గురువర్యులు శ్రీ కంది శంకరయ్య గారి శంకరాభరణం సమస్యాపూరణ :: నేటి సమస్య సంఖ్య-2859 సమస్య :: చన్నులు లేని యావులు బ్రసన్నతఁ బాల నొసంగె బానెడున్. *చన్నులు లేని {పొదుగు లేని} ఆవులు సంతోషంగా బానెడు పాలనిచ్చినాయి* అని చెప్పడం ఈ సమస్యలో ఉన్న విరుద్ధమైన అర్థం. సందర్భం :: సంస్కృతభాషలోని న్యాయములలో అజా గళ స్తన న్యాయముఅనేది ఒకటి. నిష్ప్రయోజనములు అని చెప్పవలసి వచ్చినప్పుడు పోలిక చెబుతూ ఆడు మేక మెడ క్రింద ఉండే స్తనముల వలె నిష్ప్రయోజనములు అని చెబుతూ ఉంటారు. ప్రజాం న రక్షయేద్యస్తు రాజా రక్షాదిభిర్గుణైః। అజాగళ స్తనస్యైవ తస్య జన్మ నిరర్థకమ్॥ రాజు అయినవాడు పోషణ శిక్షణ మొదలైన గొప్ప గుణములను కలిగియుండి ప్రజలను రక్షించాలి. అలా రక్షించలేకపోతే ఆ రాజుయొక్క జన్మ అజాగళస్తనతుల్యమై నిరర్థకము అవుతుంది అని పై శ్లోకమునకు భావం. ఆడుమేకవలె మెడ క్రింద నిరర్థకములైన స్తనములను ఆవులు కలిగియుండవు. అజాగళస్తనములను కలిగియుండకుండా ఆవులు సంతోషంగా సమృద్ధిగా పాలను ఇచ్చినవి అని విశదీకరించి చెప్పే సందర్భం.
చన్నులు పాల నిచ్చు గద సంతతి బ్రోవ, నజా గళస్థమౌ చన్నులు పాల నీవు గద, సార్థకతన్ గనజాలవెన్న డా చన్ను లహో! యజాళి మెడచన్నుల వోలె నిరర్థకమ్ములౌ చన్నులు లేని యావులు బ్రసన్నతఁ బాల నొసంగె బానెడున్. కోట రాజశేఖర్ పడుగుపాడు నెల్లూరు. (28-11-2018)
డా. పిట్టా సత్యనారాయణ పన్నుల నెన్ని వేసిన సెబాసను వారలె,బొక్కసంబున న్నెన్నగ లేని ద్రవ్యముల నీడ్చియు నప్పుల సంఖ్య బెంచ ముం దున్న ప్రణాళికల్ బహుగ నోపును నేతల జేబు నింపగా చన్నులు లేని యావులు బ్రసన్నత బాల నొసంగె బానెడున్
డా. పిట్టా సత్యనారాయణ వన్నెల పూర్ణపున్ బొదుగు వాసిని గానకె సేతపాలవే పన్నుగ "మేలు మేల"నుచు పద్యపు సేద్యము మాని "ప్లాస్టికౌ" సన్నని బియ్యమున్ గొనుచు సాగెను "మా వచనమ్మ"టన్న నా చన్నులు లేని యావులు బ్రసన్నత బాల నొసంగె బానెడున్
మిన్నగ సేవజేసెదను మీ పద ధూళినటంచు జెప్పి తా మెన్నికఁ గెల్వనెంచి యిల హీనుల మాటలు విన్నచాలదే కన్నులు లేనివాడు కన గల్గును గాదె సమస్త లోకమున్ చన్నులు లేని యావులు బ్రసన్నతఁ బాల నొసంగె బానెడున్
చిక్క కుండను లండను చేర నిధులు
రిప్లయితొలగించండిబక్క వోయిన రైతులు పంట లొసగ
కనగ వైపరీత్యమిదియె కంది వర్య:
చనులు లేని యావులు పాలఁ జాల నొసఁగె
ప్రభాకర శాస్త్రి గారూ,
తొలగించండిమీ పూరణ బాగున్నది. అభినందనలు.
