గురువర్యులు శ్రీ కంది శంకరయ్య గారి శంకరాభరణం సమస్యాపూరణ :: నేటి సమస్య సంఖ్య-2848 సమస్య :: గల గలఁ బాఱునట్టి సురగంగను మున్గినఁ గల్గుఁ బాపముల్. గంగలో మునిగితే పాపాలు కలుగుతాయి అని చెప్పడం ఈ సమస్యలో ఉన్న విరుద్ధమైన అర్థం. సందర్భం :: “విష్ణుపాదోద్భవ యైన గంగ భగీరథప్రయత్నం కారణంగా ఆకాశమునుండి అవతరించి క్రమంగా శంభుని శిరస్సును, హిమాలయాన్ని, భూతలాన్ని, సముద్రాన్ని చేరుకొని అక్కడినుండి రసాతలానికి వెళ్లింది. కపిల వాసుదేవుని కంటిమంటకు భస్మమైన అరవైవేలమంది సగరపుత్రులకు పాపప్రక్షాళనం చేసి వారికి ఉత్తమలోకాలు కలిగేటట్లు చేసింది. మహాత్ములు సాధువులు భక్తులు తనలో మునుగుతున్నందున నిత్యమూ తాను పవిత్రమై ఇతరులను పవిత్రం చేస్తూ ఉంటుంది ఈ గంగానది. పాపాత్ములు స్నానం చేసినప్పుడు వారి పాపాలు ఈ గంగలో మిగిలియుండి మనకు సంక్రమిస్తాయి అని మూర్ఖంగా ఆలోచించకుండా పవిత్ర గంగాస్నానం చేయడానికి రా” అంటూ ఒక మహాత్ముడు గంగానది యొక్క నిత్య పవిత్రతను గుఱించి విశదీకరించే సందర్భం.
బ్రహ్మ సత్యం జగన్మిథ్య అంటూ త్రికరణశుద్ధిగ ఆత్మసాగరంలో స్నానం చేస్తే పాపనాశనం అని శివుడు సురగంగనుదాల్చడంలోని ఆంతర్యం అనీ ఆబ్రహ్మాన్ని తట్టి,చూచి,అడిగిన అంత ఆత్మసాక్షాత్కారమనీ వృథాగా గంగలో కాదని భావవ్యక్తీకరణ చేశాను
డా. పిట్టా సత్యనారాయణ కలుషితమాయె చాలదని కాలియు కాలని పీన్గులీడ్చుటల్ నెలవులు గొన్న జంతు తతి నిష్ఠగ దిన్న దినాలుబోయె నా జల ఋజలెన్న బ్రీతియొకొ జచ్చిన వారికి వ్యాధి రాదు నే గలగల బారునట్టి సుర గంగను మున్గిన గల్గు పాపముల్ (పాపము॥వ్యాధి)పూర్వ జన్మ కృతం పాపం వ్యాధి రూపేన పీడితమ్
సంగమేశ్వరు పాదాల సరస నుండి
రిప్లయితొలగించండిచెంగు చెంగున త్రుళ్ళుచు చిందులిడుచు
వంగభూమికి చేరెడు బహు కలుషిత
గంగలో మున్గఁ బాపముల్ గలుగు పెక్కు
రిప్లయితొలగించండితొలగు నమ్మ జిలేబియ తొలగు వ్యధలు
గంగలో మున్గఁ, బాపముల్ గలుగు పెక్కు
మునిగి వచ్చి పిదప వెర్రి మొర్రిగ జను
లెల్ల బతుకగాను భలెభలెయని సుదతి !
జిలేబి
చేదు సొరకాయతో గంగ చేరి మునగ
రిప్లయితొలగించండిపుణ్యమేమి వచ్చు పరమ పురుష నీకు?
