మురళీ కృష్ణ గారు నమస్సులు. మంచి పద్యము నందించినారు. కాని మంచి పూరణ కానేరదని నా యభిప్రాయము. అర్థానుస్వారమున్నపుడు “తుమ్ములు”, లేనిచో “దుమ్ములు”. సమస్యా పాదములో లేని యర సున్నను బాద మధ్యమునఁ జేర్చిన నియమ భంగమే కదా.
ఒక విలక్షణమైన అర్థభేదం ధ్వనిస్తున్నట్లు తోచి అట్లు వ్రాసితిని.. దీనిని పూరణముగా గాక మంచి పద్యముగా పరిగణింపవలసినదిగా కోరుచు.... నమస్సులతో...... మురళీకృష్ణ
గురువర్యులు శ్రీ కంది శంకరయ్య గారి శంకరాభరణం సమస్యాపూరణ :: నేటి సమస్య సంఖ్య-2630 సమస్య :: *దుగ్ధపయోధి మధ్యమున దుమ్ములు రేగె నదేమి చిత్రమో.* పాలసముద్రంలో చిత్రంగా దుమ్ములు చెలరేగినాయి అని చెప్పడం ఈ సమస్యలో ఉన్న విరుద్ధమైన అర్థం. సందర్భం :: అమృతంకోసం దేవతలు రాక్షసులు కలసి పాలసముద్రాన్ని చిలికేటప్పుడు ఆ సముద్రంలోని జలచరాలలో కొన్ని మరణించాయి. అస్థిపంజరాలుగా మారినాయి. ఆ జలచరాల ఎముకలు పైకి విసరివేయబడుతూ ఉన్నాయి అని విశదీకరించే సందర్భం.
కామేశ్వర రావు గారూ, మీ రెండు పూరణలు అద్భుతంగా ఉన్నవి. అభినందనలు. ఇక తుమ్ములు, దుమ్ములు గురించి.... మీ వాదన సమంజసమే. అయితే నేను కావాలనే అక్కడ అర్ధానుస్వారం పెట్టలేదు. ఒక అవధానంలో పృచ్ఛకుడు ఈ సమస్యను ఇచ్చాడనుకుందాం. అంటే మౌఖికంగా చెప్పాడు. విన్న అవధాని అక్కడ అరసున్న ఉన్నదా? అని అడగలేదు. అడగకపోవడానికి కారణం అరసున్నతో తుమ్ములు గానో, అది లేకుండా దుమ్ములు గానో పూరించడానికి సానుకూలంగా ఉంటుందని! నేను కూడా మిత్రులు తుమ్ములు, దుమ్ములు అని దేనితో పూరించినా స్వీకరిస్తున్నాను. మన మిత్రులలో ఎక్కువమంది అర్ధానుస్వారాన్ని తమ పద్యాలలో ప్రయోగించడం లేదు కదా!
అంగణము : తెలుగు నిఘంటువు తెలుగు-తెలుగు (జి.ఎన్.రెడ్డి-ఆం.ప్ర.సా.అ.) 1979 Report an error about this Word-Meaning సంస్కృత విశేష్యము 1. ఇంటిముందు చోటు, ముంగిలి. 2. ప్రదేశము.
సందర్భము: జీవు డేనాటికైనా దేవునితో సంయోగం చెందాల్సిందే! అలా సంయోగం చెందనీయకుండా అడ్డు వచ్చే అన్య భావా లన్నీ జన్మ పరంపరలోనికి లేదా కష్టాలలోనికే తోసివేస్తాయి. అటువంటి ఆలోచనలు ధూళి లాంటివి. ఆ ధూళి తెరలు కన్నులకు కమ్ముకున్నట్టైతే కంటి కెదురుగా వున్నప్పటికీ సత్యం కనిపించదు. సత్య స్వరూపుడే కదా పరమాత్ముడు! రుక్మిణి అన్నయైన రుక్మిది యిదే మనస్తత్వం. అందుకే రుక్మిణిని శిశుపాలుని కిచ్చి వివాహం జరిపింతా మనుకున్నాడు. రుక్మిణి హృదయమేమో పాల సముద్రం లాంటిది. అందులో ఆ దుమ్ము ముసురు కుంటున్నది. ఐతేనేం! చింతించాల్సిన పని లేదు. ఎందుకంటే పాల సముద్రంలో ఎవరు శయనిస్తారో చెప్ప నక్కర్లేదు. కృష్ణ పరమాత్ముడే అందులో హాయిగా పవళించి వున్నాడు. ఆతడు సహజంగానే క్రీడా మయుడు. దుష్ట శిక్షణ, శిష్ట రక్షణ అనేవి ఆయనకు నిత్య కృత్యాలే! ఆయనే అన్నీ చూచుకోగలడు. (రుక్మిణి జీవునికి, కృష్ణుడు దేవునికి ప్రతీకలు.) ~~~~~~~~~~~~~~~~~~~~~~~ జీవ దేవ సంయో గాన్య భావ ధూళి
తామసమున దూర్వాసుడు తన్నె హరిని,
రిప్లయితొలగించండిభంగ పాటు కలిగి లక్ష్మి పరిహరించె
వేగముగ నాధుని విడచి విష్ణు పురము,
"దుగ్ధసాగరమున రేగె దుమ్ములెన్నొ
కృష్ణ సూర్యకుమార్ గారూ,
తొలగించండిమీ పూరణ బాగున్నది. అభినందనలు.
