గురువర్యులు శ్రీ కంది శంకరయ్య గారి శంకరాభరణం సమస్యాపూరణ :: నేటి సమస్య సంఖ్య-2838 సమస్య :: నరక నిహంత యయ్యె గద నాగగళుం డగజాత మెచ్చగన్. *నరకుని శివుడు చంపినాడు. అప్పుడు పార్వతి మెచ్చుకొన్నది* అని చెప్పడం ఈ సమస్యలో ఉన్న విరుద్ధమైన అర్థం. సందర్భం :: వరదుడు భక్తవత్సలుడు పశుపతి ఐన బోళాశంకరుడు. హాలాహలమును తాను మ్రింగి అందఱి ప్రాణములను కాపాడిన మహాదేవుడు. ఐతే లోక కల్యాణ కారిగా ప్రశాంత మూర్తిగా కనిపించే పరమ శివుడు ఒక్కొక్కప్పుడు ప్రళయ కాల రుద్రుడై లయకారకుడై దుష్టశిక్షణ చేస్తాడు. తారకాసురుని కుమారులు అగు విద్యున్మాలి తారకాక్షుడు కమలాక్షుడు అనే ముగ్గురు రాక్షసులు మయుడు నిర్మించి యిచ్చిన మూడు నగరములలో ఉంటూ లోకములను పీడిస్తూ ఉండగా ఆ త్రిపురములను త్రినేత్రుడు తన పాశుపతాస్త్రముతో ముక్కలు ముక్కలుగా నరకి వేశాడు. త్రిపుర నిహంత అయ్యాడు. అప్పుడు ప్రక్కనే ఉన్న పార్వతి తన భర్తయైన ఆ త్రిపురాంతకుని గొప్పగా మెచ్చుకొన్నది అని త్రిపురాసుర సంహార ఘట్టమును విశదీకరించే సందర్భం.
satyanarayana@gmail.com డా. పిట్టా సత్యనారాయణ అయ్యగారి గుండు యచ్చము శివలింగ మన్నరీతి ముడిడ హా!యిదేమి? విరుపు కథ మరొకటి విప్పెనా"ముప్పాళ"(రంగనాయకమ్మ) "నరక హంతకుండు గరళగళుడు?!"
మరువగ లేని పద్ధతిని మంచిగ కృష్ణుడు సత్యభామతో నరక నిహంత యయ్యెఁ గద;...నాగగళుం డగజాత మెచ్చఁగన్ బరువు సమస్య లిచ్చుచును వందలు వేలును కందివర్యుడై మురియుచు నుండు మోదమున ముచ్చట మీరగ భాగ్యనగ్రిలో :)
సందర్భము: శ్రీ కృష్ణుడు నరకాసురు నితో చివరి మాటగా ఇలా అంటున్నాడు. "నేను సాక్షిమాత్రుణ్ణే! శివుని యాజ్ఞ లేనిదే చీమైనా కుట్టదు గదా! నే నెవణ్ణి నిన్ను చంపడానికి? గరళ కంఠుడే చంపేవాడు.. చివరి క్షణంలో శివుణ్ణి తలుచుకో!"
ఒకే భావం రెండు భిన్నమైన పద్యాల్లో చెప్పడం యిందులోని విశేషం. మొదటిది ఆటవెలది.. రెండవది తేటగీతి.. ~~~~~~~~~~~~~~~~~~~~~~~ "నేను గాదు.. శివుని యానతి లేకుండఁ జీమయయినఁ గుట్టునే! మరువకు.. నరక! హంతకుండు గరళ గళుడు సుమా! శివునిఁ దలచుకొనుము చివరి క్షణము" 1
"శివుని యానతి లేకుండఁ జీమయయినఁ గుట్టునే! నిన్నుఁ జంపగాఁ గోరఁ.. గాని, మరువక శివుని స్మరియించు నరక! హంత కుండు గరళ గళుడు సుమా! కువలయమున" 2
✒~డా.వెలుదండ సత్యనారాయణ 6.11.18 -----------------------------------------------------------
సందర్భము: మాన్యశ్రీ కపిలవాయి లింగమూర్తి గారు ఈ నాటి సాయంత్రం.. దివిజ కవివరు గుండియల్ డిగ్గు రనగ.. అమర పురి కేగినారు. ఎన్నో సాహితీ దీపాలను వెలిగించిన ఆ దీపం దీపావళి నాడు ఆరిపోయింది. వారి ఆత్మకు శాంతి కలుగు గాక! ~~~~~~~~~~~~~~~~~~~~~~~ *దివ్య లోకములకు దీపావళిన్ బిల్చు*
*కొనిరి లింగ మూర్తి గురుని బ్రీతి..*
*బ్రాహ్మి.. పద్మ.. గౌరి.. పద్మ సంభవుడును..*
*నరక హంతకుండు.. గరళ గళుఁడు..*
✒~డా.వెలుదండ సత్యనారాయణ 6.11.18 -----------------------------------------------------------
కైటభాంత కుండు! కరినేస్తి!వెన్నుడా
రిప్లయితొలగించండినరక హంతకుండు, గరళగళుఁడు!