నేర ఘోరములనుజేసి నిక్కముగను
గంగలో మున్గఁ బాపముల్ గలుగు పెక్కు
చిత్త శుద్ధియె లేకను శివుని కొలిచి
రిప్లయితొలగించండికొంగ జపమును జేయుచు దొంగ చాటు
పనులు జేసిన మెచ్చడు భర్గు డనగ
గంగలో "ముల్గఁ "బాపముల్ గలుగు పెక్కు
-------------------------------
క్షమించాలి ఎందుకో " ముంగ " సరిగా రావటల్లేదు
ధర్మమును వీడి పూర్వోక్త కర్మలందు
రిప్లయితొలగించండితప్పు లెంచుచు జగతిలో దైవ మనెడి
వాడె లేడంచు పలుకువా డాడు నిట్లు
గంగలో మున్గఁ బాపముల్ గలుగు పెక్కు.
కలకల యంచు కుంద నెద కాపురుషుండొనగూర్చు కృత్యముల్,
రిప్లయితొలగించండివిలవిల లాడగా జనులు విఘ్నమొనర్చగ కార్యభగ్నతన్,
సులువుగ పుణ్య మెట్లొదవు, చొప్పడు నే యలస్వర్గవాసముల్?
గలగలఁ బాఱునట్టి సురగంగను మున్గినఁ గల్గు పాపముల్.
కంజర్ల రామాచార్య.
కోరుట్ల.
దొంగ జపమున విలువలు తుంగఁద్రొక్కి
రిప్లయితొలగించండిపరుల హింసించి,డబ్బులు మరిగి,పెరిగి,
మీసమును పెంచి సాత్విక మింత లేక
"గంగలో మున్గఁబాపముల్గలుగు పెక్కు"
నియమ నిష్ట లు వీడియు నీతి మాలి
రిప్లయితొలగించండిద్రోహ చింతన గల్గియు దుష్టుల గు చు
మోసము లు చేయు వార లు మూర్ఖుల గుచు
గంగ లో మున్గ బాపముల్ గలుగు పెక్కు
రిప్లయితొలగించండివలయపు జీవితమ్మిదియె వాసన, కర్మఫలమ్ము,కష్టముల్
తొలగును, కల్గు పుణ్యమిక, తొందర తొందర గా,నిజమ్ముగా
గలగలఁ బాఱునట్టి సురగంగను మున్గినఁ, గల్గుఁ బాపముల్
బలెబలె యంచు జీవితపు బాటన తప్పులు చేయ మళ్ళి సూ!
జిలేబి
ఈ కామెంట్‌ను రచయిత తీసివేశారు.
రిప్లయితొలగించండిసలసలలాడు నూనెలను
రిప్లయితొలగించండిసంతత మంపుచు ; నిష్టరీతిగా
మలినపు కంపుదేహముల
మత్తుగ గల్పుచు ; సైకతమ్ములన్
మెలకువ లేక త్రవ్వి జల
మేధము సల్పెడి ధూర్తవర్తనుల్
గలగల బారునట్టి సుర
గంగను మున్గిన ; గల్గు బాపముల్ .
గంగలోన మునగ నేల నంగ నాచి
రిప్లయితొలగించండివంగముల్లు లాగ, పెరుగు గంగ మురికి;
అంతరంగ శుద్ధియు లేక, ఆత్మ ద్రోహి
గంగలో మున్గఁ బాపముల్ గలుగు పెక్కు
డా.పిట్టా సత్యనారాయణ
రిప్లయితొలగించండి"ఇలనెటు గానగానగునదెక్కడ దైవమ"టన్న శిష్యునిన్
బలిమిని నొక్కె నీట"గురు!బైటకు రావలె"నన్నరీతిగన్
విలవిలలాడి లేచెనట విచ్చె రహస్యము దైవ చింతనన్
చలమున నన్యభావముల సాగగనీయని సాధనన్ గనన్
గలగల బారునట్టి"సురగంగ"న మున్గిన గల్గుభావముల్
గురువర్యులు శ్రీ కంది శంకరయ్య గారి శంకరాభరణం
రిప్లయితొలగించండిసమస్యాపూరణ :: నేటి సమస్య సంఖ్య-2848
సమస్య :: గల గలఁ బాఱునట్టి సురగంగను మున్గినఁ గల్గుఁ బాపముల్.