మద్దూరి రామమూర్తి అవధాని గారి పూరణ....
రిప్లయితొలగించండిస్నిగ్ధ వచోవిలాస ! సరసీరుహ గర్భ సతీ కటాక్ష స
మ్యగ్ధృత శేముషీ విరచితాష్ట వధాన మఖ ప్రహృష్ట స
ద్వాగ్ధిషణాఢ్య !ధన్యగుణ ! ప్రశ్నకు సందియమందినాడ నే
దుగ్ధ పయోధి మధ్యమున దుమ్ములు రేగెనొ ? చోద్యమయ్యెడిన్.
మద్దూరి వారూ,
తొలగించండిపృచ్ఛకుని ఎంత గొప్ప విశేషణాలతో సంబోధించారు!
మీ పూరణ అద్భుతంగా ఉంది. అభినందనలు.
(దేవదానవుల క్షీరసాగరమథనం)
రిప్లయితొలగించండిఅమృత మాశించి సురలును నసురతతియు
విసుగులేకుండ నిలబడి వివిధరీతి
లోలచిత్తత తరువంగ రొంపపట్టి
దుగ్ధసాగరమున రేగె దుమ్ములెన్నొ.
బాపూజీ గారూ,
తొలగించండిమీ పూరణ బాగున్నది. అభినందనలు.
ఎన్ని చీకటి రాత్రులొ మొన్న నిన్న
రిప్లయితొలగించండినెన్ని భీకర రణముల నెదురుకొనెనొ
చరిత భారత దేశపు తరచి చూడ
దుగ్ధసాగరమున రేగె దుమ్ములెన్నొ
ప్రభాకర శాస్త్రి గారూ,
తొలగించండిమీ పూరణ బాగున్నది. అభినందనలు.
"భరతదేశపు చరితను తరచి చూడ" అంటే ఇంకా బాగుంటుందేమో?
🙏🙏🙏
తొలగించండిమనసనెడు క్షీర సాగర మందు గాంచ
రిప్లయితొలగించండిమానవత్వమను సురలు దానవులను
స్వార్థమే సతము మధింప ఫలిత మదియె
దుగ్ధసాగరమునరేగె దుమ్ము లెన్నొ.
విరించి గారూ,
తొలగించండిమీ పూరణ బాగున్నది. అభినందనలు.
స్నిగ్ధ మనోహరం బగు సీత మదిని
రిప్లయితొలగించండియడవి కేగెడు సమయాన కడలి మించు
ఘోర నుత్తుంగ తరంగ ఘోష యనగ
దుగ్ధ సాగరమున రేగె దుమ్ము లెన్నొ
అక్కయ్యా,
తొలగించండిచక్కని పూరణ. అభినందనలు.
మొదటి, మూడవ పాదాలలో గణదోషం. "స్నిగ్ధ సుమనోహరం బగు..." అనండి. 'ఘోర + ఉత్తుంగ = ఘోరోత్తుంగ' అవుతుంది. నుగాగమం రాదు. సవరించండి.
స్నిగ్ధ సుమనోహరం బగు సీత మదిని
తొలగించండియడవి కేగెడు సమయాన కడలి మించు
ఘోరోత్తుంగ తరంగ ఘోష యనగ
దుగ్ధ సాగరమున రేగె దుమ్ము లెన్నొ
మైలవరపు వారి పూరణ
రిప్లయితొలగించండిధిగ్ధరణీధరమ్మున మథింప జనించెను తుంపరల్ మహా..
దుగ్ధపయోధి మధ్యమునఁ , దుమ్ములు రేగెనదేమి చిత్రమో
స్రగ్ధరులైన దైత్యులకు , చల్లగ దాక ముఖమ్ములందు , సం...
దిగ్ధతఁ బాశమున్ వదలి , తీసిరి పర్వులు నాల్గుదిక్కులన్ !!
దుమ్ములు కావు... తుమ్ములు
మైలవరపు మురళీకృష్ణ వెంకటగిరి
మైలవరపు వారి పూరణ అద్భుతంగా ఉన్నది. అభినందనలు.
