7, ఆగస్టు 2018, మంగళవారం

సమస్య - 2755 (దమయంతిని...)

కవిమిత్రులారా,
ఈరోజు పూరింపవలసిన సమస్య ఇది...
"దమయంతినిఁ బెండ్లియాడె దశరథసుతుఁడే"
(లేదా...)
"దమయంతిన్ దగఁ బెండ్లియాడెను గదా ధర్మాత్ముఁ డారాముఁడే"

93 కామెంట్‌లు:


  1. సుమనస్కుడునలుడు సుమా
    దమయంతినిఁ బెండ్లియాడె, దశరథసుతుఁడే,
    సమవాయి పుడమి పట్టికి
    సమజము గతియయ్యె రెండు సంగడములకున్


    జిలేబి

    రిప్లయితొలగించండి
  2. విమల చరితుండగు నలుడు
    దమయంతినిఁ బెండ్లియాడె, దశరథ సుతుడే
    సుమధుర గాత్రుడు చేగొనె
    సుమకోమలి సీతకరము సురలు పొగడగన్.

    రిప్లయితొలగించండి
  3. మైలవరపు వారి అద్భుత పూరణ

    స్థిమితాంతఃకరణుండు గాధిజ శుభాశీర్వాదసంపన్నుడై
    విమలుండై శివకార్ముకమ్ముఁ గొని తా భేదింప , భూజాత వి
    భ్రమమందన్ ,
    మిథిలేశదంపతులు దెల్పన్ తత్సభన్ పేర్మితోఁ
    దమ యంతిన్ ., దగఁ బెండ్లియాడెను గదా ధర్మాత్ముఁ డారాముఁడే"

    అంతి.... సంతోషము

    మైలవరపు మురళీకృష్ణ వెంకటగిరి

    రిప్లయితొలగించండి
    రిప్లయిలు
    1. స్తిమితాంతఃకరణుండు... అని గమనింప మనవి 🙏🙏

      ..మైలవరపు మురళీకృష్ణ

      తొలగించండి
    2. విలక్షణమైన విరుపుతో మైలవరపు వారి పూరణ అద్భుతంగా ఉన్నది. అభినందనలు.

      తొలగించండి
  4. విమలము నలమా రాజట
    దమయంతినిఁ బెండ్లియాడె , దశరధ సుతుఁడే
    రమణీ మణిసీత నుగని
    మమకారము పొంగె నంట మాలిమి తోడన్

    రిప్లయితొలగించండి
    రిప్లయిలు
    1. అక్కయ్యా,
      విరుపుతో మీ పూరణ బాగున్నది. అభినందనలు.
      మొదటి పాదాన్ని "విమలుడు నల భూపాలుడు" అనండి.

      తొలగించండి
  5. మింటను మెరిసెడి తారక
    కంటికి యగుపించె నంత కలవర పడగన్
    జంటగ నిలచిన చాలును
    టంటంటం టంటం టంట టమ్మనె భేరుల్
    -------------------------------

    జి.పి.య్స్. వారూ " నిన్నటి పూరణ
    అద....న్న....మాట. [అసల్ సం...గతి ..." ]

    రిప్లయితొలగించండి
    రిప్లయిలు
    1. రాజేశ్వరి గారూ:

      మొన్న "జడ కందాల" ఆవిష్కరణ లో మీ కోడలి గారిని (మనుమరాలు ?) గారినీ కలిసి మాట్లాడాను...చాలా సంతోషం

      👏

      తొలగించండి
    2. అన్నయ్యా! నీ సమస్య వాట్సప్ లో గదా! బ్లాగుకేమాయె?

      తొలగించండి
    3. బ్లాగు నిర్వాహకులు కూడా శంకరయ్య గారే కదా. వారిదే responsibility. శంకరాభరణం బ్లాగు వేల మంది చదువుతారు. వారిని ఇబ్బంది పెట్టడం మంచిది కాదు. వ్హాట్సప్ కానీ బ్లాగు కానీ, పూచీ నిర్వాహకులదే.