వింత యుగమిది గాంచగ కొంత వరకు
రిప్లయితొలగించండినీలి వార్తలు వినుటకు నిలయ మయ్యె
మహిమ లందున ముంచగ మంత్ర మేమొ
చనులు లేని యావులు పాలఁ జాల నొసగె
అక్కయ్యా,
తొలగించండిమీ పూరణ బాగున్నది. అభినందనలు.
రిప్లయితొలగించండిఅరరె! వేదముల దునిమి నరరె యర్థ
ములను లాగుచుండిరచట మూల మేమి
టన్నది తెలియక నరరె టంకుతనపు
చనులు లేని యావులు పాలఁ జాల నొసఁగె!
జిలేబి
జిలేబి గారూ,
తొలగించండిమీ పూరణ బాగున్నది. అభినందనలు.
'...దునిమి యరరె... తెలియక యరరె...' అనండి.
మైలవరపు వారి పూరణ
రిప్లయితొలగించండిఅన్నలినాయతాక్షుడు మహాత్ముడు పుట్టగ , గొల్లపల్లె ప...
ల్వన్నెలు సంతరించుకొనె , వాడిన చెట్లకు పూలు పూసె , సం...
పన్నులునైరి బీదలును , *వార్ధకతన్ రసపూర్ణమైనవౌ*
*చన్నులు లేని యావులు* బ్రసన్నతఁ బాల నొసంగె బానెడున్ !
మైలవరపు మురళీకృష్ణ వెంకటగిరి
మైలవరపు వారి పూరణ అద్భుతంగా ఉన్నది. అభినందనలు.
తొలగించండికన్నుల నెంత జూచినను
రిప్లయితొలగించండిగన్గొనజాలని వింతవింతలన్
వెన్నులు జల్దరింపగను
వేలకు వేలుగ సల్పునట్టి యా
మిన్నగు నైంద్రజాలికుడు
మెచ్చగ పౌరులు మాయచేయగన్
జన్నులు లేని యావులు బ్ర
సన్నత బాల నొసంగె బానెడున్ .
జంధ్యాల వారూ,
తొలగించండిఇంద్రజాలంతో మీ పూరణ ప్రశస్తంగా ఉన్నద. అభినందనలు.
కన్నులు లేని వాడు పలు గ్రంథములన్ పఠియించె, నోటిలో
రిప్లయితొలగించండిపన్నులు లేని వాడు కటుభక్ష్యములన్ నమిలెన్, సమస్యలో
నెన్నగ కంది శంకరున కెవ్విధ మైనను సంభవమ్ములై
చన్నులు లేని యావులుఁ బ్రసన్నతఁ బాల నొసంగె బానెడున్.
కంజర్ల రామాచార్య
కోరుట్ల.
రామాచార్య గారూ,
తొలగించండిమీ పూరణ ప్రశస్తంగా ఉన్నది. అభినందనలు.
[11/28, 06:00] Shankarji Dabbikar: ఆత్మనెరిగినజ్ఞానులీయవనిజనుల
రిప్లయితొలగించండిమోహవల్లికఛేదించముదముగూర్చ
జేయరెన్నెన్నిమహిమలజేయులనగ
"చనులు లేని యావులు పాలఁ జాల నొసఁగె"
[11/28, 06:08] Shankarji Dabbikar: వింటినొకపాటమార్మికావిష్కృతమది
మూగమాట్లాడు బృందావనాగమమున
నదియెదేవునిసన్నిధానమటులెయట
"చనులు లేని యావులు పాలఁ జాల నొసఁగె"
శంకర్ గారూ,
తొలగించండిమీ రెండు పూరణలు బాగున్నవి. అభినందనలు.
రిప్లయితొలగించండిపరలోకములోని ప్రభువా!అంతా నీ దయ!
అన్నుల మిన్న జీససుని హార్దపు సాచివిలోకితమ్ముగా
తిన్నగ లేచి మెల్ల నడతెంచిరి పావర లేనివారలే
కన్నులు లేని వారలు నిఖార్సుగ చూచిరి లోకమంతయున్
చన్నులు లేని యావులు బ్రసన్నతఁ బాల నొసంగె బానెడున్!