తొలగించండిఅద్భుతమైన తుమ్ముల పూరణ!!🙏🙏🙏
తొలగించండిధన్యవాదాలండీ 🙏
తొలగించండిమైలవరపు మురళీకృష్ణ
దుమ్ముకు తుమ్మొచ్చెన్నిట!
తొలగించండితుమ్మగ తుంపరలు దగిలి దుగ్ధపయోధి
న్నమ్మైలవరపు వారే
సమ్మోహన సామ్యరూప సరసము జూపెన్!!
🙏🏻
ఈ కామెంట్‌ను రచయిత తీసివేశారు.
తొలగించండిమురళీ కృష్ణ గారు నమస్సులు. మంచి పద్యము నందించినారు. కాని మంచి పూరణ కానేరదని నా యభిప్రాయము.
తొలగించండిఅర్థానుస్వారమున్నపుడు “తుమ్ములు”, లేనిచో “దుమ్ములు”. సమస్యా పాదములో లేని యర సున్నను బాద మధ్యమునఁ జేర్చిన నియమ భంగమే కదా.
గురుతుల్యులు శ్రీ పోచిరాజు వారికి ప్రణామాలు...మీ ఆక్షేపణ సరియైనదే..
తొలగించండిఅయినను ఉచ్చారణమునందు భేదము లేకుండుటచే వ్రాసితిని..
ఒక విలక్షణమైన అర్థభేదం ధ్వనిస్తున్నట్లు తోచి అట్లు వ్రాసితిని..
దీనిని పూరణముగా గాక మంచి పద్యముగా పరిగణింపవలసినదిగా కోరుచు.... నమస్సులతో...... మురళీకృష్ణ
శివుడు సితవర్ణుడై దోచె క్షీరవార్ధి
తొలగించండియనగ , నలదిన భస్మలేపనము లేచె
దుమ్ముగా గేళిఁ , దోచె ప్రదోషమిట్లు
దుగ్ధసాగరమున రేగె దుమ్ములెన్నొ !!
మైలవరపు మురళీకృష్ణ వెంకటగిరి
రిప్లయితొలగించండిఆ.వె.
క్షీరసాగరమును మరి చిలికినపుడు
కలువ మిత్రుడు, సుధ పుట్టె ఘనముగాను;
వ్యర్థ విషము,రొదలు బుట్టె యందు;కనగ
దుగ్ధసాగరమునరేగె దుమ్ము లెన్నొ.
🌿🌿🌿 ఆకుల శాంతి భూషణ్🌷🌷
☘ వనపర్తి☘
శాంతిభూషణ్ గారూ,
తొలగించండిమీ పూరణ బాగున్నది. అభినందనలు.
"...బుట్టె నందు..." అనండి.
ఈ కామెంట్‌ను రచయిత తీసివేశారు.
తొలగించండి
తొలగించండిక్షీరసాగరమును మరి చిలికినపుడు
కలువ మిత్రుడు, సుధ పుట్టె ఘనముగాను;
వ్యర్థ విషము,రొదలు బుట్టె నందు;కనగ
దుగ్ధసాగరమునరేగె దుమ్ము లెన్నొ.
🌿🌿🌿 ఆకుల శాంతి భూషణ్🌷🌷
☘ వనపర్తి☘
మనసు నవనీతమగును !సమ్మాన్య చరిత!
రిప్లయితొలగించండిధవుడు దుర్మార్గుడై యామె దరికి రాడు
విధి విలాసముఁజూడ నివ్వెఱలుఁగల్గు!
'దుగ్ధ సాగరమున రేగె దుమ్ము లెన్నొ.'
ప్రసాద రావు గారూ,
తొలగించండిమీ పూరణ బాగున్నది. అభినందనలు.
ధన్యవాదములు
తొలగించండియోగనిద్రనున్న యోగిమనవిహారి
రిప్లయితొలగించండికర్ణజాతులయ్యి కావరమున
తండ్రితోడ ననిని తలపెట్ట పావన
దుగ్ధ సాగరమున దుమ్మురేగె!
ఆర్యా! పొరబాటు! ఆటవెలది అనుకున్నాను!
మరల వ్రాసెదను తేటగీతి!🙏🙏🙏
సుధనుగోరి జిలుక సురాసురులు వార్ధి
తొలగించండినమృతకరుడుదయించగా నద్భుతముగ
కలువరేని కతన కలుగ చలువయెంతొ
దుగ్ధసాగరమున రేగె దుమ్ములెన్నొ!
దుగ్ధపయోధి నందునతి థూర్తులు దారుణ రీతికీర్తియన్
తొలగించండిదుగ్ధత కోరగా ననిని ద్రుంచగ లేకయె శౌరివారి సం
దిగ్ధత నాదిశక్తిదగు దీవెన గన్గొని వేడగాను యా
ముగ్ధయె తోడుగానడువ మచ్చటదీరగ వానిద్రుంపగన్
దుగ్ధపయోధి మధ్యమున దుమ్ములు రేగె నదేమి చిత్రమో!