నాగ భూష ణుoడు! నటరాజు! సతతము
నవని లోన మదన హంతకుండు,
కృష్ణ సూర్యకుమార్ గారూ,
తొలగించండిమీ పూరణ బాగున్నది. అభినందనలు.
'కరినేస్తి' దుష్టసమాసం. సవరించండి.
తల్లి జంపె నంట తనయుడు నరకుని
రిప్లయితొలగించండిపూర్వ జన్మ శాప పున్నె మనగ
మారు డనగ వాని మట్టుపర చెనంట
నరక హంత కుండు గరళ గళుఁడు
అక్కయ్యా,
తొలగించండిమీ పూరణ బాగున్నది. అభినందనలు.
'శాప పున్నెము' దుష్టసమాసం. "శాపపు ఫల మనగ" అనండి.
కొంత అన్వయలోప మున్నది.
చింతా రామకృష్ణారావు గారి పద్యం.....
రిప్లయితొలగించండికవన కుతూహలంబు కలుగంగ సమస్యలనిచ్చుచుండు ప్రా
భవమున శంకరయ్య. కవిపాళిని పెంచెడి కల్పవల్లిగా.
కవుల మనంబులంగెలుచు కందిగనీవయి కాచు మమ్ములన్
ప్రవిమల సద్వధాన శతపత్ర మహాకృతి! భారతీసతీ!
నమస్కారములు
తొలగించండిపండితులకు పండితులే సాటి .చాలా బాగుంది.
దీవించి అక్క
అద్భుతం!
తొలగించండి__/\__
అరయగ తెలియునుర సరిగ కృష్ణుండగు
రిప్లయితొలగించండినరక హంతకుండు; గరళగళుఁడు
వరలుచుండు గదర పార్వతీశుడగుచు...
పరువు బోవు నిటుల ప్రశ్నలిడగ :)
ప్రభాకర శాస్త్రి గారూ,
తొలగించండిమీ పూరణ బాగున్నది. అభినందనలు.
రిప్లయితొలగించండిదీపావళి శుభాకాంక్షలతో
సత్య భామ తోడు సమితిని కృష్ణుడు
నరక హంతకుండు, గరళగళుఁడు
కొండచూలి తోడు గుబ్బలివిలుకాడు
మదనరిపువు గాదె మదిరనయన!
జిలేబి
జిలేబీ గారూ,
తొలగించండిమీ పూరణ బాగున్నది. అభినందనలు.
చరకు డనెడివాడు నరకుడన్ మిత్రున
రిప్లయితొలగించండికనియె వరములంది యాకసమున
దిరుగు దుష్టులైన త్రిపురదైత్యులకును
నరక! హంతకుండు గరళగళుఁడు
మూర్తి గారూ,
తొలగించండినరక శబ్దాన్ని సంబోధనగా చేసిన మీ పూరణ వైవిధ్యంగా, ప్రశస్తంగా ఉన్నది. అభినందనలు.
(నరకాసురారి- త్రిపురాసురారి)
రిప్లయితొలగించండిగరుడుని పైన నేగి హరి
కర్కశభావుడు శిష్టపీడుడౌ
నరకనిహంత యయ్యె గద ;
నాగగళుం డగజాత మెచ్చగన్
బురహరుడయ్యె దుర్మదవి
మోహితదైత్యుల జీల్చివైవగా
మురహరినే శరమ్ముగను
పోడిమి నేసి ప్రయోగదక్షతన్ .
బాపూజీ గారూ,
తొలగించండివిరుపుతో మీ పూరణ అద్భుతంగా ఉన్నది. అభినందనలు.
నిరతము జీవకోటులకు నిస్తులపీడలు గూర్చుచుండి యీ
రిప్లయితొలగించండిధరపయి దుర్మదాంధుడయి దైత్యబలంబున సంచరించ నా
హరి యట కృష్ణుడై నిలిచి యంగనతోడ మహాహవంబునన్
నరక నిహంత యయ్యెఁ గద నాగగళుం, డగజాత మెచ్చఁగన్"
మూర్తి గారూ,
తొలగించండిమీ పూరణ మనోహరంగా ఉన్నది. అభినందనలు.