గంగలో మునిగితే పాపాలు కలుగుతాయి అని చెప్పడం ఈ సమస్యలో ఉన్న విరుద్ధమైన అర్థం.
సందర్భం :: “విష్ణుపాదోద్భవ యైన గంగ భగీరథప్రయత్నం కారణంగా ఆకాశమునుండి అవతరించి క్రమంగా శంభుని శిరస్సును, హిమాలయాన్ని, భూతలాన్ని, సముద్రాన్ని చేరుకొని అక్కడినుండి రసాతలానికి వెళ్లింది. కపిల వాసుదేవుని కంటిమంటకు భస్మమైన అరవైవేలమంది సగరపుత్రులకు పాపప్రక్షాళనం చేసి వారికి ఉత్తమలోకాలు కలిగేటట్లు చేసింది. మహాత్ములు సాధువులు భక్తులు తనలో మునుగుతున్నందున నిత్యమూ తాను పవిత్రమై ఇతరులను పవిత్రం చేస్తూ ఉంటుంది ఈ గంగానది. పాపాత్ములు స్నానం చేసినప్పుడు వారి పాపాలు ఈ గంగలో మిగిలియుండి మనకు సంక్రమిస్తాయి అని మూర్ఖంగా ఆలోచించకుండా పవిత్ర గంగాస్నానం చేయడానికి రా” అంటూ ఒక మహాత్ముడు గంగానది యొక్క నిత్య పవిత్రతను గుఱించి విశదీకరించే సందర్భం.
కలి మల దోషు లెల్ల మునుగంగనె వారల పాప మంటుటన్
గల గలఁ బాఱునట్టి సురగంగను మున్గినఁ గల్గుఁ బాపముల్
వల దిట స్నానపానమని పల్కకు మూర్ఖత, సాధు సంతు లీ
జలమున మున్గ గంగ యగు శస్తముగా, మునుగంగ రమ్మురా.
కోట రాజశేఖర్ పడుగుపాడు నెల్లూరు. (16-11-2018)
తెలిసి చేసెడుపాపముల్ తెలియనట్లు
రిప్లయితొలగించండినటనజేసెడు వారలు నాశనంబె
ఓటమెరుగని ధీరులే ఓడి వీరు
గంగలో మున్గ బాపముల్ గలుగు పెక్కు
రంగు నీరని దెల్పుచు చెంగట గల
రిప్లయితొలగించండిదొంగ సారాను త్రాగిన ధూర్త కవియె
భంగ పడ, " పుణ్యము '' లనక బలికె సభను
గంగలో మున్గఁ ''బాపముల్ '' గలుగు పెక్కు
పరమ శివుని శిరసు నుండి బయలు వెడలు
రిప్లయితొలగించండిపరమ పావనమౌ గంగ పాపహారి
పాడి కాదీ విధముగను పలుక ;నెట్లు
గంగలో మున్గఁ బాపముల్ గలుగు పెక్కు ?
రిప్లయితొలగించండిమైలవరపువారి పూరణ
గలగలఁ బాఱునట్టి సురగంగను మున్గినఁ , గల్గుఁ బాపముల్ !!
లలనలఁ గామదృష్టిఁగని లౌల్యమునందెడు వారు , మద్యమ...
త్తులు ., ధనచోరులున్ , మునుల దూషణఁ జేసెడి నిత్య దుష్ట క...
ర్ములు శివలింగమున్ నిలిపి మ్రొక్కినఁ , గొండల భక్తినెక్కినన్
గలగలఁ బాఱునట్టి సురగంగను మున్గినఁ , గల్గుఁ బాపముల్ !!