మథుకైటభుల తలలనుండి మేదిని యేర్పడిందని పురాణము!🙏🙏🙏
తొలగించండిసీతాదేవి గారూ,
తొలగించండిమీ రెండు పూరణలు బాగున్నవి. అభినందనలు.
రెండవ పూరణ భావంలో కొంత సందిగ్ధత. 'దుగ్ధత కోరగా' అంటే? 'వేడగాను + ఆ' అన్నపుడు యడాగమం రాదు.
ధన్యవాదములు గురుదేవా! కీర్తిపొందాలనే దుగ్ధతో (అసూయ, ద్వేషములతో) యుద్ధాన్ని కోరారని భావన! దుగ్ధను అంటే సరిపోతుందా? దుష్కర ప్రాసయైనందున పాట్లు!🙏🙏🙏🙏
తొలగించండిగురువర్యులు శ్రీ కంది శంకరయ్య గారి శంకరాభరణం
రిప్లయితొలగించండిసమస్యాపూరణ :: నేటి సమస్య సంఖ్య-2630
సమస్య :: *దుగ్ధపయోధి మధ్యమున దుమ్ములు రేగె నదేమి చిత్రమో.*
పాలసముద్రంలో చిత్రంగా దుమ్ములు చెలరేగినాయి అని చెప్పడం ఈ సమస్యలో ఉన్న విరుద్ధమైన అర్థం.
సందర్భం :: అమృతంకోసం దేవతలు రాక్షసులు కలసి పాలసముద్రాన్ని చిలికేటప్పుడు ఆ సముద్రంలోని జలచరాలలో కొన్ని మరణించాయి. అస్థిపంజరాలుగా మారినాయి. ఆ జలచరాల ఎముకలు పైకి విసరివేయబడుతూ ఉన్నాయి అని విశదీకరించే సందర్భం.
దగ్ధము గాగ వైర, మమృతమ్మును గోరుచు వార్ధి జిల్కగా
స్నిగ్ధమనస్కులై దనుజ నిర్జరు లాశగ జేర, ప్రేక్షకుల్
ముగ్ధులు గాగ , వారిచరముల్ నశియింపగ , పైకి లేచుచున్
*దుగ్ధపయోధి మధ్యమున దుమ్ములు రేగె నదేమి చిత్రమో ?*
{దుమ్ములు = ఎముకలు}
*కోట రాజశేఖర్ పడుగుపాడు నెల్లూరు.* (22-3-2018)
రాజశేఖర్ గారూ,
తొలగించండిమీ పూరణ అద్భుతంగా ఉన్నది. అభినందనలు.
భేద భావాలు పొడ సూపి పెద్ద వైన
రిప్లయితొలగించండిచిత్త మల్ల కల్లో ల మై చింత నొ oదు
తండ్రి తలచె న దేలకో తగని భంగి
దుగ్ధ సాగ రము న రేగె దుమ్ము లేన్నో
రాజేశ్వర రావు గారూ,
తొలగించండిమీ పూరణ బాగున్నది. అభినందనలు.
దేవ దానవు లిరువురు దీక్షతోడ
రిప్లయితొలగించండినమృత ముకొరకు పాలసం ద్రమును జిలుక
"దుగ్ధసాగరమున రేగె దుమ్ములెన్నొ
కల్ప వృక్షము లాదిగా గాకయికను
దుగ్ధపయోధి మధ్యమున దుమ్ములు రేగె నదేమి చిత్రమో"
రిప్లయితొలగించండిస్నిగ్ధమ నంబుతో నరయనేదియు గాదుగనబ్బురమ్మహో
దుగ్ధము జిల్కగా వెడలె దోరము గామృత జీవరాసులే
దగ్ధము లైపయో ధినట తోరముగాగను రేగెదు మ్ములున్
సుబ్బారావు గారూ,
తొలగించండిమీ రెండు పూరణలు బాగున్నవి. అభినందనలు.
నాటకీయత యేపార నాడు దివిని
రిప్లయితొలగించండిపలు ఘటనలకు నెలవాయె పాల కడలి
ధర్మ స్థాపనా దీక్షకు దారి తీసి
"దుగ్ధసాగరమున రేగె దుమ్ములెన్నొ"
జనార్దన రావు గారూ,
తొలగించండిమీ పూరణ బాగున్నది. అభినందనలు.
'ధర్మ స్థాపనా' అన్నపుడు 'ర్మ' గురువై గణదోషం. "ధర్మమును నిల్పు దీక్షకు..." అందామా?