చన్ను మొనల లోని ఛందము తోడుగ
రిప్లయితొలగించండిపూతన యసువులు యపూపము వలె
ఆరగించెను లయ కారుండు, వాడమ్మ
నరక హంతకుండు గరళగళుఁడు
🙏🙏🙏🌹🌷🌹
బాలకృష్ణ గారూ,
తొలగించండిమీ పూరణ బాగున్నది. అభినందనలు.
'...యసువుల నపూపము వలె' అనండి.
గురువు గారికి వందనము... సరి చేసాను
తొలగించండి🙏🙏🙏🌹🌹🌹
చన్ను మొనల లోని ఛందము తోడుగ
పూతన యసువుల నపూపము వలె
ఆరగించెను లయ కారుండు, వాడమ్మ
నరక హంతకుండు గరళగళుఁడు
రిప్లయితొలగించండిఅరయగ రెండు గాధలివి! హంతకులయ్యిరి పుణ్యపూరుషుల్
సరసన ప్రాపు సత్య యన సంగరమందున నల్లనయ్య తా
నరక నిహంత యయ్యెఁ గద, నాగగళుం డగజాత మెచ్చఁగన్
మరుని భళా,జిలేబి తునుమాడెను ధ్యానము నడ్డగింపగా
జిలేబి
జిలేబీ గారూ,
తొలగించండిమీ పూరణ బాగున్నది. అభినందనలు.
(అరయగ పూరణాగతిని నంజయ జూపిన పద్ధతిన్ భళా!
రిప్లయితొలగించండివిరిసిన మందహాసమును విట్టగు నేనిక పూర్తి చేసెదన్)
వరములనేకముం గలుగ వారిజ నేత్రల మోహమందునన్
ధరకును భారమై సుతుడు దానవ చేష్టలఁ బెల్లుమీఱగన్
హరి తన దారఁ గూడి చనె నా రణమందున విక్రమించుచున్
*"నరక నిహంత యయ్యెఁ గద, నాగగళుం డగజాత మెచ్చఁగన్"*
విట్టుబాబు గారూ,
తొలగించండిమీ పూరణ బాగున్నది. అభినందనలు.
నరక చతుర్దశి శుభాకాంక్షలతో...
రిప్లయితొలగించండిఆ.వె
నరులు జరుపుచుంద్రు నరకచతుర్దశి
హరియె కాగ నరక హంతకుండు,
కామహంతకుండె గాని మనకు కాడు
నరకహంతకుండు గరళగలుడు.
మల్లేశ్వర్ గారూ,
తొలగించండిమీ పూరణ బాగున్నది. అభినందనలు.
మహామాయ గూడి మదనారి ముదమున
రిప్లయితొలగించండిసర్వ లోకములను చక్కబెట్టు
నెంచి చూడ నతడె యెల్లరి యజ్ఞాన
నరక హంతకుండు గరళగళుడు!
సీతాదేవి గారూ,
తొలగించండిమీ పూరణ బాగున్నది. అభినందనలు.
మొదటి పాదం మొదటి గణం (మహా) వగణ మయింది. అక్కడ హగణం కాని, నగణం కాని ఉండాలి కదా?
అవును గురువుగారూ! మహిత మాయ యనిన సరిపోవునా?
తొలగించండిసత్య తోడు రాగ శౌరి యయ్యె ను గద
రిప్లయితొలగించండినరక హంత కుండు ; గరళ గ ళుడు
భక్త సులభు డ గు చు భవ బంధ ములు బాప
గిరిని వా స ముండు గిరిజ తోడ
రాజేశ్వర రావు గారూ,
తొలగించండిమీ పూరణ బాగున్నది. అభినందనలు.
మురహరి తోడ సత్యయును ముద్దుగబోయెనుఁజూడవచ్చు సం
రిప్లయితొలగించండిగరమని, శౌరి మూర్ఛిలగ కౌశలతన్ కరమందువిల్లుతో
నరియగు ధరాత్మజున్ దునిమి యద్భుతరీతిని కోమలాంగి తా
నరక నిహంత యయ్యెఁ గద నాగగళుం, డగజాత మెచ్చఁగన్
(నాగగళుండు, అగజాత ఇద్దరు మెచ్చుకొనగా
సూర్యనారాయణ గారూ,
తొలగించండిమీ పూరణ ప్రశస్తంగా ఉన్నది. అభినందనలు.
మైలవరపు వారి పూరణ
రిప్లయితొలగించండినారదుడు నరకునికి హితోపదేశం చేసినట్లు భావించి....
నరక ! నిహంత యయ్యెఁ గద నాగగళుం డగజాత మెచ్చఁగన్
బురమథనమ్మునందు , దలపోయుము దైవమె కాలరూపుడౌ!
