంతొలగించు
  18. అంభోజాక్షుఁడు ఘనుఁడు వి
    జృంభిత నయనారవింద సీతాసతి నా
    యంభోజానన రుచి జిత
    రంభను బెండ్లాడెను రఘురాముఁడు ప్రీతిన్


    శంభుని విల్లు ద్రుంచి భుజ సత్వ మహాత్ముఁడు మేటి ధన్వి యా
    రంభ మనంగ దైత్యవర రావణ హత్యకుఁ జిత్త మందునన్
    శాంభవి నిల్పి యున్న సతి జానకి సమ్మద సత్రపా స సం
    రంభను బెండ్లియాడె రఘురాముఁడు తానటు సీత మెచ్చఁగన్

    ప్రత్యుత్తరంతొలగించు
  19. శంభుని విల్లు ద్రుంచి యట శాత్రవుఁ గుండెలు తల్లడిల్లగన్
    గుంభక పౌరు లెల్లఁ దమ గుప్పిలి సేసలు జల్లుచుండగా
    గుంభిని పోకడ ధిక్కరించుచును కోమలి సౌరులు మించుచుండగన్
    రంభను, బెండ్లియాడె రఘురాముఁడు తానటు సీత మెచ్చఁగన్

    ప్రత్యుత్తరంతొలగించు
    ప్రత్యుత్తరాలు
    1. రవీందర్ గారూ,
      మీ పూరణ బాగున్నది. అభినందనలు.
      మూడవ పాదంలో గణదోషం. సవరించండి.

      తొలగించు
  20. జృంభిత కేసరీంద్రుడు యశోభరితుండగు రామచంద్రుడా
    కుంభిని పుత్రికన్ కుసుమ కోమలినిన్ వెస మెచ్చి చాపమున్
    సంభరితమ్ముగా విరిచి సద్గుణ శాలురు బల్కినంతటన్
    రంభను బెండ్లియాడె రఘురాముఁడు తానటు సీత మెచ్చఁగన్

    దోష పరిహరణకు ఒక్కొక్క పర్యాయం ముందుగా
    అరటి చెట్టుతొ వివాహం చేస్తారుట

    ప్రత్యుత్తరంతొలగించు
    ప్రత్యుత్తరాలు
    1. భాస్కరమ్మ గారూ,
      మీ పూరణ బాగున్నది. అభినందనలు.
      కాని మీరు చెప్పిన వృత్తాంతం అవాల్మికం కదా!

      తొలగించు
  21. శంభుని చాపము యెత్తగ
    ఆంభర వాసులును మెచ్చ?నానందమ్మున్
    బంబర వేణియు సీతా
    రంభను బెండ్లాడెను రఘురాముడు ప్రీతిన్

    ప్రత్యుత్తరంతొలగించు
    ప్రత్యుత్తరాలు
    1. ఈశ్వరప్ప గారూ,
      మీ పూరణ బాగున్నది. అభినందనలు.
      "చాపము నెత్తగ" అనండి. 'అంభరవాసులు'...? "మెచ్చ నానందమునన్" అనండి.

      తొలగించు
  22. శంభుని విల్లటు విరువగ
    కుంభిని జనులెల్ల మెచ్చ కోమలి సీతన్
    జృంభిత నుతగుణ వర ప్రా
    రంభను బెండ్లాడెను రఘురాముఁడు ప్రీతిన్

    ప్రత్యుత్తరంతొలగించు
  23. ఉత్పలమాల
    అంబరమంటు గోపురము నాలయమందున రామమూర్తికిన్
    సంబరమంది భద్రగిరి సార్థక మౌనటు తీర్చు గోపడే
    బంభర వేణియౌ కమల వారిజ నేత్రయె నొప్ప యౌవనా
    రంభను బెండ్లియాడె! రఘురాముఁడు తా నటు సీత మెచ్చఁగన్

    ప్రత్యుత్తరంతొలగించు



  24. శంభుడు పెండ్లాడెను తా

    రంభను, బెండ్లాడెను రఘురాముఁడు ప్రీతిన్

    శంభుని విల్లునువిరిచి

    యంభోరుహనయననచట నందరు జూడన్.



    శంభుడు బ్రహ్మచారిగను శాంతత తోడను చెంత చేరి తా

    రంభను బెండ్లియాడె రఘురాముఁడు తానటు సీత మెచ్చఁగన్

    శంభుని విల్లుద్రుంచితను సర్వులు మెచ్చుచు నుండయవ్వనా

    రంభను పెండ్లియాడెను సురాసుర లెల్లరు జూచుచుండగాన్.

    ప్రత్యుత్తరంతొలగించు
    ప్రత్యుత్తరాలు
    1. ఉమాదేవి గారూ,
      మీ రెండు పూరణలు బాగున్నవి. అభినందనలు.
      కాని రెండింటిలోను 'శంభుడు రంభను పెళ్ళాడటం' అర్థం కాలేదు.
      మొదటి పూరణ మూడవ పాదంలో గణదోషం. "శంభుని విల్లును విరిచియు? నంభోరుహ..." అనండి.
      రెండవ పూరణలో 'తను' అన్న ప్రయోగం సాధువు కాదు. "విల్లు ద్రుంచియును" అనండి.