డా.పిట్టాసత్యనారాయణ
రిప్లయితొలగించండిస్నిగ్ధులు జేరి మోడికిని జే యన నిండు సభా సమాజమే
స్నిగ్ధ మనోహరంబె;మరి నీటను నోట్లను మంటవెట్టగా
దగ్ధము గాదు కీర్తి యనె,తత్తర పాటున; నేడు పాడిగా
దుగ్ధ పయోధి మధ్యమున దుమ్ములు రేగె నదేమి చిత్రమో!
డా.పిట్టాసత్యనారాయణ
రిప్లయితొలగించండిసప్త సంద్రములానిన స్థలిని దిరుగ
నేస్తమెక్కడ?చూపుకే; నెనరు చెదరె
భారతీయులు బలియైరి "పంచశీల
దుగ్ధ సాగరము"న రేగె దుమ్ము లెన్నొ!
డా. పిట్టా సత్యనారాయణ గారూ,
తొలగించండిమీ రెండు పూరణలు బాగున్నవి. అభినందనలు.
డా.ఎన్.వి.ఎన్.చారి 9866610429
రిప్లయితొలగించండినా ప్రశాంత సంసారమునందు జొచ్చి
బాధ పెట్టుచు బెదిరించె పడతి యొకతె
ఫేసుబుక్కున నను బుక్కు జేసి మాదు
దుగ్ధ సాగరమున రేగెదుమ్ములెన్నొ
డా. ఎన్వీయెన్ చారి గారూ,
తొలగించండిమీ పూరణ బాగున్నది. అభినందనలు.
స్వార్ధ చింతన చేత భూసారమంత
రిప్లయితొలగించండిపీల్చి పిప్పి జేసి మురికి పెంపు జేసి
నదులలోన జేర్చిరిగ మానవులు నవియె
తోయధిన్జేరగా జలదోష మయ్యె
"దుగ్ధసాగరమున రేగె దుమ్ములెన్నొ"
జలదోషము జలుబు ఐనపుడు దుమ్ములు తుమ్ములవ్వవచ్చు. ☺️
తొలగించండివిట్టుబాబు గారూ,
తొలగించండిమీ పూరణ బాగున్నది. అభినందనలు.
ఉత్పలమాల
రిప్లయితొలగించండిముగ్ధము రూపమే గనగ ముచ్చట కూరిమి మీరగా ననన్
స్నిగ్ధము నామెమోము దరి చేరగ సిగ్గుల మోహమే నగున్
దగ్ధము చేయ కోరికలు దంతుని ఊసులు మాపినా శివున్
దుగ్ధపయోధి మధ్యమున దుమ్ములు రేగె నదేమి చిత్రమో
Dr H Varalakshmi Anantha Chandham group
డా. హెచ్. వరలక్ష్మి గారూ,
తొలగించండి'శంకరాభరణం' బ్లాగు మీకు స్వాగతం పలుకుతున్నది.
మీ పూరణ బాగున్నది. అభినందనలు.
"సిగ్గుల మోహమే" అనండి. 'మాపినా' అనడం వ్యావహారికం. "మాపినన్" అనండి.
రాష్ట్ర మది చీలెను బుచికి ! రావలసిన
రిప్లయితొలగించండిడబ్బులు బుచికి! చంద్రన్న డాబు సరిగ
విసిరెను సవాలు భాజ్పాకు వెరసి ఆంధ్ర
దుగ్ధ సాగరమున రేగె దుమ్ము లెన్నొ!
జిలేబీ గారూ,
తొలగించండిమీ పూరణ బాగున్నది. అభినందనలు.
అమృతముకొరకు పోర సురాసురులట
రిప్లయితొలగించండిదుగ్ధసాగరమున రేగె దుమ్ములెన్నొ
మోహినిగ వచ్చి శౌరి సమ్మోహపరచి
రక్కసులను వంచించి సురలనుఁ గాచె
అన్నపరెడ్డి వారూ,
తొలగించండిమీ పూరణ బాగున్నది. అభినందనలు.
కలి యడు గిడఁగ ద్వేషము సెలఁగె భువినిఁ
రిప్లయితొలగించండిగూలె సంసారములు పెక్కు ఘోరముగను
సఖుల మధ్య చోద్యమ్ముగ సఖ్యత చెడె
దుగ్ధసాగరమున రేగె దుమ్ములెన్నొ
స్నిగ్ధత బూని చిల్కఁగను శీఘ్రమ పుట్టె హలాహల మ్మటన్
దగ్ధము లయ్యె మత్స్యములు తామర సంభవ షండ మెల్ల సం
దిగ్ధము కల్గె దైత్య సుర ధీర వరేణ్యుల కంత భీతినిన్
దుగ్ధపయోధి మధ్యమున దుమ్ములు రేగె నదేమి చిత్రమో
తెలుఁగు వ్రాయుట మఱచిరి తెలుఁగు ప్రజలు
తొలగించండిపెట్ట నర సున్న మఱచిన వింత నిచట
“దుగ్ధసాగరమున రేగె దుమ్ములెన్నొ”
దుమ్ము లయ్యెను జూడుమ తుమ్ము లన్ని
సాహో కామేశ్వరార్యా!