కరుణను చిందు చూపులవి కర్కశదృక్కులునౌను ! కృష్ణుడే
హరి యను దైవమౌ , గనననంతుని నంతముఁ జేయ శక్యమే ?!!
మైలవరపు మురళీకృష్ణ వెంకటగిరి
మైలవరపు వారి పూరణ అద్భుతంగా ఉన్నది. అభినందనలు.
తొలగించండి
తొలగించండి*నీలకాయు* డొకడు *నీలకంఠు* డొకడు
*భుజగశాయి* యొకడు *భుజగధరుడు* !
*మురహరి* యననొకడు *పురహరి* యొక్కడు ,
*నరకహంతకుండు ., గరళగళుడు*!!
సత్యభామాపతి!శకటారి!వ్రజ మోహనుండు గోపాల బా లుండు యాద
రిప్లయితొలగించండివుండు (నరక హంతకుండు, గరళ గళుఁ డు!) పురారి! చంద్ర చూడుడు! నభవుడు!
బుడిబుడి తాల్పుడు !బూచులరాయుడు !జలధి తూ ణీరుoడు !జంగమయ్య
తరచి చూడగ పుష్ప ధన్వుని తనకన్ను తోపరి మార్చెను, తండ్రి యాజ్ఞ
మేర ముని వాటికకుచేరి మిన్ను లోన
రక్కసు లిరువురన్ చంపె రాఘ వుoడు
తెలుసు కొనుము, మీరు యనుచు పలికె నంత
పాఠశాలలో ముదముగా పంతు లొకడు
కృష్ణసూర్యకుమార్ గారూ,
తొలగించండిమీ పూరణ బాగున్నది. అభినందనలు.
'మీరు + అనుచు' అన్నపుడు సంధి నిత్యం. యడాగమం రాదు. "మీర లనుచు" అనండి.
దుష్ట పాలనమును తొలగించనెంచగ
రిప్లయితొలగించండిఅవతరించె హరియునవనిలోన
పాపహరణమునకు పాలకులే వీరు
నరకహంతకుండు,గరళగళుడు!!
గంగాప్రసాద్ గారూ,
తొలగించండిమీ పూరణ బాగున్నది. అభినందనలు.
గురువర్యులు శ్రీ కంది శంకరయ్య గారి శంకరాభరణం
రిప్లయితొలగించండిసమస్యాపూరణ :: నేటి సమస్య సంఖ్య-2838
సమస్య :: నరక నిహంత యయ్యె గద నాగగళుం డగజాత మెచ్చగన్.
*నరకుని శివుడు చంపినాడు. అప్పుడు పార్వతి మెచ్చుకొన్నది* అని చెప్పడం ఈ సమస్యలో ఉన్న విరుద్ధమైన అర్థం.
సందర్భం :: వరదుడు భక్తవత్సలుడు పశుపతి ఐన బోళాశంకరుడు. హాలాహలమును తాను మ్రింగి అందఱి ప్రాణములను కాపాడిన మహాదేవుడు. ఐతే లోక కల్యాణ కారిగా ప్రశాంత మూర్తిగా కనిపించే పరమ శివుడు ఒక్కొక్కప్పుడు ప్రళయ కాల రుద్రుడై లయకారకుడై దుష్టశిక్షణ చేస్తాడు.
తారకాసురుని కుమారులు అగు విద్యున్మాలి తారకాక్షుడు కమలాక్షుడు అనే ముగ్గురు రాక్షసులు మయుడు నిర్మించి యిచ్చిన మూడు నగరములలో ఉంటూ లోకములను పీడిస్తూ ఉండగా ఆ త్రిపురములను త్రినేత్రుడు తన పాశుపతాస్త్రముతో ముక్కలు ముక్కలుగా నరకి వేశాడు. త్రిపుర నిహంత అయ్యాడు. అప్పుడు ప్రక్కనే ఉన్న పార్వతి తన భర్తయైన ఆ త్రిపురాంతకుని గొప్పగా మెచ్చుకొన్నది అని త్రిపురాసుర సంహార ఘట్టమును విశదీకరించే సందర్భం.
వరదుడు భక్తవత్సలుడు భర్గుడు ప్రాణము నిల్పు నొక్కచో,
కరుణను వీడి యా విలయ కాలుడె ప్రాణము దీయు నొక్కచో,
పురములు లోక పీడ నిడ పూర్తిగ వాటిని నుగ్గు జేయ వే
నరక, నిహంత యయ్యె గద నాగగళుం డగజాత మెచ్చగన్.
కోట రాజశేఖర్ పడుగుపాడు నెల్లూరు. (6-11-2018)
కోట వారూ,
తొలగించండిమీ పూరణ అద్భుతంగా ఉన్నది. అభినందనలు.