జిలేబి
జిలేబి గారూ,
తొలగించండిమీ పూరణ బాగున్నది. అభినందనలు.
కన్నెల మానసం బునను గారడి జేయుచు మోదమం దగా
రిప్లయితొలగించండివన్నెలు జూపుచున్ మిగుల భాసుర మొప్పుచు తేజరిల్ల గన్
కన్నయ చేయలే నిదట కానిప నేమియటంచు దెల్పుమా
చన్నులు లేని యావులు బ్రసన్నతఁ బాల నొసంగె బానెడున్
అక్కయ్యా,
తొలగించండిమీ పూరణ బాగున్నది. అభినందనలు.
విన్నదిగన్నదాగలిగవిత్వసమస్యవిచారణన్నగున్
రిప్లయితొలగించండిగన్నులులేనిమావులునగమ్యముజేరెనుచిత్రచిత్రమై
"చన్నులు లేని యావులు బ్రసన్నతఁ బాల నొసంగె బానెడున్"
మిన్నగచిత్రలేఖనము మేల్భళివాక్కులతప్పుబట్టెయే
మన్ననుజెల్లుపెద్దలకమాయకబాలునినేర్పుగాంచరా
శంకర్ గారూ,
తొలగించండిమీ పూరణ బాగున్నది. అభినందనలు.
సాధ్య మయ్యె న సాధ్య మీ జగతి యనగ
రిప్లయితొలగించండిచంద్ర మండల యాత్ర యేసాగెనవని
కాళ్ళు లేనట్టి వారికి కాళ్ళు వచ్చె
చను లు లేని యావు లు పాల చాల నొసగె
రాజేశ్వర రావు గారూ,
తొలగించండిమీ పూరణ బాగున్నది. అభినందనలు.
అధిక లాభముల పుడమి నందు కొనగ
రిప్లయితొలగించండికృత్రిమపు పాలుతా మపవిత్రమదిని
సిద్ధమొనరించి మనుజుల సిరులు దోచ
చనులు లేని యావులు పాలఁ జాల నొసఁగె
ప్రభుత కనిపెట్టి దుష్టుల వంచు వరకు
అన్నపరెడ్డి వారూ
తొలగించండిమీ పూరణ బాగున్నది. అభినందనలు.
పగలు నక్షత్ర కాంతులు బంచినపుడు
రిప్లయితొలగించండిపంచబోకను నోట్లు సర్పంచిగాగ!
మూర్ఖుడానంద మందున మురిసినపుడు
చనులులేని యావులు పాల జాలనొసగె!
ఈశ్వరప్ప గారూ,
తొలగించండిమీ పూరణ బాగున్నది. అభినందనలు.
డా. పిట్టా సత్యనారాయణ
రిప్లయితొలగించండిచనువుగా వోట్ల నడుగుచు జాడ గనని
తాయిలములను బ్రకటించు దరువు జూడ
వచ్చు నీ యెన్నికలను సవాళ్ళు విసరు
చనులు లేని యావులు పాల జాల నొసగు
డా. పిట్టా వారూ,
తొలగించండిమీ పూరణ బాగున్నది. అభినందనలు.
జన్యు లోపమేమొ! పొడమె చనులు కొన్ని
రిప్లయితొలగించండియాల గళము నందున జూడ పాల నీవు
కాని యావిధముగ వాని గళము నందు
"చనులు లేని యావులు పాలఁ జాల నొసఁగె"
జనార్దన రావు గారూ,
తొలగించండిమీ పూరణ బాగున్నది. అభినందనలు.
క్రొవ్విడి వెంకట రాజారావు:
రిప్లయితొలగించండిశిలలు రాగము లొలికించి నలరు జేయ
ప్రతిమ లారగింపుల నన్ని కతుకు చుండ
వింతలకు నిలయమ్మగు విశ్వమందు
చనులు లేని యావులు పాల జాలనొసగె.
రాజారావు గారూ,
తొలగించండిమీ పూరణ బాగున్నది. అభినందనలు.