తొలగించండి🙏🏻
కామేశ్వర రావు గారూ,
తొలగించండిమీ రెండు పూరణలు అద్భుతంగా ఉన్నవి. అభినందనలు.
ఇక తుమ్ములు, దుమ్ములు గురించి....
మీ వాదన సమంజసమే.
అయితే నేను కావాలనే అక్కడ అర్ధానుస్వారం పెట్టలేదు. ఒక అవధానంలో పృచ్ఛకుడు ఈ సమస్యను ఇచ్చాడనుకుందాం. అంటే మౌఖికంగా చెప్పాడు. విన్న అవధాని అక్కడ అరసున్న ఉన్నదా? అని అడగలేదు. అడగకపోవడానికి కారణం అరసున్నతో తుమ్ములు గానో, అది లేకుండా దుమ్ములు గానో పూరించడానికి సానుకూలంగా ఉంటుందని! నేను కూడా మిత్రులు తుమ్ములు, దుమ్ములు అని దేనితో పూరించినా స్వీకరిస్తున్నాను. మన మిత్రులలో ఎక్కువమంది అర్ధానుస్వారాన్ని తమ పద్యాలలో ప్రయోగించడం లేదు కదా!
పూజ్యులు శంకరయ్య గారికి నమః పూర్వక ధన్యవాదములు.
తొలగించండిదుగ్ధపయోధి చిల్కుతరి దుర్భర మై హరి నంజుఁ గ్రక్కగా
రిప్లయితొలగించండిదగ్ధము చెందె నంగణము తద్దయు వేగ భయంకరమ్ముగా
దుగ్ధపయోధి మధ్యమున దుమ్ములు రేగె, నదేమి చిత్రమో
స్నిగ్ధత చూపి శంకరుడు శీఘ్రము గాగొనె కాలకూటమున్
అన్నపరెడ్డి వారూ,
తొలగించండిమీ పూరణ బాగున్నది. అభినందనలు.
'అంగణము' అంటే ముంగిలి అని అర్థం. మీరే అర్థంలో ప్రయోగించారు?
అంగణము : తెలుగు నిఘంటువు తెలుగు-తెలుగు (జి.ఎన్.రెడ్డి-ఆం.ప్ర.సా.అ.) 1979 Report an error about this Word-Meaning
తొలగించండిసంస్కృత విశేష్యము
1. ఇంటిముందు చోటు, ముంగిలి.
2. ప్రదేశము.
ముగ్ధమనోహరమ్ములన పుల్కలు రేపుచు కాంత కుల్కులే
రిప్లయితొలగించండిదగ్ధము జేయకాంతుని హృదజ్జువులన్,వడి కామకేళికై
ముగ్ధను మోహవారధిని ముంచుచు తేల్చెడి వేళలందు,హా
*దుగ్ధపయోధి మధ్యమున దుమ్ములు రేగె నదేమి చిత్రమో*
2.సురలసురులు మంథరము, వాసుకిని బట్టి,
చిల్క గనమృతమునుగోరి క్షీర ములను
వెడెలె హాలాహలమచట వెఱచి రంత
దుగ్ధసాగరమున రేగె దుమ్ములెన్నొ
తిరుక్కోవళ్ళూరు శ్రీహర్ష
శ్రీహర్ష గారూ,
తొలగించండిమీ రెండు పూరణలు బాగున్నవి. అభినందనలు.
'హృదజ్జువు'...?
తేటగీతి
రిప్లయితొలగించండిఅందఁగ సుధ మందర కవ్వమౌచుఁ జిలుక
దుగ్ధసాగరమున రేగె దుమ్ములెన్నొ
క్రుంగు చుండె లోనికనుచు రంగడెరిగి
కర్మఫలమంద తోడ్పడె కమఠమౌచు.
సహదేవుడు గారూ,
తొలగించండిమీ పూరణ బాగున్నది. అభినందనలు.
దుగ్ధద వల్ల గాధిజుడు దుష్కర రీతితపమ్ము జేయగన్
రిప్లయితొలగించండిదగ్ధము జేయ నెంచుచును దల్మియె మేనక నంప నప్పుడున్
స్నిగ్ధమనోహరమ్మయిన నెచ్చెలి మోమును గాంచ మౌనికిన్
దుగ్ధపయోధి మధ్యమున దుమ్ములు రేగె నదేమి చిత్రమో
విరించి గారూ,
తొలగించండిమీ పూరణ బాగున్నది. అభినందనలు.
'దుగ్ధద'...?
దుగ్ధద పాడియావు ....
తొలగించండిపాడిపసువులపాలతో బ్రతుకుచుండ?