      తొలగించండి

    4. ప్రొటెస్టింగ్ కిడ్ :)


      జిలేబి

      తొలగించండి
    5. రాజకీయ పూరణలంటే ఉదాహరణకి...నిన్నటి "టం టం టం..." కి మీరంతా ఏవేవో ఊహించి వ్రాశారు. నేనైతే మన డిగ్గీ రాజా (పదవి ఊడి, సెక్యురిటీ ఊడి , తుస్సుమన్న దిగ్విజయ సింగ్) మీద ఒక మహా వృత్తం వ్రాసి ఉండేవాడిని ;)

      తొలగించండి

    6. ఆహా మిస్సయ్యామే ! మా ఆబకం నకు కూడా ఢోకా పడే ను.

      వెంఠనే రాసి దిగ్విజయంగా రంగంలోకి దిగేయండి మళ్ళీ :)


      జిలేబి


      తొలగించండి
    7. అక్కయ్యా,
      మీ పూరణ బాగున్నది. అభినందనలు.
      "కంటికి నగుపించె" అనండి.
      ******
      ప్రభాకర శాస్త్రి గారూ,
      రాజకీయ నాయకులపై చేసే వ్యంగ్యాత్మకమైన పద్యాలను, వ్యాఖ్యలను, కార్టూనులను చదివి ఆనందించడాని 'సెన్స్ ఆఫ్ హ్యూమర్' ఉండాలి. అది లేనివారు ఆనందించకుండా విమర్షిస్తారు. నాయకులమీద విపరీతాభిమానం ఉండేవాళ్ళు కోపానికి రావడం కద్దు. లేనిపోని వివాదాలకు, వ్యక్తిగత విమర్శలకు, పరస్పర దూషణలకు 'శంకరాభరణం' వేదిక కాకూడదని నా భావన.
      నిర్వాహకుడిగా 'పూచీ' నాదే అన్నారు. నన్నేం చేయమంటారో సూచించండి.

      తొలగించండి
    8. రాజకీయ నాయకునిది కానీ వేరెవరిది కానీ "పేరు"బెట్టి దూషణ చేసే వ్యాఖ్య మీ బ్లాగులో కానీ వ్హాట్సప్ సమూహములో కానీ కనబడిన వెంటనే ఆ వ్యాఖ్యను తొలగించండి.

      ఎందుకైనా మంచిది...ఎన్నికలు వస్తున్నాయి.

      నేను మీకు పంపిన చిత్రం లోని

      "రంగ రాయ వాస్తవ శతకము"

      మా బావ గారికి వారు హఠాతు heart attack వచ్చి surgery కొరకు hospital లో admit అయి ఉండగా చేరినదట. నాకా విషయం తెలియదు.

      ఆ శతకం చదివి నవ్వులు ఆపుకోలేక ఎగిరి పడుతూ ఉంటే surgeon విడ్డూరంగా విస్తుపోయాడట.

      కానీ ఆ శతకంలో ఒక్క పద్యాన్ని కూడా నా బ్లాగులో ప్రచురించ లేదు. మీరు గమనించే ఉంటారు...

      "Strictly for fun and limited circulation"

      అని cover page మీద వ్రాశాను. కేవలం ఐదు కాపీలు మాత్రమే ప్రింట్ చేశాను. నా వద్ద ఒక్కటే కాపీ మిగిలి ఉన్నది. ఈ సారి కలిసినప్పుడు మీకు అంద చేస్తాను.

      మీకు రాజకీయాలలో ఇష్టాయిష్టాలు లేవని నాకు తెలుసు.

      ఒక్క పద్యం మాత్రమే మహాత్మా గాంధీపై ఉన్నది:

      2. "Gandhi statue unvelied in British Parliament Square"

      ఉతికినోరు గాంధ్ని బతికినన్నాళ్ళు
      కొట్టినోరు జైల్లొ నెట్టినోరు
      చచ్చినోడి చెవులు చారడేసిగదర
      వేంకటాద్రి సుతుడ వినుర రంగ!