శ్రీ గురుభ్యో నమః
తొలగించండిక్రొవ్విడి వెంకట రాజారావు:
రిప్లయితొలగించండితపము నందు మునిగి తన్మయ మొందంగ
మరులు గొల్ప నెంచి మసలి నట్టి
పచ్చవింటి వాని భస్మమ్ము గావించె
నరక హంతకుండు గరళ గళుడు
రాజారావు గారూ,
తొలగించండిమీ పూరణ బాగున్నది. అభినందనలు.
జనుల దుర్గతులను, జనన మరణములు
రిప్లయితొలగించండిపాప పుణ్యములను, పాహి పాహి
యనగ బాపు వాడు అరయ శివుడు మన
నరక హంతకుండు గరళగళుఁడు
🙏🙏🙏🌹🌷🌹
బాలకృష్ణ గారూ,
తొలగించండిమీ పూరణ బాగున్నది. అభినందనలు.
ధరకు హరివరమిడి ధరజుజంపించి యే
రిప్లయితొలగించండిపేర్వడిసె?హరుండు పెన్జలధి జ
నించిన గరళముగొని వరలె నేపేర?
నరకహంతకుండు;గరళగళుడు
శంకర్జీ గారూ,
తొలగించండిమీ క్రమాలంకార పూరణ బాగున్నది. అభినందనలు.
భేదమేమివలదు ప్రియముగా నిద్దర
రిప్లయితొలగించండిగొలువుడయ్య మీదు కోర్కెదీర
మిత్రులిరువురెపుడు, మెచ్చగాలోకాలు
నరక హంత కుండు, గరళ గళుఁడు
గోలి వారూ,
తొలగించండిమీ పూరణ బాగున్నది. అభినందనలు.
క్రొవ్విడి వెంకట రాజారావు:
రిప్లయితొలగించండిహరియట సత్యభామను సహాయముగా గొని లోకులు సంతసించగన్
నరక నిహంత యయ్యెగద; నాగగళుండగజాత మెచ్చగన్
కరివదనున్ ఘనమ్ముగ విఘాత గణమ్ములకెల్ల నీశుగా
నరుసముతోడ నిర్ణయ మొనర్చెను నందరి యొప్పు తోడుతన్
రాజారావు గారూ,
తొలగించండిమీ పూరణ బాగున్నది. అభినందనలు.
మొదటి పాదంలో గణదోషం. సవరించండి.
ఒకరు గీత నుడివి యుపకార మొనరింప
రిప్లయితొలగించండిగరళ మాని యొకరు కరుణ జూపె
నిష్ట దైవములుగ సృష్టపరతు నేను
నరక హంతకుండు ; గరళగళుఁడు
జనార్దన రావు గారూ,
తొలగించండిమీ పూరణ బాగున్నది. అభినందనలు.
'స్పష్టపరతు' టైపాటు.
గురువు గారికి నమస్కారములు. సవరించిన పద్యం:
రిప్లయితొలగించండిహరియట సత్యభామను సహాయముగా గొని లోకమెంచగన్
నరక నిహంత యయ్యెగద; నాగగళుండగజాత మెచ్చగన్
కరివదనున్ ఘనమ్ముగ విఘాత గణమ్ములకెల్ల నీశుగా
నరుసముతోడ నిర్ణయ మొనర్చెను నందరి యొప్పు తోడుతన్
రాజారావు గారూ,
తొలగించండిసవరించిన మీ పూరణ బాగున్నది. అభినందనలు.
satyanarayana@gmail.com
రిప్లయితొలగించండిడా. పిట్టా సత్యనారాయణ
అయ్యగారి గుండు యచ్చము శివలింగ
మన్నరీతి ముడిడ హా!యిదేమి?
విరుపు కథ మరొకటి విప్పెనా"ముప్పాళ"(రంగనాయకమ్మ)
"నరక హంతకుండు గరళగళుడు?!"
డా. పిట్టా వారూ,
తొలగించండిమీ పూరణ బాగున్నది. అభినందనలు.
'గుండు + అచ్చము' అన్నపుడు సంధి నిత్యం. యడాగమం రాదు. 'ముడిడ'?
satyanarayana@gmai.com
రిప్లయితొలగించండిమొర యది భిక్ష(భవతి భిక్షాందేహి)కోసమని ముద్దుగ జేరెను యన్నపూర్ణ నా
కరమున గొన్న యన్నమున కాశిని జేసెడు కృత్యమేమిటో?
అరయును మృత్యువాత బడ నందరి పాపము బాపు చర్యయే
నరక--నియంత యయ్యెగద నాగగళుండగజాత మెచ్చగన్!!
డా. పిట్టా వారూ,
తొలగించండిమీ పూరణ బాగున్నది. అభినందనలు.