రిప్లయితొలగించండిభార్యపిల్లలు బెరుగంగ భార్యపోరు
ఆశదోషాలు బెంచగ?నంతరాన
దుగ్ధసాగరమున రేగె దుమ్ములెన్నొ
ఈశ్వరప్ప గారూ,
తొలగించండిమీ పూరణ బాగున్నది. అభినందనలు.
క్రొవ్విడి వెంకట రాజారావు:
రిప్లయితొలగించండిసింధువు నమృతము కొఱకై చిలుకునపుడు
కామధేనువు, వెలిచెట్టు, రామ గాక
దుగ్ధసాగరమున రేగె దుమ్ములెన్నొ
వాటి నడచె హరిహరులు వాసి మీఱ
(వెలిచెట్టు= కల్పవృక్షము; రామ= లక్ష్మి )
రాజారావు గారూ,
తొలగించండిమీ పూరణ బాగున్నది. అభినందనలు.
క్రియాపదం అడచె ఏకవచనమై, కర్తృపదం హరిహరులు బహువచన మయింది.
వాటి నడఁచిరి హరిహరుల్ వాసి మీఱ అంటే సరి!
తొలగించండిశ్రీ గుండు మధుసూదన్ గారికి నమస్సులు. కృతజ్ఞతలు
తొలగించండిఈ కామెంట్‌ను రచయిత తీసివేశారు.
రిప్లయితొలగించండిమిత్రులందఱకు నమస్సులు!
తొలగించండి[రచ్చబండయొద్ద నిరువురు పండితులు శాస్త్రచర్చ చేయుచుండఁగా నక్కడఁ జేరిన గొల్లవాండ్రది యర్థముగాక నోళ్ళువెళ్ళఁబెట్టిన సందర్భము]
వాగ్ధృతశేముషీద్వితయపండితతర్కవితర్కలక్షణో
ద్దగ్ధితశాస్త్రసంభరితదారుణచర్చలు సాఁగుచుండఁగా
"దుగ్ధపయోధి మధ్యమున దుమ్ములు రేఁగె నదేమి చిత్రమో?
దగ్ధమయెన్ మన" స్సనుచుఁ దల్లడమందిరి దోగ్ధలత్తఱిన్!
🙏🙏🙏🙏🙏
తొలగించండిధన్యవాదాలండీ సీతాదేవి గారూ! _/\_
తొలగించండిమధుసూదన్ గారూ,
తొలగించండిఅద్భుతమైన పూరణ. అభినందనలు.
ధన్యవాదాలండీ శంకరయ్య గారూ!
తొలగించండిదగ్ధపరాక్రమార్భటివిదగ్ధభటాంఘ్రిసముత్థధూళి, వై దగ్ధచమూసమూహములు దార్కొన పైకెగసెం దదీయసం
రిప్లయితొలగించండిదిగ్ధసముద్రసైన్యకృతధిక్కృతగోగ్రహణాజి, నట్లుగా
దుగ్ధపయోధిమధ్యమున దుమ్ములు రేగె నదేమి చిత్రమో?.
వామ్మో!!యేమి సమాసార్భటి!!🙏🙏🙏🙏
తొలగించండిరామాచార్య గారూ,
తొలగించండిమీ పూరణ అద్భుతంగా ఉన్నది. అభినందనలు.
శంకరయ్యగారు
తొలగించండిసీతాదేవిగారు మీ
అభినందనలకు నా
అభివందనములు
మీ పటిమకు శత కోటి వందనములు
తొలగించండిపాల కడలిని మధియించ లీలగాను
రిప్లయితొలగించండివచ్చు వాటిని సమముగ పంచుకొనగ
సురలు నసురుల మధ్యన జరిగి వాదు
దుగ్ధ సాగరమున రేగె దుమ్ము లెన్నొ!!!
శైలజ గారూ,
తొలగించండిమీ పూరణ బాగున్నది. అభినందనలు.
ఉత్పలమాల
రిప్లయితొలగించండిస్నిగ్ధపు సూర్యవంశమను క్షీర సుధాంబుది శౌరి రాముడై
ముగ్ధుల జేయు రాజగుచు భూమిని నేల జనాళి కోరికన్
దుగ్ధ స్వభావ మేర్పరచి ద్రుంచఁగ మంధర కైక చిత్తమున్
దుగ్ధపయోధి మధ్యమున దుమ్ములు రేగె నదేమి చిత్రమో!
సహదేవుడు గారూ,
తొలగించండిమీ పూరణ బాగున్నది. అభినందనలు.
'సుధాంబుధి' టైపాటు. 'దుగ్ధ స్వభావ' మన్నపుడు 'గ్ధ' గురువై గణదోషం. సవరించండి.