మైలవరపు మురళీకృష్ణ వెంకటగిరి
నేరముల్ చేయువార, వినీతిపరులు ,
తొలగించండిరాజకీయంపు నేతలు , త్రాగుబోతు...
లనెడి వారలు ముందుగా మునిగినట్టి
గంగలో మున్గ పాపముల్ గల్గు పెక్కు !!
మైలవరపు మురళీకృష్ణ వెంకటగిరి
కలగనియేలగుందవలె కాయమనంబునవాక్కుగర్మలన్
రిప్లయితొలగించండిపలువలుతుల్వలైచెలగిపాడొనరించిప్రజల్జలంబులన్
తలుపులశూలిలీలమతితట్టక జూడకనడ్గకన్వృథా
"గలగలఁ బాఱునట్టి సురగంగను మున్గినఁ గల్గుఁ బాపముల్"
బ్రహ్మ సత్యం జగన్మిథ్య అంటూ త్రికరణశుద్ధిగ ఆత్మసాగరంలో స్నానం చేస్తే పాపనాశనం అని శివుడు సురగంగనుదాల్చడంలోని ఆంతర్యం అనీ ఆబ్రహ్మాన్ని తట్టి,చూచి,అడిగిన అంత ఆత్మసాక్షాత్కారమనీ వృథాగా గంగలో కాదని భావవ్యక్తీకరణ చేశాను
రిప్లయితొలగించండితలపుల లోన గల్మషమె దండిగ గల్గిన మూఢ మానవుల్
రిప్లయితొలగించండికలుషము నిండియుండి కను గానక వర్తిలు నట్టి వారలున్
పలుమఱు తీర్థయాత్రలనె బాగుగ నెన్నియొ వేలు జేసినన్
"గలగలఁ బాఱునట్టి సురగంగను మున్గినఁ గల్గుఁ బాపముల్"
కలవరమొందె నేనుజన కల్మషహారిణి భీష్మమాతనే
రిప్లయితొలగించండిబిలబల పాపులందరు యభీష్టములొందగ నాపదాలనే
మలిన మొనర్చ; మీకిదియె మాతను సాపెన మిచ్చు చుంటి నే
గలగలఁ బాఱునట్టి సురగంగను మున్గినఁ గల్గు పాపముల్.
ఈ కామెంట్‌ను రచయిత తీసివేశారు.
రిప్లయితొలగించండినా ప్రయత్నం :
రిప్లయితొలగించండితేటగీతి :
స్నానమున్ జేయు ముందర నదులలోన
పలుక వలయును మంత్రము వంకలేక
వినుము దోషమ్ముగా బల్కుచును చివరకు
గంగలో మున్గఁ బాపముల్ గలుగు పెక్కు
చంపకమాల
తెలియుము బాలకా! నదులు తీయక పారుట వల్ల శుద్ధియౌ
గలగలఁ బాఱునట్టి సురగంగను మున్గినఁ దొల్గుఁ బాపముల్
పలికితి వేలమార్చి? నువు పల్కఁగ వ్రాసితిఁ దప్పుఁ జూడుమా
" గలగలఁ బాఱునట్టి సురగంగను మున్గినఁ గల్గుఁ బాపముల్ "
కర్మ బంధాలలో మున్గి కల్మషముల
రిప్లయితొలగించండినాచరించునరులకిల నంతమగును
గంగలో మున్గ బాపముల్, గలుగు పెక్కు
చర్మరోగముల్ కలుషిత జలముఁ మునగ.
పుణ్యములుగల్గుదప్పకపుణ్యపురుష!