      తొలగించండి


    9. ఉతికెను గాంధీ గారిని
      బతికున్నప్పుడు బ్రిటీషు ప్రభుతయు సుమ్మీ
      వెతికి వెతికి శిల గట్టిర
      య తీరు గా లండనుస్క్వ్యయరులో రంగా :)






      జిలేబి

      తొలగించండి
    10. మీరందరూ శంకరాభరణం పాఠశాలలో ఇంకా చదువుకొంటూ ఉంటే, నేను పాస్ ఐపోయి డిగ్రీ తీసుకొని "పై" చదువులకు పారిపోయానోచ్!!!

      తొలగించండి


    11. न तत्र सूर्यो भाति न चन्द्रतारकं
      नेमा विद्युतो भान्ति कुतोऽयमग्निः।

      తొలగించండి

    12. ఒక్క అంధ దృతరాష్ట్రుడు ఇంత జ్ఞాననేత్రాన్ని తెరిపించేడా !

      अमि एक् जाजाबोर्

      एक् कलि दो पत्तिया :)


      जिलेबी

      తొలగించండి
    13. :)

      "తమేవ భాంతమనుభాతి సర్వం
      తస్య భాసా సర్వమిదం విభాతి"

      మీరు నాకన్నా రెండడుగులు ముందే ఉన్నారు :)

      తొలగించండి

    14. మిష్టిదొయి ఖాబేన్ ! భాలో సోబేన్ :)


      జిలేబి

      తొలగించండి
    15. ఇదేదో మీకూ జిపియెస్ గారికే అర్థమవ్వాలి 😕.

      బైదివే, మీకెన్ని / ఏయే భాషల్లో ప్రవేశం ఉంది "జిలేబి" గారూ?

      తొలగించండి
  6. తమితో నైషధపతియే
    దమయంతిని బెండ్లియాడె; దశరథసుతుడే
    రమణీమణి సీతమ్మను
    కమనీయ విధము నవమిని కరము వరించెన్

    రిప్లయితొలగించండి
    రిప్లయిలు
    1. సీతాదేవి గారూ,
      మీ పూరణ బాగున్నది. అభినందనలు.
      "తమితోడ నిషధపతియే" అనండి.

      తొలగించండి
    2. ధన్యవాదములు గురుదేవా! సవరిస్తాను!

      తొలగించండి
    3. తమితోడ నిషధపతియే
      దమయంతిని బెండ్లియాడె; దశరథసుతుడే
      రమణీమణి సీతమ్మను
      కమనీయ విధము నవమిని కరము వరించెన్

      తొలగించండి
  7. గురువర్యులు శ్రీ కంది శంకరయ్య గారి శంకరాభరణం
    సమస్యాపూరణ :: నేటి సమస్య సంఖ్య-2755
    సమస్య :: దమయంతిన్ దగఁ బెండ్లియాడెను గదా ధర్మాత్ము డా రాముడే.
    సందర్భం :: అందమునకు నిలయమైన మన్మథునికి తల్లి యగు లక్ష్మీదేవి సీతగా అవతరించింది. రావణుడు మొదలైన దైత్యరాజులపై దమన కాండను కొనసాగించ దలచింది.
    విష్ణుమూర్తి యొక్క అంశతో జన్నించినవాడు ధర్మాత్ముడు ఐన శ్రీ రాముడు పరమశివుని ధనుస్సును ఎత్తినవాడై ఆ దమయంతిని అంటే ఆ సీతను పెండ్లియాడినాడు. అని విశదీకరించే సందర్భం.
    (తన అందముచే ఇతరులను దమించునది అనగా అణచివేయునది దమయంతి అనే వ్యుత్పత్యర్థము ఆధారంగా సీతాదేవి దమయంతి యైనది అని చెప్పడం జరిగింది.)

