3-12-2022 (శనివారం)కవిమిత్రులారా,ఈరోజు పూరింపవలసిన సమస్య ఇది...“మునిఁగినవాఁడు మూర్ఖుఁడగు మోక్షము దక్కున గౌతమీ నదిన్”(లేదా...)“మునుఁగ గౌతమిలో నెట్లు మోక్షమబ్బు”
అక్రమార్జన యందు దా నాశ పడుచుపెక్కు దురిత మ్ము లన్ జేసి విఱ్ఱ వీగుమూర్ఖుడు కపట భక్తి తో మోజు తోడమునుగ గౌతమిలో నెట్లు మోక్ష మబ్బు?
మీ పూరణ బాగున్నది. అభినందనలు.
తేటగీతిపరుల పీడించు వైనమ్ము వంటబట్టిదోచు బుద్ధిఁ గలిగి నిద్రలేచుమొదలుపుష్కరమ్మున కొకమారు పుణ్యమనుచుమునుఁగ గౌతమిలో నెట్లు మోక్షమబ్బు?చంపకమాలఅనయము తోడివారలకు హానిఁ దలంచెడు స్వార్థబుద్ధితోమొనకొని దోచినన్యులను మోదమునందెడు హీనచిత్తమైతనరుచు పుష్కరమ్మనఁగఁ దానట పుణ్యము నందగోరుచున్మునిఁగినవాఁడు మూర్ఖుఁడగు మోక్షము దక్కున గౌతమీ నదిన్?
మీ రెండు పూరణలు ప్రశస్తంగా ఉన్నవి. అభినందనలు.
🙏ధన్యోస్మి గురుదేవా! 🙏వాట్సప్ సూచనలమేరకు సవరించిన పూరణలు:తేటగీతిపరుల పీడించు నైజమ్ము వడసి మిగులదోచు బుద్ధిఁ గలిగి నిద్రలేచుమొదలుపుష్కరమ్మున కొకమారు పుణ్యమనుచుమునుఁగ గౌతమిలో నెట్లు మోక్షమబ్బు?చంపకమాలఅనయము తోడివారలకు హానిఁ దలంచెడు స్వార్థబుద్ధితోమొనకొని దోచి యన్యులను మోదమునందెడు హీనచిత్తమైతనరుచు పుష్కరమ్మనఁగఁ దానట పుణ్యము నందగోరుచున్మునిఁగినవాఁడు మూర్ఖుఁడగు మోక్షము దక్కున గౌతమీ నదిన్?
చం.అనువున పాలకుల్ పురమునందలి చెత్తను త్రాగునీటిలోచనువుగ బంపగన్ మురికి జార నశుద్ధత కాల్వలందునన్పునుకలు మైలవస్త్రములు పుల్లలు, మూర్ధజపూర్ణమౌ తటిన్*మునిఁగినవాఁడు మూర్ఖుఁడగు మోక్షము దక్కున గౌతమీ నదిన్ !*
మీ పూరణ ప్రశస్తంగా ఉన్నది. అభినందనలు.
చేపలను పట్టి యమ్ముచున్ జీవనమ్ముగడుపు గంగపుత్రుడువాడు కటికపేదబ్రతుకు తెరువంచు దలచుచున్ బ్రతి దినమ్ముమునుఁగ గౌతమిలో నెట్లు మోక్షమబ్బు?
మంచి పూరణ. అభినందనలు.
ధనమును పొందనెంచుచు నధర్మపథమ్ముఁ జరించువాడు దూషణముల దప్ప యెన్నడును సత్కృతులన్న నెఱుంగనట్టి పాంసనుడు విహారమందు సరసమ్ముల నాడుచు దేవదాసితో మునిఁగిన వాఁడు మూర్ఖుఁడగు, మోక్షము దక్కున గౌతమీ నదిన్?
ఆటవెలదిరామ!రామ! రామ!రామా!యటంచునుభక్తితోడఁగాంచ భద్రగిరిని కలుగు ముక్తి"మునుగ గౌతమిలో; నెట్లు మోక్షమబ్బు"ను దృఢదీక్షలేక?
చంపకమాల ఘన తమకంబునన్ దిగి,యఖాతమునందున నీదులాడుచున్*మునిగిన వాఁడు మూర్ఖుఁడగు మోక్షము దక్కున?గౌతమీనదిన్ *పనివడి చేసి స్నానములు భద్రగిరీంద్రునిపై వసించు రాముని,జనకాత్మజంగొలువ పుణ్యము మోక్షము కల్గుఁదప్పకన్.