'...లొలికించి యలరజేయ' అనండి.
గురువర్యులు శ్రీ కంది శంకరయ్య గారి శంకరాభరణం
రిప్లయితొలగించండిసమస్యాపూరణ :: నేటి సమస్య సంఖ్య-2859
సమస్య :: చన్నులు లేని యావులు బ్రసన్నతఁ బాల నొసంగె బానెడున్.
*చన్నులు లేని {పొదుగు లేని} ఆవులు సంతోషంగా బానెడు పాలనిచ్చినాయి* అని చెప్పడం ఈ సమస్యలో ఉన్న విరుద్ధమైన అర్థం.
సందర్భం :: సంస్కృతభాషలోని న్యాయములలో అజా గళ స్తన న్యాయముఅనేది ఒకటి. నిష్ప్రయోజనములు అని చెప్పవలసి వచ్చినప్పుడు పోలిక చెబుతూ ఆడు మేక మెడ క్రింద ఉండే స్తనముల వలె నిష్ప్రయోజనములు అని చెబుతూ ఉంటారు.
ప్రజాం న రక్షయేద్యస్తు రాజా రక్షాదిభిర్గుణైః।
అజాగళ స్తనస్యైవ తస్య జన్మ నిరర్థకమ్॥
రాజు అయినవాడు పోషణ శిక్షణ మొదలైన గొప్ప గుణములను కలిగియుండి ప్రజలను రక్షించాలి. అలా రక్షించలేకపోతే ఆ రాజుయొక్క జన్మ అజాగళస్తనతుల్యమై నిరర్థకము అవుతుంది అని పై శ్లోకమునకు భావం.
ఆడుమేకవలె మెడ క్రింద నిరర్థకములైన స్తనములను ఆవులు కలిగియుండవు. అజాగళస్తనములను కలిగియుండకుండా ఆవులు సంతోషంగా సమృద్ధిగా పాలను ఇచ్చినవి అని విశదీకరించి చెప్పే సందర్భం.
చన్నులు పాల నిచ్చు గద సంతతి బ్రోవ, నజా గళస్థమౌ
చన్నులు పాల నీవు గద, సార్థకతన్ గనజాలవెన్న డా
చన్ను లహో! యజాళి మెడచన్నుల వోలె నిరర్థకమ్ములౌ
చన్నులు లేని యావులు బ్రసన్నతఁ బాల నొసంగె బానెడున్.
కోట రాజశేఖర్ పడుగుపాడు నెల్లూరు. (28-11-2018)
కోట రాజశేఖర్ గారూ,
తొలగించండిమీ పూరన అద్బుతంగా ఉన్నది. అభినందనలు.
శ్రీ గురుభ్యో నమః
తొలగించండిచనులు లేని యావులు పాలఁ జాల నొసఁగె"
రిప్లయితొలగించండియనెడు మాటలు వింతలేయగును నేడు
కాని కాబోదు భవితలో కనుట నిజము
అసహజములే,సహజములై యవతరించ
గంగాప్రసాద్ గారూ,
తొలగించండిమీ పూరణ బాగున్నది. అభినందనలు.
రిప్లయితొలగించండిపిన్నలు ఫీల్డు ట్రిప్పునకు వెళ్ళిరి చూడగ మిల్కు ఫాక్టరిన్
వన్నియ గాన నాబసిని వర్ణపు భాండములందు పాలు,నో
తిన్నడు త్రిప్ప గొట్టమును తీరుగ పారగ క్షీరమున్!భలే!
చన్నులు లేని యావులు బ్రసన్నతఁ బాల నొసంగె బానెడున్!
ಜಿಲೇಬಿ
జిలేబి గారూ,
తొలగించండిమీ పూరణ బాగున్నది. అభినందనలు.