రిప్లయితొలగించండిగంగలోమున్గ,బాపముల్గలుగుపెక్కు
పరులహింసించునాతడుభర్గుడైన
నిష్టపడకుడుకవులార!హింసజేయ
పలువురిహింసజేసిననుదప్పకనీకునుగల్గుబుణ్యముల్
రిప్లయితొలగించండిగలగలబాఱునట్టిసురగంగనుమున్గిన,గల్గుబాపముల్
యిలనువసించుబ్రాణులనునేమరుపాటుదనంబునన్గనన్
నలరెడునుమాశంకరులనర్చనజేసినబోవుపాపముల్
దైవ భక్తు భంగిఁ బరఁగి దారుణములు
రిప్లయితొలగించండిధర్మ మెంచక క్రూర కర్మమ్ము లెల్ల
వార కెన్నఁడు సేయఁ బోవ గల వయ్య
గంగలో మున్గఁ బాపముల్ గలుగు పెక్కు
వెలవెలఁ బోవ బంధు సఖ బృందము పత్తన వాసు లందఱిం
బిలుచుచు బిట్టు తిట్టుచును బీడ లొనర్చి చెలంగు చుండ వా
రల వదన చ్యుత ప్రకట రావ తరంగ సుశాప దాయులౌ
గలగలఁ బాఱునట్టి సురగంగను మున్గినఁ గల్గుఁ బాపముల్
[సురగంగ = మద్యమను గంగ]
ఆటవిడుపు సరదా పూరణ:
రిప్లయితొలగించండి(జిలేబి గారికి అంకితం)
Ganga Action Plan
కలలనుగంచు నొక్కపరి కాశికి బోవలె గంగనందునన్
జలముల మున్గి పాపములు జాహ్నవి కిచ్చెదనంచు చూడగా
పలువిధ కల్మషమ్ములటు పారగ తోచదె నివ్విధమ్మునన్:
"గలగలఁ బాఱునట్టి సురగంగను మున్గినఁ గల్గుఁ బాపముల్"
గండూరి లక్ష్మినారాయణ గారి పూరణ....
రిప్లయితొలగించండిమిలమిల తెల్ల వారగనె మేలిమి వెల్గుల సోయగంబులో
పలు పలు రీతి మానవులు పావన జాహ్నవి జేరి, పుణ్యముల్
గలగలఁ బాఱునట్టి సురగంగను మున్గినఁ గల్గుఁ , బాపముల్
మలమల మాడిపోయి జయ మంగళ మబ్బును ప్రాణ కోటికిన్.
తొలగిపోవును జనులకు తొందరగను
రిప్లయితొలగించండిగంగలో మున్గ పాపముల్ , గలుగు పెక్కు
సౌఖ్యములు సంతసమ్ములు జగతిలోన
కలుషహారిణి సురనదిన్ గనిన చాలు!!1
గు రు మూ ర్తి ఆ చా రి
రిప్లయితొలగించండి,,,,,,,,,,,,,,,,,,,,,,,,, ,,,,,,,,,,,,,,,,
విలవిల లాడుచున్ బరుల విత్తము నందెడు వారు , చెట్ట చె
య్వుల నొనరించు వారును , బరోపకృతిన్ మది నెంచనట్టి వా
రలు , గనిపించు దైవ సములన్ - గని పెంచిన యట్టి తల్లిదం
డ్రులకు నొకింత ప్రేముడిని దోమటి వెట్టుచు సాకనట్టి వా
రలు మునుగంగ > గాంగ సలిలం బిక కల్మష మయ్యె | గావునన్
గలగల బారునట్టి సురగంగను మున్గిన గల్గు పాపముల్
( దోమటి = అన్నము )
~~~~~~~~~~~~~~~~~~~~~~~~~~~~~~~~~~~~~~~~~
నాటిగంగానదియన యేనాటికైన
రిప్లయితొలగించండిదోమనాశకకారిణి!"దోషమొసగు
నేటికాలుష్యమెంతయో చేటుగూర్చ"
గంగలోమున్గ?బాపముల్ గలుగుపెక్కు!
ఈ కామెంట్‌ను రచయిత తీసివేశారు.