పదవి కైప్రాకులాడెడి పాడు జబ్బునేత యై దండుకొనునవినీతి డబ్బుమంచి కరువైన నడవడి మనసు గబ్బుమునుఁగ గౌతమిలో నెట్లు మోక్షమబ్బు
తనరుచు పాపకార్యములఁ దక్కొని జన్మముకొక్కనాడిటన్గొనగొని పుణ్యమొందుటకు గొబ్బున మానస మందుకోరుచున్దనకిక దోషముల్తొలగి తప్పక ధన్యత నొంద నమ్ముచున్మునిఁగినవాఁడు మూర్ఖుఁడగు మోక్షము దక్కున గౌతమీ నదిన్
ధన్యవాదాలు గురూజీ 🙏
తాపము భరించలేకుండి తటినికేగిజలకమాడబోవగ గాలు జారినంతమునుఁగ గౌతమిలో , నెట్లు మోక్షమబ్బు !జీవితమునుండి పూర్తిగ స్వేచ్ఛదప్ప
తేటగీతి:అక్రమార్జన చేయుచు వక్రగతులపేదసాదల రక్తముఁబీల్చి సిరులుమూటగట్టుచు పాపమున్ మూటగట్టిమునుఁగ గౌతమిలో నెట్లు మోక్షమబ్బు
చంపకమాల:అనవరతంబు నాశ్రితుల నారడి వెట్టుచు నక్రమంబుగాధనమునుదోచి సంపదల దండిగ నార్జనచేసి పాప సంహననముఁగోరి యాత్రలకు నాదటఁ జూపుచు తీర్థమందునన్మునిఁగినవాఁడు మూర్ఖుఁడగు, మోక్షము దక్కున గౌతమీ నదిన్?
మనుజుల తనువులఁ గల చెమటలు నింక దుమ్ము నిత్యమ్ము నక్కటఁ గ్రమ్మ మలినములు సెలంగఁ గరం బబ్బు ముఱికి గాని మునుఁగ గౌతమిలో నెట్లు మోక్ష మబ్బు కనక విభూషణమ్ములను గైతవ వృత్తి నొసంగ నెన్నియున్ ఘన కలుషాత్ముఁ డెన్నఁడును గైటభ మర్దను గాంచ నేర్చునే మనమున భక్తి నిల్పకయె మానవ ఘాతకఁ డెన్ని మార్లునున్ మునిఁగిన వాఁడు మూర్ఖుఁ డగు మోక్షము దక్కున గౌతమీ నదిన్
పూజ్యులు శంకరయ్య గారికి నమః పూర్వక ధన్యవాదములు.
తేటగీతిపాపములనేకమొనరించి వచనము వినిమునుఁగ గౌతమిలో నెట్లు మోక్షమబ్బు?సతతము హరి నామ జపము సలిపిన కలిలోన దొరుకు కైవల్యము జ్ఞాని రీతి.ప్రబల వేంకట సుబ్రహ్మణ్య శాస్త్రిఉండవల్లి సెంటరు.
పాప కార్యము లెన్నియో వడయు చుండి మునుఁగ గౌతమిలో నెట్లు మోక్షమబ్బు మునుగ గౌతమి నేరికి ముక్తి రాదు దైవ సేవయే ముక్తిని నావహించు
మునిఁగినవాఁడు మూర్ఖుఁడగు మోక్షము దక్కున గౌతమీ నదిన్ వినఁదగు మాట చెప్పిరిట వేనకు వేలుగ మూల్య మేయిదిన్ గనుచును వేంక టేశ్వరుని గంటల మేరకు చేయ సేవనున్ వినుముర మోక్ష మబ్బునని వేదవి దుల్ పలు కంగ వింటివే
అక్రమార్జన యందు దా నాశ పడుచు
రిప్లయితొలగించండిపెక్కు దురిత మ్ము లన్ జేసి విఱ్ఱ వీగు
మూర్ఖుడు కపట భక్తి తో మోజు తోడ
మునుగ గౌతమిలో నెట్లు మోక్ష మబ్బు?
మీ పూరణ బాగున్నది. అభినందనలు.
తొలగించండితేటగీతి
రిప్లయితొలగించండిపరుల పీడించు వైనమ్ము వంటబట్టి
దోచు బుద్ధిఁ గలిగి నిద్రలేచుమొదలు
పుష్కరమ్మున కొకమారు పుణ్యమనుచు
మునుఁగ గౌతమిలో నెట్లు మోక్షమబ్బు?