    అమరెన్ మన్మథు మాత సీతగను తా నందమ్ముచే దైత్యరాట్
    దమనమ్మున్ కొనసాగ జేయుటకునై, దండింపగా రావణున్;
    విమలుండై శివచాప మెత్తి ఘనతన్ విష్ణ్వంశ సంభూతు డా
    ‘’దమయంతిన్ దగఁ బెండ్లియాడెను గదా ధర్మాత్ము డా రాముడే.’’
    కోట రాజశేఖర్ పడుగుపాడు నెల్లూరు. (7-8-2018)

    రిప్లయితొలగించండి
    రిప్లయిలు
    1. కోట వారూ,
      'దమయంతి' శబ్దార్థంతో విలక్షణమైన పూరణతో అలరింపజేశారు. అద్భుతంగా ఉన్నది. అభినందనలు.

      తొలగించండి
  8. నిషధ దేశపు రాజుని మదిలోన తలచి వరమాల వేయగ గఱువ నలుడు
    ప్రియ దమయంతినిఁ బెండ్లియాడె, దశరథసుతుఁడే ముక్కంటి ధనువు విరిచి
    పరిణయ మాడెను పంటవలతి పట్టిని ,శకులి యంత్రము నేర్పు తోడ
    ఛేదించి మనువాడె శ్వేతవాహనుడు పాంచాలిని ,వేల్పులు చండ మొంద
    విపినముకు చనె నల భూపతి, పితురుండు
    నానతి నిడెనని సతితో కాననమ్ము
    నకు నొకడు ,నన్న పలుక నొకడు వెడలె
    నడవికి, విధి రాతను దాట నరుల తరమ

    రిప్లయితొలగించండి
    రిప్లయిలు
    1. కృష్ణ సూర్యకుమార్ గారూ,
      కందపాదాన్ని సీసంలో ఇమిడ్చి చేసిన పూరణ బాగున్నది. అభినందనలు.
      ముగ్గురూ వనవాసం చేసిన విషయాన్ని సమన్వయపరిచిన విధానం ప్రశస్తంగా ఉన్నది.
      'రాజుని/ రాజును...'

      తొలగించండి
  9. విమలుడు సుబలుడు నలుడే
    దమయంతిని బెండ్లియాడె ; దశరథసుతుడే
    యమలన్ సీతన్ జనకజ
    ప్రమదము నిండగ గనులను బరిణయ మాడెన్ .

    రిప్లయితొలగించండి
  10. క్రొవ్విడి వెంకట రాజారావు:

    అమృతుల నాందిని నలుడా
    దమయంతిని బెండ్లియాడె; దశరథ సుతుడే
    ప్రమదాథిపు విల్లు విఱిచి
    కమనీయమ్ముగ ధరణిజ కరమందుకొనెన్

    రిప్లయితొలగించండి
    రిప్లయిలు
    1. రాజారావు గారూ,
      విరుపుతో మీ పూరణ బాగున్నది. అభినందనలు.
      'అమృతుల నాందిని'...?

      తొలగించండి
    2. అమృతుల నాందిని= దేవతల ఆశీర్వాదంతో

      తొలగించండి
  11. అమలిన ప్రేమను నలుడే
    దమయంతినిఁ బెండ్లియాడె ; దశరథసుతుఁడే
    కమలాక్షి యగు ధరణిజను
    మమకారము గరిగొనంగ మనువాడె కదా!

    రిప్లయితొలగించండి
    రిప్లయిలు
    1. జనార్దన రావు గారూ,
      విరుపుతో మీ పూరణ బాగున్నది. అభినందనలు.

      తొలగించండి
  12. అమరన్ హంసల రాయబారమది
    ప్రేమారన్ నలుండా సతీ
    దమయంతిన్ దగ బెండ్లియాడెను గదా; ధర్మాత్ముడా రాముడే
    రమణీయంబుగ తండ్రియానతిని సాలంకారి సీతమ్మకే
    ప్రమధాధీశుని చాపమున్ విరచి సౌభాగ్యమ్ము నందించెగా!