      తొలగించు
  25. అంభోరుహనేత్రను నాఁ
    బంభరవేణిని వధువును భామిని సీతన్
    జృంభిత భర్తృవ్రత సమా
    రంభను బెండ్లాడెను రఘురాముఁడు ప్రీతిన్

    ప్రత్యుత్తరంతొలగించు
  26. సవరించిన పద్యం : ధన్యవాదములు గురువుగారూ !

    శంభుని విల్లు ద్రుంచి యట శాత్రవుఁ గుండెలు తల్లడిల్లగన్
    గుంభక పౌరు లెల్లఁ దమ గుప్పిలి సేసలు జల్లుచుండగా
    గుంభినిఁ ధిక్కరించుచును కోమలి సౌరులు మించుచుండగన్
    రంభను, బెండ్లియాడె రఘురాముఁడు తానటు సీత మెచ్చఁగన్

    ప్రత్యుత్తరంతొలగించు
    ప్రత్యుత్తరాలు
    1. రవీందర్ గారూ,
      మీ రెండు పూరణలు బాగున్నవి. అభినందనలు.
      మొదటి పూరణ మొదటి పాదం చివర అరసున్న అవసరం లేదు.

      తొలగించు

  27. ..........సమస్య
    *రంభను బెండ్లాడెను*
    *రఘురాముఁడు ప్రీతిన్*

    *సీతా శక్తి*

    సందర్భము: వెలిగిపోయే శక్తియే సీత. శక్తి అంటే పరాశక్తి; ఇచ్ఛాశక్తి జ్ఞానశక్తి క్రియాశక్తి. అంతే గాక ఉత్సాహ శక్తి, ప్రభు శక్తి, మంత్ర శక్తి.
    సీత చెలరేగిన దుష్కార్యాలతో కూడిన రావణాది రాక్షసుల జీవితాలను హరించే ఆరంభం కలిగినది. చక్కని గుణగణాలయొక్క పరీరంభం కలిగినది. పరీరంభం లేదా పరిరంభం అంటే కౌగిలింత.
    అటువంటి సీతాదేవిని రఘు రాముడు పెండ్లాడినాడు.
    ~~~~~~~~~~~~~~~~~~~~~~~
    శుంభత్ శక్తిని, సీతను

    జృంభిత దుష్కృత్య దనుజ జీవన హర ణా

    రంభను, సుగుణ గణ పరీ

    రంభను బెండ్లాడెను రఘు రాముఁడు ప్రీతిన్

    🖋~డా.వెలుదండ సత్యనారాయణ

    ప్రత్యుత్తరంతొలగించు
  28. పట్టాభిషేకముతో ( విశ్వంభర ) కీర్తి కన్యకను వివాహమాడినాడనే అర్థముతో........

    దంభము లేనివాఁడు సతతమ్మును ధర్మ పరాయణత్త్వ సం
    రంభత యున్నవాఁడు గుణ లక్షణ తత్త్వమెరుంగువాఁడు వి
    శ్వంభర నామధేయుఁడయి శాశ్వత కీర్తి సుకన్యకా సమా
    రంభను బెండ్లియాడె రఘురాముఁడు తానటు సీత మెచ్చఁగన్

    ధర్మము = ధర్మము, విల్లు
    గుణము = సద్గుణము, వింటిత్రాడు

    ప్రత్యుత్తరంతొలగించు
  29. క్రొవ్విడి వెంకట రాజారావు:

    జృంభించుచు సభ నందున
    శంభుని చాపమ్ము విఱిచి సంతోషముతో
    కుంభినీ సుత సీతా
    రంభను బెండ్లాడెను రఘురాముడు ప్రీతిన్

    ప్రత్యుత్తరంతొలగించు

  30. ....సమస్య
    *రంభను బెండ్లాడెను*
    *రఘురాముఁడు ప్రీతిన్*

    *సీతాగ్ని*

    సందర్భము: శంభుని మిత్రుడు.. విష్ణువు. నరునిగా దిగి వచ్చినాడు. అతడే రాముడు. శంభుని భక్తుడు రావణుడు. అసురుడుగా తయారైనాడు.
    వారిద్దరి నడుమ అగ్ని భగ్గు మన్నది. ఆ అగ్నియే సీత. ఆమెనే రఘురాముడు పెండ్లాడినాడు. ఆమె లేకపోతే ఆ యిద్దరి నడుమ వైరమే లేదు కదా!
    ~~~~~~~~~~~~~~~~~~~~~~~
    శంభుని మిత్రుడు నరు డట!

    శంభుని భక్తు డసురు డట!

    జనకుడు దున్నన్

    సంభవ యట! సీ తాగ్న్యా

    రంభను బెండ్లాడెను రఘు

    రాముఁడు ప్రీతిన్

    🖋~డా.వెలుదండ సత్యనారాయణ

    ప్రత్యుత్తరంతొలగించు