'..జేరెను + అన్నపూర్ణ' అన్నపుడు సంధి నిత్యం. యడాగమం రాదు.
రిప్లయితొలగించండిసతిని గూడినట్టి చక్రధారి మహిని
నరక హంతకుండు! గరళ గళుడు
తపము చెఱచె ననుచు తక్షణమె తనదు
కన్ను తెఱచి జంపె కాముని గద!
గురువర్యులకు నమస్సులు, నిన్నటి నా పూరణ ను కూడా పరిశీలించ ప్రార్థన. ధన్యవాదములు.
మాతలకే మాత జగ
న్మాత యనగ వాణి, యుమ, రమల కలయికగా
ప్రీతిని మనమున దాల్చుచు
మాతలు మువురైన నొక్క మాత గొలుతువా!
శ్రీధర రావు గారూ,
తొలగించండిమీ రెండు పూరణలు బాగున్నవి. అభినందనలు.
వరలగలోకశుద్ధికిభవాఘముయాగము ముప్పురంబులు
రిప్లయితొలగించండిన్మరుడుజలంధరాంధకులమానుషచేష్టలుబంధనమ్ములున్
కొరకగరానికొయ్యలనకూళలు లోకములోనహెచ్చ తా
నరక,నిహంతయయ్యెగద నాగగళుండగజాతమెచ్చగన్
శంకర్జీ గారూ,
తొలగించండిమీ పూరణ ప్రశస్తంగా ఉన్నది. అభినందనలు.
నందనందనుండునాగశయనుడుసు
రిప్లయితొలగించండినరకహంతకుండు,గరళగళుడు
నాగభూషణుండునాబరగుచునిల
భక్తకోటినెపుడురక్తిజూడు
సుబ్బారావు గారూ,
తొలగించండిమీ పూరణ బాగున్నది. అభినందనలు.
ఆటవిడుపు సరదా పూరణ:
రిప్లయితొలగించండి(జిలేబి గారికి అంకితం)
మరువగ లేని పద్ధతిని మంచిగ కృష్ణుడు సత్యభామతో
నరక నిహంత యయ్యెఁ గద;...నాగగళుం డగజాత మెచ్చఁగన్
బరువు సమస్య లిచ్చుచును వందలు వేలును కందివర్యుడై
మురియుచు నుండు మోదమున ముచ్చట మీరగ భాగ్యనగ్రిలో :)
తొలగించండిఅదురహో !
ప్రభాకర శాస్త్రి గారూ,
తొలగించండిమీ ఆటవిడుపు పూరణ బాగున్నది. అభినందనలు.
రోజుకు సగటున 150 పద్యాలను పరిశించే నాకు మోద మెక్కడిది?
__/\__
తొలగించండి"శంకరశ్శంకర స్సాక్షాత్"
"శంకరుడు" అనగా మోదమునిచ్చువాడు. మీకు లేనిది మాకెలా ఇస్తారు సార్!
తొలగించండి😊
అమ్మ దిద్దె నపుడు బొమ్మను కాపుంచ
రిప్లయితొలగించండికాపు గాయుచుండె గడప వద్ద
అడ్డ గించి నపుడు ఆగ్రహమునతల
నరక హంత కుండు గరళ గళుడు
కొరుప్రోలు రాధాకృష్ణారావు
రాధాకృష్ణా రావు గారూ,
తొలగించండిమీ పూరణ బాగున్నది. అభినందనలు.
రిప్లయితొలగించండిశిష్టరక్షణమును చేయ నవతరించె
నరక హంతకుండు గరళగళుడు
తాలయకరుడగుచు ధరణి సంరక్షించు
ననరతమను చుందు రార్యులెల్ల.
రెండవ పూరణ.
భక్త జనుల బ్రోచు పరవాసుదేవుడీ
నరక హంత కుండు. గరళగళుడు
గిరిజ గూడి సతము కేళిని సలుపుచు
దురితములను బాపు ధూర్జటి కద
డా. ఉమాదేవి గారూ,
తొలగించండిమీ రెండు పూరణలు బాగున్నవి. అభినందనలు.
'అనరతము' అన్న పదం లేదు. 'అనారతము' ఉన్నది.
..............🌻శంకరాభరణం🌻...............
రిప్లయితొలగించండి..................🤷🏻♂సమస్య🤷♀....................
నరక హంతకుండు గరళగళుఁడు
సందర్భము: శ్రీ కృష్ణుడు నరకాసురు నితో చివరి మాటగా ఇలా అంటున్నాడు.