    రిప్లయితొలగించండి
  13. అమలమనస్కుడగు నలుడు
    దమయంతినిఁ బెండ్లియాడె, దశరథసుతుఁడే
    సమయించి రావణాసురు
    సమరమునను, లంకనుండి జానకి తెచ్చెన్(కాచెన్)

    రిప్లయితొలగించండి
  14. కవి పండితులు
    శ్రీ కంది శంకరయ్య గారి సమస్య
    =======================
    దమయంతిన్ దగ బెండ్లి యాడెను
    గదా ధర్మాత్ము డా రాముడే
    ========================
    నలుడి భార్యగా సుపరిచతమైన
    దమయంతిని ధర్మాత్ముడు అయిన
    రాముడు కోర్కె మీరగ వివాహం
    చేసుకున్నాడని చెప్పటంలో పరస్పర
    విరుద్ద అర్థము - సమస్య
    =========================
    సమస్యా పూరణము - 219
    ===================

    విధర్భ రాజు భీమసుత
    దమన వరప్రసాదిత నలుడి సహచరిత
    పతి యెడలన్ అనురాగ భరిత
    అందమున ఇతరులనోడించు వనిత
    దమయంతి యన అర్థములు
    పెక్కుండెను సీతగా వివరము నరయుడే
    దమయంతిన్ దగ బెండ్లి యాడెను
    గదా ధర్మాత్ము డా రాముడే

    ====##$##====

    దమనుడు అనే ముని వరప్రసాదమున
    పుట్టినదిగా, విధర్భను పాలించే భీముడి
    కూతురిగా , నలమహారాజు దేవేరిగా
    మాత్రమే కాక దమయంతి యనగా పతి
    యెడల మిక్కిలి అనురాగము గల స్త్రీ
    అనియు, తన అందముచే ఇతరులను
    అణచునది లేదా ఓడించునదనియు
    అర్థములు కలవు. అట్టి యెడ తన పట్ల
    మిక్కిలి అనురాగమును కలిగినదియు,
    గొప్ప సౌందర్యవతి అయినదియు అగు
    సీతను కోర్కె మీరగ రాముడు వివాహం
    చేసుకున్నాడని భావము.

    ( మాత్రా గణనము - అంత్య ప్రాస )
    ---- ఇట్టె రమేష్
    ( శుభోదయం )

    రిప్లయితొలగించండి


  15. నమనము లయ్యా కందివ
    ర! మరిమరి యటునిటు త్రిప్పి రామాయణమున్
    గమనము గా చూచితి యే
    దమయంతినిఁ బెండ్లియాడె దశరథసుతుఁడే ?

    జిలేబి

    రిప్లయితొలగించండి
  16. తమిగొని నాడా నలుడే
    దమయంతినిఁ బెండ్లియాడె; దశరథసుతుఁడే
    గమకించి జనకుని సభను
    శ్రమ నొందక శివుని ధనసు క్షణమున నెత్తెన్

    రిప్లయితొలగించండి
  17. విమలాత్ముండగు రామచంద్రుడు వెసన్ విశ్వాత్ము చాపమ్ము తా
    కమనీయమ్ముగఁ ద్రుంచి కొల్వునను విక్రాంతమ్ముతో శోభిలన్
    రమణీరత్నము నేలపట్టి కడు హర్షంమొంద నాజానకిన్
    దమయంతిన్ దగఁ బెండ్లియాడెను గదా ధర్మాత్ముఁ డారాముఁడే

    రిప్లయితొలగించండి
  18. సుమనస్కుండు నిషధ పతి
    దమయంతినిఁ బెండ్లియాడె దశరథసుతుఁడే
    యమిత దయ రక్ష సేసె ని
    డుమ లందు వనములఁ దిరిగెడు తరుణ మందున్