గురుదేవులకు ధన్యవాదములు. సవరించిన పూరణ :
తొలగించండిస్నిగ్ధపు సూర్యవంశమను క్షీర సుధాంబుధి శౌరి రాముడై
ముగ్ధుల జేయు రాజగుచు భూమిని నేల జనాళి కోరికన్
దుగ్ధ వికార భావనల ద్రుంచఁగ మంధర కైక దాసియై
దుగ్ధపయోధి మధ్యమున దుమ్ములు రేగె నదేమి చిత్రమో!
నాటి పాల సంద్రము వోలె నేటి చట్ట
రిప్లయితొలగించండిసభయు కల్లోలమై శాంతి సన్నగిల్లె
రాజకీయము వేడెక్కి రచ్చ కెక్కె
దుగ్ధ సాగరమున రేగె దుమ్ములెన్నొ!
శ్రీధర రావు గారూ,
తొలగించండిచక్కని పూరణ. అభినందనలు.
గురువర్యులకుధన్యవాదములు 🙏
తొలగించండిదుగ్ధపయోధి నందునతి థూర్తులు వేడుక గీర్తినందెడిన్
రిప్లయితొలగించండిదుగ్ధను కోరగా ననిని ద్రుంచగ లేకయె శౌరివారి సం
దిగ్ధత నాదిశక్తిదగు దీవెన గన్గొని సన్నుతించ నా
ముగ్ధయె తోడుగానడువ మచ్చటదీరగ వానిద్రుంపగన్
దుగ్ధపయోధి మధ్యమున దుమ్ములు రేగె నదేమి చిత్రమో!
ఆర్యా! సవరించిన పూరణ పరిశీలించ ప్రార్ధన!
దుగ్ధ = అసూయ, ద్వేషము
సీతాదేవి గారూ,
తొలగించండిసవరించిన మీ పూరణ బాగున్నది. అభినందనలు.
ధన్యవాదములు గురుదేవా! నమస్సులు!🙏🙏🙏🙏
తొలగించండిరవీందర్ గారూ,
రిప్లయితొలగించండిమీ పూరణ బాగున్నది. అభినందనలు.
రవీందర్ గారూ,
రిప్లయితొలగించండిమీ పూరణ బాగున్నది. అభినందనలు.
రవీందర్ గారూ,
రిప్లయితొలగించండిమీ పూరణ బాగున్నది. అభినందనలు.
మూడవ పాదంలో ప్రాస తప్పింది. సవరించండి.
రిప్లయితొలగించండి.......సమస్య
దుగ్ధ సాగరమున రేగె దుమ్ము లెన్నొ..
*రుక్మిణి హృదయం పాల సముద్రం*
సందర్భము: జీవు డేనాటికైనా దేవునితో సంయోగం చెందాల్సిందే! అలా సంయోగం చెందనీయకుండా అడ్డు వచ్చే అన్య భావా లన్నీ జన్మ పరంపరలోనికి లేదా కష్టాలలోనికే తోసివేస్తాయి.
అటువంటి ఆలోచనలు ధూళి లాంటివి. ఆ ధూళి తెరలు కన్నులకు కమ్ముకున్నట్టైతే కంటి కెదురుగా వున్నప్పటికీ సత్యం కనిపించదు. సత్య స్వరూపుడే కదా పరమాత్ముడు!
రుక్మిణి అన్నయైన రుక్మిది యిదే మనస్తత్వం. అందుకే రుక్మిణిని శిశుపాలుని కిచ్చి వివాహం జరిపింతా మనుకున్నాడు.
రుక్మిణి హృదయమేమో పాల సముద్రం లాంటిది. అందులో ఆ దుమ్ము ముసురు కుంటున్నది. ఐతేనేం! చింతించాల్సిన పని లేదు.
ఎందుకంటే పాల సముద్రంలో ఎవరు శయనిస్తారో చెప్ప నక్కర్లేదు. కృష్ణ పరమాత్ముడే అందులో హాయిగా పవళించి వున్నాడు. ఆతడు సహజంగానే క్రీడా మయుడు. దుష్ట శిక్షణ, శిష్ట రక్షణ అనేవి ఆయనకు నిత్య కృత్యాలే! ఆయనే అన్నీ చూచుకోగలడు.
(రుక్మిణి జీవునికి, కృష్ణుడు దేవునికి ప్రతీకలు.)
~~~~~~~~~~~~~~~~~~~~~~~
జీవ దేవ సంయో గాన్య భావ ధూళి
కనుల గమ్మిన సత్యంబు గాన నీదు...
రుక్మి తత్వం బదే గదా! రుక్మిణి హృది
దుగ్ధ సాగరమున రేగె దుమ్ము లెన్నొ..
అయిన నే మాయె, నందులో హాయి మీర
కృష్ణ పరమాత్మ పవళించు, క్రీడ నెరపు
🖋~డా.వెలుదండ సత్యనారాయణ