రిప్లయితొలగించండిధనము సమయమ్ము నెంత వృధా పఱచుచు
రిప్లయితొలగించండిధర్మ వర్తన వీడి సతమ్ము దుష్ట
భావములఁ గూడి క్రూరుఁడై బఱగుచు సుర
గంగలో మున్గఁ బాపముల్ గలుగు పెక్కు
అలరుచు శంభు శీర్షమున నద్భుత రీతిన జాలువారి లో
కుల కిల సర్వ కామ్యములు కోరిన రీతి ప్రశస్తమై చనన్
గలగలఁ బాఱునట్టి సురగంగను మున్గినఁ గల్గుఁ, బాపముల్
తొలఁగి శుభంబు జేకురు నధోగతి చెందరు లెమ్ము నమ్ముమా !
వరూధిని:
రిప్లయితొలగించండివలచితినంచు నీకడకు వచ్చియె వ్రాలిన యప్సరాగ్ర కో
మలినొకొ కౌగిటన్ నిలిపి మన్నన సేయక ధర్మపన్నముల్
బలుకుచు, లేక భూతదయ, పారుడ ద్రోతువె? కర్కశాత్ములా
గలగలఁ బాఱునట్టి సురగంగను మున్గినఁ, గల్గుఁ బాపముల్.
పలికెద రైరి పెద్దలిల పాపికి యైనను ముక్తి కాశిలో
రిప్లయితొలగించండివెలసిన విశ్వనాథుఁ మది వేడుచు చెంతన తీర్థరాజమౌ
గలగలఁ బాఱునట్టి సురగంగను మున్గినఁ గల్గుఁ , బాపముల్
దొలగును స్వార్థమున్ గలుగు దుర్మతి కైనలభించు సద్గతుల్
హిరణ్య బాహువు కురులలో కూర్చుండి ధరణి లో నడయాడు సరస సురల,
రిప్లయితొలగించండిహిరణ్య గర్భుని చరణము లోనుంచి బుట్టిన ఘనమైన పొడుగు మడుగు ,
హిరణ్మయుని వర కర కమండలమున చేరిన పుణ్య భగీరధసుత,
మూడులోకములందు ముచ్చట గా తిరుగాడెడు తల్లి గగన నిమగ్న,
తొలుగు చుండు పాపములు జనులకు నట్టి
గంగలో మున్గఁ, బాపముల్ గలుగు పెక్కు,
నేడు కలుషిత మైనట్టి నీటి లోన
మునిగి జలకములాడగ మనసు బెట్టి
డా.పిట్టా సత్యనారాయణ
రిప్లయితొలగించండికలుష పూరిత నదులు నీగన్న సుడులు
నాటి హిమజల సంపత్తి నాశనమయె
నెంచరే పాపమే వ్యాధి నేడు చూడ
గంగలో మున్గ బాపముల్గల్గు పెక్కు
డా. పిట్టా సత్యనారాయణ
రిప్లయితొలగించండికలుషితమాయె చాలదని కాలియు కాలని పీన్గులీడ్చుటల్
నెలవులు గొన్న జంతు తతి నిష్ఠగ దిన్న దినాలుబోయె నా
జల ఋజలెన్న బ్రీతియొకొ జచ్చిన వారికి వ్యాధి రాదు నే
గలగల బారునట్టి సుర గంగను మున్గిన గల్గు పాపముల్
(పాపము॥వ్యాధి)పూర్వ జన్మ కృతం పాపం వ్యాధి రూపేన పీడితమ్
ఇంగ్లీకం గల వాడనె
రిప్లయితొలగించండిఆంగ్లంబున వ్రాసెఁ ,బోతనార్యుండు కృతిన్!
మంగ్లీ వార్తల వినగ
న్నాంగ్లమ్మున నవ్విరంట నర్థముగనకన్!!
**ఇంగ్లీకం=కొంటెతనం.