    విమలాంతఃకరణుండు సత్యరత గంభీరేద్ధ ధానుష్కుఁడున్
    సమదేభాభ సు సంప్రహార నుత సచ్చారిత్ర సీతా సతిం
    గమనీయంబుగ లక్ష్మి నాఁ బరగు సత్కాంతా మణిన్ విష్ణు చం
    దమ యంతిం దగఁ బెండ్లియాడెను గదా ధర్మాత్ముఁ డా రాముఁడే

    [అంతి = సంతోషము]

    రిప్లయితొలగించండి
    రిప్లయిలు
    1. 20/12/2017 నాటి సాదృశ సమస్యాపూరణ:
      క్రమముగ సురలను మెప్పిం
      చి మహారాజు నిషధ ధవ శేఖరుఁడు పరా
      క్రమ నలుఁడు వీరసేనుని,
      దమయంతినిఁ బెండ్లియాడె, ధర్మసుతుఁ డొగిన్

      [ధర్మసుతుఁడు = న్యాయమైన కొడుకు/ ఔరస పుత్రుఁడు]

      తొలగించండి
    2. కామేశ్వర రావు గారూ,
      మీ పూరణల గురించి ఎంత చెప్పినా తక్కువే. అద్భుతంగా ఉన్నవి. అభినందనలు.

      తొలగించండి
    3. పూజ్యులు శంకరయ్య గారికి నమః పూర్వక ధన్యవాదములు. ధన్యోస్మి.

      తొలగించండి
  19. డా.పిట్టాసత్యనారాయణ
    రమణగ యూరేగింపుల
    సమధిక శుభ రథములు పది సంపాదించెన్
    కమనీయగుణ యనాథను,
    'దమయంతిని' బెండ్లియాడె దశ రథ సుతుడే!

    రిప్లయితొలగించండి
  20. డా.పిట్టా సత్యనారాయణ
    క్షమకుం బేరును స్వచ్ఛ రూపమన తత్సాధ్వీమణీ చీరనున్
    రమణన్ వే పతి కిచ్చి గప్పుకొన మర్యాదౌనె యంచెంచ దా
    రమణీ సీతయు నార చీరల గనన్ రాణీ కుటుంబంబెంచదే!
    దమయంతిన్ దగ బెండ్లి యాడెను గదా ధర్మాత్ముడౌ రాముడే!

    రిప్లయితొలగించండి
    రిప్లయిలు
    1. డా. పిట్టా వారూ,
      మీ రెండు పూరణలు బాగున్నవి. అభినందనలు.
      మొదటి పూరణలో 'రమణగ నూరేగింపుల' అనండి.
      రెండవ పూరణ మూడవ పాదంలో గణదోషం. సవరించండి.

      తొలగించండి

  21. ఇవ్వాళ్టికి ఉల్టాయే బెటరు :) Throw the ball back to court :)



    సుమనుస్కుండగు వీరసేను సుతుడే శోభిల్ల ప్రాంగమ్ము లో
    దమయంతిన్ దగఁ బెండ్లియాడెను గదా, ధర్మాత్ముఁ డా రాముఁడే
    డ మయాన్నంబుగ గాధ లో తగలడెన్? డాంకారమున్జేసిరే
    జమగట్టేరకొ మందబుద్ధులనుచున్ స్వామీ? అవాల్మీకమి
    ద్ది మహాపాతక మైన యోచన సుమా! దిద్దండి మీ వాక్యమున్

    జిలేబి

    రిప్లయితొలగించండి
  22. విమలమనస్కుడగునలుడు
    దమయంతినిబెండ్లియాడె,దశరధసుతుడే
    సమరంబొనరిచిరావణు
    సమవర్తిన్దరికిపంపెసక్రోధనుడై

    రిప్లయితొలగించండి
  23. శ్రమకోర్చి నలుడు ప్రేమగ
    దమయంతినిబెండ్లియాడె!"దశరథసుతుడే
    మమకారంబున ప్రజలకు
    సమతుల్యత బంచిబెంచె సర్వులుమెచ్చన్"

    రిప్లయితొలగించండి
    రిప్లయిలు

    1. శ్రమకోర్చి :) దమయంతి యే వచ్చి‌ వర మాల వేస్తే ను :)


      జిలేబి

      తొలగించండి
    2. ఈశ్వరప్ప గారూ,
      మీ పూరణ బాగున్నది. అభినందనలు.
      *****
      జిలేబీ గారూ,
      స్వయంవరానికి ముందు నలుడు కొంత శ్రమపడ్డాడు. దేవతలు తమలో ఒకరిని వరించేవిధంగా దమయంతిని ఒప్పించమని నలున్నే పంపారు.