చంపకమాల
అనయము తోడివారలకు హానిఁ దలంచెడు స్వార్థబుద్ధితో
మొనకొని దోచినన్యులను మోదమునందెడు హీనచిత్తమై
తనరుచు పుష్కరమ్మనఁగఁ దానట పుణ్యము నందగోరుచున్
మునిఁగినవాఁడు మూర్ఖుఁడగు మోక్షము దక్కున గౌతమీ నదిన్?
మీ రెండు పూరణలు ప్రశస్తంగా ఉన్నవి. అభినందనలు.
తొలగించండి🙏ధన్యోస్మి గురుదేవా! 🙏
తొలగించండివాట్సప్ సూచనలమేరకు సవరించిన పూరణలు:
తేటగీతి
పరుల పీడించు నైజమ్ము వడసి మిగుల
దోచు బుద్ధిఁ గలిగి నిద్రలేచుమొదలు
పుష్కరమ్మున కొకమారు పుణ్యమనుచు
మునుఁగ గౌతమిలో నెట్లు మోక్షమబ్బు?
చంపకమాల
అనయము తోడివారలకు హానిఁ దలంచెడు స్వార్థబుద్ధితో
మొనకొని దోచి యన్యులను మోదమునందెడు హీనచిత్తమై
తనరుచు పుష్కరమ్మనఁగఁ దానట పుణ్యము నందగోరుచున్
మునిఁగినవాఁడు మూర్ఖుఁడగు మోక్షము దక్కున గౌతమీ నదిన్?
చం.
రిప్లయితొలగించండిఅనువున పాలకుల్ పురమునందలి చెత్తను త్రాగునీటిలో
చనువుగ బంపగన్ మురికి జార నశుద్ధత కాల్వలందునన్
పునుకలు మైలవస్త్రములు పుల్లలు, మూర్ధజపూర్ణమౌ తటిన్
*మునిఁగినవాఁడు మూర్ఖుఁడగు మోక్షము దక్కున గౌతమీ నదిన్ !*
మీ పూరణ ప్రశస్తంగా ఉన్నది. అభినందనలు.
తొలగించండి
రిప్లయితొలగించండిచేపలను పట్టి యమ్ముచున్ జీవనమ్ము
గడుపు గంగపుత్రుడువాడు కటికపేద
బ్రతుకు తెరువంచు దలచుచున్ బ్రతి దినమ్ము
మునుఁగ గౌతమిలో నెట్లు మోక్షమబ్బు?
మంచి పూరణ. అభినందనలు.
తొలగించండి
రిప్లయితొలగించండిధనమును పొందనెంచుచు నధర్మపథమ్ముఁ జరించువాడు దూ
షణముల దప్ప యెన్నడును సత్కృతులన్న నెఱుంగనట్టి పాం
సనుడు విహారమందు సరసమ్ముల నాడుచు దేవదాసితో
మునిఁగిన వాఁడు మూర్ఖుఁడగు, మోక్షము దక్కున గౌతమీ నదిన్?
మీ పూరణ బాగున్నది. అభినందనలు.
తొలగించండిఆటవెలది
రిప్లయితొలగించండిరామ!రామ! రామ!రామా!యటంచును
భక్తితోడఁగాంచ భద్రగిరిని
కలుగు ముక్తి"మునుగ గౌతమిలో; నెట్లు
మోక్షమబ్బు"ను దృఢదీక్షలేక?
చంపకమాల
తొలగించండిఘన తమకంబునన్ దిగి,యఖాతమునందున నీదులాడుచున్
*మునిగిన వాఁడు మూర్ఖుఁడగు మోక్షము దక్కున?గౌతమీనదిన్ *
పనివడి చేసి స్నానములు భద్రగిరీంద్రునిపై వసించు రా
ముని,జనకాత్మజంగొలువ పుణ్యము మోక్షము కల్గుఁదప్పకన్.
మీ రెండు పూరణలు ప్రశస్తంగా ఉన్నవి. అభినందనలు.