మూగ వాడు పలుకును,సమ్మో
రిప్లయితొలగించండిహనముగ
కనులు లేనివాడు జగతి కాంచ గలడు,
చెమిటి వానికి పనిజేయు చెవులు రెండు
సంతు కలుగును స్త్రీలకు సరస గతిని
ఏసు పూజలు జేసిన ఇన్ని కలుగు
నమ్మవలయును మీరెల్ల నాదు మాట
చనులు లేని యావులు పాలు జాల నొసగె
నిన్న యొకచోట, పెట్టెను నిన్న కోడి
పుంజు నొక్కటి గుడ్లను సంజె వేళ
జరుగు నెన్నియో వింతలు తిరగు లేక
నమ్మి పూజించ ఏసును నెమ్మి కలుగు
ననుచు నొకడు తెలుపుచుండె ఘనత తోడ
తొలగించండిమీరూ కొత్త తీర్థం పుచ్చేసుకున్నారూ :)
జిలేబి
కృష్ణ సూర్యకుమార్ గారూ,
తొలగించండిమీ పూరణ బాగున్నది. అభినందనలు.
'నిన్న నొకచోట...' అనండి.
ఏసు పాదము (ఏ సుపాదము)ను మ్రొక్కిన తప్పేమీ వా సుదేవుడైనను ఏ సుదేవుడైనను తప్పేమీ లేదు గా
తొలగించండి
తొలగించండి:)
జిలేబి
కనులు లేని కాంతామణి గాన లేదు
రిప్లయితొలగించండిమహిషములనుచేపి దలచె మదిన భళిర
చనులు లేని యావులు పాలఁ జాల నొసఁగె
రుచిని దెలియని భర్త జుర్రుకొనె వెర్రి
బాలకృష్ణ గారూ,
తొలగించండిమీ పూరణ బాగున్నది. అభినందనలు.
డా. పిట్టా సత్యనారాయణ
రిప్లయితొలగించండిపన్నుల నెన్ని వేసిన సెబాసను వారలె,బొక్కసంబున
న్నెన్నగ లేని ద్రవ్యముల నీడ్చియు నప్పుల సంఖ్య బెంచ ముం
దున్న ప్రణాళికల్ బహుగ నోపును నేతల జేబు నింపగా
చన్నులు లేని యావులు బ్రసన్నత బాల నొసంగె బానెడున్
డా. పిట్టా సత్యనారాయణ
రిప్లయితొలగించండివన్నెల పూర్ణపున్ బొదుగు వాసిని గానకె సేతపాలవే
పన్నుగ "మేలు మేల"నుచు పద్యపు సేద్యము మాని "ప్లాస్టికౌ"
సన్నని బియ్యమున్ గొనుచు సాగెను "మా వచనమ్మ"టన్న నా
చన్నులు లేని యావులు బ్రసన్నత బాల నొసంగె బానెడున్
డా. పిట్టా వారూ,
తొలగించండిమీ రెండు పూరణలు బాగున్నవి. అభినందనలు.
క్రొవ్విడి వెంకట రాజారావు:
రిప్లయితొలగించండికృతక రసన మిళితమగు పృశ్ని తోడ
ప్రభుత కన్నులు గప్పుచు పరుల కంత
మోస మొనరించు తీరుల మ్రుచ్చు లకట
చనులు లేని యావులు పాల జాల నొసగె
రాజారావు గారూ,
తొలగించండిమీ పూరణ బాగున్నది. అభినందనలు.
చన్నులు లేని యావులు బ్రసన్నత బాల నొసంగె బానెడున్
రిప్లయితొలగించండికన్నులు లేని యంధులు బ్రకాశము గొప్పగ గాంచె వేడ్కతో
మిన్నుల నూతనంబుగ సమీరము వీచెను నేడదే యహో
వెన్నల దొంగమా హరియె వేగమె రాగను మమ్ముగావగన్
బాలకృష్ణ గారూ,
తొలగించండిమీ పూరణ బాగున్నది. అభినందనలు.
క్రొవ్విడి వెంకట రాజారావు:
రిప్లయితొలగించండివన్నువ లేని చందమున పాలకు లల్లన మోసగించుచు
న్నెన్నిక జేసినట్టివగు నీచ రసాయన మిశ్రమమ్ముతో
చన్నులు లేని యావులు బ్రసన్నత బాల నొసంగ బానెడు
న్నన్నటులన్ రసోత్తమము లాయిత జేయుచు నుంటిరే గదా!?