      తొలగించండి
  24. విమలుండానరపుంగవున్నలుడువేసారబ్రేమోద్భటిన్
    దమయంతిన్ధగబెండ్లియాడెనుగదా,ధర్మాత్ముడారాముడే
    క్షమకున్భారమువీడగాదలచియాక్షణంబెమూకుమ్మడి
    న్సమవర్తిన్దరిజేర్చెనాఖలులదాసారించివిల్లంబులన్

    రిప్లయితొలగించండి
    రిప్లయిలు
    1. విమలుండౌ నర దేవుఁ డా నలుఁడు సంప్రీతిన్ సతీరత్న మా
      దమయంతిందగఁ బెండ్లి యాడెను గదా,ధర్మాత్ముఁ డా రాముఁడే
      క్షమకు న్భారము తీర్పగాఁ దలఁచి తత్కాలంబ మూ కుమ్మడి
      న్సమవర్త్యంకము సేర్చె నా ఖలులఁ దా సారించి నారిన్ వడిన్

      తొలగించండి
    2. సుబ్బారావు గారూ,
      మీ సోదరుల సవరణతో మీ పూరణ మనోహరంగా ఉన్నది. అభినందనలు.

      తొలగించండి
  25. కమనీయంబుగ నలుడట
    దమయంతిని పెండ్లియాడె; దశరథ సుతుడే
    సుమశోభిత యగుచు వరలు
    రమణిన్ సీతను గొనుచు విరాజిలె భువిలో!

    రిప్లయితొలగించండి
  26. విమల గుణోపేతను, పూ
    త మహీనందినిని, జనక తనయను, సీతన్
    రమాకృతిని, దుర్భావపు
    దమయంతిని బెండ్లి యాడె దశరథ సుతుడే

    శమయంతిని, సుగుణమ్ముల
    రమయంతిని, మైథిలిని, ధరా ప్రియ సూనన్
    విమలాత్మను, కుగుణమ్ముల
    దమయంతిని బెండ్లి యాడె దశరథ సుతుడే

    రిప్లయితొలగించండి
    రిప్లయిలు
    1. విజయకుమార్ గారూ,
      మీ రెండు పూరణలు బాగున్నవి. అభినందనలు.
      మొదటి పూరణ మూడవపాదం ప్రారంభంలో జగణం వేయరాదు కదా!

      తొలగించండి
  27. విమలాత్ముండగు రాఘవుండెగద శ్రీవిష్ణుస్వరూపుండటన్
    రమయే పుట్టెను సీతయై ముదముతో రామున్ వరింపంగ నా
    కమలాక్షుండట చాపమెత్తి సుదతిన్ కామాక్షియౌ జానకిన్
    దమ యంతిన్ దగ బెండ్లియాడెను గదా ధర్మాత్ముడా రాముడే

    రిప్లయితొలగించండి
  28. గురుదేవులు శ్రీ సూరం వారికి ప్రణామాలతో..

    విమలాత్మిక, జనకజ, నా
    కమలాలయ, బైడినెలత, క్ష్మాసుత, సీతన్
    సుమతి సునీతి నహంతా
    *"దమయంతినిఁ బెండ్లియాడె దశరథసుతుఁడే"*

    రిప్లయితొలగించండి



  29. అమలిన మనమున్న నలుడు
    దమయంతినిఁ బెండ్లియాడె,దశరథసుతుఁడే
    ప్రమథాధిపు ధనువెత్తగ
    సుమనసులటమెచ్చ కురిసె సుమవర్షంబే.