తొలగించండిపదవి కైప్రాకులాడెడి పాడు జబ్బు
రిప్లయితొలగించండినేత యై దండుకొనునవినీతి డబ్బు
మంచి కరువైన నడవడి మనసు గబ్బు
మునుఁగ గౌతమిలో నెట్లు మోక్షమబ్బు
తనరుచు పాపకార్యములఁ దక్కొని జన్మముకొక్కనాడిటన్
తొలగించండిగొనగొని పుణ్యమొందుటకు గొబ్బున మానస మందుకోరుచున్
దనకిక దోషముల్తొలగి తప్పక ధన్యత నొంద నమ్ముచున్
మునిఁగినవాఁడు మూర్ఖుఁడగు మోక్షము దక్కున గౌతమీ నదిన్
మీ రెండు పూరణలు ప్రశస్తంగా ఉన్నవి. అభినందనలు.
తొలగించండిధన్యవాదాలు గురూజీ 🙏
తొలగించండితాపము భరించలేకుండి తటినికేగి
రిప్లయితొలగించండిజలకమాడబోవగ గాలు జారినంత
మునుఁగ గౌతమిలో , నెట్లు మోక్షమబ్బు !
జీవితమునుండి పూర్తిగ స్వేచ్ఛదప్ప
మీ పూరణ బాగున్నది. అభినందనలు.
తొలగించండితేటగీతి:
రిప్లయితొలగించండిఅక్రమార్జన చేయుచు వక్రగతుల
పేదసాదల రక్తముఁబీల్చి సిరులు
మూటగట్టుచు పాపమున్ మూటగట్టి
మునుఁగ గౌతమిలో నెట్లు మోక్షమబ్బు
మీ పూరణ బాగున్నది. అభినందనలు.
తొలగించండిచంపకమాల:
రిప్లయితొలగించండిఅనవరతంబు నాశ్రితుల నారడి వెట్టుచు నక్రమంబుగా
ధనమునుదోచి సంపదల దండిగ నార్జనచేసి పాప సం
హననముఁగోరి యాత్రలకు నాదటఁ జూపుచు తీర్థమందునన్
మునిఁగినవాఁడు మూర్ఖుఁడగు, మోక్షము దక్కున గౌతమీ నదిన్?
మీ పూరణ బాగున్నది. అభినందనలు.
తొలగించండిమనుజుల తనువులఁ గల చెమటలు నింక
రిప్లయితొలగించండిదుమ్ము నిత్యమ్ము నక్కటఁ గ్రమ్మ మలిన
ములు సెలంగఁ గరం బబ్బు ముఱికి గాని
మునుఁగ గౌతమిలో నెట్లు మోక్ష మబ్బు
కనక విభూషణమ్ములను గైతవ వృత్తి నొసంగ నెన్నియున్
ఘన కలుషాత్ముఁ డెన్నఁడును గైటభ మర్దను గాంచ నేర్చునే
మనమున భక్తి నిల్పకయె మానవ ఘాతకఁ డెన్ని మార్లునున్
మునిఁగిన వాఁడు మూర్ఖుఁ డగు మోక్షము దక్కున గౌతమీ నదిన్
మీ రెండు పూరణలు ప్రశస్తంగా ఉన్నవి. అభినందనలు.
తొలగించండిపూజ్యులు శంకరయ్య గారికి నమః పూర్వక ధన్యవాదములు.
తొలగించండితేటగీతి
రిప్లయితొలగించండిపాపములనేకమొనరించి వచనము విని
మునుఁగ గౌతమిలో నెట్లు మోక్షమబ్బు?
సతతము హరి నామ జపము సలిపిన కలి
లోన దొరుకు కైవల్యము జ్ఞాని రీతి.
ప్రబల వేంకట సుబ్రహ్మణ్య శాస్త్రి
ఉండవల్లి సెంటరు.
మీ పూరణ బాగున్నది. అభినందనలు.
తొలగించండిపాప కార్యము లెన్నియో వడయు చుండి
రిప్లయితొలగించండిమునుఁగ గౌతమిలో నెట్లు మోక్షమబ్బు
మునుగ గౌతమి నేరికి ముక్తి రాదు
దైవ సేవయే ముక్తిని నావహించు
మునిఁగినవాఁడు మూర్ఖుఁడగు మోక్షము దక్కున గౌతమీ నదిన్
రిప్లయితొలగించండివినఁదగు మాట చెప్పిరిట వేనకు వేలుగ మూల్య మేయిదిన్
గనుచును వేంక టేశ్వరుని గంటల మేరకు చేయ సేవనున్
వినుముర మోక్ష మబ్బునని వేదవి దుల్ పలు కంగ వింటివే