"నేను సాక్షిమాత్రుణ్ణే! శివుని యాజ్ఞ లేనిదే చీమైనా కుట్టదు గదా! నే నెవణ్ణి నిన్ను చంపడానికి? గరళ కంఠుడే చంపేవాడు.. చివరి క్షణంలో శివుణ్ణి తలుచుకో!"
ఒకే భావం రెండు భిన్నమైన పద్యాల్లో చెప్పడం యిందులోని విశేషం.
మొదటిది ఆటవెలది..
రెండవది తేటగీతి..
~~~~~~~~~~~~~~~~~~~~~~~
"నేను గాదు.. శివుని యానతి లేకుండఁ
జీమయయినఁ గుట్టునే! మరువకు..
నరక! హంతకుండు గరళ గళుడు సుమా!
శివునిఁ దలచుకొనుము చివరి క్షణము" 1
"శివుని యానతి లేకుండఁ జీమయయినఁ
గుట్టునే! నిన్నుఁ జంపగాఁ గోరఁ.. గాని,
మరువక శివుని స్మరియించు నరక! హంత
కుండు గరళ గళుడు సుమా!
కువలయమున" 2
✒~డా.వెలుదండ సత్యనారాయణ
6.11.18
-----------------------------------------------------------
డా. వెలుదండ వారూ,
తొలగించండిమీ రెండు పూరణలు ప్రశస్తంగా ఉన్నవి. ఆటవెలది పాదాన్ని తేటగీతిలో ఇమిడ్చిన రెండవ పూరణ ప్రశంసనీయం. అభినందనలు.
పరఁగి తిక్కన హరిహర నాథ యంచును
రిప్లయితొలగించండిజేసె రచన నపుడు చిత్త మలర
భేద మనఁగ లేక వెల్గుదు రిద్దఱు
నరక హంతకుండు గరళ గళుఁడు
నరముని దేవ సంఘముల నైరృతి నాథులు దుష్ట చిత్తులై
యురువుగ నేఁచు చుండగ బలోద్ధతి నీశ్వరుఁ డుత్సహించగన్
నరహరి దైత్యు లా త్రిపుర నాముల శ్రీపతి బాణ రూపుఁడై
నరక నిహంత యయ్యెఁ గద నాగ గళుం డగ జాత మెచ్చగన్
[నరక (న్) =నఱకఁగ); కదన అగ గళుండు: యుద్ధ మను చెట్టు ధూపమును పీల్చు వాఁడు]
కామేశ్వర రావు గారూ,
తొలగించండిమీ రెండు పూరణలు ప్రశస్తంగా ఉన్నవి. అభినందనలు.
పూజ్యులు శంకరయ్య గారికి నమః పూర్వక ధన్యవాదములు.
తొలగించండివిదురుడు సుయోధనుని తో శ్రీకృష్ణపరమాత్మ గురించి చెబుతూ...
రిప్లయితొలగించండిఆటవెలది
తెలియ వయ్య నీవు, త్రేతాయుగమ్మున
మూర్తులిద్దరు భువిఁ బుట్టి రనఁగ
ఇనకుల తిలకుడును హనుమంతుడను వారు
నరకహంతకుండు, గరళగళుఁడు
** ** **
చంపకమాల
తరుణుల మానముల్ గొనఁగ తాళగ లేకను పక్షినెక్కుచున్
నరకుని ద్రుంచుచున్ భువికి న్యాయము గూర్చెడు నాశయమ్ముతో
మురహరి సత్యభామఁగొని పోరున కేగియు గూల్చినంతటన్
నరక నిహంత యయ్యెఁ గద, నాగగళుం డగజాత మెచ్చఁగన్
సహదేవుడు గారూ,
తొలగించండిమీ రెండు పూరణలు బాగున్నవి. అభినందనలు.
దురమున సందియమ్మ! బువి దుష్టుల దున్మ విచారమేమి?, నీ
రిప్లయితొలగించండివరయగ వీరభూపవరవంశజు వయ్యుఁ , గిరీటి! యా నిశా
చరపరభక్తులందు వరసత్త్వవిగర్వితదుష్కృతమ్ము నో
నర! కని, హంత యయ్యె గద! నాగగళుం డగజాత మెచ్చగన్.
కంజర్ల రామాచార్య.
కోరుట్ల.
రామాచార్య గారూ,
తొలగించండిమీ పూరణ వైవిధ్యంగా, ప్రశస్తంగా ఉన్నది. అభినందనలు.
ఇహము పరము నొసగు నీశ్వరు డాతడు
రిప్లయితొలగించండిపరమ యోగి బృంద వరదు డతడు
పాప పంకిలమున తాప నరక హంత
కుండు! గరళ గళుడు! కొలుతు వాని!
శిష్ట్లా వారూ,
తొలగించండిమీ పూరణ బాగున్నది. అభినందనలు.