    రిప్లయితొలగించండి
  30. కందం
    కమనీయమైన నటనన్
    సమర్థులన పాత్ర పేరె సార్థకమైనన్
    సమకూర వధూవరులుగ
    దమయంతినిఁ బెండ్లియాడెదశరథసుతుఁడే

    మత్తేభవిక్రీడితము
    కమనీయమ్మగు వారివౌ నటనలన్గౌశల్యమున్ జూపగన్
    తమవౌ పాత్రల పేర్లు సార్థకమునై ధన్యత్వ మున్ బొందగన్
    రమణీయమ్మగు పెండ్లి వేదిననిరేరంజిల్లుచున్ బ్రేక్షకుల్
    "దమయంతిన్ దగఁ బెండ్లియాడెను గదా ధర్మాత్ముఁ డారాముఁడే"

    రిప్లయితొలగించండి
    రిప్లయిలు
    1. సహదేవుడు గారూ,
      మీ రెండు పూరణలు ప్రశస్తంగా ఉన్నవి. అభినందనలు.

      తొలగించండి
  31. డా.పిట్టా సత్యనారాయణ
    క్షమకుం బేరును స్వచ్ఛ రూపమన తత్సాధ్వీమణీ చీరనున్
    రమణన్ వే పతి కిచ్చి గప్పుకొన మర్యాదౌనె యంచెంచ దా
    రమణీ సీతయు నార చీరల గనన్ రాణీ కుటుంబంబెంచదే!
    దమయంతిన్ దగ బెండ్లి యాడెను గదా ధర్మాత్ముడౌ రాముడే!

    రిప్లయితొలగించండి
  32. డా.పిట్టాసత్యనారాయణ
    రమణగ యూరేగింపుల
    సమధిక శుభ రథములు పది సంపాదించెన్
    కమనీయగుణ యనాథను,
    'దమయంతిని' బెండ్లియాడె దశ రథ సుతుడే!

    రిప్లయితొలగించండి
    రిప్లయిలు
    1. డా. పిట్టా వారూ,
      మీ రెండు పూరణలు బాగున్నవి. అభినందనలు.
      మొదటి పూరణ మూడవ పాదం చివర గణదోషం.
      రెండవ పూరణలో 'రమణగ నూరేగింపుల' అనండి.

      తొలగించండి
  33. డా}.పిట్టా నుండి
    ఆర్యా, ధన్యవాదములు.2వపూ.3వ పాదంలో "రాణీ కుటుంబీకయే" తో సవరణ

    రిప్లయితొలగించండి
  34. ...............🌻శంకరాభరణం🌻...............
    ..................🤷🏻‍♂సమస్య🤷‍♀....................
    దమయంతినిఁ బెండ్లియాడె దశరథసుతుఁడే

    సందర్భము: శమయంతి దమయంతి అర్థా లందరికీ తెలిసేట్టుగా సులభంగా గుర్తుం చుకునేలా తేలికైన పద్యం..
    ==============================
    శమ మింద్రియ నిగ్రహ మగు..
    శమయంతినిఁ బెండ్లి యాడె జనక సుపుత్రిన్..
    దమము మనో నిగ్రహ మగు..
    దమయంతినిఁ బెండ్లియాడె దశరథ సుతుఁడే

    ✒~ డా. వెలుదండ సత్య నారాయణ
    7-8-18
    """""""""""""""""""""""""""""""""""""""""""""""""""""

    రిప్లయితొలగించండి
  35. కమనీయమ్మగు రామగాథనటతా క్రమ్మించి వైరుధ్యమున్
    తిమురున్ మీరగ రంగనాయకమ భల్ తేల్చంగ వైషమ్యునన్
    యమలోకమ్ముకు నేగుచున్ పలికెతా నానందమొప్పారగా:👇
    "దమయంతిన్ దగఁ బెండ్లియాడెను గదా ధర్మాత్ముఁ డారాముఁడే"

    రిప్లయితొలగించండి