రాజారావు గారూ,
తొలగించండిమీ పూరణ బాగున్నది. అభినందనలు.
ఉచిత ముచిత మంచు సర్వముచిత మంచు
రిప్లయితొలగించండిజనుల యోట్లుబొంద దలచి స్వర్గ మికను
చూపెదరరచేత గాదె చోద్యమేమి
చనులు లేని యావులు పాలఁ జాల నొసఁగె
విరించి గారూ,
తొలగించండిమీ పూరణ బాగున్నది. అభినందనలు.
కవనమెరుగని వారలే కవులు గాగ
రిప్లయితొలగించండిగాన మెరుగని ఖరములే ఘనులు గాగ
నోరు లేనట్టి కూనలే యారు నేల
చనులు లేని యావులు పాలఁ జాల నొసఁగె
కృష్ణారావు గారూ,
తొలగించండిమీ పూరణ బాగున్నది. అభినందనలు.
జన్యు లోపంబు నుదయించె జాలమందు
రిప్లయితొలగించండిచనులు లేని యావులు; పాలు చాల యొసగె
పూర్ణకుంభము వోలెను పొదుగు గల్గి
దూడ నేసిన ధేనువు తోషమంది!
సీతాదేవి గారూ,
తొలగించండివిరుపుతో మీ పూరణ బాగున్నది. అభినందనలు.
'జన్యులోపాన నుదయించె' అనండి.
ధన్యవాదములు గురుదేవా!సవరించెదను!
తొలగించండిఎంతవెదికినగనబడవెచటకూడ
రిప్లయితొలగించండిచనులులేనియావులు,పాలజాలనొసగె
తెలకపిండినిబెట్టుటవలననిన్న
పౌష్టికాహారమీయగబాలుపెరుగు
సుబ్బారావు గారూ,
తొలగించండిమీ పూరణ బాగున్నది. అభినందనలు.
నిన్నటి పూరణ:
రిప్లయితొలగించండిఉల్ల మలరగ భావించి నల్లనయ్య
తెల్లనౌ సుమముల మాల దీర్చి గొల్చి
కడవ బెట్టి నిర్మాల్యము కనుల కద్ది
నల్లగా నున్న మల్లెల నాతి దాల్చె
సీతాదేవి గారూ,
తొలగించండిమీ పూరణ బాగున్నది. అభినందనలు.
ఆటవిడుపు సరదా పూరణ:
రిప్లయితొలగించండి(జిలేబి గారికి అంకితం)
వచ్చె వచ్చె నెన్నికలు:👇
కన్నుల పంట పండగను కానగ రాని కరెంటు కోతలో
పన్నుగ హైద్రబాదునను భళ్ళున పారెడి మెట్రొరైలుతో
మిన్నగ చంద్రశేఖరుని మీసము లెత్తిన భాగ్యనగ్రిలో
చన్నులు లేని యావులు బ్రసన్నతఁ బాల నొసంగె బానెడున్
(మీసములు, చన్నులు, ఊహ్యములే)
ప్రభాకర శాస్త్రి గారూ,
తొలగించండిమీ సరదా పూరణ బాగున్నది. అభినందనలు.
మన్నుననెచ్చటన్నరయమచ్చుకనైననుగానరావుగా
రిప్లయితొలగించండిచన్నులులేనియావులు,బ్రసన్నతబాలనొసంగెబానెడున్ నన్నువజెంగలిన్దినుచునాయతరీతినిదూడచేపగా
గ్రన్ననజేపుచున్మిగులకమ్మనిబాలనునిచ్చునున్సుమీ
సుబ్బారావు గారూ,
తొలగించండిమీ పూరణ బాగున్నది. అభినందనలు.
ఎన్నగ భక్తిలేక, దినమేవిధి పట్టెడు కూడునొందనై
రిప్లయితొలగించండిఅన్నము వండకుంట గృహ మందున కార్తిక సోమవారమున్
దన్నుగ బట్టనొక్క కవిదంతి రసాత్మకశైవకావ్యముల్
చన్నులు లేని యావులు బ్రసన్నతఁ బాల నొసంగె బానెడున్
రామకృష్ణ గారూ,
తొలగించండిమీ పూరణ బాగున్నది. అభినందనలు.