ఇరవుగసత్యభామనుమహీధరరాజులుమెచ్చునట్లుగా
రిప్లయితొలగించండినరకనియంతయయ్యెగద,నాగగళుండగజాతమెచ్చగ
న్గరళముద్రాగెనయ్యెడలగాదిలికోడలిమానసంబుదా
యరమరకేదియున్గనకహాయిగనుండెనునాక్షణంబునన్
సుబ్బారావు గారూ,
తొలగించండిమీ పూరణ బాగున్నది. అభినందనలు.
'దా నరమర...' అనండి.
నందనందనుండు నవనీత చోరుడే
రిప్లయితొలగించండినరక హంతకుండు, గరళగళుడు
తపము నడ్డుకొనెడు తామరతూపరిన్
బూదిగాను మార్చె క్రోధనమున!!!
శైలజ గారూ,
తొలగించండిమీ పూరణ బాగున్నది. అభినందనలు.
కరివరదుడె గాక కంసారి హరి యయ్యె
రిప్లయితొలగించండినరక హంతకుండు; గరళగళుఁడు
సురను నెమకు చుండి సురల సురులు త్రవ్వ
నరుగు దెంచ విషము నారగించె
నిన్నటి సమస్యకు నా పూరణ
మాతయి త్రిమూర్తు ల సతిగ
నాతల్లియె రూపుదాల్చె ననెదరు దుర్గన్,
యే తీరున నడిగితి రిటు
మాతలు మువురైన నొక్క మాతఁ గొలుతువా ?
సవరణతో
రిప్లయితొలగించండిశిష్టరక్షణమును చేయ నవతరించె
నరక హంతకుండు గరళగళుడు
తాలయకరుడగుచు ధరణి సంరక్షించు
నందు రార్యు లెల్ల రనవరతము
మరొక పూరణ
సత్యతోడ తాను సంతసాన మరలె
నరకహంతకుండు,గరళగళుడు
నాగభూషణుండు నగజాత తోగూడి
తాండవమ్ము నాడు తపన తోడ
మరొక పూరణ
గోప బాలుడన్న గోవిందు డన్నను
నరహంతకుండు ,గరళ గళుడు
గ్రోలి విషము తాను కూర్మితో యలనాడు
కోరి నట్టి సురల కోర్కె దీర్చె.
గు రు మూర్తి ఆ చా రి
రిప్లయితొలగించండి.,,,,,,,,,,,,,,,,,,,,,,, ,,,,,,,,,,,,,,,
ధర గల మానవావళిని తాపస సంతతి ఖేదపెట్డగన్
సరస ధరాంశ భూత యగు సత్య రథంబున గూరుచుండ , సం
గరమున ద్రుంచ గల్గె నరకాసురు గృష్ణుడు | కాన శౌరి యే
నరక నిహంత యయ్యె గద || నాగ గళుం డగజాత మెచ్చగన్
గరళము గ్రోలి విశ్వముల గాచెను | కావున స్త్రీలు లేనిచో :--
పురుషుడు చేయ జాలడు స్వబుధ్ధిగ నెట్టి కార్యమున్ ! !
~~~~~~~~~~~~~~~~~~~~~~~~~~`~~~~~~```
ఆటవెలది
రిప్లయితొలగించండివెంట నడిచి నట్టి వేణుగోపాలుండు
పాశుపతము నిడిన పరమశివుడు
క్రీడిఁ గెలువ నెంచి కృపను పంచిన వారె
నరక హంతకుండు, గరళ గళుఁడు
..............🌻శంకరాభరణం🌻...............
రిప్లయితొలగించండి..................🤷🏻♂సమస్య🤷♀....................
నరక హంతకుండు గరళ గళుఁడు
*అశ్రు నివాళి*
సందర్భము: మాన్యశ్రీ కపిలవాయి లింగమూర్తి గారు ఈ నాటి సాయంత్రం.. దివిజ కవివరు గుండియల్ డిగ్గు రనగ.. అమర పురి కేగినారు.
ఎన్నో సాహితీ దీపాలను వెలిగించిన ఆ దీపం దీపావళి నాడు ఆరిపోయింది.
వారి ఆత్మకు శాంతి కలుగు గాక!
~~~~~~~~~~~~~~~~~~~~~~~
*దివ్య లోకములకు దీపావళిన్ బిల్చు*
*కొనిరి లింగ మూర్తి గురుని బ్రీతి..*
*బ్రాహ్మి.. పద్మ.. గౌరి.. పద్మ సంభవుడును..*
*నరక హంతకుండు.. గరళ గళుఁడు..*
✒~డా.వెలుదండ సత్యనారాయణ
6.11.18
-----------------------------------------------------------