మోఱ యెత్తి యెలుఁగు లిడ మీఱి యంత
రిప్లయితొలగించండినావులకుఁ బగ్గములఁ జేయ వే వదులుగ
రాటఁ గట్టిన యా మెడ త్రాళ్ళవ పలు
చ నులు లేని యావులు పాలఁ జాల నొసఁగె
[నులు = మెలిక]
చెన్నుగ భూతలమ్మునను జీవ నికాయము గీత నాదముల్
కన్నులు మూసి కొంచు వినుఁ గమ్మగఁ బాలిడ మాను నం చనం
బన్నుగ నెంచ నీ వపుడు పాటల నాపి తొలంగ గట్టు నం
చన్నులు లేని యావులు బ్రసన్నతఁ బాల నొసంగె బానెడున్
[అంచు +అన్ను; అన్ను = పారవశ్యము; సంగీతపుఁ బారవశ్యములో పాలు చేపుట మఱచు నన్న భావము ]
కామేశ్వర రావు గారూ,
తొలగించండిమీ రెండు పూరణలు అద్భుతంగా ఉన్నవి. అభినందనలు.
పూజ్యులు శంకరయ్య గారికి నమః పూర్వక ధన్యవాదములు.
తొలగించండివెన్నెల వేళ నానిశిని వెన్నలచోరుడు వేణువూదగా
రిప్లయితొలగించండిమిన్నుల నంటగా ముదము మేనున బుల్కలురేగగా దమిన్
కన్నుల నీరుగార్చుచును గాంచుచు నాతని మోరలెత్తుచున్
చన్నులు లేని యావులు బ్రసన్నత బాల నొసంగె బానెడున్
చన్నుల లేని యావులు= లేగ దూడలు
సీతాదేవి గారూ,
తొలగించండిమీ పూరణ బాగున్నది. అభినందనలు.
ధన్యవాదములు గురుదేవా! నమస్సులు!
తొలగించండిగు రు మూ ర్తి ఆ చా రి
రిప్లయితొలగించండి,,,,,,,,,,,,,,,,,,,,,,,,, ,,,,,,,,,,,,,,,
కృ ష్ణ లీ ల :--
మొన్నటి చిన్నవాడు గద ! భూధరముం గొనగోట నిల్పె | తా
కన్నులు గప్పి దొంగ యనగా బ్రతి గేహము జొచ్చు పాలకై |
పన్నుగ సైగ తోడ దధిపాత్రల శిక్యము నుండి దించు | నా
యన్నులమిన్న లెల్ల కడు నబ్బుర మందగ వట్టి పడ్డ యా
చన్నులు లేని యావులు బ్రసన్నతఁ బాల నొసంగె బానెడున్
{ శిక్యము = ఉట్టి ; వట్టిపడ్డ = వట్టి పోయిన }
~~~~~~~~~~~~~~~~~~~~~~~~~~~~~~~~~~~~~~~~~
గురుమూర్తి గారూ,
తొలగించండిఅద్భుతంగా, మనోజ్ఞంగా ఉన్నది మీ పూరణ. అభినందనలు.
ప ద న మ స్కృ తు లు గు రు దే వా ! ధ న్య వా ద ము లు
తొలగించండిమిన్నగ సేవజేసెదను మీ పద ధూళినటంచు జెప్పి తా
రిప్లయితొలగించండిమెన్నికఁ గెల్వనెంచి యిల హీనుల మాటలు విన్నచాలదే
కన్నులు లేనివాడు కన గల్గును గాదె సమస్త లోకమున్
చన్నులు లేని యావులు బ్రసన్నతఁ బాల నొసంగె బానెడున్
మాయలెన్నొ తా చూపంగ మాధవుండు
రిప్లయితొలగించండిమరులు గొనగ వ్రేపల్లెలో మగువలెల్ల
వెన్నదొంగ వేణు రవము వినుచు నచట
చనులు లేని యావులు పాలు జాల నొసగె.